17th Jan 2017 DMC Central Karachi Press Release

17th Jan 2017 DMC Central Karachi Press Release

 

ضلع وسطی کے داخلی و خارجی راستوں پر پھولوں کی بہار

چیئرمین کی ہدایت ضلع وسطی کے داخلی و خارجی راستے خوشنما پھولوں سے سجا دئیے گئے 

مورخہ: 17 جنوری 2017ء ؁

کراچی ( ) چیئرمین بلدیہ وسطی ریحان ہاشمی کی نگرانی میں آج علی الصبح ضلع وسطی کے داخلی و خارجی راستوں پر خوبصورت پھولوں کے گملے سجادئیے گئے اس طرح بلدیہ وسطی کی حدود میں داخل ہونے والے افراد کو پھول خوش آمدید کہے گے اور باہر جانے والے افراد کو پھول ہی خدا حافظ کہے گے ۔تفصیلات کے مطابق چیئرمین بلدیہ وسطی ریحان ہاشمی نے 100 روزہ مہم کے دوران ضلع وسطی کو سجانے کا ایک نیا انداز اخیتار کیا جس میں ضلع وسطی کے داخلی اور خارجی راستوں کو پھولوں سے سجایا گیا ہے تاکہ ضلع وسطی میں آنے والے خوشگوار احساس کے ساتھ داخل ہو اور جانے والے خوشگوار احساس کے ساتھ رخصت ہو۔ واضح رہے کہ چیئر مین بلدیہ وسطی ریحان ہاشمی،وائس چیئرمین سید شاکر علی کے ہمراہ 100 روزہ صفائی مہم کو کامیاب بنانے میں مصروف عمل ہیں اور کوئی لمحہ ضائع کئے بغیر ضلع وسطی کو صاف وشفاف بنانے میں مصروف عمل ہیں اس سلسلے میں چیئرمین بلدیہ وسطی ریحان ہاشمی آج علی الصبح ضلع وسطی کے داخلی راستے تین ہٹی پہنچ گئے جہاں انہوں اپنی نگرانی میں تین ہٹی پل تا لیاقت آباد ڈاکخانہ مین شاہراہ پر موجود مٹی کے ڈھیروں کو صاف کرایا نیز گرین بلیٹ جوکہ گزشتہ کئی سالوں سے کچرا کنڈی کی شکل اخیتار کرگئی تھی اپنی نگرانی میں ہیوی مشینری اور بھرپور افرادی قوت کے زریعے صاف کرایا اور صفائی کے بعد فوری شجر کاری کرنے کے ساتھ ساتھ تزئین و آرائش کی بھی ہدایت دی جبکہ ہدایت کے منتظر ایڈیشنل ڈائریکٹر باغات محمد شریف نے صاف کی جانے والی گرین بیلٹ کو خوشنما پھولوں سے آراستہ کردیا اس موقع پر یوسی 43 کی چیئرپرسن شاہین طاہر، ڈپٹی ڈائریکٹر سینی ٹیشن تسلیم بیگ ،ایڈیشنل ڈائریکٹر باغات محمدشریف اور دیگر متعلقہ افسران بھی موجود تھے بلدیہ وسطی میں 100 روزہ مہم کے دوران جہاں منتخب یوسیز سے ہزاروں ٹن کچرا اٹھانے کے ساتھ ساتھ پورے ضلع میں صفائی ستھرائی کا عمل تواتر سے جاری ہے و ہیں ضلع وسطی میں قائم گرین بیلٹس پر شجر کاری کے ساتھ ساتھ تزین و آرائش کا کام بھی جاری ہے جبکہ بلدیہ وسطی میں 100 روزہ مہم کے دوران منتخب یوسیز سے ہزاروں ٹن کچرا اٹھانے کے علاوہ روزمرہ صفائی کا کام بھی تواتر سے جاری ہے ضلع وسطی کو جاذب نظر بنانے کے لئے گرین بیلٹس پر پودے لگانے کے ساتھ ساتھ چورنگیوں،داخلی و خارجی راستوں پر خوشنما پھول اور پودے بھی لگائے جارہے ہیں۔۔ 

