18th Aug 2017 DMC Central Karachi Press Release

18th Aug 2017 DMC Central Karachi Press Release

 کراچی( )ہماری کوشش ہے کہ عوام کے تعاون سے ضلع وسطی کے مکینوں کو صفائی ستھرائی اور دیگر بلدیاتی خدمات فراہم کریں۔ عشرہ صفائی مہم میں ضلع کے مکینوں کے مسائل حل کرنے کے لئے ہر ممکن اقدامات کر رہے ہیں ۔ان خیالات کا اظہار چیئرمین بلدیہ وسطی ریحان ہاشمی نے عشرہ صفائی مہم کے دوران نیو کراچی زون کے مختلف علاقوں میں جاری صفائی ستھرائی کے کام کا معائنہ کرتے ہوئے کیا ۔اس موقع پر ان کے ہمراہ یوسی 10 کے چیئرمین عابد ،وائس چیئرمین کاشف جمال اور دیگر منتخب بلدیاتی نمائندے بھی موجود تھے انہوں نے کہا کہ وسائل کی قلت کے باوجود عوام کو بلدیاتی سہولیات فراہم کرنے کے لئے شب و روز کوشاں ہیں انہوں نے کہا کہ اس مہم میں ضلع وسطی کی تمام یوسیز کا کچرا صاف کرنے کے ساتھ ساتھ پُرانا جمع شدہ کچرا بھی صاف کرنے کا کام انجام دیا جا رہا ہے ۔عشرہ صفائی مہم کے دوران صفائی کے ساتھ ساتھ ،فٹ پاتھوںکے رنگ و روغن،گرین بیلٹ کی صفائی اور دیگر بلدیاتی امور پر بھر پور توجہ دی جارہی ہے انہوں نے مزیدکہا کہ ہمارا کام کوڑا کرکٹ ہی اُٹھانے تک محدود نہیں بلکہ ضلع وسطی کے ہر علاقے کی صفائی کے ساتھ پارک اور پلے گراﺅنڈز ،کی درستگی اوردیگر عوامی سہولیات کی فراہمی بھی ہماری ذمہ داری میں شامل ہے۔اس سلسلے میں بلدیہ وسطی عوام کو بلدیاتی سہولیات کی فراہمی کےلئے دن رات کوشاں ہیں۔

کراچی(  )انسانیت کی فلاح کےلئے بوہری کمیونٹی کی کوششیں قابلِ تحسین ہیں ،قیام پاکستان کے بعد بوہری کمیونٹی نے پاکستان باالخصوص کراچی میں تعلیم،صحت اور دیگر شعبوںمیںجو کام کئے ہیں انِ میں سیفی ہسپتال کا قیام ایک بڑا کام ہے۔ان خیالات کا اظہار چیئرمین بلدیہ وسطی ریحان ہاشمی نے سیفی ہسپتال کے چائلڈ وارڈاور جدید لیباٹری کے افتتاح کے موقع پر کیا ۔واضع رہے کہ مریضوں کو آسانی اور بہتر طبی سہولتیں فراہم کرنے کےلئے سیفی ہسپتال کی انتظامیہ کی جانب سے جدید سہولتوں سے مزین نیا چائلڈ وارڈ تعمیرکیا گیا ہے ۔جہاں بچوں کے بہترین علاج اور نگہداشت کا انتظام کیا گیا ہے ۔افتتاح کے بعد چیئرمین بلدیہ وسطی ریحان ہاشمی نے ہسپتال کے مختلف شعبہ جات کا معائنہ کرتے ہوئے مریضوں کو فراہم کی جانے والی سہولتوں کی معلومات حاصل کیں۔اس موقع پر ہسپتال انتظامیہ نے بتایا کہ سیفی ہسپتال بنیادی طور پر ایک فلاحی ادارہ ہے جو بوہری کمیونٹی کے ساتھ ساتھ بلاتفریق رنگ و نسل و قومیت انسانیت کی خدمت کے لئے دن رات کوشاں ہے ۔ انتظامیہ نے بتایا کہ سیفی ہسپتال کا شمار کراچی کے بہترین ہسپتالوں میں ہوتا ہے جہاں تمام جدید طبی سہولیات کے ساتھ ساتھ بہترین لیباٹری، سٹی اسکین ،الٹرا ساو ¿نڈ ،ایکسرے اورجدید مشینری کے زریعے کم قیمت پر مریضوں کا علاج کیا جا رہا ہے ۔

