29th Aug 2018 DMC Central Karachi Press Release

29th Aug 2018 DMC Central Karachi Press Release

KARACHI: The DMC central chairman Rehan Hashmi has reprimanded the sanitation staff for not maintaining cleanliness in district central and issued orders that within five days cleanliness be made and district central be neat and tidy.

He said this while presiding a meeting here on Wednesday with the sanitation staff after news appeared in a section of press about the heaps of garbage in his area.

Chairman raised fuel for the vehicles from 1100 liter per day to 1500 liter per days for the vehicles.

Hashmi said relief to the people should be visible and also asked the sanitary inspectors to lodge and FIR against those people found throwing garbage on roads.

Chairman warned those fail to lodge and FIR should be ready for departmental action.

Chairman also issued show cause notice to 35 employees of DMC central who were not performing their duties in and efficient manner.

کراچی () چیئرمین بلدیہ وسطی ریحان ہاشمی نے سینی ٹیشن ڈپارٹمنٹ کو الٹی میٹم دیا ہے کہ پانچ دن کے اندر ضلع وسطی کو ہر قسم کی گندگی سے پاک کرکے صاف شفاف بنادیا جائے۔ اس سلسلے میں کسی قسم کی کوتاہی اور سستی برداشت نہیں کی جائے گی۔انہوں نے بلدیہ وسطی انتظامیہ کو کوڑا کرکٹ پھیلانے والے دکانداروں اور فیکٹری مالکان کے خلاف قانونی کارروائی کرنے، شہری زندگی کو تعفن زدہ بنانے والوں کو کسی صورت رعایت نہ دینے اور صفائی ستھرائی، آلودگی اور تجاوزات پر کسی قسم کا کوئی کمپرومائز نہ کرنے اور گندگی پھیلانے والے عناصر کے خلاف ایف آئی آر درج کرانے کی ہدایات جاری کردیں۔تفصیلا ت کے مطابق چیئرمین بلدیہ وسطی ریحان ہاشمی نے مختلف اخبارات میں شائع ہونے والی خبروں پر سخت نوٹس لیتے ہوئے سینی ٹیشن افسران کا اجلاس طلب کر لیا اس موقع پر میونسپل کمشنر بلدیہ وسطی محمد وسیم سومرو، فوکل پرسن و رکن کونسل بلدیہ وسطی منظور الہی،الیاس کھوکر،مقصود احمد،چیئرمین اسٹینڈنگ ورکس کمیٹی عارف شاہ، چیئرمین چارجڈ پارکنگ سہیل احمد اراکین کونسل،سپریٹنڈنگ انجینئر نازش رضا،ڈائریکٹر سینی ٹیشن ندیم حیدر بھی موجود تھے۔ریحان ہاشمی نے اجلاس میں سینی ٹیشن ڈپارٹمنٹ کے افسران سے خطاب کرتے ہوئے انہیں پانچ دن کے اندر ضلع وسطی صاف شفاف بنانے کا حکم دینے کے ساتھ صفائی کے نظام کو سبوتاژ کرنے والے عناصر کے خلاف قانونی کارروائی کرنے کی ہدایت کی۔ انہوں نے شہریوں کی زندگی کو اجیرن بنانے والے عناصر کے خلاف کسی بھی قسم کی رعایت اور کمپرومائز سے انکار کرتے ہوئے کہا کہ ضلع وسطی کو شہر کو بہترین اور صاف ترین ضلع بنانے کے لئے ہر قسم کے قانونی طریق? کار استعمال کئیے جائیں اور کوڑاکرکٹ پھیلانے اور شہرکو گندا کرنے والے عناصر کو کسی صورت معاف نہیں کیا جائے۔ انہوں نے مزید کہا کہ کسی بھی علاقے میں کچرے کا بیک لاگ برداشت نہیں کیا جائیگا عوام کو صاف و شفاف ماحول کی فراہمی میں تمام تر وسائل بروئے کار لائیں جائیں اس موقع پر انہوں نے سینی ٹیشن ڈپارٹ کی کچرا اٹھانے والی گاڑیوں کے فیول کوٹہ میں اضافہ کی ہدایت بھی جاری کیں واضح رہے کہ عیدالاضحی کے موقع پر آلائشوں کو بروقت اٹھانے اور ٹھکانے لگانے کے عمل میں سست روی اور کوتاہی کے مرتکب 35 افسران و ملازمین کو شوکاز ایشو کر دیئے گئے ہیں۔ انہوں نے امید ظاہر کی کہ گندگی پھیلانے والے عناصر کے خلاف قانونی کارروائی سے بہتر نتائج برآمد ہونگے۔

