10th Apr 2017 DMC Central Karachi Press Release

10th Apr 2017 DMC Central Karachi Press Release

کراچی ( )ہونہار طلباء و طالبات پاکستان کا قیمتی سرمایہ ہیں ، ،جدید علوم اور ٹیکنالوجی سے آراستہ طلباء و طالبات مضبوط اور روشن پاکستان کی ضمانت ہیں،طلباء و طالبات کو تعلیم کے ساتھ ساتھ دیگر تعمیری سرگرمیوں میں بھی حصہ لینا چاہئیے ان خیالات کا اظہار چیئرمین بلدیہ وسطی ریحان ہاشمی نے Asmara Children Acedmy کے سالانہ تقریب تقسیم انعامات میں طلباء و طالبات اور ان کے والدین سے خطاب کرتے ہوئے کیا۔اس موقع پران کے ہمرا ہ اسکول پرنسپل بھی موجود تھے،چیئرمین بلدیہ وسطی نے اسکول کے پوزیشن ہولڈر طلباء و طالبات کو شیلڈز اور انعامات دیئے۔ اس موقع پر اسکول کے بچوں نے ملی نغمے ،ٹیبلواورڈرامے پیش کئے ،جو حاضرین کے لئے باعث دلچسپی تھے ۔چیئرمین بلدیہ وسطی نے بچوں کی کارکردگی کو سراہاتے ہوئے کہا کہ آج کے ذہین طلبا وطالبات کل کے سائنسدان، صنعتکار اور قوم کے رہنما ہونگے، طلبا و طالبات قوم کی امیدوں کا محور ہیں ان کی تعلیم اور تربیت کے بغیر کوئی قوم حقیقت میں ترقی نہیں کرسکتی انہوں نےAsmara Children Acedmy کی انتظامیہ کو ہر ممکن تعاون کی یقین دہانی کرائی ۔

کراچی( )بلدیہ وسطی میں دفتر سے غیر حاضر ملازمین اور ان کے سرپرست افسران جنہوں نے بھرتیاں کرنے کے بعد ملازمین کو لاوارث چھوڑ دیا ان کے خلاف سخت ترین ایکشن لیا جائے گا ۔ان خیالات کا اظہار چیئرمین بلدیہ وسطی ریحان ہاشمی نے افسران کے ساتھ میٹنگ کے دوران کیا ۔انہوں نے بلدیہ وسطی کے چاروں زونز ،نیو کراچی ،گلبرگ،نارتھ ناظم آباد ،لیاقت آباد کے تمام محکمہ جات اور حال ہی میں بلدیہ وسطی میں شامل ہونے والے دیگر محکموں کے افسران کو اپنے اپنے محکموں کی فیزیکل ویری فیکیشن (PHYSICAL VERIFICATION) کے لئے تیار رہنے کی ہدایت کی ہے ۔انہوں نے کہا کہ غیر حاضر ملازمین ایک مافیا کی صورت اختیار کرتے جارہے ہیں جس کا قلع قمع کرنا ضروری ہے اس ضمن میں ان کے پاس شکایتوں کے انبار موجود ہیں ۔ انہو ں نے کہاکہ کرپٹ افسران نے اقربا پروری اور بد دیانتی کا مظاہرہ کرتے ہوئے ملازمین کو اپنے ذاتی کاموں کے لئے مختص کررکھا ہے ،ملازمین عوامی خدمت کے بجائے افسران کی خدمت کررہے ہیں ۔انہوں نے کہا کہ ان شکایات کی تحقیقات ہو رہی ہیں۔جو افسر اس میں ملوث ثابت ہوا اس کے خلاف سخت ترین محکمہ جاتی کاروائی کی جائے گی۔ انہوں نے کہا کہ یہ مافیا طاقت ور ہے اور اس کام میں رکاوٹیں ڈالنے کے لئے سیاسی پریشر اور اور ذرد صحافت کا سہارا لے رہا ہے لیکن ہر دباؤ کا سامنا کرتے ہوئے اس ناسور کو ختم کیا جائے گا ۔ 

