19th Feb 2013 New Karachi Town News & Picture

19th Feb 2013 New Karachi Town News & Picture

عوام کی شہری و معاشرتی زندگی کو بہتر اور خوشگوار بنانا اوّلین ترجیح ہے:شیخ صلاح الدین

ایڈمنسٹریٹر آفاق سعید کے ہمراہ نیوکراچی کے مختلف علاقوں کے دورے کے موقع پر عوام سے گفتگو 

مورخہ: ۱۹؍فروری ۲۰۱۳ء ؁

کراچی ( ) حق پرست رکن قومی اسمبلی شیخ صلاح الدین نے نیوکراچی ٹاؤن کے عوام کے مسائل کے بارے میں آگاہی حاصل کرنے کے لئے ٹاؤ ن ایڈمنسٹریٹر آفاق سعید کے ہمراہ سیکٹرالیون ای کا دورہ کیا اس موقع پر انہوں نے علاقہ مکینوں سے ملاقات کی اور انکے مسائل دریافت کئے۔علاقہ مکینوں نے حق پرست رکن قومی اسمبلی شیخ صلاح الدین کی آمد اور حق پرست ارکانِ قومی و صوبائی اسمبلی کی جانب سے نیوکراچی ٹاؤن کے عوام کی خبرگیری کرنے اور مسائل حل کرنے کے لئے کئے گئے اقدامات کا شکریہ اداکیا۔ شیخ صلاح الدین نے اس موقع پر کہاکہ حق پرست قیادت کی اولین ترجیح عوام کی شہری و معاشرتی زندگی کو بہتر اور خوشگوار بنانا ہے۔اس سلسلے میں نیوکراچی ٹاؤن کے مختلف علاقوں میں سڑکوں کی تعمیر نو، سی سی فلورنگ کے علاوہ سیوریج اور پینے کے پانی کی لائنوں کی مرمت اور مختلف جگہوں پر از سرِ نو تنصیب کے لئے حق پرست نمائندگانِ قومی و صوبائی اسمبلی نے اپنے اپنے خصوصی فنڈز سے نیوکراچی ٹاؤ ن ایڈمنسٹریشن کو خطیر رقوم مہیاکی جس کے بناء پر نیوکراچی ٹاؤن کے تمام ترقیاتی منصوبے بر وقت تکمیل کے مراحل طے کرسکے۔حق پرست قیادت کے تعاون کی بناء پر نیوکراچی ٹاؤن کے لئے فنڈز کی کمی مسئلے نہ بن سکی۔اس موقع پر ایڈمنسٹریٹر آفاق سعید نے حق پرست قیادت کا شکریہ ادا کرتے ہوئے کہا کہ حقیقت یہ ہے کہ نیوکراچی ٹاؤن کے عوام سے حق پرست قیادت کی محبت سب پر عیاں ہے ۔ان کی محبت اور عملی تعاون کے وجہ سے نیوکراچی ٹاؤن بہتر ی کی جانب گامزن ہے اور اس کے بیشتر مسائل فنڈز کی کمی کے باوجود تکمیل کو پہنچے کیونکہ حق پرست ارکانِ اسمبلی نے اپنے مخصوص فنڈز سے رقوم مہیا کرکے نیوکراچی کے عوام کے لئے بہتر شہری ، معاشرتی اور بلدیاتی سہولیات مہیا کی ہیں۔ واضح رہے کہ نیوکراچی ٹاؤن میں پارکوں کی تعمیر، سڑکوں کی استر کاری اور تعمیرِ نو، سیوریج لائنوں کی تنصیب اور مرمت کے علاوہ پینے کے پانی کی لائنوں کی تنصیب کے سلسلے میں حق پرست قیادت نے کروڑوں روپے کی گرانٹ مہیا کرکے نیوکراچی ٹاؤن کے لئے گراں قدر خدمات انجام دی ہیں۔

17th Feb 2013 New Karachi Town News & Picture

17th Feb 2013 New Karachi Town News & Picture

سرکاری اسکولوں کی عمارتوں کو والدین اور طلباء و طالبات کے لئے پُرکشش بنانا ضروری ہے: خواجہ اظہار الحسن

