11th May 2018 DMC Central Karachi Press Release

11th May 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے مہلک بیماری نگلیریا کے ایک مرتبہ پھر کراچی میں پھیلنے کے خدشات کی خبر پر فور ی طور پر بلدیہ وسطی کے شعبۂ صحت اور محکمۂ باغات کو ہدایت کی ہے کہ ضلع وسطی کے باشندوں کو مذکورہ بیماری سے بچانے کے لئے فوری طو رپر مؤثر حفاظتی اقدامات کئے جائیں۔ انہوں نے محکمۂ باغات کو ، کہ جس کے ماتحت سوئمنگ پولز ہیں ، ہدایت کی کہ بلدیہ وسطی میں موجود سوئمنگ پولز پر خصوصی طور سے توجہ دینے کی ضرورت ہے ۔ کیونکہ نگلیریا کے جراثیم سوئمنگ پول میں نہانے والے افراد کی ناک و منہ کے ذریعے جسم میں داخل ہوتے ہیں اس لئے ضروری ہے کہ سوئمنگ پولز میں صحیح مقدار میں کلورین اور دیگر حفاظتی ادویات شامل کی جائیں تاکہ نگلیریا کے جراثیم پنپنے نہ پائیں۔جبکہ محکمۂ صحت کو ہدایت کی ہے کہ عوام کو نگلیریا کے بارے میں آگاہی فراہم کرنے کے لئے باقاعدہ مہم چلانے کے لئے لائحہ عمل تیار کیا جائے۔واضح رہے کہ شہر میں ایک مرتبہ پھر جان لیوا بیماری ’’نگلیریا‘‘ کی وبأ کے پھوٹنے کے امکانات کی خبر آنے پرعوام اور خواص سب میں تشویش کی لہر دوڑ گئی ہے ۔ بلدیہ وسطی کے چیئرمین ریحان ہاشمی نے بھی فوری ردِّ عمل کا اظہار کرتے ہوئے ضلع وسطی میں حفاظتی اقدامات کرنے کے لئے ہیلتھ ڈپارٹمنٹ کو الرٹ رہنے اور حفاظتی انتظامات کے ساتھ ساتھ عوام کے لئے نگلیریا سے آگاہی مہم چلانے کے لئے مؤثر منصوبہ بندی کی ہدایت کی۔ 

11th May 2018 DMC Central Karachi Press Release

10th May 2018 DMC Central Karachi Press Release

10th May 2018 DMC Central Karachi Press Release

کراچی ( )چیئرمین ضلع وسطی ریحان ہاشمی نے کہا ہے کہ ضلع وسطی کی ایک ایک گلی کوچہ کو آئینے کی طرح صاف و شفاف بنانے کا عزم رکھتے ہیں انہوں نے کہا کہ وسائل کی کمی عوام کی خدمت میں حائل نہیں ہوگی وہ ضلع وسطی نارتھ ناظم آباد زون یونین کمیٹی نمبر 23 میں ہیوی مشینری کے زریعے کچرا اٹھانے اور صفائی کے کام کے معائنے کے موقع پر علاقہ مکینوں سے گفتگو کررہے تھے۔ اس موقع پریونین کمیٹی نمبر 23 کے چیئرمین شہزور ڈپٹی ڈائریکٹر سینی ٹیشن و دیگر متعلقہ افسران بھی موجو د تھے انہوں نے کہا کہ عوام کی امیدوں کا واحد محور حق پرست بلدیاتی نمائندے ہی جو عوام کے درمیان رہتے ہوئے عوامی مسائل کو بخوبی جانتے ہیں اور انھیں حل کرنے کے لئے شب و روز کوشاں رہتے ہیں انہوں نے کہا کہ کراچی ہمارا شہر ہی نہیں ہمارا گھر ہے اسے صاف اور شفاف بنانا ہماری ااوّلین ترجیح ہے۔شہری حکومت اور کراچی کے عوام کے اصل نمائندے تو کراچی کو بہترین طور پر صاف و شفاف بنانا چاہتے ہیں لیکن کراچی کے عوام کے مسائل سے بے خبر حکومتِ سندھ کراچی کی شہری حکومت کو بے اختیارات کر کے بہتر کارکردگی کی توقع کررہی ہے جو اہلیان کراچی کے ساتھ سرسر ناانصافی ہے۔انہوں نے کہا کہ حکومت سندھ کی بے توجہی اور فنڈز کی کمی کے باوجود حق پرست بلدیاتی قیادت نامساعد حالات میں بہترین منصوبہ بندی کے تحت بلدیاتی معاملات چلارہے ہیں اور ضلع وسطی کو صاف و شفاف ضلع بنانے میں شب و روز کوشان ہیں ۔ بعد ازاں انہوں نے نارتھ ناظم آباد میں سیوریج لائن بچھانے کے کام کا معائنہ کیا اور ہدایت کی کہ کام کو مقررہ وقت میں مکمل کیا جائے جبکہ سیورئج لائن کے میٹریل کے ساتھ ساتھ معیار کو بھی ٹھیک طور پر جانچ پڑتال کی جائے ۔ واضح رہے کہ کراچی میں برسوں سے صفائی اور بلدیاتی خدمات کے معاملات صرف حکومتِ سندھ کی جانب سے شہری حکومت کے فنڈز میں کمی کرنے کی وجہ سے مشکلات کا شکار ہیں ۔تاہم یہ بات ذہن میں رہنی چاہئے کہ عوامی نمائندے عوام کی خدمت کرنے کے لئے ہمہ وقت تیار ہیں اور چاہتے ہیں کہ کراچی کے عوام کو بہتر سے بہتر بلدیاتی سہولیات مہیاکریں، اور کراچی کو دنیا کا شفاف ترین شہر بنادیں یہی وجہ ہے کہ ریحان ہاشمی ضلع وسطی کو کراچی کا سب سے زیادہ شفاف ترین ضلع بناناچاہتے ہیں اور وہ شب و روز اِس تگ و دو میں مصروف ہیں کہ کس طرح اپنے ضلع کے ہر زون و یوسی کو اپنی اپنی سطح پر صفائی کا بہتر نمونہ بنادیں۔ 

