District Municipal Corporation Central Karachi is heart of Karachi It has 51 No. of union councils.
This blog/site is being updated by DMC Central Information Department/Public Relation officer--Alamgeer Saifee
For feedback
Email us: dmc.central.karachi2@gmail.com
Whatsapp/Sms:0092-314-3699690
کراچی ( ) بلدیہ وسطی میں بحریہ ٹاؤن کے اشتراک سے نیو کراچی میں دوسرے مرحلے کا آغاز صفائی مہم کے دوران جلد از جلدنیو کراچی سے کچرے کے ڈھیروں کا صفایا کرنے کیلئے ہیوی مشینری 100 ڈمپر لوڈرز کے ساتھ ساتھ بلدیہ وسطی کی مشینری بھی استعمال میں لائی جارہی ہے صفائی مہم کے دوران خود رو جھاڑیوں کی کٹائی ،فٹ پاتھ پر رنگ و روغن ،وال چاکنگ کے ساتھ ساتھ مرکزی شاہراؤں پر قائم ناجائز تجاوزات کا بھی خاتمہ کیا جائیگا ۔تفصیلات کے مطابق بلدیہ عظمی اور بحریہ ٹاؤن کے اشتراک سے جاری صفائی مہم اب دوسرے مرحلے میں داخل ہوگئی جسکا آغاز آج نیو کراچی سیکٹر 11-F یوسی 12 نالہ اسٹاپ سے کیا گیا اس موقع پر ریحان ہاشمی نے اراکین سندھ اسمبلی جمال احمد،وسیم قریشی ، بحریہ ٹاؤن کے فوکل پرسن کمانڈر ذوالفقار ،یوسی چیئرمینز حنف سورتی ،محمد عابد،اعجاز جیلانی،فوکل پرسن صفائی مہم یوسی چیئرمین محمد عامر،چیئرمین سینی ٹشن کمیٹی ارشد علی کے ہمراہ صفائی مہم کے دوسرے مرحلے کا افتتاح کرتے ہوئے جمع ہونے والی عوام جس میں مرد و خواتین کی بڑی تعداد موجود تھی کہا کہ ضلع وسطی کے عوام کو صاف و شفاف ماحول کی فراہمی میں تمام دستیاب وسائل برؤے کار لارہے ہیں انہوں نے کہا کہ برسوں سے کچرے کے ڈھیروں سے بھرے ہوئے پلے گراؤنڈ اور پارکس کی زمینوں کو کچرے سے پاک کررہے ہیں جہاں اب ہمارے اور آپ کے بچے کھیل سکیں گے اس موقع پر انہوں نے اہل علاقہ سے کہا کہ وہ اس بات کا یقین دلائیں کہ اب کھیل کے میدانوں میں کسی کو کچرا نہیں ڈالنے دئینگے انہوں نے کہا کہ کھیل کے میدانوں کو چائناکٹنگ کی نظر کسی صورت نہیں ہونے دینگے انہوں نے کہا کہ چائنا کٹنگ کو روکنے کے لئے عوام کے تعاون کی اشد ضرورت ہے اس موقع پر انہوں نے محکمہ انسداد تجاوزات کے افسران کو ہدایت کی کہ مرکزی شاہراؤں پر قائم تمام تجاوزات کے خاتمے کو یقینی بنائیں تاکہ سڑکوں کے کناروں کو بھی باآسانی صاف کیا جاسکے انہوں نے کہا کہ صفائی مہم صرف کچرا اٹھانے تک محدود نہیں ہے اس صفائی مہم میں فٹ پاتھ پر رنگ و روغن کے ساتھ ساتھ بیہودہ وال چاکنگ پر چونا بھی کیا جارہا ہے جبکہ خود رو جھاڑیوں کو بھی صاف کیا جائیگا انہوں نے کہا کہ آئندہ چند روز میں نیو کراچی کو کچرے کے ڈھیروں سے پاک کر دئینگے ۔اس موقع پر سپریٹنڈنگ انجینئر اقبال احمد خان ،ڈائریکٹر ٹیکس ٹیشن شمعونہ علی ،ڈائریکٹر سینی ٹیشن ندیم حیدر، ایم کیو ایم پاکستان کے کارکنان اور عوام کی بڑی تعداد موجود تھی۔
