29th Nov 2018 DMC Central Karachi Press Release

29th Nov 2018 DMC Central Karachi Press Release

کراچی ( )حق پرست بلدیاتی قیادت کی جانب سے عوامی خدمات، اور بلدیاتی سہولیات کی فراہمی کا عمل بلا تعطل جاری ہے ، بلدیاتی افسران و عملہ اپنی ذمہ داریوں کو پوراکرنے کے لئے تندہی کے ساتھ مصروفِ عمل ہیں ۔ جبکہ سینی ٹیشن ڈپارٹمنٹ اور محکمۂ باغات کا عملہ صفائی اور شجرکاری کے معاملات کو بہتر بنانے کے لئے بھرپور صلاحیتوں کا استعمال کررہے ہیں۔ان خیالات کا اظہار چیئرمین بلدیہ وسطی ریحان ہاشمی نے رکن رابطہ کمیٹی ایم کیو ایم پاکستان وسابق وزیر اوقاف سندھ عبدالحسیب خان کے ہمراہ مرکز تبلیغی جماعت کراچی جامع مدنی مسجد فیڈرل بی ایریا کے اطراف جاری خصوصی صفائی مہم اور دیگر بلدیاتی سہولیات کی فراہمی کے کام کا جائزہ لیتے ہوئے کیا۔اس موقع پر مدنی مسجد کمیٹی کے ممبران بھی ان کے ہمراہ موجود تھے ۔مسجد کمیٹی کے ممبران نے چیئرمین ریحان ہاشمی کی جانب سے فراہم کی جانے والی سہولیات اور خدمات کو سراہا،اس موقع پر رکن رابطہ کمیٹی عبدالحسیب نے کہا کہ مدنی مسجد کراچی دعوت و تبلیغ کا مرکز ہے جہاں ہر جمعرات (شبِ جمعہ)کو مسجد میں خصو صی اجتماع ہوتا ہے اور ہزاروں کی تعداد میں لوگ شرکت کرتے ہیں۔انہوں نے کہا کہ بلدیہ وسطی کی جانب سے فراہم کی جانے والی بلدیاتی سہولیات قابل ستائش ہیں۔بعد ازاں چیئرمین ریحان ہاشمی نے گلبرگ زون کے مختلف علاقوں میں جاری صفائی ستھرائی اور محکمہ پارک کی جانب سے کئے جانے والے کاموں کا جائزہ لیا ۔انہوں نے کہا کہ ضلع وسطی کو خوبصورت بنانے کے لئے ترقیاتی کاموں کے ساتھ ساتھ شجر کاری اور بیوٹی فکیشن کے کام پر خصوصی توجہ دی جارہی ہے اس سلسلے میں محکمہ پارک کی جانب سے عائشہ منزل ،کریم آباد ،واٹر پمپ ،طاہر ولاچورنگی پر کئے جانے والے بیوٹی فکیشن کے کاموں کا بھی معائنہ کیا۔ ریحان ہاشمی نے وہاں موجود عوام سے گفتگو کرتے ہوئے کہا کہ بلدیہ وسطی کا محکمہ باغات ضلع وسطی میں قائم گرین بیلٹس اور پارکوں کو ہرا بھرا رکھنے اور ماحول کو خوشگوار بنانے کے لیئے اپنی کاوشوں میں مصروف ہے بلدیہ وسطی کی شجر کاری مہم میں نجی اسکولوں کے ساتھ ساتھ نجی ادارے بھی کثیر تعداد میں شامل ہوکر سینکڑوں کی تعداد میں پودے لگانے کا ارادہ رکھتے ہیں ۔ واضح رہے کہ چیئرمین بلدیہ وسطی ریحان ہاشمی ضلع وسطی کے بلدیاتی معاملات پر ذاتی توجہ دے رہے ہیں اور تمام زونز میں جاری عوامی خدمات کے کاموں کی نگرانی کے لئے وقتاً فوقتاً دورے کرتے رہتے ہیں ۔

