25th Mar 2017 DMC Central Karachi Press Release

25th Mar 2017 DMC Central Karachi Press Release

کراچی( )ہم وزیر بلدیات کی پیشکش کو رد کرتے ہیں ،ہم سیر سپاٹے کے لئے luxurious گاڑیاں نہیں چاہتے ،حق پرست قیادت روز اول سے ایسے vip کلچر کی مُخالفت کرتی رہی ہے جو عام لوگوں کیلئے تکلیف و پریشانی کا سبب بنے ۔ان خیالات کا اظہار وائس چیئرمین بلدیہ وسطی سید شاکر علی نے میڈیا سے گفتگو کرتے ہوئے کیا،سندھ حکومت کی جانب سے ڈسٹرکٹ وائس چیئرمینزکوذاتی استعمال کیلئے گاڑیوں کی پیشکش کو ٹھکراتے ہوئے کہا کہ ہمیں بلدیاتی نظام کے مطابق کچرا اٹھانے کی گاڑیاں فراہم کی جائیں۔انہوں نے وزیر بلدیات کو مخاطب کرتے ہوئے کہا کہ وہ اورسندھ حکومت شہر کراچی اور اس کے لوگوں اور نمائندوں کے مزاج کو سمجھنے کی کوشش کریں۔یہاں اندرون سندھ کی طرح کوئی وڈیرا شاہی نظام رائج نہیں ہے جہاں کے نمائندے الیکشن کے سیزن میں ووٹر کو اپنا دیدار کراتے ہیں وائس چیئرمین سید شاکر علی نے کہا کہ ہم انہیں علاقوں میں رہتے ہیں جہاں کے لوگ ہمیں منتخب کرکے ایوانوں تک پہنچاتے ہیں ہم اپنے علاقے کے مسائل کو سمجھتے ہیں اور ان کو حل کرنے کی پوری کوشش کرتے ہیں ۔اور ان کے دُکھ سُکھ میں برابر کے شریک ہیں

25th Mar 2017 DMC Central Karachi Press Release

24th Mar 2017 DMC Central Karachi Press Release

24th Mar 2017 DMC Central Karachi Press Release

کراچی( )ہاکی ہمارا قومی کھیل ہے اورہماری قومی ہاکی ٹیم نے دنیا بھر میں پاکستان کا نام روشن کیا ہے ،ان خیالات کا اظہار چیئرمین بلدیہ وسطی ریحان ہاشمی نے بلاک H نارتھ ناظم آباد اولمپین صلاح الدین اکیڈمی کے زیر اہتمام کھیلے جانے والے ہاکی کے نمائشی میچ کے دوران کیا۔انہوں نے کہا کہ ضلع وسطی میں ہاکی کا فروغ ہماری اولین ترجیحات میں شامل ہے ضلع وسطی میں موجود گراؤنڈز کوUP Grade کیا جارہا ہے گراؤنڈ زمیں نہ صرف کھلاڑیوں کو بلکہ تماشائیوں کو تمام سہولتیں فراہم کریں گے انہوں نے کہا کہ کھیلوں کا انعقاد انتہائی ضروری ہے ہاکی کا کھیل نہ صرف تفریح فراہم کرتا ہے بلکہ جسمانی نشونما میں بھی اہم کردار ادا کرتا ہے چیئرمین ریحان ہاشمی نے اولمپین صلاح الدین کی خدمات کو سراہتے ہوئے کہا کہ وہ جس محنت اور لگن سے بچوں کی تربیت کررہے ہیں وہ قابل ستائش ہے اور ہم امید کرتے ہیں کہ اولمپین صلاح الدین اکیڈ می کے بچے مستقبل میں پاکستان کا نام دنیا بھر میں روشن کریں گے۔ 

