4th Nov 2016 DMC Central Karachi News & Picture

بلدیہ وسطی نے شہریوں میں 200 پودوں کی مفت تقسیم
 

ریحان ہاشمی نے سید شاکرعلی کے ہمراہ مفت شجرکاری کیمپ کا افتتاح کیا
 

مورخہ : ۰۴/ نومبر ۲۰۱۶ ؁ ء
 

کراچی ( ) چیئرمین بلدیہ وسطی ریحان ہاشمی نے وائس چیئرمین سید شاکر علی کے ہمراہ بلدیہ وسطی میں شجرکاری کو فروغ دینے کیلئے عوام الناس میں تین روزہ مفت پودے تقسیم کرنے کیلئے نارتھ ناظم آباد بلاک D'' '' برھانی آرکیڈ کے گراؤنڈ میں محکمہ پارک کی جانب سے لگائے گئے کیمپ کا افتتاح کردیا اس موقع گفتگو کرتے ہوئے ریحان ہاشمی کرتے ہوئے کہا کہ درخت ،پودے اور ہریالی ہماری شہری زندگی کیلئے آب حیات کی حیثیت رکھتے ہیں۔جبکہ سر سبز شاداب ماحول انسانی ذہن کو تازگی اور فرحت بخشتا ہے۔ انہوں نے بوہرا برادری کا حوالہ دیتے ہوئے کہا کہ اگر دیگر افراد اور کیمونٹی درختوں،پارکس اور پلے گراؤنڈز کو بطور Custodian'' ''سرپرست کی حیثیت سے اپنا لیں تو عوام اور بلدیہ وسطی کے باہمی اشتراک سے عوام الناس کو پرفضا اور صحت مند ماحول مہیا کرنے میں بہت مدد ملے گی اس موقع پر وائس چیئر مین سید شاکر علی نے کہا کہ درختوں کو ہماری زندگی میں خاص اہمیت حاصل ہے انہوں نے درختوں کو ماں سے تشبیہ دیتے ہوئے کہا کہ ہرے بھرے درخت جو خود گرمی برداشت کرتے ہیں او ر ہمیں ٹھنڈی چھاؤں مہیا کرتے ہیں انکی ٹھنڈی چھاؤں ماں کی آغوش کے مترادف ھے جو خود تکلیف اٹھا کر بچوں کو آرام پہچاتی ہے انہوں نے کہا کہ درختوں سے پیار کروجیسے تم اپنی ماں سے پیار کرتے ہو اس موقع پرسید شاکر علی نے اپنی والدہ کے نام کا پودا بھی لگایا اس موقع پر یونین کمیٹی ۱۸ کے چیئرمین مظہر حسین کاکا ،یوسی پینل ،ڈائریکٹر باغات ندیم حنیف ، یوتھ پارلیمنٹ کے ممبران ، KASBIT کی نمائندہ شہلا اورعوام کی بڑی تعداد بھی موجود تھی۔ قبل ازیں عوام میں شجر کاری کا شعور اجاگر کرنے اور عوام میں شجرکاری کی اہمیت سے آگاہی دینے کیلئے خصوصی شجرکاری واک میں اسکولوں کے بچے مختلف بینرز اٹھائے ہوئے چل رہے تھے۔ جبکہ عام افراد کی بڑی تعداد نے واک میں حصہ لیا اور شجرکاری کیمپ سے مفت پودے حاصل کئے بعد ازاں چیئرمین بلدیہ وسطی ریحان ہاشمی ،وائس چیئرمین سید شاکر علی ،بوہرا برادری کے شیخ ٖفخرالدین ، ارکان یوتھ پارلیمنٹ اور بلدیاتی افسران نے پودا لگا کر ضلع وسطی میں شجرکاری مہم کا افتتاح کیا ۔واضح رہے کہ ریحان ہاشمی نے '' کلین اینڈ گرین ضلع وسطی '' کے عنوان کے تحت بلدیہ وسطی میں صفائی اور شجرکاری مہم کا آغاز کردیا ھے جس کے تحت نہ صرف صفائی کے کاموں کو بہتر کیا جارہا ہے بلکہ ز یادہ سے زیادہ درخت لگا کر ضلع وسطی کو سرسبز و شاداب بنانے کے لئے عملی اقدام بھی کئے جارہے ہیں اس سلسلے میں ضلع وسطی کے چاروں زونز میں مفت پودوں کی تقسیم کے لئے کیمپ بھی لگائے جارہے ہیں جہاں سے تین روز تک عوام کو سینکڑوں کی تعداد میں پودے مفت تقسیم کیئے جائیں گے۔