29th Aug 2018 DMC Central Karachi Press Release

28th Aug 2018 DMC Central Karachi Press Release

28th Aug 2018 DMC Central Karachi Press Release

KARACHI The performance of DMC central was badly affected due to worse sewerage system and people are not aware that now sewerage is not the responsibility of DMCs.

This was stated by DMC  central chairman Rehan Hashmi during a visit to his area on Tuesday 73and cleanliness process is continued despite limited resources.

He warned the health department that any kind of negligence will lead to departmental action and inquiry .

He said there was zero tolerance regarding cleanliness and said that KWSB bad work has destroyed the working of DMC central .

Lashing out at Sindh government he said they have deprived the local bodies are not providing any facility and even not giving their due rights and turning back to give even genuine demands .

He said KWSB was not performing well due to the ill policies of Sindh government .

Hashmi local bodies are performing their duties which was not their job despite no resources.

Chairman said KWSB has decided not to improve the sewerage system and keep the people of Karachi passing a misery life under black stagnant water of sewerage  leading to various diseases .

کراچی ( ) چیئرمین بلدیہ وسطی ریحان ہاشمی نے کہا ہے کہ ضلع وسطی کو صاف و شفاف بنانے اور عوام کو صحت مند ماحول فراہم کرنے کے لئے تمام دستیاب وسائل بروئے کار لارہے ہیں انہوں نے کہا کہ صفائی ستھرائی کے کام میں کسی بھی قسم کی لاپرواہی و کوتاہی برداشت نہیں کی جائیگی لاپرواہی کے مرتکب افسران و ملازمین کے خلاف محکمہ جاتی کاروائی عمل میں لائی جائیگی انہوں نے مزید کہا کہ بلدیہ وسطی کی بہترکارکردگی کو کراچی واٹر اینڈ سیوریج بورڈ کی خراب کارکردگی نے سب سے زیادہ نقصان پہنچایا ہے۔ جگہ جگہ رستی ہوئے سیوریج لائنیں گندے پانی کے ٹھہراؤ اور کیچڑ پیداکرنے کاسبب ہے۔ جبکہ عوام کی اکثریت یہ نہیں جانتی کہ سیوریج سسٹم کے خرابیوں کو درست کرنا بلدیاتی اداروں کا کام نہیں اس کے لئے باقاعدہ ادارہ ہے جو حکومتِ سندھ کے ماتحت ہے جو کراچی کے بلدیاتی اداروں کو کسی قسم کی سہولت تو درکنار انکے جائز حقوق بھی دینے سے گریز پا ہے۔اِس برہمی کا اظہار انہوں نے عید قرباں کے بعد فیڈرل بی ایریا گلبرگ زون اور لیاقت آباد میں صفائی کی صورتِ حال کے معائنے کے موقع پر کہی۔ انہوں نے کہا کہ سیوریج بورڈ حکومتِ سندھ کی غیر منصفانہ پالیسیوں کی وجہ سے کراچی کے عوام کی خاطر خواہ خدمت نہیں کررہاہے۔جبکہ بلدیاتی ادارے وہ خدمات بھی انجام دے رہے ہیں کہ جو اُنکی ذمہ داری نہیں۔واضح رہے کہ ریحان ہاشمی نے ضلع وسطی کو صاف شفاف اور سرسبز بنانے کے لئے کئی پروگرمز ترتیب دءئے جن میں صفائی اور شجرکاری مہم سرِ فہرست ہیں۔تاہم عید الضحی پر اپنی ذمہ داریاں نبھانے میں کوتاہی برتنے والے بلدیہ وسطی کے عملے کو محکمہ جاتی کاروائی کا سامنا کر نا پڑرہا ہے جبکہ کوتاہی کے مرتکب افسران و ملازمین کو دیگر شعبوں میں ٹرانسفرکردیاگیاہے ۔ دوسری جانب سینی ٹیشن ڈپارٹمنٹ کا عملہ صفائی کے معاملات کو تندہی سے سُدھارنے میں لگاہُواہے ۔ لیکن بہت سے مقامات ایسے ہیں کہ جہاں سیوریج کی مخدوش لائنوں سے رسنے والے گندے پانی نے کیچڑ کی شکل اختیارکرلی ہے اور تعفّن کا باعث ہے۔ یہ صورتِِ حال بلدیہ وسطی کی کارکردگی کو نقصان پہنچارہی ہے کیونکہ عوام سمجھتے ہیں کے سیوریج سسٹم کی خرابی درست کرنا بلدیہ وسطی کا کام ہے جبکہ حقیقت میں یہ حکومت سندھ کے ماتحت سیوریج بورڈ کی ذمہ داری ہے جس نے طے کرلیا ہے کہ کراچی کے عوام کو پریشانی سے دوچار ہی رکھنا ہے۔

