9th Sep 2017 DMC Central Karachi Press Release

9th Sep 2017 DMC Central Karachi Press Release

کراچی( ) محرم الحرام کی آمد سے قبل ہی افسران اپنا قبلہ درست کرلیں عزاداران حسین کو بلدیاتی سہولتوں کی فراہمی کے لئے جامعہ اور مربوط حکمت عملی تیار کی جائے رکن قومی اسمبلی عبدالوسیم کی بلدیہ وسطی کے افسران کو تنبیہ وہ بلدیہ وسطی کے مرکزی دفتر لیاقت آباد میں محرم الحرام کے حوالے سے مختلف اقدامات بالخصوص بلدیاتی سہولیات کی فراہمی کے حوالے سے نمائندہ اجلاس سے خطاب کر رہے تھے ۔اس موقع پر حق پرست ارکان صوبائی اسمبلی وسیم قریشی،ایڈوکیٹ محفوظ یار خان،عظیم فاروقی،حاجی انور رضا،جمال احمد ،چیئرمین بلدیہ وسطی ریحان ہاشمی، وائس چیئرمین بلدیہ وسطی سیدشاکر علی اور بلدیہ وسطی کے سربراہان شعبہ جات بھی موجود تھے۔اجلاس میں رکن قومی اسمبلی عبدالوسیم نے بارشوں اور عیدالاضحی کے موقع پر صفائی ستھرائی کے حوالے بلدیاتی افسران پر برہمی کا اظہار کرتے ہوئے کہا کہ اپنی کوتاہی کا ذمہ دار کسی اور کو ٹہرانے کے بجائے اپنی غلطیوں کا ازالہ کیا جائے اور غلطیوں کو نہ دہرایا جائے انہوں نے کہا کہ اب عوام کو دی جانے والی بلدیاتی سہولیات خاص طور پر مذہبی ایام میں دی جانے والی سہولیات میں کسی بھی قسم کی کوتاہی برداشت نہیں کریں گے تمام افسران و کارکنا ن اپنا قبلہ درست کرلیں انہوں نے کہا کہ اگر اپنی اپنی ذمہ داری پوری ایمانداری سے ادا کی جاتی تو آج شہر کی یہ حالت نہیں ہوتی انہوں نے کہا کہ اس سسٹم کو بچانے کے لئے تمام افسران و عملے کو اس شہر کو اون کرنا ہوگا تب ہی ہم اس سسٹم کو بچا سکے گے عبدالوسیم خان نے کہا کہ حق پرست عوامی نمائندے عوام کو شہری سہولیات کی فراہمی کے حوالے سے بلدیاتی افسران اور بلدیاتی قیادت کے ساتھ ہیں ۔ عبدالوسیم خان نے کہا کہ تجاوزات نے اس شہر کو کھنڈرات میں تبدیل کردیا ہے عبدالوسیم نے محکمہ انسداد تجاوزات کو ہدایت کی کہ محرم الحرام کی آمد سے قبل تمام غیر قانونی تجاوزات کے خاتمہ کو یقینی بنائیں اس موقع پر چیئرمین بلدیہ وسطی ریحان ہاشمی نے کہا کہ بلدیہ وسطی محرم الحرام کے حوالے سے صفائی ستھرائی ،سڑکوں کی پیوند و استر کاری ،اسٹریٹ لائٹس کی تنصیب اور تجاوزات کے خاتمہ کے لئے جامع اور مربوط حکمت عملی تیار کر رہی ہے جبکہ مساجد و امام بارگاہوں کے اطراف ،جلوس کی گزر گاہوں پر صفائی ستھرائی اور روشنی کے بھی انتظامات کو مزید بہتر کیا جائے اس موقع پر چیئرمین بلدیہ وسطی ریحان ہاشمی سید شاکر علی نے محرم الحرام کے تقدس اور مجالس عزا اور ماتمی جلوسوں کے حوالے سے کئے جانے والے متعدد اقدامات بشمول صفائی و ستھرائی، اسٹریٹ لائٹس، سڑکوں کی کارپیٹنگ کے اقدامات کے ضمن میں متعلقہ افسران کو ہدایت کی کہ انھیں مزید فول پروف بنانے کے لئے حکمت عملی تیار کریں تا انہوں نے کہا کہ ہر اسلامی دن ہم سے تقاضہ کرتا ہے کہ ہم اسکو عقیدت و احترام سے منائے اور دشمنان اسلام کو امت مسلمہ کے خلاف کسی بھی ممکنہ کاراوائی سے بروقت روکے انہوں نے واٹر اینڈ سیوریج بورڈ کے افسران کو خصوصی ہدایت کی کہ تمام امام بارگاہوں کے اطراف اور جلوس کی گزر گاہوں پر تمام لیکیج کو فوری فور پر بند کیا جائے ۔ 

