5th Apr 2017 DMC Central Karachi Press Release

5th Apr 2017 DMC Central Karachi Press Release

کراچی ( )ہونہار طلباء و طالبات پاکستان کا قیمتی سرمایہ ہیں ،مستقبل میں انہوں نے پاکستان کی باگ دوڑ سنبھالنی ہے ،جدید علوم اور ٹیکنالوجی سے آراستہ طلباء و طالبات مضبوط اور ترقی یافتہ پاکستان کی ضمانت ہیں ان خیالات کا اظہار چیئرمین بلدیہ وسطی ریحان ہاشمی نے The Children's Education Academy کے سالانہ تقریب تقسیم انعامات میں طلباء و طالبات اور ان کے والدین سے خطاب کرتے ہوئے کیا۔اس موقع پران کے ہمرا ہ اسکول پرنسپل شاہ نواز احمد صدیقی بھی موجود تھے،چیئرمین بلدیہ وسطی نے اسکول کے پوزیشن ہولڈر طلباء و طالبات کو شیلڈز اور انعامات دیئے۔ اس موقع پر اسکول کے بچوں نے ملی نغمے ،ٹیبلواورڈرامے پیش کئے ،جو حاضرین کے لئے باعث دلچسپی تھے ۔چیئرمین بلدیہ وسطی نے بچوں کی کارکردگی کو سراہاتے ہوئے کہا کہ آج کے ذہین طلبا وطالبات کل کے سائنسدان، صنعتکار اور قوم کے رہنما ہونگے، طلبا و طالبات قوم کی امیدوں کا محور ہیں ان کی تعلیم اور تربیت کے بغیر کوئی قوم حقیقت میں ترقی نہیں کرسکتی انہوں نے The Children's Education Academy کی انتظامیہ کو ہر ممکن تعاون کی یقین دہانی کرائی ۔

5th Apr 2017 DMC Central Karachi Press Release

4th Apr 2017 DMC Central Karachi Press Release

4th Apr 2017 DMC Central Karachi Press Release

کراچی ( ) کھیلوں کے مقابلے صحت مند معاشرے کے قیام میں اہم کردار ادا کرتے ہیں صوبائی سطح پر ہونے والے مقابلوں میں چھوٹے شہروں کے کھلاڑیوں کو بھی بھرپور شرکت کے مواقع فراہم کرنا چاہیئے تاکہ یہ کھلاڑی ملکی سطح پر اپنے شہر کی نمائندگی کرسکیں ان خیالات کا اظہار چیرمین بلدیہ وسطی ریحان ہاشمی نے یوسی 51 میں ہونے والے مسٹر اینڈ جونیئر مسٹر باڈی بلڈنگ مقابلے میں پوزیشن حاصل کرنے والے کھلاڑیوں کی شیلڈ مرکزی آفس بلدیہ وسطی میںیوتھ کونسلر ڈسٹرکٹ سینٹرل سعد ملک کو دیتے ہوئے کیااس موقع پر ان کے ہمراہ وائس چیئرمین بلدیہ وسطی سید شاکر علی بھی موجود تھے ۔ واضح رہے کہ گزشتہ رات یونین کمیٹی 51 گلبہار میں باڈی بلڈنگ کے مقابلہ منعقدکیا گیا جس میں کھلاڑیوں کی بڑی تعداد نے حصہ لیا اور اپنے فن کا مظاہرہ کیا اس موقع پر منتظمین اور عوام کی بڑی تعدادا موجود تھی ،وائس چیئرمین سید شاکر علی نے کہا کہ باڈی بلڈنگ جسمانی و ذ ہنی فٹنس کو برقرار رکھنے کے ساتھ ساتھ سیلف ڈیفنس کے لئے بھی نہایت موزوں ہے انہوں نے مزید کہا کہ اس کھیل میں نوجوان،اور بچے بھی دلچسپی لے رہے ہیں ، بلدیہ وسطی صحت مند سرگرمیوں اور کھیلوں کے انعقاد میں ہر ممکن مدد کرتی رہی ہے اور آئندہ بھی مدد فراہم کرتی رہے گی ،ہم ''صحت سب سے پہلے'' کے اصول پر کاربند ہیں وسائل کی کمی اور اختیارات کا نہ ہونا ہمیں عوام کی حقیقی خدمت سے نہیں روک سکتا انہوں نے کہا کہ صاف ستھراء اور صحت مند ماحول فراہم کرنے میں بلدیہ وسطی کا ساتھ دیں ۔

