1st Mar 2018 DMC Central Karachi Press Release

1st Mar 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ عوام کو بلدیاتی سہولیات کی فراہمی کے ساتھ اُن کے مسائل کے حل کیلئے کوشاں ہیں،ضلع وسطی کی ہر یونین کمیٹی میں محدود دستیاب وسائل میں رہتے ہوئے خدمات کی فراہمی ہماری اولین ترجیحات میں شامل ہیں۔ وہ نارتھ کراچی سیکٹر 11-E مسلم ٹاؤن میں کی جانے والی روڈ کارپیٹنگ اور صفائی ستھرائی کے ساتھ تزین و آرائش کے کام کا معائنہ کررہے تھے اس موقع پر ان کے ہمراہ یوسی چیئرمینز اور دیگربلدیاتی افسران بھی موجود تھے ،چیئرمین نے کہا کہ منتخب بلدیاتی نمائندوں کو عوام کا تعا ون حاصل ہے اور ہماری کو شش ہے کہ عوام نے ہم پر جو اعتماد کیا ہے اس پر پورا اُتریں ۔بلدیہ وسطی کی انتظامیہ عوام کو بلدیاتی سہولیات کی فراہمی میں کوئی کسر نہیں چھوڑے گی انہوں نے متعلقہ محکمہ کے افسران کو ہدایت کی کہ سڑکوں کی تعمیر میں استعمال ہونے والے میٹریل کی اچھی طرح جانچ پڑتال کریں تاکہ پختہ اور پائیدار سڑکیں بنائی جائیں جن سے عوام لمبے عرصے تک استفادہ حاصل کر سکیں انہوں نے کام کی رفتار کو تیز کرنے پر بھی زور دیا،وہاں پر موجود عوام سے گفتگو کرتے ہوئے انہوں نے کہا اپنے گھروں کے ساتھ ساتھ علاقوں کو بھی صاف ستھراء رکھیں اور بلدیہ وسطی کی مقرر کردہ جگہوں پر کچرا ڈالیں ،گرین بیلٹس کو کچرے کاڈھیر نہ بنائیں۔واضع رہے کہ ضلع وسطی کے مختلف علاقوں میں چیئرمین بلدیہ وسطی ریحان ہاشمی کی ہدایت پر صفائی ستھرائی ،گرین بیلٹس کی تزین و آرائش ،اسٹریٹ لائٹس کی درستگی ،پارکس و پلے گراؤنڈز کی تزین و آرائش ،نالوں کی صفائی کے ساتھ ساتھ ناکارہ اور ٹوٹی ہوئی سیوریج لائنوں کی تبدیلی کا کام تیزی سے جاری ہے ،چیئرمین بلدیہ وسطی ریحان ہاشمی کی ہدایت پر کچرا کنڈیوں سے روز آنہ کی بنیاد پر کچرے کو لینڈ فل سائیڈ منتقل کیا جارہا ہے ،محکمہ سینی ٹیشن کا عملہ مین شاہراہوں کے ساتھ اندرونی گلیوں میں افرادی قوت کے ساتھ صفائی ستھرائی کا کام سر انجام دے رہا ہے ۔