24th Mar 2017 DMC Central Karachi Press Release

23rd Mar 2017 DMC Central Karachi Press Release

23rd Mar 2017 DMC Central Karachi Press Release

کراچی ( ) یوم پاکستان کے موقع پرمرکزی آفس بلدیہ وسطی میں پر وقار تقریب منعقد کی گئی۔ تقریب کاآغاز تلاوت قرآن پاک سے کیا گیا بعد ازاں قومی ترانہ پڑھا گیا ۔ تقریب میں اراکین قومی و صوبائی اسمبلی شیخ صلاح الدین ، محفوظ یار خان ، جمال احمد خان ، چیئرمین بلدیہ وسطی ریحان ہاشمی یونین کونسل کے چئیرمین وائس چئیرمین ، بلدیاتی افسران و ملازمین بھی موجود تھے۔اس موقع مقررین نے قرار د پاکستان کے اغراض و مقاصد پر روشنی ڈالی ۔ چیئرمین بلدیہ وسطی نے کہا آج پاکستان کی تاریخ کا اہم دن ہے بلدیہ وسطی حسب روایت یوم پاکستان منا رہا ہے ہم مضبوط و مستحکم پاکستان کی تعمیر اور اس کے دفاع کیلئے ہم ہر قسم کی قربانی دینے کیلئے تیار ہیں ۔ ۱۹۴۰ ؁میں منٹو پارک لاہور میں قائد اعظم اور ااُن کے رُفقائے کار کی جا نب سے قراداد پاکستان منظور کرنے کا دلیرانہ فیصلہ قیام پاکستان کا سبب بنا۔ اس قراداد کے زریعہ مسلمانان ہند نے یہ فیصلہ کرلیا کہ وہ ، غلامی کی زنجیریں توڑکر اپنے لئے ایک آزاد ملک حاصل کریں گے، جہاں انہیں ہر قسم کی مذہبی ، معاشرتی، سیاسی آزادی حا صل ہو گی انہوں نے مزید کہا کہ ہمارے اجداد نے پاکستان بنایا ہمیں کسی سے اپنے محب و طن ہونے کا سر ٹیفیکٹ لینے کی ضرورت نہیں ہے۔ہمارے بزرگوں نے قیام پاکستان کیلئے قربانیاں دی اور اب تعمیر و طن کیلئے ہم تیار ہیں۔اس موقع پر MNA شیخ صلاح الدین نے اہل وطن کو یوم پاکستان کی مُبارک دیتے ہوئے کہا کہ پاکستان جس مقصد کے لئے حاصل کیا گیا تھاہمیں اُس کو پورا کرنا ہے MPAجمال احمد نے کہا یوم پاکستان کے حوالے سے تقریب کے زریعے نئی نسل کو جدوجہد پاکستان اور حُصول پاکستان کے اغراض و مقاصد کے بارے معلومات فراہم کرتے ہیں،MPA محفوظ یار خان نے کہا کہ آج پہلی مرتبہ یوم پاکستان کی تقریب میں برادر ملک چین اور دوسرے ممالک کے وفود نے بھی شرکت کی ،مینار پاکستان ،اسلام آباد اور پورے ملک میں یوم پاکستان بھر پور انداز سے منا کر ہم نے دنیا کو یہ پیغام دیا ہے کہ ہم ایک زندہ قوم ہیں اور کوئی قوت پاکستان کے استحکام کو نقصان نہیں پہنچاسکتی۔ 

23rd Mar 2017 DMC Central Karachi Press Release

22nd Mar 2017 DMC Central Karachi Press Release

22nd Mar 2017 DMC Central Karachi Press Release

کراچی( ) گھوسٹ اور اپنے فرائص سے غفلت برتنے والے ملازمین کو کسی صورت برداشت نہیں کیا جائے گا ان خیالات کا اظہا ر چیئرمین بلدیہ وسطی ریحان ہاشمی نے ایڈمن ڈپارٹمنٹ نیو کراچی زون میں ملازمین کی فزیکل چیکنگ کے دوران کیا اس موقع پر ان کے ہمراہ ایم پی اے حاجی انور رضا اور بلدیہ وسطی کے افسران بھی موجود تھے ۔انہوں نے کہا کہ بلدیہ وسطی کا کام ضلع کے لوگوں کو سہولتیں فراہم کرنا ہے اور اس میں کسی قسم کی کوتاہی برتنے والے افسران و ملازمین کے خلاف محکمہ جاتی کاروائی کی جائے گی ،انہوں نے مزید کہا کہ ایمان دار،محنتی اور اپنے کام سے مخلض ورکرز بلدیہ وسطی کا قیمتی سرمایہ ہیں اور ادارے نے ترقی،اعزازیہ،تعریفی اسنادکی صورت میں محنت سے کام کرنے والے ملازمین کی ہمیشہ حوصلہ افزائی کی ہے اور مستقبل میں بھی محنتی ملازمین کی کاوشوں کو سراہا جائے گا۔ 

