15th Aug 2018 DMC Central Karachi Press Release

15th Aug 2018 DMC Central Karachi Press Release

KUNWAR NAVEED JAMEEL INAUGURATED FLOWER SHOW IN DMC CCENTRAL

RESIDENTS APPRECIATED THE EXHIBITION OF OVER 200 KINDS OF FLOWERS

INDEPENDENCE DAY DEMANDS FROM US TO REMEMBER THE SACRIFICES OF ANCISTERS

Dated: 15^th August 2018

Karachi:  Member of Sind Provincial Assembly and member of MQM Rabeta Committee Kunwar Naveed Jameel, accompanied with Chairman DMC Central Rehan Hashmi, Municipal Commissioner (DMC Central) Waseem Soomro, inaugurated Jashn e Aazadi flowr show at Fath Family Park at UC 21 of North Nazimabad Zone in DMC Central.  Kunwar naveed, while addressing the guests, said that Pakistan came into being after great sacrifices of the Muslims of the Sub-Continent; we remain ready to sacrifice our live in defense of our beloved country. Chairmen DMC Central said that it’s not enough just to celebrate Independence Day, it demands from us to remember and learn lessons from the sacrifices of our ancestors who brought freedom to us and made creation of Pakistan possible. The Flower Exhibition was arranged by the parks department of DMC Central who had put about 2000 flower plants for exhibition. There were about 200 kinds of flowers in the exhibition. Residents have appreciated the flower exhibition and were visiting the park with family member till late night. 

کراچی ( ) جشنِ آزادی کے سلسلے میں ۱۴؍ اگست ۲۰۱۸ء ؁ کو بلدیہ وسطی نارتھ ناظم آباد زون ، یوسی ۲۱؍ میں واقع فتح فیملی پارک میں خصوصی جشنِ آزادی فلاور شوکا انعقاد ۔ رکنِ سندھ صوبائی اسمبلی اور ڈپٹی کنوینئر ایم کیو ایم پاکستان کنورنوید جمیل نے چیئرمین بلدیہ وسطی ریحان ہاشمی اور میونسپل کمشنر (بلدیہ وسطی ) وسیم سومرہ کے ہمراہ پھولوں کی نمائش کا افتتاح کیا۔اس موقع پرشہری حکومت کے قائدِ ایوان اسلم خان آفریدی، یونین کمیٹی نمبر21 کے چیئرمین نعیم الدین، بلدیہ وسطی کے ڈائریکٹر پارکس ندیم حنیف ،بلدیاتی افسران او ر عوام کی بڑی تعداد موجود تھی۔ اس موقع پر حاضرین سے خطاب کرتے ہوئے کنور نوید جمیل نے کہا کہ پاکستان بڑی قربانیوں کے بعد معرض وجود میں آیا ہے جس کی حفاظت ہمارا فرض ہے ۔ انہوں نے جشنِ آزادی پھولوں کی نمائش کے انعقاد پر چیئرمین بلدیہ وسطی ریحان ہاشمی کو خراجِ تحسین پیش کیا۔ حاضرین سے خطاب کرتے ہوئے ریحان ہاشمی نے کہا کہ صرف جشنِ آزادی منانا ہی کافی نہیں بلکہ یومِ آزادی کا تقاضہ ہے کہ ہم اپنے آباؤ اجداد کی قربانیوں سے سبق سیکھیں اور قربانیوں کے عوض حاصل کئے گئے پاکستان کی حفاظت کے لئے ہر طرح کی قربانی دینے کے لئے تیار رہیں۔ تفصیلات کے مطابق چیئرمین ریحان ہاشمی کی ہدایت پر بلدیہ وسطی کے پارک ڈپارٹمنٹ نے جشنِ آزادی کی تقریبات کے تسلسل میں خصوصی پھولوں کی نمائش کا اہتمام کیا۔ اس سلسلے میں بلدیہ وسطی کی نرسریوں میں خصوصی طورپر پھولوں کی پودے تیارکئے گئے۔ نمائش میں سو سے زیادہ اقسام کے تقریباً بیس ہزار گملے رکھے گئے ہیں۔ فتح پارک نارتھ ناظم آباد میں منعقدہ نمائش دیکھنے کے لئے عوام ہزاروں کی تعداد میں جوق در جوق فتح پارک کا رخ کررہے ہیں۔ رات گئے تک عوام کی آمد ورفت جاری ہے جبکہ بلدیہ وسطی کی جانب سے لگائے گئے کیمپ میں عام شہری اور بچوں نے ملی نغمات سُنائے۔واضح رہے کہ جشنِ آزادی کے سلسلے میں پاکستان بھر کے ساتھ ساتھ بلدیہ وسطی میں بھی روائتی پروگرامز کے علاوہ پھولوں کی نمائش کا بھی انتظام کیا گیا۔ 

