14th June 2017 DMC Central Karachi Press Release

14th June 2017 DMC Central Karachi Press Release

کراچی( ) عوامی سہولت کی فراہمی کے لئے فرسودہ نظام کوترک کرکے جدیدنظام متعارف کیا جائے ۔ہماری حکومت سندھ سے درخواست ہے کہ کراچی کے لئے جدید مشینریز مہیا کی جائیں تاکہعوام کوجدید خطوط پر بنیادی سہولتوں کی فراہمی ممکن ہو۔ ان خیالات کا اظہار چیئرمین بلدیہ وسطی ریحان ہاشمی نے نارتھ ناظم آبادمیں جاری برساتی نالے کی صفائی ستھرائی کے کام کا معائنہ کرتے ہوئے کیا ۔ اس موقع پر غوث محی الدین و دیگر بلدیاتی افسران بھی ان کے ہمراہ موجود تھے ۔چیئرمین بلدیہ وسطی ریحان ہاشمی نے نارتھ ناظم آباد کی مختلف یونین کمیٹیوں میں صفائی ستھرائی لائٹ کے انتظامات، اور ضلع میں CLEAN & GREEN KARACHI مہم کے تحت لگائے جانے والے پودوں کا جائزہ لیااس موقع پر عوام کی کثیرتعدادنے چیئرمین سے گفتگو کرتے ہوئے علاقے کے مسائل کی نشاندہی کی ۔چیئرمین ریحان ہاشمی نے علاقہ مکینوں کو یقین دہانی کرائی کہ ضلع وسطی کو ماڈل ضلع بنائیں گے اس کی تعمیر ،تزین وآرائش میں کوئی کسر نہیں چھوڑیں گے ۔محدود وسائل کے باوجود ہم ضلع وسطی کی تعمیر و ترقی کے لئے کوشاں ہیں ۔انہوں نے کہا کہ ہم شجر کاری مہم کے زریعے بلدیہ وسطی کو گرین کر دیں گے تاکہ ماحولیاتی آلودگی کے خاتمے کے ساتھ ساتھ ضلع وسطی کو صاف وشفاف بنایا جائے۔انہوں نے کہا کہ جذبہ خدمت اور عزم مُسلسل کے ذریعے صفا ئی اور ترقیاتی کاموں کو جاری رکھا ہوا ہے، مختلف مقا مات پر کچرا جلانے کے واقعات کو انسانی صحت کے لئے مضر قرار دیتے ہوئے کہا کہ اسکولوں ،اسپتالوں اورڈسپنسریوں ،مساجد اور دیگر عوامی اجتما عا ت کے مقا مات کے قریب کسی بھی صورت میں کچرا جلانے کے عمل کو سختی سے روکا جائے گا۔ آٗ

14th June 2017 DMC Central Karachi Press Release

12th June 2017 DMC Central Karachi Press Release

12th June 2017 DMC Central Karachi Press Release

کراچی( ) کراچی کے نو جوانوں کواسپورٹس سرگرمیاں جاری رکھنے کے لئے صحت مند اور بہتر ماحول فراہم کرنا حکومت سندھ کی ذمہ داری ہے لیکن حکومت سندھ کی کراچی کی ترقی سے عدم دلچسپی سب کے سامنے ظاہر ہے اس صورت حال میں
اپنی مدد آ پ کے تحت حق پرست منتخب بلدیاتی قیادت کراچی با لخصوص ضلع وسطی میں کھیلوں کے فروغ کے لئے اقدامات کر رہی ہے۔ان خیالا ت کا اظہا ر چیئر مین بلدیہ وسطی ریحان ہاشمی نے فاروق گراؤنڈ ناظم آ با د میں ڈی ایم سی سینٹرل کپ 2017کے افتتاح کے موقع پر کیا ،اس موقع پر چیئر مین بلدیہ وسطی کا کھلاڑیوں سے تعاروف کرایا گیا اور چیئر مین ریحان ہاشمی نے بال کو ہٹ لگا کر اس ٹورنامنٹ کا آ غا ز کیا ۔چیئر مین بلدیہ وسطی نے کہا کہ کرکٹ پاکستان کا مقبول ترین کھیل ہے اور رمضان میں نائٹ کرکٹ میچیز کا رحجان بڑھتا جارہا ہے،حق پرست قیادت کی کوشش ہے کہ کراچی اور با لخصو ص ضلع وسطی کے نوجوانوں کو کرکٹ کو ساتھ دیگر کھیلوں کی سرگرمیوں کو جاری رکھنے کے لئے بہترین سہولت فراہم کریں اس ضمن میں ڈسٹر کٹ سینٹرل میں بین الاقوامی طرز کے کرکٹ گراؤنڈبنائے جائے تاکہ کھلاڑیوں کو اپنے کھیل کو نکھارنے کے مکمل مواقع میئسر آسکے اور کرکٹ کے فروغ کیلئے انٹر نیشنل لیول کے کوچنگ اکیڈمیز کا قیام عمل میں لایا جائے ۔ جہاں جدید خطوط پر کھلاڑیوں کی تربیت کا انتظام کیا جاسکے اور انٹر نیشنل لیول
کے کھیلاڑی تیار کئے جاسکیں جو پاکستان کا نام دنیامیں روشن کریں۔

