11th Nov 2016 DMC Central Karachi News & Picture Green Bus Project Meeting

 

گرین لائن پروجیکٹس سے پیدا شدہ مسائل فوری دور کئے جائیں۔ریحان ہاشمی

گرین لائن پروجیکٹ میں ضلع وسطی سب زیادہ متاثر ہورہا ہے عوام کو فوری ریلیف دیا 

جائے ۔ سید شاکرعلی

مورخہ : 11 / نومبر 2016 ء ؁

کراچی( ) چیئرمین بلدیہ وسطی ریحان ہاشمی نے گرین لائن پروجیکٹس کی تعمیر کے دوران ضلع وسطی کے عوام کو درپیش مسائل کے حوالے سے گفتگو کرتے ہوئے کہا کہ گرین لائن پروجیکٹس سے پیدا ہونے والے مسائل کو فوری طور پر دور کیا جائے تاکہ فائدہ مند پروجیکٹس کے تکمیل کے مراحل عوام کے لئے اذیت کا باعث نہ بنے ۔ گرین لائن منصوبے کی تعمیر کیلئے کھودی گئی سڑکوں،گرین بیلٹس،اسٹریٹ لائٹس،واٹر اور سیوریج لائن کو ترجیحی بنیادوں پر مرمت کی جائے تاکہ شہریوں کو مشکلات کا سامنا نہ کرنا پڑے ان خیالات کا اظہار ریحان ہاشمی نے رکن صوبائی اسمبلی ریحان ظفر ، وائس چیئرمین سید شاکر علی کے ہمراہ ضلع وسطی میں جاری گرین لائن پروجیکٹ کی تعمیر کے دوران عوام کو درپیش مسائل کے حوالے سے گرین لائن پروجیکٹ کے انجینئر زاور ورکر واٹر اینڈ سیوریج بورڈ کے افسران ، کے ایم سی اور ڈی ایم سی کے افسران کے مشترکہ اجلاس سے خطاب کرتے ہوئے کیا۔اجلاس میں میونسپل کمشنر محمد وسیم سومرو،یونین کمیٹی نمبر۲۱ کے چیئرمین محمد نعیم الدین،وائس چیئرمین سید افسر حسین، چیف انجینئر گرین لائن پروجیکٹ نثار احمد ساریو،چیف ریسیڈنٹ انجینئر تنویر مصطفی مرزا،ٹیکنکل مینیجر قیصر خان، ودیگر متعلقہ افسران نے شرکت کی ۔اس موقع پر وائس چیئرمین بلدیہ وسطی سیدشاکر علی نے کہا کہ بلا شبہ گرین لائن منصوبہ اہلیان کراچی بلخصوص ضلع وسطی کی عوام کے لئے بہترین تحفہ ہے جسکی تعمیر سے ذرائع نقل حمل اور ٹریفک کی روانی میں بہتری کے ساتھ ساتھ ترقی کے مواقع بھی میئسر آسکیں گے انہوں نے کہا کہ ضلع وسطی گرین لائن منصوبے کی تعمیر میں سب زیادہ متاثر ہونے والا ضلع ہے گرین لائن منصوبے کی تعمیر سے جہاں عوام کو سفری سہولتیں میئسر آئیں گی وہیں جاری منصوبے میں سڑکوں کی ٹوٹ پھوٹ کی وجہ سے تریفک کی روانی میں خلل واقع ہونے کی وجہ سے عوام کو پریشانی کا سامنا کرنا پڑرہا ہے انہوں نے کہا کہ گرین لائن منصوبے کی تعمیر کے دوران ضلع وسطی کی گرین بیلٹس پر لگے کئی ہزار درخت بھی کاٹے گئے ہیں جبکہ ضلع وسطی کی خوبصورتی کہلانے والی کئی مونومنٹ بھی اس منصوبے کی نظر ہوگئے ہیں ریحان ہاشمی نے گرین لائن پروجیکٹ کے افسران کو ہدایت کی کہ وہ منصوبے کی تعمیر کے دوران ہی ایسی سڑکوں کی مرمت کراسکتے ہیں جہاں کام مکمل ہوگیا ہے تاکہ عوام کو ریلیف حاصل ہوسکے جبکہ پودوں کی افزائش کے لئے بلدیہ وسطی کے افسران تعاون کے لئے تیار ہیں اس موقع پر گرین لائن پروجیکٹ کے چیف انجینئر نثار احمد نے ضلع وسطی کے چیئرمین کو یقین دہائی کرائی کہ ٹریفک کی روانی میں حائل روکاوٹوں کو جلد دور کرینگے ۔ ٹوٹی سڑکوں سے سیوریج کے مسائل ترجیحی بنیادوں پر حل کرینگے۔
جاری کردہ

