6th Mar 2018 DMC Central Karachi Press Release

6th Mar 2018 DMC Central Karachi Press Release

کراچی ( )ضلع وسطی کے مکینوں کو صاف ستھراء اور آلودگی سے پاک ماحول فراہم کرنا ہماری ذمہ داری ہے ۔اور عوام کے تعاون سے ہم اپنی ذمہ داری احسن طریقے سے نبھارہے ہیں ۔ضلع کو صاف ستھراء رکھنے اور عوام کو بلدیاتی سہولتوں کی فراہمی کو ممکن بنانے کے لئے کام کی رفتار کو تیز کرنا ہوگا ۔ان خیالات کا اظہار چیئرمین بلدیہ وسطی ریحان ہاشمی نے چاروں زونز کے سینی ٹیشن افسران کے بلائے گئے اجلاس کی صدارت کرتے ہوئے کیا ۔اس موقع پر میونسپل کمشنر آفاق سعید ،محکمہ سینی ٹیشن کے افسران ندیم حیدر،غوث محی الدین ،محمد علی ،تسلیم بیگ ،وسیم احمد بھی موجود تھے ۔چیئرمین ریحان ہاشمی نے افسران کو ہدایت دیتے ہوئے کہا کہ عوام کو بہتر بلدیاتی سہولیات کی فراہمی منتخب عوامی نمائندوں کی ذمہ داری ہے انہوں نے کہا کہ فنڈز کی کمی اور اختیارات کے نہ ہونے کی وجہ سے مشکلات کا سامنا ہے لیکن محدود وسائل میں رہتے ہوئے بہترین پلاننگ کے زریعے ہم افرادی قوت اور دستیاب مشینری کے زریعے صفائی ستھرائی کے کام کو بہتر بنا سکتے ہیں ،انہوں نے کہا کہ ملازمین کی حاضری کو یقینی بنایا جائے تاکہ عوام کو بلاتعطل صفائی ستھرائی کے ساتھ دیگر بلدیاتی سہولیات کی فراہمی تواتر سے جاری رہے ۔انہوں نے مکینکل ڈپارٹمنٹ کے افسران کو ہدایت کی کہ ناکارہ گاڑیوں کو ٹھیک کروا کر ورکنگ کنڈیشن میں لایا جائے تاکہ صفائی ستھرائی کے کام کو مزید تیز اور بہتر انداز میں سر انجام دیا جائے ۔اجلاس میں موجود افسران نے اپنے زونز میں روزآنہ کی بنیاد پر کئے جانے والے صفائی ستھرائی کے کام کے بارے میں آگاہی فراہم کی ۔چیئرمین بلدیہ وسطی ریحان ہاشمی نے افسران کو ہدایت دی کہ وہ اس بات کو ممکن بنائیں کہ علاقہ مکین بلدیہ وسطی کی انتظامیہ کے ساتھ تعاون کرنے کے ساتھ بلدیہ وسطی کی مقرر کردہ جگہوں پر کچرا ڈالیں اور کچرا جلانے سے پرہیز کریں۔ 

