18th May 2017 DMC Central Karachi Press Release

18th May 2017 DMC Central Karachi Press Release

کراچی( ) گلبرگ ذون بلدیہ وسطی میں چیئرمین بلدیہ وسطی ریحان ہاشمی کی زیر صدارت رمضان المبارک کے حوالے سے خُصوصی اجلاس مُنعقد ہوا ، اس موقع پر وائس چیئرمین سید شاکر علی MPA عظیم فاروقی ،عبدالوسیم ، جمال احمد ، چئیرمین یونین کمیٹی ا سسٹنٹ کمشنرز ، ADIG ٹریفکSO,s اور دیگر بلدیاتی افسران بھی موجود تھے ، چیئرمین بلدیہ وسطی ریحان ہاشمی نے کہا کہ اس اجلاس کا بُنیادی مقصد مُختلف اداروں کے باہمی اشتراک سے ایسا منصوبہ بنانا ا ور اُس پر عمل کرنا ہے کہ جس کے زریعے رمضان المبارک میں عوام کو ریلیف فراہم کیا جا سکے ، چیئرمین بلدیہ وسطی ریحان ہاشمی نے ہدایت کی کہ ماہ مُبارک میں ضلع وسطی کی مساجد امام، با رگاہوں اور مذہبی اجتماعات کے مقامات کے اطراف صفائی ستھرائی اور روشنی کا مُناسب انتظام کیا جائے ، وائس چیئرمین بلدیہ وسطی سید شاکر علی نے کہا کہ رمضان سے قبل مارکیٹوں کے اطراف قائم تجاوزات کا خاتمہ کیا جائے مین روڈ پر ٹھیلے نہ لگنے دئے جائیں تاکہ ٹریفک کی روانی میں کوئی خلل واقع نہ ہو ٹریفک کنٹرول کرنے کے لئے سٹی وارڈنز ٹریفک پولیس کی مدد کریں گے انہوں نے مزید کہا کہ اشیا خورد نوش کی قیمتوں میں اضافے کی روک تھام کے اقدامات کئے جائیں چیئرمین بلدیہ وسطی ریحان ہاشمی نے بلدیہ وسطی کی جانب سے مارکیٹوں کے اطراف کیمپ قائم کئے جائینگے جن کو اسسٹنٹ کمشنرمانیٹر کریں گے ، کیمپس میں بلدیہ وسطی اور عوامی سہولت فراہم کرنے والے اداروں کا اسٹاف ہمہ وقت عوام کی خدمت کے لئے موجود رہے گا اُنہوں نے کہا کہ K- ELECTRIC رمضان المُبارک میں لوڈ شیڈنگ نہ کرے تاکہ لوگ سحر و افطار اور اپنی عبادات پُرسکون ماحول میں انجام دے سکیں اُنہوں نے دہشت گردی کے خدشات کے حوالے سے عوای اجتماعات والی
جگہوں پر سیکورٹی کے بھر پور انتظامات کئے جائیں ۔ 

18th May 2017 DMC Central Karachi Press Release

16th May 2017 DMC Central Karachi Press Release

16th May 2017 DMC Central Karachi Press Release

کراچی( ) ہماری کوشش ہے کہ عوام کو بنیادی سہولتیں ان کی دہلیز پر فراہم کریں اور عوامی سہولت کی فراہمی کے لئے فرسودہ نظام کوترک کرکے جدیدنظام متعارف کیا جائے ان خیالات کا اظہار کے چیئرمین بلدیہ وسطی ریحان ہاشمی نے نارتھ ناظم آبادمیں جاری صفائی ستھرائی کے کام کے معائنے کے دوران کیا ۔ اس موقع MPA جمال احمد ، چیئرمین یونین کمیٹی بھی ان کے ہمراہ موجود تھے چیئرمین بلدیہ وسطی ریحان ہاشمی نے نارتھ ناظم آباد کی مختلف یونین کمیٹیوں میں صفائی ستھرائی لائٹ کے انتظامات، اور ضلع میں CLEAN & GREEN KARACHI مہم کے تحت لگائے جانے والے پودوں کا جائزہ لیااس موقع پر عوام کی کثیرتعدادنے چیئرمین سے گفتگو کرتے ہوئے علاقے کے مسائل کی نشاندہی کی ۔چیئرمین ریحان ہاشمی نے علاقہ مکینوں کو یقین دہانی کرائی کہ ضلع وسطی کو ماڈل ضلع بنائیں گے اس کی تعمیر ،تزین وآرائش میں کوئی کسر نہیں چھوڑیں گے ۔محدود وسائل کے باوجود ہم ضلع وسطی کی تعمیر و ترقی کے لئے کوشاں ہیں ۔انہوں نے کہا کہ ہم شجر کاری مہم کے زریعے بلدیہ وسطی کو گرین کر دیں گے تاکہ ماحولیاتی آلودگی کے خاتمے کے ساتھ ساتھ ضلع وسطی کو صاف وشفاف بنایا جائے۔انہوں نے کہا کہ جذبہ خدمت اور عزم مُسلسل کے ذریعے صفا ئی اور ترقیاتی کاموں کو جاری 

