26th Nov 2017 DMC Central Karachi Press Release

26th Nov 2017 DMC Central Karachi Press Release

 کراچی ( )دھرنے کا معاملہ حساس نوعیت کا ہے پرامن اور افہام و تفہیم سے حل کیا جائے ان خیالات کا اظہار چئیرمین بلدیہ وسطی ریحان ہاشمی نے فیڈرل بی ایریا سہراب گوٹھ پر دھرنے والوں کے تحفظ کے لئے موجود قانون نافذ کرنے والے اداروں کے افسران سے گفتگو کرتے ہوئے کیا اس موقع پر ڈپٹی کمشنر سینٹرل آصف جان صدیقی ADC سینٹرل مختیار ابڑو.Ac لیاقت اباد ارشد وارث بھی انکے ہمراہ تھے ریحان ہاشمی نے کہا کہ پرامن مزاکرات ہی مسئلے کا واحد حل ہے کسی بھی جانب سے تشدد کی کاروائی معاملہ کو مزید سنگین بنانے میں مدد گار ثابت ہوسکتی ہے انہوں نے کہا کہ ملک میں امن و امان کی موجودہ صورتحال پر بے حد افسوس ہے دھرنے پر بیٹھے لوگوں کے ساتھ نرم رویہ رکھا جائے اور مکمل تحفظ فراہم کیا جائے اس موقع پر انہوں نے دھرنے کے شرکاءکے لئے پینے کی فراہمی کو بھی ممکن بنانے کی ہدات کی واضح رہے کہ آج صبح چئیرمین بلدیہ وسطی ریحان ہاشمی اور وائس چئرمین سید شاکر علی نے ضلع وسطی میں دھرنے پہ بیٹھنے والے شرکاءسے ملاقات بھی کی تھی اس موقع پر انہوں نے اہل سنت رابطہ کونسل پاکستان کے صدر و دیگر ذمہ داران سے ملاقات کی ملاقت میں اہل سنت رابطہ کونسل کے صدر نے یقین دلایا کہ 12 ربیع الاول کی تیاریوں میں مصروف عملے اور گاڑیوں کو راستوں میں کسی قسم کی دشواری کا سامنا نہیں کرنا پڑے گا ریحان ہاشمی نے سٹی وارڈن اور ٹریفک پولیس کے ساتھ دھرنوں کی جگہ متبادل راستوں کے انتظامات بھی کرائے اس موقع پردھرنے کے شرکاءعاشقان رسول صلی اللہ علیہ وسلم نے بھرپور تعاون کیا۔

26th Nov 2017 DMC Central Karachi Press Release

25th Nov 2017 DMC Central Karachi Press Release

25th Nov 2017 DMC Central Karachi Press Release

 کراچی ( )چیئرمین بلدیہ وسطی ریحان ہاشمی نے لیاقت آباد زون میں قائم وہیکل ورکشاپ کا اچانک دورہ کیا ۔ ورکشاپ مےں ہونے والی کچرا اٹھانے والی گاڑیوں کی مرمت کے کام کا جائزہ لیا ۔ اور ورکشاپ میں تیار کئے جانے والی ڈسٹ بن کے نئے ماڈل کا بھی معائنہ کیا اس موقع پر ڈپٹی ڈائریکٹر سینی ٹیشن ناظم آباد ناصر خان ،ڈپٹی ڈائریکٹر موٹر وہیکل لیاقت آباد،راشد جلالی و دیگر متعلقہ افسران بھی انکے ہمراہ موجودتھے ۔ چےرمےن وسطی ریحان ہاشمی نے افسران کو ہدایت دےتے ہوئے کہا کہ تمام ہیوی و لائٹ موٹرز وہیکلز کو ورکنگ کنڈیشن میں فوری طور پر قابل استعمال لاےا جائے۔ تاکہ وسطی کے آباد کاروں کو بروقت گندگی غلاظت اور کوڑا کرکٹ کو علاقوں سے اٹھا کر ٹھکانے لگایا جاسکے۔ انہوں نے کہا کہ وہ گاڑیاں جو کم خرچ پر قابل استعمال ہوسکتی ہیں ایسی گاڑیوں کی فوری مرمت کرکے استعمال کےلے سڑکوں پر بلا تاخےر لایا جائے ۔ اس موقع پر چےر مےن رےحان ہاشمی پارکس و پلے گراﺅنڈ اور مختلف مقامات پر عوام کو سہولیات پہچانے کے غرص سے تیار کئے جانے والی ڈسٹ بن کے ماڈل کا بھی معائنہ کیا اور اظہار اطمےنان کیا ۔ اور متعلقہ افسران کو اپنی نگرانی مےں کام جلد سے جلد مکمل کرانے کی تا کےد کی۔ رےحان ہاشمی نے اس موقع پر ملازمےن کی حاضری رجسٹر چےک کےااور تنبیہ کرتے ہوئے کہا کہ اب مہلت نہےں دے سکتے ۔کےونکہ بلدےہ وسطی کا تہےہ ہے کہ ضلع وسطی کو سر سبز اور کوڑا کرکٹ سے پاک کرکے کراچی کا ماڈل ضلع قرار دلا ےا جائے۔ اس مےں بلدےہ وسطی کا ہر شعبہ اپنا اپنا کردار ادا محدود وسائل مےں رہتے ہوئے کر رہے ہےں لہذا آپ بھی اپنا کردار ادا کرےں۔

