10th Sep 2018 DMC Central Karachi Press Release

10th Sep 2018 DMC Central Karachi Press Release

کراچی ( )چیئرمین بلدیہ وسطی ریحا ن ہاشمی نے کہاہے کہ عزاداران حسین کو محرم الحرام میں تمام تر بلدیاتی سہولتو ں کی فراہمی کو ممکن بنانے کے لئے تمام دستیاب وسائل بروئے کار لارہے ہیں۔ان خیالات کا اظہار انہوں نے فیڈرل کیپیٹل ایریا لیاقت آباد میں عزاداران حسین کے جلوس کی گزر گاہ پر کی جانے والی روڈ کارپیٹنگ کا معائنہ کرتے ہوئے کیا ۔ چیئرمین بلدیہ وسطی ریحان ہاشمی نے میونسپل کمشنر وسیم سومرو کے ہمراہ محرم الحرام میں عزاداران حسین کو بلدیاتی سہولیات کی فراہمی کے انتظامات کا جائزہ لینے کیلئے مسجد و امام بارگاہ زین العابدین ناظم آباد ،مسجد و امام بارگاہ آل محمد سیکٹر 5C نارتھ کراچی،مسجد پنجتنی و امام بارگاہ حسینی سیکٹر 5F یونین کمیٹی نمبر 10 ،مسجد و امام بارگاہ خیرالعمل انچولی فیڈرل بی ایریا ،مسجد و امام بارگاہ رضویہ ناظم آباد کا دورہ کیا اور منتظمین سے ملاقات کر کے عزاداران کے مسائل سے آگاہی حاصل کی اور اُنہیں حل کرنے کے لئے ہرممکنہ اقدام کرنے کی یقین دہانی کرائی ۔ اس موقع پر چیئرمین ریحان ہاشمی نے یوسی چیئرمین کو ہدایت کی کہ محرم الحرام کے دوران مساجد،و امام بارگاہوں،مجالس اور جلوس منتظمین سے مسلسل رابطہ رکھا جائے تاکہ کسی بھی ضرورت کے تحت فوری طور پر اقدامات کئے جاسکیں۔ تمام عالمِ اسلام کی طرح پاکستان میں بھی عاشورۂ محرم روائتی مذہبی عقیدت و احترام کے ساتھ منایا جاتاہے۔ ضلع وسطی میں بھی شہادتِ امام حسین کے سلسلے میں لاتعداد مجالس اور محافلِ ذکرِشہادتِ امام حسین ؑ منعقد کی جاتی ہیں۔جبکہ دن کے علاوہ رات کے وقت بھی جلوس نکالے جاتے ہیں۔بلدیہ وسطی کے کارکنان عشرۂ محرم الحرام کے دوران دینی جذبہ کے ساتھ عزادارانِ امام حسین کی خدمت اور سہولت کی خاطر اپنی خدمات مہیا کرتے ہیں۔ روزآنہ صفائی کے ساتھ ساتھ خصوصی صفائی مہم بھی ضلع وسطی میں صفائی رکھنے کے لئے ممد و معاون رہتی ہے۔ محرم الحرام تمام عالمِ اسلام کو نواسۂ رسول امام حسین ؑ اور ان کے اہلِ خانہ و اصحاب کی مظلومیت کی یاد دلاتا ہے ۔ عالمِ اسلام میں امام حسین کی شہادت اور واقعۂ کربلاکا تذکرہ ہر سطح پر کیا جاتاہے جس سے یہ سبق ملتا ہے کہ جب دین پر آنچ آنے لگے تو پھر دین بچانے کے لئے جان کا نذرانہ دینے میں کوئی مذائقہ نہیں۔