10th May 2018 DMC Central Karachi Press Release

9th May 2018 DMC Central Karachi Press Release

9th May 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ اہلیان ضلع وسطی فیڈرل بی ایریا کراچی کو بہترین پارک کا تحفہ پیش کریں گے انہوں نے کہا کہ بلاک 16 فیڈرل بی ایریا میں قائم غفران پارک عوام کو سستی تفریح مہیا کرنے کا بہترین ذریعہ ثابت ہوگا ۔ ان خیالات کا اظہار انہوں نے فیڈرل بی ایریا بلاک 16 میں غفران پارک کی تزئین و آرائش کے کام کا معائنہ کرتے ہوئے کیا اس موقع پرفوکل پرسن بلدیہ وسطی نبیل احمد ، ڈائریکٹر باغات ندیم حنیف بھی موجودتھے۔چیئرمین ریحان ہاشمی نے کہا کہ عوام کے لئے غفران پارک کو ایک بار پھر رنگ برنگی دلکش پھول دار پودے اور پھل دار درختوں کے ساتھ ساتھ پارک میں آنے والے مرد و خواتین کے بیٹھنے کے لئے خوبصورت بینچز اور بچوں کے لئے جھولوں سے سجایا جائیگا جو عوام کی توجہ کا مرکز بنیں گے انہوں نے کہا کہ مزکورہ پارک گزشتہ کئی برسوں سے اپنی افادیت کھو چکا تھا ، چیئرمین بلدیہ وسطی ریحان ہاشمی نے کہا کہ حق پرست بلدیاتی نمائندوں نے عوام کو صحت مند اور صاف و شفاف ماحول کی فراہمی کا جو بیڑا اٹھایا ہے اسے بلدیاتی نمائندوں اور عوام کے تعاون سے ہر صورت پورا کریں گے ۔ چیئرمین بلدیہ وسطی نے کہا کہ ضلع وسطی میں قائم گرین بیلٹس اور پارکوں کی تزئین و آرائش اور بحالی کا کام بلا تعطل جاری ہے جبکہ ضلع وسطی کے مختلف علاقوں میں قائم گرین بیلٹس اور پارکس تزئین و آرائش کے بعد عوام کے لئے کھول دئیے گئے ہیں۔ جبکہ ضلع وسطی کے مزیدپارکوں کی حالت کو بہت جلد درست کرکے شہریوں کے لئے کھول دیں گے، چیئرمین بلدیہ وسطی ریحان ہاشمی نے مزید کہا کہ بلدیہ وسطی کے زیرانتظام پارکوں اور گرین بیلٹس کی بحالی اور درستگی کے لئے احکامات جاری کردیئے ہیں ان پارکوں کی بحالی اور تزئین و آرائش کے لئے بلدیہ وسطی اپنے وسائل، ہارٹیکلچرسٹ،انجینئراور لیبر کواستعمال کرے گی،چیئرمین بلدیہ وسطی نے کہا کہ پارکس اور درخت کراچی کی ضرورت ہیں اور یہ شہریوں کو انتہائی سستی تفریح کا ذریعہ بھی ہیں، انہوں نے کہا کہ بڑھتی ہوئی آبادی کے پیش نظر اگر درختوں اور پودوں کی تعداد میں اضافہ نہ کیا گیا تو کراچی میں فضائی آلودگی خطرناک حد تک بڑھ جائے گی جس سے کئی امراض پیدا ہوں گے انہوں نے کہا کہ سڑکوں پر ٹریفک کا دباؤ بڑھتا جا رہا ہے اور ان سے پیدا ہونے والی کثافت کے باعث شہری متاثر ہوتے ہیں، اس کا واحد حل پارکوں کی بحالی اور بڑی تعداد میں شجر کاری کرنا ہے، ریحان ہاشمی نے کہا کہ بلدیہ وسطی نے شجر کاری مہم شروع کررکھی ہے ،بلدیہ وسطی نے گزشتہ شجر کاری کے دوران ضلع کے مختلف علاقوں میں قائم پارکس ،گرین بیلٹوں پر ہزاروں پودے لگائے ہیں جبکہ اس مہم کو مسلسل جاری رکھتے ہوئے