17th Jan 2017 DMC Central Karachi Press Release

16th Jan 2017 DMC Central Karachi News & Picture

16th Jan 2017 DMC Central Karachi News & Picture

کراچی ( ) بلدیہ وسطی میں سردی خدمات کے جذبے کو سرد کرنے میں ناکام، سخت سردی میں چیئرمین ریحان ہاشمی اور وائس چیئرمین سید شاکر علی تمام یوسیز میں بعد از باران صفائی کے معاملات کی نگرانی کررہے ہیں۔ جبکہ مختلف یوسیز میں گرین بیلٹ پر پودے لگائے جارہے ہیں۔ تفصیلات کے مطابق موسمِ سرما کی بارش اور کوئٹہ بلوچستان سے آنے والی سرد ہوائیں نے بلدیہ وسطی کے چیئرمین ووائس چیئرمین کے جذب�ۂ خدمت کو سرد نہیں کرسکیں۔ سخت سردی کے باوجود چیئرمین و وائس چیئرمین ضلع وسطی کی مختلف یوسیز ، حسین آباد، کریم آباد، لیاقت آباد ، نارتھ ناظم آباداور نیوکراچی کے دورے پر رہے اور بارش کے بعد پیداہونے والے صفائی کے مسائل کو دورکرنے کے لئے اقدامات کرتے رہے۔ بلدیہ وسطی کے افسران اور سینی ٹیشن ڈپارٹمنٹ کا عملہ افرادی قوت اور مشینری کے استعمال سے مختلف علاقوں سے پانی کی نکاسی اور کچرا اُٹھانے میں مصروف رہا۔ بارش سے پیدا ہونے والے زیادہ تر مسائل بازاروں اور برساتی نالوں پر غیر قانونی تجاوزات کی بناء پر پیداہوئے جنہیں دورکرنے کے لئے مناسب اقدامات کئے گئے دوسری جانب مذکورہ یوزسیز کی گرین بیلٹس کو صاف ستھرا ور سرسبز بنانے کے لئے پودے لگائے گئے ہیںْ ۔ سیکنڑوں کی تعداد میں لگائے جانے والے زیادہ تر پودے بلدیہ وسطی کی نرسری میں تیارکئے گئے ہیں۔واضح رہے کہ ریحان ہاشمی بلدیہ وسطی کے صاف و شفاف بنانے اور 100روزہ صفائی مہم کو کامیاب بنانے ک ے لئے دن رات تندہی کے ساتھ محنت کررہے ہیں ۔ امید کی جارہی ہے کہ ان کی کوششیں بلدیہ وسطی کے افسران و کارکنان کے بھر پور تعاون اور محنت سے بہترین نتائج برآمد کریں گی۔

 