29th Nov 2018 DMC Central Karachi Press Release

28th Nov 2018 DMC Central Karachi Press Release

28th Nov 2018 DMC Central Karachi Press Release

کراچی ( ) بلدیہ وسطی میں صفائی کے معیار کو بہتر سے بہترکی جانب گامزن ، چیئرمین بلدیہ وسطی ریحان ہاشمی کی توجہ سینی ٹیشن ڈپارٹمنٹ کی کارکردگی پر مرکوز ہے مذکورہ شعبہ میں موجود کالی بھیڑوں اور نااہلوں کے خلاف کارروائی بھی جاری ہے۔ تفصیلات کے مطابق ریحان ہاشمی نے بلدیہ وسطی کے سینی ٹیشن ڈپارٹمنٹ کی کارکردگی بہتر بنانے کے لئے فیصلہ کیا ہے کہ جو ملازمین اپنی ذمہ داریوں کو صحیح طو رپر انجام نہیں دیں گے ان کے خلاف محکمہ جاتی کارروائی کی جائے گی اور راہِ راست پر نہ آنے والے ملازمین کے خلاف سخت ایکشن لیا جائے گا۔مزید برآن مختلف شعبوں کے افسران اور دیگر عملے کی متبادل شعبوں میں ٹرانسفر اور پوسٹنگ بھی عمل میں لائی گئی ہے۔ ریحان ہاشمی بلدیہ وسطی کی حدود میں صفائی کے معیار کو بلندکرنے کے ساتھ ساتھ ہریالی میں اضافے کے لئے شجرکاری اور ضلع وسطی کی خوبصورتی بڑھانے کے لئے مختلف پروگرام ترتیب دے رہے ہیں ۔ جو نہ صرف چوراہوں، پلوں، شاہراہوں اور دیگر عوامی اجتماعات کے مقامات کو خوبصورت بنائیں گے بلکہ عوام کے ذہنوں پر بھی خوشگوار تاثر مرتّب کریں گے۔واضح رہے کہ بلدیاتی اداروں میں ملازمین کی جانب سے غیر حاضری، دیر سے دفتر پہنچنا اور ذمہ داری پوری کرنے سے جی چرانا جیسے اعمال کا مظاہرہ ایک عام بات ہے جس کی وجہ سے بلدیاتی اداروں کی کارکردگی پر حرف آتاہے۔ تاہم بلدیہ وسطی میں ایسے نااہل اور غیر ذمہ دار ملازمین کے خلاف کریک ڈاؤن شروع کیا جاچکا ہے کہ جو تنخواہ تو پوری وصول کرتے ہیں لیکن ملازمت کی ذمہ داری پوری کرنے اور محنت و مشقت کرنے سے جان چھڑاتے ہیں۔ ریحان ہاشمی کی جانب سے غیر ذمہ دار ملازمین کے خلاف کارروائی سے بلدیہ وسطی کے ملازمین کی کارکردگی میں بہتری آرہی ہے۔

