16th Sep 2018 DMC Central Karachi Press Release

16th Sep 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی ضلع وسطی میں اتوار کے روز بھی سرگرم رہے ۔ نارتھ ناظم آباد اور گلبرگ زون کا تفصیلی دورہ محرم الحرام کے حوالے کروائے جانے والے ترقیاتی و صفائی ستھرائی کے کام کا جائزہ ،سینی ٹیشن کا عملہ بھی چھُٹی کے دِن بھی عوام کی خدمت میں مصروف رہا۔ ریحان ہاشمی نے متحدہ قومی موومنٹ پاکستان کے رکن صوبائی اسمبلی عباس جعفری ،ممبر یونین کونسل بلدیہ وسطی منظور الہٰی اور بلدیاتی افسران کے ہمراہ ضلع وسطی کے مختلف زونز کا دورہ کیا ، صفائی ستھرائی اور سڑکوں کی استرکاری کے کام کا معائنہ کیا۔ انہوں نے سینی ٹیشن ڈپارٹمنٹ کو تندہی سے فرائض اداکرنے کو سراہا ۔جبکہ گزشتہ روز چیئرمین بلدیہ وسطی نے حق پرست رکن صوبائی اسمبلی وسیم قریشی کے ہمراہ نیو کراچی زون میں مسجد و امام بارگاہ آل محمد کے اطرا ف مشینی روڈ کارپیٹنگ کے کام کا معائنہ بھی کیا اور بلدیاتی افسران کو ہدایت کی کہ محرم الحرام میں عوام کو بلخصوص عزاداران حسین کو تمام تر بلدیاتی سہولیات کی فراہمی کو ممکن بنانے کے لئے تمام تر وسائل کو بروئے کار لایا جائے ۔ واضح رہے کہ بلدیہ وسطی میں تسلسل کے ساتھ غیر اعلانیہ صفائی کی مہم جاری ہے جس کا مقصد عوام کو بلا تعطل بلدیاتی خدمات مہیاکرناہے۔اس ہدف کو حاصل کرنے کے لئے ریحان ہاشمی متحدہ قومی موومنٹ کے ممبران قومی و صوبائی اسمبلی کے ہمراہ ضلع وسطی کے مختلف زونز کا دورہ کرتے ہیں جبکہ ایم کیو ایم کے ممبرانِ اسمبلی از خود بھی بلدیاتی اداروں کی خدمات کی سطح اور کارکردگی کی جانچ کے لئے ضلع وسطی کا دورہ کرتے ہیں۔ ابھی جشنِ آزادی اور بقرعید کی ذمہ داریاں ختم ہی ہوئی تھیں کہ عاشورۂ محرم کی اہمیت نے ریحان ہاشمی کو بلدیہ وسطی کی حدود میں صفائی اور روشنی کے انتظامات کو بہتر کرنے کی جانب متوجہ کیا کیونکہ محرم الحرام کے دوران عزادارانِ حسین ؑ ذکرِ شہادت کی محفلوں، مجلسوں اورماتمی جلوسوں کا انعقاد کرتے ہیں۔ جو دن اور رات مسلسل جاری رہتے ہیں اس لئے بلدیاتی اداروں کو مسلسل صفائی کرنا پڑتی ہے جبکہ رات کے وقت مساجد، امام بارگاہوں ،ذکرِ شہادت کی محافل کے انعقادکے مقامات اور جلوس کے راستوں پر روشنی کا انتظام رکھنا بھی ضروری ہے جس کے لئے بلدیاتی عملے نے اسٹریٹ لائٹس کی صفائی کی اور خراب لائٹس کی جگہ نئے بلب لگائے ۔ جبکہ ٹوٹ پھوٹ کا شکار ہونے والی سڑکوں پر استرکاری بھی کی گئی۔ 

