16th Feb 2018 DMC Central Karachi Press Release

16th Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ ضلع وسطی کے مکینوں کو بنیادی بلدیاتی سہولیات کی فراہمی ہماری ذمہ داری ہے۔ واٹر اینڈ سیورئج کی لائنوں کی تنصیب اور مرمت کے کام کی ذمہ داری واٹر اینڈ سیورئج بورڈ کی ہے لیکن واٹراینڈ سیوریج بورڈ کی عدم توجہی کی وجہ سے بوسیدہ اور رستی ہوئی واٹر اور سیوریج لائنوں کی تبدیلی کا کام بلدیہ وسطی اپنے محدود فنڈ سے سر انجام دے رہی ہے ۔وہ نارتھ ناظم آباد زون شادمان ٹاؤن 14-A میں سیوریج لائنوں کی تبدیلی کے کام کا معائنہ کررہے تھے ۔اس موقع پررکن صوبائی اسمبلی جمال احمد،یوسی چیئرمین،وائس چیئر مین و دیگر متعلقہ افسران بھی موجود تھے ۔چیئرمین نے کہا کہ ضلع وسطی کے مسائل کو ترجیحی بنیادوں پر حل کرنے کی کوشش کررہے ہیں تاکہ ضلع وسطی کے مکین صحت مند اور خوشگوار ماحول میں زندگی گزار سکیں ۔انہوں نے کہا کہ ضلع وسطی کو صاف و شفاف بنانے کے لئے بلاتعطل صفائی ستھرائی،شہر کے باہر کچرے کی منتقلی ، برساتی نالوں کی صفائی ، بڑھتی ہوئی ناجائز تجاوزات کے خلاف آپریشن، پارکس و پلے گراؤنڈز،گرین بیلٹس کی تزئین و آرائش کے ساتھ ساتھ مختلف علاقوں میں پانی وسیوریج لائن کی مرمت کا کام جاری ہے ۔ریحان ہاشمی نے کہا کہ پانی و سیوریج لائنوں کی لیکج کی وجہ سے بیشتر علاقوں کی سڑکیں بد حالی کا شکار ہیں اور علاقے گندے پانی کے جوہڑ دکھائی دیتے ہیں واضع رہے کہ بلدیہ وسطی نے اپنے غیر ترقیاتی اخراجات میں کمی کرکے اپنی مدد آپ کے تحت ضلع وسطی کے مختلف علاقوں جن میں گلبہار ،لیاقت آباد نیو کراچی و نارتھ کراچی میں بوسیدہ لائنوں کی تبدیلی کا کام کروایا اور عوام کے برسوں پرانے مسائل کو حل کیا ۔انہوں نے مزید کہا کہ ہم عوامی نمائندے ہیں اور عوام ہم سے امید رکھتے ہیں کہ ہم انکے مسائل حل کرنے کا واحد ذریعہ ہیں۔اس موقع پر علاقہ مکینوں نے اُن کے دیرینہ مسئلے کو حل کرنے پر چیئرمین بلدیہ وسطی اور ان کی ٹیم کا شکریہ ادا کیا ۔