10th Sep 2018 DMC Central Karachi Press Release

9th Sep 2018 DMC Central Karachi Press Release

9th Sep 2018 DMC Central Karachi Press Release

DMC CENTRAL FINALAIZES ARRANGEMNTS FOR AASHOORA-E-MUHARRAM

REHAN HASHMI DIRECTED HIS TEAM TO KEEP CONTACT WITH PROCESSIONS INCHARGE

Dated: 9^th September  2018

Karachi(    )DMC Central has finalized its arrangements of cleanliness and lighting for a carefree observance of Aashoora-e-Muharram. Rehan Hashmi, the Chairman of DMC Central paid frequent visits to all of his zones and monitored the arrangements. He directed the Officers of Sanitation, Parks and M&E departments not to leave any stone unturned in their way of work. He asked them to keep the roads clean that lead to the Mosques, Imambargah, places of Majlis and religious gatherings. The arrangement of light at night must be adequate so as to enable the Azaadaar move peacefully. Aashoora-e-Muharram is observed with great respects and sense of love for Hazrat Imam Hussain. In DMC Central many processions are brought out during Aashoora-e-Muharram in day as well as at night. DMC Central will not only provide them complete Municipal services but also establish Sabeels where clod water and syrup will be presented to the participants of the processions. Meanwhile, road carpeting has been done in the areas where roads were broken or in bad conditions so that the process may pass smoothly.

کراچی ( )چیئرمین بلدیہ وسطی ریحان ہاشمی نے بلدیہ وسطی کے تمام زونز کا ہنگامی دورہ کیا اور عاشورۂ محرم کے سلسلے میں صفائی ستھرائی اور روشنی کے لئے کئے گئے انتظامات کا جائزہ لیا۔ مختلف مساجد ، امام بارگاہوں، مجالس اور جلوسوں کے منتطمین سے بھی ملاقات کی۔ انہوں نے بلدیہ وسطی کے ایم اینڈ ای، بی اینڈ آر اور سینی ٹیشن ڈپارٹمنٹ کے افسران سے عاشورۂ محرم پر کئے جانے والے انتظامات کی تفصیلات حاصل کیں۔ اس موقع پر میونسپل کمشنر محمد وسیم سومرو ،سپریٹنڈنگ انجینئر نازش رضا، محکمہ سینی ٹیشن کے افسران بھی انکے ہمراہ تھے۔ریحان ہاشمی نے کہا کہ مساجد اور امام بارگاہوں کے اطراف صفائی کرنے کے ساتھ مساجد و امام بارگاہوں جانے والے تمام راستوں کو بھی صاف ستھرا رکھنے کے ساتھ ساتھ سڑکوں کی پیوند کاری اور گڑھوں کی بھرائی کو بھی ممکن بنایا جائے جبکہ رات کے وقت روشنی کا اضافی انتظام کیا جائے تاکہ عزادارانِ امام حسین ؑ کو کسی قسم کی پریشانی کا سامنا نہ کرنا پڑے انہوں نے جلوسوں کے راستوں پر پانی اور شربت کی سبیل لگانے کی ہدایت بھی کی ۔ریحان ہاشمی نے واٹر و سیوریج بورڈ کے افسران کو مخاطب کرتے ہوئے کہا کہ واٹر و سیوریج لائنوں کی لیکج کو بھی فوری طور پر بند کیا جائے۔ اس موقع پر چیئرمین ریحان ہاشمی نے یوسی چیئرمین کو ہدایت کی کہ محرم الحرام کے دوران مساجد،و امام بارگاہوں،مجالس اور جلوس منتظمین سے مسلسل رابطہ رکھا جائے تاکہ بھی ضرورت کے تحت فوری طور پر اقدامات کئے جاسکیں۔ واضح رہے کہ تمام عالمِ اسلام کی طرح پاکستان میں بھی عاشورۂ محرم روائتی مذہبی عقیدت و احترام کے ساتھ منایا جاتاہے۔ ضلع وسطی میں بھی شہادتِ امام حسین کے سلسلے میں لاتعداد مجالس اور محافلِ ذکرِشہادتِ امام حسین ؑ منعقد کی جاتی ہیں۔جبکہ دن کے علاوہ رات کے وقت بھی جلوس نکالے جاتے ہیں۔بلدیہ وسطی کے کارکنان عشرۂ محرم الحرام کے دوران دینی جذبہ کے ساتھ عزادارانِ امام حسین کی خدمت اور سہولت کی خاطر اپنی خدمات مہیا کرتے ہے۔ روزآنہ صفائی کے ساتھ ساتھ خصوصی صفائی مہم بھی ضلع وسطی میں صفائی رکھنے کے لئے ممد و معاون رہتی ہے۔ محرم الحرام تمام عالمِ اسلام کو نواسۂ رسول امام حسین ؑ اور ان کے اہلِ خانہ و اصحاب کی مظلومیت کی یاد دلاتا ہے ۔ عالمِ اسلام میں امام حسین کی شہادت اور واقعۂ کربلاکا تذکرہ ہر سطح پر کیا جاتاہے جس سے یہ سب ملتا ہے کہ جب دین پر آنچ آنے لگے تو پھر دین بچانے کے لئے جان کا نذرانہ دینے میں کوئی مذائقہ نہیں۔ 

