22nd Sep 2017 DMC Central Karachi Press Release

22nd Sep 2017 DMC Central Karachi Press Release

کراچی( )محرم الحرام میں ممکنہ سہولیات کی فراہمی میں کسی بھی قسم کی کوتاہی برداشت نہیں کی جائیگی تمام بلدیاتی سہولتیں عوام کی دہلیز پر مہیاء کرنے کے لئے شب روز مصرف عمل ہیں ۔ ان خیالات کا اظہار چیئرمین بلدیہ وسطی ریحان ہاشمی نے نارتھ ناظم آباد بوہری برادری کے معززین سے ملاقات کے دوران کیا اس موقع پر ان کے ہمراہ بلدیہ وسطی کے افسران بھی موجود تھے ۔انہوں نے کہا کہ محرم الحرام میں شہادت حسینؓ کی یاد میں عزادارانِ حسینؓ مجالس منعقد کرتے اور ماتمی جلوس نکالتے ہیں، جلوس کی گزر گاہوں پر صفائی ستھرائی کے ساتھ ساتھ روشنی کے انتظامات بھی کئے جارہے ہیں، انہوں نے کہا کہ جلوس کی گزر گاہوں پر ٹو ٹ پھوٹ کا شکار ہونے والی سڑکوں کی استر کاری کا کام تقریبامکمل کرلیا گیا ہے تاکہ عزادارانِ حسینؓ کو کسی بھی قسم کی پریشانی نہ ہو۔ انہوں نے کہا کہ ہر اسلامی دن ہم سے تقاضہ کرتا ہے کہ ہم اسکو عقیدت و احترام سے منائیں اور دشمنان اسلام کو امت مسلمہ کے خلاف کسی بھی ممکنہ کاراوائی سے بروقت روکیں۔ اس موقع پر چیئرمین بلدیہ وسطی ریحان ہاشمی نے افسران کو ہدایت دی کے محرم الحرام میں مساجد و امام بارگاہوں ،جلوس کی گزر گاہوں ،مجالس کی انعقاد کی جگہوں پر صفائی ستھرائی اور روشنی کے مناسب انتظامات کئے جائیں ۔انہوں نے مزید کہا کہ ہم عوام کے منتخب نمائندے ہیں اور عوام کی فلاح و بہبود اور سہولیات کے لئے ہر ممکن اقدام کرکے ضلع وسطی کی سابقہ خوبصورتی کو بحال کررہے ہیں۔

