21st Apr 2017 DMC Central Karachi Press Release

21st Apr 2017 DMC Central Karachi Press Release

کراچی( )حق پرست قیادت تعلیم کی فروغ کے لئے دن رات کوشاں ہے ہونہار طلباء و طالبات ہماری امیدوں کا محور ہیں ۔ان خیالات کا اظہارمیئر کراچی وسیم اختر نے طارق بن ذیاد اسکول سیکٹر 5-D نیو کراچی میں نئی تعمیر ہونے والی کلاسزکی افتتاحی تقریب کے دوران کیا اس موقع پر ان کے ہمراہ چیئرمین بلدیہ وسطی ریحان ہاشمی ،وائس چیئرمین سید شاکر علی بھی موجود تھے ۔میئر کراچی نے کہا کہ فنڈ کی عدم دستیابی اور سندھ حکومت کی جانب سے مکمل اختیارات نہ ملنے کے باوجود حق پرست قیادت عوامی خدمت کا مشن جاری رکھے ہوئے ہے۔ میئر کراچی نے طلباء و طالبات سے خطاب کرتے ہوئے کہا کہ آج کے ذہین طلبا وطالبات کل کے سائنسدان، صنعتکار اور قوم کے رہنما ہونگے، ان کی تعلیم اور تربیت کے بغیر کوئی قوم حقیقت میں ترقی نہیں کرسکتی،انہوں نے کہا کہ حق پرست قیادت نے تعلیم کے فروغ کے مشن کو جاری رکھا ہوا ہے اس حوالے سے موجودہ اسکولوں میں تعمیر اتی کاموں کے علاوہ اُن کو جدید طرز پر آراستہ کیا جارہا ہے اور ان میں کمپیوٹر لیب اور دیگر جدید تعلیمی سہولتیں فراہم کی جارہی ہیں ۔چیئرمین بلدیہ وسطی نے کہا کہ ہم بلدیہ وسطی کے اسکولوں کو UP GRADE کرنے پر بھر پور توجہ دے رہے ہیں تاکہ غریب بچوں کو بھی بہتر تعلیمی ماحول اور سہولتیں فراہم کر سکیں ،انہوں نے پرائیویٹ اداروں اور NGO's کو دعوت دی کہ تعلیم کے فروغ کے لئے آگے بڑھیں اور ہمارے ہاتھ مضبوط کریں ۔ 

21st Apr 2017 DMC Central Karachi Press Release

20th Apr 2017 DMC Central Karachi Press Release

20th Apr 2017 DMC Central Karachi Press Release

کراچی( )بلدیہ وسطی کے مرکزی آفس میں ملازمین کو قرعہ اندازی کے زریعے حج پربھیجے جانے کے حوالے سے تقریب کا انعقاد کیا گیا۔اس تقریب میں حج کے لئے منتخب ہونے والے خوش نصیب افراد کے ناموں کا اعلان کیا گیا ،تقریب میں چیئرمین بلدیہ وسطی ریحان ہاشمی ،وائس چیئرمین سید شاکر علی ،میونسپل کمشنر اختر شیخ اور ملازمین کی بڑی تعداد موجود تھی اس موقع پر چیئرمین بلدیہ وسطی ریحان ہاشمی نے قرعہ اندازی کے زریعے منتخب ہونے والے ملازمین کو مبارک باد دیتے ہوئے کہا کہ یہ رب کے فیصلے ہیں '' جسے چاہا در پے بلا لیا جسے چاہا اپنا بنا لیا یہ بڑے کرم کے ہیں فیصلے یہ بڑے نصیب کی بات ہے '' ،انہوں نے کہا کہ ہم ربِ کریم کے شکر گزار ہیں کہ اُس نے اس نیک کام کے لئے ہمیں منتخب کیا کہ بلدیہ وسطی کی جانب سے 12 افراد حج کی سعادت اور روضہ روسولﷺ کی زیارت کریں،انشاء اللہ اگلے سال حج پر بھیجے جانے والے ملازمین کی تعداد میں اضافہ کیا جائے گا ۔اس موقع پر وائس چیئرمین سید شاکر علی نے کہا کہ حج تمام صاحب استطاعت لوگوں پر فرض کیا گیا ہے لیکن جو لوگ استطاعت نہیں رکھتے اُن کے دل میں بھی یہ خواہش ہوتی ہے کہ خانہ خدا اور روضہ رسول ﷺ پر حاضری دیں۔انہوں نے مزید کہا کہ خانہ کعبہ اور روضہ رسول ﷺ کی حاضری کے لئے مال و زر کی ضرورت نہیں پڑھتی صرف اجازت اور بلاوا ہی کافی ہے اسباب اللہ تعالیٰ خود بنا دیتا ہے۔انہوں نے جانے والے زائرین کو مخاطب کرتے ہوئے کہا کہ خانہ کعبہ پہنچ کر ہم سب کی حاضری اور پاکستان،کراچی اورضلع وسطی کی ترقی و خوشحالی کے لئے دعا کریں۔ 

