9th Nov 2018 DMC Central Karachi Press Release

9th Nov 2018 DMC Central Karachi Press Release

کراچی ( ) بلدیہ وسطی کی جانب سے ضلع وسطی کو سرسبز ، شفّاف اور خوبصورت بنانے کی غیر اعلانیہ مہم جاری ہے، ایم کیو ایم پاکستان کے ڈپٹی کنوینئر اور رکنِ صوبائی اسمبلی سندھ، کنور نوید جمیل نے فیڈرل بی ایریا بلاک 16میں دل کے اسپتال کے قریب چورنگی پر نو تعمیر شدہ فاؤنٹین کا افتتاح کیا۔ جب کہ یونین کمیٹی نمبر28؍ گلبرگ زون میں واقع شاداب گراؤنڈ کی تزئین و آرائش کے لئے سنگِ بنیاد رکھا۔اس موقع پر انہوں نے حاضرین سے خطاب کرتے ہوئے کہا کہ ایم کیو ایم پاکستان ایک عوامی جماعت ہے اور عوام کے بہتری اور بہبود کے لئے ہر ممکن اقدام کررہی ہے ۔ کیونکہ عوامی نمائندے ہی عوام کی تکلیف کو بہتر طور پر سمجھتے ہیں۔انہوں نے کہا کہ کراچی کی خوبصورتی کو بحال کرنے اور اس کے شب و روز کو روشن بنانے کے لئے ایم کیوایم پاکستان مسلسل کوشاں ہے۔سنگِ بنیاد رکھے جانے کی تقریب میں رکن رابطہ کمیٹی ایم کیو ایم پاکستان عبدالقادر خانزادہ ،رکن صوبائی اسمبلی عباس جعفری ، چیئرمین بلدیہ وسطی ریحان ہاشمی، چئیرمین یوسی 28؍حسن نقوی و وائس چیئرمین جمشیدعلی قائمخانی،مختلف یوسیز کے چیئرمین و وائس چیئرمینوں کے علاوہ عوام کے بڑی تعداد نے بھی شرکت کی۔ تفصیلات کے مطابق بلدیہ وسطی کی جانب سے ضلع وسطی کو خوبصورت اورصاف و شفّاف بنانے کے لئے بلدیہ وسطی کی چیئرمین ریحان ہاشمی کی جانب سے مختلف اقدامات اُٹھائے جارہے ہیں جن میں رہائشی علاقوں کو صاف ستھرارکھنا، کھیل کی میدانوں اور پارکوں کی تزئین و آرائش کے ساتھ ساتھ تعمیرِ نو کے اقدامات بھی شامل ہیں۔ گلبرگ زون بلاک 16؍ میں واقع دل کے اسپتال کے قریب نوتعمیر شدہ فوارے اور گلبرگ زون میں ہی یوسی 28؍ میں واقع شاداب کرکٹ گراؤنڈ کی تزئین و آرائش کے لئے شروع کئے جانے والے کام کے سلسلے میں ایم کیو ایم پاکستان کے ڈپٹی کنوینئر کنور نوید جمیل نے افتتاح کیااور سنگِ بنیاد رکھا۔شاداب گراؤنڈ کی تزئین و آرائش کے سنگ بنیاد کے موقع پر عوام کی بڑی تعداد نے شرکت کی اور بلدیہ وسطی کی جانب سے کی جانے والی کوششوں کو سراہا۔ امید کی جاتی ہے کہ ریحان ہاشمی اور انکی ٹیم کے پر خلوص اور مسلسل اقدامات ضلع وسطی کی خوبصورتی میں چار چاند لگادیں گے۔