کراچی ( ) چیئرمین بلدیہ وسطی ریحان ہاشمی ، وائس چیئرمین سید شاکر علی کی صدارت میں لیاقت آباد سپر مارکیٹ ، صرافہ مارکیٹ، فردوس شاپنگ سینٹر کے ذمہ داران کے ساتھ درپیش مسائل پر گفتگو۔اس موقع پرمارکیٹ کے ذمہ داران نے چیئر مین بلدیہ وسطی اور وائس چیئر مین کو اپنے درپیش مسائل سے آ گا ہ کیا ،چیئر مین بلدیہ وسطی نے ما ر کیٹ کے عہدیداران کو محدود وسائل میں رہتے ہوئے مسائل کو حل کرنے کی یقین دہانی کروائی جس پر مارکیٹ کے عہدیداران نے انکی اس کاوش کو سراہا ۔ وائس چیئر مین بلدیہ وسطی سید شاکر علی نے لیاقت آباد سُپر مارکیٹ کے اطراف میں قائم تجاوزات اور جاری صفا ئی ستھرائی کے کام کا معا ئنہ کیا ۔مذکورہ علاقوں میں قائم تجاوزات کی بناء پر نہ صرف عوام اور ٹریفک کی آمد و رفت میں خلل پیداہورہا تھابلکہ گندے پانی کی نکاسی کے لئے بنائے گئے نالوں کی کارکردگی بھی متاثر ہورہی تھی ۔ تجاوزات قائم کرنے والوں کو تنبیہی نوٹس پہلے ہی جاری کردئے گئے ہیں ۔ تنبیہی مدت گزرجانے کے بعد انہدام کی کارروائی عمل میں لائی جائے گی۔انہوں نے متعلقہ بلدیاتی افسران کو ہدایت کی کہ آئندہ کسی بھی علاقے میں تجاوزات کی تعمیر کو ابتداء ہی میں منہدم کردیا جائے ۔ سرِ دست منتخب شدہ چھ یوسیز میں موجود تمام گرین بیلٹس کی صفائی، کوڑے کرکٹ کو ہٹانا اور سوکھے پیڑوں کی جگہ نئے پودوں کی شجرکاری بھی جاری ہے۔ چیئرمین بلدیہ وسطی ریحان ہاشمی 100روزہ صفائی مہم کو کامیاب بنانے کے لئے ہر ممکن کوشش کررہے ہیں ۔ اسی سلسلے میں گذشتہ دنوں چھ نئی ٹریکٹر ٹرالیز خریدی گئی تھیں جن کی وجہ سے کچراُٹھانے میں کافی سہولت پید اہوئی اورپہلے سے زیادہ کچرہ اُٹھایا جارہاہے۔ تاہم اب بھی بہت سے معاملات میں وسائل کی کمی آڑے آرہی ہے لیکن ریحان ہاشمی اور ان کی ٹیم کے حوصلے بلندہیں اور وہ تندہی کے ساتھ ضلع وسطی کو شفاف ترین ضلع بنانے کے لئے دن رات ایک کررہے ہیں۔ 

16th Jan 2017 DMC Central Karachi News & Picture

15th Jan 2017 DMC Central Karachi News & Picture

کراچی واٹربورڈ ذمہ داری پوری کرے تو سڑکوں کی تعمیرِ نو کی جائے : ریحان ہاشمی

بلدیہ وسطی میں بارش کے پانی کی نکاسی کا کام مکمل، سڑکوں کے گڑھے بھر دئے گئے

مورخہ: 15؍جنوری 2017ء ؁ 

