6th Nov 2017 DMC Central Karachi Press Release

6th Nov 2017 DMC Central Karachi Press Release

کراچی ( ) آلودگی سے پاک ماحول کی فراہمی کے لئے ہمیں زیادہ سے زیادہ درخت لگانے کے ساتھ ساتھ پارکوں کو بھی آباد کرنا ہوگا ان خیالات اظہار چیئرمین بلدیہ وسطی ریحان ہاشمی نے نارتھ کراچی سیکٹر الیون سی میں قائم (بی اماں ) پارک میں تزئین و آرائش کے کام کا معائنہ کرتے ہوئے کیا ۔اس موقع پر متعلقہ یوسی چیئرمین و وائس چیئرمین ، کونسلرز،محکمہ باغات،محکمہ سینی ٹیشن ،محکمہ انسداد تجاوزات کے افسران بھی انکے ہمراہ تھے ۔چیئرمین بلدیہ وسطی ریحان ہاشمی نے کہا کہ آلودگی سے پاک ماحول کا آسان اور بہترین ذریعہ درخت لگانا ہے انہوں نے کہا کہ اگر ہر شخص اپنے حصہ کا صرف ایک درخت لگائے تو اس شہر میں درخت لگانے کی جگہ نہیں رہے گی انہوں نے کہا کہ بلدیہ وسطی اپنے وسائل میں رہتے ہوئے اہلیان ضلع وسطی کو آلودگی سے پاک ماحول کی فراہمی کے لئے پارکوں کی تزئین و آرائش کے کام کو ترجیحی بنیادوں پر انجام دے رہی ہے تاکہ عوا م کو صاف و شفاف اور آلودگی سے پاک ماحول مہیا آسکے اس موقع پر انہوں نے محکمہ باغات کے افسران کو ہدایت کی کہ ضلع وسطی میں قائم تمام پارکس کو عوام کی تفریح کا مرکز بنایا جائے ضلع وسطی کے پارکس کو بہترین طریقے سے سنورا جائے تاکہ لوگ شہر سے دور جانے کے بجائے انہی پارکوں کا رخ کریں ۔ انہوں نے کہا کہ ماضی میں سندھ گورنمنٹ کی عدم توجیحی کی وجہ سے کراچی کے شہری مسائل میں مسلسل اضافہ ہو ا جسکے باعث کراچی کے پارکس و پلے گراؤنڈ کچرا کنڈی کا منظر پیش کر رہے تھے جبکہ واٹر اینڈ سیوریج بورڈ کی نااہلی کی وجہ سے کراچی ضلع وسطی کے بیشتر علاقے گندے پانی کے تالاب بن گئے تھے انہوں نے کہا کہ ضلع وسطی کو صاف وشفاف بنانے کے ساتھ ساتھ عوام کو صحت مند سرگرمیوں کو فروغ دینے کے لئے بھرپور مواقع فراہم کر رہے ہیں انہوں نے کہا کہ ضلع وسطی میں قائم تمام پارکس و پلے گراؤنڈز کی صفائی کے بعد تزئین و آرائش کا کام جاری ہے انہوں نے کہا کہ عوام کو صحت مند ماحول کی فراہمی اولین ترجیحات میں شامل ہے چیئرمین بلدیہ وسطی ریحان ہاشمی نے عوام سے اپیل کی کہ وہ بلدیہ وسطی کی جاری شجرکاری مہم (درخت لگائیں اپنے پیاروں کے نام )میں حصہ لیں اور اپنے پیاروں کے نام ایک درخت بھی لگائیں جسکی حفاظت آپ خود کریں تاکہ اپنے پیاروں کے ساتھ ساتھ پیاروں کے نام سے لگے درختوں سے بھی پیار ہو ۔انہوں نے کہا کہ ضلع وسطی کی انتظامیہ عوام کو انکی دہیلیز پر تمام تر بلدیاتی سہولتوں کی فراہمی کے لئے کوشاں ہے ،ضلع وسطی میں پارکس اور گرین بیلٹس کی تزئین و آرائش اسی سلسلے کی کڑی ہے انہوں عوام سے اپیل کی کہ وہ اپنے علاقوں کو صاف ستھرا رکھنے میں بلدیہ وسطی کے ساتھ تعاون کریں ۔