22nd Sep 2017 DMC Central Karachi Press Release

21st Sep 2017 DMC Central Karachi Press Release

21st Sep 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی کا رکن صوبائی اسمبلی جمال احمد کے ہمراہ نیو کراچی میں قائم مختلف مساجد، امام بارگاہوں، عزاداری و ماتمی جلوس کی گزرگاہوں کا دورہ اس موقع پر فوکل پرسن برائے محرم الحرام نیو کراچی وائس چیئرمین یوسی نمبر۸ اویس عالم ، وائس چیئرمین یوسی ۴ نبیل احمد ، سپریٹنڈنگ انجینئر اقبال احمد خان ،xen بی اینڈ آر نازش رضا ،ڈپٹی ڈائریکٹر سینی ٹیشن اسلم بیگ و دیگر متعلقہ افسران بھی انکے ہمراہ تھے،تفصیلات کے مطابق محرم الحرام میں عزادارن حسین کو بلدیاتی سہولیات کی فراہمی کے حوالے امام بارگاہ ولی عصر ،امام بارگاہ آل محمد،جعفریہ امام بارگاہ5-D ،مسجد نبوی و امام بارگاہ حسینی 5-E ِ ،اما م گاہ باب الحوائج و مدرسہ زینب اور مسجد و امام بارگاہ ابوتراب کے اطراف صفائی ستھرائی ، اسٹریٹ لائٹس کی تنصیب،واٹر اینڈ سیوریج کی لائینوں کی مرمت کے ساتھ روڈ کارپیٹنگ ،پیوندکاری کے کام کا معائنہ کیا۔اس موقع پر انہوں نے امام بارگاہوں کے ٹرسٹی،جلوس منتظمین سے بھی خصوصی ملاقات کیں اس موقع پر چیئرمین بلدیہ وسطی ریحان ہاشمی نے کہا کہ بلدیہ وسطی وسائل کی کمی کے باوجود عزادارن حسین کو تمام تر بلدیاتی سہولیات فراہم کرنے کے لئے اپنے تمام تر دستیاب وسائل برؤے کار لارہی ہے انہوں نے کہا کہ حالیہ بارشوں کے بعد سڑکوں کی حالت ناگفتہ ہوگئی تھی اور جگہ جگہ گھڑے پڑنے کی وجہ سے عزا داری و ماتمی جلوس کا گزرنا مشکل تھا ۔چیئرمین بلدیہ وسطی نے کہا کہ عزاداری و ماتمی جلوس کی گزر گاہوں پر سڑکوں کی مرمت کے ساتھ ساتھ سیوریج کی تباہ شدہ لائنوں کی مرمت بھی کرائی جارہی ہے انہوں نے کہا کہ ضلع وسطی میں سیوریج نظام مکمل طورپر ناکارہ ہوچکا ہے جس کی وجہ سے اکثر علاقے گٹر کے پانی سے بھرے ہوئے جسکی وجہ سے علاقہ مکین سخت پریشانی میں مبتلا ہے چیئرمین ریحان ہاشمی نے کہا کہ عوام کی پریشانی کو مد نظر رکھتے ہوئے اور محرم الحرام میں عزاداری و ماتمی جلوس و مجالس کی محافل کے انقعاد کی جگہوں پررستی ہوئی سیوریج و واٹر لائینوں کی مرمت بھی کرائی جارہی ہے جو کہ بلدیہ وسطی کی ذمہ داری نہیں ہے انہوں نے کہا کہ عوام کو بلدیاتی سہولتوں کی فراہمی ہمارا نصب العین ہے اانہوں نے کہا کہ واٹر اینڈ سیوریج بورڈ کی ناقص کارکردگی کی وجہ سے پورا شہر گندے تالاب کا منظر پیش کر رہا ہے، اگر واٹراینڈ سیوریج بورڈ ااپنا کام ایمانداری سے انجام دے تو شہر کراچی کی صورتحال بہت بہتر نظر آئیگی۔ 