کراچی ( ) رکن صوبائی اسمبلی جمال احمد کا چیئرمین بلدیہ وسطی ریحان ہاشمی کے ہمراہ بلدیہ وسطی کی جانب سے لگائے جانے والے ہیٹ اسٹروک کا معائنہ کیا اور شہریوں کو اپنے ہاتھ سے ٹھنڈہ پانی بھی پلایا اس موقع پر رکن صوبائی اسمبلی نے کہا کہ صحت سب سے پہلے کے اصولوں پر گامزن ہیں اپنے شہریوں کی زندگیوں کو محفوظ بنانے کے لئے جراثیم کش ادویات کا اسپرے ،ہیٹ اسٹروک سے بچاﺅ کیمپس کے انعقاد کے ساتھ ساتھ بلدیہ عظمی اور بلدیہ وسطی کے زیر انتظام چلنے والی ڈسپینسریز کو بھی اپ ڈیٹ کردیا گیا جہاں ہیٹ اسٹروک سے بچاﺅ کے سینٹر پہلے ہی فعال ہیں اور صرف 5 روپے کی پرچی میں مریض کوالیفائیڈ ڈاکٹرز سے اپنا بہترین علاج کراسکتے ہیں اس موقع پر متعلقہ یوسی چیئرمین ،سپریٹنڈنگ انجینئر اقبال احمد خان چیف میڈیکل آفیسر ڈاکٹر حامد مصطفی،اختر رضا ،غوث محی الدین و دیگر بلدیاتی افسران انکے ہمراہ تھے رکن صوابئی اسمبلی جمال احمدنے کہا کہ کراچی کو ایک سازش کے ذریعے پستی کی طرف دھکیلا جارہا ہے لیکن حق پرست نمائندے کراچی کے خلاف ہونے والی ہر سازش کے سامنے سیسہ پلائی ہوئی دیوار ثابت ہونگے انہوں نے کہا کہ میئر کراچی وسیم اختر کے ہاتھ بندھے ہوئے ہیں کراچی ایک بین الاقوامی شہر ہے لیکن اس کا میئر بے اختیار ہے جبکہ کراچی اس ملک میں سب سے زیادہ ٹیکس دینے ولا شہر ہے انہوں نے کہا کہ KW&SB ِKDA ِ اور ٹاﺅن پلاننگ جیسے محکمے میئر کی دسترس میں ہی نہیں ہے جو کہ کراچی کے حقوق پر ڈاکہ ڈالنے کے مترادف ہے اس موقع پر انہوں واٹر اینڈ سیوریج بورڈ کے حوالے سے کہا کہ کراچی کے شہریوں کو انتقام کا نشانہ بنایا جارہا ہے بوسیدہ اور رستی ہوئی سیوریج لائنوں نے شہر کا انفراسٹریکچر تباہ کردیا ہے اور شہر کے مختلف علاقوں میں جمع شدہ سیوریج کا پانی بیماریوں کا سبب بن رہا ہے جمال احمد نے کہا کہ سندھ حکومت کو چاہیے کہ وہ میئر کراچی کو اختیارت دے تاکہ کراچی کے شہریوں کو مسائل سے نجات مل سکے جمال احمد نے کہا کہ حق پرست عوامی نمائندے عوام کی تکلیف کے درد کو سمجھتے ہیں اسی لئے وہ عوام کو مشکلات سے نکالنے کے لئے ہمہ وقت میدان عمل میں رہتے ہیں اس موقع پر چیئرمین بلدیہ وسطی ریحان ہاشمی نے کیمپ پر دی جانے والی طبی سہولتوں کے حوالے سے موجود ڈاکٹرز سے تفصیلات طلب حاصل کیں کیمپ پر موجود ڈاکٹرز کے مطابق ہیٹ اسٹروک سے فوری بچاﺅ کے لئے انجیکشن ،آئس باکس ،نمکول ،ORS ِ ٹھندا پانی اور شربت بھی رکھا گیا ہے چیئرمین ریحان ہاشمی اطمینان کا اظہار کرتے ہوئے کہا کہ شہریوں کی صحت کے حوالے کسی بھی قسم کی کوتاہی