خواجہ اظہار الحسن نے نیوکراچی کے سرکاری اسکولوں کی حا لتِ زار کو درست کرنے کا بیڑا اٹھا لیا 

مورخہ .۔ ۱۷/فروری ۲۰۱۳ ؁ء

کراچی ( ) حق پرست رکن صوبائی اسمبلی خواجہ اظہار الحسن نے کہا ہے کہ قائد تحریک الطاف حسین بھائی کے فکروفلسفے کی روشنی میں حق پرست قیادت بلا تعصب رنگ و نسل غریب و نادر بچوں کو اچھی تعلیم کے ساتھ بہتر تعلیمی ماحول کی فراہمی کے لئے اپنے تمام وسائل کو بروئے کار لارہی ہے ان خیالات کا اظہار انھوں نے ایڈمنسٹریٹر نیو کراچی ٹاؤن آفاق سعید کے ہمراہ رضیہ سلطانہ پرائمری اسکول سیکٹرفائیو جی نیو کراچی کی تعمیر نو کے کام کا معائنہ کرتے ہوئے کیا واضح رہے کہ مزکورہ اسکول کی عمارت نہایت خراب ہوچکی تھی، جبکہ چھت کا پلاسترگرنے کے سے بچوں کے زخمی ہونے کی شکایت کے علاوہ دیواریں اور فرش بھی بوسیدہ ہونے کی وجہ سے اسکول میں تعلیمی عمل نہ ہونے کے برابر تھا ۔جسے دیکھتے ہوئے حق پرست رکن صوبائی اسمبلی خواجہ اظہار الحسن نے اس اسکول کی تعمیر نو کا فیصلہ کیا ،اور اب اس اسکول کی نئی عمارت کی تعمیر کا کام جاری ہے ۔ واضح رہے کہ حق پرست رکن صوبائی اسمبلی خواجہ اظہار الحسن کی جانب سے نیوکراچی کے سرکاری اسکولوں کی مرمت اور تعمیرِ نو کے ذریعے طلباء و طالبات کو سرکاری اسکولوں کی جانب راغب کرنے کی کوشش ہے۔تفصیلات کے مطابق حق پرست رکن صوبائی اسمبلی خواجہ اظہار الحسن نے نیوکراچی کے سرکاری اسکولوں کی حا لتِ زار کو درست کرنے کے لئے اپنی کاوشوں سے سالانہ ترقیاتی پروگرام کی مد میں چار کروڑ روپے حکومتِ سندھ سے حاصل کئے۔ یہ رقم نیوکراچی کے سرکاری اسکولوں کی تعمیرِ نو اور تزئین و آرائش پر خر چ کی جارہی ہے تاکہ والدین اور طلباء و طالبات کو سرکاری اسکولوں کی جانب راغب کیا جاسکے۔خواجہ اظہار الحسن کا خیال ہے کہ جب تک اسکولوں کی حالت درست نہیں ہوگی، عمارت پر رنگ و روغن نہیں ہوگا اور اسکول میں پُرکشش فرنیچر نہیں ہوگا تو بچے کس طرح اسکول کی جانب راغب ہونگے۔اس لئے وہ خود تمام زیر مرمت اسکولوں میں جاری تعمیراتی اور مرمت کے کام کا معیار اور رفتار جانچنے کے لئے وقتاً فوقتاً تمام پروجیکٹس کا دورہ کرتے ہیں۔خواجہ اظہار الحسن نے کہا کہ فی زمانہ سرکاری اسکولوں کی بُری حالت بچوں کو تو اسکول سے دُور رکھتی ہی ہے ساتھ ہی والدین کو بھی سرکاری اسکولوں سے متنفر کررہی ہے جس کی وجہ سے والدین بچوں کو سرکاری اسکولوں میں داخل نہیں کراتے۔ وقت کا اہم تقاضہ ہے کہ سرکاری اسکولوں کی عمارتوں کو پُر کشش بنایا جائے جسے دیکھ کر والدین کے ساتھ بچوں کا بھی ان عمارتوں میں پڑھنے کا جی چاہے۔اے ڈی پی کے تحت ملنے والے فنڈز سے اسکولوں کی مخدوش دیواروں اور کمروں کی مرمت اور ان پر رنگ و روغن کیا جارہا ہے جبکہ جن اسکولوں کا فرنیچر ٹوٹ پھوٹ کا شکار ہے وہاں نیا فرنیچر مہیاکیا جائے گا۔اس کے علاوہ اسکول کے میدانو ں کو ہموار بناکر بچوں کے لئے کھیل کود کا سامان فراہم کیا جائے گا۔امید ہے کہ خواجہ اظہار الحسن کی یہ کاوش نیوکراچی کے طلبا ء و طالبات کے لئے سرکاری اسکولوں میں کشش پیداکرنے کا سبب ہوگی۔