دیگر علاقوں میں بھی پودے لگائے جائیں گے، انہوں نے کہا کہ کسی بھی شہر میں ایک شخص ایک درخت، عالمی معیار ہے جسے ہم شہریوں کے تعاون سے پورا کرنے کی کوشش کررہے ہیں، انہوں نے کہا کہ مجھے امید ہے کہ شہریوں کی فلاح و بہبود اور صحت اور مسرت کے لئے بنائے گئے پروگراموں میں کراچی کے شہری ان کا بھرپور ساتھ دیں گے، انہوں نے کہا کہ جن لوگوں کو انہوں نے منتخب کرکے بلدیاتی قیادت دی ہے وہ ان کے توقعات پر پورے اتر رہے ہیں، چیئرمین بلدیہ وسطی نے پارکس کمیٹی کو ہدایت کی کہ وہ ضلع وسطی کے تمام پارکوں کا سروے کرکے ان کی بحالی اور تزئین و آرائش کے لئے رپورٹ مرتب کریں ، انہوں نے کہا کہ وہ عوامی نمائندے ہیں اور کراچی کی بہتری چاہتے ہیں، انہوں نے کہا کہ ان کی یہ خواہش ہے کہ کراچی ایک مرتبہ پھر روشنی کا شہر بنے، گزشتہ آٹھ سال میں جس بے دردی سے کراچی کو تباہ و برباد کیا گیا اور لاوارث چھوڑا گیا اب ایسا نہیں ہونے دیں گے ہم کراچی کے شہری ہونے کے ناطے اسے اون کرتے ہیں، اپنا شہر سمجھتے ہیں اور اس کو سنوارنے اور سجانے کے لئے کوئی کسر اٹھا نہیں رکھیں گے۔

9th May 2018 DMC Central Karachi Press Release

8th May 2018 DMC Central Karachi Press Release

8th May 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے ضلع وسطی کے تمام زونز کے دفاتر کا اچانک ہنگامی دورہ کیا، دفاتر میں حاضری، دفتری معاملات کی بروقت انجام دہی اورسست روی کو بھی زیرِ غور لایا گیا۔ دیر سے دفتر آنے والے ملازمین کو تنبیہ اور دفتری ذمہ داریوں کی ادائیگی میں سست روی دکھانے والے عملے کو دفتری قوانین کے مطابق کارروائی کا سامنا کرنے کے لئے تیار رہنے کی تنبیہ کی گئی۔ تفصیلات کے مطابق چئیرمین ضلع وسطی نے ضلع وسطی کے چاروں زونز (نیوکراچی، نارتھ ناظم آباد، گلبرگ ، لیاقت آباد) کے بلدیاتی دفاتر میں افسران اور عملے کی کارکردگی کے حوالے سے براہ راست معلومات اور تفصیلات حاصل کرنے کے لئے اچانک دورہ کیا۔ اس موقع پر انہوں نے تمام شعبہ جات میں حاضری اور چھٹیوں کے معاملات کو سرِ فہرست رکھتے ہوئے تمام شعبہ جات کے افسران کو ہدایت کی کہ عملے کی حاضری کو سو فیصد بنانے کے لئے سخت اقدامات کئے جائیں۔انہوں نے دفتری معاملات کی انجام دہی میں سستی برتنے والوں کو بھی آڑے ہاتھوں لیا اور تنبیہ کی دفتری معاملات میں سست روی کا مظاہرہ کرنے والے محکمہ جاتی کاروائی کا سامنا کرنے کے لئے تیاررہیں۔ جبکہ اپنی ذمہ داری تندہی اور جانفشانی سے اداکرنے والوں کی تعریف کرتے ہوئے کہا کہ سرکاری اداروں میں بروقت اور سُرعت سے خدمات کو انجام دینے والے خراج تحسین کے مستحق ہیں۔ انہوں نے ضلع وسطی کے تمام بلدیاتی دفاتر کو خدمات کے حوالے سے بہترسے بہتر بنانے کے ہر ممکن اقدامات کرنے کی منصوبہ بندی کرنے کا اظہار کیا۔ 

