17th Oct DMC Central News & Picture

 

بلدیہ وسطی کے تمام اسٹاف کو وقت پر تنخواہیں ادا کی جائے ۔ریحان ہاشمی 

ڈرائیورز حضرات کے لئے اوور ٹائم اور فری میڈیکل سہولتیں بھی مہیا کی جائیگی ۔ڈرائیور ز حضرات کے اجلاس سے خطاب 

مورخہ۱۷ /اکتوبر۲۰۱۶ء ؁

کراچی ( )چیئرمین بلدیہ عالیہ وسطی ریحان ہاشمی نے کہا ہے کہ بلدیہ وسطی کے تمام ملازمین کو بروقت تمخواہوں کی ادائیگی کو ممکن بنایا جائے انھوں نے کہا کہ ملازمین کے مسائل کے حل کے لئے سنجیدگی سے غور کر رہے ہیں ان خیالات کا اظہار انھوں نے ضلع وسطی کو مثالی ضلع بنانے میں کچرا اٹھانے والی گاڑیوں کے ڈرائیورز کا اہم کردار کے حوالے سے بلائے گئے ڈرائیور حضرات کے اجلاس میں خطاب کرتے ہوئے کیا اس موقع پر میونسپل کمشنر محمد وسیم سومرو ،بریگیڈئر ڈاکٹر ارشد،ڈائریکٹر سینی ٹیشن و دیگر متعلقہ افسران بھی موجود تھے چیئرمین ریحان ہاشمی نے کہا کہ ضلع وسطی کو شفاف ترین ضلع بنانے کے لئے ادارے کے ہر فرد کو پوری ایمانداری اور جانفشانی سے کام کرنا ہوگا انہوں نے کہا کہ بہترین کارکردگی کے حامل افراد کو تعریفی اسناد کے ساتھ ساتھ مختلف قسم کے ایوارڈ سے بھی نوزا جائیگا جبکہ کرپٹ اور نااہل افسران کے ساتھ سختی سے نمٹا جائیگا اجلاس ڈرائیورز حضرات نے چیئرمین بلدیہ وسطی کو اپنے مسائل سے آگاہی دی اس موقع پر ڈرائیور حضرات نے تنخواہ کی ادائیگی بروقت ہونے کے ساتھ ساتھ اوور ٹائم اور گاڑیوں کی مینٹننس جیسے مسائل کاذکر کیا اس موقع پرچیئرمین ریحان ہاشمی نے فوری طور پر فنانس ڈپارٹ کو ہدایت جاری کی کہ وہ تمامملازمین کی تنخواہوں کی ادائیگی کو بروقت ادا کرنے کے لئے ہرممکن اقدامات کریں جبکہ اوور ٹائم کے معاملات بھی چند دن میں حل ہوجائیگے اس موقع پر انھوں بلدیہ وسطی کے تمام ملازمین کے لئے فری میڈیکل کا بھی عندیہ دیا انھوں نے کہا کہ اس سلسلے میں کئی اداروں سے بات چیت ہورہی ہے جلد ہی ملازمین کو بہترین فری میڈیکل سہولتیں مہیا کرئیگے چیئرمین ضلع وسطی ریحان ہاشمی نے کہا کہ بلدیہ وسطی جن مسائل کا شکار ہے وہ آپ سب بخوبی جانتے ہیں ریحان ہاشمی نے کہا کہ یہ ایسا وقت ہے کہ ہم سب کو ٹیم ورک کی صورت میں کام کرنا ہوگا اس شہر کے لئے اس ضلع کے لئے انھوں نے کہا کہ اہلیان ضلع وسطی کو صاف و شفاف ماحول فراہم کرنے کے لئے تمام دستیاب وسائل کو برؤے کار لایا جائے اس موقع پر ریحان ہاشمی نے کہا کہ ضلع وسطی خواندگی کے لحاظ سے بھی ایک حیثیت رکھتا ہے انھوں نے کہا کہ ضلع وسطی میں صفائی کے معیار کو مزید بہتر کیا جائے ا س موقع پر ریحان ہاشمی نے بلدیاتی شعبوں کے لئے ملازمین کی پرخلوص خدمات کے بغیر ترقی نہیں کرسکتا ریحان ہاشمی نے کہا کہ غیر سیاسی ضلعی حکومتوں کے ماضی میں کئے گئے کام عوام کے لئے باعث پریشانی اور انتظامیہ کے لئے باعث شرمندگی بن رہے ہیں انہوں نے کہا کہ گزشتہ سات سالوں میں جمع ہونے والے کوڑا کرکٹ کو چند دن میں صاف کرنا نا ممکن نہیں مگر دشوار ضرور ہے انھوں نے امید ظاہر کی کہ آئندہ چند روز میں افسران و کارکنان کے تعاون سے ضلع وسطی کو کچرے سے پاک کر دینگے انھوں نے افسران سے حاصل کی جانے والی کارکردگی رپورٹ پر کہا کہ ابھی مزید بہتری کی گنجائش موجود ہے اگر بلدیہ وسطی کا ہرشعبہ اپنے دائرے اختیار میں رہتے ہوئے ایمانداری سے کام کرے تو وہ دن دور نہیں جب بلدیہ ضلع وسطی کراچی کے شفاف ترین ضلع ہونے کے ساتھ ساتھ ترقی یافتہ ضلع بن کر ابھرے گا ۔۔۔
جاری کردہ
عالمگیر سیفی
انفارمیشن آفیسر (بلدیہ وسطی)