16th Feb 2013 New Karachi Town News & Picture

16th Feb 2013 New Karachi Town News & Picture

15th Feb 2013 New Karachi Town News & Picture

15th Feb 2013 New Karachi Town News & Picture

نیوکراچی کے نشیبی علاقوں سے بارش کے پانی کی فوری نکاسی کو ممکن بنایا جائے :آفاق سعید

بارش کے دوران نیوکراچی ٹاؤن کے مختلف علاقوں کے ہنگامی دورے کے موقع پر ٹاؤن افسران کو ہدایت 

مورخہ ؛۔۱۵/فروری ۲۰۱۳ ؁ء 

کراچی ( ) ایڈ منسٹریٹر نیو کراچی ٹاؤن آفاق سعید نے بارش کے دوران ٹاؤن کے مختلف علاقوں کا ہنگامی دورہ کیا ،بارش کے سبب کچی آبادی کے رہائشی افراد کے مسائل کو فوری حل کرنے اور بارش کے نتیجے میں نشیبی علاقوں میں جمع ہونے والے پانی کی فوری نکاسی کے لئے ٹاؤن کے متعلقہ ڈپارٹمنٹ کے افسران کوہدایت کی۔تفصیلات کے مطابق آج غیر متوقع طور پرہونے والی بارش کے دوارن یڈمنسٹریٹر نیو کراچی ٹاؤن آفاق سعید نے افسران و کارکنان کے ہمراہ ٹاؤن کے مختلف علاقوں کا دورہ کیا اور صفائی ستھرائی اور نکاسیء آب کے ذرائع کی کارکردگی کا معائنہ کیا۔ انہوں نے متعلقہ افسران کو ہدایت کی کہ بارشوں کو کسی بھی صورت میں عوام کے لئے زحمت کا باعث نہ بننے دیا جائے ۔ جن علاقوں سے کسی قسم کی معمولی سی معمولی نوعیت کی بھی شکایت موصول ہوتو وہاں ہنگامی بنیادوں پر کارروائی کرکے اُ سے دور کیا جائے ا نھوں نے کہا کہ عوام کی مشکلات کے ازالے کے لئے ٹاؤن کے کسی بھی علاقے میں بارش کے پانی کو جمع ہونے سے پہلے ہی نکاسی آب کے عمل کو جاری رکھا جائے آفاق سعید نے افسران کو ہدایت دیتے ہوئے کہا کہ دوران برسات بھی ٹاؤن میں صفائی کے نظام کو مستقل بنیادوں پر جاری رکھا جائے صفائی ستھرائی کے عمل میں بارش کو رکاوٹ نہ بننے دیا جائے ۔ جبکہ ان کی ہدایت پر نیو کراچی کے ہر علاقے میں بارش سے پید ا ہونے والے ممکنہ مسائل سے نمٹنے کے لئے پیشگی اقدامات کرلئے گئے، برساتی نالوں کی مسلسل صفائی کے ذریعے گزشتہ بارشوں کا پانی بہ آسانی گزر گیا جبکہ سڑکوں اور دیگر رہائشی علاقوں میں جمع ہونے والے پانی کو مین پاور کے ذریعے صاف کردیا گیا، واضح رہے کہ مزیدبارشوں کے امکان کے پیش نظرنیوکراچی ٹاؤن کی انتظامیہ نے نیو کراچی ٹاؤن میں ایمر جنسی نافذ کردی گئی ہے اور سینی ٹیشن و دیگر متعلقہ ڈپارٹمنٹس دن رات مستعدی سے کارگزاری میں مصروف ہیں۔ جبکہ برساتی نالوں کی باقاعدگی سے صفائی کا کام پہلے ہی جاری ہے جبکہ مختلف علاقوں میں سڑکوں اور گلیوں میں جمع ہونے والے تھوڑے بہت پانی کو بھی صاف کردیا گیا ہے تاکہ ٹریفک اور رہائشی علاقوں میں عوام کی آمد ورفت میں کسی قسم کا خلل پیدا نہ ہو۔ اُدھر موٹر وہیکل ڈپارٹمنٹ نے بھی تمام گاڑیوں اور مشنری کو ورکنگ کنڈیشن میں الرٹ رکھا ہے تاکہ کسی بھی ہنگامی صورتِ حال میں فوری کارروائی کی جاسکے۔ 

