2nd May 2017 DMC Central Karachi Press Release

2nd May 2017 DMC Central Karachi Press Release

کراچی( )میئر کراچی کی ہدایت پر عباسی شہید ہسپتال میں نئی گورننگ باڈی کا قیام عمل میں لایا گیا ،گورننگ باڈی کا پہلا اجلاس چیئرمین بلدیہ وسطی ریحان ہاشمی کی زیر صدارت ہوا ۔اس موقع پر اراکین کمیٹی ڈاکٹر انور ،جعفری صاحب،راشد صاحب اوردیگر ڈاکٹرزبھی موجود تھے ۔کمیٹی کے قیام کا مقصد ہسپتال کے انتظامی امور کو بہتر کرنا ہیں اس موقع پر چیئرمین بلدیہ وسطی ریحان ہاشمی نے کہا کہ سندھ حکومت کراچی کے عوام کو سہولت فراہم کرنے کے لئے فنڈ فراہم کرنے کے لئے تیار نہیں اور منتخب نمائندوں کو جائز اختیارات نہیں دیئے جارہے ہیں ،حق پرست بلدیاتی نمائندے ان مشکلات کا سامنا کرتے ہوئے عوامی سہولتوں کی فراہمی کے لئے دن رات کوشاں ہیں ۔اور اسی حوالے سے میئر کراچی کی ہدایت پر نئی کمیٹی بنائی گئی ہے جو ہسپتال کے معاملات اور وہاں پر موجود طبی سہولیات کی فراہمی کو مزید بہتر بنانے کا کا م سر نجام دے گی ،70 کی دہائی میں قائم ہونے والے ہسپتال کی حالت کو بہتر کرنے کی ضرورت ہے تاکہ بلدیہ وسطی کی عوام کو بہتر ین طبی سہولتوں کی فراہمی ممکن ہو سکے ،کمیٹی کی اولین ترجیح ہسپتال میں موجود مشینری کو فعال کرنا ،دواؤں کی فراہمی ، ہسپتال اور اس کے اطراف میں صفائی ستھرائی اور قائم تجاوزات کا خاتمہ اور ہسپتال کے انتظامی امور میں بہتری لانا ہے ۔

2nd May 2017 DMC Central Karachi Press Release

30th Apr 2017 DMC Central Karachi Press Release

30th Apr 2017 DMC Central Karachi Press Release

کراچی( ) بلدیہ وسطی ممکنہ ہیٹ اسٹروک کی صورتحال سے نمٹنے کے لئے تیار ہے ۔ضلع وسطی میں پانچ ہیٹ اسٹروک ریلیف کیمپس قائم کردیئے گئے ہیں۔حق پرست بلدیاتی نمائندے ہر مشکل گھڑی میں عوام کے درمیان موجود ہیں۔ان خیالات کا اظہار چیئرمین بلدیہ وسطی ریحان ہاشمی نے بلدیہ وسطی کی جانب سے نارتھ ناظم آباد فائیو اسٹارچورنگی پر قائم ہیٹ اسٹروک امدادی کیمپ (Frist Response Centre )کے معائنے کے دوران کیا ۔اس موقع پریونین کمیٹی 17 کے چیئرمین راؤ اقبال،یونین کمیٹی 46 کے وائس چیئرمین سہیل احمد اوریوسی پینل کے اراکین ڈسٹرکٹ یوتھ کونسلرزعمار نقوی ،سعد ملک اور بلدیہ وسطی کے دیگر افسران بھی موجود تھے ۔چیئرمین بلدیہ وسطی ریحان ہاشمی نے اس موقع پرکیمپ پر فراہم کی جانے والی سہولتوں کا معائنہ کیا ۔اورعوام میں ٹھنڈا پانی اور شربت تقسیم کیا،انہوں نے کہا کہ موجودہ گرم موسم کی وجہ سے ضلع وسطی میں ہیٹ اسٹروک کے حوالے سے 05 امدادی کیمپ قائم کردیئے گئے ہیں۔لیاقت آباد نمبر 10 ،کریم آباد چورنگی ،واٹر پمپ ،فائیو اسٹار چورنگی ،پیٹرول پمپ ناظم آباد ،DMC فلوٹ کے زریعے ضلع وسطی کے مختلف علاقوں میں ہیٹ اسٹروک سے بچاؤ کے آگاہی کے پمفلیٹ اور روح افزاء شربت تقسیم کیا گیا ۔ہیٹ اسٹروک ریلیف کیمپس صبح 9:00 am سے شام 5:00 pm تک کام کرتے رہیں گے ان کیمپس میں ڈاکٹرز،پیرامیڈیکل اسٹاف،آئس پیکس،آئس جیکٹس،O.R.S ،ڈریپس،تولئے،کیپ،منرل واٹرکی سہولت دستیاب ہونگی۔ہیٹ اسٹروک سے نمٹنے کے لئے بلدیہ وسطی نے سندھ گورنمنٹ اور پرائیویٹ ہسپتالوں میں Frist Response Centre قائم کردئے ہیں جو 24 گھنٹے کام کریں گے۔انہوں نے کہا کہ بلدیہ وسطی کی جانب سے 300 آئس جیکٹس سٹی ڈسٹرکٹ گورنمنٹ کراچی کو بھی فراہم کی گئی ہیں۔ بلدیہ وسطی نے عوامی سہولت اور صاف پینے کے پانی کی فراہمی کے لئے واٹر فلٹر فلٹریشن پوائنٹس کی بحالی کے لئے ازسر نو کام شروع کرنے کا فیصلہ کیا ہے ۔

