2nd Apr 2017 DMC Central Karachi Press Release

2nd Apr 2017 DMC Central Karachi Press Release

کراچی ( )ہمارا مشن بلدیہ وسطی کی عوام کو بُنیادی سہولتیں اور صحت مند ماحول فراہم کرنا ہے بلدیہ وسطی میں ترقیاتی کاموں کی رفتار کو عوام کی اُمنگوں کے مطابق تیز کیا جائے سڑکوں کے معیار کو بہتر بنایا جائے ۔ سڑکوں کے اطراف اسٹریٹ لائٹس کا بھر پور انتظام کیا جائے۔تاکہ شہریوں کو بلدیہ وسطی میں سفر کے دوران مشکلات کا سامنا نہ کرنا پڑے۔ان خیالات کا اظہار چیئرمین بلدیہ وسطی ریحان ہاشمی نے نارتھ ناظم آباد زون بلاکN میں نائٹ شفٹ میں جاری روڈ کارپیٹنگ کا معائنہ کرتے ہوئے کیا ۔اس موقع پر علاقہ مکینوں نے بلدیہ وسطی کی جانب سے کئے جانے والے ترقیاتی کاموں کی رفتار کو سراہا۔چیئرمین ریحان ہاشمی نے کہا کہ کچرے کے ڈھیر ٹھکانے لگانے کے بعدبلدیہ وسطی میں نئی سڑکوں کی تعمیر ،اندرونی گلیوں کی استر کاری،گرین بیلٹس کی صفائی اور پارک کی تزین و آرائش کا کام تیزی سے جاری ہے ۔محکمہ انجینئر نگ کے افسران کو ہدایت دیتے ہوئے انہوں نے کہا کہ سڑکوں کی تعمیر میں بہتر سے بہتر میٹریل استعمال کیا جائے۔انہوں نے مزید کہا کہ بلدیہ وسطی کی جانب سے پارکس کی تزین و آرائش کے کام کو مکمل کرکے عوام کے حوالے کرنا شروع کردیا ہے تاکہ عوام کو صحت مند تفریح ماحول فراہم کیا جاسکے۔چیئرمین بلدیہ وسطی نے کہا کہ ترقیاتی کاموں کی کو حفاظت کی ذمہ داری بلدیاتی اداروں کے ساتھ ساتھ عوام کی بھی ہے تاکہ باہمی اشتراک سے ترقیاتی کاموں سے طویل عرصے تک مستفید ہوا جاسکے۔ 

2nd Apr 2017 DMC Central Karachi Press Release

1st Apr 2017 DMC Central Karachi Press Release

1st Apr 2017 DMC Central Karachi Press Release

کراچی( )سندھ حکومت اہل کراچی کے مینڈیٹ کا احترام کرتے ہوئے منتخب بلدیاتی نمائندوں کو آئین کے آرٹیکل A-140 کے تحت اختیارات دے تاکہ عوام کو بنیادی سہولتوں کی فراہمی کو ممکن بنایا جائے ،ان خیالات کا اظہار ڈپٹی میئر کراچی ارشد وہرہ نے بلاک N نارتھ ناظم آباد یونین کمیٹی 23 میں مہدی حسن مرکز کھیل و تفریح اینڈ منی زو پارک کے افتتاح کے موقع پر کیا ۔اس موقع پر ان کے ہمراہ چیئرمین بلدیہ وسطی ریحان ہاشمی،MNA عبدالوسیم ،MPA جمال احمد یوسی چیئرمین شہزاد ابراہیم ،وائس چیئرمین خالد اکرام و دیگر بلدیاتی افسران بھی موجود تھے اس موقع پر ڈپٹی میئر ارشد وہرہ نے کہا کہ شہنشاہ غزل مہدی حسن نے اپنی سریلی آواز سے پوری دنیا میں پاکستان کا نام روشن کیا ان کے نام سے پارک منسوب کیا جانا خوش آئندبات ہے ۔چیئرمین بلدیہ وسطی ریحان ہاشمی نے کہا کہ ہم کراچی والے اپنے کراچی کو OWN کرنا جانتے ہیں ، ہم کراچی کو گرین کرکے رہیں گے شجر کاری مہم کے زریعے بلدیہ وسطی میں 6000 ہزار سے زائد پودے لگائے جا چکے ہیں۔عوام کو صحت منداور شفاف ماحول فراہم کرنا ہماری ترجیحات میں شامل ہے، واضح رہے کہ بلاک N نارتھ ناظم آباد میں مہدی حسن پارک کی نئے سرے سے تعمیر اور تزین و آرائش کرتے ہوئے اس بات کا خصوصی خیال رکھا گیاہے کہ پارک میں سیر و تفریح کے حوالے سے آنے والی عوام کو تمام سہولتیں فراہم کی جائیں اس پارک میں فاؤنٹین،بڑے بڑے سبزہ زار،بچوں کے لئے پلے لینڈ،ڈاجنگ کار،الیکٹرک جھولے،مچھلی گھر جہاں مختلف اقسام کی خوبصورت مچھلیاں اور منی زو میں پرندے اور جانور بچوں اور بڑوں کی توجہ کا مرکز بنے ہوئے ہیں۔چیئرمین بلدیہ وسطی نے کہا کہ سندھ حکومت بلدیاتی نمائندوں کو اختیارات اور وسائل فراہم کرے تاکہ حق پرست نمائندے عوام کی بہتر طور پر خدمت کر سکے ۔تقریب کے اختتام میں شاندار آتش بازی کا مظاہرہ بھی کیا گیا۔ 