6th Nov 2017 DMC Central Karachi Press Release

5th Nov 2017 DMC Central Karachi Press Release

5th Nov 2017 DMC Central Karachi Press Release

کراچی ( ) بلدیہ وسطی میں چہلمِ امام حسین کے آمد سے قبل امام بارگاہوں کے اطراف اور جلوسوں کے راستوں پرصفائی کے انتظامات کو حتمی شکل دینے کے لئے چئیرمین ریحان ہاشمی کی صدارت میں بلدیاتی افسران کاخصوصی اجلاس منعقد ہُوا۔ اجلاس سے خطاب کرتے ہوئے ریحان ہاشمی نے کہا کہ ضلع وسطی کا سینی ٹیشن ڈپارٹمنٹ تندہی سے صفائی ستھرائی اور کچرا ڈسپوز کرنے کے فرائض انجام دے رہا ہے، تاہم چہلمِ امام حسین پر خصوصی صفائی کے انتظامات کی ضرورت ہے، تاکہ عزادارانِ حسین مجالس اور جلوس سکون سے منعقد کرسکیں۔ سید الشہداء حضرت امام حسینؑ کے چہلم کے موقع پر تمام امام بارگاہوں میں مجالس منعقد کی جاتی ہیں،جلوسِ شبیہِ علم و ذوالجناح نکالے جاتے ہیں، جبکہ گھروں میں بھی مجالس منعقد کی جاتی ہیں اس لئے ضروری ہے کہ عزاداروں کی گزرگاروں اور جلوس کے راستوں سے ہر قسم کی گندگی ، پانی کے اجتماع اور کوڑے کرکٹ کو صاف کردیا جائے۔ انہوں نے امام بارگاہوں کے اطراف اور جلوس کی گزرگاہوں پر رات کے وقت روشنی کے مناسب انتظامات کرنے کی بھی ہدایت کی۔ اجلاس سے خطاب کرتے ہوئے وائس چئیرمین سید شاکر علی نے کہا کہ امام حسین علیہ السّلام کے چہلم کے موقع پر مذہبی رواداری اوراتحاد بین المسلمین کے جذبہ کے تحت بھائی چارے کی فضاء قائم رکھی جائے ۔اجلاس میں میونسپل کمشنر اختر علی شیخ،چیئر مین سینی ٹیشن کمیٹی ارشد علی اور مختلف یوسیز کے وائس چیئرمین بھی اجلاس میں موجود تھے۔ واضح رہے کہ بلدیہ وسطی میں پہلے ہی سے صفائی ستھرائی کا عمل زور و شور سے جاری ہے جس میں سینی ٹیشن ڈپارٹمنٹ بحریہ ٹاؤن کے تعاون سے صفائی کے معاملات بطریقِ احسن انجام دے رہاہے ، جبکہ ضلع وسطی کو ہرابھرا بنانے کے لئے ’’پیڑ لگائیں اپنے پیاروں کے نام‘‘ کے عنوان سے شجر کاری مہم بھی جاری ہے ۔ تاہم ہر قومی، ملی اور مذہبی دِن پر خصوصی صفائی کے انتظامات ضروری ہوتے ہیں۔ اس سلسلے میں ضلع وسطی سینی ٹیشن ڈپارٹمنٹ ہر مذہب وہ مکتبِ فکر کے افراد کے لئے بلدیاتی سہولیات بلا تفریقِ مذہب و ملت، رنگ و نسل تندہی سے خدمات انجام دیتا ہے ۔ امام حسین علیہ السّلام کے چہلم کے موقع پر بھی ضلع وسطی کا عملہ صفائی ستھرائی کے انتظامات وقت سے قبل مکمل کرنے کے ساتھ ساتھ چہلم کے روز بھی اپنی خدمات انجام دیتارہے گا تاکہ عزادارانِ حسین کو کسی قسم کی پریشانی کا سامنا نہ کرنا پڑے۔

