27th Oct 2017 DMC Central Karachi Press Release

27th Oct 2017 DMC Central Karachi Press Release

کراچی ( ) بلدیہ وسطی کے چئیرمین ریحان ہاشمی نے کہاہے کہ طالبات کے لئے عام نصابی تعلیم کے ساتھ ساتھ فنی تعلیم کا حصول بھی نہایت ضروری ہے ۔وقت کا تقاضہ ہے کہ ہماری طالبات تعلیم یافتہ ہونے کے ساتھ ساتھ ہنر مند بھی ہوں ۔آئندہ آنے والا وقت مردوں کے ساتھ ساتھ خواتین کو بھی میدانِ عمل میں آنے کا متقاضی ہوگا۔ ایسے میں ہنر مند خواتین اپنے گھریلو اخراجات میں شوہروں کی معاونت کرنے کے ساتھ ساتھ ملکی معیشت کی ترقی میں اہم کردار اداکرسکیں گی۔ضرورت اس امر کی ہے کہ ہر کالج میں عام تعلیم کے ساتھ ساتھ ٹیکنیکل تعلیم کے شعبے بھی قائم کئے جائیں تاکہ طالبات عام تعلیم کے ساتھ ساتھ ہنر بھی سیکھ سکیں۔ وہ عبداللہ گورنمنٹ کالج برائے خواتین کے خصوصی دور کے موقع پر پرنسپل اور اساتذہ سے گتفگتو کررہے تھے۔اُن کے دورے کا مقصد عبداللہ کالج کو درپیش مسائل کے بارے میں آگاہی حاصل کرنا تھا۔ تاکہ ان کے حل کے لئے مناسب اقدامات کئے جاسکیں۔ اس موقع پر کالج کی پرنسپل محمودہ الطاف نے کالج کو درپیش مسائل سے چیئرمین بلدیہ وسطی کو آگاہ کیا جن میں پینے کے پانی کی قلت، سیوریج لائن کی شکستگی ، کالج کراؤنڈ کی صفائی کے مسائل تھے ۔ اس موقع پر پرنسپل نے کالج میں پڑھائی کی کیفیت اور اساتذہ و طالبات کی کارکردگی کے بارے میں تفصیلات بیان کیں۔ ریحان ہاشمی نے پرنسپل کو کالج کے تمام مسائل حل کرنے کے لئے بھر پور تعاون کی پیش کش کی جبکہ پانی اور سیوریج کے مسائل کو جلد حل کرنے کی یقین دہانی کرائی۔ مزید برآں کالج میں شجرکاری کرنے کے لئے پودوں کی جلد فراہمی اور کالج گراؤنڈ سے خودرو پودوں اور جھاڑیوں کو صاف کرنے کیلئے ڈاریکٹر پارکس ندیم حنیف کو ہدایت کی۔ اس موقع پر ڈائریکٹر ایڈمن بلدیہ وسطی شمعونہ صدف اور ڈپٹی ڈائریکٹر باغات شبیر حسین بھی موجود تھے۔

