19th Apr 2018 DMC Central Karachi Press Release

19th Apr 2018 DMC Central Karachi Press Release

نیوکراچی کے عوام پانی کے حصول کے لئے پریشان ہیں لیکن کراچی واٹر بورڈ میں حکومتِ سندھ کے مقرر کردہ بااختیار افراد کراچی کے عوام کو پانی کی بوند بوند کے لئے ترسارہے ہیں ۔یہ عمل اُن کے متعصبانہ رویّہ کا آئینہ دارہے ، اِن خیالات کا اظہار چیئرمین بلدیہ وسطی ریحان ہاشمی نے نیوکراچی زون میں بلدیہ وسطی کے خرچہ پر پانی کی پائپ لائن بچھائے جانے کے دوران علاقہ مکینوں سے گفتگو کرتے ہوئے کیا۔انہوں نے مزیدکہاکہ ہم عوام کے منتخب کردہ نمائندے ہیں اور ایسے پریشان کُن حالات میں اپنے عوام کو بے یار ومددگار نہیں چھوڑ سکتے۔ حکومتِ سندھ کی پروردہ کراچی واٹر اینڈ سیوریج بورڈ کی انتظامیہ کراچی کے عوام کے ساتھ تعصب اور دشمنی برت رہی ہے ۔دوسری جانب پانی کی مخدوش پائپ لائنوں سے ہزاروں گیلن پانی روز�آنہ ضائع ہورہا ہے مگر واٹر بورڈ کے اربابِ اختیار خوابِ غفلت کی نیند سورہے ہیں جبکہ عوام پانی کی ایک ایک بوند کے لئے پریشان ہیں۔ تاہم بلدیہ وسطی عوام کی مشکلات دور کرنے کے لئے اپنے محدود ومالی ذرائع سے فنڈز استعمال کرتے ہوئے نیوکراچی زون میں یوپی موڑ(یوسی پانچ )سے نورانی محلہ (یوسی ۱۴؍) ۴۲۰۰؍ روڈ پر تقریباً۳۵۰۰؍رننگ فٹ ۱۰؍ انچ قُطر کی پی ۔ ای ۔ پائپ لائن بچھارہی ہے۔ اس سے نورانی محلہ کے عوام کو پینے کا پانی میسر آسکے گا۔ واضح رہے کہ نورانی محلہ نیوکراچی زون کی بہت پرانی آبادی ہے جہاں لاکھوں کی تعداد میں افراد رہائش پذیر ہیں۔ پینے کے پانی کی قلّت اس علاقے کا دیرینہ مسئلہ ہے جس کی ذمہ دار واٹر بورڈ کی متعصب انتظامیہ ہے جو کراچی کے عوام کو دانستہ طور پر پانی کی قلت کا شکار کررہی ہے ۔اگرچہ یہ محکمہ کراچی کی شہری حکومت کے ماتحت تھا لیکن حکومتِ سندھ نے شہری حکومت سے کراچی واٹر اینڈ سیوریج بورڈ کا محکمہ چھین لیاتاکہ کراچی کے عوام کو اپنی متعصبانہ دشمنی کا نشانہ بناسکیں۔ اب بلدیہ وسطی اپنے وسائل کی چادر میں ضرورت کے مطابق پاؤں پھیلاتے ہوئے مذکورہ بالا مقام پر پانی کی پائپ لائن بچھارہی ہے ۔