1st Apr 2017 DMC Central Karachi Press Release

31st Mar 2017 DMC Central Karachi Press Release

31st Mar 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی نے مصروف ترین دن گزارا ،انہوں نے یونین کمیٹی 02 نارتھ کراچی اور یونین کمیٹی 23 نارتھ ناظم آباد کے چیئرمینز، وائس چیئرمینز اور یوسی پینل سے ملاقات کے دوران صفائی سُتھرائی اور عوامی سہولتوں کی فراہمی کے حوالے سے مربوط پلان مرتب کرنے پر زور دیا ۔بعد ازاں انہوں نے نیو کراچی 5-E میں اپنی مدد آپ کے تحت سیوریج لائنوں کی تبدیلی کے کام کا معائنہ کیا اور متعلقہ افسران کو ہدایت دی کہ سیوریج لائنوں کی تبدیلی میں پائپ کی کوالٹی اور دیگر میٹریل کی جانچ کی جائے تاکہ عوام سیوریج لائنوں کی تبدیلی سے فائدہ اُٹھا سکیں ۔ انہوں نے کہا کہ واٹر اینڈ سیوریج بورڈ کی نا اہلی اور لاپروائی کی وجہ سے پورا کراچی پریشان ہے اور لائنیں ٹوٹ پھوٹ کا شکار ہورہی ہیں ،سیوریج لائنوں کے رساؤکی وجہ سے جمع ہونے والا پانی علاقہ مکینوں کے لئے پریشانی کا سبب بن رہاہے ۔بلدیہ وسطی نے اپنی مدد آپ کے تحت سیوریج لائنوں کی تبدیلی کے کام کاآغاز 5-E نیو کراچی سے کردیا ہے جس میں علاقہ مکینوں اور یونین کونسل کا تعاون حاصل ہے ۔ بعد ازاں اُنہوں نے ,5B 5E میں جاری صفائی سُتھرائی کے کام کا معائنہ کیا ۔ اس موقع پر انہوں نے کہا کہ عوام کو میونسپل سروسیز فراہم کرنا ہمارا مشن ہے اور سندھ حکومت کے اختیارات اور وسائل نہ دینے کے باوجود ہم محدود وسائل کے اندر رہتے ہوئے بہتر سے بہتر خدمات فراہم کرتے رہیں گے۔۔

31st Mar 2017 DMC Central Karachi Press Release

30th Mar 2017 DMC Central Karachi Press Release

30th Mar 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی نے حق پرست یونین کمیٹی چیئرمین کی ان کے گھر پر عیادت کی ،اس موقع پر ان کے ہمراہ یوسی 17,18,23 کے وائس چیئرمین بھی موجود تھے اس موقع پر چیئر مین بلدیہ وسطی ریحان ہاشمی نے مظہر حسین کی خدمات کو سراہتے ہوئے کہا کہ ان کی سیاسی جدوجہد اور سیاسی زندگی ایک مثال ہے اپنے حلقے اور بوہری کمیونٹی میں ممتاز مقام رکھنے والے مظہر حسین 2016 ء ؁ کے بلدیاتی انتخابات میں امیر جماعت اسلامی کراچی حافظ نعیم الحق کو شکست دے کر یونین کمیٹی کے چیئرمین منتخب ہوئے۔انہوں نے کھٹن حالات میں بھی حق پرستی کا پرچم بلند رکھا اور عوامی خدمت کا مشن جاری رکھا ،چیئر مین ریحان ہاشمی نے دعا کی کے مظہر حسین کو اللہ پاک جلد از جلد صحت یاب کرے اور وہ پہلے کی طرح عوامی خدمت کو بھر پور انداز میں سر انجام دیں سکیں اور ہم ان کے تجربے سے فائدہ اٹھا سکیں ۔

