13th Apr 2017 DMC Central Karachi Press Release

13th Apr 2017 DMC Central Karachi Press Release

کراچی( ) بلدیہ وسطی ممکنہ ہیٹ اسٹروک کی صورتحال سے نمٹنے کے لئے تیار ہے ۔حق پرست بلدیاتی نمائندے ہر مشکل گھڑی میں عوام کے درمیان موجود ہیں۔ان خیالات کا اظہار چیئرمین بلدیہ وسطی ریحان ہاشمی نے یوپی موڑ یونین کمیٹی نمبر 14 میں ہیٹ اسٹروک کے حوالے سے قائم کئے جانے والے امدادی کیمپ (Frist Response Centre )کے معائنے کے دوران کیا ۔اس موقع پر MPA وسیم قریشی ،یونین کمیٹی کے چیئرمین مشتاق،وائس چیئرمین حبیب بھی موجود تھے ۔چیئرمین بلدیہ وسطی ریحان ہاشمی نے اس موقع پرکیمپ پر فراہم کی جانے والی سہولتوں کا معائنہ کیا ۔اورعوام میں ٹھنڈا پانی اور شربت تقسیم کیا،انہوں نے کہا کہ موجودہ گرم موسم کی وجہ سے ضلع وسطی کے چاروں زونز میں ہیٹ اسٹروک کے حوالے سے 14 امدادی کیمپ قائم کردئے گئے ہیں۔لیاقت آباد زون میں 6) )سینٹر،نارتھ ناظم آباد زون میں (1)سینٹر،گلبرگ زون میں (2 )سینٹر،نیو کراچی زون میں (1 )سینٹر،جو صبح 9:00 am سے شام 5:00 pm تک کام کرتے رہیں گے ان کیمپس میں ڈاکٹرز،پیرامیڈیکل اسٹاف،آئس پیکس،آئس جیکٹس،O.R.S ،ڈریپس،تولئے،کیپ،منرل واٹرکی سہولت دستیاب ہونگی۔ہیٹ اسٹروک سے نمٹنے کے لئے بلدیہ وسطی نے سندھ گورنمنٹ اور پرائیویٹ ہسپتالوں میں Frist Response Centre قائم کردئے ہیں جو 24 گھنٹے کام کریں گے۔انہوں نے کہا کہ بلدیہ وسطی کی جانب سے 300 آئس جیکٹس سٹی ڈسٹرکٹ گورنمنٹ کراچی کو بھی فراہم کی گئی ہیں۔ بلدیہ وسطی نے عوامی سہولت اور صاف پینے کے پانی کی فراہمی کے لئے واٹر فلٹر فلٹریشن پوائنٹس کی بحالی کے لئے ازسر نو کام شروع کرنے کا فیصلہ کیا ہے ۔

13th Apr 2017 DMC Central Karachi Press Release

12th Apr 2017 DMC Central Karachi Press Release

12th Apr 2017 DMC Central Karachi Press Release

کراچی( ) چیئرمین بلدیہ وسطی ریحان ہاشمی نے افضال میموریل تھیلیسیمیافاؤنڈیشن کا دورہ کیا اس موقع پر انہوں نے فاؤنڈیشن کی انتظامیہ کی کوششوں کو سراہتے ہوئے کہا کہ تھیلیسیمیاکے متاثرہ بچوں کے لئے ادارہ جو کام کررہا ہے وہ قابل ستائش ہے اور اس نیک کام میں وہ اور منتخب بلدیاتی نمائندے اُن کے ساتھ ہیں، عوامی منتخب نمائندے خون کا عطیہ دیں گے اور فاؤنڈیشن کی ہر قسم کی سپورٹ کے لئے تیار ہیں انہوں نے کہا کہ ضرورت اس امر کی ہے کہ تھیلیسیمیا سے متاثرہ بچوں کی فلاح کے لئے عوامی آگاہی کا مربوط منصوبہ بنائیں ۔AMTF کی انتظامیہ نے بتایا کہ 2003 ء ؁ سے خدمت کا مشن جاری رکھے ہوئے ہیں ۔اے ایم ٹی ایف میں روزانہ خون کی بیماریوں میں مبتلاء 20 بچوں کا انتقالِ خون بالکل مفت فراہم کیا جاتا ہے ،اے ایم ٹی ایف میں خون کی بیماریوں میں مبتلاء 800 سے زائد بچے رجسٹر ڈ ہیں جن میں 400 سے زائد بچے صرف تھیلیسیمیا کے مرض میں مبتلاء ہیں ۔مالی سال ۱۵۔۲۰۱۴ میں اے ایم ٹی ایف میں خون اور تقریباً30,000 تشخیصی ٹیسٹ کئے گئے ۔ان بچوں پر ماہانہ طبی و انتظامی اخراجات 85 لاکھ سے زائد ہیں ۔۲۰۰۳ء ؁ سے جاری خدمت کا یہ سفرخون کی بیماریوں میں مبتلاء بچوں کے لئے امید کی کرن ہے ۔اس موقع پر چیئرمین بلدیہ وسطی نے اعلان کیا کہ تھیلیسیمیا سے متاثرہ بچوں کو بلدیہ وسطی کے تمام تفریح پارکس کا داخلہ فری دیا جائے گا۔ 