5th Nov 2017 DMC Central Karachi Press Release

4th Nov 2017 DMC Central Karachi Press Release

4th Nov 2017 DMC Central Karachi Press Release

کراچی ( ) ضلع وسطی میں صحت مند سرگرمیاں بحال کرنے کے لئے پارکس و پلے گراؤنڈ کو ترجیحی بنیادوں پر صاف کیا جارہا ہے ان خیالات کا اظہار چیئرمین بلدیہ وسطی ریحان ہاشمی نے رکن قومی اسمبلی عبدالوسیم کے ہمراہ نیو کراچی کے مختلف علاقوں میں صفائی ستھرائی اور کچرے کی منتقلی کے کام کا معائنہ کرتے ہوئے کیا ۔اس موقع پر یوسی چیئرمین اففان ،وائس چیئرمین اویس عالم ،بحریہ ٹاؤن کے فوکل پرسن کمانڈر ذوالفقار ڈپٹی ڈائریکٹر سینی ٹیشن نیو کراچی اسلم بیگ او ردیگر بلدیاتی افسران بھی انکے ہمراہ ہیں۔ تفصیلات کے مطابق ضلع وسطی میں بحریہ ٹاؤن کے تعاون سے صفائی مہم کا سلسلہ جاری ہے جس کے تحت بلدیہ وسطی اور بحریہ ٹاؤن کے مشترکہ آپریشن میں ضلع وسطی سے لاکھوں ٹن کچرا اٹھا کر لینڈ فل سائیڈ منتقل یا گیا جبکہ ضلع وسطی میں کئی پلے گراؤنڈ اور پارکس کی جگہوں پر بھی کچرے کے انبار لگے ہوئے تھے چیئرمین بلدیہ وسطی ریحان ہاشمی نے ترجیحی بنیادوں پر پارکس و پلے گراؤنڈ کو کچرے سے پاک کیا تاکہ نوجوانوں کو صحت مند سرگرمیوں کے انعقاد کے مواقع حاصل ہو ،جسکا واضح ثبوت نیو کراچی سیکٹر 5-D یونین کمیٹی 9 کا رابیعہ صدیقیہ پارک ہے جہاں کھیل کا میدان کچرا کنڈی بن گیا تھا چیئرمین ضلع وسطی نے ترجیحی بنیادوں پر گراؤنڈ سے کچرے کو صاف کرا کے محکمہ باغات کو تزئین آرائش کے کام کی ہدایت کی اور اس گراؤنڈ پر بحریہ ٹاؤن اور ضلع وسطی کی ٹیموں کے درمیان فٹبال میچ بھی کھیلا گیا جسے ہزاروں افراد نے دیکھا بلدیہ وسطی اپنے شہریوں اورخاص کر نوجوانوں کو صحت مند آلودگی سے پاک ماحول کی فراہمی میں دن رات کوشاں ہے یہی وجہ ہے کہ ضلع وسطی کے پارکس اور پلے گراؤنڈز کی رونق بحال ہورہی ہے ۔اس موقع پر علاقہ مکینوں نے پارکس اور پلے گراؤنڈ کی دوبارہ رونق بحال کرنے پر چیئرمین اور بحریہ ٹاؤن کے عملے کا شکریہ اداکیا ۔واضح رہے کہ بلدیہ وسطی کے پاس وسائل کی کمی کی وجہ سے ڈی ایم سی سینٹرل کی گاڑیاں گلیوں سے کوڑاکرکٹ اُٹھا کر کھلے علاقوں میں قائم کچرا کونڈیوں میں منتقل کرتے ہیں جہاں سے بحریہ ٹاؤن کے ہیوی ڈمپرز کچرے کو شہر سے باہر مقررہ مقام پر ڈسپوز کرتے ہیں۔ بحریہ ٹاؤن کی جانب سے تقریبا ایک سو گاڑیاں کچرے کو منتقل کرنے کے کام میں شریک ہیں۔اُمید کی جارہی ہے کہ جلد ہی بلدیہ وسطی صاف اور شفاف ضلع کی صورت اختیار کرلے گا اور اس کے پارکس اور پلے گراؤنڈز کی رونقیں پھر سے بھر پور انداز میں بحال ہوجائیں گی۔ 