9th Nov 2018 DMC Central Karachi Press Release

8th Nov 2018 DMC Central Karachi Press Release

8th Nov 2018 DMC Central Karachi Press Release

کراچی ( ) نیوکراچی کے مختلف سیکٹرز میں پانی کی قلّت کے خلاف عوام نے احتجاجی دھرنا دیا، واٹر بورڈ کا عملہ عوامی احتجاج سے خوف زدہ ہوکر فرار ہوگیا۔ تفصیلات کے مطابق نیوکراچی ٹاؤن آفس کی چاردیواری میں واقع واٹر بورڈ کے دفتر پر نیوکراچی کے مختلف سیکٹرز سے تعلق رکھنے والے باشندگان نے احتجاجی دھرنا دیا،مظاہرین کا کہنا تھا کہ ان کے علاقے میں کئی روز سے پانی کی قلت ہے لیکن واٹر بورڈ کے حکام شکایات درج کرانے کے باوجود عوام کی شکایات کے ازالے کے لئے کوئی مثبت قدم نہیں اُٹھارہے ہیں۔ درایں اثناء چیئرمین بلدیہ وسطی بھی عوام کے ساتھ احتجاج میں علامتی دھرنا دینے والوں کے ساتھ شانہ بشانہ شریک ہوئے ۔انہوں نے اس موقع پر واٹر بورڈ پر زور دیا کہ وہ کسی بھی صورت میں عوام کی پریشانیوں کو دُور کرنے کے لئے ایمرجنسی اقدامات کریں اور عوام کا دل جیت لیں۔دوسری جانب عوام کی جانب سے چئیرمین بلدیہ وسطی ریحان ہاشمی کو انکی خدمات پر خراجِ تحسین پیش کیا گیا جبکہ عوام کے ساتھ شانہ بشانہ رہنے پر ان کا شکریہ اداکیا گیا۔اور واٹر بورڈ حکام کی ظالمانہ خاموشی پر انکے خلاف نعرے لگائے گئے۔واضح رہے کہ چیئرمین بلدیہ وسطی ریحان ہاشمی مسلسل اور مستقل طور پر واٹر بورڈ حکام سے رابطہ کرتے رہیں ہیں تاکہ انہیں ضلع وسطی کے مختلف علاقوں میں پانی کی قلت سے آگاہ کرنے کے ساتھ پانی کی فراہمی یقینی بنانے کے لئے اقدامات کرنے پر مجبور کیا جاسکے۔بعدازاں مظاہرین پُر امن طور پر منتشر ہوگئے۔ 

8th Nov 2018 DMC Central Karachi Press Release

7th Nov 2018 DMC Central Karachi Press Release

7th Nov 2018 DMC Central Karachi Press Release

چئیرمین بلدیہ وسطی ریحان ہاشمی کی صدارت میں استقبالِ ربیع الاوّل کے سلسلے میں پروگرام ترتیب دینے کے لئے ایک اہم اجلاس منعقد ہوا۔ اجلاس میں مختلف مکاتبِ فکر سے تعلق رکھنے والے علمأ ،منتظمین مساجد و امام بارگاہ اور منتظمین جلوس نے شرکت کی۔ اجلاس میں حق پرست ارکانِ صوبائی اسمبلی سندھ خواجہ اظہار الحسن اورسید عباس جعفری نے خصوصی شرکت کی۔ ڈپٹی کمشنر سینٹرل فرحان غنی، میونسپل کمشنر محمد وسیم سومرو، ضلع وسطی پانچوں ڈویژنوں کے اسسٹنٹ کمشنر صاحبان ، ایس ایس پی سینرل ، رینجرز کے افسران ، کراچی واٹر اینڈ سیوریج بورڈ، کے الیکٹرک اور بلدیہ وسطی کے مختلف شعبوں سے تعلق رکھنے والے افسران بھی اجلاس میں موجود تھے۔ ارکان سندھ اسمبلی عباس جعفری اورخواجہ اظہار الحسن نے جشنِ ولادتِ رسول ﷺ کے انعقاد میں ہر قسم کے ممکنہ تعاو ن کا یقین دلایا۔ ڈپٹی کمشنر فرحان غنی نے کہا کہ ڈی سی آفس ہر سال کی طرح اس بار بھی ولادتِ باسعادت ﷺ کے سلسلے میں عوام کی خواہشات پر پورا اتریں گے۔ ڈی سی آفس دینی نوعیت کے تمام پروگرامز کے معاملات اور مسائل سے واقف ہے۔ اس موقع پر حاضرین سے خطاب کرتے ہوئے ریحان ہاشمی نے کہاکہ ضلع وسطی میں ہر سال کی طرح امسال بھی جشنِ ولادتِ رسول ﷺ اسلامی تشخص اور رسولِ اکر م محمد مصطفےٰ ﷺ سے محبت کے اظہار کے جذبہ کے ساتھ منایا جائے گا۔ انہوں نے بلدیاتی خدمات کے حوالے سے حاضرین کو یقین دلایا کہ جشنِ ولادتِ رحمت اللعالمین ﷺ کے پروگراموں کے انعقاد میں بلدیہ وسطی کے افسران و کارکنان ہمہ وقت خدمات انجام دیتے رہیں گے۔ انہوں نے بتایاکہ مساجد ، امام بارگاہوں ، عیدگاہوں اور دیگر عوامی اجتماعات کے مقامات پر خصوصی صفائی کا انتظام کیا جارہاہے جبکہ رات کے وقت تمام جلوسوں کے راستوں پر خصوصی روشنی کا انتظام کیا جائے گا۔ جبکہ جلوسوں کے راستوں میں پانی کی سبیلیں بھی لگائی جائیں گی تاکہ مُحبّانِ مُصطفے ﷺ کو پیاس کی شد ت میں پانی و شربت میسّر آسکے۔علمأ نے نکتہ اُٹھایا کہ ہمیں ہر دینی تہوار پر واٹر اینڈ سیوریج بورڈ کو انکی ذمہ داریاں یادد لانی پڑتی ہیں ، ایسا کیوں نہیں ہوتا کہ جہاں جشن عید الامیلا د ﷺکی محفلیں سجائی جاتی ہے ایسی جگہوں پر عوامی خدمات کے ادارے اپنی ذمہ داریوں کو بغیر یادہانی بہ از خود انجام دیں اور عوام کو مشکلات کا سامنا کرنے سے بچائیں۔اجلاس کے دوران شہید مولانا سمیع الحق کے لئے فاتحہ خوانی کی گئی اور انکی مغفرت و درجات کی بلندی کے لئے دُعا کی گئی۔ اجلاس کے اختتام پر دُرود و سلام کا نذرانہ رحمت اللعالمین محمد مصطفے ﷺ کے حضور پیش کیا گیا۔