9th Sep 2017 DMC Central Karachi Press Release

8th Sep 2017 DMC Central Karachi Press Release

8th Sep 2017 DMC Central Karachi Press Release

کراچی( )انصار برنی ،ہیری ٹیج فاؤنڈیشن کی یاسمین لاری ،آباد کے محسن شیخانی ،ایدھی فاؤنڈیشن کے فیصل ایدھی اور NEF آرگنائزیشن اور اس کے علاوہ کراچی کے دیگر فلاحی اداروں کے مشکور ہیں جو نامساعد حالات میں بلدیہ وسطی کے ساتھ تعاون کرتے ہوئے ضلع وسطی کی تعمیر و ترقی میں اہم کردار ادا کررہے ہیں ۔ان خیالات کا اظہار چیئرمین بلدیہ وسطی ریحان ہاشمی نے بلدیہ وسطی کے مختلف علاقوں میں صفائی ستھرائی کے کام کا معائنہ کرتے ہوئے کیا ۔اس موقع پر ان کے ہمراہ متعلقہ بلدیاتی افسران بھی موجود تھے ۔انہوں نے کہا کہ کراچی کو صاف ستھراء اور اس کی تعمیر کرنی ہے تو ہمیں اپنی مدد آپ کے اصول کے تحت کراچی کی تعمیر و ترقی میں بڑھ چڑھ کر حصہ لینا پڑھے گا ۔ انہوں نے کہا کہ ضرورت اس بات کی ہے کہ پرائیویٹ سیکٹر اور دیگر فلاحی ادارے بھی کراچی کو اون کرتے ہوئے شہر کراچی کی تعمیر و ترقی میں اپنا کردار ادا کریں تاکہ شہر قائد پھر سے روشنیوں کا شہربن جائے ۔انہوں نے کہا کہ ضلع وسطی کو ہرا بھرا کرنے کے لئے بلدیہ وسطی کی جاری سر سبز انقلاب مہم کے زریعے پودے لگائے جارہے ہیں جس سے ضلع وسطی سر سبزہوگا اور ماحولیاتی آلودگی میں کمی آئے گی ۔شجر کاری مہم کے زریعے ضلع وسطی کی حدود میں آنے والی گرین بیلٹ میں صفائی ستھرائی کے ساتھ ساتھ خوبصورت پھول دار پودے بھی لگائے جارہے ہیں جس سے بلدیہ وسطی کی خوبصورتی میں اضافہ ہو رہا ہے ۔انہوں نے مزید کہا کہ عیدالاضحی کے بعد بلدیہ وسطی میں صفائی ستھرائی کے کام تیزی سے جاری ہیں ،بلدیہ وسطی کہ وہ علاقے جہاں مشینری کام نہیں کرسکتی وہاں افرادی قو ت کے زریعے صفائی ستھرائی کا کام کیا جارہا ہے۔ 

