13th Sep 2017 DMC Central Karachi Press Release

13th Sep 2017 DMC Central Karachi Press Release

 کراچی ( ) محرم الحرام کے حوالے سے مختلف اقدامات بالخصوص بلدیاتی سہولیات کی فراہمی اور سےکورٹی کے حوالے سے گلبرگ زون میں نمائندہ اجلاس چیئرمین بلدیہ وسطی ریحان ہاشمی کی سربراہی مےں منعقد ہوا۔ اجلاس میںوائس چیئرمین سید شاکر علی ،اراکین صوبائی اسمبلی جمال احمد،حاجی انو ر رضا ، مختلف مکاتب فکر کے علمائے کرام، امام بارگاہوں کے ٹرسٹی،جلوس منتظمین، قانون نافذ کرنے والے اداروں کے نمائندے ڈسٹرکٹ پولےس آفےسر پاکستان رےنجرز کے افسر اور علاقہ کی معروف سماجی شخصےات ، واٹر اینڈ سیوریج بورڈکے افسران و انجینئرز، ٹریفک پولیس ، کے الیکٹرک ،فائر بریگیڈ کے نمائندگان اور انتظامیہ کے افسران بھی موجود تھے اجلاس سے خطاب کرتے ہوئے چیئرمین بلدیہ وسطی ریحان ہاشمی نے کہا کہ کربلا دہشت گردی ،ظلم و ستم کے خلا ف صبر و رضا کے اسلحے سے لڑی جانے والی وہ جنگ ہے ،جس میں ظالم وقتی طور پر جیت گئے لیکن ابدی بدبختی اور شکست تاقیامت اُن کا مقدر بن گئی ۔امام حسین نے اسلام کی سر بلندی کےلئے جان کی بازی لگا دینے کی وہ سنت قائم کی جو مسلمانوں کے لئے تا قیامت مشعل راہ ہے ۔انہو ں نے مزید کہا کہ محرم الحرام میں امن و امان اور مذہبی ہم آہنگی برقرا ر رکھنے کے حوالے سے عوامی سہولیات فراہم کرنے والے تمام ادارے محرم الحرام کے دوران باہمی تعاون کے زریعے عوامی سہولیات کی فراہمی کو ممکن بنائیں۔ انہوں نے مزید کہا کہ دوران محرم الحرام میں جلوسوں اور مجالس کے دوران کسی بھی ناخوشگوار واقعہ سے بچنے کے لئے ممکنہ دہشت گردوں پر کڑی نظر رکھی جائے جبکہ مساجد و امام بارگاہوں کے اطراف ،جلوس کی گزر گاہوں پر صفائی ستھرائی اور روشنی کے بھی انتظامات کو مزید بہتر کیا جائے اس موقع پروائس چیئرمین سید شاکر علی نے محرم الحرام کے تقدس اور مجالس عزا اور ماتمی جلوسوں کے حوالے سے کئے جانے والے متعدد اقدامات بشمول صفائی و ستھرائی، اسٹرےٹ لائٹس، سڑکوں کی کارپےٹنگ کے حوالے سے متعلقہ افسران کو الرٹ رہنے کی ہدایت کی تاکہ عزاداران حسےن کو کسی قسم کی تکلےف نہ پہنچے ۔اس موقع پر امن ومان قائم کرنے والے اداروں کے افسران نے یقین دلایا کہ عشرہ محرم کے دوران امن وامان قائم کرنے کی ہر ممکن کوشش کی جائیگی ۔اس موقع پرضلع وسطی کراچی میں قائم مسجد و امام بارگاہ کے ٹرسٹی اور جلوس کے منتظمین نے اپنے مسائل کی نشاندہی کے ساتھ ساتھ ماضی میں انتظامیہ کیجانب سے محرم الحرام پر کئے جانے والے بہترین اقدامات پر خراج تحسین پیش کیا اور امیدظاہر کی کہ اس سال بھی بلدیہ وسطی کی انتظامیہ محرم الحرام کے مذہبی ایام میں اپنا تعاون برقرار رکھے گی ۔