کراچی ( )چیئرمین بلدیہ وسطی ریحان ہاشمی نے کہا ہے کہ عوام کو مکمل ریلیف فراہم کرنے کیلئے تمام دستیاب وسائل برؤے کار لارہے ہیں عوامی فلاح بہبود کے کام میں کسی بھی قسم کی سست روی و کاہلی ناقابل برداشت ہے اس موقع پر چیئرمین بلدیہ وسطی ریحان ہاشمی نے کراچی واٹر اینڈ سیوریج بورڈ سے مطالبہ کیا ہے کہ ضلع وسطی میں پانی و سیوریج کی مخدوش لائنوں کی فوری طور پر مرمت کی جائے تاکہ ٹوٹی اور مرمت کی متقاضی سڑکوں کی تعمیرِ نَو کا کام شروع کیا جاسکے۔ تفصیلات کے مطابق بلدیہ وسطی نے بارشوں کے دوران اپنی ذمہ داری بہ حسن و خوبی نبھائی ، چیئرمین بلدیہ وسطی ریحان ہاشمی کی بہتر حکمتِ عملی کے سبب ضلع وسطی میں بارش سے جمع ہونے والاتقریباً سارا پانی برساتی نالوں اور دیگر راستوں سے نکالا جاچکاہے۔ریحان ہاشمی اپنے دستِ راست وائس چیئرمین سید شاکر علی کے ہمراہ بارش کی پیش گوئی کے ساتھ ہی بارش کے بعد کے ممکنہ حالات سے نمٹنے کے لئے لائحہ عمل تیار کرچکے تھے جس کے سبب ضلع وسطی میں بارش کی وجہ سے کوئی ناخوشگوار واقعہ پیش نہ آیا اور نہ ہی کسی علاقے میں بارش کا پانی زیادہ دیر تک ٹھہر سکا۔ درایں اثناء چیئرمین بلدیہ وسطی ریحان ہاشمی نے وائس چیئرمین سید شاکر علی کے ہمراہ ضلع وسطی کے مختلف بارش سے متاثرہ علاقوں کا ہنگامی دورہ کیا ۔ بارش کے جمع شدہ پانی کے کام کی نگرانی کے ساتھ ساتھ کیچڑ اور کچرے کی صفائی کے انتظامات کا جائزہ لیا۔ بلدیہ وسطی کے افسران اور کارکنان نے ہیوی مشینری کے زریعے نارتھ ناظم آباد میں پیپلز چورنگی تک رشید ترابی روڈ ، پیپلز چورنگی سے بفر زون نمک بنک تک رئیس جعفری روڈ کی صفائی، شاہراہ زاہد ناگن چورنگی تا انڈہ موڑ تک گرین بیلٹس کی صفائی ستھرائی اور بارش سے پڑنے والے گڑھوں کی بھرائی اور کچرے کی منتقلی کے کام کو مکمل کیا۔ جبکہ لیاقت آباد دس نمبر پر سڑکوں پر پڑنے والے گڑہوں کو بھرنے کے لئے مٹی،بجری اور کرش کامکسچر استعمال کیا گیا ۔ میئرکراچی وسیم اختر کی ہدایت پر جاری 100روزہ صفائی مہم پہلے سے جاری ہے تاہم بارش میں اس مہم نے تیزی اختیار کرلی کیونکہ بلدیاتی عملہ نے دن رات رین ایمرجنسی کے تحت کام کیا بارش کے پانی کی نکاسی کے ساتھ ساتھ بارش کے پانی کے ساتھ بہنے اور مختلف جگہوں پر جمع ہونے والے کوڑے کرکٹ کو اٹھانے اور ڈمپنگ پوائینٹس پر منتقلی کاکام بھی جاری رہا۔ 