0333-3697274

14th Oct 2016 DMC Central News & Picture

Chairman District Central Rehan Hashmi discussing with Heritage Foundation Executive Ms. Yasemeen Lari regarding Education system.

 

ترقی یافتہ قوم بننے کے لئے تعلیم کوعام کیا جائے ۔ریحان ہاشمی

ٹیچرز ٹریننگ کے مواقع بھی فراہم کرئینگے ۔فرحت خان

مورخہ : ۱۴ / اکتوبر / ۲۰۱۶ ؁

کراچی ( ) چیئر مین بلدیہ وسطی ریحان ہاشمی نے کہا ہے کہ ترقی یافتہ قوم بننے کے لئے تعلیم کو عام کیا جائے انہوں نے مزید کہا کہ خواندگی ہماری نئی نسل کی تعمیر و ترقی کے لئے انتہائی ضروری ہے سرکاری اسکولوں میں تعلیمی سرگرمیوں کے لئے مثبت اقدامات کئے جائیں وہ اپنے دفتر میں ہیریٹج فاؤنڈیشن (HERITAGE FOUNDATION ) کی چیف ایگزیکٹیو آفیسر یاسمین لاری سے ملاقات کے موقع پر گفتگو کر رہے تھے ۔انھوں نے مزید کہا کہ وہ HERITAGE FOUNDATIO اورLBT ذریعے ( غیر سرکاری تنظیم) کے ذریعے بچوں اور خواتین میں خواندگی بڑھانے اور تعلیم حاصل کرنے کا شوق پیدا کرنے میں جو کام کررہی ہے وہ قابل ستائش ہے ۔اس موقع پر یاسمین لاری (ستارہ امتیاز،ستارہ حلال )نے چیئر مین بلدیہ وسطی ریحان ہاشمی کو اپنی تنظیم کی جانب سے تعلیم عام کرنے کے لئے کئے جانے والے اقدامات اور دیگر منصوبوں کے بارے میں آگاہی دی انہوں نے کہا کہ انکی تنظیم سرکاری اسکولوں کی ناگفتہ بہ حالت اور تعلیمی معیارسے فکر مند ہے اور چاہتی ہے کہ سرکاری اسکولوں میں طلباء وطالبات کی حاضری کو بہتر بنایا جائے انہوں نے کسی بھی سرکاری اسکول کو گود لینے (Adopt) کے امکان کو ممکن قرار دیا ۔اس موقع پر سابق حق پرست رکن قومی اسمبلی فرحت خان، بریگیڈئر ڈاکٹر راشد۔ مصدق حسین بیگ، میونسپل کمشنر محمد وسیم سومرو ، ڈائریکٹر ایجوکیشن بلدیہ وسطی سہیل احمد ،موجود تھے،بعد ازاں یاسمین لاری بلدیہ وسطی کے اسکول سر آغا خان اسکول کا دورہ کیا اس موقع پر انہوں نے کہا کہ تعلیم کو عام کرنے کے لئے اسکولوں کی حالت زار کے ساتھ ساتھ طریقہ تعلیم کو بھی بدلنا پڑئے