1st Mar 2018 DMC Central Karachi Press Release

28th Feb 2018 DMC Central Karachi Press Release

28th Feb 2018 DMC Central Karachi Press Release

کراچی ( )چیئر مین بلدیہ وسطی ریحان ہاشمی نے کہا کہ ہم بلا امتیاز رنگ و نسل عوام کی خدمت پر یقین رکھتے ہیں۔ بلدیہ وسطی کی کوشش ہے کہ ضلع وسطی میں رہنے والے تمام لوگوں کو ہر ممکنہ سہولتوں کی فراہمی کو یقینی بنایا جائے ۔وہ نارتھ کراچی کے مختلف علاقوں میں جاری صفائی ستھرائی اور مرکزی شاہراہوں پر اسٹریٹ لائٹس کی درستگی کے کام کا معا ئنہ کر رہے تھے ۔اس موقع پر رکن صوبائی اسمبلی وسیم قریشی ،یوسی چیئرمینز،وائس چیئرمینزو دیگر بلدیاتی افسران بھی موجود تھے ۔چیرمین بلدیہ وسطی ریحان ہاشمی نے اہلیان وسطی کودعوت عام دیتے ہوئے کہا کہ بلدیہ وسطی کے تمام پارکس، کھیل کے میدان اور گرین بیلٹوں کی نگرانی بحیثیت محب وطن شہری خود بھی کریں۔ انہوں نے کہا کہ ہم عوام کا تعاون چاہتے ہیں عوام کے تعاون کے بغیر ماحول کو صاف و شفاف بنانا ناممکن ہے انہوں نے عوام سے اپیل کی کہ وہ حق پرست عوامی نمائندوں کے ساتھ دیتے ہوئے ضلع وسطی کو صاف و شفاف ضلع بنانے میں اہم کردار ادا کریں۔ اس موقع پر چیئرمین بلدیہ وسطی ریحان ہاشمی نے کہا کہ بلدیاتی نظام میں دیگر مسائل کے ساتھ و رثہ میں ملنے والی ضلع وسطی کی بیشتر شاہراہیں ٹوٹ پھوٹ کے شکار ہونے کے ساتھ ساتھ اندھیروں میں ڈوبی ہوئی تھیں جہاں نہ اسٹریٹ لائٹ پول تھے ناہی روشنی کا مناسب بندوبست اور نہ ہی ٹریفک کا فلو تھا ۔ تجاوزات کی بھرمارجس کی آڑ میں ٹنوں کچرے کا ڈھیر تھا گرین بیلٹس کچرے کا ڈھیر بنی ہوئی تھیں اب ان شاہراوں کو بہتر کیا جارہا ہے ریحان ہاشمی نے مزید کہا کہ حکومت سند ھ کی بے اعتنائی اور فنڈز کی کمی کے باعث پیدا ہونے والے نامساعد حالات ہمارے عزم کی راہ میں رکاوٹ نہیں بن سکتے انہوں نے کہا کہ بلدیہ وسطی دستیاب وسائل کو بہتر منصوبہ بندی کے تحت خرچ کرتی ہے تاکہ محدود زرائع سے ذیادہ سے ذیادہ فائدہ اٹھایا جاسکے۔انہوں نے بتایا کہ بلدہ وسطی کی ہر یوسی میں مرحلہ وار ماڈل سڑکیں تعمیر کی جارہی ہیں۔