نہ برتی جائے انہوں نے کہا کہ بلدیہ وسطی صحت سب سے پہلے کے اصولوں پر گامزن ہے اور یہی وجہ ہے کہ فنڈز کی کمی اور وسائل نہ ہونے کے باوجود عوام کو صاف ستھراءاور صحت مند ماحول فراہم کرنے کے نجی اداروں سے بھی مدد لے رہے ہیں انہوں نے کہا کہ عوام کو بہتر ین طبی سہولتوں کے لئے ڈسپینسریز کو بھی اپ ڈیٹ کردیا گیا ہے انہوں عوام کو مشورہ دیتے ہوئے کہا کہ گرمی کی شدت کے باعث کسی بھی شہری کو علاقے میں ہیٹ اسٹروک یا لو لگنے کی صورت میں بلدیہ وسطی کی قریبی ڈسپینسری یا کیمپ سے رجوع کریں
کراچی ( )کتب میلے کا ا نعقاد اس بات کی غمازی کرتا ہے کہ آج بھی لوگ کتابوں سے محبت کرتے ہیں ان خیالات کااظہارانہوں نے بزم فروغ علم و ادب اور فرید پبلیشر کے زیر اہتمام ڈائمنڈ میرج ہال فیڈرل بی ایریا میں منعقد ہ کتب میلے میں حاضرین سے خطاب کرتے ہوئے کیا اس موقع پررکن رابطہ کمیٹی متحدہ قومی موومنٹ پاکستان ،شکیل احمد، چیئرمین بلدیہ وسطی ریحان ہاشمی ،مشہور نیوز کاسٹر شہاب الدین شہاب،ایڈوکیٹ احسن شجاع،عنبرین حسیب عنبرین،ایاز خان ،سرور جاوید،حسنین رضوی،ایڈیٹر جنگ محمد اسلام ،احمد نوید ،نسیم نازش ،غلام محی الدین ، ڈسٹرکٹ ایجوکسن کمیٹی کے چیئرمین تابش اور مجید رحمانی بھی موجود تھے امین الحق نے کہا کہ اس وقت تعلیم پرکل بجٹ کاصرف2.9فیصدخرچ ہو رہا ہے جو کہ اس ملک کی بدنصیبی ہے انہوں کہا کہ ہم اس بجٹ کو 10 فیصد تک لیکر جائیگے انہوں نے کہا کہ کراچی اس وقت سب سے زیادہ ٹیکس ادا کرنے والا شہر ہے لیکن اسکے مئیر کے ساتھ ساتھ تمام بلدیاتی نمائندے بے اختیار ہیں صوبائی حکومتوں کو چاہیئے کہ وہ اختیارات کو نچلی سطح تک منتقل کریں اس موقع پرچیئرمین بلدیہ وسطی کے چیئرمین ریحان ہاشمی نے کہا کہ کتب میلے کے انعقاد سے یہ امید کی جاسکتی ہے کہ مستقبل قریب میںطلباءمیں کتابیں پڑھنے کی جانب رجحان میں اضافہ ہوگا انہوں نے فرید پبلیشر کے روح رواں سید فرید حسین کو 15 سال سے تسلسل کے ساتھ کتب میلے کے انعقاد پر خراج تحسین پیش کیا انہوں نے کہا کہ کبھی کراچی کے حوالے سے بات کا موضوع اچھی تعلیم ہواکرتا تھا اور اب کراچی کچرے کی بنیاد پر موضوع بحث بنتا ہے لگتا ہے یہ کراچی اور کراچی والوں کے خلاف ایک سوچی سمجھی سازش ہے جسکی واضح مثال حال ہی میں ہونے والی مردم شماری ہے جسکے تحت پورے پاکستان میں آبادی کا تناسب بڑھ رہا ہے جبکہ کراچی میں آبادی پہلے سے بھی کم دکھائی جارہی ہے باوجود اس کے دوسرے شہروں سے آمد کا سلسلہ جارہ ہے انہوں نے کہا کہ یہاں حقوق کی بات کرنے والوں کو عتاب کا شکار بنایا جاتا ہے اس موقع پر دیگر مقررین نے بھی کتب میلے کے انعقاد کو سراہا قبل ازیں رکن رابطہ کمیٹی امین الحق نے فیتہ کاٹ کر 15 ویں کتب میلے کا افتتاح کیا۔