19th Apr 2018 DMC Central Karachi Press Release

18th Apr 2018 DMC Central Karachi Press Release

18th Apr 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے ماہ شعبان کی ابتداء پر بلدیہ وسطی کے سینی ٹیشن ڈپارٹمنٹ اور محکمہ پارک کو ہدایت دی کہ ماہ شعبان کے دوران شبِ برات سے قبل تمام قبرستانوں کے اطراف صفائی ستھرائی کے ساتھ ساتھ قبرستانوں میں قائم جھاڑیوں کی چھٹائی کا کام فوری طور پر شروع کیا جائے تاکہ شب برات کے موقع پر زائرین کو کسی قسم کی پریشانی کا سامنا نہ کرنا پڑے ۔چیئرمین بلدیہ وسطی ریحان ہاشمی ضلع وسطی کے مختلف علاقوں جن میں نارتھ ناظم آباد ،سخی حسن ، نیو کراچی ،نارتھ کراچی انڈا موڑ ،میں صفائی ستھرائی اور دیگر ترقیاتی کاموں کا معائنہ کررہے تھے اس موقع پر ان کے ہمراہ یوسی چیئرمینز و وائس چیئرمینز و دیگر بلدیاتی افسران بھی موجود تھے ۔اس موقع پر چیئرمین نے علاقہ مکینوں سے گفتگو کرتے ہوئے کہا کہ بلدیہ وسطی اپنے محدود فنڈ میں رہتے ہوئے ضلع وسطی کے عوام کو بنیادی بلدیاتی سہولتیں فراہم کرنے کے لئے دن رات کوشاں ہے ۔انہوں نے مزید کہا کہ ہم عوام سے کئے گئے اپنے تمام وعدوں کو پورا کریں گے انہوں نے کہ عوام کے تعاون سے ضلع وسطی کو ماڈل ضلع بنانے میں کامیابی حاصل کریں گے اس موقع پر انہوں نے محکمہ باغات و سینی ٹیشن کے افسران کو ہدایت کی کہ قبرستان جانے والے تمام راستوں پر صفائی میں تیزی لائی جائے صفائی ستھرائی کے معاملات کو مزید بہتر کیا جائے ، تاکہ قبرستان آنے والے زائرین کو کسی قسم کی پریشانی کا سامنا نہ کرنا پڑے ۔ واضح رہے کہ ماہ شعبان میں مسلمانوں کی بڑی تعداد اپنے مرحوم عزیز و اقارب کی قبروں پر فاتح خوانی کے لئے جاتے ہیں جبکہ شب برات کے موقع پر ساری رات قبرستان جانے والوں کا تانتا بندھا رہتا ہے اس امر کو مدِ نظر رکھتے ہوئے چیئرمین بلدیہ وسطی ریحان ہاشمی نے سینی ٹیشن ڈپارٹمنٹ کو ماہ شعبان کے دوران صفائی ستھرائی کے نظام کو مزید بہتر کرنے کی ہدایت کی ہے ۔ 

18th Apr 2018 DMC Central Karachi Press Release

17th Apr 2018 DMC Central Karachi Press Release

17th Apr 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا ہے کہ عوام کو ریلیف دینے کے لئے بلدیاتی نمائندے ہر ممکن اقدامات کر رہے ہیں ضلع وسطی کے مختلف علاقوں کے مسائل حل کرنے میں فنڈز کی کمی کا سامنا ہے لیکن اس کے باوجود ضلع وسطی کے ہر علاقے میں ترقیاتی کام کروا رہے ہیں جو گزشتہ 10 برسوں سے تعطل کا شکار تھے انہوں نے مزید کہا کہ حق پرست اراکین کونسل بلدیہ وسطی نے سیاسی مقاصد سے بالا تر ہوکر عوام کی خدمت کا عزم کر رکھا ہے جسے پورا کرنے کے لئے جامع حکمت عملی کے تحت مختلف علاقوں میں ترقیاتی کام مکمل ہوچکے جبکہ بیشتر علاقوں میں ترقیاتی کام جاری ہیں ، ریحان ہاشمی نے کہا کہ بلدیاتی قیادت خالصتا عوامی خدمت کے جذبے سے سرشار ہیں اور عوام کی خدمت کو ہی اپنا شعار بنارکھا ہے انہوں نے بلدیاتی نمائندوں کی عوامی خدمات کو سراہتے ہوئے کہا کہ کم وسائل میں رہتے ہوئے عوامی نمائندے جس طرح عوام کی خدمت کر رہے ہیں وہ قابل تحسین ہے ریحان ہاشمی نے منتخب بلدیاتی نمائندوں سے اپیل کی کہ وہ وہ عوام کے درمیان رہے کر عوامی آرا کی روشنی میں اپنی خدمات انجام دیں کیونکہ عوام کا تعاون ہی بلدیہ وسطی کی کامیابی کی ضمانت ہے۔ ریحان ہاشمی نے کہا کہ سالیڈ ویسٹ مینجمنٹ بورڈ اور واٹر اینڈ سیوریج بورڈ سے متعلق مسائل حکومت سندھ حل کرے گی کیونکہ یہ ادارے انہیں کے پاس ہیں اور شہریوں کو سب سے زیادہ شکایات بھی انہی اداروں سے ہیں، ان خیالا ت کا اظہار انہوں نے نارتھ ناظم آباد زون میں بلدیہ وسطی کے اراکین کونسل اور بلدیاتی افسران کے اجلاس سے خطاب کرتے ہوئے کیا اچیئرمین ریحان ہاشمی نے کہا کہ بلدیہ وسطی اپنے محدود وسائل کے باوجود اپنی عوام کے مسائل کے حل کے لئے عملی جہد دجہد کر رہی ہے انہوں نے کہا کہ ضلع وسطی میں زیادہ تر مسائل سیوریج کے ہے جن کو حل کرنا وا ٹر اینڈ سیوریج بورڈ کی ذمہ داری ہے جو کہ اپنی ذمہ داری نبھانے میں ناکام دکھائی دیتا ہے انہوں نے کہا کہ بلدیہ وسطی واٹر اینڈ سیوریج بورڈ کی ذمہ داری بھی ادا کر رہی ہے اور اپنے عوام کو سیوریج کے مسائل سے نجات دلانے کے لئیے نہ صرف سیوریج لائنوں کی صفائی اور مرمت کروارہی ہے بلکہ کئی علاقوں میں نئی واٹر اور سیوریج لائنوں کی تنصیب بھی کراچکی ہے اس موقع پر انہوں بلدیہ وسطی کے افسران کو ہدایت کی کہ وہ بلدیاتی نمائندوں کے ساتھ بھرپور تعاون کریں واضح رہے کہ بلدیہ وسطی ضلع وسطی میں کئی مقامات پر اپنے محدود بجٹ میں رہتے ہوئے فراہمی آب اور نکاسی آب کے مسائل کے حل کے لئے واٹر اینڈ سیوریج کی لائنوں کی تنصیب کے منصوبے مکمل کرواچکی ہے ۔ 

