کراچی( ) درخت آکسیجن حاصل کرنے کا آسان اور بہترین ذریعہ ہے ۔ محدود وسائل میں رہتے ہوئے بلدیہ وسطی نے '' سبز انقلاب شجر کاری مہم '' کا آغاز کرکے ایک تاریخی قدم اٹھایا ہے بلدیہ وسطی کی عوام اور طالب علم بڑھ چڑھ کے اس میں حصہ لیں اور درخت لگائیں اپنے پیاروں کے نام سلوگن کے ساتھ '' سرسبز انقلاب شجر کاری مہم ''کو کامیاب بنائیں ۔ان خیالات کا اظہار چیئرمین بلدیہ وسطی ریحان ہاشمی نے نارتھ کراچی سیکٹر 5-M میں KID's PARADISE ACADEMY میںطلباءکے ہمراہ پودا لگانے کے بعد کیا ۔ اس موقع پر ان کے ہمراہ اسکول پرنسپل اور بلدیاتی افسران بھی موجود تھے ۔ چیئرمین بلدیہ وسطی ریحان ہاشمی نے کہا کہ ہر شخص اپنی قومی و مذہبی ذمہ داری کو پورا کرے اور اس شجرکاری مہم کو کامیاب بنائیںا نہوںنے کہا کہ حق پرست بلدیاتی نمائندے کراچی کو اون کرتے ہوئے عوام کو ممکنہ سہولتیں اور خوشگوار ماحول فراہم کرنے کے لئے دن رات کوشاں ہیںتاکہ ضلع وسطی کا ہر شہری خوشگوار ماحول میں زندگی گزار سکے ۔انہوں نے کہا کہ ہم نے اس شہر کو صاف ستھرا ءبنانے کے ساتھ ساتھ سرسبز و شاداب بنانے کا بیڑا اٹھایا ہے اور انشاءاللہ عوام کے تعاون سے بہت جلد ضلع وسطی کو اس ملک کا صاف و شفاف ضلع بنانے کے ساتھ ساتھ سرسبز و شاداب بنا دیں گے۔انہوں نے اسکول کے طلباءو طالبات سے مخاطب ہوتے ہوئے کہا کہ جشن ِ آزادی کے موقع پر قومی پرچم اور جھنڈیوں کے ساتھ ساتھ پودے بھی لگائیں اور اسکی دیکھ بھال کی ذمہ داری بھی لیں وہ پودا درخت بن کرجہاں لوگوں کو سایہ فراہم کرے گا وہیں آپ کو اپنے پیاروں کی محبت کا احساس بھی دلاتا رہے گا انہوں نے مزید کہا کہ ضلع وسطی کے مختلف جگہوں پر ابتک7000 ہزارسے زائد پودے لگائے جا چکے ہیںاور دسمبر تک انشاءاللہ ہم اپنے مقررہ ہدف کو حاصل کرتے ہوئے ضلع وسطی میں ایک لاکھ پودے لگا چکے ہونگے۔
کراچی( ) پاکستان سے محبت ہمیں وراثت میں ملی ہے ہمارے بزرگوں نے تحریک پاکستان میں اپنا کردار ادا کرتے ہوئے قربانیاں دیں، ہم اُن قربانیوں کورائیگاں نہیں جانے دیں گے ۔ہمیں مضبوط پاکستان کی تعمیر کرنی ہے ۔ان خیالات کا اظہار چیئرمین بلدیہ وسطی ریحان ہاشمی نے جشن آزادی کے حوالے سے منعقدہ کلچر شو کے موقع پر کیا ۔اس موقع پر وائس چیئرمین سید شاکر علی ،ممبر صوبائی اسمبلی جمال احمد ،طلباءو طالبات کی بڑی تعداد موجود تھی۔اس پروگرام میں محکمہ تعلیم لیاقت آباد زون کی جانب سے خوبصورت ملی نغموں اور ٹیبلو کے زریعے پاکستانی ثقافت کو اُجاگر کیا گیا ۔اس موقع پر چیئرمین بلدیہ وسطی نے کہا کہ پاکستان مختلف قوموں کا خوبصورت گلدستہ ہے ۔انہوں نے تاریخ کے اوراق پلٹتے ہوئے کہا کہ تحریک پاکستان میں اساتذہ اور طلباءکا اہم کردار ہے ۔