گا انہوں نے کہا کہ ہمارا ادارہ بچوں کو تعلیم دینے کے لئے آڈیو ویجیل سسٹم کے ذریعے بچوں کو خصوصی تعلیم فراہم کرئیگا انھوں نے اسکول کی عمارت کو بہترین قرار دیا انھوں نے کہا کہ کیا وجہ ہے کہ مفت تعلیم ہونے کے باوجود طالب علموں کی تعداد کم ہے انھوں نے کہا سرکاری اسکولوں میں تعلیم کے معیار کو بلند کرنے کے سا تھ ساتھ والدین سے بھی رابطے کو ممکن بنایا جائے اس موقع پر سابق حق پرست رکن قومی اسمبلی فرحت خان نے کہا کہ سرکاری اسکولوں میں تعلیم کے معیار کو بلند کرنے کے لئے ٹیچرز ٹریننگ کے مواقع بھی فراہم کیئے جائینگے بعد ازاں یاسمین لاری نے ناظم آباد میں قائم صبا اختر لائبریری کا دورہ کیا ،لائبریری میں موجود کتابوں کے بارے میں تفصیلات فراہم کیں ۔ یاسمین لاری نے لائبریری کے لئے کتابوں کا تحفہ پیش کیا ۔ریحان ہاشمی نے بتایا کہ لائبریری میں نئی نسل کی دلچسپی کے لئے نئی کتابیں فراہم کرنے کے لئے لائحہ عمل تیار کیا جا رہا ہے وضح رہے کہ قائداعظم محمد علی جناح نے تعلیم کو پاکستانی قوم کے لئے زندگی صورت کا مسئلہ قرار دیا تھا کیونکہ تعلیم حاصل کرکے ہی ہم دوسری قوموں سے مقابلہ کرسکتے ہیں جدید دور کے مطابق تعلیم ہمیں ترقی یافتہ قوموں کی صف میں شامل کرسکتی ہے یاسمین لاری کی تنظیم (HERITAGE FONDATION) بچوں اور خواتین کے لئے ساتھ ساتھ استاتزہ کی تربیت اور تعلیم کے لئے جو کوشش کررہی ہے وہ قابل تحسین عمل ہے چیئرمین بلدیہ وسطی ریحان ہاشمی نے یاسمین لاری کے آمد کا شکر ادا کرتے ہوئے بلدیہ وسطی کی جانب سے تعلیم کے میدان ہر ممکن تعاون کا یقین دلایا۔
جاری کردہ
عالمگیر سیفی
انفارمیشن آفیسر (بلدیہ وسطی)
0333-3697274

13th Oct 2016 DMC Central News & Picture

متحدہ قومی موومنٹ کے رہنما عامر خان ،فیصل سبزواری کی جلوس عزا میں شرکت

امام حسین کی شہادت حق کی ابدی فتح اور باطِل کی شکست کی واضح دلیل ہے: حق پرست اراکین اسمبلی

عزادارانِ حسین کو بلدیاتی سہولیات مذہبی عقیدت کے جذبہ کہ تحت مہیا کی جارہی ہیں: ریحان ہاشمی