6th Mar 2018 DMC Central Karachi Press Release

5th Mar 2018 DMC Central Karachi Press Release

5th Mar 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ کراچی کے ٹیلنٹ کو ضائع نہیں ہونے دیں گے ،فٹبال گلوبل کھیل ہے ۔حق پرست قیادت کراچی کے با صلاحیت نوجوانوں کو اسپورٹس کی سرگرمیاں جاری رکھنے کے حوالے سے ہر ممکنہ سہولت فراہم کرنے کو تیار ہے ۔دنیا میں کھیل کے حوالے سے پاکستان کا نام دنیا بھر میں روشن کرنے والے بیشتر کھلاڑیوں کا تعلق ضلع وسطی سے ہے ۔ فٹبال گلوبل کھیل ہے لیکن پاکستان میں دوسرے کھیلوں کی طرح فٹبال کھیل کو مکمل حکومتی سرپرستی حاصل نہیں ہے ۔وہ فیڈرل یونائیڈ فٹبال کلب کے زیر اہتمام منعقدہ پہلے آل کراچی اقبال قریشی اور یوسف خان میموریل فٹ بال ٹورنامنٹ کے فائنل میچ میں شریک تھے اس موقع پر متعلقہ یوسی چیئرمین ،وائس چیئرمین بھی موجود تھے ۔چیئرمین ریحان ہاشمی نے کہا کہ حکومت فٹبال کے کھیل کی ترقی کے لئے سنجیدہ نہیں ہے جس کا واضع ثبوت یہ ہے کہ حکومت نے پاکستان فٹبال فیڈریشن PFF کو صرف دس 10 ملین روپے کا فنڈ فراہم کیا ہے ۔ان حالات میں ہمیں فٹبال کے کھیل کو پروموٹ کرنے کیلئے اپنی مدد آپ کے تحت کام کرنا ہوگا ۔اور فٹبال کے کھیل کوپروموٹ کرنے کیلئے جدید سہولتوں سے آراستہ فٹبال پلے گراؤنڈ تیار کرنے کے ساتھ ساتھ انٹر نیشنل لیول کے کھلاڑیوں کے زریعے نوجوان کھلاڑیوں کی تربیت کا انتظام کرنا ہوگا اور اس سلسلے میں بلدیہ وسطی کا ضلع وسطی کے فٹبال کلب سے مکمل تعاون جاری رہے گا ۔اور بلدیہ وسطی اپنے محدود فنڈز سے فٹبال کھیل کی سرگرمیوں کو بہتر انداز میں جاری رکھنے کیلئے ہر ممکنہ تعاون کرنے کے لئے تیار ہے ۔واضع رہے کہ فیفاFIFA نے پاکستان میں پانچ فٹبال گراؤنڈز اور اکیڈمیز قائم کرنے کا اعلان کیا ہے جس میں سے دو اکیڈمیز کراچی میں قائم ہونگی ۔اُمید کی جاتی ہے کہ مستقبل میں ان اکیڈمیز کے تربیت یافتہ کھلاڑی پاکستان کا نام دنیا میں روشن کریں گے ۔پہلے آل کراچی اقبال قریشی اور یوسف خان میموریل فٹ بال ٹورنامنٹ کے فائنل میچ کے اختتام پرچیئرمین ریحان ہاشمی نے فاتح ٹیم کو ٹرافی اور کھلاڑیوں میں میڈلز تقسیم کئے ۔اس موقع پر فیڈرل یونائیڈ فٹبال کلب کی جانب سے چیئرمین ریحان ہاشمی کو شیلڈ اور اجرک کا تحفہ پیش کیا گیا۔ 