28th Aug 2018 DMC Central Karachi Press Release

27th Aug 2018 DMC Central Karachi Press Release

27th Aug 2018 DMC Central Karachi Press Release

کراچی ( )کراچی ( ) بلدیہ وسطی میں عیدالاضحی کے قربانی کے دن گزرجانے کے بعد بھی صفائی مہم کا تسلسل جاری ہے ، روزانہ کی بنیاد پر جمع ہونے والے کوڑا کرکٹ کو لینڈفل سائیڈ منتقل کیا جارہا ہے سینی ٹیشن ڈپارٹمنٹ کا خواتین اور مردوں پر مشتمل عملہ تندہی سے صفائی کررہاہے جبکہ ضلع کو خوبصورت بنانے کے لئے بھی اقدامات کئے جارہے ہیں ۔ چیئرمین بلدیہ وسطی ریحان ہاشمی نے تمام زونز کا خصوصی دورہ کیا ، صفائی مہم کے دوران چند مقامات پراُٹھائے جانے سے رہ جانے والے کوڑے کی موجودگی پر برہمی کا اظہار کرتے ہوئے انہوں نے کہا کہ ضلع وسطی کے عوام کو صحتمند ماحول فراہم کرنا ہمارا اوّلین ہدف ہے ۔ کوڑا کرکٹ اور آلائشیں پوری توجہ سے اُٹھائی گئی لیکن پھر بھی کچھ نہ کچھ کمی رہ گئی جسے دورکرنے کے لئے صفائی مہم کو جاری رکھنا ضروری ہے ۔مزید برآں ریحان ہاشمی نے ڈپٹی کمشنر آفس میں نارتھ ناظم آباد میرج ہال ایسوسی ایشن کے عہددارن اور مالکان سے ملاقات کی جبکہ ملاقات میں شادی ہال مالکان کو باور کرایا کہ صرف اُن کے ہال کا فرنٹ ایریا ہی صاف رکھنا کافی نہیں بلکہ شادی ہالوں کے سامنے اور ارد گردکی سڑک اور گلیوں کو صاف رکھنا بھی انکی ذمہ داری ہے ۔ جبکہ شجرکاری میں شریک ہونا اور ہریالی لگانا بھی بہ حیثیت اچھے شہری کے اُنکی اخلاقی ذمہ داریوں میں شامل ہے۔ انہوں نے مختلف علاقوں میں گرین بیلٹ اور سروس روڈز کی صورتِ حال کا جائزہ لیا اور متعلقہ عملے کو ہدایت کی کہ گرین بیلٹ اور سروس روڈز سے ہرقسم کی تجاوزات ختم کردی جائے اور ضلع کو سرسبز رکھنے کے لئے گھاس اور پودوں کو باقاعدگی سے پانی دیا جائے تاکہ عوام کو بہتر فضأ اور آلودگی سے پاک ماحول فراہم کیا جاسکے۔ واضح رہے کہ بلدیہ وسطی نے وسائل کی کمی کے باوجود بہتر صفائی مہم کے ذریعے بقرعید کے دنوں میں پونے پانچ لاکھ سے زیادہ قربان کئے جانے والے جانوروں کی آلائشیں ڈمپنگ پوائنٹس پر منتقل کیں۔