اس ضمن میں قیام پاکستان کے بعد ہندوستان کے وزیر داخلہ نے کہا کہ پاکستان کی بنیاد اُس روز پڑھ گئی تھی جس روز سر سید احمد خان نے محمڈن اسکول اور علی گڑھ کالج کا سنگ بنیاد رکھا ۔اس سے پتہ چلتا ہے کہ مسلمانوں کو جدید علوم کی طرف راغب کرکے سر سید احمد خان نے آزادی پاکستان کی بنیاد رکھی ۔ اس موقع پر وائس چیئرمین بلدیہ وسطی نے کہا کہ پاکستان ایک کہکشاں کانام ہے جس میں یہ پانچ ستارے نہ ہوں تو یہ کہکشاں مکمل نہیں ہوتی اورآزادی پاکستان پانچ قوموں کی محنتوں کا ثمر ہے ۔انہوں نے مزید کہا کہ پاکستان کے معماروںکو جدید علوم اور ٹیکنالوجی سے آراستہ کرنا ہماری ذمہ داری ہے تاکہ مستقبل میں پاکستان کی قیادت ہونہار اور قابل نوجوانوں کے پاس ہو جو پاکستان کو ترقی کی راہ پر گامزن کرکے پاکستان کا نام دنیا بھر میں روشن کریں۔
کراچی ( ) سرسبز انقلاب شجرکاری مہم سے جہاں موسم اور شہرکے ماحول میں نمایاں تبدیلی واقع ہوگی وہیں کراچی کے شہریوں کے مزاج میں بھی مثبت تبدیلی رونما ہو گی شہر کو آلودگی سے پاک رکھنا ہے تو زیادہ سے زیادہ درخت لگانا ہونگے ،موسم کی تبدیلی اور اُس سے پیدا ہونے والے اثرات سے نمٹنے کےلئے پوری دنیا میں سنجیدگی سے غور کیا جارہا ہے ۔ان خیالات کا اظہار چیئرمین بلدیہ وسطی ریحان ہاشمی نے گلبرگ زون میں قائم نرسری میں '' سر سبز انقلاب شجر کاری '' مہم کے لئے تیار کئے جانے والے پودوں کا معائنہ کرتے ہوئے کیا ۔اس موقع پر ان کے ہمراہ ڈائریکٹر پارک ندیم حنیف،ڈسٹرک کونسلر ز سعد ملک ،اور سید عمار عباس بھی موجود تھے ۔چیئرمین بلدیہ وسطی نے کہا کہ '' سر سبز انقلاب شجر کاری '' مہم کا بنیادی مقصد ماحولیاتی آلودگی کو ختم کرنا اور اپنی آنے والے نسلو ں کو صحت مند ماحول فراہم کرنا ہے انہوں نے مزید کہا کہ درخت لگاو ¿ اپنے پیاروں کے نام سے بلدیہ وسطی میں شروع کی جانے والی سر سبز انقلاب شجر کاری مہم کو عوام کی بھر پور پزیرائی حاصل ہو رہی ہے اور لوگ اپنے پیاروں کے نام سے پودے لگا رہے ہیںاور اس ضمن میں نیشنل انوائرمنٹ فورم فار ہیلتھ نے چیئرمین بلدیہ وسطی کی ماحولیاتی آلودگی کے خاتمے کے لئے کی جانے والی خدمات پر انہیں بہترین کارکردگی کاایوارڈ دیا ہے ۔واضح رہے کہ بلدیہ وسطی کی جانب سے 20 جولائی سے شروع ہونے والی سر سبز شجر کاری مہم میں اب تک 16000 ہزار پودے لگائے جاچکے ہیں اورماہ ِ اگست کے آخر تک 25000 ہزار پودے لگا ئے جائیں گے اور سال کے اختتام تک ایک لاکھ پودے لگادیئے جائیں گے پودے لگانے کے ساتھ ساتھ ان کی آبیاری کےلئے سیوریج ٹریٹمنٹ پلانٹ کے زریعے یومیہ پچاس ہزار گیلن پانی حاصل کیا جارہا ہے ۔چیئرمین بلدیہ وسطی نے کہا کہ جشنِ آزادی کے موقع پر ہر شہری اپنے پیاروں کے نام کا پودا لگا کر سر سبز انقلاب شجر کار ی مہم کا حصہ بنے تاکہ آنے والے وقت میں یہ پودے ماحول کو صاف ستھراءکرنے میں معاون ثابت ہوں ۔انہوں نے کہا کہ درخت سایہ اور آکسیجن فراہم کرتے ہیں جو انسانی صحت کےلئے بے حد مفید ہیں ۔
