14th Oct 2018 DMC Central Karachi Press Release

14th Oct 2018 DMC Central Karachi Press Release

کراچی ( ) بلدیہ وسطی اور سوہنی دھرتی یوتھ کونسل کے زیرِ اہتمام بلدیہ وسطی کے مرکزی دفتر واقع شاہراہِ ابنِ سینا کے لان میں صاحبزادہ سید سمیع الدین شاہ قادری، جیلانی ،نقشبندی، چشتی،( متولی حضرت مخدوم ابوالقاسم نقشبندیؒ ) ٹھٹھ کی زیر صدارت '' جشنِ فرید ؒ کے عنوان سے ایک پُر رونق محفلِ نعت و سماع کا اہتمام کیا گیا۔ جس میں شہر کے معروف نعت خواں حضرات نے خوش الحانی سے نعت بہ حضورِ سرورِ کائنات حضرت محمد مصطفے ﷺ پیش کی اور قوّالوں نے صوفیانہ کلا م سُنا کر حاضرین سے بے پناہ داد وصول کی۔ اس موقع پر چیئرمین بلدیہ وسطی ریحا ن ہاشمی نے حاضرین سے خطاب کرتے ہوئے کہا کہ صوفیائے کرام کا اسلام کی ترویج و تبلیغ میں بہت اہم کردار ہے ۔ بر صغیر میں غیر مسلموں کو اسلام کی جانب راغب کرنے کے لئے صوفیائے کرام کی خدمات قابلِ داد و تحسین ہیں۔انہوں نے کہا کہ محفلِ سماع کاانعقاد دراصل صوفیائے کرام کو خراجِ تحسین پیش کرنے کی ادنیٰ سی کوشش ہے ۔ صاحبزادہ سید سمیع الدین شاہ قادری، جیلانی ،نقشبندی چشتی،( متولی حضرت مخدوم ابوالقاسم نقشبندیؒ ) نے محفلِ سماع کی صدارت کی۔ متحدہ قومی موومنٹ پاکستان کے رکن رابطہ کمیٹی زاہدمنصوری، رکنِ قومی اسمبلی اسامہ قادری، وائس چیئرمین بلدیہ وسطی سید شاکر علی،میونسپل کمشنر وسیم سومرو،پروفیسرڈاکٹر علامہ شاہ فیروزالدین رحمانی، چیئرمین و چیئرپرسن اسٹنڈنگ کمیٹیز بلدیہ وسطی،ضلع وسطی کے منتخب یوسی چیئرمین و وائس چیئرمین، اراکینِ کونسل بلدیہ وسطی نے محفلِ سماع میں شرکت کی۔ اہلسنّت رابطہ کونسل کے چیئرمین مسرور ہاشمی ، ناگپوری سلسلۂ صوفی�أ کے طٰسین علی تاجی بخاری(سجادہ نشین تاجی بابا) نے اپنے مریدوں کے ہمراہ شرکت کی۔وجاہت علی تاجی (متولی دربارلیاقت آباد)، محمد علی شاہ نے بھی شرکت کی ۔جبکہ مختلف سلسل�ۂ صوفیائے کرام سے تعلق رکھنے والے بزرگان و معتقدین نے بھی محفلِ سماع میں شرکت کرکے صوفیائے کرام سے اپنی محبت و عقیدت کا اظہارکیا۔ سوہنی دھرتی یوتھ کونسل کے چیئرمین سید محمد عادل ابراہیم نے چیئرمین بلدیہ وسطی کی صوفیائے کرام سے محبت کی تعریف کرتے ہوئے صوفی اِزم کی ترویج کے لئے بلدیہ وسطی کے ساتھ ہر قسم کے تعاون کایقین دلایا۔ محفلِ سماع میں جن قوالوں نے اپنے ہمنواؤں کے ساتھ کلام پیش کیا اُن میں عبداللہ نیازی قوال و ہمنوا، زمان زکی تاجی قوال و ہمنوا شامل تھے۔ علی حسّان نے نظامت کی۔محفلِ سماع میں شرکت کے لئے نہ صرف بلدیہ وسطی بلکہ کراچی کے مختلف علاقوں سے صوفیانہ سلسلے سے تعلق رکھنے والے اور صوفیانہ کلام سماعت کرنے سے دلچسپی رکھنے والے خواتین و حضرات نے بڑ ی تعداد میں شرکت کی۔

