20th Sep 2018 DMC Central Karachi Press Release

20th Sep 2018 DMC Central Karachi Press Release

کراچی ( ) محرم الحرام کی شب بلدیہ وسطی کے مختلف مقامات سے بر آمد ہونیوالے امام حسینؑ کی یاد میں جلوسِ عزا میں چیئرمین بلدیہ وسطی ریحان ہاشمی کی شرکت۔ جلوس میں ہزاروں عزاداروں کے ساتھ نوحہ خواں حضرات نوحہ خوانی کررہے تھے۔ جلوس کی قیادت علمأ کرام اور چیئرمین بلدیہ وسطی ریحان ہاشمی کررہے تھے۔ ریحان ہاشمی نے جلوس کے ساتھ شرکت کرکے عزادارانِ حسین کو باورکرایا کہ بلدیاتی ادارے مسلمانوں کے تمام مکاتبِ فکر کی خدمت بلا تفریقِ رنگ و نسل و فقہ و فرقہ کرتے ہیں کربلا کا دردناک واقعہ خاندانِ اہلِ بیت کی اسلام کی بقأ کے لئے دی جانے والی اہم قربانی کی یاد دلاتاہے ۔ ریحان ہاشمی کی ہدایت پر جلوس کے راستوں پر صفائی اور روشنی کے انتظامات کے ساتھ سبیلیں اور طبّی کیمپ بھی لگائے گئے تھے۔جلوس میں ہزاروں کی تعداد میں عزادارنِ امام حسین ؑ تمام راستے نوحہ خوانی اورماتم کرتے رہے۔ نیوکراچی میں آٹھ، نو اور دس محرم الحرام کے دوران کئی جلوس نکالے گئے جن کے پُر امن اور خوش اسلوبی سے انعقادکے لئے بلدیہ وسطی کے افسران و کارکنان دن رات محنت کررہے تھے۔ حق پرست چیئرمین بلدیہ وسطی محمد ریحان ہاشمی کی ہدایت پر 8،9 اور 10 محرم الحرام کے حوالے سے نکالے جانے والے جلوسوں کی گزرگاہوں پر صفائی ستھرائی، سڑکوں کی استرکاری اور روشنی کے نوے فیصد انتظامات ایک ہفتہ قبل ہی مکمل کر لیئے گئے جبکہ کئی مقامات پر کراچی واٹربورڈ کے ذمے نکاسی آب کے کاموں کو بھی اپنی مدد آپ کے تحت مکمل کروایا واضع رہے کہ چیئرمین بلدیہ وسطی محمد ریحان ہاشمی نے ضلع وسطی کے امام بارگاہوں اور جلوس کے منتظمین سے دو ہفتہ قبل مشاورتی میٹنگ کی تھی اور اُ ن کی مشاورت سے عزاداران حسین ؑ کو ممکنہ سہولتیں فراہم کرنے کی حکمت عملی مرتب کی اور یقین دلایا تھا کہ بلدیہ وسطی محرم الحرام میں وسائل کی عدم فراہمی کے باوجود تمام ترکاموں کو ترجیحی بنیادوں پر مکمل کرائے گی اور آج عاشورہ کے دن بلدیہ وسطی نے اپنے تمام وعدے پورے کرتے ہوئے ضلع وسطی میں عزاداران حسین ؑ کوصفائی ستھرائی کے ساتھ سڑکوں کی استر کاری ،روشنی کے انتظامات ،جلوس کی گزر گاہوں پر شربت کی سبیلیں ،میڈیکل کیمپ و دیگر بلدیاتی سہولیات فراہم کردی ہیں۔ 