28th Feb 2018 DMC Central Karachi Press Release

27th Feb 2018 DMC Central Karachi Press Release

27th Feb 2018 DMC Central Karachi Press Release

کراچی ( )عوام کو صاف ستھراء ماحول کی فراہمی میں کسی بھی قسم کی کوتاہی اور غفلت برداشت نہیں کی جائے گی ،فرائض سے غفلت برتنے والے افسران و ملازمین کو تادیبی کاروائی کا سامنا کرنا پڑے گا ۔ان خیالات کا اظہار چیئرمین بلدیہ وسطی ریحان ہاشمی نے چاروں زونز کے سینی ٹیشن افسران کے بلائے گئے اجلاس کی صدارت کرتے ہوئے کیا ۔اس موقع پر میونسپل کمشنر آفاق سعید ،یوسی چیئرمینز ،وائس چیئرمینز ،محکمہ سینی ٹیشن کے افسران ندیم حیدر،غوث محی الدین ،محمد علی ،تسلیم بیگ ،وسیم احمد بھی موجود تھے ۔چیئرمین ریحان ہاشمی نے افسران کو ہدایت دیتے ہوئے کہا کہ عوام کو بہتر بلدیاتی سہولیات کی فراہمی منتخب عوامی نمائندوں کی ذمہ داری ہے انہوں نے کہا کہ فنڈز کی کمی اور اختیارات کے نہ ہونے کی وجہ سے مشکلات کا سامنا ہے لیکن محدود وسائل میں رہتے ہوئے بہترین پلاننگ کے زریعے ہم افرادی قوت اور دستیاب مشینری کے زریعے صفائی ستھرائی کے کام کو بہتر بنا سکتے ہیں ،انہوں نے کہا کہ ملازمین کی حاضری کو یقینی بنایا جائے تاکہ عوام کو بلاتعطل صفائی ستھرائی کے ساتھ دیگر بلدیاتی سہولیات کی فراہمی تواتر سے جاری رہے ۔انہوں نے مکینکل ڈپارٹمنٹ کے افسران کو ہدایت کی کہ ناکارہ گاڑیوں کو ٹھیک کروا کر ورکنگ کنڈیشن میں لایا جائے تاکہ صفائی ستھرائی کے کام کو مزید تیز اور بہتر انداز میں سر انجام دیا جائے ۔اجلاس میں موجود یوسی چیئر مینز نے ریحان ہاشمی کواپنے علاقوں میں صفائی ستھرائی کی صورت حال کے بارے میں آگاہی فراہم کی۔چیئرمین بلدیہ وسطی ریحان ہاشمی نے یوسی چیئرمینز کو کہا کہ وہ اس بات کو ممکن بنائیں کہ علاقہ مکین بلدیہ وسطی کی مقرر کردہ جگہوں پر کچرا ڈالیں اور بلدیہ وسطی کی انتظامیہ کے ساتھ تعاون کریں ۔ 

27th Feb 2018 DMC Central Karachi Press Release

26th Feb 2018 DMC Central Karachi Press Release

26th Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ معذور افراد معاشرے کا اہم حصہ ہیں ۔ان نوجوانوں کا حوصلہ اور جذبہ دیکھ کر اندازہ ہوتا ہے کہ ان کے حوصلے بلند ہیں ،اور اگر انہیں بہتر مواقع اور سہولتیں فراہم کی جائیں تو یہ معذور نوجوان کھلاڑی پاکستان کا نام دنیا بھر میں روشن کرسکتے ہیں ضرورت اس بات کی ہے کہ حکومتی سطح پرمعذور افراد کی حوصلہ افزائی کرنے کے ساتھ انہیں ممکنہ سہولتیں فراہم کریں تاکہ اسپورٹس کے ساتھ ساتھ دوسرے شعبوں میں بھی اپنی صلاحیتوں کا بھر پور اظہار کرسکیں ،۔وہ نارتھ ناظم آباداصغر علی شاہ کرکٹ اکیڈمی میں ویل چیئر ڈس ایبل کرکٹ ٹورنامنٹ کی افتتاحی تقریب میں شریک تھے ۔اس موقع پر انہوں نے ہٹ لگا کر کراچی پریمیئر لیگ کرکٹ ٹورنامنٹ کا افتتاح کیا ۔اس موقع پر انہوں نے کہا کہ منتخب بلدیاتی نمائندے بلدیہ وسطی کے حدود میں صحت مندسرگرمیوں کو فروغ دینے کیلئے کوشاں ہیں واضع رہے کہ بلدیہ وسطی کی انتظامیہ عام افراد کیلئے کھیل کے میدانوں اور پارکس کو آبادکررہی ہے وہیں اسپیشل بچوں اور معذور افراد کے لئے خصوصی پارکس و پلے گراؤنڈ کی تعمیر کا منصوبہ بھی زیر غور ہے ،بلدیہ وسطی نے معذور افراد کو پروموٹ کرنے کیلئے ادارے میں نوکریاں فراہم کی ہیں۔چیئرمین نے کہا کہ جہاں کھیل کے میدان آباد ہوتے ہیں وہاں کے ہسپتال ویران ہوتے ہیں انہوں نے کہا کہ ہم نے تہیہ کرلیا ہے کہ ضلع وسطی کو صاف و شفاف کرنے کے ساتھ کھیل کے میدان بھی آباد کرئینگے تاکہ نوجوانوں کو اسپورٹس کی سرگرمیاں جاری رکھنے میں آسانی ہو ۔ اس سلسلے میں بلدیہ وسطی بہتر حکمت عملی کے ساتھ کام کررہی ہے اور ضلع وسطی کے مختلف علاقوں میں پارکس و پلے گراؤنڈز کو آباد کرکے عوام کے حوالے کیا جارہا ہے اس سلسلے میں بلدیہ وسطی کی انتظامیہ نے ایک سال کی مختصر مدت میں65 پارکس و پلے گراؤنڈز آباد کرکے عوام کے حوالے کردیئے ہیں جہاں اسپورٹس کی سرگرمیاں زور و شور سے جاری ہیں وہیں عوام کو سیر و تفریح اور صحت مند ماحول کی فراہمی کو ممکن بنایا جارہا ہے ۔ 