رکھا ہوا ہے، مختلف مقا مات پر کچرا جلانے کے واقعات کو انسانی صحت کے لئے مضر قرار دیتے ہوئے کہا کہ اسکولوں ،اسپتالوں اور

ڈسپنسریوں ،مساجد اور دیگر عوامی اجتما عا ت کے مقا مات کے قریب کسی بھی صورت میں کچرا جلانے کے عمل کو سختی سے روکا جائے ۔ آٗ

16th May 2017 DMC Central Karachi Press Release

14th May 2017 DMC Central Karachi Press Release

14th May 2017 DMC Central Karachi Press Release

کراچی( ) درخت قدرت کا ایک انمول تُحفہ ہیں ماحول کی خوبصورتی میں اضا فہ کرنے کے ساتھ ساتھ یہ درخت آ کسیجن فراہم کرنے کا اہم ذریعہ ہیں، یہ پودے آ کسیجن پیدا کرنے کے قدرتی کارخا نے ہیں۔ان خیالا ت کا اظہار وائس چیئر مین بلدیہ وسطی سید شاکر علی نے فیڈرل بی ایریا بلاک 19، میں Clean & Green Karachi Campaign کے تحت شجر کا ری مہم میں پو دا لگا کر کیا اس موقع پر ان کے ہمراہMPAعبدل وسیم ،وسیم قریشی اور این جی اوز کے نمائندے اور اسکول کے بچے بھی موجود تھے۔انہوں نے بلدیہ وسطی میں جاری صفائی کے کام کی رفتار پر اطمینان کا اظہار کرتے ہوئے کہا کہ منتخب بلدیاتی نمائندے اختیار اور وسائل نہ ہونے کے باوجود جس قدر محنت سے کام کررہے ہیں اگر صوبائی حکومت قرارِ واقعی اختیارات اور وسائل مہیا کردے تو ہر ضلع صفائی ستھرائی کی منہ بولتی تصویر بن جائے۔وائس چیئر مین سید شاکر علی نے کہا کہ ہم ضلع وسطی کے عوام کو صحت مند اور آ لودگی سے پاک ماحول فراہم کرنے کے لئے دن رات کوشاں ہیں ضلع کو سر سبز رکھنے کے لئے شجر کا ری مہم جا ری ہے اب تک اس مہم میں 6ہزار سے ذیادہ پو دے لگائے جا چکے ہیں انہوں نے ضلع وسطی ے عوام

سے درخواست کی کے وہ بلدیہ وسطی کی انتظامیہ سے تعاون کرتے ہوئے ان پودوں کی دیکھ بھال کریں .

کراچی( ) سخت راتوں میں بھی آسان سفر لگتا ہے ، یہ میری ماں کی دُعاوں کا اثر لگتا ہے ، ماں کی عظمت کو ا لفاظوں میں بیان کرنا مُشکل ہے کیونکہ ماں اور اولاد کا رشتہ محسوس تو کیا جا سکتا ہے لیکن اس احساس کو لفظوں میں پُرونا مُشکل ہے ، ان خیالات کا اظہار چئیرمین بلدیہ وسطی ریحان ہاشمی نے مہدی حسن پارک نارتھ ناظم آباد میں MOTHER.s DAY کے حوالے سے مُنعقدہ تقریب کے دوران کیا،تقریب میں خالد مقبول صدیقی ،MNAجمال احمد، وائس چیئر مین بلدیہ وسطی سید شاکر علی ،یاسمین لا ری ،ترانہ سلیم اور خواتین کی بڑی تعداد موجود تھی ۔وائس چئیرمین سید شاکر علی نے کہا کہ دُنیا کا واحد رشتہ جو بچے کے دُنیا میں آنے سے پہلے ہی ماں سے قائم ہو جاتا ہے ، ماں کی دُعایں ساتھ ہوں تو کامیابی مُقدر ہے،اس موقع پر مقررین نے MOTHER.s DAY کے بارے شرکا کو بتایا کہ 1912 میںAnna Jarvisنامی خاتون نے امریکہ میں مدر ڈے انٹرنیشنل ایسوسی ایشن بنائی ،ماں کی عظمت ،مُحبت ،اہمیت کے حوالے سے مئی کے 2nd Sunday ہر سال پوری دُنیا میںیہ دن جوش و خروش سے بھرپور انداذ میں منایا جاتا ہے اس موقع پر اسکول کے بچوں نے
ٹیبلو پیش کئے تقریب کے آ خر میں اُن تمام ماوں کے لئے جو دنیا سے جاچکی ہیں دُعاے مغفرت کی گئی ۔ 