25th Nov 2017 DMC Central Karachi Press Release

24th Nov 2017 DMC Central Karachi Press Release

24th Nov 2017 DMC Central Karachi Press Release

کراچی ( ) انسانیت کی خدمت عین عبادت ہے ،ڈاکٹر ز وپیرا میڈیکل اسٹاف اپنے فرائض عبادت سمجھ کر سر انجام دیں ان خیالات کا اظہار چیئرمین بلدیہ وسطی ریحان ہاشمی نے ضلع وسطی کے عوام کو بہتر طبی سہولیات کی فراہمی کے حوالے سے بلائے گئے بلدیہ وسطی کی ڈسپینسریز کے ڈاکٹرز کے اجلاس سے خطاب کرتے ہوئے کیا ۔اس موقع پر میڈیکل اسٹنڈنگ کمیٹی کی چیئرپرسن شاہدہ عثمانی،چیف میڈیکل آفیسر بلدیہ وسطی حامد مصطفی،ڈاکٹر شکور لاری،ڈاکٹر نظام الدین،ڈاکٹر شگفتہ طائر ہ،ڈاکٹر راضیہ ،ڈاکٹر آمنہ بھی موجود تھی اس موقع پر چیئرمین بلدیہ وسطی ریحان ہاشمی نے کہا کہ عوام کو بہترین علاج معالجے کی سہولیات فراہم کرنا ہماری ترجیحات میں شامل ہے انہوں نے کہا کہ انسانیت کی خدمت عبادت ہے ڈاکٹرز حضرات اپنے فرائض کو عبادت سمجھ کر ادا کریں تودنیا و آخرت دونوں میں فیض کے حقدار بن جائیں گے انہوں نے کہا کہ وسائل کی کمی کا سامنا ضرور ہے لیکن اگر وسائل کو بہتر طریقے سے استعمال کیا جائے تو بہتر نتائج حاصل کئے جاسکتے ہیں اس موقع پر ریحان ہاشمی نے ڈاکٹرز حضرات سے ڈسپینسیرزکی کارکردگی کو مزیدبہتربنانے کے حوالے سے تجاویز بھی طلب کی انہوں نے ڈاکٹرز کو ہدایت کی کہ وہ اپنی اور پیرا میڈیکل اسٹاف کی حاضری کو ممکن بنائیں تاکہ ڈسپینسریز میں آنے والے مریضوں کا بروقت علاج کیا جاسکے انہوں نے کہا کہ ضلع بھر کی ڈسپینسی یز کو ضرورت کے مطابق ادویات فراہم کی جارہی ہے انہوں نے کہا کہ مریضوں کے علاج معالجے میں کسی بھی قسم کی غفلت و کوتاہی برداشت نہیں کی جائیگی اس موقع پر میڈیکل اسٹینڈنگ کمیٹی کی چیئر پرسن شاہدہ عثمانی نے کہا کہ تمام ڈاکٹرز اور پیرا میڈیکل اسٹاف ڈسپینسریز سے جنریٹ ہونے والے ریونیو کو روزانہ کی بنیاد پر ڈسٹرکٹ میں جمع کرائیں اور رسید حاصل کریں۔واضح رہے کہ بلدیہ وسطی کے زیرِانتظام چلنے والے ڈسپینسریز میں مریضوں کے علاج کے لئے 5 روپے فیس لی جاتی ہے جبکہ ڈسپینسیریز میں کوالیفائیڈ ڈاکٹر ز اور پیرا میڈیکل اسٹاف مریضوں کا معائنہ کرتے ہیں بلدیہ وسطی میں 15 ڈسپینسیریز مختلف یونین کمیٹیز میں قائم ہیں جبکہ لیاقت آباد میٹرنٹی ہوم بھی بلدیہ وسطی کے زیرِانتظام ہزاروں مریضوں کے علاج معالجے میں مصروف ہے ۔

