25th Feb 2018 DMC Central Karachi Press Release

25th Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ پینے کا صاف پانی عوام کا بنیادی حق ہے ، پینے کا صاف پانی فراہم کرنا حکومت وقت کی ذمہ داری ہے لیکن سندھ حکومت اس جانب کوئی توجہ نہیں دے رہی ہے اور کراچی کی عوام کو پینے کے صاف پانی سے محروم رکھا جا رہا ہے ۔ریحان ہاشمی، رکن صو بائی اسمبلی وسیم قریشی کے ہمراہ یوسی سی 3سیکٹر 5-C-1میں پینے کی فراہمی کو ممکن بنانے کے لئے بلدیہ وسطی کے بجٹ سے ڈالے جانے والی P.Eواٹر لائن کی تنصیب کے کام کا معائنہ کر رہے تھے ۔ اس موقع پر متعلقہ یو سی چیئر مین فاضل خانزادہ ،یو سی 21کے چیئر مین نعیم الدین ،یو سی 4کے چیئر مین راحت علی ،XENواٹر اینڈ سیوریج محمد شاہد اور دیگر بلدیاتی افسران سمیت عوام کی بڑی تعداد موجود تھی ۔چیئر مین بلدیہ وسطی ریحان ہاشمی نے مزید کیا کہ بلدیہ وسطی اپنی عوام کو بنیادی ضروریات کی فراہمی کے لئے اپنے تمام دستیاب وسائل بروے کار لارہی ہے ۔انہوں نے کہا کہ پانی کی عدم دستیابی کراچی کے خلاف کسی گہری سازش کا حصہ ہے انہوں نے کہا کہ کراچی والو ں کو پانی کی فراہمی میں کوتاہی نہ برتی جائے اور جلد از جلد پانی کی سپلائی کو متواتر کیا جائے ۔واضع رہے کہ فراہمی آب و نکاسی آب کی ذمہ داری واٹر اینڈ سیوریج بورڈ کی ہے لیکن واٹر اینڈ سیوریج بورڈ کی عدم توجہی کی بناپر عوام پینے کے پانی سے بھی محروم ہے جس کے پیش نظر بلدیہ وسطی عوام کو بنیادی سہولیات کی فراہمی کا فریضہ انجام دے رہی ہے بلدیہ وسطی ضلع وسطی کے مختلف علاقوں جن میں بفر زون ،نارتھ ناظم آ با د،گلبہار لیاقت آ با د میں اپنے بجٹ سے فراہمی آب و نکاسی آب کی لائنوں کی مرمت اور نئی لائنوں کی تنصیب کے کام کروا رہی ہے ۔ اس موقع پر سیکٹر 5C1کے مکینوں نے دیرینہ مسئلے کو حل کرنے پر چیئر مین بلدیہ وسطی ریحان ہاشمی کا شکریہ ادا کیا اور چیئر مین و رکن صوبائی اسمبلی وسیم قریشی کو پھولوں کے ہار پہنائے ۔

25th Feb 2018 DMC Central Karachi Press Release

24th Feb 2018 DMC Central Karachi Press Release

24th Feb 2018 DMC Central Karachi Press Release

کراچی ( ) چیئرمین ریحان ہاشمی نے کہا کہ ملک کی معاشی ترقی جدید مواصلاتی نظام کے بغیر ممکن نہیں ہے۔کراچی گیٹ وے آف پاکستان ہے اس شہر میں مظبوط اور معیاری شاہراہیں تعمیر کرناضروری ہے ،وہ نارتھ ناظم آبادیوسی 21 بلاک Fمیں مشینی روڈ کارپٹنگ کے کام کا معائنہ کر رہے تھے اس موقع پریوسی چیئرمین نعیم الدین،XEN بی اینڈ آر امتیاز شاہ و دیگر بلدیاتی افسران بھی موجود تھے ۔چیئرمین نے کہا کہ مذکورہ علاقے میں روڈ کی مخدوش حالت کی وجہ سے عوام کو کافی مشکلات کا سامنا تھا ۔ جس کا نوٹس لیتے ہوئے بلدیہ وسطی نے مخدوش سڑک کی کارپیٹنگ کے عمل کو تکمیل تک پہنچایا۔واضع رہے کہ چیئرمین بلدیہ وسطی ریحان ہاشمی نے 30 ہزار اسکوائر فٹ روڈ کی کارپیٹنگ کے معائنہ کے دوران متعلقہ افسران کو ہدایت کی کہ سڑک کی تعمیر میں بہترین مٹیریل استعمال کیا جائے تاکہ ضلع وسطی کے مکین اس شاہراہ سے کافی عرصہ تک مستفید ہوسکیں ۔ انہوں نے کہا کہ ضلع وسطی میں ترقیاتی کام تیزی سے کئے جارہے ہیں عوام کی شکایات کا ازالہ کرنے کے ساتھ ساتھ اُن کو خوشگوار ماحول کی فراہمی کو بھی ممکن بنا رہے ہیں اس ضمن میں بلدیہ وسطی میں پارکس و پلے گراؤنڈز سے کچرے کے ڈھیر کو صاف کرکے تزین و آرائش کا کام کیا جارہا ہے عوام کو سستی تفریح مہیا کرنے کے لئے بلدیہ وسطی کی انتظامیہ شب و روز کوشاں ہے ۔انہوں نے مزید کہا کہ مزکورہ سڑک کی تعمیرکے ساتھ ساتھ علاقے میں صفائی ستھرائی کے کام پر بھی خصوصی توجہ دی جا رہی ہے، بلدیہ وسطی کی جانب سے ضلع وسطی میں ماڈل شاہراہوں کی تعمیر کا سلسلہ جاری ہے، منتخب بلدیاتی نمائندے بلاتفریق رنگ و نسل عوام کو بلدیاتی سہولیات فراہم کررہے ہیں ۔

