23rd Jan 2017 DMC Central Karachi Press Release

23rd Jan 2017 DMC Central Karachi Press Release

چیئر مین بلدیہ وسطی کا شاہراہ پاکستان کا دورہ

صفائی ستھرائی اور گرین بیلٹس کی تزین و آرائش کے کاموں کا معائنہ

مورخہ: 23 جنوری 2017ء ؁

کراچی ( ) چیئرمین بلدیہ وسطی ریحان ہاشمی نے کہا ہے کہ 100 روزہ مہم کے منتخب یونین کمیٹیوں کے ساتھ ساتھ ضلع وسطی کو صاف و شفاف ضلع بنانے کے لئے تمام تر دستیاب وسائل بروئے کار لائے جارہے ہیں وہ شاہراہ پاکستان پر قائم گرین بیلٹ کی تزین و آرائش کے کام کا معائنہ کے موقع پر موجود افراد سے گفتگوکررہے تھے اس موقع پر ایڈیشنل ڈائریکٹر باغات محمدشریف اور دیگر متعلقہ افسران بھی موجود تھے ۔چیرمین ریحان ہاشمی نے کہا کہ عوام کو صاف ستھراء اور صحت مند ماحول کی فراہمی ہمارا نصب العین ہے ۔ انہوں نے مزید کہا کہ صفائی مہم صرف کوڑا کرکٹ ہی اُٹھانے تک محدود نہیں بلکہ بلدیہ وسطی کے ہر علاقے کی صفائی، پارک اور پلے گراؤنڈز ،ڈسپینسریزکی درستگی اور تمام عوامی اجتماعات کے علاقوں کے ہر قسم کے کوڑے کرکٹ سے پاک رکھناہے۔ جبکہ کراچی واٹر اینڈ سیوریج بورڈ کی ناقص کارکردگی سے مختلف علاقوں میں سیوریج پائپ لائن کے رساؤ سے جمع ہونے والے گندے پانی کے فوری نکاسی بھی صفائی مہم کا حصہ ہے انہوں نے کہا کہ جس قدرممکن ہو عوام کو بھی اس مہم میں شامل کریں کیونکہ بلدیاتی اداروں کی کارکردگی کا زیادہ تر دارو مدار عوام کے باہمی تعاون پر ہی منحصر ہے۔ چیئر مین بلدیہ وسطی ریحان ہاشمی،وائس چیئرمین سید شاکر علی کے ہمراہ 100 روزہ صفائی مہم کو کامیاب بنانے میں مصروف عمل ہیں اور کوئی لمحہ ضائع کئے بغیر ضلع وسطی کو صاف وشفاف بنانے میں مصروف عمل رہتے ہیں ۔ جبکہ بلدیہ وسطی میں 100 روزہ مہم کے دوران منتخب یوسیز سے ہزاروں ٹن کچرا اٹھانے کے علاوہ روزمرہ صفائی کا کام بھی تواتر سے جاری ہے ضلع وسطی کو جاذب نظر بنانے کے لئے گرین بیلٹس پر پودے لگانے کے ساتھ ساتھ چورنگیوں،داخلی و خارجی راستوں پر خوشنما پھول اور پودے بھی لگائے جارہے ہیں۔۔

23rd Jan 2017 DMC Central Karachi Press Release

21st Jan 2017 DMC Central Karachi Press Release

21st Jan 2017 DMC Central Karachi Press Release

 

فرائض کی بلاتاخیر ادائیگی اور ملکی ترقی کیلئے صحافیوں کے ساتھ تعاون اولین ترجیح: ریحان ہاشمی 

منتخب شہری حکومت کے حقوق اور اختیارات پر شب خون مارنے کی اجاز ت نہیں دیں گے : امین الحق

بلدیاتی اداروں کے مسائل صاحبانِ اقتدار اور اختیار تک پہنچانے میں اپناکردار اداکرتے رہیں گے: شعیب احمد

وسائل اور اختیارات کی کمی کے باوجود بلدیہ وسطی جس جذبہ کے ساتھ خدمت کررہی ہے قابلِ تحسین ہے: نعمت خان

سچ بولنے اور سچ کا ساتھ دینے میں ضلع وسطی کے عوامی نمائندگان اور عوام کا نام دنیا بھر میں مشہور ہے: سید شاکر علی