27th Oct 2017 DMC Central Karachi Press Release

26th Oct 2017 DMC Central Karachi Press Release

26th Oct 2017 DMC Central Karachi Press Release

کراچی( )چیئرمین بلدیہ وسطی ریحان ہاشمی نے سبز انقلاب کا ازسرنو آغاز کرنے کے لئے اسیٹنڈنگ کمیٹی باغات کے چیئرمین ظفر اعجاز اور محکمہ باغات کے افسران کو ہدایت کی ضلع وسطی کو سرسبز و شاداب بنانے کے لئے اپنی صلاحیتوں کے جوہر دکھائیں تاکہ اہلیان ضلع وسطی کو سرسبز ماحول فراہم ہو سکے ، ضلع وسطی کے پارکوں اور گرین بیلٹوں کو خوبصورت اور خوشنما پھول اور پودوں سے مزئین کریں تاکہ شام کے اوقات میں عوام ان تفریحی مقامات میں اپنے بچوں کے ہمراہ جائیں اور وہاں موجود خوبصورت و خوشنما پھولوں کی بھینی بھینی خوشبو سے محظوظ ہوسکیں وہ نارتھ ناظم آباد میں قائم معروف بین الا قوامی شہرت یافتہ شاعر ابن انشاء کے نام سے منسوب پارک کا دورہ کر رہے تھے اس موقع پر باغات کمیٹی کے چیئرمین ظفر اعجاز محکمہ باغات کے ڈائریکٹر ندیم حنیف ودیگر متعلقہ افسران بھی انکے ہمراہ تھے ریحان ہاشمی نے کہا کہ ابن انشا پارک کو سرسبز بنایا جائے جبکہ بچوں کے کھیلنے کی جگہ بھی فراہم کی جائے انہوں نے کہا کہ ابن انشاء پارک کی تزئین آرائش کے کام کو جلد مکمل کرکے عوام کے لئے تفریح کا مرکز بنایا جائے تاکہ قرب و جوار میں رہنے والے لوگ اپنے گھر کے قریب میں تفریحی حاصل کر سکیں انہوں نے کہا کہ حق پرست بلدیاتی قیادت عوام کو انکی دہلیز پر تمام تر بلدیاتی سہولتوں کی فراہمی کو ممکن بنانے کے لئے ہرممکن اقدام کر رہے ہیں انہوں نے کہا کہ شجر کاری مہم کے ساتھ ساتھ عوام میں شجرکاری کے حوالے سے آگاہی بھی فراہم کی جائے اس ضمن میں مقامی NGO نیشنل فورم آف انوائرمنٹ اینڈ ہیلتھ کے سربراہ نے اپنے وفد کے ہمراہ چیئرمین بلدیہ وسطی ریحان ہاشمی اور وائس چیئرمین سید شاکر علی سے انکے دفتر میں ملاقات کی اور ضلع وسطی میں جاری سبز انقلاب میں کی جانے والی شجر کاری کو سراہا نیشنل فورم آف انوائرمنٹ کے چیئرمین نعیم قریشی نے کہا کہ بلدیہ وسطی کو سرسبز و شاداب بنانے میں بلدیہ وسطی کی انتظامیہ کی کاوشیں سب پر عیاں ہیں اس موقع پر نعیم قریشی نے بلدیہ وسطی کے پارکس و گرین بیلٹس کو خوبصورت بنانے کے لئے پودوں کی فراہمی کی پیشکش بھی کی انہوں نے کہا کہ بلدیہ وسطی پارک کا انتخاب کرے ہم اسکی تزئین و آرائش میں بلدیہ وسطی کے ساتھ بھرپور تعاون کرینگے اس موقع پر ڈائریکٹر باغات ندیم حنیف نے بتایا کہ اس وقت بلدیہ وسطی کے 24 پارکس میں تزئین و آرائش کا کام جاری ہے جبکہ بیشتر پارکس عوام کو تفریح فراہم کر رہے ہیں ۔ 