20th Apr 2017 DMC Central Karachi Press Release

19th Apr 2017 DMC Central Karachi Press Release

19th Apr 2017 DMC Central Karachi Press Release

ُکراچی( )ضمنی انتخابات نے ثابت کردیا کہ کراچی کی عوام حق پرستوں کے ساتھ ہے،میئر،ڈپٹی میئر کراچی کو آئین کے آرٹیکل A-140 کے تحت اختیارات دیئے جائیں۔ان خیالات کا اظہارڈپٹی کنوینیرمتحدہ پاکستان عامر خان نے عوامی مفاد میں 23 اپریل 2017 ء ؁ کو لیاقت آباد سے مزار قائد تک نکالے جانے والی ریلی کے انتظامات کے حوالے سے منعقدہ تقریب کے دوران کیا اس موقع پر اراکین رابطہ کمیٹی ،CC کمیٹی ،اراکین صوبائی اسمبلی جمال احمد،ریحان ظفر،محفوظ یار خان ،چیئرمین بلدیہ وسطی ریحان ہاشمی ،وائس چیئرمین سید شاکر علی،اسامہ قادری،راشد سبزواری بھی موجود تھے ۔عامر خان نے کہا کہ عوامی مفاد کی خاطر نکالے جانے والی اس ریلی کا مقصد کراچی کے شہریوں کو درپیش پانی،بجلی،سیوریج اور دیگر مسائل کی طرف سندھ حکومت کومتوجہ کرنا ہے ۔انہوں نے کہا کہ ہم I OWN کراچی کی صدا بلند کرنے والوں کے منتخب نمائندے ہیں اور کراچی کے خلاف کی جانے والی سازشوں کا جواب دینا جانتے ہیں ۔ اس موقع پر چیئرمین بلدیہ وسطی ریحان ہاشمی نے کہا کہ کوئی رکاوٹ ہمیں عوام کی خدمت سے روک نہیں سکتی ،فنڈ کی عدم دستیابی اور اختیارات نہ ہونے کے باوجود ہم شہر کراچی بالخصوص ضلع وسطی کی خدمت کررہے ہیں ۔ وائس چیئرمین بلدیہ وسطی سید شا کر علی نے کہا کہ سندھ حکومت نے روزِ اول سے ہمارے لئے مشکلات کھڑی کر رکھی ہیں حکو مت یہ نہ بھولے کہ '' ہر مشکل سے ہم ہنس ہنس کر ٹکرانے والے ہیں" کراچی کے لوگوں کو ان کا جائز حق دلانا ہماری ذمہ داری ہے اور ہم اپنی ذمہ داری کو نبھانا خوب جانتے ہیں۔ 