13th Sep 2017 DMC Central Karachi Press Release

12th Sep 2017 DMC Central Karachi Press Release

12th Sep 2017 DMC Central Karachi Press Release

کراچی( ) محرم الحرام کے حوالے سے مختلف اقدامات بالخصوص بلدیاتی سہولیات کی فراہمی اور سےکےورےٹی کے حوالے سے نمائندہ اجلاس چیئرمین بلدیہ وسطی ریحان ہاشمی کی سربراہی مےں (بارہ دری) نارتھ ناظم آباد زون میں منعقد ہوا۔ اجلاس میں وائس چیئرمین سیدشاکر علی،رکن صوبائی اسمبلی جمال احمد ،یوسی چیئرمینز و وائس چیئرمینز ، مختلف مکاتب فکر کے علمائے کرام، امام بارگاہوں کے ٹرسٹی،جلوس منتظمین، بلدیہ وسطی کے متعلقہ افسران ،قانون نافذ کرنے والے اداروں کے نمائندے ، واٹر اینڈ سیوریج بورڈکے افسران و انجینئرز، ٹریفک پولیس ، کے الیکٹرک ،فائر بریگیڈ کے نمائندگان ، انتظامیہ اور علاقہ کی معروف سماجی شخصےات اجلاس مےں شرےک ہوئے اجلاس سے خطاب کرتے ہوئے چیئرمین بلدیہ وسطی ریحان ہاشمی نے محرم الحرام میں امن و امان اور مذہبی ہم آہنگی برقرا ر رکھنے کے حوالے سے بلدیاتی افسران اور امن قائم کرنے والوں اداروں کو ہدایت کی ہے کہ عشرہ محرم کے دوران مذہبی ہم آہنگی،اخوت،بھائی چارہ اور امن و امان کی فضاءقائم رکھنے کے لئے تمام دستیاب وسائل کو برﺅے کار لائیں انہوں نے مزید کہا کہ دوران محرم الحرام میں جلوسوں اور مجالس کے دوران کسی بھی ناخوشگوار واقعہ سے بچنے کے لئے ممکنہ دہشت گردوں پر کڑی نظر رکھی جائے جبکہ مساجد و امام بارگاہوں کے اطراف ،جلوس کی گزر گاہوں پر صفائی ستھرائی اور روشنی کے بھی انتظامات کو مزید بہتر کیا جائے اس موقع پروائس چیئرمین سید شاکر علی نے محرم الحرام کے تقدس اور مجالس عزا اور ماتمی جلوسوں کے حوالے سے کئے جانے والے متعدد اقدامات بشمول صفائی و ستھرائی، اسٹرےٹ لائٹس، سڑکوں کی کارپےٹنگ اور بالخصوص امن قائم رکھنے کے اقدامات کے حوالے سے کہا کہ انھےں مزےد فول پروف بناےا جارہا ہے تاکہ عزاداران حسےن کو کسی قسم کی تکلےف نہ پہنچےنے انہوں نے مزید کہا کہ بلدیہ وسطی کی انتظامیہ مذہبی ایام میں بلدیاتی سہولتوں کی فراہمی کو ممکن بنانے میں تمام دستیاب وسائل کو برﺅے کار لاتی ہے انہوں نے کہا کہ ہر اسلامی دن ہم سے تقاضہ کرتا ہے کہ ہم اسکو عقیدت و احترام سے منائے اور دشمنان اسلام کو امت مسلمہ کے خلاف کسی بھی ممکنہ کاراوائی سے بروقت روکے انہوں نے واٹر اینڈ سیوریج بورڈ کے افسران کو خصوصی ہدایت کی کہ تمام امام بارگاہوں کے اطراف اور جلوس کی گزر گاہوں پر تمام لیکیج کو فوری فور پر بند کیا جائے انہوں نے کہا کہ محرم الحرام کے حوالے سے صفائی ستھرائی اور روشنی کے انتظامات کو حتمی شکل دے دی گئی ہے ۔اس موقع پر امن ومان قائم کرنے والے اداروں کے افسران نے یقین دلایا کہ عشرہ محرم کے دوران امن وامان قائم کرنے کی ہر ممکن کوشش کی جائیگی ۔اس موقع پرضلع وسطی کراچی میں قائم مسجد و امام بارگاہ کے ٹرسٹی اور جلوس کے منتظمین نے اپنے مسائل کی نشاندہی کے ساتھ ساتھ ماضی میں انتظامیہ کیجانب سے محرم الحرام پر کئے جانے والے بہترین اقدامات پر خراج تحسین پیش کیا اور امیدظاہر کی کہ اس سال بھی بلدیہ وسطی کی انتظامیہ محرم الحرام کے مذہبی ایام میں اپنا تعاون برقرار رکھے گی۔