20th Sep 2018 DMC Central Karachi Press Release

19th Sep 2018 DMC Central Karachi Press Release

19th Sep 2018 DMC Central Karachi Press Release

کراچی ( ) محرم الحرام کی شب بلدیہ وسطی میں امام حسن ؑ کے صاحبزاد ے حضرت قاسم کی یاد میں جلوسِ عزا نکالاگیا۔ جلوس میں ہزاروں عزاداروں کے ساتھ نوحہ خواں حضرات نوحہ خوانی کررہے تھے۔ جلوس کی قیادت علمأ کرام اور چیئرمین بلدیہ وسطی ریحان ہاشمی کررہے تھے۔ ریحان ہاشمی نے جلوس کے ساتھ شرکت کرکے عزادارانِ حسین کو باورکرایا کہ بلدیاتی ادارے مسلمانوں کے تمام مکاتبِ فکر کی خدمت بلا تفریقِ رنگ و نسل و فقہ و فرقہ کرتے ہیں کربلا کا دردناک واقعہ خاندانِ اہلِ بیت کی اسلام کی بقأ کے لئے دی جانے والی اہم قربانی کی یاد دلاتاہے ۔ ریحان ہاشمی کی ہدایت پر جلوس کے راستوں پر صفائی اور روشنی کے انتظامات کے ساتھ سبیلیں اور طبّی کیمپ بھی لگائے گئے تھے۔جلوس میں ہزاروں کی تعداد میں عزادارنِ امام حسین ؑ تمام راستے نوحہ خوانی اورماتم کرتے رہے۔ نیوکراچی میں آٹھ، نو اور دس محرم الحرام کے دوران کئی جلوس نکالے جائیں گے جن کے پُر امن اور خوش السلوبی سے انعقادکے لئے بلدیہ وسطی کے افسران و کارکنان دن رات محنت کررہے ہیں۔ 

19th Sep 2018 DMC Central Karachi Press Release

18th Sep 2018 DMC Central Karachi Press Release

18th Sep 2018 DMC Central Karachi Press Release

کراچی ( ) بلدیہ وسطی میں عاشورۂ محرم کے سلسلے میں بلدیاتی انتظامات کو حتمی شکل دے دی گئی ہے ۔ چیئرمین ریحان ہاشمی کی ہدایت پر ضلع وسطی کے چاروں زونز کے بلدیاتی افسران محرم الحرام کے دوران نکالے جانے والے جلوسوں کے متظمین سے مسلسل رابطے میں ہیں۔نو اور دس محرم کو نکالے جانے والے جلوسوں کے راستوں پر خصوصی صفائی کی جارہی ہے جبکہ جلوسوں کے راستوں پر بلدیہ وسطی کی جانب سے جلوس کے شرکأ کے لئے پانی اور شربت کی سبیلیں بھی لگائی جائیں گی۔ماتمی جلوسوں کے راستے میں بلدیہ وسطی کی جانب سے دس مقامات پر میڈیکل کیمپ لگائے جائیں گے جہاں کولیفائیڈ ڈاکٹر پیرامیڈیکل اسٹاف اور دوائیاں اور ابتدائی طبی امداد کا سامان موجود ہوگا۔ جبکہ رات کے وقت جلوسوں کی گزرگاہوں ، مجالس اور ذکرِ شہادت کے مقامات پر اضافی روشنی کا انتظام کیا گیاہے ۔ واضح رہے کہ محرم الحرام کے دوران مجالس اور جلوسوں کے انعقاد کے لئے اضافی بلدیاتی سہولیات کی ضرورت ہوتی ہے تاہم چیئرمین بلدیہ وسطی ریحان ہاشمی نے اپنے محدود وسائل کو خصوصی منصوبہ بندی کے تحت استعمال کرتے ہوئے بہتر نتائج برآمد کئے ہیں ۔ عاشورۂ محرم کے دوران بھی بلدیاتی عملے کو ہدایت کی گئی ہے کہ عزادارانِ حسین کی مجالس اور جلوس کے انعقاد کے لئے بہتر سے بہتر بلدیاتی سہولیات مہیا کی جائیں۔ اس دوران تمام مکاتبِ فکر سے تعلق رکھنے والے علما سے ملاقات بھی کی گئی اور انکے مسائل حل کرنے کے لئے بہتر سے بہتر اقدامات کئے گئے۔ تاکہ عاشورۂ محرم مکمل اسلامی بھائی چارے اور امام حسین سے عقیدت و احترام کے ساتھ منایا جائے۔ 