7th Nov 2018 DMC Central Karachi Press Release

6th Nov 2018 DMC Central Karachi Press Release

6th Nov 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کا وائس چیئرمین سید شاکر علی کے ہمراہ یونین کمیٹی نمبر 14کا تفصیلی دورہ ،الحرا پارک ،محمد بن قاسم گراؤنڈ اور انڈا موڑ پر قائم تجاوازات کا جائزہ ۔ یونین کمیٹی نمبر14کے وائس چیئرمین عفان سلیم نے چیئرمین بلدیہ وسطی کو یوسی میں ترقیاتی کاموں کے حوالے سے تفصیلات فراہم کی جبکہ یوسی میں قائم ہونے والی تجاوزات پر اپنے خدشات کا اظہار کیا ۔ چیئرمین بلدیہ وسطی ریحان ہاشمی نے کہاکہ تجاوزات کسی بھی شکل میں ہوں سڑکوں کی خوبصورتی میں بد نما داغ ہوتی ہیں جنھیں فوری طور پر ختم کیا جانا چاہیئے انہوں نے اینٹی انکروچمنٹ سیل کو ہدایت کی کہ ضلع وسطی میں قائم تجاوزات کے خاتمہ کو یقینی بنائے۔ ریحان ہاشمی نے کہا کہ ضلع وسطی کی شاہراہوں کی خوبصورتی میں اضافے کے لئے بلدیہ وسطی کی جانب سے شروع کی جانے والی مہم کے دوران گرین بیلٹ پر ہزاروں پودے لگائے جارہے ہیں جبکہ چورنگیوں پر بیوٹی فکیشن کے کام بھی جاری ہیں ۔ اس سلسلے میں عائشہ منزل تا یسین آباد تک بیوٹی فیکشن کا کام جاری ہے جبکہ سڑکوں پر قائم پتھاروں اور تجاوزات کو ختم کرکے ٹوٹ پھوٹ جانے والے فٹ پاتھوں کی مرمت بھی کی جارہی ہے اس موقع وائس چیئرمین سید شاکر علی نے کہا کہ بلدیہ وسطی اپنی عوام کو انکی دہلیز پر سہولیات کی فراہمی میں کوشاں ہے انہوں نے محکمہ باغات کے افسران پر شدید برہمی کا اظہار کرتے ہوئے ہدایت دی کہ یوسی14 میں قائم محمد بن گراؤنڈ اور الحرا پارک کی تزئین و آرائش کے کام کو جلد ازجلد مکمل کیا جائے تاکہ عوام سستی تفریح سے استفادہ حاصل کر سکیں۔انہوں نے کہا کہ عوام کو سستی تفریح کی فراہمی میں کسی قسم کی کوتاہی برداشت نہیں کی جائیگی ۔