16th Feb 2018 DMC Central Karachi Press Release

15th Feb 2018 DMC Central Karachi Press Release

15th Feb 2018 DMC Central Karachi Press Release

کراچی ( ) میئر کراچی وسیم اختر نے کہا کہ ہم عوامی خدمت کو سیاست کی نظر نہیں ہونے دیں گے ۔ہم عوام کے مسائل کو حل کرنے کیلئے مخلص ہیں اور ہر حال میں عوامی سہولتوں کی فراہمی کے کاموں کوسر انجام دیتے رہیں گے ۔وہ نیو کراچی زون سیکٹر 11-E مسلم ٹاؤن میں بلدیاتی سہولتوں کی فراہمی کے حوالے سے جاری کاموں کا معائنہ کررہے تھے ۔اس موقع پر چیئرمین بلدیہ وسطی ریحان ہاشمی ،وائس چیئرمین سید شاکر علی ،میونسپل کمشنر آفاق سعید ،یوسیز کے چیئرمینز،وائس چیئرمینزاور دیگر بلدیاتی افسران بھی موجود تھے ۔اس موقع پر چیئرمین بلدیہ وسطی ریحان ہاشمی نے میڈیا سے گفتگو کرتے ہوئے کہا کہ عوامی خدمت ہی ہمارا مشن ہے اور ہم اس مشن کو پورا کرکے رہیں گے۔سندھ حکومت نے منتخب بلدیاتی نمائندوں کے جائز فنڈز کو روک کر پورے کراچی کو مشکل میں ڈال رکھا ہے لیکن ہم منتخب بلدیاتی نمائندے دستیاب وسائل سے عوامی مسائل حل کررہے ہیں۔انہوں نے میئر کراچی کو آگاہ کیا کہ مسلم ٹاؤن نارتھ کراچی میں عرصہ دراز سے مسائل کی بھر مار تھی جن میں کچرے کے ڈھیر ،سیوریج لائینوں کی لیکیج ،اور خستہ حال سڑکیں عوام کی پریشانی کا سبب بن رہی تھیں۔بلدیہ وسطی کی انتظامیہ کی جانب سے کثیر رقم کے زریعے علاقے کے دیرینہ مسائل کو حل کیا جارہا ہے۔اس سلسلے میں علاقے میں سیوریج کی لائنوں کو تبدیل کردیا گیا ہے اور خستہ حال سڑکوں کی مرمت ،نئی کچرا کنڈی کی تعمیر ،علاقے میں موجود پارکوں اور گرین بیلٹس کی تزین و آرائش کا کام کیا جارہا ہے۔بعد ازاں میئر کراچی نے بلدیہ وسطی کی جانب سے مکمل کئے جانے والے کاموں کا معائنہ کرنے کے ساتھ ساتھ جاری ترقیاتی کاموں کا بھی جائزہ لیا ۔ 

15th Feb 2018 DMC Central Karachi Press Release

14th Feb 2018 DMC Central Karachi Press Release

14th Feb 2018 DMC Central Karachi Press Release

کراچی( )چیئرمین بلدیہ وسطی نے کہا کہ نابینا افرادمعاشرے کی ترقی میں اہم کردار ادا کر رہے ہیں ،ضرورت اس بات کی ہے کہ حکومتی سطح پر نابینا افراد کو ممکنہ سہولتیں فراہم کی جائیں ،ہماری ذمہ داری ہے کہ نا بینا اور اسپیشل افراد کی بہتری کے لئے کام کرنے والے اداروں کی سرپرستی کریں، اور نابینا افراد کو وہ مواقع فراہم کریں جس کہ زریعے وہ اپنی صلا حیتوں کا استعمال کر کے پاکستان اور کراچی کی ترقی میں اپنا کردار بھر پور انداز میں ادا کرسکیں ۔چیئرمین بلدیہ سطی ریحان ہاشمی نے مرکزی آفس میں (Amigos Blind Association )کے وفد سے ملاقات کی۔اس موقع پر میونسپل کمشنر آفاق سعید بھی اُن کے ہمراہ موجود تھے ۔وفد سے گفتگو کرتے ہوئے چیئرمین بلدیہ وسطی نے کہا کہ نابینا افراد معاشرے کے مختلف شعبوں میں جس محنت اور جانفشانی سے کام کر رہے ہیں وہ قابل ستائش ہے۔ انہوں نے کہا کہ بلدیہ وسطی نے اسپیشل پرسنز کوٹے کے تحت نابینا افراد کو بلدیہ وسطی میں ملازمت فراہم کی ہے اور ضلع وسطی میں نابینا اور اسپیشل پرسنز کیلئے ووکیشنل سینٹرز اور باغ تعمیر کیا جارہا ہے انہوں نے مزید کہابلائینڈ ایسوسی ایشن نابینا افراد کے لئے ٹریننگ سینٹر اور دیگر تقریبات کے لئے بلدیہ وسطی کے پارکس ،پلے گراؤنڈ کو استعمال کر سکتی ہے ،بعد ازاں میونسپل کمشنر آفاق سعید نے Amigos Welfare Trustکے آفس کا دورہ کیا ۔اس موقع پرمیونسپل کمشنر کو ٹرسٹ کی جانب سے نابینا افراد کی فلاح و بہبود کے حوالے سے کئے جانے والے کاموں کی معلومات فراہم کرنے کے ساتھ ساتھ نابینا افراد کی فلاح و بہبود کے حوالے سے جاری منصوبوں کے بارے میںآگاہی فراہم کی گئی ۔آفس کے دورے کے دوران میونسپل کمشنر نے نابینا افراد کو مختلف نوعیت کے کام ماہرانہ انداز میں کرتے ہوئے دیکھ کر اُن کی صلاحیتوں کو سراہا۔ 