27th Aug 2018 DMC Central Karachi Press Release

26th Aug 2018 DMC Central Karachi Press Release

26th Aug 2018 DMC Central Karachi Press Release

کراچی ( ) ضلع وسطی میں عید الاضحی کامیابی سے ہمکنار ضلع وسطی میں عید الاضحی کے موقع پر تقریبا 4 لاکھ 47 ہزار آلائشوں کو ٹھکانے لگانے کے ساتھ ساتھ روزمرہ کا جمع ہونے والا کوڑا کرکٹ بھی روزآنہ کی بنیاد پر اٹھایا گیا۔جہاں عیدالاضحی پر سارے شہر میں صفائی صفائی اور صفائی مہم کا شور بپا تھا ، کراچی ڈویژن کے ہر ضلع میں بلدیاتی چیئرمین ، وائس چیئرمین ، یوسی چیئرمین ، وائس چیئرمین اور کونسل کے منتخب نمائندگا ن بلدیاتی افسران اور عملہ کے ہمراہ اپنی اپنی کارکردگی دکھانے میں مصروف تھے وہیں ضلع وسطی میں چیئرمین بلدیہ وسطی ریحان ہاشمی،حق پرست اراکین قومی و صوبائی اسمبلی ، یونین کمیٹیز کے چیئرمین و وائس چیئرمین ،میونسپل کمشنر سینٹرل کے ہمراہ عیدالاضحی کے تینوں دن علاقوں میں نظر آئے اور نتیجے میں آج ضلع وسطی دوسرے اضلاع کے مقابلے میں صاف ستھرا اور آلائشوں سے پاک نظر آرہا ہے یہاں یہ بات بھی قابل تحسین ہے کہ عید کے گزرتے ہی صفائی کا عملہ سستانے اورآرام کرنے لگا۔تاہم بلدیہ وسطی کے کچھ ایسے بھی افسران و افراد ہیں کہ جو عوام کی خدمت کے سامنے اپنے آرام کو اہمیت نہیں دیتے ۔ سو ایسا ہی بلدیہ وسطی کے چیئرمین ریحان ہاشمی نے سینی ٹیشن ڈپارٹمنٹ کو صفائی کا تسلسل جاری رکھنے کی ہدایت کرتے ہوئے کسی بھی صورت میں کوتاہی نہ برتنے کی ہدایت کی ۔اُدھر سینی ٹیشن کا عملہ بلدیہ وسطی کی حدود میں صفائی جاری رکھے ہوئے ہے۔ بچے کھُچے کوڑے کرکٹ کو ٹھکانے لگانے میں مصروف ہے۔ ریحان ہاشمی کے علاوہ حق پرست اراکین قومی و صوبائی اسمبلی بھی مختلف یوسیز میں صفائی کے کاموں پر نظر رکھنے کے لئے مسلسل علاقوں کا کررہے ہیں۔تاہم سینی ٹیشن ڈپارٹمنٹ کا عملہ جس میں مرد و خواتین دونوں ہی شامل ہیں پوری تندہی سے کام کررہے ہیں ۔ خواتین خاکروب بھی مردوں کے شانہ بہ شانہ عیدالاضحی صفائی مہم میں فرض اداکررہی تھیں اور اب عید کے بعد بھی سڑکوں پر جاروب کشی کررہی ہیں تاکہ ضلع وسطی کے عوام کے رہائشی علاقوں میں گلیاں اور سڑکیں صاف ستھری نظر آئیں ۔ اگرچہ بلدیہ وسطی میں تقریبا ساڑھے چار لاکھ چھوٹے بڑے جانوروں کی آلائشیں ٹھکانے لگائی گئیں تاہم جِن جگہوں پر آلائشیں پڑی تھیں وہاں کچھ نہ کچھ باقیات رہ جاتی ہیں جبکہ دوسرے اضلاع کے ڈمپروں سے گری ہوئی آلائشیوں کو اُٹھانا بھی ایک مسئلہ ہے جسے حل کرنے کے لئے بلدیہ وسطی کا پورا سینی ٹیشن ڈپارٹمنٹ دستیاب وسائل اور مشینر ی استعمال کرتے ہوئے بھرپور کوشش کررہاہے۔ صفائی کا تسلسل جاری رہے اور ضلع وسطی صاف سے صاف ترین بن جائے۔ 