3rd Nov 2016 DMC Central Karachi News & PIcture

عوام کا تعاون بلدیاتی خدمات میں اہم کردار ادا کرتا ہے ۔ریحان ہاشمی 

۰۳/ اکتوبر ۲۱۰۶ ء ؁

کراچی( ) ضلع وسطی مین شاہراؤں کے ساتھ ساتھ اندرانی گلیوں کو صاف و شفاف رکھنے اور بر وقت کچرے کی منتقلی کے لئے تمام یونین کمیٹیوں کو مربوط حکمت عملی کے تحت چھوٹی بڑی مشینری فراہم کی جارہی ہیں تاکہ ضلع وسطی کا ہر علاقہ صاف ستھرا نظر آئے ان خیالات کا اظہار چیئرمین بلدیہ وسطی ریحان ہاشمی نے حسین آباد یونین کمیٹی نمبر 28 میں کچرا کنڈی سے کچرے کی منتقلی کے کام کا معائنہ کر تے ہوئے کیا ۔ اس موقع پر ریحان ہاشمی نے افسران و عملے کی کاوشوں کو سراہاتے ہوئے کہا کہ عوام کی خدمت پر مامور عملہ جس دیانتداری سے اپنے فرائض انجام دیتا ہے وہ قابل ستائش ہے انہوں نے کہا کہ وسائل کی کمی کے باوجود عوام کا تعاون ضلع وسطی کو صاف و شفاف بنانے میں اہم کردار ادا کر رہا ہے بعد ازاں انہوں حسین ابراہیم فاؤنڈیشن گراؤنڈ ((HEFپر تعمیراتی کام کا معائنہ کیا واضح رہے کہ حسین ابرہیم فاؤنڈیشن گراؤنڈ کو اوکھائی میمن جماعت نے عوام کی بھلائی کے لئے پارک کو اون (own )کیا تھا جسکی تعمیرات کا سلسلہ جاری ہے اس موقع پر ریحان ہاشمی نے کہا کہ اوکھائی میمن جماعت کا یہ عمل قابل تقلید ہے اگر دیگر مخیر حضرات ،ادارے اور کیمونٹیز عوام کی بھلائی کے لئے مختلف پارکس کو ) OWN ) کرلیں تو بلدیہ وسطی کی عوام کو بہتر سے بہتر تفریح اور خوشگوار ماحول میئسر آسکیں گا انہوں نے کہا کہ پچھلے کئی سالوں سے پارک و پلے گراؤنڈز پر توجہ نہیں دی گئی جسکی وجہ سے پارکس میں عوام کی آمد کا سلسلہ رک گیا تھا انہوں نے مزید کہا کہ بلدیہ وسطی پارک و لے گراؤنڈز پر خصوصی توجہ دے رہی ہے تاکہ عوام کو گھر کے قریب تفریحی سہولتیں میئسر آسکیں 

جاری کردہ عالمگیر سیفی 

انفارمیشن آفیسر (بلدیہ وسطی ) 

2nd Nov 2016 DMC Central Karachi News & Picture

شہریوں کو صاف و شفاف ماحول کی فراہمی اولین ترجیح ہے ۔ریحان ہاشمی 

ضلع وسطی میں صفائی ستھرائی کے لئے نیا اقدام نائٹ سوئپنگ کا آغاز 

مورخہ:02نومبر ۲۰۱۶ ؁ء

کراچی( ) شہریوں کو صاف وشفاف ماحول کی فراہمی اولین ترجیح ہے صفائی ستھرائی کے کام میں کسی بھی قسم کی کوتاہی برداشت نہیں کی جائیگی ۔ان خیالات کا اظہار چیئرمین بلدیہ عالیہ کراچی وسطی ریحان ہاشمی نے نارتھ ناظم آباد فائیو اسٹار چورنگی،نارتھ کراچی 5000ہزار روڈ ناگن چورنگی تا 4-k چورنگی اور گلبرگ طاہر ولاچورنگی پر نائٹ سوئپنگ کے کام کا معائنہ کرتے ہوئے کیا ۔ اس موقع پر ڈائریکٹر سینی ٹیشنI ندیم حیدر ، ڈائریکٹر سینی ٹیشن II غوث محی الدین،ڈپٹی ڈائریکٹر گلبرگ محمد علی،اسلم بیگ و دیگر متعلقہ افسران بھی انکے ہمراہ تھے۔ چیئرمین ریحان ہاشمی نے کہا کہ عوام کو بہتر سے بہتر بلدیاتی سہولیات کی فراہمی ہمارا نصب العین ہیں جس کے لئے ہم ہر قسم کے قانونی اقدامات کر رہے ہیں انہوں نے کہا کہ ضلع وسطی میں صفائی ستھرائی کے کام کو تین شفٹوں میں انجام دیا جاتا ہے صبح کی شفٹ میں شہر کی بڑی مارکیٹیںِ ،بازار ،لنک روڈز اور اندرونی گلیوں کو صاف کیا جارہا ہے ،دوپہر کی شفٹ میں بس اسٹاپ اور عوامی اجتماعات کے مقامات جبکہ نائٹ شفٹ میں شہر کی مرکزی شاہرائیں صاف کی جارہی ہیں، ریحان ہاشمی نے مزید کہا کہ وسائل کی کمی کے باوجود ضلع وسطی کو مثالی ضلع بنانے کے لئے پرعزم ہیں انھوں نے کہا کہ عوام بلدیاتی سہولتوں کی فراہمی میں کسی بھی قسم کی کوتاہی برداشت نہیں کی جائیگی انہوں نے کہا کہ ضلع وسطی شرح خواندگی کے حوالے سے دوسرے اضلاع میں نمایاں ہے اس لئے شہریوں کا فرض ہے کہ وہ بھی اپنے علاقوں کو صاف ستھرا رکھ کر اپنے باشعور اور تعلیم یافتہ ہونے کا ثبوت دیں مزاج اور آبادی کے لحاظ سے کراچی کا سب سے بڑا ضلع ہے کراچی کے دل کی حیثیت رکھتا ہے ۔ 