مورخہ :۱۳؍اکتوبر ۲۰۱۶ ؁ء

کراچی ( ) متحدہ قومی موومنٹ پاکستان کے رہنما عامر خان اور فیصل سبزواری کی فیڈرل بی ایریا بلاک ۱۷ مسجد و امام بارگاہ خیرالعمل سے شہادت حسین کی یاد میں برآمد ہونے والے مرکزی جلوس عزا میں شرکت اس موقع پر بلدیہ وسطی کے چیئرمین ریحان ہاشمی، حق پرست ارکان اسمبلی، شیخ صلاح الدین ،جمال احمد،انور رضا بھی موجود تھے اس موقع پر متحدہ قومی موومنٹ پاکستان کے رہنما عامر خان نے کہا ہے کہ متحدہ قومی موومنٹ پاکستان بلا تفریق رنگ و نسل مذہب و ملت انسانیت کی خدمت پر یقین رکھتی ہے انہوں نے مزید کہا کہ متحدہ قومی موومنٹ مسلمانوں کے مختلف عقائد رکھنے والوں کے درمیان محبت، اخوت اور بھائی چارے کی فضاء کو قائم کرنے کے لئے ہمہ وقت میدان عمل میں ہے اس موقع پر حق پرست اراکین اسمبلی نے جلوس کے منتظمین سے گفتگو کرتے ہوئے کہا کہ نواسۂ رسول امام حسین کی شہادت باطل کے خلاف حق کی ابدی فتح کی واضح دلیل ہے ۔آج صدیوں گزر جانے کے بعد بھی عالمِ اسلام اور تمام دنیا امام حسین کی شہادت کا غم مناتی ہے جبکہ یزید باطل اور ظالم کے نام سے یاد کیا جاتا ہے۔ قبل ازیں انہوں نے مجالس اور جلوس کے منتظمین سے انکے مسائل اور ضروریات سے آگاہی حاصل کی اور حق پرست قیادت کی جانب سے ہرممکن تعاون کا یقین دلاتے ہوئے کہاکہ متحدہ قومی موومنٹ پاکستان امت مسلمہ کے تمام مکتبہء فکر کے درمیان مذہبی ہم آہنگی اور بھائی چارے کو فروغ دینے پر یقین رکھتے ہیں۔ محرم الحرام کے دوران بھی عزادارئ حسین کے دوران برادارانِ اسلام کے درمیان بھائی چارے کی فضاء قائم رکھنے میں متحدہ قومی موومنٹ پاکستان پیش پیش ہے ۔ قبل ازیں بلدیہ وسطی کے چیئرمین ریحان ہاشمی نے رکن صوبائی اسمبلی جمال احمد کے ہمراہ نیو کراچی ونارتھ کراچی میں واقع مختلف امام بارگاہ سے شہادتِ امام حسین کی یاد میں نکالے جانے والے جلوسِ عزأ میں شرکت کی اس موقع پر،میونسپل کمشنرمھمد وسیم سومرو ،یونین کمیٹی کے چیئر مین و وائس چیئرمین ،شیعہ و سنی علماء ،رینجرز و پولیس کے افسران متحدہ قومی موومنٹ پاکستان کے ذمہ داران و کارکنان بھی موجود تھے اس موقع پرچیئرمین بلدیہ وسطی ریحان ہاشمی نے کہا کہ بلدیہ وسطی کی حدود میں جلوس، مجالس اور شہادتِ امام حسین کے یاد میں منعقد کئے جانے والے تمام پروگرامز میں عزادارنِ حسین کو بلدیاتی سہولیات نواسۂ رسول سے محبت اور مذہبی عقیدت و احترام کے جذبہ کے تحت فراہم کررہے ہیں۔ بعد ازاں حق پرست ارکان اسمبلی جمال احمد نے چیئرمین ریحان ہاشمی کے ہمراہ نارتھ کراچی سیکٹر 5C میں واقع امام بارگاہ آل محمد پر منعقدہ مجلس میں شرکت کی اور یہاں میڈیکل ایڈ کمیٹی کی جانب سے لگائے گئے میڈیکل کیمپ پر عزادارن حسین کو دی جانے والی میڈیکل سہولتوں کا معائنہ کیاx xxxxxxxxxxxxxxxxxxxxxxxxxxxxxxxxxxxxxxxxxxxxx

جاری کردہ
عالمگیر سیفی
انفارمیشن آفیسر ( بلدیہ وسطی)
0333-3697274

10th Oct 2016 DMC Central News & Picture

Chairman District Central Karachi Mr. Rehan Hashmi discussing with Iqra University Student delegation regarding Municipal assignment.

