24th Apr 2018 DMC Central Karachi Press Release

24th Apr 2018 DMC Central Karachi Press Release

کراچی ( ) بلدیہ وسطی میں ترقیاتی کام تسلسل کے ساتھ جاری ہیں، عوامی کی فلاح بہبود کے منصوبوں کو مکمل کرنے کے لئے تمام دستیاب وسائل برؤے کار لائے جارہے ہیں ،ان خیالات کا اظہار چیئرمین بلدیہ وسطی ریحان ہاشمی نے یونین کونسل نمبر 41 بی ون ایریا لیاقت آباد سندھی پر تقریبا 18000 ہزار اسکوائر فِٹ مخدوش سڑک کی کارپیٹنگ کے کام کا معائنہ کرتے ہوئے کیا اس موقع پر یونین کونسل نمبر 41 کے چیئرمین معیزالدین،یونین کمیٹی نمبر 39 کے چیئرمین معراج وہاب بھی انکے ہمراہ تھے ریحان ہاشمی نے مزید کہا کہ سڑکوں کی پیوند کاری اور استر کاری سے قبل واٹر اینڈ سیورئج کی لائنیں بچھائی گئی تھیں جو کہ واٹر اینڈ سیوریج بورڈ کی ذمہ داری تھی مگر ہم اپنے لوگوں کو واٹر اینڈ سیوریج بورڈ کے رحم و کرم پر نہیں چھوڑ سکتے ۔ عوام پانی کی بوند بوند کو ترس رہے ہیں جبکہ بوسیدہ اور ناکارہ سیوریج لائنوں کی وجہ سے رہاشی علاقے گندے پانی کے جوہڑ دکھائی دے رہے تھے جبکہ سیوریج کے پانی کی وجہ سے سڑکیں تباہ حالی کا شکار تھیں ریحان ہاشمی نے کہا کہ فنڈز کی کمی کے باوجود اپنی عوام کو فراہمی آب اور نکاسی آب کے مسائل سے نجات دلانے کے لئے کروڑوں روپے کی لاگت سے واٹر انیڈ سیوریج کی لائنیں ڈالی گئیں اور اب سڑکوں کی تعمیر کے کام کروائے جارہے ہیں ۔مذکورہ سڑک کی تعمیرسے اردگرد کی رہائشی آبادی اور تجارتی مراکز سے تعلق رکھنے والے افراد کو آمد و رفت میں بہت فائدہ پہنچے گا جبکہ خریداروں کو بازارپہنچنے میں دشواری کا سامنا نہیں کرنا پڑے گا۔ تفصیلات کے مطابق بلدیہ وسطی کے چیئرمین ریحان ہاشمی نے اپنے عوام کو بلدیاتی سہولیات مہیاکرنے کے لئے کسی بھی قسم کی محتاجی کو رکاوٹ نہ بننے دینے کا ارادہ کرلیاہے اور وہ اب ایسے دیگر کام بھی بلدیہ وسطی کے اخراجات پر مکمل کررہے ہیں کہ جو اصل میں دیگر اداروں کی ذمہ داری ہے ۔ یہ بات بھی عیاں ہے کہ حکومتِ سندھ نے کراچی کی شہری حکومت اور بلدیاتی اداروں کے فنڈز میں خاصی کمی کردی ہے جس کی بنا پر ہر ضلع مالی پریشانی کاشکار ہے ۔تاہم ریحان ہاشمی نے طے کرلیا ہے کہ اب اپنے عوام کو کسی بھی پریشانی کا تادیر شکار نہیں رہنے دیں گے اور اپنے محدود وسائل کو اثر پذیر منصوبہ بندی کے ذریعے ایڈجسٹ کرکے اپنے اخراجات پر ایسے کام بھی مکمل کریں گے جن کی ذمہ داری دیگر اداروں پر ہے۔ جیسا کہ پانی اور سیوریج کی پائپ لائن بچھانا کراچی واٹر اینڈ سیوریج بورڈکی ذمہ داری ہے۔مزیدبرآں بلدیہ وسطی کے مختلف علاقوں سے ناجائز تجاوزات کے خاتمے کا عمل بھی جاری ہے۔