کراچی ( ) چیئرمین بلدیہ وسطی ریحان ہاشمی نے کے بی آر نارتھ ناظم آبادسے گزرنے والے گجر نالے میں گر کر جاں بحق ہونے والے 13 سالہ ریحان والد سلیم کی تعزیت کرتے ہوئے کہا کہ اللہ رب کریم ریحان کو جنت میں اعلی مقام عطا فرمائے اور سوگواران کو صبر جمیل عطا کرے وہ گزشتہ روز KBR سوسائٹی میں ریحا ن مرحوم کی رہائش گاہ پر مرحوم کے والد اورلواحقین سے اظہار تعزیت کر رہے تھے اس موقع پر انہوںنے کہا ریحان کی موت ایک افسوس ناک حادثہ ہے مزید انسانی زندگیوں کو بچانے کے لئے فوری احتیاطی تدابیر اپنائی جائے اس موقع پر انہوں نے حکومت سندھ سے اپیل کی کہ قیمتی انسانی جانوں کو بچانے کے لئے فوری طور پر گجر نالہ کے دونوں اطراف سڑک کی تعمیر کے کام کا آغاز کیا جائے انہوں نے کہا کہ نالہ کے اطراف بڑی آبادی رہائش پزیر ہے لیکن کو ئی احتیاطی تدابیر موجود نہیں ہے جسکی وجہ حادثات معمول بن چکے ہیں انہوں نے کہا کہ سڑک کی تعمیر کی منظوری ہونے کہ باوجود اب تک کام کا آغاز نہ ہونا لمحہ فکریہ ہے انہوں نے وزیر اعلی سندھ سید مراد علی شاہ سے اپیل کی کہ وہ اس سلسلے میں ذاتی دلچسپی لیتے ہوئے اس معاملے کی تحقیقات کرائیں اس موقع پر انہوں ناگہانی آفات کی روک تھام کے حوالے سے قائم ڈیزاسٹر منجمنٹ سیل کے عملے پر اظہار برہمی کرتے ہوئے کہا کہ اربوں روپے کا فنڈ استعمال کرنے والے ادارے اگر بروقت کاروائی عمل میں لائیں تو قیمتی انسانی جانوں کو بچایا جاسکتا ہے انہوں نے کہا کہ ڈیزاسٹر منجمنٹ کے ادارے کو بلدیاتی نمائندوں کے سپرد کیا جائے تاکہ بروقت انسانی جانوں کو بچایا جاسکے۔ واضح رہے کہ گزشتہ روز شام 6 بجے کے بی آر سے گزرنے والے گجر نالے میں 13 سالہ بچے ریحان جو ذہنی طور پر معذور بھی بتایا جاتا ہے گرنے کی اطلاع پر چیئرمین بلدیہ وسطی ریحان ہاشمی ،رکن قومی اسمبلی شیخ صلاح الدین ،بلدیہ وسطی کی ریسکیو ٹیم کے ہمراہ جائے وقوع پر پہنچے اور بلدیہ وسطی کی ریسکیو ٹیم نے ا یدھی کے رضا کاروں کے ہمراہ 13 سالہ ریحان کی تلاش شروع کی اور رات گئے تک 13 سالہ ریحان کی تلاش جاری رکھی تاہم کم روشنی کے باعث آپریشن صبح تک موخر کیا گیاجبکہ اس اثناءمیں نیوی کی غوطہ خور ٹیم کو اس واقع کی اطلاع دی گئی جو علی الصبح KBR گجر نالہ پر پہنچ گئی اور کئی گھنٹوں کی عملی جہد وجہد کے بعد نیوی کے غوطہ خوروں نے ریحان ولد سلیم کی لاش نکال لی چیئرمین بلدیہ وسطی ریحان ہاشمی بنفس نفیس اس آپریشن کی نگرانی کر رہے تھے ۔واضح رہے کہ 13 سالہ ریحان ولد سلیم کا گھر نالے کے ساتھ ہی ہے اور وہ کھیلتا ہوا نالے میں جا گرا تھا متوفی ذہنی طور پر معذور تھا اور متوفی8 بہن بھائی تھے اس موقع پر ریحان ہاشمی نے غمزدہ خاندان کے ساتھ دلی ہمدری اور تعزیت کا اظہار کیاا ور ایسے حادثات کی روک تھام کے لئے اپنی کوششوں کا یقین دلایا ۔  