22nd Mar 2017 DMC Central Karachi Press Release

21st Mar 2017 DMC Central Karachi Press Release

21st Mar 2017 DMC Central Karachi Press Release

کراچی( )عوام کو بنیادی میونسپل سروسز فراہم کرنا ہماری ذمہ داری میں شامل ہے ہم بلدیہ وسطی کے لوگوں کو24 گھنٹے کام کرکے عوامی سہولتیں فراہم کررہے ہیں اہلیان بلدیہ وسطی نے ہم پر جو اعتماد کیا ہے اس پر ہم پورا اتریں گے ان خیالات کا اظہار چیئرمین بلدیہ وسطی ریحان ہاشمی نے صفائی مہم میں کچرے کو ٹھکانے لگانے کے بعد ضلع کو خوبصورت بنانے کی مہم کے سلسلے میں لیاقت آباد پل پرنائٹ شفٹ میں فٹ پاتھوں اور Curve Block پر رنگ و روغن کے کام کا معائنہ کرتے ہوئے کیا۔اس موقع پر ان کے ہمراہ ڈائریکٹر سینی ٹیشن غوث محی الدین بھی موجود تھے۔چیئرمین ریحان ہاشمی نے کہا کہ ہم صفائی ستھرائی کے بعد ضلع کی تزین و آرائش اور شجر کاری مہم پر توجہ دے رہے ہیں انہوں نے کہا کہ اہلیان بلدیہ وسطی اس مہم میں بلدیہ وسطی کی انتظامیہ کے ساتھ بھر پور تعاون کریں۔

کراچی( )پارکوں اور گراؤنڈز میں کوئی غیر قانونی تعمیرات برداشت نہیں کی جائے گی چائنا کٹنگ کا دور اب ختم ہوگیا ہے پارکس اور گراؤنڈ عوام کو تفریح فراہم کرنے کے لئے بنائے گئے ہیں لہذا یہاں تجاوزات قائم کرنے والوں کے خلاف سخت ایکش لیا جائے گا ان خیالات کا اظہار چیئرمین بلدیہ وسطی ریحان ہاشمی نے نارتھ ناظم آباد زون میں افسران کے بلائے گئے اجلاس کی صدارت کرتے ہوئے کیا اس موقع پر ڈائریکٹر باغات ندیم حنیف و دیگر بلدیاتی افسران بھی موجود تھے ۔ریحان ہاشمی نے کہا کہ پارکوں میں غیر قانونی تعمیرات پارکوں کی خوبصورتی پر بد نما دھبہ ہے اور منشیات کے عادی لوگوں کا مسکن بن جاتا ہے انہوں نے کہا کہ ہم کوشش کررہے ہیں کہ بلدیہ وسطی کے پارکس اور گراؤنڈ ز کو خوبصورت بنائیں تاکہ عوام کو سستی تفریح میسر آسکے اور بچے اور بڑے کھیل کے میدانوں میں آسانی سے کھیلوں کو فروغ دیں جس سے ان کی ذہنی اور جسمانی نشو نما بہتر طور پر ہوسکے گی انہوں نے مذید کہا کہ بلدیہ وسطی میں، گرین بیلٹس کی صفا ئی اور پارکس کی تزئین و آ رائش کا کام تیزی سے جاری ہے بلدیہ وسطی کی جانب سے پارکس کی تزئین و آ رائش کے کام کو مکمل کر کے عوام کے حوالے کرنا شروع کر دیا ہے تا کہ عوام کو صحت مند تفریح کا ماحول فراہم کیا جاسکے۔

21st Mar 2017 DMC Central Karachi Press Release