24th Apr 2018 DMC Central Karachi Press Release

23rd Apr 2018 DMC Central Karachi Press Release

23rd Apr 2018 DMC Central Karachi Press Release

کراچی ( ) ارتھ ڈے منانے کا مقصد زمین کو ماحولیاتی آلودگی سے بچانے کے حوالے سے عوام النّاس کو آگاہی فراہم کرنا ہے ان خیالات کا اظہار چئیرمین بلدیہ وسطی ریحان ہاشمی نے خاتون پاکستان اسکول فیڈرل بی ایریا میں ارتھ ڈے کے حوالے سے منعقدہ تقریب میں طلباء و طالبات سے خطاب کرتے ہوئے کیا انہوں نے طلبا سے کہا کہ ماحولیاتی آلودگی پاکستان کا ہی نہیں بلکہ عالمی مسئلہ بنا ہوا ہے جس کے تدارک کے لئے دنیاکے 198 ممالک مل کر کام کر رہے ہیں اور عالمی سطح پر کوششیں کی جارہی ہے کہ مسقبل میں آنے والی نئی نسل کو آلودگی سے پاک ماحول مہیا کیا جاسکے اس موقع پر انہوں نے کہا کہ بلدیہ وسطی کے اسکول کے طلبا کسی بھی طور کسی پرائیویٹ اسکول کے طلبا سے کم نہیں ہے انہوں نے کہا کہ ہمیں بھی اپنی آنی والی نسل کو آلودگی سے بچانے کے لئے باہمی کوششیں کرنا ہونگی۔ریحان ہاشمی نے بلدیاتی انتظامیہ کے تحت چلنے والے اسکولوں کے طلبا و طالبات کی ذہانت کی تعریف کرتے ہوئے کہا کہ ہمارے اسکولوں کے طلبا و طالبات مشہور انگریزی میڈیم اسکولوں کے بچوں سے ذہانت میں کسی طور کم نہیں۔اس موقع پر ارتھ ڈے کے حوالے سے منعقدہ تصویری مقابلے میں بچوں کی بنائی ہوئی تصاویر کی نمائش میں پیش کی گئی تصاویر کی تعریف کرتے ہوئے ریحان ہاشمی نے کہا ک ہمارے بچے بہترین مصور بننے کی صلاحیت رکھتے ہیں۔جبکہ تصاویر میں آلودگی سے آگاہی واضح طور پر نظر آرہی ہے۔جبکہ اِن بچوں کو علم ہے کہ آلودگی کے خلاف کن کن طریقوں سے جہاد کیا جاسکتاہے۔ واضح رہے کہ ریحان ہاشمی بلدیہ کے زیرانتظام چلنے والے اسکولوں کو ماڈل اسکول بنانے پر زوردے رہے ہیں ۔ اُن کی خواہش ہے کہ یہ بچے شہر کے بڑے بڑے اسکولوں کے بچوں کے سامنے فخر سے اپنی ذہانت کا مظاہر کریں اور ثابت کرسکیں کہ وہ کسی طور کسی سے کم نہیں۔ 