12th Sep 2017 DMC Central Karachi Press Release

11th Sep 2017 DMC Central Karachi Press Release

11th Sep 2017 DMC Central Karachi Press Release

کراچی( ) شدید بارشوں کے بعد کراچی کا انفراءاسٹریکچر تباہ ہوکررہ گیا ہے۔عوام شدید پریشانی اور مشکلات سے دو چار ہے اس مشکل گھڑی میں حق پرست قیادت اور منتخب نمائندے کراچی کے عوام کے ساتھ ہیں۔اور بارش سے پیدا شدہ مسائل کے حل کےلئے میدان عمل میں ہیں۔ان خیالات کا اظہار چیئرمین بلدیہ وسطی ریحان ہاشمی نے یونین کمیٹی 17-18-19 نارتھ ناظم آباد زون میں جاری صفائی ستھرائی کے کاموں کا معائنہ کرتے ہوئے کیا۔اس موقع پر ان کے ہمراہ رکن صوبائی اسمبلی جمال احمد ،یوسیز چیئرمینزاور بلدیاتی افسران بھی موجود تھے۔چیئرمین ریحان ہاشمی نے کہا کہ بارشوں کے بعد جام چاکرو (لینڈ فل ) سائیڈ کے راستے بند ہوجانے کی وجہ سے GTS سے کچرے کی منتقلی کا کا م ممکن نہیں ہوپا رہا تھا میئر کراچی وسیم اختر کی کوششوں کی وجہ سے جام چاکرو (لینڈ فل ) سائیڈکا راستہ ہنگامی بنیادوں پر کھولا گیا اور اب GTS سے کچرے کو جام چاکرو(لینڈ فل ) سائیڈ منتقل کیا جارہا ہے ۔جس کے نتائج سامنے آنے شروع ہوگئے ہیں اس موقع پر رکن صوبائی اسمبلی جمال احمد نے کہاکہ کراچی کی عوام نے اپنے مسائل کے حل کےلئے ہمیں منتخب کرکے ایوانوں تک پہنچایا ہے ہم کراچی والوں کو مایوس نہیں کریں ۔اور اُن کے جائز حقوق کےلئے سندھ اسمبلی میں نہ صرف آواز بلند کرتے رہیں گے بلکہ کراچی والوں اُن کے حقوق دلواکر رہیں گے ۔بعد ازاں چیئرمین ریحان ہاشمی اوررکن صوبائی اسمبلی جمال احمد نے ضلع وسطی کے مختلف علاقوں میں جاری صفائی ستھرائی کے کاموں کے ساتھ ساتھ محکمہ پارک اور B&R کی جانب سے کئے جانے والے کاموں کا معائنہ کیا ۔اس کے علاوہ موسیٰ کالونی کی اندرونی گلیوں میں بارش کے پانی کی نکاسی کے کام اور مشینوں کے زریعے سیوریج لائنوں کی صفائی کے کام کا بھی معائنہ کیا ۔انہوں نے متعلقہ محکمہ جات کو ہدایت دیں کہ۔ نکاسی آب کے بعد موسی کالونی میں جراثیم کش ادویات کا اسپرے کیا جائے گا تاکہ علاقہ مکینوں کو وبائی امراض سے بچایا جا سکے ۔       