جاری کردہ: عالمگیر سیفی 

انفارمیشن آفیسر( بلدیہ وسطی)

0314-3699690 

1st Nov 2016 DMC Central News Karachi News & PIcture

 

ضلع وسطی کے ہر علاقے کو کچرے سے پاک کرکے دم لیں گے ۔ ریحان ہاشمی کا عزم

مورخہ:یکم/ نومبر۲۰۱۶ء ؁

کراچی( ) چیئرمین بلدیہ وسطی ریحان ہاشمی نے کہا ہے کہ ضلع وسطی کے ہر علاقے کو کچرے سے پاک کرکے دم لیں گے انہوں نے کہا کہ عوام کوصاف و شفاف ماحول کی فراہمی اولین ترجیح ہے انھوں نے نارتھ ناظم آباد کے مختلف علاقوں سے کچرا جلانے کی شکایات موصول ہونے پر سخت برہمی کا اظہار کرتے ہوئی سینڑی افسران کوتنبیہ کرتے ہوئے کہا کہ بلدیہ وسطی کے کسی بھی علاقہ میں کچرا نہ جلایاجائے بلکہ بلا تاخیر جمع شدہ کچرے کو فوری اٹھاکر آبادیوں سے دور ڈمپنگ پوائنٹ منتقل کیا جائے ان خیالات کااظہارانہوں نے نارتھ ناظم آباد اصغر علی شاہ GTS کچرا کنڈی سے کچرے کی منتقلی ،شاہراہ نورجہاں،حیدری مارکیٹ سمیت مختلف علاقوں میں صفائی ستھرائی اور کچرے کی منتقلی کے کام کامعائنہ کرتے ہوئے کیا اس موقع پر سابق رکن قومی اسمبلی فرحت خان ، یونین کونسل 21 کے چیئرمین نعیم الدین ،ڈائریکٹر سینی ٹیشن غوث محی الدین و دیگر متعلقہ افسران بھی انکے ہمراہ تھے ۔ انہوں نے مزید کہا کہ عوام کو صاف وشفاف ماحول کی فراہمی کے لئے تمام دستیاب وسائل برؤے کار لارہے ہیں انہوں نے مزید کہا کہ ضلع وسطی میں کچرا جلانے کے عمل کو سختی سے روکا جائے کچرا جلانے والوں کے خلاف فوری قانونی کاروائی عمل میں لائی جائے ریحان ہاشمی نے کہا کہ کچرا جلانے سے فضائی آلودگی میں اضافہ کے ساتھ عوام الناس کی
صحت کو بھی خطرہ ہوتا ہے ریحان ہا شمی نے بلدیاتی عملہ کو سختی سے ہدایت کی کہ کسی بھی صورت حال میں کچرا جلانے سے اجتناب کیا جائے اور اگر کوئی شخص کچرا جلانے کی کوشش کرے تو اسے اس عمل سے روکا جائے انہوں نے عوام الناس سے بھی اپیل کی ہے کہ کچرے کو جلانے سے پرہیز کریں اور کوڑا کرکٹ جمع ہونے اور کچرا جلانے کی اطلاع بلدیہ وسطی کے شکایتی مرکز پر دیں اس موقع پر انہوں نے کہا کہ گزشتہ دنوں چلائے جانے والی کتا مار مہم کے باوجو دضلع وسطی میں آوارہ کتوں کی موجودگی کی شکایت موجود ہیں انہوں نے کہا کہ بلدیہ وسطی می جلد ہی دوبارہ کتا مار مہم کا انعقادکرے گی۔۔۔