بلدیہ وسطی کی جانب سے کے یوجے کی نومنتخب کابینہ اورسینیئرصحافیوں کے اعزاز میں استقبالیہ سے حاضرین کا خطاب

مورخہ: 21؍جنوری 2017ء ؁

کراچی ( ) چیئرمین بلدیہ وسطی ریحان ہاشمی نے کہا ہے کہ فرائض کی بر وقت و بلاتاخیر ادائیگی اور ملکی ترقی کے لئے صحافیوں کے ساتھ تعاون ہماری اوّلین ترجیح ہے ۔ جبکہ کارکردگی میں معیار اور عوام میں صفائی اور شہری ذمہ داریوں کا شعور اجاگر کرنا بلدیہ وسطی کے اہداف میں شامل ہے۔ وہ بلدیہ وسطی کی جانب سے کراچی یونین آف جرنلسٹس ،دستورکی نو منتخب کابینہ اور سینئر صحافیوں کے اعزاز میں دئے گئے استقبالیہ میں حاضرین سے خطاب کررہے تھے۔ تقریب میں ممبر صوبائی اسمبلی جمال احمد،وائس چیئرمین بلدیہ وسطی سید شاکر علی،س وائس چیئرمین ضلع شرقی عبدالروٗف خان ، میونسپل کمشنر وسیم سومرو ، سینئر خاتون صحافی شمیم بانو، سینئرصحافی رفیق شیخ ، ملک آفتاب ، فرید احمد ، زین احمد کے علاو صحافیوں کی بڑی تعداد نے شرکت کی جبکہ بلدیہ وسطی کی تمام یوسیز کے چئیرمین اور وائس چیئرمین نے شرکت کی۔ ریحان ہاشمی نے مزیدکہاکہ بلدیہ وسطی کی انتظامیہ ترقی اور سچ کی سربلندی کیلئے صحافیوں اور دیگر شعبہ ہائے زندگی سے تسلسل کے ساتھ تعاون کو ترجیح دیتی ہے۔ اس موقع پر متحدہ قومی موومنٹ پاکستان رکنِ رابطہ کمیٹی امین الحق نے بلدیہ وسطی کی جانب سے صحافیوں کے ساتھ تعاون کو احسن اقدام قراردیا۔ انہوں نے اس موقع پر حکومتِ سندھ کی جانب سے منتخب شہری حکومت کے میئر اور ڈپٹی میئر و چیئرمین و وائس چیئرمین کو عہدے سے ہٹانے کے اختیار حاصل کرنے کے ارادے پر برہمی کا اظہار کرتے ہوئے کہ اکہ منتخب عوامی نمائندوں کے حقوق اور اختیارات پر شب خون مارنے کی اجازت نہیں دی جائے گی اگر حکومتِ سندھ ایسا کوئی اقدام کرے گی تو ایم کیوایم پاکستان، ہائی کورٹ اور سپریم کورٹ سے انصاف طلب کرے گی۔ انہوں نے کہا کہ متحدہ قومی موومنٹ کراچی میں رہنے والے ہر طبقے، زبان اور مذہب سے تعلق رکھنے والے افراد کو اپنے دامن میں سمیٹنے والی پاکستان کی واحد جماعت ہے۔ جنرل سیکریٹری کراچی یونین آف جرنلسٹس شعیب احمد نے حاضرین سے خطاب کرتے ہوئے کہاکہ بلدیاتی اداروں اور صحافیوں کے درمیان مربوط تعاون کسی بھی شہر کی ترقی اور ترقی میں حائل رکاوٹوں کو دور کرنے کا ضامن ہوتا ہے۔ انہوں نے مزیدکہا کہ اگر بلدیہ وسطی اپنی کارکردگی کا بہتر مظاہرہ کرے گی تو صحافی برادری اُس کے ساتھ ہر مرحلے پر انکے ساتھ شانہ بشانہ کھڑی ہوگی۔ وائس پریزیڈنٹ کے یو جے نعمت اللہ خان نے کہا کہ صحافی برادری بہٹ اچھی طرح جانتی ہے کہ بلدیاتی ادارے کس نامساعد حالات ، اختیارات اور وسائل کی کمی میں اپنی ذمہ داریاں اداکررہے ہیں۔ انہوں نے بلدیہ وسطی کی کارکردگی پر خراجِ تحسین پیش کرتے ہوئے کہا کہ جس جذبۂ خدمت کے ساتھ ریحان ہاشمی اپنی ٹیم کے ساتھ عوام کی خدمت کررہے ہیں وہ قابلِ ستائش ہے۔ سینئر صحافی حنیف اکبر نے اپنے خطاب میں کہا کہ بلدیہ وسطی کے چیئرمین اور انکی ٹیم اسی وقت بہترین کارکردگی دکھاسکتی ہے کہ جب اُنہیں حقیقی اختیارات اور وسائل مہیا کئے جائیں، انہوں نے حکومتِ سندھ سے مطالبہ کیا کہ بلدیاتی اداروں کو انکے جائز اختیارات اور وسائل دئے جائیں۔ قبل ازیں وائس چیئرمین بلدیہ وسطی سید شاکر علی نے استقبالیہ تقریرمیں مہمانوں کی آمد کا شکریہ اداکرتے ہوئے کہاکہ صحافی برادری اور بلدیاتی اداروں کا باہمی تعاون شہروں اور شہریوں کی ترقی کے لئے نہایت ضروری ہے ۔ ضلع وسطی کے حوالے سے انہوں نے کہا کہ یہ پاکستان کا سب سے زیادہ تعلیم یافتہ افراد پر مشتمل ضلع ہے جس نے سچ اور حق کے لئے سب سے پہلے آواز بلند کرنے کی داغ بیل ڈالی اسی لئے سچ بولنے اور سچ کا ساتھ دینے میں اس ضلع کے عوام اور عوامی نمائندگان کا نام دنیا بھر میں مشہور ہے۔اس موقع پر بلدیہ وسطی کی انتظامیہ کی جانب سے کے یو جے منتخب کابینہ کی ارکان اور سینئرصحافیوں کو گلدستے پیش کئے گئے۔