24th Nov 2017 DMC Central Karachi Press Release

23rd Nov 2017 DMC Central Karachi Press Release

23rd Nov 2017 DMC Central Karachi Press Release

 کراچی ( ) چیئر مین بلدیہ وسطی ریحان ہاشمی کی ہدایت پر وائس چیئرمین بلدیہ وسطی سید شاکر علی نے واٹر بورڈ کے افسران سے ملاقات کی ،اس موقع پر انہوں نے کہا کہ واٹر اور سیوریج لائنوں کی اُدھیڑ بُن اور رساﺅ سے پیدا شدہ پریشان کُن صورتِ سے پورا کراچی خصوصاًضلع وسطی کے شہری اذیت کا شکار ہیںانہوں نے کہا کہ واٹر اور سیوریج لائنوں کی تنصیب سے قبل واٹر اینڈ سیوریج بورڈ کے متعلقہ افسران کو چاہئے کہ متعلقہ بلدیاتی اداروں کو اپنے منصوبے سے آگاہ کریں ۔ بلدیاتی اداروں کہ آگاہ نہ کرنے اور واٹربورڈ کی غلط منصوبہ بندی کے سبب بلدیہ وسطی میں جاری تعمیراتی اور ترقیاتی پروگرامز رکاوٹ پیداہونے کے ساتھ ساتھ عوام بھی کوفت اور ذہنی پریشانی کا شکار ہیں۔جگہ جگہ ٹوٹی ہوئی اور مخدوش سیوریج لائنوں سے رسنے والا گندہ پانی ایک جانب تو مچھر اور مکھی کی افزائش کا ذریعہ بن رہا ہے جو مختلف بیماریوں کے پھیلنے کا سبب بن سکتے ہیں تو دوسری جانب عوام اور ٹریفک کی آمد ورفت میں رکاوٹ اور پریشانی کا سبب بھی ہے۔ انہوں نے کہا کہ سیوریج کے پانی کے ڈسپوزل کا فوری انتظام کیا جائے ایسی اسکیمیں تیار کی جائیں جن سے عوام کو فائدہ پہنچے پیسے کا زیاں نہ کیا جائے ضلع وسطی کی پرانی سیوریج لائنوں کی تبدیلی کے لئے منصوبے تیار کئے جائے عوامی نمائند ے فراہمی آب اور نکاسی آب کے مسائل کے حل اور عوام کو تمام تر بلدیاتی سہولیات کی فراہمی کے لئے ہر ممکنہ اقداماتکر رہے ہیں انہوں نے کہا کہ عوام کو نکاسی آب کی سہولیات بہم پہچانے کے لئے ایسے منصوبوں کو شارٹ ٹرم ،مڈٹرم اور لانگ ٹرم میں تقسیم کیا جائے انہوں نے کہا کہ واٹر اینڈ سیوریج بورڈ کا انجیئرنگ ڈپارٹمنٹ کی غیر ذمہ داری کے باعث سیوریج لائنوں کا لیول کئی کئی فٹ آوٹ ہے جسکی وجہ سے لائن بیٹھ جانے کی صورت میں کوئی پل، رہاشی عمارت یااسکول کو نقصان پہنچ سکتا ہے انہوں نے کہا ک واٹر بورڈ کی جانب سے لاپرواہی کے مظاہرے کی وجہ سے بڑے حادثات جنم لے سکتے ہیں واٹر بورڈ ایسی لائنوں پر فوری کاروائی عمل میں لائے جو کبھی بھی پرشانی کا سبب بن سکتی ہیں اس موقع پر سپریٹنڈنگ انجینئر غلام محمد حب ، سپریٹنڈنگ انجینئر توقیر علی ، xen لیاقت آباد اسرار ، XEN نارتھ کراچی شاھد، XEN گلبرگ سلیم،XEN نارتھ ناظم آباد سیوریج رئیس ،AE واٹر نارتھ کراچی سہیل طیب ،دانش، AE ظفر ملک و دیگر افسران بھی موجود تھے ۔