23rd Apr 2018 DMC Central Karachi Press Release

22nd Apr 2018 DMC Central Karachi Press Release

22nd Apr 2018 DMC Central Karachi Press Release

کراچی ( ) بلدیہ وسطی کے چیئرمین ریحان ہاشمی نے مالی وسائل نہ ہونے اور 2015 ء سے تاحال سندھ گورنمنٹ پر ایک ارب چھ کروڑ روپے واجب الادا رقم نہ ملنے کے باوجود بلدیہ وسطی کے ماتحت اسکولوں کے اساتزہ کو ٹائم اسکیل دینے کا اعلان کردیا جبکہ افسران و ملازمین کو 5 بقایاجات میں سے ایک کی ادائیگی کردی گئی۔ تفصیلات کے مطابق چیئرمین بلدیہ وسطی ریحان ہاشمی نے بلدیہ وسطی کے ماتحت اسکولوں کے اساتزہ کو ٹائم اسکیل دینے کا اعلان کردیا اس موقع پر انہوں نے کہا کہ تعلیم ترجیح ہے ،بلدیہ وسطی کے اسکولوں کے معیار کو پرائیویٹ اسکولوں کے معیار کے مطابق کرنے کی کوشش کر رہے ہیں انہوں نے کہا کہ عنقریب پرائیویٹ اسکولوں میں بھاری فیس ادا کرنے والے والدین اپنے بچوں کو بلدیہ وسطی کے اسکولوں میں داخلے کے خواہش مند ہونگے اور وہی ہماری کامیابی ہوگی انہوں نے کہا کہ اساتزہ حقیقی طور پر قوم کے معمار ہیں اگر اساتزہ نہ ہو تو نہ کوئی انجینئر ،نہ کوئی ڈاکٹر اور نہ کوئی وکیل بنے اساتزہ کی خدمات ہی کسی قوم کو باکردار بناتی ہے ہمارا فرض ہے کہ ہم اساتزہ کو نہ صرف اخلاقی احترام دیں بلکہ معاشی حالات بہتر کرنے کے لئے اچھا مشاہرہ بھی پیش کریں چیئرمین بلدیہ وسطی ریحان ہاشمی نے مزیدکہا کہ بلدیہ وسطی کی حق پرست قیادت نے اراکین کونسل کی منظوری کے بعد اساتزہ کو ٹائم اسکیل دینے کا فیصلہ کیا جس کے تحت ٹائم اسکیل کو تین حصوں میں تقسیم کیا جائیگا پہلے مرحلے میں وہ اساتزہ اس سے فائدہ اٹھا سکیں گے جو ایک سال میں ریٹائرڈ ہونے والے ہیں دوسرے مرحلہ جو 6 سے 8 ماہ بعد شروع ہوگا اس میں 10 سے12 سال میں ریٹائر ہونے والے اساتزہ شامل ہونگے جبکہ تیسرے مرحلے میں تمام اساتزہ کو ٹائم اسکیل دیا جائیگا واضح رہے کہ 2010 ء میں سندھ گورنمنٹ نے اساتزہ کو ٹائم اسکیل دینے کے اعلان کے بعد گزشتہ 8 سالوں میں کسی بھی ایڈمنسٹریٹر نے اساتزہ کو ٹائم اسکیل نہیں دیا لیکن بلدیہ وسطی کے چیئرمین ریحان ہاشمی کی حق پرست قیادت نے اساتزہ کے مسائل میں دلچسپی لیتے ہوئے کونسل میں قرار داد کی منظوری کے بعد بلدیہ وسطی کے ماتحت اسکولز کے اساتزہ کو ٹائم اسکیل دینے کا اعلان کردیا جبکہ افسران و ملازمین کے 5 بقایاجات میں سے ایک کی ادائیگی کردی گئی۔

22nd Apr 2018 DMC Central Karachi Press Release

21st Apr 2018 DMC Central Karachi Press Release

21st Apr 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے متعلقہ محکموں کے افسران کو ہدایت دیتے ہوئے کہا کہ شب برات سے قبل قبرستان اورروحانی محفل کے اجتمات کی جگاہوں پر بلدیاتی سہولیات کی فراہمی کو ہنگامی بنیادوں پر ممکن بنایا جائے ۔وہ ضلع وسطی کے مختلف قبرستانوں جن میں محمد شاہ قبرستان،صدیق آ با د ،سخی حسن ،یسین آ با د ،پاپوش قبرستان اور ان کے اطراف جا ری صفا ئی ستھرائی کے کام کا معائنہ کر رہے تھے ۔اس موقع پر ان کے ہمراہ ڈائریکٹر سینی ٹیشن، ندیم حیدر،ڈئریکٹر پارکس ندیم حنیف اور دیگر بلدیاتی افسران بھی موجو د تھے ۔ چیئر مین بلدیہ وسطی نے بلدیہ وسطی کے سینی ٹیشن ڈپارٹمنٹ اور محکمہ پارک کو ہدایت دی کہ شبِ برات سے قبل تمام قبرستانوں کے اطراف صفائی ستھرائی کے ساتھ ساتھ قبرستانوں میں قائم جھاڑیوں کی چھٹائی کا کام جلداز جلد مکمل کر لیا جائے تاکہ شب برات کے موقع پر زائرین کو کسی قسم کی پریشانی کا سامنا نہ کرنا پڑے اور قبرستانوں کے ساتھ ساتھ مساجد و امام بارگاہوں کے راستوں پر صفا ئی ستھرائی اور روشنی کا مناسب انتظام کیا جائے ۔ انہوں نے مزید کہا کہ بلدیہ وسطی اپنے محدود فنڈ میں رہتے ہوئے ضلع وسطی کے عوام کو بنیادی بلدیاتی سہولتیں فراہم کرنے کے لئے دن رات کوشاں ہے ۔ چیئر مین ریحان ہاشمی نے محکمہ باغات و سینی ٹیشن کے افسران کو ہدایت کی کہ قبرستان جانے والے تمام راستوں پر صفائی میں تیزی لائی جائے اور صفائی ستھرائی کے معاملات کو مزید بہتر کیا جائے ۔ واضح رہے کہ شب برات کے موقع پر مسلمانوں کی بڑی تعداد اپنے مرحوم عزیز و اقارب کی قبروں پر فاتح خوانی کے لئے جاتے ہیں جبکہ شب برات کے موقع پر ساری رات قبرستان جانے والوں کا تانتا بندھا رہتا ہے اس امر کو مدِ نظر رکھتے ہوئے چیئرمین بلدیہ وسطی ریحان ہاشمی نے قبرستانوں کے اطراف امدادی کیمپ لگانے کی ہدایت کی جن پر قبرستان آنے والے زائرین کے لئے پانی ،شربت اور پھول رکھے جائیں گے ۔