26th Feb 2018 DMC Central Karachi Press Release

25th Feb 2018 DMC Central Karachi Press Release

25th Feb 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ پینے کا صاف پانی عوام کا بنیادی حق ہے ، پینے کا صاف پانی فراہم کرنا حکومت وقت کی ذمہ داری ہے لیکن سندھ حکومت اس جانب کوئی توجہ نہیں دے رہی ہے اور کراچی کی عوام کو پینے کے صاف پانی سے محروم رکھا جا رہا ہے ۔ریحان ہاشمی، رکن صو بائی اسمبلی وسیم قریشی کے ہمراہ یوسی سی 3سیکٹر 5-C-1میں پینے کی فراہمی کو ممکن بنانے کے لئے بلدیہ وسطی کے بجٹ سے ڈالے جانے والی P.Eواٹر لائن کی تنصیب کے کام کا معائنہ کر رہے تھے ۔ اس موقع پر متعلقہ یو سی چیئر مین فاضل خانزادہ ،یو سی 21کے چیئر مین نعیم الدین ،یو سی 4کے چیئر مین راحت علی ،XENواٹر اینڈ سیوریج محمد شاہد اور دیگر بلدیاتی افسران سمیت عوام کی بڑی تعداد موجود تھی ۔چیئر مین بلدیہ وسطی ریحان ہاشمی نے مزید کیا کہ بلدیہ وسطی اپنی عوام کو بنیادی ضروریات کی فراہمی کے لئے اپنے تمام دستیاب وسائل بروے کار لارہی ہے ۔انہوں نے کہا کہ پانی کی عدم دستیابی کراچی کے خلاف کسی گہری سازش کا حصہ ہے انہوں نے کہا کہ کراچی والو ں کو پانی کی فراہمی میں کوتاہی نہ برتی جائے اور جلد از جلد پانی کی سپلائی کو متواتر کیا جائے ۔واضع رہے کہ فراہمی آب و نکاسی آب کی ذمہ داری واٹر اینڈ سیوریج بورڈ کی ہے لیکن واٹر اینڈ سیوریج بورڈ کی عدم توجہی کی بناپر عوام پینے کے پانی سے بھی محروم ہے جس کے پیش نظر بلدیہ وسطی عوام کو بنیادی سہولیات کی فراہمی کا فریضہ انجام دے رہی ہے بلدیہ وسطی ضلع وسطی کے مختلف علاقوں جن میں بفر زون ،نارتھ ناظم آ با د،گلبہار لیاقت آ با د میں اپنے بجٹ سے فراہمی آب و نکاسی آب کی لائنوں کی مرمت اور نئی لائنوں کی تنصیب کے کام کروا رہی ہے ۔ اس موقع پر سیکٹر 5C1کے مکینوں نے دیرینہ مسئلے کو حل کرنے پر چیئر مین بلدیہ وسطی ریحان ہاشمی کا شکریہ ادا کیا اور چیئر مین و رکن صوبائی اسمبلی وسیم قریشی کو پھولوں کے ہار پہنائے ۔

25th Feb 2018 DMC Central Karachi Press Release