14th Feb 2013 New Karachi Town News & Picture

14th Feb 2013 New Karachi Town News & Picture

آمد ورفت کے ذرائع ، اور صفائی کا نظام شہروں کی ترقی میں اہم کردار ادا کرتے ہیں:آفاق سعید

شہریوں کو بہتر شہری سہولتوں کی فراہمی کے لئے تمام دستیاب وسائل برؤے کار لارہے ہیں 

مورخہ: ۱۴؍ فروری ۲۰۱۳ء 

کراچی ( ) ایڈمنسٹریٹر نیو کراچی ٹاؤن آفاق سعید نے کہا ہے کہ مفاد عامہ کے کاموں کو ترجیح بنیادوں پر پایہ تکمیل تک پہنچایا جارہا ہے نیو کراچی ٹاؤن کو ماڈل ٹاؤن بنانے کے لئے تمام دستیاب وسائل کو برؤے کار لارہے ہیں۔وہ یونین کونسل نمبر ۶ سیکٹر الیون ڈی میں جاری روڈ کارپٹنگ کے کام کامعائنہ کررہے تھے۔آفاق سعید نے مزید کہا کہ آمد ورفت کے ذرائع اور صفائی کا نظام شہروں کی ترقی میں اہم کردار ادا کرتے ہیں،تجارتی اشیا ء کی ترسیل اور عوام کی روزمرہ آمد ورفت میں اچھی سڑکیں اہم کردار ادا کرتی ہیں۔ جبکہ پانی کی فراہمی، اور نکاسی آب کا بہتر نظام شہریوں کے مزاج اور رہن سہن پر بہتر اثرات مرتب کرتا ہے،۔اس موقع پر ٹی او (آئی ایس ) اقبال احمد خان ، ڈی ٹی او (بی اینڈ آر) نازش رضا، عبدالمجید اور نیو کراچی سیکٹر ذمہ دارا ابراہیم شیخ اور ڈی ٹی او انفارمیشن عالمگیر سیفی بھی موجود تھے۔ انہوں نے کہا کہ عوام کو ہر وہ شہری سہولت مہیا کرنا ہمارا فرض ہے اور بہتر شہری زندگی گزارنے کے لئے ضرور ی ہے، کچی آبادیوں کو بھی وہ سہولیات مہیا کی جارہی ہیں جو پوش آبادیوں کو حاصل ہیں۔اس موقع پر انجینئرز اور ٹھیکیدار وں نے ترقیاتی پروجیکٹس میں استعمال کئے جانے والے مٹیریل کے معیار کے بارے میں 

ایڈمنسٹر یٹرآفاق سعیدکو تفصیلات فراہم کیں ۔ ایڈمنسٹر یٹر نے سڑک کی تعمیر میں معیار کو اولین اہمیت دینے پر زور دیتے ہوئے کہاکہ معیاری سڑکیں نہ صرف عوام کو آمد ورفت کی بہتر سہولت فراہم کرتی ہیں بلکہ تاجروں اورصنعت کاروں کو انکی مصنوعات ایک علاقے سے دوسرے علاقے اور ایک شہر سے دوسرے شہرمنتقل کرنے میں اہم کردا راداکرتی ہیں ۔جبکہ پینے کے پانی کی فراہمی اور نکاسئی آب کا فول پروف نظام شہریوں کی زندگی پر مثبت اثرات مرتب کرتا ہے۔