21st Sep 2017 DMC Central Karachi Press Release

20th Sep 2017 DMC Central Karachi Press Release

20th Sep 2017 DMC Central Karachi Press Release

کراچی ( )بلدیہ وسطی میں صحت وصفائی کی بہتری کے لئے مشینری کی درستگی انتہائی اہمیت کی حامل ہے اسی سبب ہم نے اس شعبے کو وسائل کی کمی کے باوجود درست رکھنے کے لئے اپنی اولین ترجیحات میں شامل کررکھا ہے۔ ان خیالات کا اظہارچیئر مین بلدیہ وسطی ریحان ہاشمی نے افسران کے ہمراہ لیاقت آباد زون میں میکینکل ورکشاپ(وہیکل) کے دورے کے دوران کیا۔اس موقع پر رکن صوبائی اسمبلی جمال احمد بھی موجود تھے ۔چیئرمین بلدیہ وسطی ریحان ہاشمی نے کہا کہ محنت اور ایمانداری سے کام کرنے والوں کی قدر کرتا ہوں لیکن جوعملہ اپنے فرائض سے غفلت برت رہا ہے اور اپنا کام ایمانداری سے سر انجام نہیں دے رہا اُس کے خلاف سخت محکمہ جاتی کاروائی عمل میں لائی جائے گی۔اس موقع پر انہوں نے ملازمین کی حاضری بھی چیک کی،چیئرمین نے مزید کہا کہ بلدیہ وسطی کی انتظامیہ عوامی خدمات کے حوالے سے پُر عزم ہیں ،بلدیہ وسطی کے مسائل کو حل کرنے کیلئے اپنی تمام تر صلاحیتوں کو بروئے کار لارہے ہیں۔انہوں نے میکینکل ورکشاپ میں گاڑیوں کا معائنہ کیا اور متعلقہ محکمے کے افسران کو ہدایت دی کہ گاڑیوں کی مینٹینس اور سروس کا خیال رکھا جائے اور صفائی ستھرائی کے کام میں تیزی لائی جائے۔ بعد ازاں چیئرمین ریحان ہاشمی نے ورکشاپ کے اسٹور کا بھی معائنہ کیا۔ اس موقع پر ورکشاپ انچارج نے کہا کہ چیئرمین کی جانب سے فراہم کی جانے والی ان سہولتوں کے بعد گاڑیوں کی سروس اور مینٹینس کا کام بہتر انداز میں کیا جارہا ہے،انہوں نے مزید کہا کہ صفائی ستھرائی کے امور کی انجام دہی کے لئے مشینری کو درست انداز میں استعمال کیا جارہا ہے مرکزی شاہراہوں پر ہیوی مشینریز اور چھوٹی سٹرکوں پرلائٹ مشینر ی (Bob Cat)کا استعمال کیا جا رہا ہے اور وہ علاقے جہاں مشینری داخل نہیں ہوسکتی وہاں افرادی قوت استعمال کرکے صفائی ستھرائی کے امور انجام دئیے جارہے ہیں ورکشاپ کے عملے نے بتایا کہ معمولی نقائص کو ورکشاپ میں ہی درست کرکے مشینری کو رواں دواں رکھا جاتا ہے۔ 

20th Sep 2017 DMC Central Karachi Press Release

19th Sep 2017 DMC Central Karachi Press Release

19th Sep 2017 DMC Central Karachi Press Release

کراچی( )ہمیں اپنے شہر میں امن اور ترقی کےلئے باہمی اختلافات کو بھلا کر ایک دوسرے کا ساتھ دینا ہوگا ،محرم الحرام کا مہینہ ہم سب کےلئے قابل احترام ہے ،محرم الحرام کے دوران فرقہ وارانہ ہم آہنگی اور اتحاد کی اہمیت دو چند ہوجاتی ہے ۔ان خیالات کا اظہار میئر کراچی وسیم اختر نے بلدیہ وسطی کے دورے کے دوران کیا ۔ اس موقع پر چیئرمین بلدیہ وسطی ریحان ہاشمی ،رکن صوبائی اسمبلی جمال احمداور دیگر بلدیاتی افسران بھی موجود تھے ۔میئر کراچی نے چیئرمین بلدیہ وسطی کے ہمراہ امام بارگاہ ابوطالب کے اطراف کی جانے والی روڈ کارپیٹنگ کے کام کا معائنہ کیا ۔اس موقع پر چیئرمین بلدیہ وسطی نے کہا کہ بلدیہ وسطی نے محرم الحرام کے دوران عزاداران حسین کو ممکنہ سہولتوں کی فراہمی کے لئے جامعہ اور مربوط حکمت عملی تیارکرلی ہے ۔جس کے زریعے بلدیہ وسطی دیگر عوامی سہولیات فراہم کرنے والے اداروں کے اشتراک اورباہمی تعاون سے عوامی سہولتوں کی فراہمی کو ممکن بنائے گی ۔اس ضمن میں بلدیہ وسطی محرم الحرام کے حوالے سے مساجد و امام بارگاہوں اور مجالس کے انعقاد کی جگہوں پر اور جلوس کی گزر گاہوں پر خصوصی توجہ دے رہی ہے اور بلدیہ وسطی کے متعلقہ محکمے صفائی ستھرائی ،سڑکوں کی پیوند و استر کاری ،اسٹریٹ لائٹس کی تنصیب کو ہنگامی بنیادوں پر سر انجام دے رہے ہیں۔انہوں نے متعلقہ افسران کو ہداےت دی کے کام کی رفتار کو تیز کیا جائے تاکہ عشرہ محرم میں عزاداران حسین کو کسی قسم کی پریشانی کا سامنا نہ کرنا پڑھے انہوں نے مزید کہا کہ ہر اسلامی دن ہم سے تقاضہ کرتا ہے کہ ہم اسکو عقیدت و احترام سے منائیں اور دشمنان اسلام کو امت مسلمہ کے خلاف کسی بھی ممکنہ کاراوائی سے بروقت روکیں انہوں نے واٹر اینڈ سیوریج بورڈ کے افسران کو خصوصی ہدایت کی کہ تمام امام بارگاہوں کے اطراف اور جلوس کی گزر گاہوں پر تمام لیکج کو فوری فور پر بند کیا جائے ۔              

