18th Dec 2017 DMC Central Karachi Press Release

18th Dec 2017 DMC Central Karachi Press Release

کراچی ( ) موسم سرما میں بارش کی پہلی بوند کے ساتھ ہی بلدیہ وسطی کا عملہ نکاسی آب اوردیگر بلدیاتی امور کی فراہمی کے لئے میدان عمل میں ہے ،بلدیہ وسطی میں رین ایمر جنسی نافذ،متعلقہ محکموں کی چھٹیاں منسوخ ،ضلع وسطی میں مشینریزاور افرادی قوت کے ساتھ بارش کے پانی کی نکاسی کا کا م جاری ہے۔چیئرمین بلدیہ وسطی ریحان ہاشمی اور میونسپل کمشنر آفاق سعیدنے ضلع وسطی کے چاروں زونز کا ہنگامی دورہ کیا ۔ ضلع وسطی کے مختلف علاقوں واٹر پمپ چورنگی،لنڈی کوتل ،طاہر ولا،عائشہ منز ل ،ناگن چورنگی ،نیو کراچی ،نارتھ کراچی ،حیدری ،گول مارکیٹ ،لیاقت آباد ودیگر علاقوں کا دورہ کیا اور بارش کے بعد نکاسی آب اور نالے کی صفائی کے کام کا معائنہ کیا ۔چیئرمین ریحان ہاشمی نے کہا کہ کراچی واٹر اینڈ سیوریج بورڈ کی ناقص کاکردگی نے بارانِ رحمت کو شہریوں کے لئے سامانِ زحمت بنادیا ہے برساتی نالوں کی صفائی اگر بروقت کی جاتی تو برساتی نالے اوور فلو نہ ہوتے اور نہ ہی بارش کا پانی سڑکوں پر جمع ہوتا ۔ انہوں نے بارش کے دوران، خصوصاً ایسے علاقوں کا دورہ کیا جہاں نکاسی میں خلل کی وجہ سے بارش کا پانی سڑکوں اور گلیوں میں موجود تھا۔ریحان ہاشمی نے اپنی نگرانی میں مین پاور اور دستیاب مشینوں کے ذریعے علاقوں سے پانی کی نکاسی کا عمل مکمل کرایا بعد ازاں انہوں نے نارتھ ناظم آباد حیدری میں نالے کی صفائی کی صفائی کے کام کا معائنہ کیا۔۔ چیئرمین ریحان ہاشمی نے اپنے دورے کے دوران صفائی ستھرائی کے کام کا بھی معائنہ کیا جو بلدیہ وسطی میں روز آنہ کی بنیاد پر کیا جاتا ہے انہوں نے عوام سے اپیل کی ہے کہ اپنے گھروں کا کچرا بلدیہ وسطی کی مختص کردہ جگہوں پر ڈالیں تاکہ سینی ٹیشن کے عملے کو کچرا اُٹھانے میں پریشانی نہ ہو ۔ 

18th Dec 2017 DMC Central Karachi Press Release

17th Dec 2017 DMC Central Karachi Press Release

17th Dec 2017 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ حق پرست بلدیاتی قیادت ضلع وسطی کے مکینوں کو بنیادی بلدیاتی سہولیات فراہمی کو ممکن بنا رہی ہے ہمیں عوام کا تعا ون حاصل ہے کیونکہ عوام یہ با خوبی جانتی ہے کہ انہوں نے حق پرست نمائندوں کو منتخب کر کے درست فیصلہ کیا اور ہماری بھی کو شش ہے کہ عوام نے ہم پر جو اعتماد کیا ہے اس پر پورا اتریں اور ضلع وسطی کے مکینوں کو بھر پور سہو لتیں فراہم کریں ہمیں اختیارات اور فنڈ کی کمی کا سامنا ہے لیکن ہمارا جذ بہ صادق ہے اور ہم عوامی خدمات کے کام کرتے رہیں گے۔وہ نارتھ ناظم آ با د میں سڑکوں کی پیوند کاری اور گرین بیلٹس کی صفائی ستھرائی کے ساتھ تزین و آرائش کے کام کا معائنہ کررہے تھے اس موقع پر ان کے ہمراہ میونسپل کمشنر آ فا ق سعید ،سپرٹینڈنگ انجینئر اقبال احمد خان اور دیگربلدیاتی افسران بھی موجود تھے ،اس موقع پر انہوں نے کہا کہ بلدیہ وسطی عوام کو بلدیاتی سہولیات کی فراہمی میں کوئی کسر نہیں چھوڑے گی انہوں نے متعلقہ محکمہ کے افسران کو ہدایت کی کہ سڑکوں کی تعمیر میں استعمال ہونے والے میٹریل کی اچھی طرح جانچ پڑتال کریں تاکہ پختہ اور پائیدار سڑکیں بنائی جائیں جن سے عوام لمبے عرصے تک استفادہ حاصل کر سکیں انہوں نے کام کی رفتار کو تیز کرنے پر بھی زور دیا،وہاں پر موجود عوام سے گفتگو کرتے ہوئے انہوں نے کہا کہ عوام اپنے گھروں کیساتھ ساتھ علاقوں کو بھی صاف ستھراء رکھیں اور بلدیہ وسطی کی مقرر کردہ جگہوں پر کچرا ڈالیں ،گرین بیلٹس کو کچرے کا ڈھیر نہ بنائیں۔