کراچی( ) صفائی مہم میں ضلع کے مکینوں کے مسائل حل کرنے کے لئے ہر ممکن اقدامات کر رہے ہیں ان خیالات کا اظہار چیئرمین بلدیہ وسطی ریحان ہاشمی نے دس روزہ صفائی مہم کے دوسرے روز بلدیہ وسطی کے مختلف علاقوں میں جاری صفائی ستھرائی کے کام کا معائنہ کرتے ہوئے کیا ۔اس موقع پر ان کے ہمراہ مختلف یوسی کے چیئرمینز ،وائس چئیرمینز اور دیگر منتخب بلدیاتی نمائندے بھی موجود تھے انہوں نے کہا کہ وسائل کی قلت کے باوجود عوام کو بلدیاتی سہولیات فراہم کرنے کے لئے شب و روز کوشاں ہیں انہوں نے مزید کہا کہ اس مہم میں ضلع وسطی کی تمام یوسیز کا کچرا صاف کرنے کے ساتھ ساتھ پُرانا جمع شدہ کچرا بھی صاف کرنے کا کام انجام دیا جا رہا ہے ہم پُر عزم ہں اور عوام کے تعاون سے ،فٹ پاتھ کو رنگ و روغن انہوں نے کہا کہ شہریوں کو صاف و شفاف ماحول کی فراہمی ہما ری اولین ترجیح ہے ،ہمارا کام کوڑا کرکٹ ہی اُٹھانے تک محدود نہیں بلکہ ضلع وسطی کے ہر علاقے کی صفائی کے ساتھ پارک اور پلے گراﺅنڈز ،کی درستگی اوردیگر عوامی سہولیات کی فراہمی بھی ہماری ذمہ داری میں شامل ہے۔اس سلسلے میں بلدیہ وسطی عوام کو بلدیاتی سہولیات کی فراہمی کےلئے دن رات کوشاں ہیں۔ عوام کا تعاون بلدیاتی خدمات میں اہم کردار ادا کرتا ہے۔
کراچی( ) سپریم کورٹ کے واضع احکامات کے باوجود ضلع بھر میں غیر قانونی تعمیرات اور پانی کی عدم دستیابی نے عوام کا جینا دوبھرکیا ہوا ہے اس سلسلے میں غیر قانونی تعمیرات کو روکنے کے حوالے سے چیئرمین بلدیہ وسطی ریحان ہاشمی کی زیر صدارت اجلاس منعقد ہوا جس میں ممبر صوبائی اسمبلی محفوظ یار خان ،عظیم فاروقی ،حاجی انور رضا ،جمال احمدو دیگر افسران بھی موجود تھے۔اس موقع پر چیئرمین بلدیہ وسطی نے کہا کہ سندھ بلڈنگ کنٹرول اتھارٹی کو بارہا خطوط لکھنے کے باوجود SBCA کے افسران کی سر پرستی میں ضلع وسطی میں غیر قانونی تعمیرات کا سلسلہ جاری ہے ۔اور اس کا سدباب کرنا ضروری ہے ۔کیونکہ گنجان آباد علاقوں میں غیر قانونی تعمیرات کی وجہ سے حال ہی میں سانحہ لیاقت آباد وقوع پزیر ہوا جس میں قیمتی انسانی جانوں کا نقصان ہوا ۔انہوں نے مزید کہا کہ SBCA کواپنی اصل حالت میں بحال کرکے میئر کراچی کے ماتحت کیا جائے ۔تاکہ غیر قانونی تعمیرات کی صیح معنوں میں بیخ کنی کی جاسکے ۔اس موقع پر ممبر صوبائی اسمبلی محفوظ یار خان نے شہر میں تعمیر ہونے والی غیر قانونی تعمیرات کی فروغ پر تشویش کا اظہار کرتے ہوئے کہا کہ غیر قانونی شادی ہال اور مختلف علاقوں میں پورشن کی صورت میں تعمیر ہونے والی بلڈنگوں کی وجہ سے علاقوں میں بجلی گیس اور سیوریج سمیت دیگر مسائل پیدا ہو رہے ہیں۔