10th Apr 2017 DMC Central Karachi Press Release

8th Apr 2017 DMC Central Karachi Press Release

8th Apr 2017 DMC Central Karachi Press Release

کراچی( )سندھ حکومت کو چاہئیے کہ کراچی کے شہریوں کو ریلیف فراہم کرنے کے لئے آئین کے تحت حاصل اختیارات بلدیاتی نمائندوں کو فی الفور تفویض کرے ۔ تمام تر مشکلات کے باوجود ہم پرعزم ہیں اور اس سلسلے میں کراچی کو اس کا جائز حق دلانے کے لئے ہر سطح تک جائیں گے۔ ان خیالات کا اظہارچیئرمین بلدیہ وسطی ریحان ہاشمی نے تین ہٹی اور عائشہ منزل پر محکمہ باغات کی جانب سے کئے جانے والے تزین و آرائش کے کام کا معائنہ کرتے ہوئے کیا ۔اس موقع پران کے ہمراہ ڈائریکٹر پارکس ندیم حنیف ،ڈائریکٹر سینی ٹیشن غوث محی الدین بھی موجود تھے ،عائشہ منزل سے شروع ہونے والی گرین بیلٹ اور چورنگی کو خوشبو دار رنگین پھولوں سے سجایا گیا ہے ب۔جو ہرگزرنے والے شہری پر خوش گواراثر چھوڑتے ہیں۔اس موقع پرموجودتاجربرادری نے چیئرمین بلدیہ وسطی کو اپنے مسائل سے آگاہ کرتے ہوئے کہاکہ دور دور تک پھیلے پتھاروں اور تجاوزات کی وجہ سے عوام کو شدید مشکلات کا سامنا ہے اور یہ تجاوزات ٹریفک جام ہونے کا سبب بن رہے ہیں اور خریداروں کو نہ صرف گاڑیاں پارک کرنے میں دشواری ہوتی ہے بلکہ پیدل چلنے والوں کو بھی سڑک پارکرنے میں بے حدپریشانی ہوتی ہے ۔ریحان ہاشمی نے کہا کہ تجاوزات شہر کی خوبصورتی کو ماند کررہے ہیں اور اس سلسلے میں بلدیہ وسطی تجاوزات کے خلاف گرینڈ آپریشن کرنے جارہی ہے ۔ انہوں نے عوام سے اپیل کی کہ Beautificationکے کام کے بعد اب بلدیہ وسطی کے باشعور عوام کی ذمہ داری ہے کہ وہ بلدیہ وسطی کے ساتھ تعاون کرتے ہوئے ان پھولوں اور پودوں کی حفاظت کریں ۔

8th Apr 2017 DMC Central Karachi Press Release

7th Apr 2017 DMC Central Karachi Press Release

7th Apr 2017 DMC Central Karachi Press Release

کراچی( ) ہم عوام کے دکھ سکھ میں برابر کے شریک ہیں،حق پرست قیادت کا یہ خاصہ رہا ہے کہ کسی بھی ناگہانی آفت اور پریشانی کے موقع پر اپنے لوگوں کے شانہ با شانہ کھڑی ہوتی ہے ان خیالات کا اظہار چیئرمین بلدیہ وسطی ریحان ہاشمی نے طاہر پلازہ ناظم آباد کی کار پارکنگ میں آتشزدگی کے موقع پر اہل محلہ سے بات چیت کرتے ہوئے کیا ،اس موقع پر ان کے ہمراہ وائس چیئرمین بلدیہ وسطی سید شاکر علی بھی موجود تھے ۔واضح رہے کہ ناظم آباد میں طاہر پلازہ کی پارکنگ میں آتشزدگی کی اطلاع ملتے ہی چیئرمین ،وائس چیئرمین جائے وقوعہ پر اپنی ٹیم کے ہمراہ پہنچے ،بلدیہ وسطی کی ٹیم نے فوری امدادی کاموں کی کاروائی شروع کردی ،اس موقع پر چیئرمین بلدیہ وسطی نے فائر برگیڈ کے عملے کو تاکید کی کہ جلد از جلد آگ کو قابو کیا جائے اور کوشش کی جائے کہ کسی قسم کا جانی یا مالی نقصان نہ ہو۔انہوں نے وہاں پر موجود سینی ٹیشن کے اسٹاف کو کہا کہ آگ پر قابو پانے کے بعد یہاں فوری صفائی کی جائے ۔وائس چیئرمین سید شاکر علی نے نے کہا کہ حق پرست بلدیاتی نمائندے ہرمشکل گھڑی میں عوام کے ساتھ ہیں انہوں نے بلدیہ وسطی کی ٹیم کو ہدایت کی کہ جب تک آگ پر قابو نہ پایا جائے عملہ اپنی ڈیوٹی پر موجود رہے گا ،متاثرہ جگہ پر جمع اہل محلہ سے بات کرتے ہوئے کہا کہ آگ لگنے کی وجوہات معلوم کی جائے تاکہ مستقبل میں دوبارہ ایسا حادثہ رونما نہ ہو،انہوں نے کہا کہ عوام بلدیہ وسطی کی مقررہ کردہ جگہوں پر کچرا ڈالیں اور کچرا جلانے سے پرہیز کریں کیونکہ کچرا جلانے کی وجہ سے ماحول کی آلودگی میں اضافہ ہو رہا ہے۔ 