17th Dec 2017 DMC Central Karachi Press Release

16th Dec 2017 DMC Central Karachi Press Release

16th Dec 2017 DMC Central Karachi Press Release

کراچی ( ) چیئر مین بلدیہ وسطی ریحان ہاشمی نے کہا آ ج کے روز آ رمی پبلک اسکول کے بچوں نے اپنے معصوم جانوں کو کی قربانیاں دیتے ہوئے جام شہادت نوش کرتے ہوئے قوم کو یہ پیغام دیا کہ اس ملک کو بنانے کے لئے ہمارے بزرگوں نے جو قر بانیاں دی تھیں وہ سلسلہ ہم نے جاری رکھا ہے ، کوئی یہ نہ کہے کہ اس ملک کو بچا نے کیلئے معصوم بچوں اور طالب علموں نے اپنی جان کا نذرانہ پیش نہیں کیا ،دُشمن نے انسانیات کو پامال کرتے ہوئے اور اخلاقیات کی تمام حدود کو پھلانگتے ہوئے 141معصوم بچوں کو خون میں نہلادیا ،چیئر مین بلدیہ وسطی ریحان ہاشمی سانحہ پشاور کے حوالے سے وائٹ ہاؤس گرامر اسکول حسین آ باد میں منعقدہ تقریب میں شریک تھے ، اس موقع پر ان کے ہمراہ میونسپل کمشنر آ فاق سعید بھی ان کے ہمراہ موجود تھے۔ انہوں نے مزید کہا جنازوں پر پھول تو بہت دیکھے گئے ،لیکن پھولوں کے جنازے پُوری دنیا نے 16دسمبر2014ء کو دیکھے، اس کٹھن گھڑی میں پاک فوج نے دشمن کے خلاف کاروائی کرتے ہوئے ان کو واصل جہنم کیا تو دوسری جانب پوری قوم نے یکجا ہو کر اور صبرو تحمل دامن تھامتے ہوئے ایک آ واز ہوکر دشمن کو یہ پیغام دیا کہ "مجھے دشمن کے بچوں کو پڑھانا ہے" چیئر مین بلدیہ وسطی ریحان ہاشمی نے کہا کہ قوم ان معصوم بچوں کی قربانیوں کو ضائع نہیں ہونے دیگی اور جب بھی دفاع پاکستان کی ضرورت پڑی تو ہم دشمن کے سامنے سیسہ پلائی ہوئی دیوار کے مانند کھڑے ہونگے تقریب کے آ خر میں شہید بچوں کے لئے دعا ئے مغفرت کی گئی ۔

16th Dec 2017 DMC Central Karachi Press Release

15th Dec 2017 DMC Central Karachi Press Release

15th Dec 2017 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ ضلع وسطی میں قائم پارکس اور کھیل کے میدانوں پر خصوصی توجہ دے رہے ہیں تاکہ صحت مند سرگرمیاں تسلسل سے جاری رہیں جبکہ عوام کو صحت منداور صاف و شفاف ماحول کی فراہمی کے لئے صفائی کے معیار کو مزید بہتر کرنے کے لئے ممکنہ اقدامات کئے جا رہے ہیں۔وہ سیکٹر 5-M نارتھ کراچی میں کی جانے والے صفائی ستھرائی کے کام کا معائنہ کررہے تھے ۔اس موقع پر متعلقہ بلدیاتی افسران اور علاقے کے معززین بھی ان کے ہمراہ موجود تھے ۔ اس موقع پر ریحان ہاشمی نے کہا کہ ضلع وسطی کی انتظامیہ عوام کو بہتر سے بہتر شہری و بلدیاتی سہولیات کی فراہمی کے لیئے تمام دستیاب وسائل کو برؤے کار لارہی ہے انہوں نے کہا کہ ضلع وسطی میں قائم تمام(GTS ) کچرا کنڈیوں سے روزانہ کی بنیاد پر کچرے کو لینڈفل سائڈ منتقل کیا جارہا ہے جبکہ مرکزی شاہراؤں کے ساتھ ساتھ لنک روڈ پر بھی روزانہ صفائی اور سڑک کے کناروں پر جمع ہونے والی مٹی کو بھی اٹھایا جارہا ہے انہوں نے کہا کہ صفائی کے نظام میں بہتری لاکر صفائی کے معیار کو مزید بہتر کرنے کے لئے ممکنہ اقدامات کئے جارہے ہیں اس موقع پر انہوں نے سماما شاپنگ سینٹر کے اطراف صفائی ستھرائی کے کام کا بھی معائنہ کیا ۔واضع رہے کہ بلدیہ وسطی میں صفائی ستھرائی کے ساتھ ساتھ گرین بیلٹس پر نئے پودے اور چورنگیوں پر بیوٹی فیکیشن کام کام تیزی سے جاری ہے اس ضمن میں بلدیہ وسطی کی نرسریوں میں پھول دار پودے تیار کئے جارہے ہیں ۔