17th Apr 2018 DMC Central Karachi Press Release

16th Apr 2018 DMC Central Karachi Press Release

16th Apr 2018 DMC Central Karachi Press Release

کراچی ( )چیئرمین ضلع وسطی ریحان ہاشمی نے کہا ہے کہ ضلع وسطی کی ایک ایک گلی کوچہ کو آئینے کی طرح صاف و شفاف بنانے کا عزم رکھتے ہیں انہوں نے کہا کہ وسائل کی کمی عوام کی خدمت میں حائل نہیں ہونگے وہ ضلع وسطی کراچی نیو کراچی زون میں جاری صفائی کے کام کے معائنے کے موقع پر علاقہ مکینوں سے گفتگو کررہے تھے۔ اس موقع پر میونسپل کمشنر بلدیہ وسطی آفا ق سعید ،ڈائریکٹر سینی ٹیشن ندیم حیدر،XENنیو کراچی نازش رضا ء اور دیگر متعلقہ افسران بھی موجو د تھے انہوں نے کہا کہ عوام کی امیدوں کا واحد محور حق پرست بلدیاتی نمائندے ہی جو عوام کے درمیان رھتے ہوئے عوامی مسائل کو بخوبی جانتے ہیں اور انھیں حل کرنے کے لئے شب و روز کوشاں رہتے ہیں انہوں نے کہا کہ کراچی ہمارا شہر ہی نہیں ہمارا گھر ہے اسے صاف اور شفاف بنانا ہماری ااوّلین ترجیح ہے۔شہری حکومت اور کراچی کے عوام کے اصل نمائندے تو کراچی کو بہترین طور پر صاف و شفاف بنانا چاہتے ہیں لیکن کراچی کے عوام کے مسائل سے بے خبر حکومتِ سندھ کراچی کی شہری حکومت کے اختیارات چھین کر بہتر کارکردگی کی توقع کررہی ہے جو اُس کی کراچی دشمنی کی واضح مثال ہے۔۔ انہوں نے کہا کہ حکومت سندھ کی بے توجہی اور فنڈز کی کمی کے باوجود نامساعد حالات میں بہترین منصوبہ بندی کے تحت بلدیاتی معاملات چلارہے ہیں۔واضح رہے کہ کراچی میں برسوں سے صفائی اور بلدیاتی خدمات کے معاملات صرف حکومتِ سندھ کی جانب سے شہری حکومت کے فنڈز میں کمی کرنے کی وجہ سے مشکلات کا شکار ہیں ۔تاہم یہ بات ذہن میں رہنی چاہئے کہ عوامی نمائندے عوام کی خدمت کرنے کے لئے ہمہ وقت تیار ہیں اور چاہتے ہیں کہ کراچی کے عوام کو بہتر سے بہتر بلدیاتی سہولیات مہیاکریں، اور کراچی کو دنیا کا شفاف ترین شہر بنادیں یہی وجہ ہے کہ ریحان ہاشمی ضلع وسطی کو کراچی کا سب سے زیادہ شفاف ترین ضلع بناناچاہتے ہیں۔وہ شب و روز اِس تگ و دو میں مصروف ہیں کہ کس طرح اپنے ضلع کے ہر زون و یوسی کو اپنی اپنی سطح پر صفائی کا بہتر نمونہ بنادیں۔ 

