کراچی( ) گھوسٹ اور اپنے فرائص سے غفلت برتنے والے ملازمین کو کسی صورت برداشت نہیں کیا جائے گا ان خیالات کا اظہا ر چیئرمین بلدیہ وسطی ریحان ہاشمی نے ایڈمن ڈپارٹمنٹ نیو کراچی زون میں ملازمین کی فزیکل چیکنگ کے دوران کیا اس موقع پر ان کے ہمراہ ایم پی اے حاجی انور رضا اور بلدیہ وسطی کے افسران بھی موجود تھے ۔انہوں نے کہا کہ بلدیہ وسطی کا کام ضلع کے لوگوں کو سہولتیں فراہم کرنا ہے اور اس میں کسی قسم کی کوتاہی برتنے والے افسران و ملازمین کے خلاف محکمہ جاتی کاروائی کی جائے گی ،انہوں نے مزید کہا کہ ایمان دار،محنتی اور اپنے کام سے مخلض ورکرز بلدیہ وسطی کا قیمتی سرمایہ ہیں اور ادارے نے ترقی،اعزازیہ،تعریفی اسنادکی صورت میں محنت سے کام کرنے والے ملازمین کی ہمیشہ حوصلہ افزائی کی ہے اور مستقبل میں بھی محنتی ملازمین کی کاوشوں کو سراہا جائے گا۔
کراچی( )عوام کو بنیادی میونسپل سروسز فراہم کرنا ہماری ذمہ داری میں شامل ہے ہم بلدیہ وسطی کے لوگوں کو24 گھنٹے کام کرکے عوامی سہولتیں فراہم کررہے ہیں اہلیان بلدیہ وسطی نے ہم پر جو اعتماد کیا ہے اس پر ہم پورا اتریں گے ان خیالات کا اظہار چیئرمین بلدیہ وسطی ریحان ہاشمی نے صفائی مہم میں کچرے کو ٹھکانے لگانے کے بعد ضلع کو خوبصورت بنانے کی مہم کے سلسلے میں لیاقت آباد پل پرنائٹ شفٹ میں فٹ پاتھوں اور Curve Block پر رنگ و روغن کے کام کا معائنہ کرتے ہوئے کیا۔اس موقع پر ان کے ہمراہ ڈائریکٹر سینی ٹیشن غوث محی الدین بھی موجود تھے۔چیئرمین ریحان ہاشمی نے کہا کہ ہم صفائی ستھرائی کے بعد ضلع کی تزین و آرائش اور شجر کاری مہم پر توجہ دے رہے ہیں انہوں نے کہا کہ اہلیان بلدیہ وسطی اس مہم میں بلدیہ وسطی کی انتظامیہ کے ساتھ بھر پور تعاون کریں۔
کراچی( )پارکوں اور گراؤنڈز میں کوئی غیر قانونی تعمیرات برداشت نہیں کی جائے گی چائنا کٹنگ کا دور اب ختم ہوگیا ہے پارکس اور گراؤنڈ عوام کو تفریح فراہم کرنے کے لئے بنائے گئے ہیں لہذا یہاں تجاوزات قائم کرنے والوں کے خلاف سخت ایکش لیا جائے گا ان خیالات کا اظہار چیئرمین بلدیہ وسطی ریحان ہاشمی نے نارتھ ناظم آباد زون میں افسران کے بلائے گئے اجلاس کی صدارت کرتے ہوئے کیا اس موقع پر ڈائریکٹر باغات ندیم حنیف و دیگر بلدیاتی افسران بھی موجود تھے ۔ریحان ہاشمی نے کہا کہ پارکوں میں غیر قانونی تعمیرات پارکوں کی خوبصورتی پر بد نما دھبہ ہے اور منشیات کے عادی لوگوں کا مسکن بن جاتا ہے انہوں نے کہا کہ ہم کوشش کررہے ہیں کہ بلدیہ وسطی کے پارکس اور گراؤنڈ ز کو خوبصورت بنائیں تاکہ عوام کو سستی تفریح میسر آسکے اور بچے اور بڑے کھیل کے میدانوں میں آسانی سے کھیلوں کو فروغ دیں جس سے ان کی ذہنی اور جسمانی نشو نما بہتر طور پر ہوسکے گی انہوں نے مذید کہا کہ بلدیہ وسطی میں، گرین بیلٹس کی صفا ئی اور پارکس کی تزئین و آ رائش کا کام تیزی سے جاری ہے بلدیہ وسطی کی جانب سے پارکس کی تزئین و آ رائش کے کام کو مکمل کر کے عوام کے حوالے کرنا شروع کر دیا ہے تا کہ عوام کو صحت مند تفریح کا ماحول فراہم کیا جاسکے۔