16th Sep 2018 DMC Central Karachi Press Release

15th Sep 2018 DMC Central Karachi Press Release

15th Sep 2018 DMC Central Karachi Press Release

کراچی ( ) بلدیہ وسطی میں افسران و عملے کی حاضری کی جانچ پڑتال شروع ہوگئی، ریحان ہاشمی نے غیر حاضر رہنے کے عادی ملازمین کے خلاف کارروائی کرنے کا انتباہ کردیا۔ تفصیلات کے مطابق بلدیاتی اداروں میں سست اور کاہل الوجود ملازمین کی غیر حاضری کی اطلاعات موصول ہونے پر چیئرمین بلدیہ وسطی ریحان ہاشمی نے فوری طور پر ایسے ملازمین کے خلاف محکمہ جاتی کارروائی کرنے کی ٹھان لی ہے کہ جو بلدیہ کی ملازمت کی ذمہ داریاں اداکرنے کے بجائے ذاتی آرام اور دوسری ملازمت کو ترجیح دیتے ہیں اور اپنی ڈیوٹی سے اکثر غیر حاضر رہتے ہیں یا پھر بہت کم وقت کے لئے دفتر آتے اور جلدی چلے جاتے ہیں ۔ اس سلسلے میں ریحان ہاشمی کی ہدایت پر میونسپل کمشنر وسیم سومرو نے فوری طور پر لیاقت آباد مرکزی آفس کے تمام شعبہ ہائے کار سے حاضری رجسٹر منگواکر غیر حاضر ملازمین کی فہرست تیار کرائی اور اُن کے خلاف محکمہ جاتی کارروائی کا حکم جاری کیا۔ تاہم چیئرمین بلدیہ وسطی ریحان ہاشمی گاہے گاہے اپنے دفتر کے عملے کی حاضری کو جانچنے کے لئے خصوصی چیکنگ کرتے رہتے ہیں۔ 

15th Sep 2018 DMC Central Karachi Press Release

14th Sep 2018 DMC Central Karachi Press Release

14th Sep 2018 DMC Central Karachi Press Release

DMC CENTRAL RENDERING MAXIMUM POSSIBLE SERVICES: REHAN HASHMI

EVERY RELIGIOUS AND NATIONAL EVENT IS IMPORTANT IN THE EYES OF DMC CENTRAL

Dated:14^th sep 2018

Karachi: D.M.C. Central is rendering maximum possible services to the residents of District Central Karachi, said Rehan Hashmi, the chairman of D.M.C. Central here on Friday. He was on a visit to different Zones to monitor the work of sanitation department to keep District Central clean. As Aashoora-e-Muharam-ul-Haram is in progress and Majaalis are held and processions in the memory of the incident of Karbala are being carried out, responsibilities of municipal department has increased. Officers and workers of sanitation department are devotedly discharging their duties so as to keep surroundings of Mosques, Imambargahs and place of holding Zikr-e-Shahadat clear and clean. It is to be noted that every event of religious or national importance increases the responsibilities as well as the work of municipal institutions. D.M.C. Central, being the biggest district committee of Pakistan, faces more problems. However, all the important departments including, B & R, M&E, Sanitation, Health as well as the Public Relation Department are performing their duties’ up to the maximum. As Majalis and Procession are held in day time as well as at night, responsibilities of DMC Central have increased. They are doing their job with zeal and enthusiasm so as to give their best.                                          