5th Mar 2018 DMC Central Karachi Press Release

3rd Mar 2018 DMC Central Karachi Press Release

3rd Mar 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی کی ہدایت پر ضلع وسطی میں جاری ترقیاتی کام اور صفائی ستھرائی کے بہترین انتظامات کئے جارہے ہیں ،فنڈز کی کمی کے باعث ضلع وسطی کی مختلف یونین کونسلوں میں منتخب پارکس و پلے گراؤنڈز اور شاہراؤں کو ماڈل قرار دے کر اُن کی تعمیر نو اور تزین و آرائش کا کام تیزی سے جاری ہے ۔اس ضمن میں مہدی حسن پارک نارتھ ناظم آباد،شالیمار پارک ناظم آباد ،حمید شاہ پارک ناظم آباد ،اقصیٰ پارک یوسی 44 ناظم آباد ،ابو نصر پارک نارتھ کراچی ،گلِ لالہ پارک نارتھ کراچی میں تزین و آرائش کا کام مکمل کیا جاچکا ہے اور ماڈل شاہراؤں کے حوالے سے شاہرہ عبدالقادر جیلانی نارتھ ناظم آباد ،شاہراہ زاہد انڈا موڑ سے ناگن چورنگی ،دعا چوک سے بلال مسجد جانے والی شاہراء ،غریب آبادسے حسین آباد جانے والی شاہراہ کو مرمت اور اسٹریٹ لائٹس کی تنصیب و درستگی کے بعدان ماڈل شاہراؤں کا افتتاح کیا جا چکا ہے ۔چیئرمین بلدیہ وسطی ریحان ہاشمی کی جانب سے ضلع وسطی کے مکینوں کو بلدیاتی سہولتیں اور ترقیاتی کاموں کی صورت میں تحائف دینے کا سلسلہ جاری ہے اور بلدیہ وسطی کی انتظامیہ شب و روز بلدیہ وسطی کو ماڈل ضلع بنانے کیلئے کام کررہی ہے ۔واضع رہے کہ جن پارکس و پلے گراؤنڈزکی تزین و آرائش کی گئی ہے ان پارکس و پلے گراؤنڈز میں تجاوزات اور کچرے کے ڈھیر موجود تھے بلدیہ وسطی کی انتظامیہ نے ان تجاوزات کو ختم کرکے کچرے کے ڈھیر کو صاف کرنے کے بعد تزین و آرائش کا کام کیا گیا ہے ۔بلدیہ وسطی کی جانب سے ضلع میں قائم گرین بیلٹس کو کچرے سے صاف کرکے شجر کاری مہم کے زریعے پودے لگائے گئے ہیں اور ساتھ ہی ساتھ مرکزی چورنگیوں پر بیوٹی فیکیشن کا کام کیا گیا جس سے ضلع وسطی کی خو بصورتی میں اضافہ ہوا ہے اور بلدیہ وسطی کی جانب سے عوام کو بلدیاتی سہولتیں فراہم کرنے کا سفر جاری ہے اور انشاء اللہ ضلع وسطی کا شمار کراچی کے ماڈل ضلع میں ہوگا۔

3rd Mar 2018 DMC Central Karachi Press Release

2nd Mar 2018 DMC Central Karachi Press Release

2nd Mar 2018 DMC Central Karachi Press Release

کراچی ( ) حق پرست بلدیاتی نمائندے عوام کو صاف شفاف ماحول کی فراہمی کے ساتھ ساتھ ضلع وسطی کو سر سبز و شاداب بنانے کے لئے تمام تر دستیاب وسائل برؤے کار لارہے ہیں، ان خیالات کا اظہار چیئرمین بلدیہ وسطی ریحان ہاشمی نے لیاقت آباد اوور ہیڈ برج کے اطراف بالمقابل سراج الدولہ کالج گرین بیلٹ پر تزئین آرائش کے کام کا معائنہ کرتے ہوئے کیا اس موقع پر متعلقہ یوسی چیئرمینز و دیگر بلدیاتی افسران بھی موجود تھے ۔ چیئرمین نے کہا کہ ضلع وسطی کے بیشتر علاقوں کو کچرے سے پاک کردیا گیا ہے جبکہ جہاں جہاں کچرے کے ڈھیر صاف کئے گئے وہاں بلدیہ وسطی کا محکمہ باغات پودے لگا کر علاقے کی خوبصورتی میں اضافہ کر رہا ہے انہوں نے کہا کہ حق پرست بلدیاتی نمائندے عوام کو صحت مند سرگرمیوں کے فروغ کے مواقع فراہم کر رہے ہیں۔ انہوں نے کہا کہ مزکورہ گرین بیلٹ ماضی میں کچرا کنڈی کا منظر پیش کرتی تھی جہاں اب سرسبز گرین بیلٹس قائم کی جارہی ہے انہوں نے کہا کہ گزشتہ کئی سالوں سے سندھ گورنمنٹ کی عدم توجہی کی وجہ سے کراچی کے شہری مسائل میں مسلسل اضافہ ہو ا جسکے باعث کراچی کے پارکس و پلے گراؤنڈ زکچرا کنڈی کا منظر پیش کر رہے تھے انہوں نے کہا کہ ضلع وسطی کے بیشتر علاقوں سے کچرے کے ڈھیروں کا صفایا کیا جاچکا ہے جبکہ پارکس اور میدانوں میں خود ساختہ کچرا کنڈیوں کو ختم کردیا گیا ہے انہوں نے کہا کہ ضلع وسطی کو صاف وشفاف بنانے کے ساتھ ساتھ عوام کو صحت مند سرگرمیوں کو فروغ دینے کے لئے بھرپور مواقع فراہم کر رہے ہیں۔ ضلع وسطی کو مثالی ضلع بنانے کے لئے بلاتعطل صفائی ستھرائی،شہر کے باہر کچرے کی منتقلی ، نالوں کی صفائی ، بڑھتی ہوئی تجاوزات کے خلاف آپریشن، گرین بیلٹس کی تزئین و آرائش کے ساتھ ساتھ مختلف علاقوں میں سیوریج لائنوں کی مرمت کا کام جاری ہے انہوں نے مزید کہا کہ جلد ہی ضلع وسطی کا شمار کراچی کے بہترین اضلاع میں کیا جائیگا ۔