15th Jan 2017 DMC Central Karachi News & Picture

14th Jan 2017 DMC Central Karachi News & Picture Rain Emergency

دوران برسات چیئرمین ریحان ہاشمی ،وائس چئیرمین سید شاکر علی کا ہنگامی دورہ 

فوری اور بہتر منصوبہ بندی کے سبب ضلع وسطی کے 80فیصد علاقے سے پانی کی نکاسی کا عمل مکمل کرلیا گیا

بلدیہ وسطی کا عملہ افرادی قوت اور مشنری کو استعمال میں لاتے ہوئے دن رات رین ایمرجنسی کی کام میں مصروف 

مورخہ : 14؍ جنوری 2017ء ؁ 

کراچی ( ) چیئرمین بلدیہ وسطی ریحان ہاشمی نے کہا ہے کہ وسائل کی کمی اور اختیارات کے نہ ہونے کے باوجود بلدیاتی قیادت عوام کو بارشوں کے دوران مکمل ریلیف دینے کے لئے میدان عمل میں ہے جبکہضلع وسطی کے80 فیصد علاقے سے پانی کی نکاسی کا عمل مکمل کرلیا گیا ہے انہوں نے مزید کہا کہ کراچی واٹر اینڈ سیوریج بورڈ کی ناقص کاکردگی نے بارانِ رحمت کو شہریوں کے لئے سامانِ زحمت بنادیا ہے برساتی نالوں کی صفائی اگر بروقت کی جاتی تو برساتی نالے اوور فلو نہ ہوتے اور نہ ہی بارش کا پانی سڑکوں پر جمع ہوتا ۔وہ بارش کے دوران ضلع وسطی کے مختلف علاقوں کے دورے کے موقع پر موجود افراد سے گفتگوکررہے تھے۔ ریحان ہاشمی نے بارش کے دوران وائس چیئرمین سید شاکر علی اور متعلقہ یوسی چیئرمین کے ہمراہ ، خصوصاً ایسے علاقوں کا دورہ کیا کہ جہاں نکاسی میں خلل کی وجہ سے بارش کا پانی سڑکوں اور گلیوں میں بھرا ہُو اتھا۔ ان علاقوں میں نارتھ کراچی ،نیو کراچی ،نارتھ ناظم آباد ،بفرزون ،کریم آباد ،لیاقت آباد ،گلبہار ،ایف بی ایریا،ناگن چورنگی شامل ہیں جبکہ محکمہ باغات کا عملہ لیاقت آباد ،نارتھ ناظم آباد ،ناظم آباد میں سڑکوں کے کنارے لگے بڑے درختوں کی بھی چھٹائی کے کام مصروف عمل ہے ریحان ہاشمی نے اپنی نگرانی میں مین پاور اور دستیاب مشینوں کے ذریعے ان علاقوں سے پانی کی نکاسی کا عمل مکمل کرایا۔ اس موقع پر انہوں نے علاقہ مکینوں سے ان کے مسائل سنے اور متعلقہ ڈپارٹمنٹ کے افسر کو ضروری اقدامات کرنے کی ہدایات دیں۔ واضح رہے کہ بلدیہ وسطی کے چیئرمین، وائس چیئرمین ، یوسی چیئرمین اور وائس چیئرمین حضرات ، دیگر افسران و کارکنان بارش کی شروعات سے قبل ہی اپنے اپنے حصے کی ذمہ داری نبھانے کے لئے چوکس ہوچکے تھے۔ محکمہء موسمیات کی جانب سے بارش کی پیش گوئی کے سبب بلدیہ وسطی میں ایمر جنسی نافذکر کے عملے کی چھٹیاں منسوخ کردی گئی ، افسران اور کارکنان شانہ بشانہ دن رات بلدیاتی خدمات انجام دینے میں مصروف رہے۔ سینی ٹیشن ڈپارٹمنٹ اور موٹر وہیکل ڈپارٹمنٹ نے باہمی تعاون سے افرادی قوت اور دستیاب مشنری کا بہتر استعمال کرتے ہوئے ضلع وسطی کے تقریباً 70فیصد علاقے سے بارش کا جمع ہونے والا پانی کامیابی کے ساتھ برساتی نالوں اور دیگر ریگولر گٹرلائنوں کے ذریعے نکال دیاہے تاہم کراچی واٹر اینڈ سیوریج بورڈ کی جانب سے مخدوش سیوریج لائنوں کی بروقت مرمت نہ کرنے کی وجہ سے بارش کا پانی اُس تیزی کے ساتھ رہائشی اور دیگر علاقوں سے نہیں نکالا جاسکا جیسا کہ ہونا چاہئے تھا۔ چیئرمین ریحان ہاشمی نے ایک بار پھر کراچی واٹر اینڈ سیوریج بورڈ سے مطالبہ کیا ہے کہ وہ اپنی ذمہ داری اداکرتے ہوئے ضلع وسطی کی تمام مخدوش سیوریج لائنوں کی فوری مرمت کرے۔ دوسری جانب شہر بھر میں جاری میٹرو بس سروس کے لئے بنائی جانے والی سڑکوں اور پلوں کے تعمیراتی کام کی وجہ سے بھی مختلف علاقوں سے پانی کی نکاسی میں کافی دشواری کا سامنا ہورہاہے۔ 

14th Jan 2017 DMC Central Karachi News & Picture Rain Emergency

13th Jan 2017 DMC Central Karachi News & Picture

13th Jan 2017 DMC Central Karachi News & Picture

بارشوں کی پیشنگوئی کے پیش نظر بلدیہ وسطی میں ایمرجنسی نافذ

بارشں کے دوران پیش آنے والے حادثات کا ذمہ دار کراچی واٹر و سیوریج بورڈ ہوگا: ریحان ہاشمی

کراچی واٹر اینڈ سیوریج بورڈ کی ناقص کارکردگی کے باعث مسائل جنم لے رہے ہیں: سید شاکر علی 

بارش کے دوران ہنگامی صورتحال اور ممکنہ حادثات سے نمٹنے کے لئے تیار رہاجائے ، ریسکیو ٹیم کو ہدایت