18th Aug 2017 DMC Central Karachi Press Release

17th Aug 2017 DMC Central Karachi Press Release

17th Aug 2017 DMC Central Karachi Press Release

کراچی(  )عوام کی خدمت کا جذبہ ہوتو موسم یا وقت کی قید آڑے نہیں آتی ۔حق پرست قیادت کی یہ خوبی رہی ہے کہ عوام کو سہولتیں فراہم کرنے کےلئے ہر دم تیار رہتے ہیں ۔ان خیالات کا اظہار چیئرمین بلدیہ وسطی ریحان ہاشمی نے بلدیہ وسطی کے مختلف علاقوں میں عشرہ صفائی مہم کے دوران جاری رات میں صفائی ستھرائی کے کام کا معائنہ کرتے ہوئے کیا اس موقع پر ان کے ہمراہ چاروں زونز کے ڈائریکٹر سینی ٹیشن تسلیم بیگ ،ندیم حیدر ، محمدعلی ،غوث محی الدین اور دیگر افسران بھی موجود تھے ۔انہوں نے کہا کہ وسائل کی کمی کے باوجود ہم نے موجود وسائل کو بروئے کار لاکر ضلع وسطی میں صفائی ستھرائی کے ساتھ ساتھ دیگر ترقیاتی کام سر انجام دیئے ہیں ۔اور آج عشرہ صفائی مہم کے دوران بھی ہم شب و روزصفائی مہم میں کوشاں ہیں، چیئرمین بلدیہ وسطی ریحان ہاشمی اور وائس چیئرمین سید شاکر علی عشرہ صفائی مہم کے تیسرے روز رات میںکئے جانے والے صفائی ستھرائی کے کام کا وقفے وقفے سے معائنہ کرتے رہے ۔انہوں نے ضلع وسطی کے چاروں زونز نیو کراچی، گلبرگ ، لیاقت آباد ،نارتھ ناظم آباد کے مختلف علاقوں کا دورہ کیا ۔وائس چیئرمین سید شاکر علی نے کہا کہ ہماری کوشش ہے کہ عوام کو بنیادی سہولتیں ان کی دہلیز پر فراہم کریں اور عوامی سہولت کی فراہمی کے لئے فرسودہ نظام کوترک کرکے جدیدنظام متعارف کیا جائے۔اس ضمن میں مختلف یونین کمیٹیوں میں صفائی ستھرائی کے ساتھ سا تھ روشنی کے انتظامات بھی کئے جارہے ہیں تاکہ عوام کو رات کی اوقات میں پریشانی نہ ہو۔ چیئرمین بلدیہ وسطی نے کہا کہ ضلع وسطی کو ماڈل ضلع بنائیں گے اس کی تعمیر ،تزین وآرائش میں کوئی کسر نہیں چھوڑیں گے ہم نے جذبہ خدمت اور عزم مُسلسل کے ذریعے صفا ئی اور ترقیاتی کاموںکو جاری رکھا ہوا ہے، مختلف مقا مات پر کچرا جلانے کے واقعات کو انسانی صحت کے لئے مضر قرار دیتے ہوئے کہا کہ اسکولوں ،اسپتالوں اورڈسپنسریوں ،مساجد اور دیگر عوامی اجتما عا ت کے مقا مات کے قریب کسی بھی صورت میں کچرا جلانے کے عمل کو سختی سے روکا جائے ۔