کراچی ( ) عوام کو سہولیات کی فراہمی میں کسی بھی قسم کی کوتاہی برداشت نہیں کی جائیگی تمام بلدیاتی سہولتیں عوام کی دہلیز پر مہیاء کرنے کے لئے شب روز مصرف عمل ہیں ۔ ان خیالات کا اظہار چیئرمین بلدیہ وسطی ریحان ہاشمی نے ضلع وسطی کے مختلف علاقوں میں صفائی ستھرائی کے کا م کا معائنہ کرتے ہوئے کیا اس موقع پر انھوں نے کہا کہ عیدالاضحی کے موقع پر آلائشوں کو بروقت اٹھانے اور انھیں ٹھکانے لگانے کے عمل میں کوتاہی کے مرتکب افسران و عملے کے خلاف کاروائی کا آغازکردیا گیا ہے پہلے مرحلے میں سینی ٹیشن 66 ،انجیئرنگ 45 اور پارکس ڈپارٹمنٹس کے 68 ملازمین کو شوکاز نوٹس جاری اور 47 ملازمین کومعطل کردیا ہے جبکہ مانٹرنگ سسٹم کے تحت کام نہ کرنے والے افسران و ملازمین کے خلاف سخت ترین کاروائی کا تہیہ کرلیا گیا ہے ۔چیئرمین بلدیہ وسطی ریحان ہاشمی نے کہا ہے ضلع وسطی میں صفائی ستھرائی کی صورت حال کو قابو کرلیا گیا ہے۔انھوں نے کہا کہ جام چاکرو (لینڈ فل ) سائیڈ کھلتے ہی ضلع وسطی میں کچرے کی منتقلی کا کام شب روز سے جاری ہے گزشتہ تین دنوں بلدیہ وسطی کے GTS سے ہزاروں ٹن کچرا جام چاکرو (لینڈ فل ) سائیڈ منتقل کردیا گیا جبکہ آئندہ چندروز میں ضلع وسطی سے کچرے کے انبار کامکمل صفایا کردیا جائیگا ۔واضح رہے کہ بارشوں کے بعد سے جام چاکرو (لینڈ فل ) سائیڈ گزشتہ کئی دنوں سے بند ہونے کی وجہ سے ضلع وسطی کے گاربیج ٹرانسفر اسٹیشن (GTS )ُ پر کچرے کے انبار لگ گئے تھے ۔میءئر کراچی وسیم اختر کی مداخلت اور کاوشوں سے جام چاکرو (لینڈ فل ) سائیڈ کھولنے کے فوری بعد بلدیہ کراچی وسطی کے عملہ ے تیزرفتای سے GTS سے کچرے کی منتقلی کے کام میں مصروف عمل ہے۔

8th Sep 2017 DMC Central Karachi Press Release

7th Sep 2017 DMC Central Karachi Press Release

7th Sep 2017 DMC Central Karachi Press Release

کراچی( ) بلدیہ وسطی اپنے محدود وسائل میں رہتے ہوئے عوامی سہولتوں کی فراہمی کے لئے کوششیں کررہی ہے ان خیالات کا اظہار چیئرمین بلدیہ وسطی ریحان ہاشمی نے ممبر قومی اسمبلی شیخ صلاح الدین،کنور نوید اور یوسی چیئرمینز کے ہمراہ یونین کمیٹی 39 میں میٹنگ کے دوران کیا ۔انہوں نے یوسی چیئرمین اور یوسی پینل کے ممبران سے مخاطب ہوتے ہوئے کہا کہ اس بات کو یقینی بنایا جائے کہ بلدیہ وسطی کی جانب سے صفائی ستھرائی اور خاص طور پر اندرونی گلیوں کی صفائی کے بعد ان جگہوں پردوبارہ کچرا نہ پھینکا جائے تاکہ علاقہ صاف ستھراء رہے اور کسی بھی قسم کی بیماری پھیلنے کا اندیشہ نہ ہو۔انہوں نے کہا کہ ضرورت اس بات کی ہے کہ عوامی آگاہی مہم کے زریعے عوام کوذہنی طور پر اس بات کیلئے تیار کیا جائے کہ وہ اپنے علاقوں میں اپنی مدد آپ کے تحت کام کریں، اور بلدیہ وسطی کی جانب سے کئے جانے صفائی ستھرائی اور تعمیراتی کاموں کی حفاظت کریں ۔بعد ازاں چیئرمین بلدیہ وسطی نے اراکین قومی اسمبلی کے ہمراہ بلدیہ وسطی کے مسیحی برادری سے تعلق رکھنے ولے ملازمین کو زیارت مریم آباد (شیخوپورہ )کیلئے چیک تقسیم کئے ۔اس موقع پر ممبر قومی اسمبلی شیخ صلاح الدین نے کہا کہ حالیہ بارشوں اور عید الاضحی کے موقع پر وسائل کی کمی اور فنڈ کے نہ ہونے کہ باوجود بلدیہ وسطی نے اپنی بہتر حکمت عملی اور منصوبہ بندی کے زریعے نکاسی آب اور آلائشیں اُٹھانے کے کام کو جس انداز میں سر انجام دیا ہے وہ قابل تحسین ہے ۔ممبر قومی اسمبلی کنور نوید نے کہا کہ پاک فوج کے جوانوں نے بارش کے دوران کراچی میں جس طرح اپنی خدمات پیش کیں اور مشکل کی اس گھڑی میں اہل کراچی کے شانہ با شانہ عوامی خدمات کے کام سر انجام دیئے وہ قابلِ تعریف ہیں۔ 