16th Apr 2018 DMC Central Karachi Press Release

14th Apr 2018 DMC Central Karachi Press Release

14th Apr 2018 DMC Central Karachi Press Release

کراچی ( ) سری لنکا کے وفاقی وزیرِ بلدیات رؤف عبدالحکیم کی قیادت میں سری لنکن سیاسی و بلدیاتی نمائندوں کے وفد نے چئیرمین بلدیہ وسطی کراچی ریحان ہاشمی اور دیگر بلدیاتی افسران سے اُن کے دفتر میں ملاقات کی۔ ملاقات کا مقصد دونوں دوست ممالک میں بلدیاتی سہولیات اور خدمات کے طریقۂ کار سے آگاہی حاصل کرنا اوربلدیاتی خدمات میں بہتری لانے کے لئے ایک دوسرے کے تجربات سے فائدہ اُٹھانا تھا۔سری لنکن وفد کے دیگر ارکان میں سری لنکا کے وفاقی وزیر برائے بلدیات رؤف عبدالحکیم ، پوٹالم شہر کے مئیر کے۔ اے ۔بائز ، رکن قومی اسمبلی سلمان اوررکن صوبائی اسمبلی نعیم اللہ شامل تھے۔بلدیہ وسطی کی جانب سے چیئرمین ریحان ہاشمی کے علاوہ رکن قومی اسمبل شیخ صلاح الدین ، رکن صوبائی اسمبلی جمال احمد، بلدیہ وسطی کے اراکین کونسل ،اسٹنڈنگ کمیٹیز کے چیئرمینز و چیئر پرسن ،اور بلدیہ وسطی کے افسران بھی شریکِ گفتگو رہے۔ اس موقع پر پوٹالم شہر کے مئیر کے اے بائزنے اپنے دورے کی کامیاب قراردیتے ہوئے کہا کہ پاکستان میں جو محبت اور پذیرائی ملی اس کے لئے شکرگزارہیں ۔ دونوں ممالک کے درمیان ایک خصوصی بھائی چارے کی فض�أ قائم ہے اور بلدیاتی خدمات میں ایک دوسرے کے تجربات سے بہتری لائی جاسکتی ہے ۔ شہریوں کی خدمت بلدیاتی اداروں کی اوّلین ترجیح ہوتی ہے ہر شہر اپنی صفائی اور خوبصورتی سے بلدیاتی اداروں کی کارکردگی کی تصویر پیش کرتاہے۔ قبل ازیں چئیرمین بلدیہ وسطی ریحان ہاشمی نے وفدکے ارکان کا استقبال کرتے ہوئے کہا کہ سری لنکا ہمارا ایک اچھا دوست ہے ، انہوں نے کہا کہ کیونکہ سری لنکا میں خواندگی کا تناسب 90 فیصد سے زائد اور سری لنکا میں ہریالی بھی بہت ہے ہمیں سری لنکن سے تعلیمی اور شجرکاری کے شعبہ جات کے ساتھ ساتھ بلدیاتی خدمات میں انکے تجربات سے اپنے نظام کو بہتر کرنے میں مدد ملے گی اور ہمارے تجربات انکے لئے فائدہ مند ثابت ہوسکتے ہیں۔سری لنکن وفد کی چئیرمین بلدیہ وسطی محمد ریحان ہاشمی سے ڈینگی کنٹرول، ماحولیاتی ترقی، تعلیمی اور صنعتی ترقی سمیت مختلف امور پر تبادل خیال بھی کیا ۔ ریحان ہاشمی نے کرکٹ کے حوالے سے کہا کہ جب یورپی ممالک نے پاکستان میں کرکٹ کھیلنے سے انکارکیا تو سری لنکا کے حکومت نے ایک دلیرانہ اقدام کرکے اپنی کرکٹ ٹیم پاکستان بھیجی اور دوستی کا بر ملا اظہار کیا۔ بعد ازاں وفد کے ارکان نے بلدیہ وسطی کے دفتر کے لان میں لگنم اور گل مور کے پودے بھی لگائے جو اُن کے ناموں سے منسوب کئے گئے ۔ انو بھائی پارک ناظم آباد میں سری لنکا کے وفد نے بلدیہ وسطی کی کرکٹ ٹیم کے ساتھ محدود اوورز کا ایک نمائشی کرکٹ میچ بھی کھیلا ۔ جس میں سری لنکا کے وفد.کی ٹیم کو کامیابی حاصل ہوئی۔ تاہم میچ کو سینکڑوں کی تعداد میں بلدیہ وسطی کے عوام نے دیکھا اور ہر گیند اور اسٹروک پر تالیاں بجا کر داد دی۔سری لنکن وفد کی بلدیہ وسطی آمد کے موقع پر دونوں ملکوں کا قومی ترانہ بھی پڑھا گیا۔

14th Apr 2018 DMC Central Karachi Press Release