کراچی( )میئر کراچی کی خصوصی ہدایت پر چیئرمین بلدیہ وسطی ،وائس چیئرمین بلدیہ وسطی نے شبِ برات کے حوالے سے مختلف محکمہ جات سے میٹنگ کی،جن میں محکمہ سینی ٹیشن ، باغات ،B&R ،لینڈ،الیکٹرک ،ٹریفک پولیس کے افسران نے شرکت کی ۔اس موقع پر وائس چیئرمین بلدیہ وسطی سید شاکر علی نے کہا کہ شبِ برات سے قبل ضلع وسطی کی حدود میں آنے والے تمام قبرستانوں کے اطراف صفائی ستھرائی اور ذائرین کی سہولتوں کے حوالے سے تمام انتظامات مکمل کرلئے جائیں ۔انہوں نے ہدایت کی کہ قبرستان کے داخلی راستوں اور قبرستان کے اندر جھاڑیوں کی چھٹائی کا کام جلد از جلد مکمل کیا جائے ،اور قبرستانوں میں نیم اور کھجور کے پودے لگائے جائیں ،اور قبرستانوں کو جانے والی سڑکوں اور فٹ پاتھ کی مرمت کی جائے ،انہوں نے محکمہ الیکٹرک کو ہدایت کی کہ قبرستانوں کو جانے والے تمام راستوں اور قبرستان کے اندر مکمل روشنی کا بندوبست کیا جائے تاکہ ذائرین کو کسی بھی قسم کی پریشانی نہ ہو ۔انہوں نے مزید کہا کہ قبرستانوں کے اطراف اور اندر صفائی ستھرائی کا خصوصی انتظام کیا جائے۔محکمہ لینڈ کو خصوصی ہدایت کی کہ شبِ برات سے قبل قبرستانوں کے اطراف قائم پتھاروں اور تجاوزات کو ہٹایا جائے تاکہ شبِ برات کے موقع پر کوئی دشواری پیش نہ آئے ،شبِ برات کے موقع پرٹریفک پولیس کی مدد کے لئے100 سٹی وارڈنز کی ڈیوٹی لگائی جارہی ہے جو ٹریفک کنٹرول کرنے میں پولیس کی مدد کریں گے ۔بلدیہ وسطی کی جانب سے قبرستانوں کے اطراف میں کیمپ قائم کئے جائیں گے جس میں افسران اور عملہ ڈیوٹی پر موجود رہے گا،بلدیہ وسطی کی جانب سے ٹھنڈے پانی کی سبیلیں اور خوشبو کا اسپرے کا انتظام کیا جائے گا۔ 