کراچی ( ) چیئرمین بلدیہ وسطی ریحان ہاشمی نے کہا ہے کہ ضلع وسطی کی ہر یونین کمیٹی کوکچرے سے پاک کرکے دم لیئنگے محدود وسائل کے باوجود عوام کو صاف و شفاف ماحول اور پینے کا صاف پانی اور بہتے ہوئے سیوریج کے پانی سے جلد ازجلد نجات دلائے گے وہ نیو کراچی زون میں یونین کمیٹی نمبر14 میں نورانی محلہ اور یوسی15 میں سیکٹر 7-D میں صفائی ستھرائی اور سیوریج لائنوں کی مرمت کے حوالے سے کئے گئے اقدامات کا معائنہ کر رہے تھے اس موقع پر چیئرمین یوسی 12 حنیف سورتی ،چیئرمین یوسی ۴۱ کے چیئرمین مشتاق ایاز،یوسی ۵۱ کے چیئرمین عفان سلیم ،یوسی ۴ کے وائس چیئرمین نبیل احمد بھی انکے ہمراہ تھے اس موقع پر علاقہ مکینوں نے چیئرمین بلدیہ وسطی ریحان ہاشمی سے ملاقات کی اور علاقائی مسائل سے آگاہی دیتے ہوئے کہا کہ برسوں سے سیوریج لائنیں لیک ہیں کوئی شنوائی نہیں ہے واٹر بورڈ کا عملہ کام نہیں کرتا اور سیوریج کا گندا پانی گلیوں میں جگہ جگہ کھڑا ہے جسکی وجہ سے بیماریاں جنم لے رہی ہیں اس موقع پر چیئرمین بلدیہ وسطی ریحان ہاشمی نے کہا کہ گرچہ یہ مسئلہ واٹر اینڈ سیوریج بورڈ کا ہے لیکن ہم عوامی نمائندے ہیں اپنے لوگوں کو کسی کے رحم و کرم پر نہیں چھوڑسکتے اپنی عوام کے لئے جو بن پڑا ضرور کریں گے انہوں نے کہا کہ بلدیہ وسطی یوسی چیئرمین کے ساتھ ملکر صفائی ستھرائی پارکوں کی تزئین و آرائش کے سات ساتھ واٹر اینڈ سیوریج کی بوسیدہ اور لیکیج لائنوں کی تبدیلی اور مرمت کے اقدامات کر رہے ہیں عنقریب عوام کوبڑی تبدیلی نظر آئیگی انہوں نے کہا کہ بلدیہ عظمی اور بحریہ ٹاﺅن کے اشتراک سے پہلے مرحلہ ،میں ناظم آباد اور لیاقت آباد سے 10,000 ہزار ٹن کچرا ٹجکانے لگایا گیا اور دوسرے مرحلہ نیو کراچی زون سے شروع ہوگا چند ہی دنوں میں نیو کراچی بھی کچرے کے ڈھیروں سے پاک ہوجائیگا انہوں نے عوام اپیل کی کہ وہ بھی بلدیاتی نمائندوں کے ساتھ تعاون کریں عوام کے تعاون کے بغیر کوئی بڑی سے بڑی طاقت کامیاب نہیں ہوسکتی اس موقع پر انہوں نے نجی ادراوں کے مالکان کو مخاطب کرتے ہوئے کہا کہ وہ بھی کراچی کا اون کریں اور اپنے وسائل کوکراچی کی تعمر وترقی کے لئے بھی استعمال میں لائیں واضح رہے وسائل کی کمی کے باوجود بلدیہ وسطی کے کارکنان تندہی سے صفائی مہم کو کامیاب بنانے کے لئے دن رات محنت کررہے ہیں۔چئیرمین ریحان ہاشمی نے ضلع وسطی کے عوام سے اپیل کی ہے کہ وہ اپنے ضلع کو صاف اور شفاف بنانے میں بلدیہ وسطی کے ساتھ تعاون کریں تاکہ ضلع وسطی کو شہر کا شفا ف ترین ضلع بنانے کی کوششیں بارآور ثابت ہوسکیں۔