جشن ولادت رسول ﷺ اتحاد بین المسلمین کے جزبے کے تحت منا یا جائے ،ہمارے نبی ﷺ رحمت اللعالمین ہیں اس لئے مسلمانوں کے درمیان اتحاد کے ساتھ ساتھ دیگر مزاہب کا احترام بھی ملحوظ رکھا جائے ۔ ان خیالات کا اظہار بلدیہ وسطی کے چیئرمین ریحان ہاشمی نے رکن صوبائی اسمبلی سندھ جمال احمد کے ہمراہ قادری ہاؤس میں جمعہ کے روز پاکستان سنی تحریک کے سربراہ انجینئر ثروت اعجاز قادری سے گفتگوکے دوران کیا۔ تفصیلات کے مطابق گزشتہ روز سنی تحریک کے رابطہ کمیٹی کے ذمہ داران نے ریحان ہاشمی سے دفتر میں ملاقات کرتے ہوئے قادری ہاؤس میں آنے کی دعوت دی تھی سنی تحریک کے وفد نے آمد ماہ ربیع الاول میں جشن عیدمیلاد النبی ﷺ کے حوالے سے ضلع وسطی میں چراغاں اور صفائی ستھرائی پر بلدیہ وسطی کی توجہ مرکوز کرائی جس پر ریحان ہاشمی نے سنی تحریک کے سربراہ ثروت اعجاز قادری کو یقین دھانی کراتے ہوئے کہا کہ عالم اسلام کا ہر فردجشن آمد رسول ﷺ کو بڑی عقیدت و احترام سے مناتاہے اور بلدیہ وسطی جشن آمد رسول ﷺ کے موقع پر عاشقان رسول ﷺ کو بلدیاتی و شہری سہولیات کی فراہمی کے لئے ہر ممکن اقدامات کریگی ریحان ہاشمی نے کہاکہ بلدیہ وسطی میں مختلف مزاہب کے لوگ آباد ہیں اور ضلع وسطی کی انتظامیہ تمام مذاہب کے ماننے والوں کے تہوار کے دنوں میں بلا کسی تفریق بلدیاتی و انتظامی سہولیات مہیا کرتی ہے۔ ریحان ہاشمی کے قادری ہاؤس میں پہنچنے پر سربراہ سنی تحریک ثروت اعجاز قادری نے والہانہ استقبال کرتے ہوئے کہا کہ چیئرمین بلدیہ وسطی ریحان ہاشمی کی کاوشوں سے ضلع وسطی جلد شہر کا صاف وشفاف ضلع بن جائیگا اس موقع پر ثروت اعجاز قادری نے موجودہ صورت حال پر گفتگوکرتے ہوئے کہا کہ ختم نبوت کے مشن کو باہمی اتفاق سے جاری رکھیں گے چیئرمین بلدیہ وسطی نے دوران گفتگو سربراہ سنی تحریک ثروت اعجاز قادری کی توجہ سرکاری مردم شماری کے غلط اعداد و شمار کی جانب دلاتے ہوئے کہا کہ کراچی کی آبادی کو کم ظاہر کرنا کراچی کے ساتھ ناانصافی ہے اور کراچی کے بنیادی حقوق کو غضب کرنے کی کوشش ہے انہوں نے کہا کہ ہم سرکاری مردم شماری کو مسترد کرتے ہیں اس موقع پر سربراہ سنی تحریک ثروت اعجاز قادری نے کہا کہ ایم کیو ایم پاکستان کی جانب سے مردم شماری کے حوالے سے مثبت موقف اختیار کیا گیاہے ہماری بھی یہی آواز ہے کراچی اور کراچی کے آباد کاروں کے ساتھ روز اول سے ہی زیادتیاں کرنے کا سلسلہ تا حال جاری ہے اب اہلیان سندھ ،کواپنے بنیادی حقوق کے حصول کے لئے مشترکہ جہد وجہد کرنی ہوگی اور ہم آواز ہو کرسرکاری مردم شُماری کے نتائج کومسترد کرنا ہو گا 