17th Aug 2017 DMC Central Karachi Press Release

16th Aug 2017 DMC Central Karachi Press Release

16th Aug 2017 DMC Central Karachi Press Release

کراچی(  ) قائد اعظم نے مسلمانوں کے خواب کی تعبیر و تصویر پاکستان کی صورت میں دی ،اب اس تصویر میں مقاصد پاکستان کے رنگ بھر نا ہمارا اور ہماری آنے والی نسلوں کی ذمہ داری ہے ۔ان خیالات کا اظہار چیئر مین بلدیہ وسطی ریحان ہاشمی فیڈرل بی ایریا میں قائم ہیپی پیلس اسکول میں جشنِ آزادی کے حوالے منعقدہ تقریب میں بچوں سے خطاب کے دوران کیا ۔اس موقع پر ان کے ہمراہ یوسی 28 کے چیئرمین ،اسکول پرنسپل و دیگر بلدیاتی افسران بھی موجود تھے ۔انہوں نے کہا کہ زندہ قومیں اپنی آزادی کا جشن جوش و خروش سے مناتی ہیں ، آذادی ہم نے تحفے میں حاصل نہیں کی، اس کے لئے ہمارے بزرگوں نے قربانیاں دی ہیں ہمارا فرض ہے کہ اپنے بزرگوں کی قربانیوں کو رائگاں نہ جانے دیںاور مضبوط و روشن پاکستان کی تعمیر کریں ۔اس موقع پر انہوں نے کہا کہ اس طرح کے پروگرام جن میں تقریری مقابلے ،ٹیبلو،ملی نغمے بچوں میںوطن سے محبت کا احساس پیدا کرتے ہیں اور جذبہ حب الوطنی بیدار کرتے ہیں ۔ اس موقع پر بچوں کی جانب سے ملی نغموں کے ساتھ ساتھ ٹیبلوز اور تقریر بھی کی گئیں اس موقع پر مقررین نے قیام پاکستان کے لئے قائد عظم محمد علی جناح اور ان کے رفقائے کار کی خدمات اور قربانیوں پر روشنی ڈالی ۔ چیئر مین بلدیہ وسطی نے کہا کہ بچوں میں مقابلہ ملی نغمہ کرانا اسکول کی انتظامیہ کا اچھا اقدام ہے ۔ انہوں نے مزید کہا کہ ہونہار طلبا و طالبات پاکستان کا روشن مستقبل ہیں ، جذبہ حُب الوطنی سے سرشار یہ بچے پاکستان کا اثاثہ ہیں جنہیں مستقبل میں پاکستان کی باگ ڈور سنبھالنی ہے ،اور پاکستان کا نام دنیا میں روشن کرنا ہے ،طلباءو طالبات اپنی تعلیمی سرگرمیوں پر بھر پور توجہ دیں ۔