12th June 2017 DMC Central Karachi Press Release

10th June 2017 DMC Central Karachi Press Release

10th June 2017 DMC Central Karachi Press Release

کراچی( ) نابینا افرادمعاشرے کی ترقی میں اہم کردار ادا کر سکتے ہیں ،حکومت کی ذمہ داری ہے نا بینا افراد کی بہتری کے لئے کام کرنے والے اداروں کی سرپرستی کرے اور نابینا افراد کو موقع فراہم کرے کہ وہ اپنی صلا حیتوں کا استعمال کر کے پاکستان کی تعمیر میں حصہ لے سکیں ۔ان خیالا ت کا اظہا ر چیئر مین بلدیہ وسطی ریحان ہاشمی نے (Pakistan Association of the Blind)ڈسٹرکٹ سینٹرل کی جانب سے منعقدہ تقریب کے دوران کیا ۔چیئرمین بلدیہ وسطی ریحان ہاشمی نے کہا کہ نابینا افراد معاشرے کے مختلف شعبوں میں جس محنت اور جانفشانی سے کام کر رہے ہیں وہ قابل ستائش ہے۔ انہوں نے اعلان کیا کہ ضلع وسطی میں نابینا اور اسپیشل پرسنز کیلئے ووکیشنل سینٹرز اور باغ تعمیر کیا جارہا ہے انہوں نے مزید کہابلائینڈ ایسوسی ایشن نابینا افراد کے لئے ٹریننگ سینٹر اور دیگر تقریبات کے لئے بلدیہ وسطی کے پارکس ،پلے گراؤنڈ کو استعمال کر سکتی ہے ،بعد ازاں چیئرمین ریحان ہاشمی نے Amigos Welfare Trustکی جانب سے عید گفٹ تقسیم کرنے کی تقریب میں شرکت کی، نابینا افراد کے فلاح کے لئے کام کرنے والی اس تنظیم کے ذیر اہتمام مستحق افراد کو عید کے تحفے پیش کئے گئے چیئر مین بلدیہ وسطی نے اس موقع پر رکشے کی چابی ،فریج اور 25ہزار نقد بطور کفالت کے دئے ۔بعد ازاں چیئر مین بلدیہ
وسطی نے یو سی 10نیو کراچی کی جانب سے دئے جانے والے افطار ڈنر میں شرکت کی ۔ 