14th Feb 2018 DMC Central Karachi Press Release

13th Feb 2018 DMC Central Karachi Press Release

13th Feb 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کی زیر صدارت کونسل کا اجلاس گلبرگ زون میں منعقد ہوا ،اجلاس میں وائس چیئرمین سید شاکر علی، میونسپل کمشنرآفاق سعید ،یوسیز کے چیئرمین ،وائس چیئرمین اوریوسی کمیٹی کے اراکین بھی موجود تھے ۔اجلاس میں پیش کی جانے والی تحریک جس میں بلدیاتی اراکین بلا تفریق عوام کو بلدیاتی سہولت فراہم کرنے کیلئے کام جاری رکھنے اور کسی بھی سیاسی چپقلش کو کام میں آڑے نہ آنے دینے کو بھر پور حمایت کے ساتھ منظور کیا گیا ۔اجلاس میں عوام کو بلدیاتی سہولیات کی فراہمی اور فلاح و بہبود کے حوالے سے مختلف قرار دادیں پیش کی گئیں ،جن کو اراکین کونسل نے اتفاق رائے سے منظور کیا ،اراکین کونسل نے واضع اکثریت سے چیئرمین بلدیہ وسطی ریحان ہاشمی اور اُن کے جاری بلدیاتی کاموں پر مکمل اعتماد کا اظہار کیا ۔اجلاس کے دوران چیئرمین بلدیہ وسطی ریحان ہاشمی نے کہا کہ ہمیں عوام نے اپنے اعتماد کا ووٹ اس لئے دیا ہے کہ ہم اُن کے مسائل کو حل کریں اور جس قدر ممکن ہو بہترین بلدیاتی سہولتوں کے ساتھ ضلع کی ترقی کیلئے کام کریں ،انہوں نے مزید کہا کہ ہم عوام کے اعتماد پر پورا اُتر تے ہوئے اوراپنے محدود وسائل میں رہتے ہوئے اپنے وعدوں کو پورا کررہے ہیں، ضلع میں صفائی ستھرائی کے ساتھ ترقی کا سفر جاری ہے ۔وائس چیئرمین بلدیہ وسطی سید شاکر علی نے اجلاس سے خطاب کرتے ہوئے کہا کہ ہمارا عزم عوام کی خدمت اور بلدیہ وسطی کی ترقی ہے اور ہم اسے پورا کرکے رہیں گے ۔ انہوں نے مزید کہا کہ ہمیں بہترین ٹیم ورک کا مظاہرہ کرتے ہوئے عوام کو درپیش مسائل ومشکلات سے چھٹکارا دلاتے ہوئے ہر طرح کی بلدیاتی سہولیات فراہم کرنا ہے۔

چیئرمین بلدیہ وسطی ریحان ہاشمی نے کہا کہ ذہین طلباء و طالبات پاکستان کا اثاثہ ہیں،ضرورت اس بات کی ہے کہ ان بچوں کو اپنی صلاحیتوں کے اظہار کیلئے بھر پور مواقع فراہم کئے جائیں کیونکہ یہی بچے مستقبل میں روشن پاکستان کی تعمیر کریں گے اور پاکستان کو ترقی یافتہ ممالک کی صف میں لاکر کھڑا کریں گے ۔وہ وائٹ ہاؤس گرامر اسکول میں منعقدہ کوئز پروگرام میں شریک تھے ۔اس موقع پر رکن قومی اسمبلی عبدالوسیم خان بھی موجود تھے ۔انہوں نے وائٹ ہاؤس گرامر اسکول کے طلباء و طالبات سے مخاطب ہوتے ہوئے کہا کہ آپ خوش نصیب ہیں جو آپ کا تعلیمی ادارہ آپ کو اپنی معلومات اور صلاحیتوں کے اظہار کا موقع فراہم کررہا ہے ،کیونکہ بد قسمتی سے پاکستان کے بیشترتعلیمی اداروں میں طلباء و طالبات کو تعلیم کی بنیادی سہولتوں سے محروم رکھا جارہا ہے۔رکن قومی اسمبلی عبدالوسیم خان نے کہا کہ کوئز پروگرام طلبا و طالبات کی معلومات عامہ میں اضافے کے ساتھ ساتھ مقابلے کا رجحان پیدا کرتے ہیں،انہوں نے مزید کہا کہ جذبہ حُب الوطنی سے سرشار یہ بچے پاکستان کاقیمتی اثاثہ ہیں جنہیں مستقبل میں پاکستان کی باگ ڈور سنبھالنی ہے ،اور پاکستان کا نام دنیا میں روشن کرنا ہے ،چیئرمین بلدیہ وسطی نے کہا کہ طالبات اپنی تعلیمی سرگرمیوں پر بھر پور توجہ دیں ۔وقت کا تقاضہ ہے کہ ہماری طالبات تعلیم یافتہ ہونے کے ساتھ ساتھ ہنر مند بھی ہوں ۔آئندہ آنے والا وقت مردوں کے ساتھ ساتھ خواتین کو بھی میدانِ عمل میں آنے کا متقاضی ہوگاجس میں تعلیم یافتہ خواتین کو مردوں کے شانہ با شانہ ملکی معیشت کی ترقی میں اپنا کردار اداکرنا ہوگا۔