11th Sep 2017 DMC Central Karachi Press Release

10th Sep 2017 DMC Central Karachi Press Release

10th Sep 2017 DMC Central Karachi Press Release

کراچی( )ترقیاتی کاموں کی رفتار کو عوام کی امنگوں کے مطا بق تیز کیا جائے کراچی کے عوام نے ہم پر جو اعتماد کیا ہے اُس پر پورا اُتریں گے۔ان خیالا ت کا اظہا ر میئر کراچی وسیم اختر نے چیئر مین بلدیہ وسطی ریحا ن ہاشمی کے ہمراہ مفتی رمضان پارک اور اس کے اطراف میں سٹرک کی تعمیر کے کام کا معائنہ کرتے ہوئے کیا ۔چیئر مین بلدیہ وسطی ریحان ہاشمی نے کہا کہ شدید بارشوں نے کراچی کا انفرااسٹرکچر تباہ کر کے رکھ دیا ہے اور کراچی کو شدید مسائل کا سامنا ہے لیکن ہم چلینجز سے نمٹنا جانتے ہیں اور انشااللہ ،حق پرست منتخب بلدیاتی نمائندے کراچی کو دوبارہ پُر رونق اور روشنیوں کے شہر میں تبدیل کردیں گے ۔انہوں نے کہا کہ ہماری اولین ترجیح عوام کے بنیادی مسائل کو حل کرنا ہے ،اس ضمن میں ضلع وسطی میں بارش سے متاثرہ علاقوں ،سٹرکوں ،پارکس،گرین بیلٹس کی تعمیر ہماری ترجیحات میں شامل ہے ۔انہوں نے مزید کہا کہ مفتی رمضان پارک اور ضلع کے دوسرے پارکس اور پلے گراؤنڈ ز کی تعمیر و مرمت اور تزئین و آ رائش کا کام شروع کیا جاچکا ہے عوام کو بہترین سفر ی سہولیات فراہم کرنا ہمارا نصب العین ہے اس ضمن میں بلدیہ وسطی کے مختلف علاقوں میں سٹرکوں کی تعمیر اور استر کاری کا کام جاری ہے انہوں نے محکمہ انجینئر نگ کے افسران کو ہدایت دیتے ہوئے کہا کہ سڑکوں کی تعمیر میں بہتر سے بہتر میٹریل استعمال کیا جائے تا کہ پُختہ اور معیاری سٹرکوں کی تعمیر کو ممکن بنایا جاسکے اور ساتھ ہی ساتھ سٹرکوں کے اطراف اسٹریٹ لائٹس کے ذریعے روشنی کا بھر پور انتظام کیا جائے ۔چیئرمین ریحان ہاشمی نے کہا کہ بلدیہ وسطی کی انتظامیہ نے عیدالضحیٰ کے موقع پر آلائشیں اُٹھانے اور کچرے کے ڈھیر ٹھکانے لگانے کے بعدضلع وسطی میں سڑکوں کی تعمیر ،اندرونی گلیوں کی استر کاری،گرین بیلٹس کی صفائی اور پارک کی تزین و آرائش کے کام میں مصروف عمل ہے ۔چیئرمین بلدیہ وسطی نے کہا کہ ترقیاتی کاموں کی کو حفاظت کی ذمہ داری بلدیاتی اداروں کے ساتھ ساتھ عوام کی بھی ہے تاکہ باہمی اشتراک سے ترقیاتی کاموں سے طویل عرصے تک مستفید ہوا جاسکے۔ 