19th Sep 2017 DMC Central Karachi Press Release

18th Sep 2017 DMC Central Karachi Press Release

18th Sep 2017 DMC Central Karachi Press Release

 کراچی( )چیئرمین بلدیہ وسطی ریحان ہاشمی محرم الحرام کے حوالے سے نارتھ ناظم آباد بلاک F،حیدری مارکیٹ ،5 اسٹار چورنگی بلاک Cاور D میں جاری صفائی ستھرائی کے کام کا جائزہ لیا۔اس موقع پر ان کے ہمراہ متعلقہ یوسی چیئرمینز ،یوسی پینل اوربلدیاتی افسران بھی موجود تھے ۔ اس موقع پر چیئرمین بلدیہ وسطی ریحان ہاشمی نے افسران کو ہدایت دی کے محرم الحرام سے قبل مساجد و امام بارگاہوں ،جلوس کی گزر گاہوں ،مجالس کی انعقاد کی جگہوں پر صفائی ستھرائی اور روشنی کے مناسب انتظامات کئے جائیں ۔انہوں نے مزید کہا کہ ہم عوام کے منتخب نمائندے ہیں اور عوام کی فلاح و بہبود اور سہولیات کے لئے ہر ممکن اقدام کرکے ضلع وسطی کی سابقہ خوبصورتی کو بحال کریں گے اس ضمن میں بلدیہ وسطی میں سر سبز شجر کاری مہم کے زریعے پودے لگائے جارہے ہیں اور انشاءاللہ دسمبر کے اختتام تک ہم ایک لاکھ پودے لگا دیں گے۔لگائے جانے والے پودے ضلع وسطی کو سر سبزکرنے کے ساتھ ساتھ ماحولیاتی آلودگی کو کم کرنے میں مدد گار ثابت ہونگے ، انہوں نے کہا کہ سر سبز انقلاب شجر کاری مہم کے ذریعے ضلع وسطی کو شہر کا سر سبز ترین اور شفاف ترین ضلع بنانے کے لئے عوام اور انتظامیہ کا تعاون نہایت ضروری ہے ۔اس وقت معاشرے میں موجود درد مند دل رکھنے والے مخیر اور بااختیار افراد کو چائیے کہ ضلع وسطی کو ''اون'' کریں اور اپنی پسندکے مطابق پارکس،پلے گراﺅنڈ گرین بیلٹس اور دیگر مقامات کو گود لے کر اُسے خوبصورت اور عوام کے استعمال کے قابل بنانے میں بلدیہ وسطی کے ساتھ تعاون کریں ،انہوں نے حیدری مارکیٹ کے دورے کے موقع پر کہا کہ فٹ پاتھوں پر قائم اسٹالزمارکیٹ میں آنے والے خریداروں کی پریشانی کا سبب بن رہے ہیں ،تجاوزات کراچی کی خوبصورتی پر بد نما داغ ہیں اس کا قلع قمع کرنا ضروری ہے اس ضمن میں تجاوزات کے خلاف عنقریب بھر پور آپریشن کیا جائے گا او ر اس بات کو یقینی بنایا جائے گا کہ تجاوزات ہٹائے جانے کے بعد دوبارہ تجاوزات قائم نا ہونے دیں اس سلسلے میں بلدیہ وسطی نے ایک مانیٹرنگ کمیٹی تشکیل دی ہے۔

18th Sep 2017 DMC Central Karachi Press Release