 

تعلیمی ادارے نوجوان نسل کو شعور و دانش عطا کرتے ہیں ۔ریحان ہاشمی 

اقراء یونیورسٹی کے طلبا و طالبات سے اپنے دفتر میں ملاقات کے موقع پر گفتگو 

مورخہ ؛ ۱۰/ اکتوبر ۲۱۰۶ء ؁

کراچی ( )چیئر مین بلدیہ عالیہ کراچی وسطی ریحان ہاشمی نے کہا ہے کہ نوجوان نسل کی تعلیمی سرگرمیاں معاشرے کے لئے خوش آئند ہوتی ہے جبکہ تعلیمی ادارے نئی نسل کو شعور اور دانش عطا کرتے ہیں ان خیلات کا اظہار انہوں نے اقراء یونیورسٹی کے طلبا و طالبات سے اپنے دفتر میں ملاقات کے دوران گفگو کرتے ہوئے کیا ۔مزکورہ یونیورسٹی کے طلباء اور طالبات کے وفد نے ڈائریکٹر اکیڈمک سلمان عباسی کی سربراہی میں ضلع وسطی کے تعلیمی دورے تھے اقرا یونیورسٹی کے وفد نے چیئرمین ریحان ہاشمی سے بلدیاتی امور سے متعلق یونیورسٹی اسائمنٹ کے سلسلے میں ملاقات کی اس موقع پر ریحان ہاشمی نے طلباو طالبات کو اپنے دفتر میں خوش آمدید کہا اور انکے اسائمنٹ میں معاون ہر قسم کی ممکنہ تعاون کی پیشکش کی ریحان ہاشمی نے اس بات کو سراہا کہ یونیورسٹی کے طلبا و طالبات بلدیاتی اداروں کے طریقہء کار ،وسائل اور مسائل کے بارے میں تحقیقاتی کام کر رہے ہیں انھوں نے امید ظاہر کی کہ اس اسائمنٹ کی تیاری کے بعد بلدیہ وسطی کی کارکردگی عوام الناس کے سامنے بطریقہ احسن پیش کی جاسکے گی قبل ازیں وفد کے سربراہ ڈائریکٹر اکیڈمک سلمان عباسی نے ریحان ہاشمی سے اپنا اور اپنے وفد کا تعارف کرایا اور اپنی آمد کے مقاصد اور اسائمنٹ کی تفصیلات سے آگاہ کیا انھوں نے بتایا کہ اقرا یونیورسٹی ضلع وسطی میں موجودہ سیاسی منتخب قیادت میں کئے جانے والے ترقیاتی کاموں کی تفصیلات کے ساتھ ساتھ بلدیاتی خدمات کا دائرہ کار ،انکے دستیاب وسائل اور ضلع وسطی کو درپیش مالی و دیگر مسائل کے بارے میں ریسرچ اسائمنٹ تیار کر رہے ہیں انھوں نے چیئرمین ریحان ہاشمی کا شکریہ ادا کیا کہ انھوں نے نا صرف طلباء کو کو عزت دی بلکہ اپنے پورے ممکن تعاون کا یقین دلایا ۔
جاری کردہ 

عالمگیر سیفی

انفارمیشن آفیسر (بلدیہ وسطی) 

0333-3697274
 

 

9th Oct 2016 DMC Central News & Picture

ویژنری فاؤنڈیشن پاکستان کے تحت ضلع وسطی میں تعلیم، صحت اور نوجوانوں کے حوالے سے پروگرامز کی بریفنگ