8th May 2018 DMC Central Karachi Press Release

7th May 2018 DMC Central Karachi Press Release

7th May 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ تعلیم ہماری بنیادی ضرورت ھے بلدیہ وسطی کے زیر انتظام اسکولوں کے طلبا و طالبات کسی بھی طورپرائیویٹ اسکولوں کے طلبا سے ذہانت میں کم نہیں بلکہ بہت سے نجی اسکولوں کے طلبا سے بہتر ہے انہوں نے یہ بات بلدیہ وسطی کے زیر انتظام چلنے والے اسکولوں کے طلبا و طالبات کے لئے مفت کتابیں تقسیم کرنے کے حوالے سے منعقد تقریب سے خطاب کرتے ہوئے کہی، اس موقع پر چیئرمین اسٹنڈنگ کمیٹی تابش جیلانی ،ڈائریکٹر ایجوکیشن بلدیہ وسطی محمد عرفان،ڈپٹی ڈائریکٹر ز ،ہیڈمسٹریس ،اور اساتذہ کی بڑی تعداد موجود تھی۔اس موقع پر انہوں نے مفت کتابوں کی تقسیم کے حوالے سے چیئرمین سندھ ٹیکس بک بورڈ کو مخاطب کرتے ہوئے کہا کہ اگر طلبا کو درسی کتابیں بروقت مل جائیں تو طلبا کا کئی ماہ کا وقت ضائع ہونے سے بچ جائیگا اور طلبا اپنے وقت پر نصاب کو مکمل کر سکیں گے چیئرمین ریحان ہاشمی نے کہا کہ مفت کتابوں کی فراہمی کراچی کے بچوں کا حق ہے خاص طور پرکراچی کے بلدیاتی اسکولوں کے زیر انتظام چلنے والے اسکولوں کا حق ہے اس موقع پر انہوں نے منتخب نمائندوں اور اساتذہ کی کوششوں کو سراہاتے ہوئے کہا کہ عوامی نمائندے اور اساتذہ جس جانفشانی کے ساتھ زرائع نہ ہونے کے باوجود بلدیاتی اسکولوں کی تعلیمی معیار اور اسکولوں عمارتوں کو بہتر سے بہت بنانے میں مصروف عمل ہیں وہ قابل تحسین عمل ہے ، انہوں نے اساتذہ پر زور دیا کہ طلبا کی تعلیم پر بھرپور توجہ دیں اور ثابت کریں کہ ہمارے اسکولوں میں پڑھنے والے بچے ذہین اور قابل ہیں انہوں نے کہا کہ مسقبل میں بلدیہ وسطی کے اسکول کراچی کے بہترین اسکولوں میں شمار ہونگے اور ان ہی اسکولوں سے بہترین اسکالرز اور پڑھے لکھے نوجوان ابھر کے سامنے آئیں گے جو اس ملک کا نام روشن کریں گے انہوں نے کہا کہ اب ہمارے 30 سے 40 اسکول اس معیار کے ہوچکے ہیں جس میں تعلیم حاصل کرنے والے طلبا سرکاری اور پرائیویٹ اسکولوں کے طلبا سے بہتر تعلیمی معیار رکھتے ہیں انہوں نے کہا کہ ہم پرعزم ہیں کہ آنے والے دنوں میں بلدیاتی اسکولوں کا معیار تعلیم مزید بہتر کریں گے اس موقع پر انہوں نے کہا کہ اساتذہ ہمارے لئے قابل احترام ہیں اساتذہ کے مسائل کا حل ترجیحات میں شامل ہیں ۔ 

7th May 2018 DMC Central Karachi Press Release