15th Aug 2018 DMC Central Karachi Press Release

14th Aug 2018 DMC Central Karachi Press Release

14th Aug 2018 DMC Central Karachi Press Release

کراچی ( ) جشنِ آزادی بلدیہ وسطی میں بھی بھرپور ملّی جوش و جذبہ کے ساتھ منایا گیا۔ دن کی ابتدأ کا آغازپرچم کشائی سے ہوا ۔ بلدیہ وسطی کے مرکزی آفس شاہراہ ابن سینا لیاقت آباد زون میں پرچم کشائی کی تقریب منعقد ہوئی۔ چیئرمین بلدیہ وسطی ریحان ہاشمی نے قومی پرچم بلند کیا اور حاضرین کے ساتھ ملک کر قومی ترانہ پڑھا۔ اس موقع پر بلدیہ وسطی کے منتخب بلدیاتی نمائندگان، بلدیاتی افسران وملازمین نے پرچم کشائی میں شرکت کی۔ جبکہ بلدیہ کے زیرِ انتظام چلنے والے اسکولوں کے طلب�أ و طالبات کی بڑی تعداد بھی شریک تھی ۔حاضرین سے گفتگو کرتے ہوئے ریحان ہاشمی نے کہا کہ آزادی ایک نعمت ہے اور اسکی حقیت وہ ہی جان سکتے ہیں جنہوں نے غلامی کادور دیکھا ہو۔ بعد ازاں ریحان ہاشمی اور بلدیاتی افسران نے ڈپٹی کمشنر (سینٹرل) کے دفتر میں پرچم کشائی کی تقریب میں شرکت کی اور جشنِ آزادی شجر کاری کے حوالے سے پودا لگایا۔ انہوں نے فیڈرل بی ایریا بلاک ۱۶؍میں واقع اسپتال برائے امراضِ قلب میں مریضوں کی عیادت کی، جشنِ آزادی کی مبارکباد پیش کی اور گلدستے اور تحائف پیش کئے۔ وہ نذیر حسین اسپتال برائے امراضِ گردہ بھی گئے جہاں انہوں نے گردے کی مرض میں مبتلا افراد کی عیادت کی ، انھیں پاکستانی پرچم اور گلدستے پیش کئے۔ فیڈرل بی ایریا ۱۴؍میں نابینا افراد کے اسکول میں جشنِ آزادی کی تقریب میں شرکت کی ۔ واضح رہے کہ برصغیر کے مسلمان تقریباً سو برس تک انگریزوں اور ہندؤوں کے ظلم و ستم کی چکی کے دو پاٹوں کے درمیان پستے رہے۔ تاہم سرسید احمدخان کی جدو جہد اور پیش کردہ دو قومی نظریہ نے مسلمانوں میں آزادی کی تحریک کو جنم دیا اور جب قائدِ اعظم کی ولولہ انگیز قیادت ملی تو مسلمانانِ ہند نے دونوں طاقتوں کو شکستِ فاش دی اور ۱۴؍اگست ۱۹۴۷ء ؁ کو اپنے لئے آزاد مملکت پاکستان حاصل کیا۔۱۳؍ اور ۱۴؍ اگست کی درمیانی شب بلدیہ وسطی کے زیرِ اہتمام بی اماں پارک ناگن چورنگی پر جشنِ آزادی پروگرام منعقد کیا گیا جس میں معروف فنکاروں نے ملی نغمات سُناکر عوام کے دل میں وطن سے محبت کا جوش و جذبہ مزید جگایا۔ رات بارہ بجتے ہی زبردست آتش بازی کا مظاہرہ کیا گیا جس نے آسمان کو روشن کردیا۔ 

14th Aug 2018 DMC Central Karachi Press Release

13th Aug 2018 DMC Central Karachi Press Release

13th Aug 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ اپنے آباو اجداد کی قربانیوں کو یاد رکھنا اور اپنے وطن سے محبت زندہ قوموں کی نشانیاں ہیں۔انہوں نے پوری پاکستانی قوم خصوصاً بلدیہ وسطی کے عوام کو جشنِ آزادی کی مبارکباد دیتے ہوئے کہا کہ پاکستان لاکھوں جانوں کی قربانی کے بعد معرضِ وجود میں آیا جبکہ بہتر لاکھ مسلمانوں نے ہندوستان سے پاکستان ہجرت کی تب کہیں جاکر ہمیں آزادی کا سورج دیکھنا نصیب ہوا۔ انہوں نے کہا کہ بلدیہ وسطی میں یومِ آزادی کے پروگرام کا آغاز صبح پرچم کشائی سے ہوگا ۔ اس موقع پرمقررین تحریکِ پاکستان اور قائدینِ تحریکِ پاکستان کی قربانیوں کے بارے میں عوام اور نئی نسل کو آگاہی دیں گے۔ 