7th Sep 2017 DMC Central Karachi Press Release

6th Sep 2017 DMC Central Karachi Press Release

6th Sep 2017 DMC Central Karachi Press Release

کراچی( ) میئر کراچی وسیم اختر نے کہا ہے کہ کراچی شہر کا سب سے بڑا مسئلہ کچرا ہے جسکی بڑی وجہ جام چاکرو (لینڈفل) سائیڈ کا پچھلے دس روز سے بند ہونا ہے اور آج جام چاکرو (لینڈ فل ) سائیڈ کھولنے کے بعد کچرا تیزی سے منتقل کیا جارہا ہے ۔ان خیالات کا اظہارانھوں نے چیئرمین بلدیہ وسطی محمد ریحان ہاشمی کے ہمراہ عیدالاضحی کے بعد صفائی ستھرائی کا جائزہ لینے کے لئے ضلع وسطی کے دورے کے موقع پر میڈیا کے نمائندگان سے گفتگو کرتے ہوئے کیااس موقع پرمیئر کراچی وسیم اختر نے کہا کہ عیدالاضحی پر کراچی میں خاص طور پر ضلع وسطی میں لاکھوں جانور قربان کئے گئے جنکی آلائشوں کو ٹھکانے لگانے میں منتخب بلدیاتی نمائندے اور بلدیہ وسطی کی انتظامیہ شب روز مصروف عمل رہے اور الحمد للہ ضلع وسطی کو آلائشوں سے کسی حد تک کلیئر کرنے میں کامیاب رہے ہیں اس موقع پر میئر کراچی نے ضلع وسطی کے چیئرمین کو ہدایت کی کہ وہ عیدالاضحی کے موقع پر آلائشیں اٹھانے اور صفائی ستھرائی میں غفلت کے مرتکب افسران و عملے کے خلاف فوری طور محکمہ جاتی کاروائی عمل میں لائیں۔ وسیم اختر نے ضلع وسطی میں مختلف علاقوں میں جاری برساتی نالوں کی صفائی کے کام کا معائنہ بھی کیا میئر کراچی وسیم اختر نے کہاکہ عید الاضحی سے چند روز قبل ہی بارشوں کا سلسلہ شروع ہوچکا تھا جس کے سبب سارا شہر ہی پانی میں ڈوب گیا تھا ہم شکرگزار ہیں پاکستان نیوی ،پاک آرمی اور پاکستان رینجرز کے کہ جن کے جوانوں نے بارش کے پانی کی نکاسی میں اہم کردار ادا کیا بارش کی وجہ سے گلیاں کیچڑ سے بھر گئی تھی ایسے میں قربانی کے جانوروں کا خون اور آلائشوں نے مذید مشکلات پیدا کردی پھر بھی بلدیہ وسطی کے عملہ دن رات مصروف عمل رہا اور اپنی بساط سے بڑھ کر کام کیا یقیناًہمارے وسائل اتنے بہتر نہیں کہ پلک جھپکتے ضلع بھر کو صاف کردیں لیکن جو کچھ بھی ہم سے ھو سکا ہم نے کیا یقیناً100 فیصد صفائی نہیں ہوسکی تاہم آئندہ چند دنوں میں کراچی کو مکمل صاف ستھراء کردیا جائیگا میئر کراچی نے برساتی نالوں کی صفائی کے حوالے سے کہا کہ نالوں پر تجاوزات بڑا مسئلہ ہے سندھ اور وفاقی حکومت کو چاہیے کہ وہ ایک بار پھر برساتی نالوں کا مسئلہ حل کریں انھوں نے ایک سوال کے جواب میں کہا کہ اگر ڈپٹی کمشنر اپنا کام کرتے تو کراچی کی صورت حال ایسی نہ ہوتی جیسی آج ہے ،انھوں نے صنعتکاروں کو مخاطب کرتے ہوئے کہا کہ نالوں میں بچھے ہوئے اپنے پائپ لائنیں ہٹالیں ورنہ کاروائی کی جائیگی ۔ 