6th Nov 2018 DMC Central Karachi Press Release

5th Nov 2018 DMC Central Karachi Press Release

5th Nov 2018 DMC Central Karachi Press Release

کراچی ( ) بلدیہ وسطی میں پیپلز چورنگی نارتھ ناظم آباد سے نمک بینک بفرزون تک ڈبل روڈ کی صفائی جاری۔ سڑک کے ساتھ بہنے والے خستہ حال سیوریج نالے کی مرمت اور گرین بیلٹ میں پودے لگانے کے لئے اقدامات۔چیئرمین بلدیہ وسطی ریحان ہاشمی نے مذکورہ سڑک کا دورہ کیا اور بلدیہ وسطی کے عملے کی جانب سے ہونے والے کام کا جائزہ لیا۔اس موقع پر میونسپل کمشنر بلدیہ وسطی وسیم سومرو،یونین کمیٹی نمبر۲۴ کے چیئرمین عبدالکریم یوسف زئی ،XEN بلدیہ وسطی نازش رضا،و دیگر متعلقہ افسران بھی موجود تھے ۔تفصیلات کے مطابق ضلع وسطی میں نارتھ ناظم آباد زون کے علاقے یونین کمیٹی نمبر۲۴ پیپلز چورنگی سے نمک بینک بفرزون تک کی ڈبل روڈ کو پانی کی لائن ڈالنے کے بعد کھودی گئی سڑک واٹر بورڈ کی نااہلی کی وجہ سے کافی عرصہ سے خستہ حالی کا شکار تھی کیونکہ واٹر بورڈ کے عملے نے سڑک کھودنے کے بعد کھدائی سے پیدا ہونے والے ملبے اور مٹی کو برابر کرنے کے بجائے یوں ہی بکھرا چھوڑ دِیا جبکہ کھودی گئی سڑک کو دوبارہ تعمیر بھی نہیں کیا۔ جس کے سبب نہ صرف یہاں سے گزرنے والی ویگنوں، رکشوں ، کاروں اور موٹر سائکل سواروں کو دشواری کا سامنا تھا بلکہ علاقہ مکین بھی خستہ حال سڑک سے اُٹھنے والی دُھول سے مشکلات کا شکار تھے۔دھول مٹی ایک جانب تو سانس کی بیماری کا سبب بن رہی ہے جبکہ گھر، فلیٹس اور دکانیں گرد سے اَٹی جارہی ہیں۔ اس پریشان کُن صورتِ حال کومدِّ نظر رکھتے ہوئے چیئرمین ضلع وسطی ریحان ہاشمی نے بلدیہ وسطی کے اخراجات پر مذکورہ سڑک کی صفائی کے احکامات جاری کردئے ہیں جبکہ سڑک کے ساتھ بہنے والے سیوریج نالے کی خستہ حالی کی درستگی اور گرین بیلٹ کی خوبصورتی کے لئے پودے اور سبزہ لگانے کے لئے متعلقہ ڈپارٹمنٹس کو احکامات جاری کردیئے ہیں۔واضح رہے کہ مذکور سڑک واٹر بورڈ کی جانب سے کھدائی اورخستہ حالی کا شکار ہونے سے قبل چلتی ہوئی سڑک تھی جس پر ویگنیں، رکشہ، چنگچی رکشہ، نجی کاریں اور موٹر سائیکلوں کے علاوہ ٹرک اور ٹرالر بھی چلتے تھے لیکن واٹر بورڈ کی نااہلی نے نہ صرف سڑک کو برباد کردیا بلکہ علاقہ مکینوں کا سکون بھی بربادکردیا جبکہ ٹریفک کا نظام درہم برہم ہوگیا ہے۔تاہم چیئرمین بلدیہ وسطی ریحان ہاشمی کی حالیہ کوششوں سے اُمید کی جاسکتی ہے کہ مذکورہ سڑک عام ٹریفک کے لئے دوبارہ قابلِ استعمال اور بہتر ہو جائے گی ۔ 

5th Nov 2018 DMC Central Karachi Press Release