21st Jan 2017 DMC Central Karachi Press Release

20th Jan 2017 DMC Central Karachi Press Release

20th Jan 2017 DMC Central Karachi Press Release

 

افسران کے باہمی تعاون سے صفائی مہم کی رفتارمیں تیزی لائی جائے: سید شاکر علی 

اسٹاف کی حاضری 100فیصد ممکن بنانے کے لئے غیر حاضر اسٹاف کے خلاف کاروائی کی جائے

بارش کی پیش گوئی کے پیش نظر رین ایمرجنسی نافذ ، موٹر وہیکل ڈپارٹمنٹ گاڑیاں رننگ کنڈیشن میں رکھے

100روزہ صفائی مہم کی 50روزہ کارکردگی کا جائزہ لینے کیلئے بلائے گئے اجلاس میں بلدیاتی افسران کو 

ہدایت 

مورخہ : `20؍جنوری 2017ء ؁ 

کراچی ( ) وائس چیئرمین بلدیہ وسطی سید شاکر علی کی صدارت میں بلدیاتی افسران کا ایک اہم اجلاس ہو ا جس میں بلدیہ وسطی میں جاری 100روزہ صفائی مہم کی 50روزہ کارکردگی کا جائزہ لیا گیا۔ اجلاس سے خطاب کرتے ہوئے سید شاکرعلی نے افسران اور کارکنان کی پچاس روزہ کارکردگی کو سراہتے ہوئے کہا کہ ہمارے افسران و کارکنان نے نامساعد حالات اور وسائل کی کمی کے باوجود جس تندہی سے کام کیا وہ قابلِ تحسین ہے اس موقع پر میونسپل کمشنر محمد وسیم سومرو ،سپریٹنڈنگ انجینئر اقبال خان،ڈائریکٹر پارکس ندیم حنیف اور دیگر اداروں کے سربراہان بھی موجود تھے ۔ اس موقع پرسید شاکر علی نے مختلف ڈپارٹمنٹ کے افسران کے درمیان باہمی تعاون اور تعلق کو کامیابی کی کنجی قراردیتے ہوئے کہا کہ ضلع وسطی کے تمام افسران کو چاہئے کہ ایک دوسرے سے تعاون کو مزید فروغ دیں ۔ تاہم انہوں نے کارکردگی کی رفتار پر عدم اطمینان کا اظہار کرتے ہوئے مزید بہتری لانے کی ہدایت کی۔ جبکہ افرادی قوت کی خاطر خواہ حاضری نہ ہونے پر برہمی کااظہار کرتے ہوئے بلدیہ وسطی کے تمام ڈپارٹمنٹس میں ملازمین کی حاضری کو 100فیصد بنانے کی ہدایت کرتے ہوئے کہاکہ غیر حاضر رہنے والے ملازمین کے خلاف محکمہ جاتی کارروائی کی جائے ۔ سید شاکر علی نے محکمہء موسمیات کی جانب سے آئندہ بدھ کو بارش ہونے کی پیش گوئی کے سبب ضلع وسطی میں رین ایمرجنسی نافذ کرکے پیشگی احتیاطی تدابیر اختیار کرنے کی ہدایت کردی تاکہ بارش کے سبب پیدا ہونے والی ناخوشگوار صورتِ حال اورممکنہ حادثات سے نمٹنے کے لئے تیار رہا جائے ۔ اس سلسلے میں موٹر وہیکل ڈپارٹمنٹ کو ہدایت کی کہ تمام مشینریز اور گاڑیوں کو قابلِ استعمال حالت میں رکھا جائے،جن گاڑیوں کو مرمت کی ضرورت ہے انہیں فوری ٹھیک کرایا جائے۔مختلف مقامات پر کچرہ جلانے کے واقعات کو انسانی صحت کے لئے مضر قراردیتے ہوئے کہا کہ اسکولوں، اسپتالوں اور ڈسپنسریوں، مساجد اور دیگر عوامی اجتماعات کے مقامات کے قریب کسی بھی صورت میں کچراجلانے کے عمل کو سختی سے روکا جائے ۔ اس موقع پر بلدیہ وسطی کے مختلف ڈپارٹمنٹس کے افسران نے وائس چیئرمین کو یقین دلایا کہ وہ افسران اور کارکنان کے درمیان مضبوط باہمی تعاون کے ذریعے 100روزہ صفائی مہم کو کامیابی سے ہمکنار کرنے کے لئے کوئی دقیقہ فروگزاشت نہیں کریں گے۔ 

20th Jan 2017 DMC Central Karachi Press Release

19th Jan 2017 DMC Central Karachi Press Release

19th Jan 2017 DMC Central Karachi Press Release

DMC CENTRAL 100 DAYS CLEANING IN PROGRESS

GARBAGE FFROM BLOCK ‘I’ NORTH NAZIMABAD REMOVED

LIMITED RESOURCES IGNORED TO MAKE CLEANING A SUCCESS

Dated: 19^th January, 2017

Karachi (   )  Hundred days cleaning movement as per instruction of the Mayor Karachi waseem akhtar is in progress in DMC Central. Chiarman DMC Central Rehan Hashmi has been busy day and night to keep the cleaning movement a succe. Meanwhile, the sanitation department, with the help of manpower and available machinery and vehicles, was busy in removing garbage from bloc ‘I’ North Nazimabad, here on Thursday. Garbage from the surroundings of Asghar Ali shah stadium and other areas of bloc ‘ I ’has been removed. Besides this lifting heaps of garbage and of filth from all selected UCs  is continue at its maximum. Although DMC Central  is facing shortage of facilities, resources , machineries and vehicles but the untirely efforts of Chairman Rehan hashmi , Vice Chairman Syed Shakir Ali and their team is making DMC Central cleaner than before. However, daily production of garbage adds more in the back log of the previous years garbage which certainly raise a question marks before the DMC administration asking how to remove the entire garbage in a short period of time when their capacity to remove th e garbage is considerably less than it is needed. However Rehan Hashmi is determined to do his job honestly and devotedly and ignoring the hurdles in the way of his success.