10th Sep 2017 DMC Central Karachi Press Release

9th Sep 2017 DMC Central Karachi Press Release

9th Sep 2017 DMC Central Karachi Press Release

کراچی( ) محرم الحرام کی آمد سے قبل ہی افسران اپنا قبلہ درست کرلیں عزاداران حسین کو بلدیاتی سہولتوں کی فراہمی کے لئے جامعہ اور مربوط حکمت عملی تیار کی جائے رکن قومی اسمبلی عبدالوسیم کی بلدیہ وسطی کے افسران کو تنبیہ وہ بلدیہ وسطی کے مرکزی دفتر لیاقت آباد میں محرم الحرام کے حوالے سے مختلف اقدامات بالخصوص بلدیاتی سہولیات کی فراہمی کے حوالے سے نمائندہ اجلاس سے خطاب کر رہے تھے ۔اس موقع پر حق پرست ارکان صوبائی اسمبلی وسیم قریشی،ایڈوکیٹ محفوظ یار خان،عظیم فاروقی،حاجی انور رضا،جمال احمد ،چیئرمین بلدیہ وسطی ریحان ہاشمی، وائس چیئرمین بلدیہ وسطی سیدشاکر علی اور بلدیہ وسطی کے سربراہان شعبہ جات بھی موجود تھے۔اجلاس میں رکن قومی اسمبلی عبدالوسیم نے بارشوں اور عیدالاضحی کے موقع پر صفائی ستھرائی کے حوالے بلدیاتی افسران پر برہمی کا اظہار کرتے ہوئے کہا کہ اپنی کوتاہی کا ذمہ دار کسی اور کو ٹہرانے کے بجائے اپنی غلطیوں کا ازالہ کیا جائے اور غلطیوں کو نہ دہرایا جائے انہوں نے کہا کہ اب عوام کو دی جانے والی بلدیاتی سہولیات خاص طور پر مذہبی ایام میں دی جانے والی سہولیات میں کسی بھی قسم کی کوتاہی برداشت نہیں کریں گے تمام افسران و کارکنا ن اپنا قبلہ درست کرلیں انہوں نے کہا کہ اگر اپنی اپنی ذمہ داری پوری ایمانداری سے ادا کی جاتی تو آج شہر کی یہ حالت نہیں ہوتی انہوں نے کہا کہ اس سسٹم کو بچانے کے لئے تمام افسران و عملے کو اس شہر کو اون کرنا ہوگا تب ہی ہم اس سسٹم کو بچا سکے گے عبدالوسیم خان نے کہا کہ حق پرست عوامی نمائندے عوام کو شہری سہولیات کی فراہمی کے حوالے سے بلدیاتی افسران اور بلدیاتی قیادت کے ساتھ ہیں ۔ عبدالوسیم خان نے کہا کہ تجاوزات نے اس شہر کو کھنڈرات میں تبدیل کردیا ہے عبدالوسیم نے محکمہ انسداد تجاوزات کو ہدایت کی کہ محرم الحرام کی آمد سے قبل تمام غیر قانونی تجاوزات کے خاتمہ کو یقینی بنائیں اس موقع پر چیئرمین بلدیہ وسطی ریحان ہاشمی نے کہا کہ بلدیہ وسطی محرم الحرام کے حوالے سے صفائی ستھرائی ،سڑکوں کی پیوند و استر کاری ،اسٹریٹ لائٹس کی تنصیب اور تجاوزات کے خاتمہ کے لئے جامع اور مربوط حکمت عملی تیار کر رہی ہے جبکہ مساجد و امام بارگاہوں کے اطراف ،جلوس کی گزر گاہوں پر صفائی ستھرائی اور روشنی کے بھی انتظامات کو مزید بہتر کیا جائے اس موقع پر چیئرمین بلدیہ وسطی ریحان ہاشمی سید شاکر علی نے محرم الحرام کے تقدس اور مجالس عزا اور ماتمی جلوسوں کے حوالے سے کئے جانے والے متعدد اقدامات بشمول صفائی و ستھرائی، اسٹریٹ لائٹس، سڑکوں کی کارپیٹنگ کے اقدامات کے ضمن میں متعلقہ افسران کو ہدایت کی کہ انھیں مزید فول پروف بنانے کے لئے حکمت عملی تیار کریں تا انہوں نے کہا کہ ہر اسلامی دن ہم سے تقاضہ کرتا ہے کہ ہم اسکو عقیدت و احترام سے منائے اور دشمنان اسلام کو امت مسلمہ کے خلاف کسی بھی ممکنہ کاراوائی سے بروقت روکے انہوں نے واٹر اینڈ سیوریج بورڈ کے افسران کو خصوصی ہدایت کی کہ تمام امام بارگاہوں کے اطراف اور جلوس کی گزر گاہوں پر تمام لیکیج کو فوری فور پر بند کیا جائے ۔ 

9th Sep 2017 DMC Central Karachi Press Release