عالمگیر سیفی

انفارمیشن آفیسر (بلدیہ وسطی)

10th Nov 2016 DMC Central Karachi News & Picture Dengue awarnes Walk

ڈینگی سے بچاؤ کے لئے احتیاطی تدابیر اختیار کی جائیں ۔ریحان ہاشمی

ضلع وسطی میں ڈینگی فیور آگاہی واک کے شرکاء سے گفتگو 

مورخہ : 10 / نومبر 2016 ء

کراچی ( ) بلدیہ وسطی کی جانب سے عوام کو ڈینگی بخار سے بچاؤ اور ڈینگی کے حوالے سے آگاہی فراہم کرنے کیلئے ڈینگی'' آگاہی واک ''کا اہتمام کیا گیا ۔ڈینگی ''آگاہی واک'' کا مقصد عوام کو ڈینگی وائرس سے پھیلنے والی بیماریوں سے بچاؤ اور ڈینگی مچھروں کی افزائش کی روک تھام کے حوالے سے آگاہی فراہم کرنا ہے ۔ اس موقع پر چیئر مین بلدیہ وسطی ریحان ہاشمی نے وائس چیئرمین سید شاکر علی کے ہمراہ واک کے شرکاء سے خطاب کرتے ہوئے کہا کہ ڈینگی بخار ایک جان لیوا مرض ہے جس سے بچاؤ کا واحد طریقہ احیتاطی تدابیر ہیں ،ضرورت اس امر کی ہے کہ عوام الناس کو ڈینگی بخار کی وجوہات اس کے نقصانات اور بچاؤ کے لئے کی جانے والی احتیاطی تدابیر سے آگاہ کیا جائے ، وائس چیئرمین سید شاکر علی نے کہا کہ احتیاط علاج سے بہتر ہے ڈینگی سے بچاؤ کے موئثر طریقوں کو اپنا کر ہم خود کو اور اپنے بچوں کو ڈینگی جیسے جان لیوا مرض سے بچا سکتے ہیں انہوں نے کہا کہ بلدیہ وسطی اپنی عوام کو صحت مند ماحول کی فراہمی کے لئے ہر ممکن اقدامات کر رہی ہے سید شاکر علی نے کہا کہ ڈینگی وائرس کے خاتمہ کے لئے بلدیہ وسطی کی جانب سے ہر یونین کمیٹی کی سطح پر باقائدہ اینٹی ڈینگی اسپرے مہم کا انعقاد کیا جارہا ہے انہوں نے کہا کہ عوام الناس کو چاہیے کہ اسپرے مہم کے دوران پینے کے پانی اور کھانے کے برتنوں کو ڈھانک کر رکھیں جبکہ کسی بھی جگہ پانی کا اجتماع نہ ہونے دیا جائے کیونکہ ڈینگی کا لاروا رکے ہوئے پانی میں پیدا ہوتا ہے ڈینگی ''آگاہی واک'' کا اہتمام محکمہ طب و صحت بلدیہ وسطی نے چیئرمین بلدیہ وسطی کی ہدایت پر کیا ڈینگی'' آگاہی واک ''بلدیہ وسطی کے مرکزی دفتر سے شروع ہوکر ناظم �آباد چورنگی پر اختتام ہوئی ''ڈینگی آگاہی واک ''میں ضلع وسطی سے تعلق رکھنے والے بلدیاتی نمائندے ، میونسپل کمشنر محمد وسیم سومرو، چیف میڈیکل آفیسرڈاکٹر حامد مصطفی ، بلدیہ وسطی کے اسکولوں کے اساتزہ، طلباء طالبات ،طب و صحت کا عملہ اور عوام کی بڑی تعداد نے شرکت کی۔واک کے اختتام پر ڈینگی وائرس اسپرے مہم کاچیئرمین ریحان ہاشمی ،وائس چیئرمین سید شاکر علی اور علاقائی بلدیاتی نمائندوں کے ہمراہ اسپرے مہم کا افتتاح کیا واضح رہے کہ بلدیہ وسطی ناظم آباد اور لیاقت آباد کے مختلف علاقوں میں آج اسپرے مہم کی جارہی ہے ۔ 