 

 

 

بلدیہ وسطی میں 100روزہ صفائی مہم تسلسل کے ساتھ جاری

ضلع وسطی ناظم آباد،لیاقت آباد کے مختلف علاقوں سے کوڑا کرکٹ صاف کردیا گیا

چیئرمین ریحان ہاشمی نے صفائی مہم کی کامیابی کی راہ میں رکاوٹوں کو نظرانداز کردیا

مورخہ 19 ؍جنوری 2017ء ؁ 

کراچی ( ) میئرکراچی وسیم اختر کی ہدایت پر جاری 100روزہ صفائی مہم کے تسلسل میں بلدیہ وسطی ناظم آباد ،لیاقت آباد، نارتھ ناظم آباداور دیگر علاقوں میں خصوصی صفائی مہم جاری ہے ۔ چیئرمین ریحان ہاشمی نے صفائی مہم کی کامیابی کے لئے وسائل کی کمی ، ضرورت کے مطابق مشینری اور گاڑیوں کا نہ ہونااور دیگر رکاوٹوں کو نظرانداز کرتے ہوئے جذبۂ خدمت اور عزمِ مسلسل کے ذریعے صفائی مہم کو جاری رکھا ہوا ہے۔ چیئرمین ریحان ہاشمی، وائس چیئرمین سید شاکر علی ، بلدیہ وسطی کے افسران اور کارکنان دن رات بلاتکان محنت کرتے ہوئے ضلع وسطی کو صاف و شفاف بنانے میں مصروف ہیں۔ واضح رہے کہ بلدیہ وسطی میں دستیاب وسائل برسوں کے جمع شدہ کوڑے کو جلد ٹھکانے لگانے کے لئے ناکافی ہیں ۔ فی الوقت روزآنہ کی بنیاد پر پیداہونے والے کوڑے کرکٹ کے ڈھیر گذشتہ دور سے جمع شدہ کوڑے میں مزید اضافہ کررہاہے جبکہ کوڑا اُٹھانے کی گنجائش کم ہونے کی وجہ سے کوڑا کا جلد ختم ہونا ناممکن نظر آتاہے۔ تاہم ریحان ہاشمی کا عزمِ صمیم انہیں مسلسل جدو جہد میں مصروف رہنے پر مجبور کرتاہے جس کے سبب امید کی جارہی ہے کہ ضلع وسطی سے بہت جلد کوڑے کرکٹ کا اجتما ع ختم کردیا جائے گا۔ تاہم نارتھ ناظم آباد اصغر علی شاہ اسٹیڈیم کے اطراف سے کوڑا کرکٹ اُٹھوادیا گیا ۔ یہ بات بھی ذہن میں رہنی چاہئے کہ ہر گھر سے روزآنہ پھینکا جانے والے کوڑا کرکٹ بھی ٹنوں کی حساب سے جمع ہورہاہے جو پچھلے برسوں سے موجد کوڑے میں مزید اضافہ کا سبب بن رہاہے ۔ کوڑے کی مسلسل پیداوار ضلع وسطی کے ناکافی وسائل کے لئے مسائل پیداکررہے ہیں لیکن چیئرمین ریحان ہاشمی اورا نکی ٹیم ہر قسم کی رکاوٹ کو نظر انداز کرکے 100روزہ صفائی مہم کو کامیابی سے ہمکنارکرنے کے لئے انتھک محنت میں مصروف ہیں۔ 

19th Jan 2017 DMC Central Karachi Press Release

18th Jan 2017 DMC Central Karachi Press Release

18th Jan 2017 DMC Central Karachi Press Release

 

کراچی کے مشہور مینابازارکے تاجران اور خواتین دکانداروں سے ملاقات 

سر آغاخان اسکول کی عمارت میں پانچ اسکولوں کی تزئین وآرائش اور ڈسپنسر کی فراہمی کا اعلان 

