28th Feb 2017 DMC Central Karachi Press Release

28th Feb 2017 DMC Central Karachi Press Release

کراچی ( )صحت وصفائی کی بہتری کے لئے مشینری کی درستگی انتہائی اہمیت کی حامل ہے اسی سبب ہم نے اس شعبے کو وسائل کی کمی کے باوجود درست رکھنے کے لئے اپنی اولین ترجیحات میں شامل کررکھا ہے۔ ان خیالات کا اظہارچیئر مین بلدیہ وسطی ریحان ہاشمی نے افسران کے ہمراہ لیاقت آ باد ورکشاپ کے دورے کے دوران کیا ۔ورکشاپ میں گاڑیوں کی روزانہ کی بنیاد پر سروس کے لئے کی جانے والے 200فٹ گہری بورنگ اور 2400گیلن پانی کی ٹنکی اور ملازمین کے لئے لگائے جانے والے الیکٹرک واٹر کولر کا معا ئنہ کیا ۔ بعد ازاں چیئرمین ریحان ہاشمی نے ورکشاپ کے اسٹور کا بھی معائنہ کیا۔ اس موقع پر ورکشاپ انچارج نے کہا کہ چیئرمین کی جانب سے فراہم کی جانے والی ان سہولتوں کے بعد گاڑیوں کی سروس اور مینٹینس کا کام بہتر انداز میں کیا جارہا ہے،انہوں نے مزید کہا کہ صفائی ستھرائی کے امور کی انجام دہی کے لئے مشینری کو درست انداز میں استعمال کیا جارہا ہے مرکزی شاہراہوں پر ہیوی مشینریز اور چھوٹی سٹرکوں پر لائٹ مشینر ی 
(Bob Cat)کا استعمال کیا جا رہا ہے اور وہ علاقے جہاں مشینری داخل نہیں ہوسکتی وہاں افرادی قوت استعمال کرکے صفائی ستھرائی کے امور انجام دئیے جارہے ہیں ورکشاپ کے عملے نے بتایا کہ معمولی نقائص کو ورکشاپ میں ہی درست کرکے
مشینری کو رواں دواں رکھا جاتا ہے۔

28th Feb 2017 DMC Central Karachi Press Release

27th Feb 2017 DMC Central Karachi Press Release

27th Feb 2017 DMC Central Karachi Press Release

کراچی ( ) آج کے ذہین طلبا وطالبات کل کے سائنسدان، صنعتکار اور قوم کے رہنما ہونگے، طلبا و طالبات قوم کی امیدوں کا محور ہیں ان کی تعلیم اور تربیت کے بغیر کوئی قوم حقیقت میں ترقی نہیں کرسکتی ۔اِن خیالات کا اظہار چیئرمین بلدیہ وسطی ریحان ہاشمی نے،گلوبل اکیڈمی کی سائنس اور آرٹس نمائش کا افتتاح کرنے کے بعد گفتگو کے دوران کیا۔انہوں نے مزید کہا کہ نئی نسل کو جدید دور کے مطابق تعلیم اور تربیت سے آراستہ کرنے کا مطلب انہیں نئے دور اور ترقی یافتہ قوموں سے قدم ملاکرچلنے کے قابل بنانا ہے۔ قبل ازیں اسکول کے پرنسپل فیضان نے استقبالیہ تقریر میں نمائش کے انعقاد کے اغراض و مقاصد سے مہمانوں کو آگاہ کرتے ہوئے کہا کہ نمائش کا مقصدطلباء و طالبات کی صلاحیتوں کو اجاگرکرنے کے ساتھ ساتھ انہیں تعلیم سے بھرپور فائدہ اُٹھاتے ہوئے اپنے ٹیلنٹ کے اظہار کا موقع فراہم کرناہے۔ریحان ہاشمی نے نمائش میں لگائے گئے ، سائنس، فنونِ لطیفہ اور کلیہء تجارت کے اسٹالز کا معائنہ کیا اور طلباء وطالبات کو انکی صلاحیتوں پر خراجِ تحسین پیش کیا۔ نمائش میں مختلف شعبہ جات کے اسٹالز لگائے گئے جن میں سائنس ، کلیۂ فنونِ ، کلیۂ تجارت شامل تھے۔ بجلی بنانے کے سستے ذرائع، کائنات کا نظامِ شمسی اور معاشرتی مسائل پر مبنی پروجیکٹس کو بہت پسندکیاگیا اس موقع پر ننھے طلبا و طلبات نے خوبصو رت ٹیبلو پیش کئے۔انگریزی زبان کی تاریخ کے حوالے سے خصوصی اسٹالز بھی طلباء و طالبات کی توجہ کا مرکز تھے۔
اس موقع پر اسکول پرنسپل کی جانب سے چئیرمین ریحان ہاشمی کو شیلڈ اور پھولوں کا خوبصورت گلدستہ پیش کیا۔ 