کراچی ( ) بلدیہ وسطی اپنی استطاعت کے مطابق بہترین بلدیاتی خدمات مہیا کررہی ہے ، روزمرّہ خدمات کے علاوہ سال کے تمام قومی اور دینی اہمیت کے حامل ایّام پر بلدیہ وسطی معمول سے زیادہ خدمات انجام دیتی ہے ۔ ان خیالات کا اظہار چیئرمین بلدیہ وسطی ریحان ہاشمی نے ضلع وسطی کے مختلف زونز کے دورے کے موقع پر کیا۔وہ ضلع وسطی کو صاف ستھرا رکھنے کے لئے بلدیہ وسطی کے شعبۂ صحت و صفائی کی کاردگی کا جائزہ لینے کے لئے ضلع وسطی کے تمام زونز کا دورہ کررہے تھے۔ آج کل عاشورۂ محرم سے سلسلے میں شہر بھر میں مجالسِ عز�أ منعقد کی جارہی ہیں جبکہ مختلف امام بارگاہوں سے جلوسِ عزا بھی برآمد کئے جارہے ہیں جس کی بنأ پر بلدیہ وسطی کی ذمہ داریاں بڑھ گئی ہیں۔ بلدیہ وسطی کے افسران و کارکنان مساجد ، امام بارگاہوں اور ذکرِ شہادت منعقد کرنے کے مقامات کے ارد گرد و اطراف و جوانب کی صفائی کرنے اور اس صفائی کو برقرار رکھنے کے لئے دن رات دل و جان سے محنت کررہے ہیں۔یہ بات بھی ذہن میں رکھنی چاہئے کہ ضلع وسطی پاکستان کا سب سے بڑا ضلع آبادی کے لحاظ سے ہے۔ زیادہ آبادی ضلع میں زیادہ گندگی اور کوڑے کرکٹ کی جانب اشارہ کررہی ہے۔ یہی وجہ ہے کہ ریحان ہاشمی کو روزآنہ کی بنیاد پر ٹنوں کے حساب سے کوڑا کرکٹ ڈمپنگ پوائنٹ پر ڈمپ کرانا تھا۔تاکہ ضلع وسطی کے عوام بلاوجہ کی گندگی اور غلاظت سے محفوظ رہ سکیں۔فی الوقت ماہِ محرم کا پہلا عشرہ اپنی منزل کی جانب رواں دواں ہے۔ شہر بھرمیں مجالس کے اجتماعات، اور ذکرِ شہادت کے جلسے منعقد کئے جارہے ہیں۔جبکہ گھر گھر مجالس منعقد کی جارہی ہیں۔ ایسے میں بلدیہ وسطی کے ہر لمحے چوکنا اور ہوشیار رہتے ہوئے صفائی کے نظام کے ساتھ رات کے وقت روشنی کے انتظامات کو بھی بہتر کرنا ہے۔ تاکہ مجلس اور جلوس میں شرکت کرنے والے عزاداروں کو راستے اور روشنی کے معاملے میں کسی قسم کی دشواری کا سامنا نہ ہو۔ 

14th Sep 2018 DMC Central Karachi Press Release

13th Sep 2018 DMC Central Karachi Press Release

13th Sep 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ عاشورۂ محرم کے دوران ضلع وسطی کو صاف ستھرا رکھنے اور عزادارنِ حسین کے لئے بلدیاتی سہولیات مہیاکرنے کے لئے کی جانے والی خدمات شہدائے کربلا کو خراجِ عقیدت ہے۔انہوں نے بلدیہ وسطی کے نیوکراچی زون کا خصوصی دورہ کیا اور سینی ٹیشن کے عملے کو ہدایت کی کہ مجالس کے اجتماع کے مقامات، مساجد اور امام بارگاہوں کے علاوہ جلوسوں کی گزرگاہوں پر خصوصی صفائی اور رات کے وقت روشنی کا بندو بست کیا جائے۔انہوں نے نیوکراچی کی مختلف مساجد اور امام بارگاہوں کا دورہ کیا۔ انتظامیہ کے عہدیداران سے ملاقات کی اور مجالس اور جلوس کے اوقاتِ انعقاد کی معلوما ت حاصل کی۔انہوں نے کہاکہ بلدیاتی اداروں کا تعلق انسانی زندگی سے جُڑا ہُو اہے۔ شہریوں کو سہولیات مہیاکرنا بلدیاتی اداروں کی ذمہ داری ہے، بلدیہ وسطی اسے عوام کی خدمت سمجھ کر کررہی ہے۔ جبکہ عاشورۂ محرم کے دوران عزادارانِ امام حسین اور مجالس و جلوسوں میں شریک عزاداران کی خدمت کرنا در اصل شہدائے کربلا کو خراجِ عقیدت پیش کرنا ہے۔ رحمتِ عالم محبوبِ کبریا ( ﷺ )کی آل پر توڑے جانے والے ظلم و ستم کی داستان بیان کرنے والوں کو بلدیاتی سہولیات مہیاکرنا ضروری ہے۔انہوں نے بلدیہ وسطی کے متعلقہ ڈپارٹمنٹس کو ہدایت کی ہے کہ عاشورۂ محرم کے دوران کسی بھی مقام سے بلدیاتی خدمات کے سلسلے میں کسی قسم کی شکایت موصول نہ ہونے پائے۔واضح رہے کہ محرم الحرام اور دیگر دینی ایاّم کے درمیان نمایاں فرق ہے ۔ محرم الحرام کے علاوہ تمام تہوار خوشی کا پیغام لاتے ہیں جبکہ عاشورۂ محرم خاندانِ رسالت ﷺ پر ظلم توڑنے کی کہانی دہراتاہے۔یہ وہ عظیم قربانی ہے کہ جس کے دَم سے آج اسلام قائم و دائم ہے ۔ بلدیہ وسطی بھی دینی جوش و جذبے کے ساتھ اپنی ذمہ داری پوری کررہی ہے۔ 