جاری کردہ:

عالمگیر سیفی

انفارمیشن آفیسر(بلدیہ وسطی)

0333-3697274

31st Oct 2016 DMC Central News & Picture

مورخہ : ۳۱ /اکتوبر/ ۲۰۱۶ ؁

کراچی( ) چیئرمین بلدیہ وسطی ریحان ہاشمی نے کہا ہے کہ معاشرے میں نئی نسل کے نوجوانوں میں مثبت سر گرمیوں کے فروغ اور باہمی محبت اور اخوت قائم کرنے میں اسکاوئنٹنگ اہم کردار ادا کر سکتی ہیں ۔ ان خیالات کا اظہار انہوں نے سندھ بوائز اسکاؤٹس ایسوسی ایشن اور یوتھ پارلیمنٹ کے اشتراک سے اسکاؤٹس فرینڈز کیمپ کی اختتامی تقریب کے موقع پر حاضرین سے خطاب کرتے ہوئے کیا۔ انہوں نے مزید کہا کہ خود اسلام نے امداد باہمی اور انسانیت سے محبت کا درس دیا ہے اس موقع پر معروف ضنعت کارمہتاب الدین چاؤلہ،بانی یوتھ پارلیمنٹ رضوان جعفر ،وائس چیئرمین سیدشاکر علی ،سندھ اسکاؤٹس کے کمانڈرعبدالحئی بھی موجود تھے۔ اسکاؤٹس فرینڈز کمیپ میں سندھ بھر کے مختلف شہر سے بوائز اور گرلز اسکاؤٹس نے کافی تعداد میں شرکت کی ۔کمپینگ کے دوران تمام اسکاؤٹس نے اپنے روزمرہ کے کام کھانا پکانا اور صفائی ستھرائی نے اپنے ہاتھوں سے کرنے کے ساتھ ساتھ مختلف قسم کی ایکٹیوٹی بھی کیں جس میں سنگنگ ،جوگنگ بھی کی ۔ اس طرح مختلف علاقوں کے تعلق رکھنے اور مختلف زبانیں بولنے والے سندھ بھر کے نوجوانوں طلباء کے درمیان باہمی اخوت اور محبت کا جزبہ ہوا۔ اس موقع پر اسکاؤٹس نے مختلف پروگرام پیش کئے ۔ جس میں اپنی مدد آپ اور دوسروں کی مدد کرنے کے جذبہ کو فروغ دیاگیا تھا۔تقریب کے اختتام پر نمایاں کارکردگی کرنے والے اسکاؤٹس کو انعامات تقسیم کئے گئے ، ان مقابلوں خصوصی مقابلہ ایک دوسرے کے نام یاد کرنا تھا جس سے نئے بنائے جانے والے دوستوں کی تعداد کا اندازہ ہوا اس موقع پر یوتھ پارلیمنٹ کے رضوان جعفر نے اپنی تنظیم یوتھ پارلیمنٹ کے اغراض و مقاصد بیان کرنے کت ساتھ ساتھ امید ظہار کی کہ پاکستان کے نوجوان نسل مثبت سرگرمیوں کی جانب متوجہ کرنے میں کامیاب ہوجائیگے اس موقع پر انہوں نے یوتھ پارلیمنٹ کی جانب سے اسکاؤٹس فرینڈز کیمپ میں حصہ لینے والے تمام بوائز اینڈ گرلز اسکاؤٹس کو یوتھ پارلیمنٹ کی ممبر شپ دینے کا اعلان کیا ۔واضح رہے اسکاؤٹس دنیا بھر میں نوجوان نسل کو انسانی ہمدردی اور امداد باہمی کا احساس دلاتی ہے جبکہ انہیں اپنی مدد آپ کرنے اور ایک ذمہ دار شہری کی حیثیت سے زندگی گزارنے کی تربیت بھی دیتی ہے پاکستان میں بھی اسکاؤٹنگ کے مختلف گروپ ہیں جن کے رضا کار مختلف قومی و دینی ایام پر شہری انتظامیہ کے شانہ بشانہ خدمات انجام دیتے نظر آتے ہیں جبکہ سندھ بوائز اسکاؤٹسخصوصی طور پر طلباء و طالبات میں احساس ذمہ داری اور قانون کی پاسداری اجاگر کرنے میں اہم کردار ادا کر رہی ہے ۔۔۔۔۔


جاری کردہ: عالمگیر سیفی 

انفارمیشن آفیسر( بلدیہ وسطی)