کراچی ( ) بلدیہ وسطی ، گلبرگ زون میں اسپیشل بچوں کی تعلیم کے لئے ملٹی میڈیا سہولیات فراہم کردی گئیں،ریحان ہاشمی کا احسن اقدام۔ تفصیلات کے مطابق بلدیہ وسطی گلبرگ زون میں قائم گورنمنٹ سرور شہید اسکول کی حدود میں اسپیشل بچوں تعلیم کے لئے قائم اسکول میں بلدیہ وسطی کی جانب سے خصوصی ملٹی میڈیا سہولیات فراہم کردی گئی ہیں ۔ جدید دور کے مطابق تعلیم دینے کے لئے ملٹی میڈیا بہت زیادہ اثر انگیز اور فائدہ مند ذریعۂ تعلیم ہے ۔ اسپیشل بچوں کے لئے خصوصی ملٹی میڈیا سہولت انکی تعلیم میں خاطر خواہ بہتری لانے میں ممد و معاون ثابت ہوگی۔اس سلسلے میں سرور شہید اسکول گلبرگ میں خصوصی تقریب منعقد کی گئی جس میں متحدہ قومی موومنٹ کے سابق حق پرست رکن قومی اسمبلی شیخ صلاح الدین نے بطور مہمانِ خصوصی شرکت کی۔جبکہ میونسپل کمشنر محمد وسیم سومرہ، چیئرمین اسٹینڈنگ کمیٹی (تعلیم) تابش جیلانی اور بلدیہ وسطی کے ڈاریکٹر تعلیم عرفان احمد نے اس بھی پروقار تقریب میں شرکت کی۔اس موقع پر شیخ صلاح الدین نے حاضرین سے خطاب کرتے ہوئے کہا کہ متحدہ قومی موومنٹ اپنی آئندہ نسل کو تعلیم یافتہ اور ہنر مند دیکھنا چاہتی جس کے لئے ہرممکن اقدام کرنے کو تیار ہیں۔ بلدیہ وسطی چیئرمین ریحان ہاشمی کی جانب سے اسپیشل بچوں کو ملٹی میڈیا سسٹم کی فراہمی نئی نسل کی تعلیم کے لئے انکی محبت کا اظہار ہے۔ تابش جیلانی نے کہاکہ بلدیہ وسطی کی انتظامیہ اور قیادت نئی نسل کے لئے تعلیمی ماحول کو بہتر بنانے میں مصروف ہے تاکہ زیادہ سے زیادہ بچے سرکاری اسکولوں میں داخل ہوں۔ قبل ازیں شیخ صلاح الدین نے این جی او کی روح رواں بیگم فرح مُنیر کے ہمراہ اسکول کے ملٹی میڈیا ڈپارٹمنٹ افتتاح کیا۔ اور تقریب کے اختتام پر اساتذہ میں یادگاری شیلڈ پیش کی گئی۔ اسکول کی انتظامیہ کی جانب سے مہمانوں کو بھی یادگاری شیلڈ پیش کی گئی۔اس موقع پر اسپیشل بچوں نے خوبصورت ٹیبلو پیش کرکے اپنی صلاحیتوں کا اظہا رکیا اور مہمانوں سے داد وصول کی۔ مذکورہ اسکول میں فی الوقت پچاس اسپیشل بچے زیرِ تعلیم ہیں۔بعد ازاں شیخ صلاحی الدین اور دیگر مہمانوں نے اسکول میں پودے لگائے ۔ واضح رہے کہ موجودہ کمپیوٹر کے دور میں آڈیو ویژول طریقۂ تعلیم عام ہوتا جارہا ہے جس کے بہتر نتائج برآمد ہورہے ہیں۔ اسپیشل بچوں کی تعلیم کے لئے بلدیہ وسطی کی جانب سے ملٹی میڈیا سسٹم کی فراہمی ایک قابلِ تحسین عمل ہے ۔

28th Nov 2018 DMC Central Karachi Press Release

27th Nov 2018 DMC Central Karachi Press Release

27th Nov 2018 DMC Central Karachi Press Release

کراچی ( ) بلدیہ وسطی میں غیر قانونی تعمیرا ت اور ناجائز تجاوزات کے خلاف بھر پور آپریشن جاری ، شریف آباد کے قریب غیرقانونی طور پر تعمیر شدہ جمنازیم اور پرندہ مارکیٹ کی دکانیں منہدم کردی گئیں۔تفصیلات کے مطابق سپریم کورٹ کی ہدایت پر ناجائز تجاوزات کے خلاف آپریشن میں بلدیہ وسطی کے علاقے شریف آباد میں کے ایم سی کے عملے نے کریم آباد ریلوے پٹری کے قریب پرندہ مارکیٹ میں قائم غیر قانونی طور پر تعمیر کی جانے والی دکانوں اور شریف آباد کے نیازی پارک میں غیر قانونی طور پر تعمیر شدہ جمنازیم اور مکانات منہدم کردئیے۔چئیرمین بلدیہ وسطی ریحان ہاشمی نے کہا ہے سپریم کورٹ کے احکامات پر لازمی طور پر عمل کیا جائے گا اورکہ بلدیہ وسطی میں تمام فٹ پاتھ اور اور شاہراہوں کو ہر قسم کے ناجائز تجاوزات سے پاک کردیا جائے گا۔انہوں نے اسکولوں کے خلاف جاری کئے گئے SBCAکی جانب سے نوٹس کے حوالے سے اظہارِ خیال کرتے ہوئے انہوں نے کہا کہ نجی اسکولوں کے انہادام سے اِن اسکولوں میں خدمات انجام دینے والے ہزاروں کی تعداد میں اساتذہ کے لئے روزگار کا مسئلہ پیدا ہوجائے گا جس کے لئے پیش گی لائحہ عمل تیار کرنے کی ضرورت ہے کیونکہ روزگار کے بغیر لوگ بھوکے مرنے لگیں گے۔جبکہ لاکھوں کی تعداد میں طلباو طالبات کے لئے حصولِ تعلیم ایک مسئلہ بن جائے گا۔