14th Oct 2018 DMC Central Karachi Press Release

13th Oct 2018 DMC Central Karachi Press Release

13th Oct 2018 DMC Central Karachi Press Release

کراچی ( ) بلدیہ وسطی عوام کو صاف و شفاف ماحول کی فراہمی کو ممکن بنانے کے لئے ہر ممکنہ اقدام کر رہی ہے صحت مند ماحول کی فراہمی میں حائل کسی بھی قسم کی کوتاہی ،لاپرواہی برداشت نہیں کی جائیگی ان خیالات کا اظہار چیئرمین بلدیہ وسطی ریحان ہاشمی نے ضلع وسطی کے مختلف علاقوں میں صفائی ستھرائی کے کاموں کا معائنہ کرتے ہوئے کیا ۔اس موقع پر انہوں نے ضلع وسطی میں سرکار ی و نجی تعلیمی اداروں کے اطراف سے کوڑاکرٹ صاف اور طلبا و طالبات کو تعلیم حاصل کرنے کے لئے صحتمندانہ ماحول فراہم کرنے کے لئے بلدیہ وسطی سینی ٹیشن ڈپارٹمنٹ کو ہدایت دیں ۔ تفصیلات کے مطابق چیئرمین بلدیہ وسطی نے ضلع وسطی میں واقع مختلف سرکاری اسکولوں کی عمارتوں اور باؤنڈری کی مخدوش صورتِ حال کی بن�أپر اسکولوں کی حدود کے اندر اور اطراف میں کوڑاکرکٹ جمع ہونے کا نوٹس لیتے ہوئے بلدیہ وسطی کی حدود میں واقع تمام سرکاری و نجی اسکولوں کے اطراف صفائی کے بہتر انتظامات کرنے کے لئے سینی ٹیشن ڈپارٹمنٹ کو ہدایت کی ہے ۔ واضح رہے کہ محکمۂ تعلیم حکومتِ سندھ کی لاپرواہی کی بنا پر اکثر سرکاری اداروں کی عمارتوں کی حالت ناگفتہ بہ ہے جبکہ اسکول باؤنڈریز کے مخدوش اور ٹوٹ جانے کی بھی اطلاعات ہیں جس کی بناء پر نہ صرف اسکولوں کے باہر بلکہ اُن کی حدود کے اندر بھی کوڑا کرکٹ جمع ہورہاہے جس کو اسکول انتظامیہ نہ تور وک سکتی ہے اور نہ ہی صاف کراسکتی ہے کیونکہ ٹوٹی دیواروں کے نزدیک کوڑا پھینکنا عوام کی عادت بن چکی ہے ۔ ایسی صورتِ حال سے نمٹنے کے لئے چیئرمین بلدیہ وسطی ریحان ہاشمی نے سینی ٹیشن ڈپارٹمنٹ کو اس جانب فوری توجہ دیتے ہوئے اسکولوں کے اطراف سے کوڑاکرکٹ صاف کرنے کی ہدایت کی ہے تاکہ تعلیمی اداروں کو تعفن زدہ ماحول سے نجات دلائی جاسکے اور طلبا و طالبات صحتمندانہ ماحول میں تعلیم حاصل کرسکیں۔ 