جاری کردہ 

عالمگیر سیفی

انفارمیشن آفیسر (بلدیہ وسطی) 

9th Nov 2016 DMC Central Karachi News & Picture Visit Nagan Chowrangi

ڈینگی سے بچاؤ کے لئے احتیاطی تدابیر اختیار کی جائیں ۔ریحان ہاشمی

ضلع وسطی میں ڈینگی فیور آگاہی واک کے شرکاء سے گفتگو 

مورخہ : 10 / نومبر 2016 ء

کراچی ( ) بلدیہ وسطی کی جانب سے عوام کو ڈینگی بخار سے بچاؤ اور ڈینگی کے حوالے سے آگاہی فراہم کرنے کیلئے ڈینگی'' آگاہی واک ''کا اہتمام کیا گیا ۔ڈینگی ''آگاہی واک'' کا مقصد عوام کو ڈینگی وائرس سے پھیلنے والی بیماریوں سے بچاؤ اور ڈینگی مچھروں کی افزائش کی روک تھام کے حوالے سے آگاہی فراہم کرنا ہے ۔ اس موقع پر چیئر مین بلدیہ وسطی ریحان ہاشمی نے وائس چیئرمین سید شاکر علی کے ہمراہ واک کے شرکاء سے خطاب کرتے ہوئے کہا کہ ڈینگی بخار ایک جان لیوا مرض ہے جس سے بچاؤ کا واحد طریقہ احیتاطی تدابیر ہیں ،ضرورت اس امر کی ہے کہ عوام الناس کو ڈینگی بخار کی وجوہات اس کے نقصانات اور بچاؤ کے لئے کی جانے والی احتیاطی تدابیر سے آگاہ کیا جائے ، وائس چیئرمین سید شاکر علی نے کہا کہ احتیاط علاج سے بہتر ہے ڈینگی سے بچاؤ کے موئثر طریقوں کو اپنا کر ہم خود کو اور اپنے بچوں کو ڈینگی جیسے جان لیوا مرض سے بچا سکتے ہیں انہوں نے کہا کہ بلدیہ وسطی اپنی عوام کو صحت مند ماحول کی فراہمی کے لئے ہر ممکن اقدامات کر رہی ہے سید شاکر علی نے کہا کہ ڈینگی وائرس کے خاتمہ کے لئے بلدیہ وسطی کی جانب سے ہر یونین کمیٹی کی سطح پر باقائدہ اینٹی ڈینگی اسپرے مہم کا انعقاد کیا جارہا ہے انہوں نے کہا کہ عوام الناس کو چاہیے کہ اسپرے مہم کے دوران پینے کے پانی اور کھانے کے برتنوں کو ڈھانک کر رکھیں جبکہ کسی بھی جگہ پانی کا اجتماع نہ ہونے دیا جائے کیونکہ ڈینگی کا لاروا رکے ہوئے پانی میں پیدا ہوتا ہے ڈینگی ''آگاہی واک'' کا اہتمام محکمہ طب و صحت بلدیہ وسطی نے چیئرمین بلدیہ وسطی کی ہدایت پر کیا ڈینگی'' آگاہی واک ''بلدیہ وسطی کے مرکزی دفتر سے شروع ہوکر ناظم �آباد چورنگی پر اختتام ہوئی ''ڈینگی آگاہی واک ''میں ضلع وسطی سے تعلق رکھنے والے بلدیاتی نمائندے ، میونسپل کمشنر محمد وسیم سومرو، چیف میڈیکل آفیسرڈاکٹر حامد مصطفی ، بلدیہ وسطی کے اسکولوں کے اساتزہ، طلباء طالبات ،طب و صحت کا عملہ اور عوام کی بڑی تعداد نے شرکت کی۔واک کے اختتام پر ڈینگی وائرس اسپرے مہم کاچیئرمین ریحان ہاشمی ،وائس چیئرمین سید شاکر علی اور علاقائی بلدیاتی نمائندوں کے ہمراہ اسپرے مہم کا افتتاح کیا واضح رہے کہ بلدیہ وسطی ناظم آباد اور لیاقت آباد کے مختلف علاقوں میں آج اسپرے مہم کی جارہی ہے ۔ 