12th Apr 2017 DMC Central Karachi Press Release

11th Apr 2017 DMC Central Karachi Press Release

11th Apr 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی ،وائس چیئرمین سید شاکر علی نے کے الیکٹرک کے RPD ڈپارٹمنٹ کے افسران کے ساتھ بلدیہ وسطی کے مرکزی آفس میں ملاقات کی اس موقع پر چیئرمین بلدیہ وسطی نے کہا کہ کے الیکٹرک عوام کو سہولتیں فراہم کرنے کے بجائے مشکلات سے دو چار کررہی ہے،اس گرمی میں لمبے دورانئے کی لوڈشیڈنگ عوام کے لئے پریشانی کا سبب بن رہی ہے ۔ اس موقع پر وائس چیئرمین سید شاکر علی نے کہا کہ ہم بجلی چوروں کا دفاع نہیں کرتے ،کے الیکٹرک اُن کے خلاف کاروائی کرے ،لیکن ہم آپ کو اس بات کی اجازت نہیں دیں گے کہ میٹر ریڈر کے کہنے پر بغیر کسی تحقیق کے کے الیکٹرک کسی کو بھی چور قرار دے کر Over Biling کرنا شروع کردے آئندہ ایسی کوئی شکایت موصول ہوئی تو حق پرست نمائندے اپنے عوام کے ساتھ کھڑے ہونگے ایسے علاقے جہاں میٹر نہ ہونے کی وجہ سے بجلی چوری ہورہی ہے وہاں پر میٹر لگائے جائیں ۔الیکٹرک پولز پر بجلی کی فراہمی ممکن بنائی جائے تاکہ اسٹریٹ لائٹ روشن رہیں اور اندھیرے کی وجہ سے جو اسٹریٹ کرائمزبڑھ رہے تھے اُن کا خاتمہ ہو ،پارکس میں بجلی کی فراہمی کو ممکن بنایا جائے تاکہ گرمی میں عوام کو بہتر تفریح کے مواقع میسر آسکیں ۔انہوں نے مزید کہا کہ ہم کے الیکٹرک کے ریونیو کو جنریٹ کرنے میں ہر ممکنہ سہولت فراہم کریں گے۔اجلاس میں یہ طے پایا کہ کے الیکٹرک اور منتخب بلدیاتی نمائندوں کے درمیان کورڈینیشن ضروری ہے اور اس سلسلے میں ایک کمیٹی تشکیل دی گئی ہے جس کے زریعے کے الیکٹرک اور عوامی نمائندے آپس میں رابطے میں رہیں گے۔ 

11th Apr 2017 DMC Central Karachi Press Release

10th Apr 2017 DMC Central Karachi Press Release

10th Apr 2017 DMC Central Karachi Press Release

کراچی ( )ہونہار طلباء و طالبات پاکستان کا قیمتی سرمایہ ہیں ، ،جدید علوم اور ٹیکنالوجی سے آراستہ طلباء و طالبات مضبوط اور روشن پاکستان کی ضمانت ہیں،طلباء و طالبات کو تعلیم کے ساتھ ساتھ دیگر تعمیری سرگرمیوں میں بھی حصہ لینا چاہئیے ان خیالات کا اظہار چیئرمین بلدیہ وسطی ریحان ہاشمی نے Asmara Children Acedmy کے سالانہ تقریب تقسیم انعامات میں طلباء و طالبات اور ان کے والدین سے خطاب کرتے ہوئے کیا۔اس موقع پران کے ہمرا ہ اسکول پرنسپل بھی موجود تھے،چیئرمین بلدیہ وسطی نے اسکول کے پوزیشن ہولڈر طلباء و طالبات کو شیلڈز اور انعامات دیئے۔ اس موقع پر اسکول کے بچوں نے ملی نغمے ،ٹیبلواورڈرامے پیش کئے ،جو حاضرین کے لئے باعث دلچسپی تھے ۔چیئرمین بلدیہ وسطی نے بچوں کی کارکردگی کو سراہاتے ہوئے کہا کہ آج کے ذہین طلبا وطالبات کل کے سائنسدان، صنعتکار اور قوم کے رہنما ہونگے، طلبا و طالبات قوم کی امیدوں کا محور ہیں ان کی تعلیم اور تربیت کے بغیر کوئی قوم حقیقت میں ترقی نہیں کرسکتی انہوں نےAsmara Children Acedmy کی انتظامیہ کو ہر ممکن تعاون کی یقین دہانی کرائی ۔