14th May 2017 DMC Central Karachi Press Release

13th May 2017 DMC Central Karachi Press Release

13th May 2017 DMC Central Karachi Press Release

کراچی( )کراچی کے لوگ ہمارے ساتھ ہیں انہوں نے اپنا مینڈ ٹ ہمارے حوالے کیا ہے سندھ حکومت ہمارے اختیا ر ات اور فنڈ ز روک کراہلیانِ کراچی کے ساتھ ذیادتی کر رہی ہے ۔ان خیالات کا اظہا ر چیئر مین بلدیہ وسطی ریحان ہاشمی نے یونین کمیٹی 4کلیانہ ٹا ؤن میں پاک انجینیئر کی جانب سے منعقدہ تقریب کے افتتاح کے موقع پر کیا۔پا ک انجینیئر بلدیہ وسطی اور اہل محلہ کے تعاون سے بلدیاتی سہولتوں کی فراہمی کے لئے میدان عمل میں آئی ہے ۔پاک انجینیئر کی جانب سے یونین کمیٹی 4کے تمامکانوں کو پلاسٹک بیگ فراہم کئے گئے ہیں تا کہ وہ گھر کا کچرا جمع کر کے باہر رکھ دیں۔پاک انجینیئر کا اسٹاف گھر کے بہار سے کچرا جمع کر کے بلدیہ وسطی کی مقرر کردہ کچرا کنڈیوں تک پہنچا تا ہے جہاں سے کچرا ڈمپنگ پوائنٹ منتقل کیا جاتا ہے پاک انجینیئر کی جانب سے یو سی 4میں جگہ جگہ ڈسٹ بن لگائے جانے کے ساتھ ساتھ صفا ئی ستھرائی کے کا موں کے لئے مشینریز کا استعما ل بھی کیا جا رہا ہے۔چیئر مین بلدیہ وسطی نے کہا کہ یہ شہر اور ضلع ہمارا ہے اور اس کو صاف
ستھرا رکھنا ہماری ہی ذمہ داری ہے ۔

13th May 2017 DMC Central Karachi Press Release

11th May 2017 DMC Central Karachi Press Release

11th May 2017 DMC Central Karachi Press Release

کراچی( ) ڈپٹی میئر ارشد وہرہ ، چیئرمین بلدیہ وسطی ریحان ہاشمی اور MPA جمال احمدکے ہمراہ شبِ برات کے حوالے سے ضلع وسطی کی حُدود میں آنے والے قبرستان پاپوش نگر، نیوکراچی صدیق آباد قبرستان،نارتھ کراچی محمد شاہ قبرستان،سخی حسن قبرستان کا دورہ کیا اس موقع پر محکمہ سینی ٹیشن ، باغات ،B&R ،لینڈ،الیکٹرک کے افسران بھی ان کے ہمراہ موجود تھے ۔اس موقع پر چیئرمین بلدیہ وسطی نے کہا کہ شبِ برات سے قبل ضلع وسطی کی حدود میں آنے والے تمام قبرستانوں کے اطراف صفائی ستھرائی اور ذائرین کی سہولتوں کے حوالے سے تمام انتظامات مکمل کرلئے گئے ہیں ۔اس ضمن میں کہ قبرستانوں کے داخلی راستوں اور قبرستان کے اندر جھاڑیوں کی چھٹائی کا کام قبرستانوں کو جانے والی سڑکوں اور فٹ پاتھ کی مرمت کا کام مُکمل کرلیا گیا ہے ،محکمہ الیکٹرک کی جانب سے قبرستانوں کو جانے والے تمام راستوں اور قبرستان کے اندر مکمل روشنی کا انتظام کیا گیا ہے چیئرمین بلدیہ وسطی نے ہدایت دی کہ قبرستانوں کے اطراف پارکنگ کے بہتر انتظامات کئے جائیں تاکہ ٹریفک کی روانی میں کوئی خلل پیدا نہ ہو ،وائس چئیرمین بلدیہ وسطی سید شاکر علی نے کہا شب برات نجات کی رات ہے اس رات کی اہمیت کے پیش نظر ہماری کوشش ہے کہ ذائرین کو ہر مُمکنہ سہولت فراہم کی جائیں اس موقع پر قبرستانوں کے اطراف میں کیمپ قائم کئے گئے ہیں جس میں افسران اور عملہ ڈیوٹی پر موجود رہے گا،بلدیہ وسطی کی جانب سے ٹھنڈے پانی اور شربت کی سبیلیں اور خوشبو کا اسپرے کا انتظام کیا بھی کیا گیا ہے ۔بعد نماز عشاءMPA خواجہ اظہارالحسن،وسیم قریشی ،چیئرمین بلدیہ وسطی ریحان ہاشمی ،وائس چیئرمین سید شاکر علی نے محمد شاہ قبرستان میں قائم کیمپ کا دورہ کیا اور بلدیہ وسطی کی جانب سے فراہم کی جانے والی سہولتوں کا معائنہ کیا ۔

11th May 2017 DMC Central Karachi Press Release