4th Nov 2017 DMC Central Karachi Press Release

3rd Nov 2017 DMC Central Karachi Press Release

3rd Nov 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی کی صفائی ستھرائی کے کام کی مسلسل نگرانی سے ضلع وسطی صاف و شفاف ضلع کی جانب گامزن ،ضلع وسطی میں بحریہ ٹاؤن کے تعاون سے گلبرگ زون میں صفائی مہم کے تیسرے مرحلے کے دوران پلے گراؤنڈز کو ترجیحی بنیادوں پر کچرے سے پاک کیا جارہا ہے جبکہ فیڈرل بی ایریا ،عزیز آباد،اور موسیٰ کالونی سے ہزاروں ٹن کچرا لینڈ فل سائیڈ منتقل کیا جاچکا ہے، صفائی مہم کے دوران ضیاء الدین کے قریب گجر نالے کی صفائی کے ساتھ ساتھ کریم آباد سے موسیٰ کالونی تک برساتی نالے کی صفائی کا کام بھی جاری ہے ۔چیئرمین بلدیہ وسطی ریحان ہاشمی کی نگرانی میں صفائی ستھرائی ،شہر سے باہر کچرے کی منتقلی،گرین بیلٹس کی تزئین و آرائش،جراثیم کش ادویات کا اسپرے ،تجاوزات کے خلاف کاروائی،سڑکوں کی پیوند کاری اور بوسیدہ سیورئج لائنوں کی مرمت کا تسلسل جاری ۔تفصیلات کے مطابق چیئرمین بلدیہ وسطی ریحان ہاشمی ضلع وسطی میں عوام کو دی جانے والی بلدیاتی سہولتوں کی نگرانی بنفس نفیس کررہے ہیں وہ اپنے دفتر میں بھٹنے کے بجائے ضلع میں ہونے والے کام کی نرانی کو ترجیح دیتے ہیں اور جہاں جہاں کام میں کوتاہی نظر آتی ہے افسران و عملے کی باز پرس کے ساتھ ساتھ انکو ہدایات بھی دیتے ہوئے نظر آتے ہیں یہ ہی وجہ ہے کہ ضلع وسطی کا عملہ شب وروز ضلع وسطی میں صفائی ستھرائی کے ساتھ ساتھ دیگر ترقیاتی کام کرتا نظر آتا ہے ضلع وسطی میں بلدیہ عظمی اور بحریہ ٹاؤن کے اشتراک سے چلنے والی صفائی مہم کے دوران پہلے دو مراحل میں ضلع وسطی لیاقت آباد اور ناظم آباد زون میں کچرے کے ڈھیروں کا صفایا ، لیکیج سیوریج لائنوں کی مرمت ، سڑکوں کی پیوند کاری کے ساتھ ساتھ گرین بیلٹس کی تزئین و آرائش کا تسلسل جاری ہے جس کے اثرات نظر آرہے ہیں امید کی جاسکتی ہے کہ چیئرمین بلدیہ وسطی کے انقلابی اقدامات ضلع وسطی کو ماضی کی طرح صاف و شفاف اور تجاوزات سے پاک ضلع بن جائیگا ضرورت اس امر کی ہے عوام بھی صاف و شفاف ماحول کو برقرار رکھنے میں اپنا کردار ادا کریں اپنا کوڑا کرکٹ مختص کردہ کچرا کندیوں میں ڈالیں اور ایسے عناصر پر نظر رکھیں جو جگہ جگہ اور برساتی نالوں میں اپنے گھروں کا فیکٹریوں کا کچرا ڈالتے ہیں تاکہ انکے خلاف قانونی کاروائی عمل میں لائی جاسکے۔ 

3rd Nov 2017 DMC Central Karachi Press Release

2nd Nov 2017 DMC Central Karachi Press Release

2nd Nov 2017 DMC Central Karachi Press Release

کراچی ( ) ضلعی چیئرمین و سطی ریحان ہاشمی نے وزارت داخلہ کے زیر کنٹرول ادارہ نادرا کی گشتی موبائل ٹیم کے ارکان کی شہریوں سے معاونت پر انکے خدمات کو سراہتے ہوئے عوام الناس سے اپیل کی ہے کہ ضلع وسطی کی حدود میں کہیں پر بھی نادرا موبائل ٹیم کے من جملہ ارکان کے ساتھ بھرپور تعاون کریں جوکہ آپ کے گھر پہنچ کر اپنی خدمات مہیاء کر رہے ہیں اور نادرا سینٹرز میں موجود ایجنٹوں کے ساتھ ساتھ نادرا سینٹر پر رش اور ضائع ہونے والے وقت کو بھی بچا رہے ہیں ان خیالات کااظہار چیئرمین ضلع وسطی ریحان ہاشمی نے جمعرات اپنے ہنگامی علاقائی دورے پر نیو کراچی زون کے یونین کمیٹی ۱۵ کے اطراف سیکٹر 11-J میں نادرا کے گشتی موبائل ٹیم کو عوام کو سہولیات فراہم کرتے ہوئے دیکھا اور عوام سے گھل مل گئے ۔اس موقع پر انکے ہمراہ متعلقہ یوسی چیئرمین ،و ائس چیئرمین علاقائی کونسلر اور بلدیاتی افسران بھی تھے اس موقع پر ریحان ہاشمی نے عوام سے کہا کہ صبر اور تحمل کے ساتھ نادرا ٹیم کے ساتھ ہر طرح کا تعاون کریں انکی خاطر کرنایوسی چیئرمینوں کی اخلاقی ذمہ داری ہے تاکہ یہی آئندہ بھی انہی علاقوں کے مکینوں کے لئے دل جمعی سے خدمات انجام دیں ۔۔

2nd Nov 2017 DMC Central Karachi Press Release