19th Apr 2017 DMC Central Karachi Press Release

18th Apr 2017 DMC Central Karachi Press Release

18th Apr 2017 DMC Central Karachi Press Release

ُکراچی( )چیئرمین بلدیہ وسطی ریحان ہاشمی نے یوتھ افیئر بلدیہ وسطی کی جانب سے Say No To Cheatingکے موضوع پر اجلاس کی صدارت کی ۔اجلاس میں یوتھ افیئر کمیٹی ڈسٹرکٹ سینٹرل اور اساتذہ کی بڑی تعداد موجود تھی اس موقع پر ریحان ہاشمی نے کہا کہ امتحانات میں نقل کے رجحان کا خاتمہ ضروری ہے ۔کیونکہ اس کی وجہ سے محنت سے پڑھائی کرنے والے طالب علم کاحق مارا جاتا ہے ۔جو لوگ نقل کے رجحان کو فروغ دے رہے ہیں اور اس کا م کی سرپرستی کر رہے ہیں وہ پاکستان کے مستقبل کو نقصان پہنچا رہے ہیں ،ضرورت اس امر کی ہے کہ حکومت،محکمہ تعلیم اور ماہر اساتذہ کی ایک کمیٹی تشکیل دے جو اس فعل کی روک تھام کے لئے کوئی مربوط منصوبہ مرتب کرے ،اس موقع پر یوتھ افیئر کے ذمہ داران نے کہا کہ اساتذہ کی رہنمائی میں ویجیلنس کمیٹیوں کا قیام عمل میں لایا جانا چاہیے ۔جو امتحانی مراکز کے دورے کرے۔چیئرمین ریحان ہاشمی نے کہا کہ اساتذہ کی ذمہ داری بہت اہم ہے کیونکہ وہ پاکستان کے مستقبل کے معماروں کی تعمیر و تربیت کا کام انجام دے رہے ہیں ہونہار طلباء و طالبات ہی مستقبل میں پاکستان کو ترقی یافتہ ملکوں کی صف میں شامل کرسکتے ہیں۔

18th Apr 2017 DMC Central Karachi Press Release

17th Apr 2017 DMC Central Karachi Press Release

17th Apr 2017 DMC Central Karachi Press Release

ُکراچی( )چیئرمین ڈسٹرکٹ سینٹرل ریحان ہاشمی نے اوکھائی میمن جماعت کے زیر اہتمام ایئرکنڈیشن بس سروس کی افتتاحی تقریب سے خطاب کرتے ہوئے کہا کہ ملکی ترقی اور فلاحی سرگرمیوں میں اوکھائی میمن کمیونٹی کا کردار قابل تحسین ہے انہو ں نے کہا کہ قیام پاکستان کے بعدپاکستان اور بالخصوص کراچی کی تعمیر و ترقی میں اوکھائی میمن کمیونٹی نے اہم کردار ادا کیا ہے اور دکھی انسانیت اور نوجوانوں کے درس و تدریس کے لئے اسکولوں کی تعمیر ،ہسپتالوں کاقیام اور دیگر فلاحی کاموں میں اس کمیونٹی کی خدمات روزِروشن کی طرح عیاں ہیں انہوں نے کراچی میں موجود دوسری کمیونٹی کے لوگوں کو مخاطب کرتے ہوئے کہا کہ وہ بھی ملک اور شہر کی ترقی میں میمن کمیونٹی کی تقلید کریں ۔چیئرمین ڈسٹرکٹ سینٹرل ریحان ہاشمی نے میمن کمیونٹی کے اکابرین کی جانب سے خواتین کی سہولت کے لئے ایئرکنڈیشن بسوں کی سہولت فراہم کرنے کے اقدام کو سہراتے ہوئے اوکھائی میمن کمیونٹی کو یقین دلایا کہ حق پرست بلدیاتی نمائندے تعمیر و ترقی اور فلاحی کاموں میں ان کے ساتھ ہر قسم کا تعاون کرین گے۔ 

ُکراچی( )چیئرمین ،وائس چیئرمین بلدیہ وسطی کی ہدایت پر محکمہ سینی ٹیشن کی زیر نگرانی 18 اور 19 اپریل 2017 ء ؁ بروز منگل اور بدھ کی درمیانی شب آوارہ کتوں کے خاتمے کے لئے بلدیہ وسطی کی تمام یوسیز میں مہم چلائی جائے گی ۔جس میں آوارہ کتوں کو زہر آلودہ کیپسول دے کر ہلاک کیا جائے گا۔واضح رہے کہ اس مہم کے زریعے قبرستانوں سے بھی خصوصی طور پر کتوں کا خاتمہ کیا جائے گا ۔لہٰذا عوام سے اپیل ہے کہ اپنے پالتو جانور وں کو باندھ کر رکھیں ،واضح رہے کہ یہ کتا مار مہم گزشتہ کئی ماہ سے باقائدگی کے ساتھ چلائی جارہی ہے

17th Apr 2017 DMC Central Karachi Press Release