کراچی( )عوام کو بہترین سفر ی سہولیات فراہم کرنا ہمارا نصب العین ہے ترقیاتی کاموں کی رفتار کو عوام کی امنگوں کے
مطا بق تیز کیا جائے سٹرکوں کے اطراف اسٹریٹ لائٹس کا بھر پور انتظام کیا جائے تا کہ شہریوں کو ضلع وسطی میں سفر کے دوران کوئی دشواری پیش نہ آئے۔ان خیالات کا ظہا ر چیئرمین بلدیہ وسطی ریحان ہاشمی نے یونین کونسل 12 نیو کراچی سیکٹر 11-F نئے سرے سے تعمیر کی جانے والی روڈ کے افتتاح کے موقع پر کیا ۔اس موقع پر ان کے ہمر اہ یونین کونسل کے چیئرمین حنیف سورتی اور بلدیاتی افسران بھی موجود تھے انہوں نے کہا کہ بلدیہ وسطی میں نئی سٹرکوں کی تعمیر، گرین بیلٹس کی صفا ئی اور پارکس کی تزئین و آ رائش کا کام تیزی سے جاری ہے محکمہ انجینئر نگ کے افسران کو ہدایت دیتے ہوئے انہوں نے کہا کہ پختہ اورپائدار سٹرکوں کی تعمیر میں بہتر سے بہتر میٹریل استعمال کیا جائے ۔انہوں نے مزید کہا کہ بلدیہ وسطی کی جانب سے پارکس کی تزئین و آ رائش کے کام کو مکمل کر کے عوام کے حوالے کرنا شروع کر دیا ہے تا کہ عوام کو صحت مند تفریح کا ماحول فراہم کیا جاسکے چیئرمین بلدیہ وسطی نے کہا کہ ترقیاتی کاموں کی حفاظت کی ذمہ داری بلدیاتی اداروں کے ساتھ ساتھ عوام کی بھی ہے تا کہ باہمی اشتراک سے ترقیاتی کاموں سے طویل عرصے تک مستفید ہوا جاسکے ۔
کراچی ( )اسپیشل پرسنز معاشرے کا اہم حصہ ہیں ملک کی تعمیر و ترقی کے لئے ہمیں انہیں ساتھ لے کر چلنا ہوگامعذور افراد نے ثابت کیا ہے کہ اگر انہیں وسائل مہیاء کئے جائیں اور ان کو Promote کیا جائے تو وہ معاشرے میں اہم رول ادا کرسکتے ہیں۔ان خیالات کا اظہار چیئرمین بلدیہ وسطی ریحان ہاشمی نے شعبہ تعلیم کے اسپیشل پرسنزملازمین کو مستقل کئے جانے کی تقریب سے خطاب کرتے ہوئے کیا ۔واضع رہے کہ یہ ملازمین محکمہ تعلیم میں گزشتہ 6 سال سے Adhoc Basis پر مختلف شعبہ جات میں کا کررہے تھے اور انہوں نے دوران ملازمت یہ ثابت کیا کہ وہ اپنی صلاحیتوں کا استعمال کرکے شعبہ تعلیم کو فائدہ پہنچا رہے ہیں۔وائس چئیرمین سیدشاکرعلی نے کہا ضرورت اس بات کی ہے حکومت اسپیشل پرسنز کوٹہ دُرست ا نداز میں نافذ کرے تاکہ یہ لوگ بھی مُلک کی تعمیر و ترقی میں اپنا رول ادا کر سکیں ۔اس موقع پر اُنہوں نے کراچی یونی ورسٹی کے ڈاکٹر شہاب کی خدمات کو سراہا جنہوں نے نابینا افراد کے لئے 2عدد سافٹ وئیر بنائے اور ڈکشنری مرتب کی۔
ضلع وسطی میں فٹبال کے فروغ ہماری اولین ترجیحات میں شامل ہے۔سید شاکر علی کراچی( )ضلع وسطی میں فٹبال کے فروغ ہماری اولین ترجیحات میں شامل ہے ضلع وسطی میں موجود تمام گراؤنڈ کوUP Grade کیا جارہا ہے گراؤنڈ میں نہ صرف کھلاڑیوں کو بلکہ تماشائیوں کو تمام سہولتیں فراہم کریں گے ان خیالات کا اظہار وائس چیئرمین بلدیہ وسطی سید شاکر علی نے یونین کونسل 35 موسیٰ کالونی میں آل کراچی محمد علی فٹبال ٹورنامنٹ 2017 کے فائنل میچ کے تقسیم انعامات کی تقریب سے خطاب کرتے ہوئے کیا ۔انہوں نے کہا کہ کھیلوں کا انعقاد انتہائی ضروری ہے فٹبال کا کھیل نہ صرف تفریح فراہم کرتا ہے بلکہ جسمانی نشونما میں بھی اہم کردار ادا کرتا ہے اس موقع پر وائس چیئرمین نے ٹورنامنٹ میں فتح حاصل کرنے والی عزیز آبادفٹبال کلب کی ٹیم کو اپنی ذاتی جیب سے 10,000 ہزارروپے اور رنر اپ ٹیم کو 5000 ہزار روپے دینے کا اعلان کیا اس موقع پر صوبائی اسمبلی کے ممبر محفوظ یار خان اور یونین کونسل 35 کے چیئرمین نوشاد احمد بھی موجود تھے ۔