13th Sep 2018 DMC Central Karachi Press Release

12th Sep 2018 DMC Central Karachi Press Release

12th Sep 2018 DMC Central Karachi Press Release

کراچی ( ) عاشورۂ محرم عالمِ اسلام میں نہایت عقیدت و احترام سے منایا جارہاہے، پاکستان کے ہر شہر میں بھی عزادارانِ حسین اپنے اپنے انداز سے واقعۂ کربلا اور مظلومیت امام حسین کو یاد کررہے ہیں۔ بلدیہ وسطی آبادی کے لحاظ سے پاکستان کا سب سے بڑا ضلع ہے اور یہاں بھی عاشورۂ محرم امام حسین ؑ اور ان کے اصحاب کی محبت میں عقیدت و احترام سے منایاجارہاہے۔ بلدیہ وسطی سارا سال عوام کی خدمت کے لئے ہمہ وقت خدمات انجام دیتا ہے۔ تاہم ہر دینی اور ملّی اہمیت کے دنوں کے موقع ہے پر بلدیہ وسطی کی ذمہ داریوں میں اضافہ ہوجاتا ہے ۔ چیئرمین ریحان ہاشمی ، اپنے افسران و عملے کے ساتھ عوام کو بلدیاتی سہولیات مہاکرنے میں دن رات ایک کردیتے ہیں۔ عاشورۂ محرم کے دوران بھی ریحان ہاشمی نے عزادارنِ حسین کو مجلسوں ، جلوسوں اور شہادتِ امام حسین کے ذکر کے لئے منعقد کی جانے والی محافل کو بہ خوبی اور خوش اسلوبی سے پایۂ تکمیل تک پہنچانے کے لئے بلدیہ وسطی کے تمام متعلقہ ڈپارٹمنٹس کو ہائی الرٹ کردیاہے۔ سینی ٹیشن ڈپارٹمنٹ ہرمسجد و امام بارگاہ کے اطراف اور جلوسوں کی گزرگاہوں پر خصوسی صفائی میں مصروف ہے جبکہ ایم اینڈ ای ڈپارٹمنٹ رات کے وقت کی مجالس و جلوسوں کے لئے اضافی روشنی مہیاکرنے کے سلسلے میں اقدامات کررہاہے۔ خود چیئرمین ریحان ہاشمی گاہے گاہے ہر زون اور یوسی کا دورہ کررہے ہیں تاکہ عزادارانِ حسین کو مجالس کے مقامات تک پہنچنے میں کسی قسم کی دشواری کا سامنا نہ کرنا پڑے ۔ اس سلسلے میں ضلع وسطی کی اہم مساجد ، امام بارگاہوں کے منتظمین اور جلوسوں کا انتظام کرنے والی تنظیمون کے عہدیداران سے خصوصی ملاقات کی گئی اُن کے مسائل سُنے گئے اور بلدیہ وسطی کی جانب سے ہر ممکن تعاون اور خدمت کی یقین دہانی کرائی گئی۔ بلدیہ وسطی ، منتظمین اور عوام کے تعاون سے عاشورۂ محرم کی مجالس و جلوس خوش اسلوبی کے ساتھ منعقد ہونگے۔

12th Sep 2018 DMC Central Karachi Press Release