ضلع وسطی نے تعلیم ، صحت اور نوجوانوں کی فلاح و بہبود کے لئے جامع پالیسی پر کام شروع کر دیا ہے۔ ، چیئر مین ضلعی وسطی ریحان ہاشمی

ضلع وسطی کی عوام کی فلاح کے لئے ہر پروگرام کو ترجیحی بنیادوں پر سپورٹ کرنے کو تیار ہے۔چئیرمین ضلع وسطی 

کراچی۔ 09اکتوبر 2016

کراچی ( ) ویژنری فاؤنڈیشن پاکستان نے ضلع وسطی کراچی کے تعاون سے ضلع میں تعلیم، صحت اور نوجوانوں کی فلا ح و بہبود کے حوالے سے ضلع وسطی کراچی کی انتظامیہ اور نوجوانوں کے لئے پروگرامز کی بریفنگ کا انعقاد ضلع وسطی کے کانفرنس ہال میں کیا ۔ تقریب کا بنیادی مقصد ضلع وسطی کراچی کی انتظامیہ کے سا تھ ان پروگرامز کی تفصیلات شئیر کرنا تھا۔ تقریب کا آغاز کرتے ہوئے ، ویژنری فاؤنڈیشن پاکستان کے چیف ایگزیکیوٹیو آفیسر جناب راشد محمود خان نے پروگرامز کی تفصیلا ت سے آگاہ کرتے ہوئے بتایا ، کہ ضلع وسطی کراچی کی انتظامیہ اور سپورٹ کے ساتھ اسکول اور آؤٹ آف اسکول نوجوانوں کی فلاح و بہبود کے لئے ان کی تنظیم کم مدتی اور طویل مدتی پروگرام شروع کرنے کا ارادہ رکھتی ہے، ساتھ ہی بہت سی مزیدتنظیموں کو بھی ضلع وسطی کی انتظامیہ کے ساتھ منسلک کریں گے جو ان پروگرامز پر کام کر رہی ہیں۔فوری طورپر اسکول کے بچوں کے لئے فری میڈیکل کیمپس کا انعقاد، اسکول کے بچوں کے لئے مختلف کمپیٹیشن کا انعقاد ، اور نوجوانوں کی قائدانہ صلاحیتوں کو اجاگر کرنے کے لئے کانفرنس کا انعقاد کیا جائے گا۔، چیئرمین ضلع وسطی ریحان ہاشمی نے ویژنری فاؤنڈیشن پاکستان کی کاوششوں کو سراہتے ہوئے کہا کے ضلع وسطی کے نوجوانوں کے لئے ضلعی انتظامیہ نے پلاننگ فیز مکمل کر لیا ہے اور بہت جلد اس پر عملدرآمد شروع کرنے والے ہیں، ان کا مزید کہنا تھا کہ وہ ایک ٹیم پلئیر ہیں اور یہ تمام نوجوان میری ٹیم ہیں، اور ان کے ساتھ مل کر پاکستا ن کی، کراچی کی اور خاص ضلع وسطی کی ترقی کے لئے کام کریں گے۔اس کے ساتھ ساتھ انہوں نے تمام پروگرامز میں اپنے ہر طرح کے تعاون کی بھی یقین دہانی کروائی۔

اس تقریب میں نوجوانوں کی ایک بڑی تعداد نے شرکت کی۔جن کا تعلق ضلع وسطی کراچی کے مختلف علاقوں اور تنظیموں سے تھا ۔۔

نوجوانوں نے ویژنری فاؤنڈیشن پاکستان کی اس کاوش کو بہت سراہا اور اس بات پر ذوردیا کے اس طرح کے پروگرامز تواتر کے ساتھ ہونے چاہیں اور ضلع وسطی کے مختلف ڈیپارٹمنٹس کے ساتھ مل کر اس سلسلے میں کام کرنے کی ضرورت ہے۔

جاری کردہ عالمگیر سیفی

انفارمیشن آفیسر (بلدیہ وسطی) 

03333697274