مورخہ.۔13؍ جنوری2017ء ؁

کراچی ( ) چیئرمین بلدیہ وسطی ریحان ہاشمی نے کہاہے کہ بارش کے سبب ہونے والے تمام ممکنہ حادثات کی ذمہ داری کراچی واٹر اینڈ سیوریج بورڈ پر ہوگی کیونکہ کراچی واٹر اینڈ سیوریج بورڈ کی نا اہلی کی وجہ سے ضلع وسطی میں سیوریج نظام میں خرابی پیدا ہورہی ہے مخدوش سیورج لائنوں کی وجہ سے جگہ جگہ گندہ پانی لوگوں کی کے لئے مشکلات کا سبب بن رہا ہے اور شہر میں بارشوں کے دوران حادثات کا سبب بن سکتا ہے۔ انہوں نے کراچی میں محکمہ موسمیات کی جانب سے کی جانے والی پیشنگوئی کے پیش نظر بلدیہ وسطی کراچی کے لازمی سروسز سے متعلق تمام محکموں میں ایمرجنسی نافذ کرکے افسران اور کارکنوں کی چھٹیاں منسوخ کرکے ڈیوٹی پر حاضرہونے اورممکنہ ہنگامی صورتِ حال سے نمبٹنے کے لئے چوکس رہنے کی ہدایت کی ۔ وائس چیئرمین سید شاکر علی نے کہا کے نے کہا کہ کراچی واٹر اینڈ سیوریج بورڈ کی ناقص کارکردگی کے باعث مختلف مسائل جنم لے رہے ہیں لیکن باربار یاد دہانی کرانے کے باوجود کراچی واٹر اینڈ سیوریج بورڈ اپنی ذمہ داری نبھانے کو تیار نہیں۔بارشوں کے دوران پیش آنے والے ممکنہ حادثات کی تمام تر ذمہ داری کراچی واٹر اینڈ سیوریج پر عائد ہوگی ۔ بارش کا چھینٹا پڑتے ہی بلدیہ وسطی کی انتظامیہ حرکت میں آگئی چیئرمین بلدیہ وسطی نے ڈائریکٹر سینی ٹیشن،بلڈنگ و روڈاور باغات کے افسران کو ہدایت کی ہے کہ وہ ایک مشترکہ ٹیم تشکیل دیں جو بارشوں کے دوران بلدیہ وسطی میں قائم تمام برساتی نالوں انڈر پاسز کی تمام نالیوں کی صفائی کریں جبکہ سڑکوں کے گڑھوں اور ٹوٹ پھوٹ کی بھی مرمت کو ممکن بنایا جائے اور ان تمام جگہوں کی مکمل صفائی کی جائے جہاں ماضی میں برساتی پانی کھڑا ہونے کی شکایات تھیں انہوں نے افسران کو ہدایت کی کہ حفاظتی اقدامات رات دن کام کر کے مکمل کئے جائے جبکہ محکمہ مکینکل و الیکٹریکل کے افسران کو ہدایت کی گئی ہے کہ تمام ڈی واٹرنگ پمپس کی مرمت اورصفائی کے کاموں کو مکمل کر کے پمپوں کو ورکنگ کنڈیشن میں رکھا جائے جن جگہوں پر گزشتہ برسوں میں پانی جمع ہونے کی شکایت تھی ان جگہوں پر زیادہ توجہ دی جائے اور پانی کی نکاسی کی لائنوں اوربرساتی نالوں کو صاف کیا جائے اور جہاں نکاسی کا نظام نہیں وہاں ڈی واٹرنگ پمپ تیار رکھے جائیں۔