کراچی( )وائس چیئرمین بلدیہ وسطی سید شاکر علی نے میئر کراچی سے درخواست کی ہے کہ کراچی کے بڑھتے ہوئے بے ہنگم ٹریفک کو کنٹرول کرنے کے لئے کو ئی مضبوط اور مربوط پلان مرتب کیا جائے تاکہ عوام کو ریلیف ملے ٹریفک جام ہونے کی صورت میں ایمبولینس،فائر برگیڈسروس اور اسکول اور کالجوں کے بچے متاثر ہو رہے ہیں ،انہوں نے ٹریفک پولیس ڈپارٹمنٹ سے درخواست کی کہ ہیوی وہیکلز کا داخلہ رات بارہ بجے سے پہلے شہر میں ممنوع قرار دیا جائے کیونکہ ہیوی وہیکلز کراچی شہر میں ٹریفک کے رش کا اہم سبب ہیں انہوں نے کہا کہ ٹریفک پولیس میں اسٹاف کی قلت ہے ، میئر کراچی عوام کی سہولت کی خاطر سٹی وارڈنز کو ٹریفک پولیس کے ساتھ مل کر کراچی کی ٹریفک کنٹرول کرنے میں مدد کریں ۔

کراچی( )یونین کونسل 39 کے جنرل کونسلر گلفام قریشی کے انتقال سے ہم اپنے دیرینہ ساتھی اور عوامی نمائندے سے محروم ہوگئے ہیں مرحوم سیاسی و سماجی سر گرمیوں میں بڑھ چڑھ کر حصہ لیتے تھے ان خیالات کا اظہار چیئرمین بلدیہ وسطی ریحان ہاشمی نے مرحوم کے جنازے میں شرکت کے دوران کیا ،انہوں نے کہا کہ اللہ مرحوم کو جنت الفردوس میں اعلیٰ مقام عطا ء کرے اور لواحقین کو صبر جمیل عطا کرے ۔ وائس چیئرمین بلدیہ وسطی سید شاکر علی ، یوسی چیئرمینز،وائس چیئرمینز،کونسلرزنے مرحوم کے انتقال پر اظہار تعزیت کرتے ہوئے کہا کہ اللہ ان کے درجات بلند کرے اورمرحوم کے لواحقین کو صبر عطا کرے۔۔۔۔ آمین

30th Mar 2017 DMC Central Karachi Press Release

29th Mar 2017 DMC Central Karachi Press Release

29th Mar 2017 DMC Central Karachi Press Release

کراچی( )عوام کو بلدیاتی سہولتوں کی فراہمی ہمارا نصب العین ہے ترقیاتی کاموں کی رفتار کو عوام کی امنگوں کے مطا بق تیز کیا جائے سٹرکوں کے اطراف اسٹریٹ لائٹس کا بھر پور انتظام کیا جائے تا کہ شہریوں کو ضلع وسطی میں سفر کے دوران کوئی دشواری پیش نہ آئے۔ان خیالات کا اظہا ر چیئرمین بلدیہ وسطی ریحان ہاشمی نے ضلع وسطی میں جاری روڈ کارپیٹنگ کا معائنہ کرتے ہوئے کیا ۔ انہوں نے کہا کہ کچرے کے ڈھیر ٹھکانے لگانے کے بعد کہ بلدیہ وسطی میں نئی سٹرکوں کی تعمیر، اندرونی گلیوں کی استرکاری ، گرین بیلٹس کی صفا ئی اور پارکس کی تزئین و آ رائش کا کام تیزی سے جاری ہے محکمہ انجینئر نگ کے افسران کو ہدایت دیتے ہوئے انہوں نے کہا کہ سٹرکوں کی تعمیر میں بہتر سے بہتر میٹریل استعمال کیا جائے ۔انہوں نے مزید کہا کہ بلدیہ وسطی کی جانب سے پارکس کی تزئین و آ رائش کے کام کو مکمل کر کے عوام کے حوالے کرنا شروع کر دیا ہے تا کہ عوام کو صحت مند تفریح کا ماحول فراہم کیا جاسکے چیئرمین بلدیہ وسطی نے کہا کہ ترقیاتی کاموں کی حفاظت کی ذمہ داری بلدیاتی اداروں کے ساتھ ساتھ عوام کی بھی ہے تا کہ باہمی اشتراک سے ترقیاتی کاموں سے طویل عرصے تک مستفید ہوا جاسکے ۔

29th Mar 2017 DMC Central Karachi Press Release