13th Oct 2018 DMC Central Karachi Press Release

12th Oct 2018 DMC Central Karachi Press Release

12th Oct 2018 DMC Central Karachi Press Release

کراچی ( ) ضلع وسطی میں واقع حکومت سندھ کے زیر انتظام چلنے والے سرکاری اسکولوں کے اطراف سے بلدیہ وسطی کے سینی ٹیشن ڈپارٹمنٹ نے کوڑاکرکٹ صاف کردیا ہے ۔ جبکہ کے حکومتِ سندھ کے محکمۂ تعلیم کی جانب سے لاپرواہی اسکولوں کی عمارتوں کے مخدوش ہوجانے کا سبب بن گئی۔تفصیلات کے مطابق حکومت سندھ کے زیر انتظام چلنے والے ضلع وسطی نیوکراچی زون سیکٹر5-A /1میں ایک ہی باؤنڈری کے اندرواقع تین گورنمنٹ اسکولوں کے گراؤنڈ میں کوڑاکرکٹ جمع ہونے سے اسکول کے طلبا و طالبات کے ساتھ علاقہ مکین بھی پریشانی کا شکار تھے۔ اسکولوں کے صدر دروازے کی مخدوش حالت کے سبب کوڑاکرکٹ اسکول میں داخل ہورہا تھا جبکہ گاربیج مافیہ اور عوام کی جانب سے کوڑاکرکٹ پھینکنے کی وجہ سے اسکول میں کچراکونڈی کی سی کیفیت پیدا ہوگئی تھی۔ بلدیہ وسطی کے سینی ٹیشن ڈپارٹمنٹ نے مذکورہ غیر صحت مندانہ کیفیت کے خلاف مشینری اور افرادی قوت استعمال کرتے ہوئے کوڑے کرکٹ کو صاف کرایاتاکہ علاقہ مکین اور اسکول کے طلبا و اساتذہ بہتر ماحول میں سانس لے سکیں۔ واضح رہے کہ مذکورہ اسکول نارتھ کراچی سیکٹر 5A /1 میں واقع ہے ، اسکول کی حدود میں سیوریج لائن کی لیکج کی وجہ سے اسکول کے گراؤنڈ کے اندر دلدلی کیفیت پیدا ہوچکی تھی۔اسکول کی دیواریں مخدوش اور کئی جگہ سے ٹوٹی ہوئی ہیں۔ جبکہ اسکول کے ساتھ پبلک پلے گراؤنڈ ہے۔ جبکہ خود اسکول کا کوڑا بھی اسکول کی دیوار کے ساتھ پھینکا اور جلایا جاتاہے ۔ دوسری جانب اسکول کے ساتھ گٹر لائن مخدوش ہوجانے کی وجہ سے سیوریج لائن چوک ہوگئی ہے اور اکثر پانی اُبلتارہتاہے ۔ کراچی واٹر اینڈ سیوریج بورڈ اسکول کے اطراف گٹرلائن کو تبدیل کرنے کی جانب کوئی توجہ نہیں دے رہی جس کے سبب مذکورہ بالا علاقے میں گندے پانی کے جوہڑ بن جاتے ہیں ۔ تاہم بلدیہ وسطی نے اپنے وسائل استعمال کرتے ہوئے اسکول کی باؤنڈری کے اندر سے کوڑا کرکٹ اُٹھوادیا ۔تاکہ طلبا و طالبات کو ایسے تعفّن زدہ ماحول سے بچایا جاسکے۔کراچی واٹر اینڈ سیوریج بورڈ اور محکمۂ تعلیم حکومتِ سندھ کی جانب سے لاپرواہی کے مظاہرے کی وجہ سے بلدیہ وسطی کو دوہری ذمہ داریاں اُٹھانی پڑ رہی ہیں۔ محکمۂ تعلیم حکومتِ سندھ کو چاہئے کہ تمام اسکولوں کی عمارتوں کا معائنہ کیا جائے اور جہاں جہاں مرمت کی ضرورت ہے ، وہاں فوری مرمتی کام کرایا جائے ۔جبکہ کراچی واٹر اینڈ سیوریج بورڈ کو چاہئے کہ اسکولوں کے نزدیک مخدوش گٹر لائنو ں کو بلا تاخیر تبدیل کرے تاکہ طلباء و طالبات کو بہتر ماحول میں تعلیم کی فراہمی ممکن ہو۔ چیئرمین بلدیہ وسطی کی ہدایت پر سینی ٹیشن ڈپارٹمنٹ ضلع وسطی کے تمام سرکاری ونیم سرکاری اسکولوں کے ساتھ ساتھ نجی اسکولوں کے اطراف سے بھی کوڑا کرکٹ صاف کررہاہے۔ 