26th Oct 2017 DMC Central Karachi Press Release

25th Oct 2017 DMC Central Karachi Press Release

25th Oct 2017 DMC Central Karachi Press Release

کراچی( ) چیئرمین بلدیہ وسطی نے کہا ہے کہ اپنے طلبا و طالبات کو جدید دور کے مطابق کمپیوٹر کی تعلیم سے آراستہ کرنا نہایت ضروری ہے وہ ابن انشاء انگلش میڈم اسکول گلبرگ میں ہیریٹیج فاؤنڈیشن کی جانب سے قائم کی جانے والی کمپیوٹر لیب کی افتتاحی تقریب سے خطاب کر رہے تھے اس موقع پر اسٹنڈنگ کمیٹی تعلیم کے چیئرمین محمد تابش جیلانی ،یوسی 29 کے چیئرمین سید فرید حسین،رکن تعلیمی کمیٹی مبینہ سلطانہ ،ڈائریکٹر تعلیم بلدیہ وسطی شمس العارفین ،ہیڈ مسٹریس ابن انشاء اسکول ،معلم و معلمات ،طالبات اور والدین کی بڑی تعداد موجود تھی ریحان ہاشمی نے کہا کہ ہیریٹیج فاؤنڈیشن کی جانب سے طلبا و طالبات کی تعلیم میں معاونت ایک احسن اقدام ہے انہوں نے والدین کو مخاطب کرتے ہوئے کہا کہ بچوں کو جدید تعلیم سے آراستہ کرنے کے لئے والدین کو بھی جدید تعلیم سے روشناس ہونا ضروری ہے ،اس لیب سے جہاں اسکول کے طلبا و طالبات مستفید ہوسکیں گے وہیں والدین بھی اس کمپیوٹر لیب سے فائدہ اٹھا سکیں گے۔ چیئرمین ریحان ہاشمی نے ضلعی میونسپل کارپوریشن کی حدود میں موجود محکمہ تعلیم کے تمام اساتذہ ،معماران ملک و قوم کو علم اور شعور کی آگاہی فراہم کرنے کے لئے اپنی صلاحیتوں کوبرؤے کار لا ئیں ا س موقع پر تعلیمی کمیٹی بلدیہ وسطی کے چیئرمین محمد تابش جیلانی نے کہا کہ بلدیہ وسطی ب کے زیرِ انتظام چلنے والے اسکولوں کے طلبا و طالبات ذہانت میں کسی طور پرائیویٹ اسکولز کے طلباء و طالبات سے کم نہیں ضرورت اس امر کی ہے کہ اساتذہ کے ساتھ ساتھ والدین بھی طلباء کی تعلیم میں اپنا کردار ادا کریں انہوں نے کہا کہ چیئرمین بلدیہ وسطی ریحان ہاشمی بلدیاتی اسکولز کا تعلیمی معیار بلند کرنے کیلئے ہر ممکن اقدام کررہے ہیں ہیریٹیج فاؤنڈیشن کی فوزیہ لاری نے کہا کہ ہماری خواہش ہے کہ وہ طلبا و طالبات جو اپنے خرچ پر جدید تعلیم حاصل نہیں کرسکتے وہ اس لیب سے استفادہ حاصل کرسکیں۔انہوں نے کہا کہ ہیرٹیج فاؤنڈیشن طلبا و طالبات کی تعلیم میں تعاون کرتی رہے گی۔، بعد ازاں چیئرمین ریحان ہاشمی نے کمپیوٹر لیب کا معائنہ کیا۔

25th Oct 2017 DMC Central Karachi Press Release

24th Oct 2017 DMC Central Karachi Press Release

24th Oct 2017 DMC Central Karachi Press Release

کراچی( ) بلدیہ کراچی وسطی کی جانب سے کراچی الیکٹرک کارپوریشن کو واجبات کی عدم ادائیگی پر متعدد بار مطالبات کرنے کے باوجود تاحال کوئی شنوائی نہ ہوئی جس پر چیئرمین بلدیہ وسطی ریحان ہاشمی کی اضافی کوششوں سے آج کے الیکٹرک کے 5 رکنی وفد نے مرکزی دفتر بلدیہ عالیہ کراچی وسطی میں چیئرمین سے ملاقات کی جس میں باہمی رضامندی کے ساتھ بلدیہ وسطی کے واجبات کی ادائیگی کی یقین دہانی کرائی اس موقع پر چیئرمین بلدیہ وسطی ریحان ہاشمی نے کہا کہ بلدیہ وسطی کو فنڈز کی کمی کا سامنا ہے اگر کے الیکٹرک بروقت ادائیگی کو ممکن بنائے تو بلدیہ وسطی کی انتظامیہ اپنی عوام کو دی جانے والی بلدیاتی سہولتوں کو مزید بہتر بنا سکتی ہے اس موقع پر کے الیکٹرک کے Dy.GM عابد جمشید صدیقی،RHO سید زاہد علی،HTP الیاس منصور ،RHO محمد رضا،سپریٹنڈنگ انجینئر ڈی ایم سی سینٹرل اقبال احمد خان،xen نیو کراچی نازش رضا،xen لیاقت آباد جنید اللہ ،اکبر رضا،اجمل خان موجود تھے چیئرمین ریحان ہاشمی نے محکمہ بی اینڈ آر کے افسران کو ہدایت کی کہ وہ ریونیو کے ہدف کو حاصل کرنے کے لئے ایسے عناصر پر نظر رکھیں جو غیر قانونی طور پر راتوں رات سڑکوں کو کھود کر پانی و سیوریج کے غیر قانونی کنکشن لیتے ہیں ایسے عناصر جہاں واٹر بورڈ اور عوام کو نقصان پہنچا رہے ہیں وہیں بلدیہ وسطی کی خوبصورتی کو متاثر کرنے کے ساتھ ساتھ بلدیہ وسطی کو روڈ کٹنگ کی مد میں ہونے والی آمدنی میں بھی نمایاں کمی کا سبب بن رہے ہیں اس موقع پر کے الیکٹرک کے وفد نے چیئرمین ریحان ہاشمی کویقین دہانی کرائی کہ بلدیہ وسطی کے واجبات کی ادائیگی کو 30 یوم کے اندر اندر ممکن بنائے گی اس ضمن میں ریحان ہاشمی نے کراچی الیکٹرک کے وفد کے سربراہ سید زاہدعلی کی توجہ غیر اعلانیہ لوڈ شیڈنگ کی جانب دلاتے ہوئے کہا کہ اس سلسلے کو فوری طور پر ختم کیا جائے تاکہ عوام سکھ کا سانس لے سکیں بصورت دیگر عوام مشتعل ہوکر K الیکٹرک کے خلاف سڑکوں پر احتجاج کریں گے جس سے امن و امان کا مسئلہ پیدا ہوگا۔ 