30th Apr 2017 DMC Central Karachi Press Release

29th Apr 2017 DMC Central Karachi Press Release

29th Apr 2017 DMC Central Karachi Press Release

کراچی ( ) ہماری کوشش ہے کہ عوام کو بنیادی سہولتیں ان کی دہلیز پر فراہم کریں اور عوامی سہولت کی فراہمی کے لئے فرسودہ نظام کوترک کرکے جدیدنظام متعارف کیا جائے ان خیالات کا اظہار کے چیئرمین بلدیہ وسطی ریحان ہاشمی نے شادمان ٹاؤن اور نارتھ کراچی میں جاری صفائی ستھرائی کے کام کے معائنے کے دوران کیا ۔ اس موقع MPA جمال احمد ، چیئرمین یونین کمیٹی بھی ان کے ہمراہ موجود تھے چیئرمین بلدیہ وسطی ریحان ہاشمی نے مختلف بلاکس کی صفائی ستھرائی لائٹ کے انتظامات اور شجر کاری کے کام کا جائزہ لینے کے بعد یو پی موڑ پہنچے جہاں عوام کی کثیرتعدادنے چیئرمین سے گفتگو کرتے ہوئے علاقے کے مسائل کی نشاندہی کی ۔چیئرمین ریحان ہاشمی نے علاقہ مکینوں کو یقین دہانی کرائی کہ ضلع وسطی کو ماڈل ضلع بنائیں گے اس کی تعمیر ،تزین وآرائش میں کوئی کسر نہیں چھوڑیں گے ۔شجر کاری مہم کے زریعے بلدیہ وسطی میں تقریبا6000 ہزار سے زائد پودے لگائے جاچکے ہیں اور مزید پودے لگائے جارہے ہیں ۔انہوں نے کہا کہ ہم شجر کاری مہم کے زریعے بلدیہ وسطی کو گرین کر دیں گے تاکہ ماحولیاتی آلودگی کے خاتمے کے ساتھ ساتھ ضلع وسطی کو صاف وشفاف بنایا جائے۔انہوں نے کہا کہ جذبہ خدمت اور عزم مُسلسل کے ذریعے صفا ئی اور ترقیاتی کاموں کو جاری رکھا ہوا ہے، مختلف مقا مات پر کچرا جلانے کے واقعات کو انسانی صحت کے لئے مضر قرار دیتے ہوئے کہا کہ اسکولوں ،اسپتالوں اور ڈسپنسریوں ،مساجد اور دیگر عوامی اجتما عا ت کے مقا مات کے قریب کسی بھی صورت میں کچرا جلانے کے عمل کو سختی سے روکا جائے