9th Sep 2018 DMC Central Karachi Press Release

8th Sep 2018 DMC Central Karachi Press Release

8th Sep 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے عاشورۂ محرام الحرام کے دوران شہادتِ امام حسین اور خانوادۂ رسول ﷺ کی مظلومیت کا ذکر کرنے کے لئے منعقد کی جانے والی مجالس اور جلوسوں کے انتظامات کے سلسلے میں بلائے گئے اجلاس میں علمأ سے خطاب کرتے ہوئے کہا کہ بلدیہ وسطی کی جانب سے عزادارانِ حسین کی خدمت کے لئے تمام تر بلدیاتی انتظامات چاند رات سے قبل مکمل کرلینے کی ہدایت جاری کردی گئی ہے۔ اجلاس میں حق پرست رکنِ صوبائی اسمبلی عباس جعفری، میونسپل کمشنر (سینٹرل)وسیم سومرو،چئیرمین اسٹینڈنگ کمیٹی عارف شاہ، اراکینِ کونسل بلدیہ وسطی ، بلدیاتی افسران مختلف مکاتبِ فکر کے علم�أ، جلوس کمیٹی ، اور مجالس و امام بارگاہوں کی انتظامیہ کے عہدیداران کی بڑی تعداد موجود تھی۔ ریحان ہاشمی نے علمأ کی آمد پر اُن کا شکریہ اداکیا ، اُنکے مسائل بغور سُنے اور بلدیہ وسطی کی جانب سے دستیاب وسائل میں رہتے ہوئے تمام تر بلدیاتی سہولیات مہیاکرنے کی یقین دہانی کرائی۔ اس موقع پر انہوں نے علمأ سے درخواست کی کہ وہ اپنی تقاریر میں مسلمانوں کے درمیان بھائی چارے کو فروغ دینے کے موضوعات پر گفتگو کریں ۔ انہوں نے تعصب کو ہوادینے والی کسی بھی بات سے احتراض کرنے پر زوردیا۔ ریحان ہاشمی پہلے ہی بلدیہ وسطی کے متعلقہ افسران کو محرم الحرام کے انتظامات کے سلسلے میں فول پروف انتظامات کرنے کے احکامات جاری کرچکے ہیں۔انہوں نے مساجد، امام بارگاہوں، مجالس اور دیگر دینی اجتماعات کے مقامات کے اِرد گردا ور ان کو جانے والے راستوں پر گڑھوں کی بھرائی ، سڑکوں کی پیوند کاری اور روشنی کے انتظامات کے ساتھ ساتھ خصوصی صفائی کی ہدایت کرتے ہوئے افسران کو متنبہ کرتے ہوئے سینی ٹیشن ڈپارٹمنٹ کو ہدایت کی کہ محرم الحرام کے دوران کسی بھی علاقے سے کوڑاکرکٹ جمع ہونے کی شکایت موصول نہ ہونے پائے وگرنہ کوتاہی برتنے والوں کے خلاف محکمہ جاتی کارروائی کی جائے گی۔ انہوں نے علمأ کو بتایا کہ بلدیہ وسطی کی جناب سے جلوس کے راستے کو نہ صرف صاف ستھرا رکھا جائے گا بلکہ اس کے راستے میں جگہ جگہ پانی اور شربت کی سبیلیں بھی لگائی جائیں گی تاکہ عزادارانِ حسین کو پیاس اور گرمی کی شدت سے بچایا جاسکے ۔تاہم ریحان ہاشمی نے عالمِ اسلام اور شہر کی موجودہ صورتِ حال کو مدِّ نظر رکھتے ہوئے جلوس انتظامیہ کو خبردار کیا کہ شرپسند عناصر کی کسی بھی ممکنہ شرپسندی سے بچنے کے لئے ضروری ہے کہ کچھ افراد کی خصوصی ڈیوٹی لگائی جائے کہ وہ مشکوک افراد پر نظر رکھیں اور ذرابھی گڑبڑ کے آثار نظر آئیں تو پولیس و رینجرز کو فوری خبر کریں۔