مورخہ: 18؍جنوری 2017ء ؁ 

کراچی ( ) میئرکراچی وسیم اختر اور ڈپٹی میئر کراچی ارشد وہرہ خاتون رکنِ قومی اسمبلی کشور زہرہ کے ہمراہ 100روزہ صفائی مہم کے انتظامات اور پروگریس دیکھنے کیلئے بلدیہ وسطی پہنچ گئے۔ انہوں نے چیئرمین بلدیہ وسطی ریحان ہاشمی کے ہمراہ ضلع وسطی کے مختلف علاقوں، بازاروں اور اسکولوں کا بھی دورہ کیا اور بلدیہ وسطی کے افسران و کارکنان کی کارکردگی کو سراہا۔ْ تفصیلات کے مطابق میئراور ڈپٹی میئرکراچی نے بلدیہ وسطی میں جاری صفائی مہم کا جائزہ لینے کے لئے ضلع وسطی کا خصوصی دورہ کیا۔وائس چیئرمین بلدیہ وسطی سید شاکر علی ، میونسپل کمشنر محمد وسیم سومرواور شعبۂ خواتین کی انچارج سکندر خاتون بھی انکے ہمراہ تھیں۔ انہوں نے سب سے پہلے چیئرمین بلدیہ وسطی ریحان ہاشمی کے ہمراہ کراچی میں کریم آباد پر قائم ہونے والے سب سے پہلے خواتین تاجران اور دکاندارن کے لئے مخصوص کاروبار ی مرکز مشہور مینا بازار کا دورہ کیا۔خواتین تاجران نے پھولوں کی پتیاں نچھاور کرکے میئر وڈپٹی میئر کا استقبال کیا۔ مینابازار کی تاجر خواتین سے ملاقات میں میئر و ڈپٹی مئیر نے انکے مسائل دریافت کئے۔خواتین تاجران نے میئرو ڈپٹی میئر کی آمد کا شکریہ اداکرتے ہوئے نہ صرف انہیں اپنے مسائل سے آگاہ کیا بلکہ 100روزہ صفائی مہم سے پیداہونے والے مثبت نتائج کی بھی تعریف کی۔ اس موقع پر مینا بازار اور کریم آباد کے ارد گرد بازار سے تعلق رکھنے والے تاجران کے نمائندوں نے میئر ، ڈپٹی میئر کراچی و چیئرمین بلدیہ وسطی ریحان ہاشمی سے ملاقات کی اور انہیں اپنے مسائل سے آگاہ کیا۔ تاجران کے مطابق سب سے بڑا مسئلہ ناجائز تجاوزات اور دُور تک پھیلے ہوئے پتھاروں کی وجہ سے ٹریفک کا جام ہونا ہے جس کی وجہ سے خریداروں کو نہ صرف گاڑیاں پارک کرنے میں دشواری ہوتی ہے بلکہ پیدل چلنے والے خریداروں کو بھی سڑک پارکرنے میں بے حد دُشواری ہوتی ہے۔ بعد ازاں ڈپٹی میئر ارشد وہرہ نے کریم آباد پر قائم شہری حکومت کے زیر انتظام چلنے والے سرآغا خان اسکول کا بھی دورہ کیا۔ ارشد وہرہ نے اسکول کی چاردیواری میں قائم پانچ اسکولوں کو مرج کرکے ایک اسکول بنانے کا ارادہ ظاہر کیا تاکہ نہ صرف اسکولوں کے انتظامی معاملات بہتر ہوسکیں بلکہ بہ یک وقت تقریبا ایک ہزار طلبا و طالبات کے داخلے کہ گنجائش بن سکے۔ انہوں نے کہ اسکول کے لئے پینے کے صاف پانی کی فراہمی کے لئے دو ڈسپنسرز بھی لگائے جائیں گے جبکہ اسکول کی عمارت اور فرنیچر کی مرمت اور رنگ و روغن بھی کیا جائے گا۔ اس موقع پرضلعی افسرِ تعلیم ،مختلف بلدیاتی یونین کونسلوں کے چیئرمین ،وائس چئیرمن اور ہیری ٹیج فاؤنڈیشن کی سی ای او تابندہ لاری بھی موجود تھیں۔ بعد ازاں ڈپٹی میئرنے تین ہٹی سے ڈاکخانہ لیاقت آباد کے درمیان شاہراہِ پاکستان پر صفائی اورگرین بیلٹ پر سجائے گئے پھولوں کے انتظامات کا جائزہ لیا۔واضح رہے کہ بلدیہ وسطی میں گرین بیلٹس کی خوبصورتی میں اضافے کے لئے ضلع وسطی کے داخلی اور خارجی راستوں پرپھولوں کے گملے لگائے گئے ہیں ۔ جو شاہراہوں کی خوبصورتی میں اضافہ کررہے ہیں۔

18th Jan 2017 DMC Central Karachi Press Release