جاری کردہ 

عالمگیر سیفی

انفارمیشن آفیسر (بلدیہ وسطی) 

8th Nov 2016 DMC Central Karachi News & Picture Youth Affair

بلدیہ وسطی میں مختلف خدمات کے لئے یوتھ افیئرکے ارکان کی کمیٹیوں کی تشکیل ۔ریحان ہاشمی کا انقلابی اقدام 

نوجوان ہی کسی قوم کو ترقی دینے میں اہم کردار ادا کرتے ہیں ضلع وسطی کے نوجوان اس بات کو ثابت کر دیگے،ریحان ہاشمی کی امید 

مورخہ۰۸ /نومبر ۲۰۱۶ء ؁

کراچی( ) چیئرمین بلدیہ وسطی ریحان ہاشمی نے کہا ہے کہ جدید علوم سے آراستہ نوجوانوں سے قوم کو بڑی امیدیں وابستہ ہیں نوجوانوں کو ایک پلیٹ فارم پر متحد ہوکر معاشرے ،قوم، ا ور ملک کی بہتری کے لئے کام کرنا چاہیے ایسا کام کریں جس کے مثبت نتائج نظر آئیں اسکے لئے عملی مظاہرہ نہایت ضروری ہے ان خیالات کا اظہار انہوں نے اپنے دفترمیں فوکل پرسن ڈسٹرکٹ سینٹرل یوتھ افیئر ناصر زیدی کی سربراہی میں آنے والے وفد سے گفتگو کرتے ہوئے کیا اس موقع پر برگیڈیئر (ر)ڈاکٹر راشد،سید مصدق مرزا، یونین کمیٹی 21 کے چیئرمین نعیم الدین ،یوسی 23 کے چیئرمین شاہ روز ،یوسی 31 کے چیئرمین خرم فرحان، ڈسٹرکٹ کونسلر ز جبکہ یوتھ افیئرکے ارکان میں حسنین رضوی،عمران خالق،طاہر شاہ،جنید صدیقی،منذرمسعود ،طحہٰ حسن،خرم شیخ اور منور حمید بھی اس موقع پر موجود تھے ۔ ریحان ہاشمی نے مزید کہا کہ نوجوان ہی قوم کا مستقبل ہوتے ہیں ،معاشرے کی درستگی کے لئے نوجوانوں کے کردار کی تعمیر ضروری ہے انھوں نے کہا کہ اگر نوجوان متحد ہوکر عوامی فلاح بہبود کے کام کریں تو کوئی وجہ نہیں کہ معاشرے میں برائیوں کا خاتمہ نہ ھو اور پر امن معاشرہ قائم نہ ہو سکے اس موقع پر یوتھ افیئر کے فوکل پرسن نے کہا کہ یوتھ افیئر پاکستان کے ہر ضلع میں نوجوانوں کے لئے بھی مثبت سرگرمیاں جاری رکھیں ہوئے ہیں ناصر زیدی نے کہا کہ یوتھ افیئر کے کارکنان ضلع وسطی کے نوجوانوں اور بلدیہ وسطی کے ساتھ مل کر اہلیان ضلع وسطی کو بہتر ماحول مہیاء کر سکتے ہیں اس موقع پر یوتھ افیئر کے ارکان نے بلدیہ وسطی میں خدمات انجام دینے کے لئے مختلف شعبہ جات کی کمیٹیاں تشکیل دیں جس میں ایجوکیشن،سائنس،آرٹس اینڈ کلچر ،اسپورٹس اینڈ ھیلتھ ،ماحولیات ،شجرکاری ، نیوز لیٹر ، سوشل میڈیا اور ڈیزاسٹر مینجمنٹ کے شعبہ جات شامل ہیں ریحان ہاشمی نے یوتھ افیئرکے ارکان کے جذبے کو سراہاتے ہوئے کہا کہ نوجوان ہی کسی قوم کو ترقی دینے میں اہم کردار ادا کر سکتے ہیں انہوں نے امید ظاہر کی کہ اگر یہی جذبہ شامل حال رہا توضلع وسطی کے نوجوان اس شہر اور ملک کی ترقی میں اہم کردار ادا کریں گے اس سلسلے میں بلدیہ وسطی کی انتظا میہ نوجوانوں کے ساتھ ہر ممکن تعاون کریگی ۔ 