13th Feb 2018 DMC Central Karachi Press Release

12th Feb 2018 DMC Central Karachi Press Release

12th Feb 2018 DMC Central Karachi Press Release

چیئرمین بلدیہ وسطی ریحان ہاشمی نے کہا ہے کہ ہم مشکل حالات کے باوجود عزم و حوصلے اور استقامات کے ساتھ حتی المکان بلدیاتی سہولتیں فراہم کر رہے ہیں ہم نے جووعدے عوام سے کئے ہیں وہ اپنے دورانیے میں پورے کریں گے ایک سال کے مختصر عرصے میں ہم نے ریکارڈ کام کئے ہیں جو ہما ری کارکردگی کا منہ بولتا ثبوت ہیں ۔وہ لیاقت آباد پل کے ساتھ گرین بیلٹ کی تزین و آرائش کے کام کا معائنہ کررہے تھے ۔اس موقع پرمتعلقہ بلدیاتی افسران بھی موجو د تھے ۔ چیئرمین ریحان ہاشمی نے کہا کہ حق پرست عوامی نمائندے عوام کی خدمت کے لئے وسائل کے محتاج نہیں ہے انہوں نے مزید کہا کہ عوام کے فقیدالمثال تعاون نے ہمارے حوصلے بلند کئے ہیں اور ہم ضلع وسطی کی عوام کے بھر پور تعاون سے جلد ایک ماڈل ضلع بنانے میں کامیاب ہوجائیں گے واضع رہے بلدیہ وسطی کی جانب سے بلدیہ وسطی کی انتظامیہ نے بہترین پلاننگ کے ذریعے ضلع کو ترقی دینے کا کام بھر پور انداز میں جاری رکھا ہوا ہے اس ضمن میں پہلے مرحلے میں ضلع وسطی کی مختلف یوسیز میں شاہراہوں کو منتخب کر کے ان کی تزئین و آرائش ، روڈ کارپیٹنگ ،اسٹریٹ لائٹس کی تنصیب و درستگی کا کام کیا جارہا ہے بلدیہ وسطی کی انتظامیہ کی جانب سے اب تک شاہرا عبدالقادر جیلانی نارتھ ناظم آ با د ،شاہرا زاہد نارتھ کراچی ،بلال مسجد تا دعا چوک جانے والی شاہرا ہ(نیو کراچی )کی تزئین و آ رائش کے بعد عوام کے حوالے کردیا گیا ہے ریحان ہاشمی نے مزید کہا کہ حکومت سند ھ کی بے اعتنائی اور فنڈز کی کمی کے باعث پیدا ہونے والے نامساعد حالات ہمارے عزم کی راہ میں رکاوٹ نہیں بن سکتے انہوں نے کہا کہ بلدیہ وسطی دستیاب وسائل کو بہتر منصوبہ بندی کے تحت خرچ کرتی ہے تاکہ محدود زرائع سے زیادہ سے زیادہ فائدہ اٹھایا جاسکے۔انہوں نے بتایا کہ بلدیہ وسطی کی ہر یوسی میں ماڈل شاہراہ،پارکس و پلے گراؤنڈ،اور اسٹریٹ لائٹس کی درستگی و تبدیلی کا کام کیا جائے گا۔

12th Feb 2018 DMC Central Karachi Press Release