16th Aug 2017 DMC Central Karachi Press Release

15th Aug 2017 DMC Central Karachi Press Release

15th Aug 2017 DMC Central Karachi Press Release

کراچی(  )خصوصی بچے ہماری خصوصی توجہ کے مستحق ہیں، معاشرے کے ہر صحت مند افراد کی ذمہ داری ہے کہ وہ اسپیشل بچوں کی پریشانیوں کو ختم کرنے اور ان معصوم پھولوں کےلئے آسانیاں فراہم کرنے میں اپنا کردار ادا کریں ۔ان خیالات کا اظہار چیئرمین بلدیہ وسطی نے آزاد فاو¿نڈیشن کی جانب سے جشن ِ آزادی کے حوالے سے منعقدہ تقریب کے دوران کیا ۔اس موقع پر ان کے ہمراہ آزاد فاو¿نڈیشن کی انتظامیہ کے علاوہ مختلف NGO,s کے نمائندے بھی موجود تھے ۔انہوں نے کہا کہ جشنِ آزادی کے حوالے سے اب تک جن تقریبات میں شرکت کی ہے اُن میں سب سے خوبصورت تقریب ان معصوم بچوں کی ہے ،اس تقریب میں شرکت کرکے جوخوشی مجھے محسوس ہوئی وہ الفاظوں کی محتاج نہیںہے ۔انہوں نے کہا کہ خصوصی بچے نازک پھول کی مانند ہیں،ان کی خوشیاں اور مسکراہٹیںقومی اثاثہ ہیں۔ان معصوم پھولوں کی حفاظت معاشرے کے ہر صحت مند فرد کی ذمہ داری اور فریضہ ہے ۔اگر ہر فرد اپنی ذمہ داری کو محسوس کرتے ہوئے اپنے فرض کو سر انجام دے تو کل یہ بچے ملک و ملت کی تعمیر میں اپنا کردار ادا کرسکتے ہیں۔چیئرمین بلدیہ وسطی نے اس موقع پر اسپیشل بچوںکے ہمراہ پرچم کشائی کے بعد کیک کاٹا ،اسپیشل بچوں نے ٹیبلو،ملی نغمے پیش کئے ۔چیئرمین بلدیہ وسطی نے مزید کہا کہ ترقی یافتہ ممالک میں اسپیشل بچوں کوحکومتی سطح پر سہولتیں فراہم کی جاتی ہیں پبلک سروسز اداروں،ہسپتالوں ،ریلوے اسٹیشن ،ایئر پورٹس پر اسپیشل پرسن کے لئے علیحدہ کاو¿نٹر مخصوص ہیں۔ضرورت اس بات کی ہے ہماری حکومت بھی اسپیشل بچوں کو اس قسم کی سہولیات فراہم کرے۔

15th Aug 2017 DMC Central Karachi Press Release

14th Aug 2017 DMC Central Karachi Press Release

14th Aug 2017 DMC Central Karachi Press Release

کراچی ( ) آزادی ایک نعمت ہے اور یہ نعمت صرف اللہ تعالیٰ کی عطاہے وگرنہ دنیا میں قومیں صدیوں غلامی کی زندگی گزارتی ہیں تب کہیں جاکر آزادی کا سورج دیکھنے کو ملتاہے۔اِن خیالات کا اظہار چیئرمین ڈی ایم سی سینٹرل محمد ریحان ہاشمی نے اپنے آفس میں یومِ آزادی کی تقریب کے آغاز پر پرچم کشائی کے بعدحاضرین سے خطاب کرتے ہوئے کہی۔ انہوں نے مزیدکہا کہ برِ صغیر کے مسلمانوں نے تقریبا ً ایک صدی تک آگ اور خون کے سمندر سے گزر کر ۴۱اگست ۷۴۹۱ءکو قائدیِ اعظم محمد علی جناح کی قیادت میں دنیا کے نقشے پر پاکستان کو ایک حقیقت کا روپ دے کر تمام دنیا کوحیران کردیا۔آج ہم ایک آزاد قوم کی حیثیت سے جی رہے ہیں تو یہ اُن شہیدوں کی قربانیوں کا ثمر ہے جنہوںنے اس جدوجہد میں اپنی زندگی کا نذرانہ پیش کیا۔اب یہ ہماری ذمہ داری ہے کہ اس ملک کو کرپشن اور بدعنوانی سے پاک رکھیں اور دنیا میں اس کا نام بلند کریں۔ اس موقع پر وائس چئیرمین ڈی ایم سی سینٹرل سید شاکر علی نے کہا کہ پاکستان ہماری شناخت ہے ۔ پاکستان ہے تو ہم ہیں ۔ اب یہ ہماری ذمہ داری ہے کہ اس کی حفاظت اپنی جان سے زیادہ کریں اور اگر وقت پڑے تو اپنے وطن پر اپنی زندگی قربان کرنے سے گریز نہ کریں۔ بعد ازاں اسکول کی طالبات نے تحریک پاکستان کے حوالے سے ملی نغمے اورٹیبلو بھی پیش کئے .۔ 

14th Aug 2017 DMC Central Karachi Press Release