جاری کردہ: عالمگیر سیفی 

انفارمیشن آفیسر( بلدیہ وسطی)

7th Nov 2016 DMC Central Karachi News & Picture

مورخہ : 07 / نومبر ۲۰۱۶ ؁ ء

کراچی ( )ہم نصابی سرگرمیاں طلباء اور طالبات کی چھپی ہوئی ذہنی صلاحیتوں کو ظاہر کرنے کا اہم زریعہ ہے تقریری مباحثہ ،بیت بازی،معلومات عامہ،کوئزپروگرام،اور اسپیلنگ کے مقابلے بچوں کی ذہنی صلاحیتوں کو جلا بخشتے ہیں ان خیالات کا اظہار چیئر مین بلدیہ وسطی ریحان ہاشمی نے چیلنج ٹو ایوری ون ڈسٹرکٹ لیول کمپٹشن میں ڈسٹرکٹ سینٹرل کے اسکولوں کے طلباء و طالبات کے درمیان تقریری ،کوئزاور اسپیلنگ کے مقابلوں میں نمایا پوزیشن حاصل کرنے والے طلباء و طالبات میں انعامات تقسیم کرتے ہوئے کیا اس موقع پر ریحان ہاشمی نے کہا کہ اس قسم کے مقابلوں کا انقاد یونین کمیٹی لیول پربھی کیا جائے تاکہ ذیادہ سے ذیادہ بچوں کو ذہنی صلاحیتوں کو اجاگر کرنے کا موقع مل سکے انہوں نے کہا کہ بلدیہ وسطی طالب علموں کی ٖفلاح وبہبود کے کام اور ہم نصابی سرگرمیوں کے فروغ کے حوالے سے ہرممکن تعاون کرنے کے لئے تیار ہیں واضح رہے کہ ہیلپنگ ہینڈ ٹرسٹ اینڈ ماسٹر آئل پاکستان لبریکیٹ کے تعاون سے کراچی لیول کمپٹشن مقابلے کا انعقاد گورنمنٹ کالج فاروومن بلاک K نارتھ ناظم آباد میں منعقد کیا گیاجس میں ڈسٹرکٹ سینٹرل کے 13 اسکولوں کے طلباء و طالبات نے حصہ لیا۔یہ مقابلے کراچی کے 6 اضلاح میں منعقد کئے جائینگے جس کا میگا فائنل بحریہ ٹاؤن آڈیوٹوریم کراچی میں ہوگاقبل ازیں تقریب کے منتظمین نے طلباء و طالبات کے درمیان منعقدہ مقابلوں کے اغراض و مقاصد سے حاضرین کو آگاہ کرتے ہوئے کہا کہ یہ مقابلے کراچی کی تعلیمی فضاء کو بہتر بنانے میں اہم کردار ادا کریں گے طلباء و طالبات نے اپنی اپنی تقریروں میں جوشیلے انداز میں وطن کی محبت کا اظہار کیا جس کی داد حاضرین نے زور دار تالیاں بجا کر دی ،معلومات عامہ کے مقابلے میں بچوں کی ذہانت اور یاداشت قابل دید اور قابل تعریف تھی انگریزی الفاظ کی اسپیلنگ کے مقابلے میں بھی بچوں نے زبردست کارکردگی کا مظاہرہ کیا تقریب کے اختتام پر چیئرمین ریحان ہاشمی نے کامیاب طلبا و طالبات میں ڈسٹرکٹ سینٹرل کی بیلٹ پہنائی جبکہ منتظمین کی جانب سے چیئرمین بلدیہ وسطی ریحان ہاشمی کو یادگاری شیلڈ بھی دی گئی اس موقع پر یونین کمیٹی کے چیئر مین نعیم بھائی، کوآرڈینیٹر ذوالفقار جعفری،یوتھ کونسلر بلدیہ وسطی عمار خان،حنا باجی،سعد ،یوتھ پارلیمنٹ کے آرگنائزر ناصر زیدی ، پروجیکٹ ڈائریکٹر شہر یار، جہانزیب شہناز الھدی ،غلام نبی احمد،و دیگر بھی موجود تھے ۔ 

جاری کردہ 
عالمگیر سیفی
انفارمیشن آفیسر (بلدیہ وسطی)