کراچی( ) چیئرمین بلدیہ وسطی ریحان ہاشمی نے کہا ہے کہ اب کسی صورت ضلع وسطی کو کچرے کا ڈھیر نہیں بننے دیئنگے وہ لیاقت آباد الکرم اسکوائر کے اطراف صفائی ستھرائی کے کام کے بعد بیوٹیفیکیشن کے کام کے آغاز کے موقع پر عوام سے گفتگوں کررہے تھے ۔ اس موقع پر انہوں نے عوام کے مسائل سنے اور انھیں فوری حل کرنے کے احکامات بھی صادر کئے عوام کے مسائل کا زیادہ تر حصہ پانی و سیوریج لائنوں کی لیکج کی مرمت کے حوالے سے تھا جس کی وجہ سے لیاقت آباد کے بیشتر علاقوں پانی جمع ہونے کی وجہ سے گلی کوچے گندے پانی کے تالاب بنے ہوئے ہیں اور عوام ذہنی کوفت کا شکار ہیں چیئرمین بلدیہ وسطی ریحان ہاشمی نے وزیر اعلی سندھ سید مراد علی شاہ سے اپیل کی کہ وہ عوام کے اس مسئلے کے حل کے لئے فوری اقدامات کریں اور واٹر اینڈ سیوریج بورڈ کے افسران کو لیکیج لائنوں کے مرمت کے احکامات صادر کریں انہوں نے کہا کہ حق پرست بلدیاتی نمائندوں نے بڑی محنت اور کوششوں سے خاص طور پر میئر کراچی وسیم اختر کے تعاون اور ذاتی دلچسپی سے ضلع وسطی کو کچرے کے ڈھیروں سے پاک کیا ہے اسے دوبارہ کچرے کا ڈھیر نہیں بننے دیا جائے انہوں افسران و عملے کو ہدایت کی کہ اس سلسلے میں کسی بھی قسم کی لاپرواہی و کوتاہی برداشت نہیں کی جائیگی انہوں نے عوام سے بھی اپیل کی کہ وہ اپنا کوڑا کرکٹ گرین بیلٹس ،پارکس ، سڑکوں اورگلیوں کے سامنے پھیکنے کے بجائے بلدیہ وسطی کی مختص کردہ کچرا کنڈیوں میں ڈالیں اور اپنے گھر سے کچرا اٹھانے والوں کو بھی پابند کریں کہ وہ مختص کردہ کچرا کنڈی ہی میں گھروں کا کچرا ڈالیں تاکہ وہاں سے بلدیہ وسطی کا عملہ آسانی سے کچرا اٹھا کر شہر سے باہر منتقل کرسکے جس سے آپ کا گھر آپکا محلہ اور اپکا شہر بھی صاف ستھرا نظر آئیگا انہوں نے کہا کہ بلدیہ وسطی کچرا صاف کرنے کے ساتھ ساتھ ضلع وسطی میں تزئین و آرائش کے کام بھی آغاز کر رہی ہے تاکہ اہلیان ضلع وسطی کو صاف ستھراء سرسبز و شاداب ماحول مئیسر آسکے جبکہ دوسر ے اضلاع یا پاکستان کے دوسرے شہروں سے آنے والے مہمانوں کو اچھا تاثر ملے ریحان ہاشمی نے کہا کہ ناظم آباد ،لیاقت آباد زون کے مختلف علاقوں سے کچرا صاف کرنے کے بعد ان جگہوں پر جہاں لوگوں نے کچرا ڈال ڈال کر کچرا کنڈیاں بنا ڈالی تھی کچرا صاف کرنے کے بعد ان جگہوں پر شجرکاری کی جارہی ہے جبکہ گرین بیلٹس کو کچرے سے پاک کرکے خوشنما پھول اور پودے لگائے جارہے ہیں ۔واضح رہے کہ بلدیہ عظمی اور بحریہ ٹاﺅن کے اشتراک سے صفائی مہم کا پہلا مرحلہ لیاقت آباد سے شروع ہوا تھا اس صفائی مہم میں تقریبا 10.000 ٹن کچرا اٹھا کر شہر سے باہر ٹھکانے لگایا گیا جبکہ دوسرے مرحلے کا آغازمورخہ 09 / اکتوبر بروز پیر سے کیا جارہا ہے امید ہے چند ہی دنوں میںضلع وسطی کراچی کا صاف و شفاف ضلع بن جائیگا ۔ ضلع وسطی میں قائم گرین بیلٹس پر شجر کاری کے ساتھ ساتھ تزین و آرائش کا کام بھی جاری ہے جبکہ بلدیہ وسطی میں صفائی مہم کے دوران منتخب زون سے ہزاروں ٹن کچرا اٹھانے کے علاوہ روزمرہ صفائی کا کام بھی تواتر سے جاری ہے جبکہ ضلع وسطی کو جاذب نظر بنانے کے لئے گرین بیلٹس پر پودے لگانے کے ساتھ ساتھ چورنگیوں،داخلی و خارجی راستوں پر خوشنما پھول اور پودے بھی لگائے جارہے ہیں۔
کراچی( )چیئرمین بلدیہ وسطی ریحان ہاشمی کی صفائی ستھرائی کے کام کی مسلسل نگرانی سے ضلع وسطی صاف و شفاف ضلع کی جانب گامزن ،ضلع وسطی میں بحریہ ٹاﺅن کے تعاون سے گلبرگ زون میں صفائی مہم کے تیسرے مرحلے کے دوران پلے گراﺅنڈز کو ترجیحی بنیادوں پر کچرے سے پاک کیا جارہا ہے جبکہ فیڈرل بی ایریا ،عزیز آباد،اور موسیٰ کالونی سے ہزاروں ٹن کچرا لینڈ فل سائیڈ منتقل کیا جاچکا ہے، صفائی مہم کے دوران ضیاءالدین کے قریب گجر نالے کی صفائی کے ساتھ ساتھ کریم آباد سے موسیٰ کالونی تک برساتی نالے کی صفائی کا کام بھی جاری ہے ۔چیئرمین بلدیہ وسطی ریحان ہاشمی کی نگرانی میں صفائی ستھرائی ،شہر سے باہر کچرے کی منتقلی،گرین بیلٹس کی تزئین و آرائش،جراثیم کش ادویات کا اسپرے ،تجاوزات کے خلاف کاروائی،سڑکوں کی پیوند کاری اور بوسیدہ سیورئج لائنوں کی مرمت کا تسلسل جاری ۔تفصیلات کے مطابق چیئرمین بلدیہ وسطی ریحان ہاشمی ضلع وسطی میں عوام کو دی جانے والی بلدیاتی سہولتوں کی نگرانی بنفس نفیس کررہے ہیں وہ اپنے دفتر میں بھٹنے کے بجائے ضلع میں ہونے والے کام کی نرانی کو ترجیح دیتے ہیں اور جہاں جہاں کام میں کوتاہی نظر آتی ہے افسران و عملے کی باز پرس کے ساتھ ساتھ انکو ہدایات بھی دیتے ہوئے نظر آتے ہیں یہ ہی وجہ ہے کہ ضلع وسطی کا عملہ شب وروز ضلع وسطی میں صفائی ستھرائی کے ساتھ ساتھ دیگر ترقیاتی کام کرتا نظر آتا ہے ضلع وسطی میں بلدیہ عظمی اور بحریہ ٹاﺅن کے اشتراک سے چلنے والی صفائی مہم کے دوران پہلے دو مراحل میں ضلع وسطی لیاقت آباد اور ناظم آباد زون میں کچرے کے ڈھیروں کا صفایا ، لیکیج سیوریج لائنوں کی مرمت ، سڑکوں کی پیوند کاری کے ساتھ ساتھ گرین بیلٹس کی تزئین و آرائش کا تسلسل جاری ہے جس کے اثرات نظر آرہے ہیں امید کی جاسکتی ہے کہ چیئرمین بلدیہ وسطی کے انقلابی اقدامات ضلع وسطی کو ماضی کی طرح صاف و شفاف اور تجاوزات سے پاک ضلع بن جائیگا ضرورت اس امر کی ہے عوام بھی صاف و شفاف ماحول کو برقرار رکھنے میں اپنا کردار ادا کریں اپنا کوڑا کرکٹ مختص کردہ کچرا کندیوں میںڈالیں اور ایسے عناصر پر نظر رکھیں جو جگہ جگہ اور برساتی نالوں میں اپنے گھروں کا فیکٹریوں کا کچرا ڈالتے ہیں تاکہ انکے خلاف قانونی کاروائی عمل میں لائی جاسکے۔