24th Feb 2018 DMC Central Karachi Press Release

23rd Feb 2018 DMC Central Karachi Press Release

23rd Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ منتخب بلدیاتی قیادت ضلع وسطی میں بلاامتیاز بلدیاتی سہولتیں فراہم کررہی ہے،ہم عوام کے تعاون سے اپنی ذمہ داریاں باخوبی سر انجام دے رہے ہیں، آبادی کے لحاظ سے ضلع وسطی کراچی کا بڑا ضلع ہے اور اس کے مسائل اور ترقی طلب کام بھی زیادہ ہیں لیکن حکومت سندھ منتخب بلدیاتی نمائندوں کو جائز فنڈز اور اختیارات دینے کیلئے تیار نہیں ہے ۔ واٹراینڈ سیوریج بورڈ کی عدم دلچسپی اور اپنے فرائض سے غفلت برتنے کی وجہ سے ضلع وسطی کے مکین پریشانی سے دو چار ہیں۔عوام کی مشکلات کا احساس کرتے ہوئے بلدیہ وسطی اپنے محدود فنڈز سے بوسیدہ اور رستی ہوئی واٹر اور سیوریج لائنوں کی تبدیلی کا کام سر انجام دے رہی ہے ۔وہ نارتھ ناظم آبادیوسی 22 کوثر نیازی کالونی میں ڈالی جانے والی سیوریج لائن کا معائنہ کررہے تھے ۔اس موقع پریوسی چیئرمین،وائس چیئر مین و دیگر متعلقہ افسران بھی موجود تھے ۔چیئرمین نے کہا کہ ضلع وسطی کے مسائل کو ترجیحی بنیادوں پر حل کرنے کی کوشش کررہے ہیں تاکہ ضلع وسطی کے مکین صحت مند اور خوشگوار ماحول میں زندگی گزار سکیں ۔انہوں نے کہا کہ ضلع وسطی کو صاف و شفاف بنانے کے لئے بلاتعطل صفائی ستھرائی،شہر کے باہر کچرے کی منتقلی ، برساتی نالوں کی صفائی ، بڑھتی ہوئی ناجائز تجاوزات کے خلاف آپریشن، پارکس و پلے گراؤنڈز،گرین بیلٹس کی تزئین و آرائش کے ساتھ ساتھ مختلف علاقوں میں پانی وسیوریج لائن کی مرمت کا کام جاری ہے ۔ریحان ہاشمی نے کہا کہ پانی و سیوریج لائنوں کی لیکج کی وجہ سے بیشتر علاقوں کی سڑکیں بد حالی کا شکار ہیں اور علاقے گندے پانی کے جوہڑ دکھائی دیتے ہیں واضع رہے کہ بلدیہ وسطی نے اپنے غیر ترقیاتی اخراجات میں کمی کرکے اپنی مدد آپ کے تحت ضلع وسطی کے مختلف علاقوں جن میں گلبہار ،لیاقت آباد نیو کراچی و نارتھ کراچی میں بوسیدہ لائنوں کی تبدیلی کا کام کروایا اور عوام کے برسوں پرانے مسائل کو حل کیا ۔اس موقع پرکوثر نیازی کالونی کے مکینوں نے اُن کے دیرینہ مسئلے کو حل کرنے پر چیئرمین بلدیہ وسطی اور ان کی ٹیم کا شکریہ ادا کیا ۔ 