24th Oct 2017 DMC Central Karachi Press Release

23rd Oct 2017 DMC Central Karachi Press Release

23rd Oct 2017 DMC Central Karachi Press Release

کراچی ( )متحدہ قومی موومنٹ پاکستان کے سربراہ ڈاکٹر محمد فاروق ستار نے کہا ہے کہ کراچی کے شہریوں کو یہ بات سمجھنی چاہیے کہ جب تک وہ آپس میں اتحاد و یکجہتی قائم نہیں کریں گے تب تک مسائل حل نہیں ہوں گے، شہر کے ادارے اگر شہر کے میئر کے پاس ہونے کے بجائے صوبائی حکومت کے پاس ہوں گے تو مسائل کیسے حل ہوں گے، سپریم کورٹ کوواٹر اینڈ سیوریج بور ڈ کی ایماء پر آباد پر پابندی لگانے سے پہلے زمینی حقائق کو مدنظر رکھنا چاہیے تھاکیونکہ اس وقت دو قوتیں شہر میں کام کررہی ہیں ایک وہ جو شہر کو بسانا چاہتی ہیں اور دوسری وہ ہے جو تمام اختیار اپنے پاس رکھ کر اپنی مرضی کی پابندیاں لگارہی ہیں، بلڈنگ کنٹرول، واٹر اینڈ سیوریج بورڈ، سولڈ ویسٹ منیجمنٹ اور دیگر مقامی محکمے جومیئر کے ماتحت ہونے چاہیے تھے وہ سندھ حکومت نے اپنے پاس رکھ لیے ہیں، شہر کی تعمیر سے لے کر کچرا اٹھانے تک کا اختیار جب سندھ حکومت کے پاس رہے گا تو میئر یا ڈسٹرکٹ چیئرمینز کیا کریں گے؟ ان خیالات کا اظہار انھوں نے بطور مہمان خصوصی بلدیہ وسطی کی جانب سے گزشتہ روز'' آباد '' کی نو منتخب کابینہ کے اعزاز میں دیئے گئے اعزازیہ کی تقریب سے خطاب کر تے ہوئے کیا۔ اس موقع پر بنگلہ دیش ، عمان اور جاپان قونصلیٹ کے نمائندے ''آباد'' کے نو منتخب چئیرمین محمد عارف جیوا ،چیئرمین بلدیہ وسطی ریحان ہاشمی،وائس چیئرمین سید شاکر علی،ارکان قومی و صوبائی اسمبلی عبدالوسیم،شیخ صلاح الدین،سمن جعفری،نکہت شکیل،عظیم فاروقی ،آباد کے وائس چیئرمینز فیض الیاس ، سہیل وارن، الطاف طائی،محمد حسین بخشی ،شاہد خیری،محمود ٹباہ ، نارتھ کراچی انڈسٹریل ایسوسی ایشن کے سی ای او صادق محمد ، پرائیویٹ اسکول ایسوسی ایشن کے چیئرمین خالد شاہ ، کیپٹن ترانہ ،بزنس کیمونٹی کے نمائندے ضلع وسطی اسٹینڈنگ کمیٹز کے چیئرمینز سمیت منتخب عوامی نمائندگان کی بڑی تعداد موجود تھی ۔ انھوں نے کہا کہ سندھ حکومت نے ضلع جنوبی میں بلند و بالا عمارتیں تعمیر کردیں اور جیسے ہی آباد نے ضلع وسطی میں کام شروع کیا تو پانی کی کمی اور نکاسی آب کے مسئلے کو وجہ بناکر آباد پر پابندی عائد کردی گئی جسکی وجہ سے تعمیرات کا شعبہ شدید متاثر ہورہا ہے۔