18th Sep 2018 DMC Central Karachi Press Release

17th Sep 2018 DMC Central Karachi Press Release

17th Sep 2018 DMC Central Karachi Press Release

کراچی ( ) بلدیہ وسطی کے زیرِ انتظام چلنے والے اسکولوں کو واٹر کولرز اور برقی پنکھے فراہم کر دئیے گئے۔ پنکھے اور واٹر کولرز بلدیہ وسطی کی منتخب خواتین اراکین کونسل نے اسکولوں کی انتظامیہ کے حوالے کیئے ۔چیئرمین بلدیہ وسطی ریحان ہاشمی نے بلدیہ وسطی کے زیرانتظام چلنے والے اسکولوں کے طلبا و طالبات اور اساتذہ کو بہتر سے بہتر سہولیات فراہم کرنے کا عزم ظاہر کرتے ہوئے کہا ہے کہ اسکول ہمارے مستقبل کی قیادت اور معمارانِ وطن کی تعمیر کرتے ہیں ضروری ہے کہ اسکولوں میں تما م تر ضروری سہولیات میسر ہوں۔ بلدیہ وسطی کے کچھ اسکولوں کی جانب سے ٹھنڈے پانی کی فراہمی اور کلاسوں میں برقی پنکھوں کی تنصیب کا دیرینہ مطالبہ پوراکردیا گیا ہے تاہم اس کے علاوہ بھی جو ضروری اشیاء ہیں اسکولوں کو مہیاکرنے کی ہرممکن کوشش کی جائے گی۔ اس موقع پر خواتین اراکین کونسل حنا جمیل، انیسہ شفیع،رضیہ عابد ،رعنا مظہر ،حبیبہ سلطانہ ،رخسانہ نسرین،شکیلہ فاطمہ ،حمیرا جاوید،ثمینہ حمید،لبنیٰ حلیم ،طاہرہ اختر اور فرحت جہاں بلدیہ وسطی کی جانب مختلف اسکولوں کی انتظامیہ کو واٹر کولرز اور برقی پنکھے فراہم کیئے ۔ واضح رہے کہ مذکورہ اسکولوں میں ٹھنڈے پانی اور برقی پنکھوں کی عدم موجودگی طلبا و طالبات کے لئے پریشانی کا سبب تھی۔ جس کی بنا پر اساتذہ کو پڑھانے میں اور طلبا کو پڑھنے میں دُشواری کا سامنا تھا۔ تاہم اب ٹھنڈے پانی اور پنکھوں کا مسئلہ حل ہوگیا ہے ۔ جبکہ ریحان ہاشمی اسکولوں کی عمارتوں کی مرمت اور اسکولوں میں موجود کھیل کے میدانوں کی بہتری کی جانب بھی توجہ دے رہے ہیں جو نہ صرف اسکولوں کے ماحول میں بہتری لانے بلکہ ہم نصابی سرگرمیوں کے انعقاد میں بھی معاون ثابت ہونگے۔جن اسکولوں میں پانی کے ٹینک نہیں ہیں وہاں ٹینک تعمیر کئے جائیں گے جبکہ تمام اسکولوں کے واش رومز کی درستگی اور مرمت کی جائے گئی ۔ یادرہے کہ اس سے قبل بھی بلدیہ وسطی کی جانب سے کئی اسکولوں کو فرنیچر بھی فراہم کیا جاچکاہے۔ امیدکی جاسکتی ہے کہ بلدیہ وسطی کی انتظامیہ کی جانب سے کئے گئے مثبت انتظامات اسکولوں میں تعلیم اور ہم نصابی سرگرمیوں کا معیار بہتر کرنے میں معاون ہونگے۔ بلدیہ وسطی کی جانب سے گاہے بہ گاہے اراکینِ کونسل کی ٹیم اسکولوں کا دورہ کرتی رہتی ہے تاکہ اسکولوں میں اساتذہ اور طلبا و طالبات کی حاضری کوبھی یقینی بنایا جاسکے اور معیارِ تعلیم کی بہتری کی جانب بھی توجہ رہے۔ 