4th Apr 2017 DMC Central Karachi Press Release

3rd Apr 2017 DMC Central Karachi Press Release

3rd Apr 2017 DMC Central Karachi Press Release

کراچی ( )ڈسٹرکٹ سینٹرل کے چیئرمین ریحان ہاشمی نے نارتھ ناظم آباد یونین کمیٹی21 کا ہنگامی دورہ کیا ۔اس موقع پر ان کے ہمراہ یونین کمیٹی21 کے چیئرمین نعیم الدین اور یوسی پینل بھی موجود تھا ۔چیئرمین بلدیہ وسطی ریحان ہاشمی نے مختلف بلاکس کی صفائی ستھرائی لائٹ کے انتظامات اور شجر کاری کے کام کا جائزہ لینے کے بعد حیدری مارکیٹ پہنچے جہاں عوام کی کثیرتعدادنے چیئرمین سے گفتگو کرتے ہوئے علاقے کے مسائل کی نشاندہی کی ۔چیئرمین ریحان ہاشمی نے علاقہ مکینوں کو یقین دہانی کرائی کہ یونین کمیٹی 21 کو ماڈل یوسی بنائیں گے اس کی تعمیر ،تزین وآرائش میں کوئی کسر نہیں چھوڑیں گے ۔شجر کاری مہم کے زریعے بلدیہ وسطی میں تقریبا6000 ہزار سے زائد پودے لگائے جاچکے ہیں اور مزید پودے لگائے جارہے ہیں ۔انہوں نے کہا کہ ہم شجر کاری مہم کے زریعے بلدیہ وسطی کو گرین کر دیں گے تاکہ ماحولیاتی آلودگی کے خاتمے کے ساتھ ساتھ ضلع وسطی کو صاف وشفاف بنایا جائے۔انہوں نے کہا کہ جذبہ خدمت اور عزم مُسلسل کے ذریعے صفا ئی اور ترقیاتی کاموں کو جاری رکھا ہوا ہے، مختلف مقا مات پر کچرا جلانے کے واقعات کو انسانی صحت کے لئے مضر قرار دیتے ہوئے کہا کہ اسکولوں ،اسپتالوں اور ڈسپنسریوں ،مساجد اور دیگر عوامی اجتما عا ت کے مقا مات کے قریب کسی بھی صورت میں کچرا جلانے کے عمل کو سختی سے روکا جائے ۔

3rd Apr 2017 DMC Central Karachi Press Release

2nd Apr 2017 DMC Central Karachi Press Release

2nd Apr 2017 DMC Central Karachi Press Release

کراچی ( )ہمارا مشن بلدیہ وسطی کی عوام کو بُنیادی سہولتیں اور صحت مند ماحول فراہم کرنا ہے بلدیہ وسطی میں ترقیاتی کاموں کی رفتار کو عوام کی اُمنگوں کے مطابق تیز کیا جائے سڑکوں کے معیار کو بہتر بنایا جائے ۔ سڑکوں کے اطراف اسٹریٹ لائٹس کا بھر پور انتظام کیا جائے۔تاکہ شہریوں کو بلدیہ وسطی میں سفر کے دوران مشکلات کا سامنا نہ کرنا پڑے۔ان خیالات کا اظہار چیئرمین بلدیہ وسطی ریحان ہاشمی نے نارتھ ناظم آباد زون بلاکN میں نائٹ شفٹ میں جاری روڈ کارپیٹنگ کا معائنہ کرتے ہوئے کیا ۔اس موقع پر علاقہ مکینوں نے بلدیہ وسطی کی جانب سے کئے جانے والے ترقیاتی کاموں کی رفتار کو سراہا۔چیئرمین ریحان ہاشمی نے کہا کہ کچرے کے ڈھیر ٹھکانے لگانے کے بعدبلدیہ وسطی میں نئی سڑکوں کی تعمیر ،اندرونی گلیوں کی استر کاری،گرین بیلٹس کی صفائی اور پارک کی تزین و آرائش کا کام تیزی سے جاری ہے ۔محکمہ انجینئر نگ کے افسران کو ہدایت دیتے ہوئے انہوں نے کہا کہ سڑکوں کی تعمیر میں بہتر سے بہتر میٹریل استعمال کیا جائے۔انہوں نے مزید کہا کہ بلدیہ وسطی کی جانب سے پارکس کی تزین و آرائش کے کام کو مکمل کرکے عوام کے حوالے کرنا شروع کردیا ہے تاکہ عوام کو صحت مند تفریح ماحول فراہم کیا جاسکے۔چیئرمین بلدیہ وسطی نے کہا کہ ترقیاتی کاموں کی کو حفاظت کی ذمہ داری بلدیاتی اداروں کے ساتھ ساتھ عوام کی بھی ہے تاکہ باہمی اشتراک سے ترقیاتی کاموں سے طویل عرصے تک مستفید ہوا جاسکے۔ 