6th Sep 2017 DMC Central Karachi Press Release

5th Sep 2017 DMC Central Karachi Press Release

5th Sep 2017 DMC Central Karachi Press Release

کراچی( ) صفائی نفس ایمان ہے عیدالاضحی کے موقع پر آلائشوں کو اُٹھانے کے ساتھ ساتھ بلدیہ وسطی کی انتظامیہ صفائی ستھرائی کے کاموں میں مصروف عمل رہی ۔وسائل اور فنڈ کی کمی کے باوجود بلدیہ وسطی نے مربوط حکمت عملی کے تحت عید الاضحی کے موقع پر آلائشوں کو بروقت ٹھکانے لگانے کے ساتھ ساتھ صفائی کے عمل اورہیوی مشینری اور افرادی قوت کے زریعے بلدیہ وسطی کا عملہ مرکزی شاہراہوں،گرین بلیٹ اور اندرونی گلیوں میں صفائی کے کام میں مصروف عمل رہا ۔ ان خیالات کا اظہار چیئرمین بلدیہ وسطی ریحان ہاشمی نے ضلع وسطی کے مختلف علاقوں میں صفائی ستھرائی کے کام کا معائنہ کرتے ہوئے کیا اس موقع پر ان کے ہمراہ بلدیہ وسطی کے افسران بھی موجود تھے ۔انہوں نے کہا کہ عید الاضحی سے قبل بارشوں کی وجہ سے میونسپل سروسز کا کام بڑھ چکا تھا ۔گنجان آباد علاقوں اور عید گاہوں میں پانی جمع تھا بلدیہ وسطی کی انتظامیہ نے برق رفتاری سے ان مسائل کا سدباب کیا اس ضمن میں چیئرمین بلدیہ وسطی ممبر صو بائی اسمبلی خواجہ اظہار الحسن کے ہمراہ عید الاضحی سے ایک رات قبل اپنی نگرانی میں سندھی ہوٹل پر ڈی واٹرنگ پمپ کے زریعے نکاسی آب کا کام مکمل کروایا جب کہ عید گاہوں میں جمع پانی کو نکال کر مٹی ڈلوائی گئی تاکہ نمازیوں عیدکی نمازیوں کو عید کی نماز ادا کرنے میں کوئی پریشانی نا ہو۔ بارشوں کی وجہ سے جہاں اور مسائل پیدا ہوئے وہاں سڑکیں بھی ٹوٹ پھوٹ کا شکار ہوگئیں جس کی وجہ سے ٹریفک کی روانی میں خلل پیدا ہو رہا تھا،اس ضمن میں انہوں نے پاور ہاؤس چورنگی پر ٹوٹ پھوٹ کا شکار ہونے والی سڑک کی مرمت کیلئے مصروف B&R ڈپارٹمنٹ کے کام کا معائنہ کیا ۔ بعد ازاں چیئرمین بلدیہ وسطی نے نارتھ ناظم آباد ،قلندریہ چوک ،پر ہونے والے برساتی نالے کی صفائی کے کام کا معائنہ کیا ،انہوں نے متعلقہ افسران کو ہدایت دی کہ صفائی کے عمل کو بہتر اور تیز کیا جائے ۔تاکہ عوام کو کسی قسم کی پریشانی پیش نہ آئے۔انہوں نے مزید کہا کہ بلدیہ وسطی کی انتظامیہ شب و روز سڑکوں ،چوراہوں ،گلیوں ،بازاروں کی صفائی ستھرائی کے ساتھ ساتھ دیگر بلدیاتی سہولیات فراہم کرنے کیلئے کوشاں ہے۔ 

5th Sep 2017 DMC Central Karachi Press Release