21st Apr 2018 DMC Central Karachi Press Release

20th Apr 2018 DMC Central Karachi Press Release

20th Apr 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا ہے کہ حق پرست بلدیاتی قیادت نے ضلع وسطی میں کروڑوں روپے کی لاگت سے واٹرو سیوریج کی نئی لائنوں کی تنصیب اور مرمت کے کام اپنے محدود وسائل میں رہتے ہوئے انجام دیئے ہیں کراچی واٹر اینڈسیوریج بورڈ کی لاپرواہی کو عوام کی خدمت میں روکاوٹ نہیں بننے دیں گے زیادہ تر مخدوش لائنوں کی مرمت واٹر بورڈ کی عدم توجہی کی بنا پر نہیں ہورہی جسکے نتیجے میں ابلتے ہوئے گٹر تعفن اور گندگی کا سبب بن رہے ہیں وہ سلیم سینٹر سیکٹر 11-I یونین کونسل نمبر5میں 200 رننگ فٹ نئی سیوریج لائن ڈالنے کے کام کا معائنہ کرتے ہوئے علاقہ مکینوں سے گفتگو کر رہے تھے اس موقع پرچیئرمین یونین کمیٹی نمبر 5 فاروق احمد،وائس چیئرمین نایاب ، ،ڈائریکٹر سینی ٹیشن ندیم حیدر ، ،xen بلڈنگ و روڈنیو کراچی نازش رضا و دیگر بلدیاتی افسران بھی موجود تھے، چیئرمین بلدیہ وسطی نے بتایا کہ سیوریج لائن بچھانے کے تمام اخراجات بلدیہ وسطی برداشت کر رہی ہے جبکہ یہ کام کراچی واٹر اینڈ سیوریج بورڈ کا ہے واضح رہے کہ موجودہ صورت حال میں ضلع وسطی کے مختلف علاقوں میں جگہ جگہ سیوریج لائنیں چوک ہیں اور گٹروں سے گندا پانی نکل کر گلیوں اور سڑکوں میں پھیل رہا ہے جس کے سبب ایک جانب تو گندگی اور تعفن میں اضافہ ہورہا ہے تو دوسری جانب خطرناک بیماریوں کے پھوٹ پڑنے کے امکانات ہیں تاہم چیئرمین بلدیہ وسطی ریحان ہاشمی اور انکی ٹیم نے عوام کو اس خطرناک صورت حال سے بچانے کے لئے آمدنی کے وسائل نا کافی ھونے کے باوجود DMC سینٹرل کی جانب سے فنڈز جاری کر کے ضلع وسطی میں نئی واٹر و سیوریج لائن بچھانے کے ساتھ ساتھ مخدوش سیوریج لائن کی مرمت کے کام کا بیڑہ اٹھایا ہے تاکہ عوام کو سیوریج کے مسائل سے نجات مل سکے اس موقع پر متعلقہ یوسی کے وائس چیئرمین فاروق احمد نے کہا کہ پچھلے کئی سالوں سے یوسی نمبر ۵ میں سیوریج سسٹم کا برا حال ہے اور کوئی پرسان حال تھا واٹر اینڈ سیوریج بورڈ کی عدم توجہی نے عوام کو پریشان کر رکھا ہے اس موقع پراہلیان سلیم سینٹر کا اپنا دیرینہ مطالبہ پورا ہونے پر خوشی کی لہر دوڑ گئی اہلیان علاقہ نے حق پرست قیادت کاشکریہ ادا کیا ۔

20th Apr 2018 DMC Central Karachi Press Release