23rd Nov 2017 DMC Central Karachi Press Release

22nd Nov 2017 DMC Central Karachi Press Release

22nd Nov 2017 DMC Central Karachi Press Release

کراچی ( )جشن عید میلاد النبی ﷺ کے موقع پر محافل میلاد کی جگہوں،جلوس کی گزرگاہوں سے تمام تجاوزات کا خاتمہ سڑکوں کی استرکاری اور صفائی ستھرائی کے کام کو ترجیحی بنیادوں پر کیا جائے ۔ ان خیالات کا اظہار چیئرمین بلدیہ وسطی ریحان ہاشمی نے وائس چیئرمین سید شاکر علی کے ہمراہ نارتھ ناظم آبادمیں لنڈی کو تل چورنگی جامع مسجد غوثےہ تا طاہر وےلا تک محافل میلاد کی جگہوں، جشن عید میلاد النبی ﷺ کے جلوس کی گزر گاہوںپر صفائی ستھرائی، کے کام کا معائنہ کر رہے تھے۔ اس موقع پر چیئرمین اسٹنڈنگ کمیٹی سینی ٹیشن محمد ارشد، ڈپٹی ڈائریکٹر سینی ٹیشن غوث محی الدین ، ناصر خان ، امتیاز علی شاہ، و دیگر بلدیہ وسطی کے افسران بھی انکے ہمراہ موجود تھے۔ ریحان ہاشمی نے کہا کہ جشن عید میلادالنبی ﷺشایان شان طریقے سے منائے جانے کیلئے تمام شعبوں کو اپنی کارکردگی کو بہتر سے بہتر بنانا ہوگا۔ اس سلسلے میں کسی غفلت اور کوتاہی برداشت نہیں کی جائیگی ۔ انہوں نے کہا کہ بلدیہ وسطی میں تما م مساجد و امام بارگاہوں کے اطراف جشن عید میلاد النبی ﷺ کی جلوس کی گزرگاہوں پر صفائی ستھرائی اور روشنی کے انتظامات کو ترجیحی بنیادوں پر انجام دیئے جائیں جبکہ ضلع وسطی میں قائم تمام مونومنٹس کی دھلائی کی جائے اور ضلع وسطی کی تمام چوراہوں پر گرین بیلٹس اور سرکاری عمارتوںکوبرقی قمقموں سے سجایا جا رہاہے وائس چیئرمین سید شاکر علی نے کہا کہ عید میلادالنبیﷺ کے موقع پر بلدیہ وسطی کے تمام عمارتوں پر چراغ کے ساتھ ساتھ استقبالیہ کیمپ لگاےا جائے ۔اور جلوسوں کے قائدین کا استقبال کرتے ہوئے شرکاءپر خوشبو کے اسپرے کےا جائے گا۔ جبکہ جلوسوں کی گزرگاہوں پر پینے کے پانی کی سبیلیں بھی لگائی جارہی ہیںانہوں نے محکمہ انسداد تجاوزات کو ہدایت کی کہ جلوسوں کی گزرگاہوں سے تجاوزات کا خاتمہ کو فوری ممکن بنایا جائے۔

22nd Nov 2017 DMC Central Karachi Press Release