کراچی( )افسران و ملازمین عوامی خدمات کو اپنا شعار بنائیں اور پابندی وقت کا خیال رکھیں ان خیالات کا اظہار میونسپل کمشنر بلدیہ وسطی اختر شیخ نے چارج سنبھالنے کے بعد افسران سے تعارفی اجلاس کے دوران کیا اس موقع پر بلدیہ وسطی کے مختلف محکموں کے افسران موجود تھے جن میں سپرٹینڈنگ انجینئر اقبال احمد،ڈائریکٹر پارکس ندیم حنیف،ڈائریکٹر سینی ٹیشن غوث محی الدین ،اکبر حسین ،اکمل ،جنید اللہ،نازش رضا،فیض احمداور دیگر افسران بھی موجود تھے اس موقع پر افسران نے اپنے محکموں کی کارکردگی کے بارے میں میونسپل کمشنر کو آگاہ کیا ۔میونسپل کمشنر اختر شیخ نے سینی ٹیشن کے محکمے کو ہدایت دی کہ صفائی ستھرائی کے امور مزید بہتر کریں اور عوامی سہولیات کی فراہمی کو ممکن بنائیں۔
کراچی( )عوام کو بہتر سے بہتر بلدیاتی سہولیات کی فراہمی ہماری اولین ترجیحات میں شامل ہیں عوامی خدمات کی فراہمی کے لئے دن رات کوشاں ہیں شہر کی تعمیر و ترقی کے لئے اگر کوئی شخصیت یا ادارہ ہمارے ساتھ مل کر کام کرنا چاہتا ہے تو اُسے ویلکم کہتے ہیں ان خیالات کا اظہار چیئرمین ضلع وسطی ریحان ہاشمی نے ناظم آباد پیٹرول پمپ،کریم آباد ،واٹر پمپ ،گلبرگ کے علاقوں میں نائٹ سوئپنگ کے کاموں کا معائنہ کرنے کے بعد میڈیا سے گفتگو کرتے ہوئے کیا ۔انہوں نے مزید کہا کہ ضلع وسطی میں سوئپنگ کا کام تین شفٹوں میں کیا جارہا ہے صبح کی شفٹ میں شہر کی سڑکیں ،بازار ،لنک روڈدوپہر کی شفٹ میں عوامی اجتماعات کے مقامات جبکہ نائٹ شفٹ میں مرکزی شاہراہیں صاف کی جارہی ہیں اس موقع پر وائس چیئرمین سید شاکر علی نے کہا کہ وسائل کی کمی کے باوجود ضلع وسطی کو ماڈل ضلع بنانے کی کوشش میں پر عزم ہیں انہوں نے کہا کہ عوام کو بلدیاتی سہولتوں کی فراہمی میں کوئی کوتاہی برداشت نہیں کی جائے گی ۔
کراچی( )سندھ بلڈنگ کنٹرول اتھارٹی کو انسانی جانوں سے کھیلنے نہیں دیں گے SBCA کے افسران کو من مانیاں نہیں کرنے دین گے کراچی میں غیر قانونی تعمیرات کو فوری طور پر روکا جائے وائس چیئرمین بلدیہ وسطی سید شاکر علی کا وزیر بلدیات جام خان شورو اور ڈی جی SBCA سے غیر قانونی تعمیرات میں ملوث افران کے خلاف سخت ایکشن لینے کا مطالبہ۔وائس چیئرمین بلدیہ وسطی سید شاکر علی نے کہا کہ ڈی جی SBCA کو بارہامطلع کرنے کے باوجود محسن خلجی ڈائریکٹر نارتھ کراچی زون اور ڈپٹی ڈائریکٹر شاہد شیخ کی ملی بھگت سے غیر قانونی تعمیرات کا دھنداعروج پر ہے نارتھ کراچی میں غیر قانونی تعمیرات کی وجہ سے بجلی،گیس،سیوریج سمیت دیگر مسائل پیدا ہو رہے ہیںSBCA کو میئر کراچی کے ماتحت کیا جائے تاکہ غیر قانونی تعمیرات کی صیح معنوں میں بیخ کنی کی جاسکے