27th Nov 2018 DMC Central Karachi Press Release

25th Nov 2018 DMC Central Karachi Press Release

25th Nov 2018 DMC Central Karachi Press Release

KARACHI: The 50 families were distributed rations to poor minority employees of DMC Central here the other day.

The minority community Chairman DMC Central Ilyas Khokar had arranged the distribution of Ration on the occasion of DWALI.

The DMC Central Chairman speaking on the occasion said minority employees of central play a vital role in the development of the city and they can never be ignored.

Amin ul Haq MNA and Rabita committee member MQM Pakistan speaking on the occasion said this country always takes care of minority community and will continue to safeguard their rights.

کراچی ( ) بلدیہ وسطی کے مرکزی آفس لیاقت آباد کے سبزہ زار میں چیئرمین اقلیتی امورکمیٹی الیاس کھوکھر نے بلدیہ وسطی کے تعاون سے ہندو برادری سے رکھنے والے بلدیہ وسطی کے ملازمین کے لئے دیوالی کے موقع پر راشن تقسیم کیا گیا ۔ایم کیوایم رابطہ کمیٹی کے رکن و ممبر قومی اسمبلی امین الحق، رکنِ رابطہ کمیٹی زاہد منصوری ،چیرمین بلدیہ وسطی ریحان ہاشمی اور چیئرمین اقلیتی امورکمیٹی الیاس کھوکھر نے اپنے ہاتھوں سے راشن تقسیم کیا۔ اس موقع پر حاضرین سے خطاب کرتے ہوئے امین الحق نے کہا کہ ایم کیو ایم پاکستان اقلیتی برادری کے حقوق کا احترام کرتی ہے اور انکے حقوق کے لئے ہمیشہ آواز بلند کرتی رہی ہے۔ چیئرمین بلدیہ وسطی ریحان ہاشمی نے کہاکہ پاکستان میں تمام اقلیتی برادری کو اپنے مذہبی تہوار پُر امن طور پر منانے کا حق حاصل ہے ۔ہندو برادری کے خواتین و حضرات بڑی تعداد میں مذکورہ پروگرام میں شرکت کی ۔ تفصیلا ت کے مطابق بین المذاہب خیر سگالی کے جذبہ کے تحت بلدیہ وسطی میں خدمات انجام دینے والے ملازمین کیلئے ان کے تہوار دیوالی کے موقع پر چیئرمین ریحان ہاشمی کی ہدایت پر بلدیہ وسطی کی اقلیتی امور کمیٹی کے چیئرمین الیاس کھوکھر نے نے مرکزی دفتر لیاقت آباد کے سبزہ زار پر ہندو برادری کے لئے دیوالی کے موقع پر راشن تقسیم کرنے کاخصوصی اہتمام کیا ،جس کا مقصد اسلام کے آفاقی اصول کو اُجاگر کرنا تھا کہ اسلامی ریاست میں رہنے والے تمام دیگر مذاہب کے افراد اپنے مذہب تہوار پُر امن طور پر منانے کا حق رکھتے ہیں ۔ جبکہ اسلامی ریاست اُن کی جان و مال و عزّت کا تحفّظ کرتی ہے۔ واضح رہے کہ بلدیہ وسطی کے سینی ٹیشن اور دیگرشعبہ جات میں ہندو برادری کی بڑی تعداد ملازم ہے جو عوام کی خدمت کیلئے دن رات مصروفِ عمل رہتے ہیں ۔ ہندو برادری کو بھی انکے تہوار منانے کے لئے تہواروں کے دنوں میں چھٹیاں دی جاتی ہیں تاکہ وہ اپنا تہوار پُر امن طریقے پر مناسکیں۔ بلدیہ وسطی کی جانب سے ہندو برادری میں دیوالی کے موقع پر راشن تقسیم کرنے کا مقصد دراصل بین المذاہب خیر سگالی کے جذبہ کا اظہار ہے۔