12th Oct 2018 DMC Central Karachi Press Release

10th Oct 2018 DMC Central Karachi Press Release

10th Oct 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے سینی ٹیشن ڈپارٹمنٹ کو ہدایت کی ہے کہ ضلع وسطی کے تمام زونز کوڑے کرکٹ سے پاک کردئیے جائیں۔ سینی ٹیشن ڈپارٹمنٹ اپنی کارکردگی کو بہتر سے بہترین کی سطح پر لانے کے لئے تمام دستیاب وسائل بروئے کار لائے۔ وہ بلدیہ وسطی کے سینی ٹیشن ڈپارٹمنٹ کی جانب سے کئے جانے والے صفائی کے انتظامات کا جائزہ لینے کے لئے ضلع وسطی کے مختلف علاقوں کے دورے پر بلدیاتی افسران سے گفتگو کررہے تھے۔اس موقع پر ڈپٹی کمشنر (سینٹرل)فرحان غنی،اسسٹنٹ کمشنرز رفیق شیخ اور فہیم بھی موجود تھے۔ ریحان ہاشمی نے لیاقت آباد ،کریم آباد چورنگی، عائشہ منزل چورنگی، فائیو اسٹار چورنگی پر صفائی ستھرائی کے کام کا معائنہ کیاچیئرمین بلدیہ وسطی ریحان ہاشمی نے سینی ٹیشن ڈپارٹمنٹ کی جانب سے صفائی اور کچرا منتقل کرنے کے لئے کئے جانے والے انتظامات کا معائنہ کرنے اور افرادی قوت کی کارکردگی جانچنے کے لئے خصوصی دورہ کیا ۔اس موقع پر سینی ٹیشن ڈپارٹمنٹ کے افسران نے ریحان ہاشمی اور ڈپٹی کمشنر (سینٹرل) کو سینی ٹیشن ڈپارٹمنٹ کی کاوشوں اور کارکردگی سے آگاہ کیا جس کے سبب ضلع وسطی کو صاف رکھنے کی بھر پور کوشش جاری ہے۔ جبکہ مرد و خواتین کارکنان ضلع وسطی کو صاف رکھنے کے لئے دن رات اپنی صلاحیتوں سے کام لے رہے ہیں۔ جبکہ کچرا شہر سے باہر منتقل کرنے کے لئے بلدیہ وسطی کے موٹر وہیکل ڈپارٹمنٹ کی ہیوی مشینری استعمال کی جارہی ہے۔بعد ازاں انہوں نے ناظم آباد پیٹرول پمپ سے بورڈ آفس تک گرین بیلٹ کا معائنہ کیا ،واضح رہے کہ ریحان ہاشمی نے صفائی ستھرائی کے انتظامات کو کسی خصوصی مہم سے مشروط کرنے کے بجائے ہر دن نئی مہم کا دن قراردیا ہے ۔صفائی اور شہری آبادی سے کچرامنتقل کرنے کی کارروائی مسلسل بلا تعطل جاری ہے۔ 

10th Oct 2018 DMC Central Karachi Press Release

9th Oct 2018 DMC Central Karachi Press Release

9th Oct 2018 DMC Central Karachi Press Release

KARACHI: A comprehensive training program at traffic police department has been started at DMC central to ease traffic congestion during traffic mess in district Karachi central.

The DMC Central chairman Rehan Hashmi said at initial stage 100 employees including youngsters are being trained at traffic police department.

These trainees will come under rescue department of DMC central.

Chairman these all trainees are youngsters and some seniors are also included for their supervision.

Answering to a question Chairman said it is continued process to impart training.

کراچی ( ) بلدیہ وسطی میں بڑھتے ہوئے ٹریفک جام اور ٹریفک کی روانی میں خلل کو کم کرنے کے لئے چیئرمین بلدیہ وسطی ریحان ہاشمی نے بلدیہ وسطی کے ملازمین کو ٹریفک کنٹرول کرنے کی خصوصی تربیت دینے کا فیصلہ کیاہے۔ یہ تربیت یافتہ بلدیاتی عملہ رش کے اوقات میں بلدیہ وسطی کی شاہراہوں اور سڑکوں پر ٹریفک کنٹرول کرنے میں مقامی ٹریفک پولیس کی معاونت کرے گا۔ تفصیلات کے مطابق بلدیہ وسطی کے ایک سو (100) ملازمین ایس پی ( سینٹرل) ٹریفک پولیس ڈپارٹمنٹ کے زیرِ اہتمام منعقد کئے جانے والے ایک جامع تربیتی پروگرام میں شرکت کریں گے ۔ٹریفک پولیس کے تربیت یافتہ افسران و اہلکار بلدیہ وسطی کے نوجوان و سینئر ملازمین کورش آورز میں ٹریفک کنٹرول کرنے کی خصوصی تربیت دیں گے ۔ بلدیہ وسطی کے تربیت یافتہ ملازمین ریسکیو ڈپارٹمنٹ میں پوسٹ کئے جائیں گے جہاں سے وہ ضلع وسطی کے مختلف علاقوں میں رش کے اوقات کے دوران ٹریفک کنٹرول کرنے میں مقامی ٹریفک پولیس کے ساتھ فرائض انجام دیں گے۔ چیئرمین بلدیہ وسطی ریحان ہاشمی کے مطابق نوجوانوں کی تربیت کا یہی قدم ضلع وسطی کے تیز رفتار ٹریفک کو کنٹرول کرنے اور رش آورز کے دوران ٹریفک جام کو ختم کرکے ٹریفک کی روانی کے بحال کرنے میں فعال و معاون ثابت ہوگا۔ انہوں نے کہا کہ عوام کے منتخب نمائندے ہی عوام کی بہبود کیلئے نت نئے پروگرام ترتیب دے سکتے ہیں ۔ یہ تربیتی پروگرام بھی اسی سلسلے کی ایک کڑی ہے ۔

9th Oct 2018 DMC Central Karachi Press Release