7th Apr 2017 DMC Central Karachi Press Release

6th Apr 2017 DMC Central Karachi Press Release

6th Apr 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی نے گلبرگ زون میں بلدیہ وسطی کے کونسل اجلاس کی صدارت کی ۔اس موقع پر ان کے ہمراہ وائس چیئرمین سید شاکر علی بھی موجود ہیں ۔اجلاس میں مختلف امور پر گفتگو اور بحث ہوئی۔اجلاس میں ایجنڈا نمبر 07 کے تحت 10 قرار دادیں اتفاق رائے سے منظور کی گئیں۔قرار دادوں میں، پرائیوٹ اسکولوں میں فیسوں میں کمی تاکہ عام آدمی باآسانی اپنے بچوں کو بہتر سے بہتر تعلیم دلاسکے،واٹر اینڈ سیوریج اپنے جاری اور مستقبل کے منصوبوں میں بلدیاتی نمائندوں کو اپنے اعتماد میں لیں اور ان سے مشاورت کریں ،کراچی کے بے ہنگم ٹریفک کو کنٹرول کرنے کے لئے ٹریفک پولیس کو میئر کراچی کے حوالے کیا جائے،واٹر اینڈ سیوریج کی نیشنل ہائی وے سے فش فارم و اراضی کو پینے کے پانی کی فراہمی کو ختم کرنے کی منظوری ،اس کے علاوہ عوامی سہولتوں کی فراہمی کے حوالے سے مختلف قرار دادیں منظور کی گئیں،اجلاس میں چیئرمین بلدیہ وسطی ریحان ہاشمی نے کہا کہ محدود وسائل اور اختیارات نہ ہونے کہ باوجود ضلع کی تعمیر و ترقی کے لئے کوشاں ہیں۔وائس چیئرمین سید شاکر علی نے کہا کہ عوام نے اپنا مینڈیٹ ہمارے حوالے کیا ہے اور ہم دن رات عوامی خدمت کے جذبے کے ساتھ ضلع وسطی کی تعمیر کررہے ہیں،ہماری کوشش ہے کہ ہم بلدیہ وسطی کے مکینوں کو تمام ممکنہ سہولتیں فراہم کریں۔ 

6th Apr 2017 DMC Central Karachi Press Release

5th Apr 2017 DMC Central Karachi Press Release

5th Apr 2017 DMC Central Karachi Press Release

کراچی ( )ہونہار طلباء و طالبات پاکستان کا قیمتی سرمایہ ہیں ،مستقبل میں انہوں نے پاکستان کی باگ دوڑ سنبھالنی ہے ،جدید علوم اور ٹیکنالوجی سے آراستہ طلباء و طالبات مضبوط اور ترقی یافتہ پاکستان کی ضمانت ہیں ان خیالات کا اظہار چیئرمین بلدیہ وسطی ریحان ہاشمی نے The Children's Education Academy کے سالانہ تقریب تقسیم انعامات میں طلباء و طالبات اور ان کے والدین سے خطاب کرتے ہوئے کیا۔اس موقع پران کے ہمرا ہ اسکول پرنسپل شاہ نواز احمد صدیقی بھی موجود تھے،چیئرمین بلدیہ وسطی نے اسکول کے پوزیشن ہولڈر طلباء و طالبات کو شیلڈز اور انعامات دیئے۔ اس موقع پر اسکول کے بچوں نے ملی نغمے ،ٹیبلواورڈرامے پیش کئے ،جو حاضرین کے لئے باعث دلچسپی تھے ۔چیئرمین بلدیہ وسطی نے بچوں کی کارکردگی کو سراہاتے ہوئے کہا کہ آج کے ذہین طلبا وطالبات کل کے سائنسدان، صنعتکار اور قوم کے رہنما ہونگے، طلبا و طالبات قوم کی امیدوں کا محور ہیں ان کی تعلیم اور تربیت کے بغیر کوئی قوم حقیقت میں ترقی نہیں کرسکتی انہوں نے The Children's Education Academy کی انتظامیہ کو ہر ممکن تعاون کی یقین دہانی کرائی ۔

5th Apr 2017 DMC Central Karachi Press Release