27th Feb 2017 DMC Central Karachi Press Release

25th Feb 2017 DMC Central Karachi Press Release

25th Feb 2017 DMC Central Karachi Press Release

کراچی( )کتابیں انسان کی بہترین دوست ہونے کے ساتھ ساتھ معلومات کا خزانہ ہوتی ہیں ان خیالات کا اظہار چئیرمین بلدیہ وسطی ریحان ہاشمی نے فیڈرل بی ایریا میں جاری کتاب میلے کے دوران کیا ، اس کتاب میلے کا بُنیادی مقصد اپنے علمی و ادبی ورثے کی حفاظت اور اسے نئی نسل کو منتقل کرنا ہے انہوں نے کتاب کی اہمیت کو اُجاگر کرتے ہوئے کہا کہ کتاب سے رشتہ ہر گز نہ توڑیں ۔ اس کتاب میلے میں مختلف مو ضوعات کی اُردووا نگلش ادب، سائنس ، فکشن، شاعری اور خو د نوشت سوانح عُمری (Auto Bio Graphy)کتابیں موجود تھیں، چیئرمین بلدیہ وسطی ریحان ہاشمی نے طلبا وطالبات کو دُنیا کے مشہور لوگوں کی سوانح عُمری پڑھنے کا مشورہ دیتے ہوئے کہا کہ کامیاب لوگوں کی عملی زندگی اور جدوجہد کے بارے میں پڑھ کر نئی نسل اس سے فائدہ اُٹھا سکتی ہے انہوں نے حکومتی سطح پر نئی لائبریریوں کے قیام پر زور دیا تاکہ طالب علموں کو علم کے حصول میں آسانی ہو ۔

25th Feb 2017 DMC Central Karachi Press Release

24th Feb 2017 DMC Central Karachi Press Release

24th Feb 2017 DMC Central Karachi Press Release

کراچی( ) صوبہ سندھ میں حکومتی سطح پر پہلی مرتبہ ڈاہلیہ (Dahlia)اور روز فلاور شو کا افتتاح ڈپٹی میئر ارشد وہرہ نے فتح باغ نارتھ ناظم آ با د میں کیا ۔اس موقع پر چیئر مین بلدیہ وسطی ریحان ہاشمی ، وائس چیئرمین سید شاکر علی ، ڈائریکٹر پارکس محمد ندیم حنیف ،یونین کونسل کے چئیرمینز وائس چئیرمینز بھی موجود تھے اس موقع پر ڈپٹی میئر ارشد وہرہ نے کہا کہ وہ اور میئر کراچی وسیم اختر شہر کراچی کو سنوارنے کے لئے دن رات محنت کر رہے ہیں اور اس کے مثبت اثرات ظاہر ہونے لگے ہیں انہوں نے سندھ حکومت سے مطا لبہ کیا کہ واٹر اینڈ سیوریج اور SBCAکو میئر کراچی کے ماتحت کیا جائے تا کہ شہریوں کو سہولیات کی فراہمی میں آ سانی ہو،چیئرمین بلدیہ وسطی ریحان ہاشمی نے کہا کہ پھولوں کی نمائش اوراس قسم کی دوسری تقریبات کے انعقاد کا مقصد عوام کو صحت مند اور تفریح کا ماحول فراہم کرنا ہے ڈائریکٹر پارکس ندیم حنیف نے کہا کہ بلدیہ وسطی کی جانب سے اس نمائش میں مسلسل تین ماہ کی محنت کے بعد ڈاہلیہ اور روز فلاورکے 60سے ذائد اقسام کے دس ہزار پودے سجائے گئے ہیں ۔ انہوں نے ڈاہلیہ پھول کے بارے میں معلوما ت فراہم کرتے ہوئے کہا کہ ڈاہلیہ (Mexico)کا قومی پھول ہے Mexicoاور وسطی امریکہ میں اس پھول کی پتیاں کھانے اور مشروبات میں بطور flavour کے استعمال کی جاتی ہیں ۔انہوں نے کہا کہ انسولین کی ایجاد سے پہلے ڈاہلیہ پھول سے حاصل کردہ عرق شوگر کے مریضوں کودوا کی صورت میں دیا جاتا تھا،انہوں نے مزید کہا کہ خوشبو اور خوبصورتی میں اس پھول کا کوئی ثانی نہیں ۔ اس نمائش میں پھولوں کے اسٹالز کے علاوہ فوڈ اسٹالز اور پلے لینڈ عوامی توجہ کا خاص مرکز بنے رہے اس نمائش میں مختلف طبقہ فکر ،اساتذہ ،فنکار ،گھریلو خواتین ،بچوں
طلباء وطا لبات نے بھرپور انداز میں شرکت کی بچے اور طلباء و طالبات پھولوں کے اسٹالز کے ساتھ سیلفیاں بناتے رہے ۔ 