10th June 2017 DMC Central Karachi Press Release

8th June 2017 DMC Central Karachi Press Release

8th June 2017 DMC Central Karachi Press Release

کراچی ( )چیئرمین بلدیہ وسطی ریحان ہاشمی کی زیر صدارت بلدیہ وسطی کونسل کااجلاس گلبرگ زون میں منعقد ہوا ،اس موقع پر وائس چیئرمین سید شاکر علی، میونسپل کمشنراختر علی شیخ اور یونین کمیٹی کے اراکین بھی موجود تھے ۔اجلاس میں مختلف امور پر بحث کی گئی ،اور ایجنڈا نمبر ۹ کے تحت اتفاق رائے سے مختلف قرار دادیں منظور کی گئیں۔جن میں ضلع وسطی میں انڈس ہیلتھ نیٹ ورک کے تعاون سے انسدادٹی بی کے خلاف پروگرام کا آغاز،، عوام کی فلاح کے لئے Adhoc Base پر ماہر معالج ،فزیشن ،ٹیکنیشن کی خدمات اسپیشلسٹ کلینک ایف بی ایریامیں فراہم کی جائیں گی۔اور ریلوے گراؤنڈ فیڈرل بی ایریا میں پرائیویٹ سیکٹر کے تعاون سےNon commercial Base پر ایجوکیشن پارک کا قیام ،اس موقع پر عوامی خدمات کے حوالے سے (18 )اٹھارہ کمیٹیوں کے قیام پر اتفاق کیا گیا جن کے نام مالیاتی کمیٹی ،تعمیراتی کمیٹی ،کتب خانہ جات کمیٹی ، سماجی و بہبود کمیٹی ،طب و معالجات کمیٹی،اطاعات وتعلقات عامہ کمیٹی ، چارجڈپارکنگ کمیٹی،انتظامی امور کمیٹی،صحت و صفائی کمیٹی،کھیل کمیٹی،تجاوزات کمیٹی،سپریم کمیٹی،اقلیتی امور کمیٹی،کھیل و تفریح و باغات کمیٹی،تعلیمی کمیٹی،قانونی و کونسل امور کمیٹی،نوجوانان امور کمیٹی،معلومات و ٹیکنالوجی کمیٹی، ہیں۔ چیئرمین بلدیہ وسطی نے کہا کہ کمیٹیوں کی تشکیل کا بنیادی مقصد عوامی خدمات کے کاموں کوتیز تر کرنا اور عوامی امنگوں کے مطابق سر انجام دینا ہے ۔وائس چیئرمین سید شاکر علی نے اجلاس میں موجود یونین کمیٹیز کے چیئرمینز اور کمیٹی ممبران سے خطاب کرتے ہوئے کہا کہ کمیٹیوں کی تشکیل کے بعداب ہمیں بہترین ٹیم ورک کا مظاہرہ کرنا ہوگا اور ہماری اولین ترجیح عوام کو درپیش مسائل ومشکلات سے چھٹکارا دلانا ہے اور عوام کو ہر طرح کی بلدیاتی سہولیات فراہم کرنا ہے 

8th June 2017 DMC Central Karachi Press Release

7th June 2017 DMC Central Karachi Press Release

7th June 2017 DMC Central Karachi Press Release

کراچی( )سندھ حکومت اہل کراچی کے مینڈیٹ کا احترام کرتے ہوئے منتخب بلدیاتی نمائندوں کو آئین کے آرٹیکل A-140 کے تحت اختیارات دے تاکہ عوام کو بنیادی سہولتوں کی فراہمی کو ممکن بنایا جائے اور شہر کراچی کو دوبارہ سے روشنیوں کا شہر بنایا جائے ،ان خیالات کا اظہارچیئرمین بلدیہ وسطی ریحان ہاشمی نے نورانی پارک بلاک 20 فیڈرل بی ایریاکے دورے کے دوران کیا اس موقع پر ان کے ہمراہ MPA حاجی انور اور دیگر بلدیاتی افسران بھی موجود تھے ۔چیئرمین بلدیہ وسطی ریحان ہاشمی نے کہا کہ بلدیہ وسطی کی جانب سے ضلع کے اجڑے اور بنجر پارکس کی از سرے نو تعمیر و تزین آرائش کے کاموں کا آغاز کیا جارہا ہے ۔اسی سلسلے میں نورانی پارک کی نئے سرے سے تعمیر اور تزین و آرائش کا کام جلد از جلد شروع کردیا جائے گا ۔ جس میں مرحلہ وار جھولوں کی مرمت اور نئے جھولوں کا اضافہ کیا جائے گا،بچوں کی دلچسپی کے لئے پارک میں منی زو بھی تیار کیا جائے گا ،جہاں عوام کو ہر طرح کی بلدیاتی سہولتیں مہیا کی جائیں گی ،پارک کی خوبصورتی کے لئے نئے پھول دار پودے اور گھاس لگائی جائے گی ،پارک میں بچوں کے لئے پلے لینڈ اور فش ایکوریم بھی تعمیر کیا جائے گا ۔چیئرمین بلدیہ وسطی نے کہا کہ ہماری کوشش ہے کہ بلدیہ وسطی کی عوام کو بہتر سے بہتر صحت مند اور خوش گوار ماحول مہیا کیا جائے ۔ 

7th June 2017 DMC Central Karachi Press Release