4th Nov 2018 DMC Central Karachi Press Release

4th Nov 2018 DMC Central Karachi Press Release

کراچی ( ) بلدیہ وسطی یونین کمیٹی نمبر ۳۴ کریم آباد میں ڈھائی ہزار رننگ فٹ پانی کے پائپ لائین بچادی گئی۔ پانی کی نئی لائن کی تنصیب علاقہ مکینوں کے لئے پانی کی اضافی فراہمی میں معاون ہوگی۔ تفصیلات کے مطابق بلدیہ وسطی کے علاقے کریم آباد یونین کمیٹی نمبر ۳۴ میں پانی کی قلت دورکرنے اور عوام کو پینے کے پانی کی فراہمی کے لئے پانی کی نئی پائپ لائن بچھانے کاکام مکمل ہوگیا۔ چئیرمین بلدیہ وسطی ریحان ہاشمی نے پائپ لائن بچھانے کے کام کا معائنہ کیا اور موقع پر موجود انجینئر ز اور ورکرز کو ہدیات کی کہ عوام کی خدمت کے کسی کام میں کوتاہی نہ برتی جائے۔اس موقع پر چیئرمین یوسی ۳۴؍سہیل وایانی بھی موجود تھے۔واضح رہے کہ یونین کمیٹی نمبر۳۴کریم آباد میں شاپنگ سینٹر سے لال مسجد تک نو تنصیب شدہ 6'' انچ قطر کی پی وی پائپ لائن کی طوالت ڈھائی ہزار رننگ فٹ ہے ۔یہ پائپ لائن شاہراہِ پاکستان سے گزرنے والی بڑی پائپ لائن سے جوڑی گئی ہے ۔ اس پائپ لائن کی تنصیب کے بعدکریم آباد یوسی 24 کے مکین پینے کے پانی کی سہولت سے استفادہ کر سکیں گیمزکورہ پائپ لائن کی تنصیب سے پانی کی قلّت کے حوالے سے دو سو (۲۰۰) سے زائد گھروں مکینوں کی شکایات دور ہوجائیگی 

4th Nov 2018 DMC Central Karachi Press Release

1st Nov 2018 DMC Central Karachi Press Release

1st Nov 2018 DMC Central Karachi Press Release

کراچی ( )چیئرمین ضلع وسطی ریحان ہاشمی نے کہا ہے کہ ضلع وسطی کی ایک ایک گلی کوچہ کو آئینے کی طرح صاف و شفاف بنانے کا عزم رکھتے ہیں انہوں نے کہا کہ وسائل کی کمی عوام کی خدمت میں حائل نہیں ہوگی وہ ضلع وسطی نارتھ ناظم آباد زون اور گلبرگ زون میں ہیوی مشینری کے زریعے کچرا اٹھانے اور صفائی کے کام کے معائنے کے موقع پر علاقہ مکینوں سے گفتگو کررہے تھے۔ اس موقع پرمتعلقہ یوسی چیئرمین ، ڈپٹی ڈائریکٹر سینی ٹیشن و دیگر متعلقہ افسران بھی موجو د تھے انہوں نے کہا کہ عوام کی امیدوں کا واحد محور حق پرست بلدیاتی نمائندے ہی جو عوام کے درمیان رہتے ہوئے عوامی مسائل کو بخوبی جانتے ہیں اور انھیں حل کرنے کے لئے شب و روز کوشاں رہتے ہیں انہوں نے کہا کہ کراچی ہمارا شہر ہی نہیں ہمارا گھر ہے اسے صاف اور شفاف بنانا ہماری ااوّلین ترجیح ہے۔انہوں نے کہا کہ حکومت سندھ کی بے توجہی اور فنڈز کی کمی کے باوجود حق پرست بلدیاتی قیادت نامساعد حالات میں بہترین منصوبہ بندی کے تحت بلدیاتی معاملات چلارہے ہیں اور ضلع وسطی کو صاف و شفاف ضلع بنانے میں شب و روز کوشان ہیں ۔ بعد ازاں انہوں نے طاہر ولا چورنگی کے اطراف گرین بیلٹ پر محکمہ پارک کی جانب سے بیوٹی فکیشن کے کام کا معائنہ کیا ۔ واضح رہے کہ کراچی میں برسوں سے صفائی اور بلدیاتی خدمات کے معاملات صرف حکومتِ سندھ کی جانب سے شہری حکومت کے فنڈز میں کمی کرنے کی وجہ سے مشکلات کا شکار ہیں ۔تاہم یہ بات ذہن میں رہنی چاہئے کہ عوامی نمائندے عوام کی خدمت کرنے کے لئے ہمہ وقت تیار ہیں اور چاہتے ہیں کہ کراچی کے عوام کو بہتر سے بہتر بلدیاتی سہولیات مہیاکریں، ریحان ہاشمی ضلع وسطی کو کراچی کا سب سے زیادہ شفاف ترین ضلع بناناچاہتے ہیں اور وہ شب و روز اِس تگ و دو میں مصروف ہیں کہ کس طرح اپنے ضلع کے ہر زون و یوسی کو اپنی اپنی سطح پر صفائی کا بہتر نمونہ بنادیں۔ 