24th Feb 2017 DMC Central Karachi Press Release

23rd Feb 2017 DMC Central Karachi Press Release

23rd Feb 2017 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ ضلع وسطی کو مثالی ضلع بنا نے کے لئے شب و روز کوشاں ہیں ان خیالات کا اظہار نیو کراچی زون یونین کونسل 09,10 میں،کچرے کی منتقلی ،گرین بیلٹس، اور نالے کی صفائی کے کام کا معائنہ کرتے ہوئے کیا اس موقع پریوسیز کے چیئرمینز ،وائس چیئرمینز و دیگر متعلقہ افسران بھی انکے ہمراہ تھے۔ چیئرمین بلدیہ وسطی ریحان ہاشمی نے بلدیہ وسطی میں جاری صفائی کے کام کی رفتار پر اطمینان کا اظہار کرتے ہوئے کہا کہ منتخب بلدیاتی نمائندے اختیار اور وسائل نہ ہونے کے باوجود محنت اور لگن سے کام کررہے ہیں انہوں نے کہا کہ بلدیہ وسطی کے افسران و کارکنان کی راہ میں وسائل کی کمی رکاوٹ نہیں بن سکی۔ انہوں نے مختلف یوسیز میں مخدوش سیوریج لائنوں کے رساؤ سے جمع ہونے والے پانی کی نکاسی کے کام کا معائنہ کیا جبکہ گرین بیلٹ میں جاری صفائی کے کام پر اطمینان کا اظہار کرتے ہوئے امید ظاہر کی کہ بلدیہ وسطی میں 100روزہ صفائی مہم کامیابی سے ہمکنارہوگی۔ دریں اثناء منتخب یوسیز میں گرین بیلٹس کی صفائی کاکام جاری ہے۔جس میں بلدیہ وسطی کے محکمہء سینی ٹیشن اور محکمہء باغات کے باہمی تعاون سے بہتر کارکردگی کا مظاہرہ کیا جارہاہے۔ جبکہ موٹر وہیکل ڈپارٹمنٹ کی دستیاب گاڑیوں اور مشنریز کو بھی استعمال میں لایا جارہاہے۔100 روزہ صفائی مہم کے دوران ہزاروں ٹن کوڑے کا بیک لاگ اُٹھایا جاچکا ہے جبکہ روزمرہ کا جمع ہونے والا کوڑا بھی باقاعدگی سے اُٹھایا جارہا ہے ۔چیئرمین بلدیہ وسطی ریحان ہاشمی 100روزہ صفائی مہم کو کامیاب بنانے کے لئے ہر ممکن کوشش کررہے ہیں ۔ انہوں نے کہا کہ صفائی مہم صرف کوڑا کرکٹ ہی اُٹھانے تک محدود نہیں بلکہ بلدیہ وسطی کے ہر علاقے کی صفائی، پارک اور پلے گراؤنڈز کی درستگی اور تمام عوامی اجتماعات کے علاقوں کے ہر قسم کے کوڑے کرکٹ سے پاک رکھناہے انہوں نے 100روزہ صفائی مہم کے لئے خاص طور پر منتخب کردہ یوسیز کے چئیرمین اور وائس چئیرمینوں کو ہدایت کی کہ اپنی اپنی یوسیز کو صاف وشفاف رکھنے کے لئے کسی قسم کی کوتاہی کو نظر انداز نہ کریں اور جس قدرممکن ہو عوام کو بھی اس مہم میں شامل کریں کیونکہ بلدیاتی اداروں کی کارکردگی کا زیادہ تر دارو مدار عوام کے باہمی تعاون پر ہی منحصر ہے۔

23rd Feb 2017 DMC Central Karachi Press Release