2nd Mar 2018 DMC Central Karachi Press Release

1st Mar 2018 DMC Central Karachi Press Release

1st Mar 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ عوام کو بلدیاتی سہولیات کی فراہمی کے ساتھ اُن کے مسائل کے حل کیلئے کوشاں ہیں،ضلع وسطی کی ہر یونین کمیٹی میں محدود دستیاب وسائل میں رہتے ہوئے خدمات کی فراہمی ہماری اولین ترجیحات میں شامل ہیں۔ وہ نارتھ کراچی سیکٹر 11-E مسلم ٹاؤن میں کی جانے والی روڈ کارپیٹنگ اور صفائی ستھرائی کے ساتھ تزین و آرائش کے کام کا معائنہ کررہے تھے اس موقع پر ان کے ہمراہ یوسی چیئرمینز اور دیگربلدیاتی افسران بھی موجود تھے ،چیئرمین نے کہا کہ منتخب بلدیاتی نمائندوں کو عوام کا تعا ون حاصل ہے اور ہماری کو شش ہے کہ عوام نے ہم پر جو اعتماد کیا ہے اس پر پورا اُتریں ۔بلدیہ وسطی کی انتظامیہ عوام کو بلدیاتی سہولیات کی فراہمی میں کوئی کسر نہیں چھوڑے گی انہوں نے متعلقہ محکمہ کے افسران کو ہدایت کی کہ سڑکوں کی تعمیر میں استعمال ہونے والے میٹریل کی اچھی طرح جانچ پڑتال کریں تاکہ پختہ اور پائیدار سڑکیں بنائی جائیں جن سے عوام لمبے عرصے تک استفادہ حاصل کر سکیں انہوں نے کام کی رفتار کو تیز کرنے پر بھی زور دیا،وہاں پر موجود عوام سے گفتگو کرتے ہوئے انہوں نے کہا اپنے گھروں کے ساتھ ساتھ علاقوں کو بھی صاف ستھراء رکھیں اور بلدیہ وسطی کی مقرر کردہ جگہوں پر کچرا ڈالیں ،گرین بیلٹس کو کچرے کاڈھیر نہ بنائیں۔واضع رہے کہ ضلع وسطی کے مختلف علاقوں میں چیئرمین بلدیہ وسطی ریحان ہاشمی کی ہدایت پر صفائی ستھرائی ،گرین بیلٹس کی تزین و آرائش ،اسٹریٹ لائٹس کی درستگی ،پارکس و پلے گراؤنڈز کی تزین و آرائش ،نالوں کی صفائی کے ساتھ ساتھ ناکارہ اور ٹوٹی ہوئی سیوریج لائنوں کی تبدیلی کا کام تیزی سے جاری ہے ،چیئرمین بلدیہ وسطی ریحان ہاشمی کی ہدایت پر کچرا کنڈیوں سے روز آنہ کی بنیاد پر کچرے کو لینڈ فل سائیڈ منتقل کیا جارہا ہے ،محکمہ سینی ٹیشن کا عملہ مین شاہراہوں کے ساتھ اندرونی گلیوں میں افرادی قوت کے ساتھ صفائی ستھرائی کا کام سر انجام دے رہا ہے ۔

1st Mar 2018 DMC Central Karachi Press Release