8th Sep 2018 DMC Central Karachi Press Release

7th Sep 2018 DMC Central Karachi Press Release

7th Sep 2018 DMC Central Karachi Press Release

کراچی ( ) متحدہ قومی موومنٹ پاکستان کی جانب سے کراچی میں شروع کی جانے والی سہہ روزہ شجرکاری مہم ’’اون کراچی ۔گرین کراچی‘‘ کے دوران بلدیہ وسطی میں تین دِن کے اندر ہزاروں پودے لگائے گئے۔ ایم کیو ایم پاکستان لیبر ڈویژن نے بلدیہ وسطی میں چئیرمین ریحان ہاشمی کے تعاون سے مذکورہ شجرکاری بھر پور طریقے سے چلائی ۔تین دنوں میں بلدیہ وسطی کے تمام زونز کی تمام یوسیز میں شجرکاری کی گئی وائس چیئرمین سید شاکر علی شجرکاری مہم کے دوران اُن کے ہمرکاب رہے ۔ لیبر ڈویژن کے افسران اور کارکنان نے شجرکاری کو کامیاب بنانے میں اہم کردار اداکیا۔ بلدیہ وسطی میں شجرکاری مہم میں ایم کیو ایم پاکستان کے عہدیداروں کی جانب سے چیئرمین بلدیہ وسطی ریحان ہاشمی کے ساتھ تعاون شجرکاری میں معاون ثابت ہوئی ۔ایم کیوایم پاکستان کے کنوینر ، ڈپٹی کنوینر، ارکانِِ قومی و صوبائی اسمبلی ، وفاقی و صوبائی وزرأ اور میئرکراچی کی آمد اور ریحان ہاشمی کے ساتھ شجرکاری مہم میں شرکت بلدیہ وسطی کی ہریالی میں اضافے کا سبب بنی ہے۔ چیئرمین بلدیہ وسطی نے ضلع وسطی میں بلدیہ وسطی کے زیرِ انتظام چلنے والے اسکولوں کا دورہ کیا وہاں پودے لگائے اور طلبا و طالبات کو شجرکاری کی ضرورت اور اہمیت سے آگاہی فراہم کرنے کے ساتھ انہیں شجرکاری مہم میں شریک کیا ، بلدیہ وسطی کا دورہ کرنے والے ایم کیو ایم پاکستان کے رہنماؤں میں ڈاکٹر. خالد مقبول صدیقی (کنوینر ایم کیو ایم پاکستان و رکنِ قومی اسمبلی و وفاقی وزیر برائے انفارمیشن ٹیکنالوجی خالد مقبول صدیقی، سینئیر ڈپٹی کنوینر عامر خان، ڈپٹی کنوینر اور رکنِ صوبائی اسمبلی خواجہ اظہار الحسن ڈپٹی کنوئنر کنور نوید ،رکنِ قومی اسمبلی اسامہ قادری، رکنِ صوبائی اسمبلی عباس جعفری اور میئرکراچی وسیم اختر شامل تھے۔ لیبر ڈویژن کے عہدیداران و افسران و کارکنان اور ضلع وسطی کے منتخب بلدیاتی نمائندوں، نے شجر کاری مہم کو کامیاب بنانے میں اہم کردار اداکیا۔ محکمہ باغات نے ضلع وسطی کے مختلف علاقوں میں چورنگی پر پھول اور پودے لگا کر خوبصورتی میں اضافے کے لئے پودے لگائے۔ریحان ہاشمی نے شجرکاری مہم کے دوران ضلع وسطی سے تعلق رکھنے والے علمأ کرام، ڈاکٹر ، انجینئرز ، تاجروں اور صنعتکاروں کی ا نجمن اورشادی ہال کے مالکان کی تنظیم اور مختلف شعبہ ہائے زندگی سے تعلق رکھنے والے افراد سے رابطہ کیا ، جنہوں نے شجرکاری مہم میں اُن کا ساتھ دیا اور ضلع وسطی کو سرسبز بنانے میں تعاون کیا ۔ 