کراچی( )بلدیہ وسطی میں دفتر سے غیر حاضر ملازمین اور ان کے سرپرست افسران جنہوں نے بھرتیاں کرنے کے بعد ملازمین کو لاوارث چھوڑ دیا ان کے خلاف سخت ترین ایکشن لیا جائے گا ۔ان خیالات کا اظہار چیئرمین بلدیہ وسطی ریحان ہاشمی نے افسران کے ساتھ میٹنگ کے دوران کیا ۔انہوں نے بلدیہ وسطی کے چاروں زونز ،نیو کراچی ،گلبرگ،نارتھ ناظم آباد ،لیاقت آباد کے تمام محکمہ جات اور حال ہی میں بلدیہ وسطی میں شامل ہونے والے دیگر محکموں کے افسران کو اپنے اپنے محکموں کی فیزیکل ویری فیکیشن (PHYSICAL VERIFICATION) کے لئے تیار رہنے کی ہدایت کی ہے ۔انہوں نے کہا کہ غیر حاضر ملازمین ایک مافیا کی صورت اختیار کرتے جارہے ہیں جس کا قلع قمع کرنا ضروری ہے اس ضمن میں ان کے پاس شکایتوں کے انبار موجود ہیں ۔ انہو ں نے کہاکہ کرپٹ افسران نے اقربا پروری اور بد دیانتی کا مظاہرہ کرتے ہوئے ملازمین کو اپنے ذاتی کاموں کے لئے مختص کررکھا ہے ،ملازمین عوامی خدمت کے بجائے افسران کی خدمت کررہے ہیں ۔انہوں نے کہا کہ ان شکایات کی تحقیقات ہو رہی ہیں۔جو افسر اس میں ملوث ثابت ہوا اس کے خلاف سخت ترین محکمہ جاتی کاروائی کی جائے گی۔ انہوں نے کہا کہ یہ مافیا طاقت ور ہے اور اس کام میں رکاوٹیں ڈالنے کے لئے سیاسی پریشر اور اور ذرد صحافت کا سہارا لے رہا ہے لیکن ہر دباؤ کا سامنا کرتے ہوئے اس ناسور کو ختم کیا جائے گا ۔ 

10th Apr 2017 DMC Central Karachi Press Release

8th Apr 2017 DMC Central Karachi Press Release

8th Apr 2017 DMC Central Karachi Press Release

کراچی( )سندھ حکومت کو چاہئیے کہ کراچی کے شہریوں کو ریلیف فراہم کرنے کے لئے آئین کے تحت حاصل اختیارات بلدیاتی نمائندوں کو فی الفور تفویض کرے ۔ تمام تر مشکلات کے باوجود ہم پرعزم ہیں اور اس سلسلے میں کراچی کو اس کا جائز حق دلانے کے لئے ہر سطح تک جائیں گے۔ ان خیالات کا اظہارچیئرمین بلدیہ وسطی ریحان ہاشمی نے تین ہٹی اور عائشہ منزل پر محکمہ باغات کی جانب سے کئے جانے والے تزین و آرائش کے کام کا معائنہ کرتے ہوئے کیا ۔اس موقع پران کے ہمراہ ڈائریکٹر پارکس ندیم حنیف ،ڈائریکٹر سینی ٹیشن غوث محی الدین بھی موجود تھے ،عائشہ منزل سے شروع ہونے والی گرین بیلٹ اور چورنگی کو خوشبو دار رنگین پھولوں سے سجایا گیا ہے ب۔جو ہرگزرنے والے شہری پر خوش گواراثر چھوڑتے ہیں۔اس موقع پرموجودتاجربرادری نے چیئرمین بلدیہ وسطی کو اپنے مسائل سے آگاہ کرتے ہوئے کہاکہ دور دور تک پھیلے پتھاروں اور تجاوزات کی وجہ سے عوام کو شدید مشکلات کا سامنا ہے اور یہ تجاوزات ٹریفک جام ہونے کا سبب بن رہے ہیں اور خریداروں کو نہ صرف گاڑیاں پارک کرنے میں دشواری ہوتی ہے بلکہ پیدل چلنے والوں کو بھی سڑک پارکرنے میں بے حدپریشانی ہوتی ہے ۔ریحان ہاشمی نے کہا کہ تجاوزات شہر کی خوبصورتی کو ماند کررہے ہیں اور اس سلسلے میں بلدیہ وسطی تجاوزات کے خلاف گرینڈ آپریشن کرنے جارہی ہے ۔ انہوں نے عوام سے اپیل کی کہ Beautificationکے کام کے بعد اب بلدیہ وسطی کے باشعور عوام کی ذمہ داری ہے کہ وہ بلدیہ وسطی کے ساتھ تعاون کرتے ہوئے ان پھولوں اور پودوں کی حفاظت کریں ۔

8th Apr 2017 DMC Central Karachi Press Release