29th Apr 2017 DMC Central Karachi Press Release

26th Apr 2017 DMC Central Karachi Press Release

26th Apr 2017 DMC Central Karachi Press Release

کراچی( )کے الیکٹرک نے اپنی کارکردگی کے حوالے سے منتخب عوامی نمائندوں کو بریفنگ دی ۔جس میں چیئرمین بلدیہ وسطی ریحان ہاشمی ،وائس چیئرمین سید شاکر علی،ممبر قومی و صوبائی اسمبلی،عبدلوسیم خان،عظیم فاروقی،جمال احمد ،وسیم قریشی،محفوظ یار خان ،اور ڈپٹی کمشنر سینٹرل نے شرکت کی ۔اس موقع پر کے الیکٹرک کے نمائندے نے کہا کہ کیبلز کی تبدیلی اور ATC کیبلز لگانے کی وجہ سے لوڈشیڈنگ اور بجلی کی چوری پر کافی حد تک قابو پا لیا گیا ہے اور ہماری کوشش ہے کہ عوام کو مکمل ریلیف فراہم کریں ۔اس موقع پر چیئرمین بلدیہ وسطی ریحان ہاشمی نے مطالبہ کیا کہ کراچی اور بالخصوص ضلع وسطی میں رہنے والے لوگوں کو لوڈشیڈنگ سے نجات دلائی جائے،اور اس بات کو یقینی بنایا جائے کہ رمضان مبارک کے دوران لوڈشیڈنگ نہ ہو تاکہ عوام پر سکون ماحول میں سحر و افطار اور دوسری عبادات کر سکیں،انہوں نے مزید کہا کہ کیبلز کی تبدیلی کے دوران اسٹریٹ لائٹ کے کنکشن ہٹا دئے گئے ہیں کے الیکٹرک اسٹریٹ کے پولز پر فوری طور پر بجلی فراہم کرے تاکہ شاہراہیں روشن رہیں اور کافی جگہوں پر الیکٹرک پولز فٹ پاتھ سے ہٹ کر لگا دیئے گئے ہیں جس کی وجہ سے ٹریفک کی روانی میں خلل پڑھ رہا ہے،کے الیکٹرک ان پولز کو فوری اصل مقام پر لگائے۔ وائس چیئرمین سید شاکر علی نے کہا کہ کے الیکٹرک اپنے میٹر ریڈر کے کہنے پر کراچی کے پڑھے لکھے اور باشعور عوام کو بلاوجہ چور قرار دے دیتی ہے یہ سلسلہ اب بند کیا جائے،کے الیکٹرک بجلی کی چوری کی شکایت کی مکمل تحقیق کرے ،انہوں نے کہا کہ کے الیکٹرک میں اس بات کی اہلیت ہی نہیں ہے کہ وہ بجلی چوروں کو پکڑ سکے جس کی وجہ سے انہوں نے اپنے سسٹم کو ہی تبدیل کردیا ۔انہوں نے مزید کہا کہ میٹروں کی خرابی کی شکایت عام ہے ان میٹروں کی چیکنگ کے الیکٹرک کی بجائے کسی تیسرے ادارے سے کروائی جائے

26th Apr 2017 DMC Central Karachi Press Release

25th Apr 2017 DMC Central Karachi Press Release

25th Apr 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی نے گرین لائن بس پروجیکٹ کے حوالے سے تعمیر کیا جانے والا بورڈ آفس 
Inter Change))کے کام کا معائنہ کیا اس موقع پر گرین لائن پروجیکٹ اور بلدیہ وسطی کے افسران بھی ان کے ہمراہ موجود تھے ۔اس موقع پر چیئرمین بلدیہ وسطی نے گرین بس پروجیکٹ کی تعمیر کو وقت مقرر پر پورا کر نے پر زور دیا ،کیونکہ اس پروجیکٹ کی تعمیر کی وجہ سے ٹریفک کا رش بڑھ رہا ہے ،عوام کی سہولت کے لئے بنائے جانے والے اس پروجیکٹ کو جلد از جلد پائیہ تکمیل تک پہنچایا جائے اور اس پروجیکٹ کی تعمیر کی زد میں آنے والے پارکس کی نئے سرے سے تعمیر اور شجر کاری مہم کے زریعے ضلع میں نئے پودے لگائے جائیں۔ انہوں نے مزید کہا کہ درخت اور پودے ماحولیاتی آلودگی کو ختم کرنے میں معاون ثابت ہوتے ہیں اور ہم ضلع کو صاف اور شفاف بنانے کا عزم رکھتے ہیں ۔اس موقع پر گرین لائن پروجیکٹ کی انتظامیہ نے چیئرمین بلدیہ وسطی کو پروجیکٹ کے بارے میں آگاہ کرتے ہوئے کہا کہ 26 کلو میٹر پر محیط گرین لائن بس کا سفر سرجانی ٹاؤن سے شروع ہوکر میری ویدرٹاور پر ختم ہوگا اس کے 22 اسٹیشن ہونگے اور 24 بسیں استعمال ہونگی جس کا کنٹرول اور کمانڈ سسٹم گارڈن ویسٹ میں بنایا جا رہا ہے اس سروس سے کراچی کے ٹریفک کا رش کم ہوگا اور عوام کو تیز تر سفری سہولیات میسر ہونگی گرین لائن پروجیکٹ کی انتظامیہ نے یقین دہانی کرائی اس پروجیکٹ کی تعمیر کی وجہ سے جو پودے اور درخت ضائع ہوگئے ہیں ،ہم بلدیہ وسطی کے تعاون سے دوسری جگہوں پر شجر کاری مہم کے زریعے نئے پودے لگائیں گے تاکہ ماحول میں آلودگی کو کم کرنے میں مدد مل سکے۔

25th Apr 2017 DMC Central Karachi Press Release