26th Aug 2018 DMC Central Karachi Press Release

24th Aug 2018 DMC Central Karachi Press Release

24th Aug 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے عیدالاضحی صفائی آپریشن کی کامیابی بلدیاتی افسران و عملی کی محنت کا ثمر ہے ، جبکہ بلدیاتی اداروں کی کارکردگی کی کامیابی کا صحافی برادری کے تعاون سے گہرا تعلق ہے ۔ کیونکہ ہماری کارکردگی کو عوام اور حکومت کی نظر میں لانے کے لئے صحافی برادری کاکردار بہت اہم ہے ۔ پریس بریفنگ کا مقصد بلدیہ وسطی کی وہ کاوشیں سامنے لانا تھاکہ جو عیدالاضحٰی کے تین دنوں کے دوران ضلع وسطی میں صفائی ستھرائی اور قربانی کے جانوروں کی آلائشوں کو شہری علاقوں سے ڈمپنگ پوائنٹ پر بلا تاخیر منتقل کرنے کے لئے کئے گئے۔ وہ بلدیہ وسطی کی جانب سے بلائی گئی پریس کانفرنس میں صحافیوں سے خطاب کررہے تھے۔ ایم کیو ایم پاکستان کے رکنِ صوبائی اسمبلی خواجہ اظہار الحسن نے کہا کہ پیپلز پارٹی کی حکومت نے آٹھ سال کچرے کا ڈھیر جمع کیا اور اب اس کو اُٹھانے کے لئے ادائیگی کی جارہی ہے جبکہ اس کچرے سے بجلی اور گیس پیدا کی جاسکتی تھی ، اسی کچرے کو اُٹھانے کے لئے پیسے وصول کئے جاسکتے تھے۔ ضرور ی ہے کہ سالڈ ویسٹ منجمنٹ شہری حکومت اور میئر کے ہاتھ میں دے دیا جائے۔ اس موقع پر رکن قومی اسمبلی اسامہ قادری ،رکنِ صوبائی اسمبلی عباس جعفری، ،میونسپل کمشنر وسیم سومرو و دیگر بلدیاتی نمائندگان اور افسران موجو د تھے۔ریحان ہاشمی انہوں نے مزید کہاکہ صحافی حضرات یہ بات بہتر جانتے ہیں کہ بلدیاتی ادارے حکومتِ سندھ کی عدم توجہی اور مناسب فنڈز کی عدم فراہمی کے باعث شدید مالی مشکلات کا شکار ہیں۔ فی زمانہ جو رقم حکومتِ سندھ بلدیہ وسطی کو دے رہی ہے وہ تنخواہوں کی ادائیگی کے بعد بہت کم رہ جاتی ہے جو بلدیہ وسطی کی دیگر ضروریات اور ترقیاتی کاموں کی تکمیل کے لئے ناکافی ہوتی ہے ۔تاہم ضلع وسطی میں بلدیاتی ٹیکس کی وصولی کو بہتر بناکر اور غیر اہم اخراجات میں کمی لاکر بلدیاتی خدمات بہتر طور پر انجام دی جارہی ہیں۔عید الاضحٰی کے تین دنوں میں بلدیہ وسطی میں تقریبا 4لاکھ47ہزار930 جانوروں کی قربانی کی گئی۔بلدیہ وسطی کے پاس وسائل: افرادی قوت اور مشینری دونوں ہی عید الاضحٰی ایمرجنسی سے نمٹنے کے لئے کم تھے۔ اس کمی کو پورا کرنے کے لئے ہم نے نجی شعبے سے روزآنہ کی اجرت پر افرادی قوت و مشنری حاصل کی ۔ 1800مزدور 550سوزوکیاں 80 ڈمپرز22 لوڈرز اور پانچ ایکس کیویٹرز نجی شعبے سے حاصل کئے گئے۔لینڈ فل سائٹ جام چاکرو پر آلائشوں کو دفن کرنے کے علاوہ بلدیہ وسطی کی حدود میں بھی خندقیں کھودی گئیں۔ کیونکہ تمام آلائشوں کو بلا تاخیر ضلع وسطی سے جام چاکرو منتقل کرنا آسان کام نہ تھا اس لئے بلدیہ وسطی کی حدود میں خندق کھودنا ضروری تصورکیا گیا تاکہ آلائشیں کو جلدازجلد ٹھکانے لگایا جاسکے ۔ بلدیہ وسطی کے لئے ایک مسئلہ یہ بھی تھا کے دوسرے اضلاع سے آلائشوں سے بھرے ہوئے ڈمپر کا گزرنا تھا ۔ کیونکہ دیگر اضلاع کے ڈمپرز بھی بلدیہ وسطی کی حدود سے گزرتے ہیں اور ان سے بڑی تعداد میں آلائشیں اور کوڑا کرکٹ گِرتا ہے 
جسے اُٹھانا بھی بلدیہ وسطی کے سینی ٹیشن ڈپارٹمنٹ کی ذمہ داری بن جاتی ہے ۔ اسکی وجہ سے بلدیہ وسطی کا کام مزید بڑھ گیا تھا ۔ انہوں نے صفائی آپریشن کی کامیابی کا سہرا بلدیاتی افسران اور عملے کے درمیان مکمل رابطہ اور باہمی تعاون کو قراردیا ۔ جبکہ تمام یوسی کے چیئرمین ، وائس چیئرمین اور ار اکین کونسل بلدیہ وسطی کو اپنی اپنی ذمہ داری پوری توجہ سے نبھانے پر خراجِ تحسین پیش کیا۔اس موقع پر متحدہ قومی موومنٹ پاکستان کے کنوینئرڈاکٹر خالد مقبول صدیقی،سینئرڈپٹی کنوئنر عامر خان ، اراکین قومی و صوبائی اسمبلی ، اسامہ قادری، عباس جعفری اور وسیم قریشی نے بلدیہ وسطی کی انتظامیہ کے ساتھ مسلسل رابطہ رکھا اور ہر قدم پر حوصلہ افزائی کی۔ واضع رہے کہ متحدہ قومی موومنٹ پاکستان کے کنوینئر و وفاقی وزیر برائے انفارمیشن ٹیکنالوجی خالد مقبول صدیقی نے بلدیہ وسطی کے مرکزی استقبالیہ و شکایتی کیمپ کا افتتاح کیا تھا ۔ جبکہ میئرکراچی وسیم اختر نے بھی بلدیہ وسطی کے ساتھ سرپرستی کا مظاہر ہ کرتے رہے اور مختلف اوقات میں ضلع وسطی کا دورہ کیا اور صفائی ستھرائی و آلائشوں کے ڈسپوزل کے لئے کئے جانے والے اقدامات اور کارکردگی کو ملاحظہ کیا۔ غرض یہ کہ بلدیہ وسطی کی بہتر کارکردگی بلدیاتی افسران اور عملے کے درمیان بہترین رابطے ، منتخب بلدیاتی نمائندوں کی انتھک محنت ، سینی ٹیشن ڈپارٹمنٹ کی مسلسل کاوشیں اور متحدہ قومی موومنٹ پاکستان کے منتخب اراکین قومی و صوبائی اسمبلی اور میئرکراچی وسیم اختر کی مسلسل ہمراہی کا نتیجہ ہے ۔ محترم صحافی حضرات یہاں یہ بات اہم ہے کہ جانوروں کی آلائشوں کا وزن بہت زیادہ ہو ا کرتا ہے جبکہ بعض تو کئی من کی ہوتی ہیں خصوصا اونٹ اور بیل کی اوجڑی بہت وزنی ہوتی ہے ۔شاباش ہے ہمارے سینٹری ورکرز کو کہ جو اپنے ہاتھوں سے اس قدر وزنی آلائشیں اُٹھا کر گاڑیوں میں ڈالتے رہے۔ ہم ان کو عنقریب خراجِ تحسین پیش کرنے کے
لئے خصوصی تقریب منعقد کریں گے۔

24th Aug 2018 DMC Central Karachi Press Release