7th Sep 2018 DMC Central Karachi Press Release

6th Sep 2018 DMC Central Karachi Press Release

6th Sep 2018 DMC Central Karachi Press Release

کراچی ( ) یومِ دفاعِ پاکستان کی مناسبت سے بلدیہ وسطی کے زیرِ اہتمام چلنے والے اسکولوں میں خصوصی تقاریب منعقد کی گئیں۔ چیئرمین بلدیہ وسطی ریحان ہاشمی نے اِن تقاریب میں خصوصی شرکت کی ۔ اس موقع پر انہوں نے طلباوطالبات او ر اساتذہ سے خطاب کرتے ہوئے کہا کہ جنگ ستمبر کے شہدأ اور غازیوں کی قربانیوں کو یاد رکھنا ہمار ملّی فریضہ ہے۔انہوں نے مزید کہا کہ جنگ ستمبر ۱۹۶۵ ؁ء کی سترہ روزہ جنگ کے دوران ہماری بہادر افواج نے دشمن کو عبرت ناک شکست دی۔ اس جنگ میں پاکستان کی بحری ، برّی اور فضائی افواج نے اپنی بہادری کی دھاک سارے عالم پر بٹھادی۔ اس موقع پرطلبا و طالبات نے یومِ دفاع کے موضوع پر ٹیبلوز بھی پیش کئے ۔ جسے حاضرین نے سراہا اور اساتذہ کی جانب سے طلبا کو ہم نصابی سرگرمیوں کے لئے تیارکرنے کی کوششوں کی تعریف کی۔ بعد ازاں ریحان ہاشمی نے اسکولوں میں پودے لگاکر ’’اون کراچی ۔ گرین کراچی ‘‘ کے نام سے جاری شجرکاری مہم سے طلبا کو آگاہی دیتے ہوئے کہا کہ فضائی آلودگی ایک عالمی مسئلہ ہے اور اس کے خلاف شجرکاری مؤثر ترین طریقۂ کار ہے۔انہوں نے نئی نسل کے نمائندوں سے اپیل کی کہ وہ اپنے شہر اور ملک کو آلودگی سے پاک اور ہرابھرا رکھنے کیلئے شجرکاری کو اپنا مشغلہ بنائیں ۔ یہی وہ واحد طریقۂ کار ہے جو ہمارے ملک کی فضائی آلودگی کو کم کرنے میں معاون ہوگا۔دوسری جانب شہدائے جنگ ستمبر اور پاک افواج کو خراجِ عقیدت پیش کرنے کے لئے ضلع وسطی کے مختلف چوراہوں پر جنگ ستمبر میں بہادری کے کارنامے دکھانے والے پاک فوج کے شہداء کی تصاویر بڑے بڑے بورڈز پر لگائی گئی ہیں۔

6th Sep 2018 DMC Central Karachi Press Release