کراچی ( ) ڈکیتی کی واردات میں بلدیہ وسطی کے ملازم کی ہلاکت پر چیئرمین بلدیہ وسطی ریحان ہاشمی نے سخت غم و غصے کا اظہار کرتے ہوئے کہا ہے کہ عیدِ قرباں کے مقدس مہینے میں اسٹریٹ کریمنلز اور ڈاکو عوام سے انکی جانوں کی قربانی مانگ رہے ہیں۔ انہوں نے قانون نافذ کرنے والے اداروں سے مطالبہ کیا کہ اسٹریٹ کرائم میں ملوث جرائم پیشہ افراد کی سرکوبی کے لئے فول پروف منصوبہ بندی کی جائے ۔تفصیلات کے مطابق بلدیہ وسطی لیاقت آباد زون سینی ٹیشن ڈپارٹمنٹ کے سب انسپکٹراعظم وقارکو اسکے گھر کے نزدیک ڈاکوؤں نے گولی مار کر قتل کردیا ۔ قتل کی اس واردات نے علاقے میں خوف و ہراس کی فضاء پیدا کردی ہے ۔واضح رہے کہ ماہِ مقدس میں اکثر افراد کو ڈاکو صرف اس شک کی بنأ پر قتل کردیتے ہیں کہ شاید ان کے پاس قربانی کا جانور خریدنے کے پیسے ہوں۔ تاہم یہ بات خوف و دہشت کی علامت ہے جس کی بنأ پر مسلمان قربانی کے جانور خریدنے کے لئے منڈی جاتے ہوئے ڈر رہے ہیں کیونکہ معمولی سے معمولی جانور بھی بیس ہزار سے کم نہیں مل رہا ایسے میں ڈاکوؤں کی نظرو ں اور انکی قاتل گولیوں سے بچنا عوام کے لئے بہت مشکل نظر آرہا ہے ۔ ایسے میں قانون نافذ کرنے والے اداروں پولیس اور رینجرز کی ذمہ داری ہے کہ عوام کے تحفظ اور ماہِ مقدس کے تقدّس کو پامال ہونے سے بچانے کے لئے خصوصی منصوبہ بندی کریں اور عوام کو ناگہانی آفت اور قتل ہونے سے بچائیں۔ 

13th Aug 2018 DMC Central Karachi Press Release

12th Aug 2018 DMC Central Karachi Press Release

12th Aug 2018 DMC Central Karachi Press Release

KARACHI: All the six DMCs have launched a campaign against illegal cattle markets in various parts of the city.

The DMC central chairman Rehan Hashmi visited Tahir Villa at Gulberg and removed illegal cattle market with the help of district administration

Hashmi talking to media during the operation said such haphazard cattle markets were causing hurdles in smooth flow of traffic due to which traffic mess is reported daily.

He said there are already encroachments all over the city and due to these illegal cattle markets there was a fear of Congo virus and many other deadly diseases.

Issued instructions on the spot that illegal cattle markets be not allowed.

These animals also cause huge loss to parks and as district central was already facing acute water shortage and funds to DMC central was negligible due to this reason performance of DMC central wad badly affected.

Rehan Hashmi has once again appealed to coming Sindh Chief Minister to provide funds.

The battered roads in DMC are in bad shape and funds are badly needed for the carpeting of roads.

He has also appealed to Mayor Karachi to make speedy arrangements for the removal of encroachments before Eid ul Azha.

کراچی ( ) چیئرمین بلدیہ وسطی ریحان ہاشمی نے غیر قانونی بکرامنڈیوں کے خلاف آپریشن شروع کردیا۔سرِ دست طاہر ولا فیڈرل بی ایریا گلبرگ زون سے آغاز کیا گیا گذشتہ شب طاہر ولاپر قائم غیر قانونی بکرا منڈی کو ختم کیا گیا وہاں سے جانوروں اور دیگر سامان کو ہٹوایا گیااس موقع پر قائمقام ڈپٹی کمشنر (سینٹرل)ا ذوالفقار علی خشک ،متعلقہ یوسی کے چیئرمین ،ڈائریکٹر ایڈمن شمعونہ صدف بھی انکے ہمراہ تھیں ۔ اس موقع پر ریحان ہاشمی نے کہا کہ جگہ جگہ گلیوں اور محلوں اور سڑکوں پر قائم کی جانے والی غیر قانونی بکرامنڈیاں ایک جانب تو ٹریفک کی معمول کی روانی میں رکاوٹ کا سبب بنتی ہیں تو دوسری جانب عوام کیلئے آمد ورفت میں پریشانی پیداکررہی ہیں ۔ انہوں نے قربانی کے بیمار جانوروں کے حوالے سے کہا کہ بیمار جانور ممکنہ طور پر کانگو وائرس کا سبب بن سکتے ہیں جو انسانوں کے لئے جان لیوا بیماری ہے ۔ اس لئے ہر جگہ بکرامنڈی قائم کرنے کے بجائے صرف اُن جگہ جانور کھڑے کئے جائیں کہ جہاں قانونی طو رپر بکرامنڈی لگانے کی اجازت مقامی انتظامیہ نے دی ہے ۔ انہوں نے بلدیہ وسطی کے تمام زونز میں یوسیز کے چیئرمین کو ہدایت کی ہے کہ کسی بھی صورت میں غیر قانونی بکرامنڈی برداشت نہیں کی جائے گی۔ واضح رہے کہ عیدِ قرباں کے موقع پر مویشی فروخت کرنے والے جگہ جگہ اپنی مرضی سے جانور کھڑے کردیتے ہیں اور گلی محلوں تک کو بکرا منڈی بنادیتے ہیں ۔ اس صورتِ حال سے ایک جانب تو عوام کو پریشانی کا سامنا ہے جبکہ دوسری جانب خطرناک بیماری کانگو وائرس کے پھیلنے کے خطرات کو نظرانداز نہیں کیا جاسکتا کیونکہ اس جان لیوا بیماری کا جراثیم مویشیوں سے ہی پھیلتے ہیں۔ 