1st Nov 2018 DMC Central Karachi Press Release

31st Oct 2018 DMC Central Karachi Press Release

31st Oct 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہاہے کہ ہرکارکن بلا امتیاز عہدہ اختیار بلدیہ وسطی کا اثاثہ ہے۔بلدیہ وسطی کو اپنے ورکرز کی خدمات اور اہمیت کا بہ خوبی اندازہ ہے ۔بلدیہ وسطی کے سینی ٹیشن ڈپارٹمنٹ کا عملہ جان کی پرواہ کئے بغیر عوام کی خدمت اور ضلع کی صفائی میں مصروف رہتاہے۔وہ عباسی شہید اسپتال میں ٹرک کی ٹکر سے زخمی ہونے والے بلدیہ وسطی کے سینی ٹیشن ڈپارٹمنٹ کے تین خاکروبوں حنیف مسیح، ہیری مسیح اور یعقوب مسیح کی عیادت کے موقع پر گفتگو کررہے تھے۔ انہوں نے کہا کہ کوئی بھی ادارہ ملازمین، افسران اور ماتحت عملے کے درمیان باہمی تعاون کے بغیر کامیابی سے نہیں چل سکتا۔ بلدیہ وسطی اپنے ہر افسر اور کارکن کو اثاثہ سمجھتی ہے ۔انہوں نے زخمی خاکروبوں کی عیادت کی اور ڈیوٹی پر موجود ڈاکٹرز سے اُن کی کیفیت کے بارے میں استفسار کیا اور توجہ کے ساتھ علاج کرنے کی ہدایت کی۔ مذکورہ خاکروب آج ۳۱؍اکتوبر کو اپنے فرائض کی انجام دہی کے دوران شاہراہِ پاکستان پر عائشہ منزل کے قریب ٹرک کی ٹکر سے زخمی ہوگئے تھے۔انہیں فوری طور پرعباسی شہید اسپتال منتقل کیا گیا ۔ جہاں دو خاکروبوں کو ضروری طبی امداد کے بعد رُخصت کردیا گیا جبکہ ایک خاکروب کو ایمرجنسی میں داخل کرلیا گیا۔چیئرمین ریحان ہاشمی نے سینی ٹیشن ڈپارٹمنٹ کے افسران کو ہدایت کی کہ ناگہانی حادثات سے بچنے کے لئے پیش بندی کی جائے تاکہ قیمتی جانوں کے جانے کا خطرہ نہ ہو۔