2nd Apr 2017 DMC Central Karachi Press Release

1st Apr 2017 DMC Central Karachi Press Release

1st Apr 2017 DMC Central Karachi Press Release

کراچی( )سندھ حکومت اہل کراچی کے مینڈیٹ کا احترام کرتے ہوئے منتخب بلدیاتی نمائندوں کو آئین کے آرٹیکل A-140 کے تحت اختیارات دے تاکہ عوام کو بنیادی سہولتوں کی فراہمی کو ممکن بنایا جائے ،ان خیالات کا اظہار ڈپٹی میئر کراچی ارشد وہرہ نے بلاک N نارتھ ناظم آباد یونین کمیٹی 23 میں مہدی حسن مرکز کھیل و تفریح اینڈ منی زو پارک کے افتتاح کے موقع پر کیا ۔اس موقع پر ان کے ہمراہ چیئرمین بلدیہ وسطی ریحان ہاشمی،MNA عبدالوسیم ،MPA جمال احمد یوسی چیئرمین شہزاد ابراہیم ،وائس چیئرمین خالد اکرام و دیگر بلدیاتی افسران بھی موجود تھے اس موقع پر ڈپٹی میئر ارشد وہرہ نے کہا کہ شہنشاہ غزل مہدی حسن نے اپنی سریلی آواز سے پوری دنیا میں پاکستان کا نام روشن کیا ان کے نام سے پارک منسوب کیا جانا خوش آئندبات ہے ۔چیئرمین بلدیہ وسطی ریحان ہاشمی نے کہا کہ ہم کراچی والے اپنے کراچی کو OWN کرنا جانتے ہیں ، ہم کراچی کو گرین کرکے رہیں گے شجر کاری مہم کے زریعے بلدیہ وسطی میں 6000 ہزار سے زائد پودے لگائے جا چکے ہیں۔عوام کو صحت منداور شفاف ماحول فراہم کرنا ہماری ترجیحات میں شامل ہے، واضح رہے کہ بلاک N نارتھ ناظم آباد میں مہدی حسن پارک کی نئے سرے سے تعمیر اور تزین و آرائش کرتے ہوئے اس بات کا خصوصی خیال رکھا گیاہے کہ پارک میں سیر و تفریح کے حوالے سے آنے والی عوام کو تمام سہولتیں فراہم کی جائیں اس پارک میں فاؤنٹین،بڑے بڑے سبزہ زار،بچوں کے لئے پلے لینڈ،ڈاجنگ کار،الیکٹرک جھولے،مچھلی گھر جہاں مختلف اقسام کی خوبصورت مچھلیاں اور منی زو میں پرندے اور جانور بچوں اور بڑوں کی توجہ کا مرکز بنے ہوئے ہیں۔چیئرمین بلدیہ وسطی نے کہا کہ سندھ حکومت بلدیاتی نمائندوں کو اختیارات اور وسائل فراہم کرے تاکہ حق پرست نمائندے عوام کی بہتر طور پر خدمت کر سکے ۔تقریب کے اختتام میں شاندار آتش بازی کا مظاہرہ بھی کیا گیا۔ 

1st Apr 2017 DMC Central Karachi Press Release