17th Sep 2018 DMC Central Karachi Press Release

16th Sep 2018 DMC Central Karachi Press Release

16th Sep 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی ضلع وسطی میں اتوار کے روز بھی سرگرم رہے ۔ نارتھ ناظم آباد اور گلبرگ زون کا تفصیلی دورہ محرم الحرام کے حوالے کروائے جانے والے ترقیاتی و صفائی ستھرائی کے کام کا جائزہ ،سینی ٹیشن کا عملہ بھی چھُٹی کے دِن بھی عوام کی خدمت میں مصروف رہا۔ ریحان ہاشمی نے متحدہ قومی موومنٹ پاکستان کے رکن صوبائی اسمبلی عباس جعفری ،ممبر یونین کونسل بلدیہ وسطی منظور الہٰی اور بلدیاتی افسران کے ہمراہ ضلع وسطی کے مختلف زونز کا دورہ کیا ، صفائی ستھرائی اور سڑکوں کی استرکاری کے کام کا معائنہ کیا۔ انہوں نے سینی ٹیشن ڈپارٹمنٹ کو تندہی سے فرائض اداکرنے کو سراہا ۔جبکہ گزشتہ روز چیئرمین بلدیہ وسطی نے حق پرست رکن صوبائی اسمبلی وسیم قریشی کے ہمراہ نیو کراچی زون میں مسجد و امام بارگاہ آل محمد کے اطرا ف مشینی روڈ کارپیٹنگ کے کام کا معائنہ بھی کیا اور بلدیاتی افسران کو ہدایت کی کہ محرم الحرام میں عوام کو بلخصوص عزاداران حسین کو تمام تر بلدیاتی سہولیات کی فراہمی کو ممکن بنانے کے لئے تمام تر وسائل کو بروئے کار لایا جائے ۔ واضح رہے کہ بلدیہ وسطی میں تسلسل کے ساتھ غیر اعلانیہ صفائی کی مہم جاری ہے جس کا مقصد عوام کو بلا تعطل بلدیاتی خدمات مہیاکرناہے۔اس ہدف کو حاصل کرنے کے لئے ریحان ہاشمی متحدہ قومی موومنٹ کے ممبران قومی و صوبائی اسمبلی کے ہمراہ ضلع وسطی کے مختلف زونز کا دورہ کرتے ہیں جبکہ ایم کیو ایم کے ممبرانِ اسمبلی از خود بھی بلدیاتی اداروں کی خدمات کی سطح اور کارکردگی کی جانچ کے لئے ضلع وسطی کا دورہ کرتے ہیں۔ ابھی جشنِ آزادی اور بقرعید کی ذمہ داریاں ختم ہی ہوئی تھیں کہ عاشورۂ محرم کی اہمیت نے ریحان ہاشمی کو بلدیہ وسطی کی حدود میں صفائی اور روشنی کے انتظامات کو بہتر کرنے کی جانب متوجہ کیا کیونکہ محرم الحرام کے دوران عزادارانِ حسین ؑ ذکرِ شہادت کی محفلوں، مجلسوں اورماتمی جلوسوں کا انعقاد کرتے ہیں۔ جو دن اور رات مسلسل جاری رہتے ہیں اس لئے بلدیاتی اداروں کو مسلسل صفائی کرنا پڑتی ہے جبکہ رات کے وقت مساجد، امام بارگاہوں ،ذکرِ شہادت کی محافل کے انعقادکے مقامات اور جلوس کے راستوں پر روشنی کا انتظام رکھنا بھی ضروری ہے جس کے لئے بلدیاتی عملے نے اسٹریٹ لائٹس کی صفائی کی اور خراب لائٹس کی جگہ نئے بلب لگائے ۔ جبکہ ٹوٹ پھوٹ کا شکار ہونے والی سڑکوں پر استرکاری بھی کی گئی۔ 

16th Sep 2018 DMC Central Karachi Press Release