31st Oct 2018 DMC Central Karachi Press Release

30th Oct 2018 DMC Central Karachi Press Release

30th Oct 2018 DMC Central Karachi Press Release

کراچی ( )بلدیہ وسطی کے چیئرمین ریحان ہاشمی نے چہلمِ امام حسینؑ کے موقع پر ضلع وسطی میں قائم امام بارگاہوں کے اطراف اور جلوسوں کے راستوں پرصفائی کے انتظامات کا جائزہ لیا۔اس موقع پر مختلف یونین کمیٹی کے چیئرمین و وائس چیئرمین،ڈپٹی ڈائریکٹر سینی ٹیشن ،ڈائریکٹر باغات ،و دیگر بلدیاتی افسران بھی انکے ہمراہ تھے ریحان ہاشمی نے کہا کہ ضلع وسطی کا سینی ٹیشن ڈپارٹمنٹ تندہی سے صفائی ستھرائی اور کچرا ڈسپوز کرنے کے فرائض انجام دے رہا ہے، تاہم چہلمِ امام حسینؑ پر خصوصی صفائی کے بہترین انتظامات کی ضرورت ہے، تاکہ عزادارانِ حسین مجالس اور جلوس سکون سے منعقد کرسکیں۔ سید الشہداء حضرت امام حسینؑ کے چہلم کے موقع پر تمام امام بارگاہوں میں مجالس منعقد کی جاتی ہیں،جلوسِ شبیہِ علم و ذوالجناح نکالے جاتے ہیں، جبکہ گھروں میں بھی مجالس منعقد کی جاتی ہیں اس لئے ضروری ہے کہ عزاداروں کی گزرگاہوں اور جلوس کے راستوں سے ہر قسم کی گندگی ، پانی کے اجتماع اور کوڑے کرکٹ کو صاف کردیا جائے۔ انہوں نے امام بارگاہوں کے اطراف اور جلوس کی گزرگاہوں پر رات کے وقت روشنی کے مناسب انتظامات کرنے کی بھی ہدایت کی ریحان ہاشمی نے مزید کہا کہ امام حسین علیہ السّلام کے چہلم کے موقع پر مذہبی رواداری اوراتحاد بین المسلمین کے جذبہ کے تحت بھائی چارے کی فضاء کو فروغ ملے گا۔ واضح رہے کہ بلدیہ وسطی میں پہلے ہی سے صفائی ستھرائی کا عمل زور و شور سے جاری ہے جس میں سینی ٹیشن ڈپارٹمنٹ صفائی کے معاملات بطریقِ احسن انجام دے رہاہے ، تاہم ہر قومی، ملی اور مذہبی دِن پر خصوصی صفائی کے انتظامات ضروری ہوتے ہیں۔ اس سلسلے میں ضلع وسطی سینی ٹیشن ڈپارٹمنٹ ہر مذہب ومکتبِ فکر کے افراد کے لئے بلدیاتی سہولیات بلا تفریقِ مذہب و ملت، رنگ و نسل تندہی سے خدمات انجام دیتا ہے ۔ امام حسین علیہ السّلام کے چہلم کے موقع پر بھی ضلع وسطی کا عملہ صفائی ستھرائی کے انتظامات وقت سے قبل مکمل کرنے کے ساتھ ساتھ چہلم کے روز بھی اپنی خدمات انجام دیتارہا تاکہ عزادارانِ حسین کو کسی قسم کی پریشانی کا سامنا نہ کرناپڑے۔

30th Oct 2018 DMC Central Karachi Press Release

29th Oct 2018 DMC Central Karachi Press Release

29th Oct 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ الیکٹرک اور اسٹریٹ لائٹ پولز پر تاروں کے ساتھ بے ہنگم طریقے سے لٹکے ہوئے کیبلز کسی بھی وقت بڑے حادثات کا سبب بن سکتے ہیں جنھیں فوری طور پر ہٹایا جانا ضروری ہے، وہ ڈپٹی کمشنر سینٹرل فرحان غنی کے ہمراہ کریم آباد کے دورے کے موقع پر موجود افراد سے گفتگو کررہے تھے۔ انہوں نے کہا کہ کیبلز اور انٹرنیٹ سروس وقت کی اہم ضرورت ہے لیکن اس کے لئے سسٹم کو بہتر انداز میں پیش کرنا چاہئے نہ کہ بے قاعدگی سے جگہ جگہ بجلی کے کھمبوں سے انٹرنیٹ اور کیبلز کے تار عجب بے ہنگم انداز میں الجھے ہوئے پتنگ کی ڈور کا نظارہ پیش کررہے ہیں کہ جو اکثر کٹی پتنگ کے تاروں میں الجھ جانے کے بعد نظر آتاہے۔ کیبلز اور انٹرنیٹ سروس مہیا کرنے والے اداروں اور افراد کو چاہئے کہ اپنے کاروبار کو بہتر اور نفیس اندازمیں پیش کریں نہ کہ شہر کی خوبصورتی کو تباہ اور انسانی جانوں کے لئے خطرا ت کا سبب بنیں۔ انہوں انٹرنیٹ اور کیبلز آپریٹرز کو متنبہ کیا کہ جلد سے جلد الجھے ہوئے اور بے ہنگم انداز میں لٹکے تاروں کو بجلی کے کھمبوں سے ہٹایا جائے وگرنہ انکے خلاف بلدیاتی قوانین کے مطابق کارروائی کی جائے گی۔ انہوں نے کے الیکٹرک حکام کو بھی احساس دلایا کہ وہ اس حسّاس مسئلے کی جانب توجہ دیں ۔واضح رہے کہ سارے شہر میں ہر چوک اور ہر گلی میں کیبلز اور انٹرنیٹ آپریٹر ز کی جانب سے بچھائے جانے والے تاروں کے جال نے نہ صرف شہر کی خوبصورتی پر دھبے لگائے ہیں بلکہ کسی بھی وقت خطرناک حادثہ کا سبب بھی بن سکتے ہیں اس لئے ضروری ہے کہ ان ممکنہ حادثہ کا سبب بننے والے تاروں کے جالوں کو فوری طور پر ختم کرکے نفاست کے ساتھ کیبلز بچھائے جائیں تاکہ عوام ان دیکھے اور اچانک رونما ہونے والے حادثات سے بچ سکیں۔ 

29th Oct 2018 DMC Central Karachi Press Release