15th Dec 2017 DMC Central Karachi Press Release

14th Dec 2017 DMC Central Karachi Press Release

14th Dec 2017 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ حق پرست بلدیاتی نمائندے عوامی خدمات کے لئے ہمہ وقت تیار ہیں اس سلسلے میں ضلع وسطی کے کسی بھی علاقے سے شکایت موصول ہونے پر فوری طور پر ایکشن لیا جاتا ہے ،بلدیہ وسطی وسائل اور فنڈز کی کمی کے باوجود عوام کو ہر ممکنہ سہولیات فراہم کرنے کی کوشش کررہی ہے ، ضلع وسطی میں نئی سڑکوں کی تعمیر کے ساتھ ساتھ سڑکوں کی استر کاری پر بھی بھر پور توجہ دی جارہی ہے۔وہ نارتھ ناظم آباد شادمان ٹاؤن میں کی جانے والی سڑکوں کی پیوند کاری کے کام کا معائنہ کررہے تھے اس موقع پر ان کے ہمراہ رکن صوبائی اسمبلی جمال احمد اور دیگربلدیاتی افسران بھی موجود تھے ،اس موقع پر انہوں نے کہا کہ بلدیہ وسطی عوام کو بلدیاتی سہولیات کی فراہمی میں کوئی کسر نہیں چھوڑے گی انہوں نے متعلقہ محکمہ کے افسران کو ہدایت کی کہ سڑکوں کی تعمیر میں استعمال ہونے والے میٹریل کی اچھی طرح جانچ پڑتال کریں تاکہ پختہ اور پائیدار سڑکیں بنائی جائیں جن سے عوام لمبے عرصے تک استفادہ حاصل کر سکیں انہوں نے کام کی رفتار کو تیز کرنے پر بھی زور دیا،انہوں نے مزید کہا کہ ہمارا عزم ہے کہ ضلع وسطی کی ہر سڑک صاف ستھری اور معیاری ہو ۔وہاں پر موجود عوام سے گفتگو کرتے ہوئے انہوں نے کہ کہ عوام اپنے گھروں کے ساتھ ساتھ علاقوں کو بھی صاف ستھراء رکھیں اور بلدیہ وسطی کی مقرر کردہ جگہوں پر کچرا ڈالیں ۔ 

کراچی ( ) میونسپل کمشنر بلدیہ وسطی آفاق سعید نے کہا ہماری ذمہ داری ہے کہ آنیوالی نسل کو خوشگوار اور صحت مندماحول فراہم کریں ۔ صاف سُتھرے اور صحت مند معاشرے کی تشکیل کی مہم میں بچوں کو شامل کرنا خوش آئند بات ہے اس کے ذریعے ہم بچوں کو مستقبل میںآلودگی سے پاک ماحول فراہم کرنے میں کامیاب ہو جائیں گے ، وہ جنریشن اسکول کی جانب سے Own Your Neighbourhood مہم کے تحت احباب گراؤنڈ بلاک D، میں منعقدہ تقریب میں شریک تھے ۔اس موقع پر ان کے ہمراہ چیئر مین سینی ٹیشن کمیٹی ارشد شاہ ،چیئر مین ایجوکیشن کمیٹی تابش جیلانی ،یوسی 18کے وائس چیئر مین تیمور اور بلدیہ وسطی کے افسران اکبر حسین،غوث محی الدین اور ناصر خان بھی موجو د تھے ۔آفاق سعیدنے کہا کہ چیئر مین بلدیہ وسطی کی ہدایت پربلدیہ کے اسکولوں میں WWFکے تعاون سے اسکول کے بچوں کو ماحولیاتی آلودگی کے حوالے سے آگاہی مہم جاری ہے انہوں نے مزید کہاکہ ماحولیاتی آلودگی بین الاقوامی مسئلہ ہے اور پوری دنیااس مسئلے کے حل کے لئے کوشش کررہی ہے ہماری کوشش ہے کہ بچوں اور نوجوان نسل کو اس حوالے سے آگاہی فراہم کریں تاکہ وہ مستقبل میں ایک صاف ستھراء معاشرہ تشکیل دے سکیں، اس موقع پر جنریشن اسکول کے بچوں نے احباب گراؤنڈ میں بلدیہ وسطی کے عملے کے ساتھ مل کر گراؤنڈ کی صفائی کے کام میں حصہ لیا اس گراؤنڈ میں عرصہ دراز سے کچرے کے ڈھیر قائم تھے جس کو بلدیہ وسطی کی انتظامیہ اور بچوں نے مل کر صاف کر کے بچوں کے کھیل کود کے قابل کر دیااس موقع پر اہل علاقہ نے چیئر مین بلدیہ وسطی ریحان ہاشمی کا خصوصی طور پر شکریہ ادا کیاکہ ان کی قیادت میں بلدیہ وسطی کی ٹیم بلدیاتی سہولیات کی فراہمی کے لئے بھرپور کام کر رہی ہے ۔

14th Dec 2017 DMC Central Karachi Press Release