انہوں نے افسوس کا اظہار کرتے ہوئے کہا کہ غیر قانونی تعمیرات کے فروغ میں سندھ بلڈنگ کنٹرول اتھارٹی کے کرپٹ افسران ملوث ہیں ۔اجلاس میں سندھ اسمبلی میں DG سندھ بلڈنگ کنٹرول اتھارٹی کے خلاف تحریک استحقاق جمع کرانے پر سنجیدگی سے غور کیا گیا ۔چیئرمین بلدیہ وسطی نے کہا کہ ضلع وسطی میں مارکیٹوں ،پارکس اور گراو ¿نڈ اور دیگر جگہوں پر قائم تجاوزات کے خلاف آپریشن کرنے کی ضرورت ہے اور اس ضمن میں تجاوزات قائم کرنے والوں کو نوٹسز جاری کرنے کی ہدایت دی۔اجلاس میں طے پایا کہ غیر قانونی تعمیرات اور تجاوزات کے روک تھام کے لئے KMC,DMC,KDA,SBCA کے نمائندوں پر مشتمل ایک کمیٹی تشکیل دی جائے جو آپس میں باہمی رابطے کے زریعے اس ناسور کے خلاف موثر اقدامات کرے۔
کراچی( )رکن رابطہ کمیٹی و قومی اسمبلی عبدالوسیم خان نے کہا ہے کہ محدود وسائل میں رہتے ہوئے چیئرمین ریحان ہاشمی اور انکی ٹیم نے ضلع وسطی میں '' سبز انقلاب شجر کاری مہم '' کا آغاز کرکے ایک تاریخی قدم اٹھایا ہے عبدالوسیم خان نے مزیدکہا ہے کہ عوام بڑھ چڑھ کے اس میں حصہ لیں اور بلدیہ وسطی کراچی کی جانب سے چلائی جانے والی '' سبز انقلاب شجر کاری مہم ''کو کامیاب بنائیں ۔ان خیالات کا اظہار انہوںنے نارتھ کراچی سیکٹر 11-Aگُل لالہ پارک میں پودے لگاتے ہوئے کیا ۔ اس موقع پر ان کے ہمراہ MPAوسیم قریشی ،MPAجمال احمد ،چیئر مین بلدیہ وسطی ریحان ہاشمی ،ڈائریکٹر پارکس ندیم احمد بھی موجود تھے ۔ عبدالوسیم خان نے کہا کہ ہر شخص اپنی قومی و مذہبی ذمہ داری کو پورا کرے اور اس شجرکاری مہم کو کامیاب بنائیں انہوں نے کہا درخت آکسیجن حاصل کرنے کا آسان اور بہترین ذریعہ ہے ا نہوںکہا کہ کراچی کے بلدیاتی نمائندے کراچی کو اون کرتے ہیں جبکہ سندھ گورنمنٹ کے حوالے سے کہا کہ سندھ گورنمنٹ کوسندھ اون کرنا ہوگا تاکہ سندھ کے شہری بھی خوشگوار ماحول میں زندگی گزار سکیں اس موقع پر چیئر مین بلدیہ وسطی ریحان ہاشمی نے کہا کہ اس شہر کو صاف ستھرا بنانے کے ساتھ ساتھ سرسبز و شاداب بنانے کا بیڑا اٹھایا ہے اور انشاءاللہ عوام کے تعاون سے بہت جلد ضلع وسطی کو اس ملک کا صاف و شفاف ضلع بنانے کے ساتھ ساتھ سرسبز و شاداب بنا دیں گے انہوں نے مزید کہا کہ اس'' سبز انقلاب شجر کاری مہم '' کے دوران ایک لاکھ پودے لگانے کا عزم کر رکھا ہے اور اس سال کے اختتام پر عوام کے تعاون سے اپناحدف حاصل کر لیں گے اس موقع پر انہوں عوام کو دعوت دی کے وہ اپنے پیاروں کے نام سے کم از کم ایک پودا یا درخت ضرور لگائیں اور اسکی دیکھ بھال کی ذمہ داری بھی لیں وہ پودا درخت بن کر آکو اپنے پیاروں کی یاد دلاتا رہے گا ریحان ہاشمی نے کہا کہ ضلع وسطی کے مختلف جگہوں پر ابتک