25th Nov 2018 DMC Central Karachi Press Release

24th Nov 2018 DMC Central Karachi Press Release

24th Nov 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ بارشوں سے قبل برساتی نالوں کی صفائی کو ممکن بنایا جارہا ہے ان خیالات کااظہار انہوں یونین کمیٹی نبر ۲۲ کوثر نیازی کالونی میں برساتی نالے کی صفائی کے کام کا معائنہ کرتے ہوئے کیا ۔اس موقع پر یونین کمیٹی نمبر ۲۲ کے چیئرمین ندیم ہاشمی ،یوسی۲۱ کے چیئرمین نعیم الدین ،ڈپٹی ڈائریکٹر سینی ٹیشن نارتھ ناظم آباد غوث محی الدین و دیگر بلدیاتی افسران بھی موجود تھے ۔ریحان ہاشمی نے مزید کہا کہ ضلع وسطی میں سیوریج کے کام بلدیہ وسطی کی انتظامیہ ہی انجام دیتی ہے جبکہ واٹر اینڈ سیوریج بورڈ کی ذمہ داری ہے کہ وہ سیوریج کے مسائل کو حل کرے انہوں نے کہا کہ اس وقت تمام برساتی نالے سیوریج نالے بن چکے ہیں کیونکہ لوگوں نے اپنی سیوریج لائنوں کو برساتی نالوں میں ڈال دیا ہے انہوں نے کہا کہ گزشتہ ۴ ماہ پہلے ہی واٹر کمیشن کی ہدایت پر بلدیہ وسطی میں 80% فیصد برساتی نالوں کی صفائی کی جاچکی ہے مگر عوام کی جانب سے برساتی نالوں میں کچرا پھیکنے کے عمل کو روکا نہیں جاسکتا جس کی وجہ سے برساتی نالے کچرا کنڈی کی شکل اختیار کر لیتے ہیں انہوں نے کہا کہ ماضی میں چیئرمین کے پاس مجسٹریٹ پاور تھی جبکہ اب نہیں ہے انہوں نے کہا کہ جب تک برساتی نالوں میں کچرا پھیکنے والوں کے خلاف قانونی کاروائی عمل میں نہ لائی جائے نالوں کی صفائی کا عمل بے سود ثابت ہوگا۔انہوں نے کہا کہ ایک مسئلہ جو شہر کے ہر چھوٹے بڑے سیلابی نالوں کو درپیش ہے وہ یہ کہ عوام اور کچرا مافیہ کوڑا کرکٹ مقررہ کچرا کونڈیوں میں ڈالنے کے بجائے نالوں میں پھینک دیتے ہیں۔ جس کی وجہ سے چھوٹے تو کیا بڑی بڑی چوڑائی رکھنے والے نالے بھی کوڑے کا ڈھیر نظر آرہے ہیں۔ نتیجہ اس کا یہ ہے کہ عام سیوریج کا پانی تو نالوں سے ٹھیک طرح گُزر نہیں پاتا ایسے میں بارش ہو جائے تو سارے نالے اُبل پڑیں اور نالوں کے قریب کی آبادیاں گندے پانی کے جوہڑوں میں تبدیل ہوجائیں گی نالوں پر باونڈ ری وال بنانے کے لئے اقدامات کئے جا رہے ہیں۔اس صفائی مہم کے دوران سیلابی نالوں کی صفائی پر خصوصی توجہ دی جائے گی۔ تاکہ ممکنہ مون سون بارشوں کے دوران ضلع وسطی کے باشندگان کو بارش اور برساتی نالوں کے over flowکی وجہ سے کسی بھی ناخوشگوار صورتِ حال کا سامنا نہ کرنا پڑے۔

24th Nov 2018 DMC Central Karachi Press Release