12th Aug 2018 DMC Central Karachi Press Release

11th Aug 2018 DMC Central Karachi Press Release

11th Aug 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہاہے کہ امسال جشنِ آزادی پر ہر شخص سبز پرچم کے ساتھ ساتھ ایک پودا بھی لگائے جشن آزادی سرسبز پاکستان کے جذبہ کے تحت منایا جائے۔جس طرح ہر گھر کی چھت پر قومی پرچم لہرارہا ہے اسی طرح اگر اہلیان ضلع وسطی اپنے اپنے حصے کا ایک ایک پودا لگائیں تو تقریبا پچاس لاکھ نئے درختوں کی ہریالی ضلع وسطی کی آب و ہوا پر بہتر اثر ڈالنے کے ساتھ آلودگی میں کافی حد تک کمی پیداکرنے میں مددگار ہوگی۔ وہ ضلع وسطی میں بلدیہ وسطی کے زیرِ انتظام چلنے والے میجر ضیأ الدین عباسی شہیدایلیمنٹری گرلز ایند بوائز اسکول ناظم آباد نمبر ۲ ؍ میں جشنِ آزادی شجرکاری کی تقریب سے بہ حیثیت مہمانِ خصوصی خطاب کررہے تھے۔ انہوں نے نارتھ ناظم آباد زون کے علاقے حیدری میں بوہری کمیونٹی کے زیر انتظام چلنے والے MSB ایجوکیشنل انسٹیٹیوٹ میں بھی پودا لگا کر شجرکاری مہم کا افتتاح کیا، اس موقع پر انہوں نے اساتذہ و طلبا و طالبات سے خطاب کرتے ہوئے کہا کہ آزادی کا جشن منانے کا بہترین طریقہ یہ ہے کہ ہم اپنے عوام اور ملک کی فلا ح و بہبود کے لئے کوئی کام کریں اور شجرکاری نہ صرف صدقۂ جاریہ ہے بلکہ عوام کی صحت اور شہرکی فضائی آلودگی میں کمی لانے کا بہترین ذریعہ ہے۔اس موقع پر طلبا و طالبات نے شجرکاری،پودوں اور پیڑوں کے فوائد سے آگاہی پر مبنی ٹیبلو پیش کئے جبکہ تصویروں اور پلے کارڈز کے ذریعے شجرکاری اور درختوں کی اہمیت کو اجاگر کیا۔ ریحان ہاشمی نے میجر ضیاالدین عباسی شہید اسکول کی جانب سے شجرکاری آگاہی واک میں بھی شرکت کی۔ واک میں اسکول کے اساتذہ ، طلبا وطالبات کے علاوہ عوام کی بڑی تعدا د نے بھی شرکت کی۔ واضح رہے کہ آلودگی عالمی سطح پر بڑھنے والے مسائل میں سے ایک ہے ۔ انسان جس قدر نئی نئی ایجادات کرے گا اُتنا ہی فضائی آلودگی میں اضافہ ہونے کا امکان بڑھے گا۔ آلودگی میں کمی لانے کا بہترین ذریعہ شجرکاری ہے اس لئے امسال جشنِ آزادی کو شایانِ شان طریقے سے منانے کے لئے عوام اور ملک کی فلاح و بہبود کے لئے سرسبز و شاداب کے پاکستان کے عنوان سے شجرکاری بھی کی جائے گی۔ امید ہے ضلع وسطی میں لاکھوں کی تعدا د میں نئے پودے لگائے جائیں گے۔ 

11th Aug 2018 DMC Central Karachi Press Release