بلدیہ وسطی میں ٹریفک مسائل پر اجلاس

ٹریفک جام اور ہیوی ٹریفک کی بے وقت آمد و رفت ختم کی جائے : ریحان ہاشمی 

ناجائز تجاوزات ٹریفک کی روانی میں سب سے بڑی رکاوٹ ہیں: ایس ایس پی ٹریفک

مورخہ : 13؍جنوری 2017ء ؁ 

کراچی ( ) چیئرمین بلدیہ وسطی ریحان ہاشمی نے بلدیہ وسطی کی مصروف شاہراہوں اور سڑکوں پر مستقل ٹریفک جام اور ہیوی ٹریفک کی بے وقت آمد و رفت کا نوٹس لیتے ہوئے عوام کو اس پریشانی سے نجات دلانے اور ٹریفک کو بلا تعطل و خلل جاری رکھنے کا حل تلاش کرنے کے لئے ٹریفک ڈپارٹمنٹ کے اعلیٰ عہدیداروں کے ہمراہ اپنے آفس میں خصوصی اجلاس کا انعقاد کیا۔ وائس چیئرمین بلدیہ وسطی سید شاکر علی ، ایس ایس پی ٹریفک سید زاہد حسین ، ڈی ایس پی شاہد، ڈی ایس پی جعفر عباس، ڈی ایس پی ندیم اور یوسی چیئرمین اور وائس چیئرمین اجلاس کے شرکاء میں شامل تھے۔ اس موقع پر ریحان ہاشمی نے ٹریفک افسران سے بلدیہ وسطی کے ٹریفک مسائل پر گفتگو کرتے ہوئے کہاکہ مصروف شاہراہوں اور سڑکوں پر مسلسل ٹریفک کا جام رہنا ، کار اور موٹر سائیکل رکھنے والے عام شہریوں کے لئے پریشانی کا باعث ہونے کے ساتھ پید ل چلنے والوں کے لئے بھی مشکلات پیداکررہاہے۔ ہیوی ٹریفک کی بے وقت آمد و رفت بھی ٹریفک جام کا بڑاسبب ہے۔ انہوں نے مزید کہاکہ ٹریفک کا ناقص نظام شہریوں کے ذہن اور صحت پربُرا اثر ڈالنے کے ساتھ جان لیوا حادثات کا سبب بھی بنتاہے جس کے نتیجے میں عوام کی قیمتی جانیں ضائع ہوتی ہیں۔ انہوں نے ٹریفک افسران سے اس سنگین مسئلے کے حل کے لئے مناسب اقدامات کرنے کا مطالبہ کیا تاکہ عوام کو بلا وجہ کے ذہنی دباؤ سے نجات دلائی جاسکے۔ ایس ایس پی ٹریفک نے چیئرمین کو بتایاکہ ٹریفک جام کا اصل سبب ناجائز تجاوزات اور بے شمار پتھاروں کی موجودگی ہے۔ البتہ ہیوی ٹریفک کی بے وقت آمد ورفت بھی اس مسئلے کا ایک سبب ہے۔ اس کے علاوہ نوجوانوں کی جانب سے اندھادھند اور تیز رفتار ڈرائیونگ بھی ٹریفک جام کا سبب ہے۔ انہوں نے کہادراصل ٹریفک جام کا حقیقی سبب عام شہریوں اور پبلک ٹرانسپورٹ کی جانب سے ٹریفک قوانین کی خلاف ورزی ہے جس کے سبب اچھا بھلا چلنے والے ٹریفک میں خلل پڑتاہے جو ٹریفک جام کا سبب بنتاہے۔اس کی وجہ عوام میں ٹریفک قوانین سے آگہی کی کمی ہے جس کے لئے خصوصی مہم چلانے کی ضرورت ہے۔ وائس چیئرمین بلدیہ وسطی سید شاکر علی نے ٹریفک افسران کو یقین دلایا کہ ٹریفک کی بحالی کے لئے جہاں جہاں معاونت کی ضرورت پڑی بلدیہ وسطی کے افسران و کارکنان ٹریفک پولیس کا ساتھ دینے کو تیار ہیں۔ ٹریفک قوانین کی خلاف ورزی کے حوالے سے چیئرمین ریحان ہاشمی نے کہا کہ ٹریفک اہلکاروں میں حقیقی چالان کرنے کی جرأت پیداکرنے کی ضرورت ہے۔ یہ نہ ہو کہ غریب کو پکڑلیا اور طاقتور کو سلیوٹ پیش کردیا۔ ضرورت اس امر کی ہے کہ بڑے سے بڑی شخصیت بھی اگر ٹریفک قوانین کی خلاف ورزی کرے تو اس کا چالان کیا جائے۔

13th Jan 2017 DMC Central Karachi News & Picture