23rd Feb 2018 DMC Central Karachi Press Release

22nd Feb 2018 DMC Central Karachi Press Release

22nd Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ کراچی کی ترقی پاکستان کی ترقی کی ضامن ہے ، پاکستان کو قائد اعظم کا پاکستان بنانے کیلئے کراچی کو پُر امن اور ترقی یافتہ بناناہوگا۔کراچی وفاق کو% 68 ریونیو جنریٹ کرکے دے رہا ہے جبکہ بدلے میں کراچی کو 1.7% دیا جاتا ہے ۔کراچی کے ساتھ نا انصافی ہورہی ہے ،نوجوانوں کا ٹیلنٹ کوٹہ سسٹم کے زریعے ضائع کیا جارہا ہے ۔وہ پرچم پاکستان ویلفیئر سوسائٹی کی جانب سے منعقدہ آل کراچی اسکولز اسپیچ اینڈٹیبلو کمپٹیشن میں شریک تھے ۔اس موقع پر رکن صوبائی اسمبلی جمال احمد بھی ان کے ہمراہ موجود تھے ۔انہوں نے ماہرین تعلیم سے مخاطب ہوتے ہوئے کہا کہ پاکستان کو ترقی یافتہ ملک بنانے کیلئے یکساں نظام تعلیم رائج کرنا ہوگا اورماہرین تعلیم کو اس سلسلے میں اپنا کردار ادا کرنا ہوگا،یکساں نظام تعلیم کے زریعے ہم مستقبل میں یکساں سوچ ،فہم اور خیالات کے حامل نوجوان تیار کرسکیں گے،جو ایک سوچ اور نظریہ کے ساتھ پاکستان کی تعمیر و ترقی میں اپنا کردار ادا کر سکیں گے ۔واضع رہے کہ تقریب میں اسکول کے بچوں نے مختلف ٹیبلو اور تقاریر پیش کیں ،چیئرمین بلدیہ وسطی ریحان ہاشمی نے تقریب کے آخر میں نمایاں کامیابی حاصل کرنے والے طلباء و طالبات کو انعامات اور شیلڈ تقسیم کئے ،اس موقع پر پرچم پاکستان ویلفیئر سوسائٹی کی جانب سے چیئرمین بلدیہ وسطی ریحان ہاشمی اور رکن صوبائی اسمبلی جمال احمد کو اجرک کا تحفہ بھی پیش کیا ۔

22nd Feb 2018 DMC Central Karachi Press Release

21st Feb 2018 DMC Central Karachi Press Release

21st Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ ضلع وسطی کی تعمیر و ترقی میں ہم سب کو اپنا مثبت کردار ادا کرنا ہوگا۔ بلدیہ وسطی کے حدود میں صحت مند ماحول کی فراہمی کیلئے تعلیمی درسگاہوں ا ور کھیل کے میدانوں کو آبادکرنا ہوگا۔وہ نارتھ ناظم آباد بفر زون 15-A میں شہدائے حق اسپورٹس گراؤنڈزمیں کھیلے جانے والےBSL کرکٹ ٹورنامنٹ میں شریک تھے ۔چیئرمین نے کہا کہ جہاں کھیل کے میدان آباد ہوتے ہیں وہاں کے ہسپتال ویران ہوتے ہیں انہوں نے کہا کہ ہم نے تہیہ کرلیا ہے کہ ضلع وسطی کو صاف و شفاف کرنے کے ساتھ کھیل کے میدان بھی آباد کرئینگے تاکہ نوجوانوں کو اسپورٹس کی سرگرمیاں جاری رکھنے میں آسانی ہو ۔ اس سلسلے میں بلدیہ وسطی بہتر حکمت عملی کے ساتھ کام کررہی ہے اور ضلع وسطی کے مختلف علاقوں میں پارکس و پلے گراؤنڈز کو آباد کرکے عوام کے حوالے کیا جارہا ہے اس سلسلے میں بلدیہ وسطی کی انتظامیہ نے ایک سال کی مختصر مدت میں65 پارکس و پلے گراؤنڈز آباد کرکے عوام کے حوالے کردیئے ہیں جہاں اسپورٹس کی سرگرمیاں زور و شور سے جاری ہیں وہیں عوام کو سیر و تفریح اور صحت مند ماحول کی فراہمی کو ممکن بنایا جارہا ہے ۔انہوں نے مزید کہا کہ نیو کراچی 5-Dسیکٹر میں برسوں کے جمع شدہ کچرے کے ڈھیر کو صاف کرکے فٹبال گراؤنڈ بنایا گیا ہے جہاں نوجوان اور بچے گراؤنڈ پر فٹبال میچ کھیل رہے ہیں ۔ انہوں نے کہا کہ وسائل کی کمی کے باوجو د محکمہ باغات ضلع میں موجود پارکس ، پلے گراؤنڈز اور گرین بیلٹس کی تزین و آرائش کا کام بھر پور انداز میں سر انجام دے رہا ہے آخر میں چیئرمین بلدیہ وسطی ریحان ہاشمی نے BSL کرکٹ ٹورنامنٹ کی فاتح ٹیم کو ونر ٹرافی دی جبکہ کھلاڑیوں میں انعامات اور شیلڈ بھی تقسیم کئے گئے۔

21st Feb 2018 DMC Central Karachi Press Release