انھوں نے کہا کہ اگر آ باد اپنی ذمہ داریاں ادا نہیں کر پارہا تو سپریم کورٹ کو اسٹیٹ آف افیئر یعنی کے فور کے منصوبے میں تاخیراور تعطل پر کسی نہ کسی کو ذمہ دار ٹہرانا ہوگاکہ 9 سالوں سے وفاقی اور صوبائی حکومت نے کے فور کا منصوبہ ہوا میں لٹکا رکھا ہے لہذا سپریم کورٹ کو آباد پر پابندی لگانے سے پہلے وفاق اور صوبائی حکومت پر بھی پابندی لگانی چاہیئے تھی۔فاروق ستار نے کہا کہ کراچی پاکستان کو ستر فیصد ریونیو دیتا ہے لیکن گزشتہ نو سالوں سے کراچی کو ایک قطرہ بھی اضافی پانی فراہم نہیں کیا گیا ہے جس پر خدشہ ہے کہ مستقبل میں شہر قائد میں پانی پر فسادات ہو سکتے ہیں۔انھوں نے کہا کہ آآپس میں اتحاد و یکجہتی قائم نہیں کریں گے تب تک مسائل حل نہیں ہوں گے، اداروں نے اپنی ذمہ داریاں پوری نہ کی تو یہ شہر رہنے کے قابل نہیں رہے گا۔ ڈاکٹر محمد فاروق ستار نے آباد کی دائر پیٹشن میں بلدیہ کراچی سمیت تین ڈی ایم سیز کو بھی شامل کرنے کا اعلان کیا۔قبل ازیں چیئرمین آباد محمد عارف جیوا نے کہا کہ بلند عمارتوں پر عائد پابندی سے تعمیری صنعت زوال پزیر ہورہی ہے ،308 پروجیکٹس کے نقشے منظوری کے منتظر ہیں جس کے باعث کراچی کو 6 ارب کا نقصان ہورہا ہے۔آباد کے چیئرمین عارف جیوا نے ضلع وسطی کی ترقی کے لئے اپنا تعاون جاری رکھنے کی یقین دہانی کرواتے ہوئے اعلان کیا کہ ضلع وسطی میں جہاں جہاں آباد کے پروجیکٹس تعمیر کئے جائینگے وہاں پروجیکٹ کی حدود میں آنے والی سڑکوں کی تعمیر آباد اپنے فنڈز سے مکمل کرے گی۔انھوں نے آباد کی نومنتخب کابینہ کے اعزاز میں منعقد کی گئی تقریب پر چیئرمین بلدیہ وسطی محمد ریحان ہاشمی ، وائش چیئرمین سید شاکر علی اور انکی پوری ٹیم کا شکریہ بھی ادا کیا۔ نارتھ کراچی انڈسٹریل ایسوسی ایشن کے سی ای او صادق محمدنے بھی تقریب سے خطاب کرتے ہوئے چیئرمین بلدیہ وسطی محمد ریحان ہاشمی کو اپنے مکمل تعاون کی یقین دہانی کروائی۔ دریں اثناء چیئرمین بلدیہ وسطی ریحان ہاشمی نے اپنی اور اپنی ٹیم کی جانب سے تمام مہمانوں کی آمد کا شکریہ ادا کرتے ہوئے کہا کہ ہم آباد کی نو منتخب کابینہ کے مشکور ہیں جنہوں نے اس بات کا اعلان کیا کہ بلدیہ وسطی کو جن مشکلات کا سامنا ہے ان مشکلات کے حل کے لئے آباد ہماری مدد کرے گی اور عوامی فلاح بہبود کے کام تیزی سے مکمل ہونگے۔تقریب سے ارکان قومی اسمبلی عبدالوسیم ،سمن جعفری ، نکہت شکیل اوروائس چیئرمین بلدیہ وسطی سید شاکر علی نے بھی اپنے خیالات کا اظہار کیا۔ تقریب کے اختتام پر بلدیہ وسطی کی جانب سے مہمان خصوصی اور مہمانان گرامی کو پھولوں کے گلدستے بھی پیش کئے۔

23rd Oct 2017 DMC Central Karachi Press Release