21st Nov 2018 DMC Central Karachi Press Release

21st Nov 2018 DMC Central Karachi Press Release

کراچی ( ) بلدیہ وسطی میں جشنِ عیدِ میلادِ مصطفےٰ ﷺ بھرپور دینی جوش و خروش کے ساتھ منایا گیا، ضلع وسطی کے چاروں زونز سے کئی جلوس برآمد ہوئے ، بلدیہ وسطی کی انتظامیہ کی جانب سے جلوس کے شرکأ کے لئے سبیلیں لگائی گئیں اور پھول نچھاور کئے گئے ۔ چیرمین بلدیہ وسطی ریحان ہاشمی کی عیدِ میلادالنبی ﷺ کے جلوسوں میں شرکت ۔ یومِ ولادتِ رحمت اللعالمین حضرت محمد مصطفےٰ ﷺ تمام عالمِ اسلام کی طرح بلدیہ وسطی کراچی میں بھی شایانِ شان طریقے سے بھرپور مذہبی جو ش و خروش کے ساتھ منایا گیا، ضلع وسطی میں جشن عید میلاد النبیؐ کے موقع پر بہترین انتظام دیکھنے میں آئے ضلع وسطی کے مختلف علاقوں سے کم و بیش پچاس جلوس برآمد ہوئے جن میں لاکھوں کی تعداد میں عاشقانِ رسول نے شرکت کی۔ جلوس میں علمأ اپنی تقاریر سے اُسوۂ حسنہ ﷺ کے بارے میں شرکائے جلوس کو آگاہ کررہے تھے تو نعت خواں اپنی خوبصورت آواز اور دلنشین انداز میں خوش الحانی کے ساتھ نعت شریف کا نذرانہ سرورِ کونین ، رحمت اللعالمین ﷺکی خدمت میں پیش کررہے تھے۔ مختلف علاقوں سے برآمد ہونے والے چھوٹے چھوٹے جلوس اپنے اپنے زونز کے مرکزی جلوسوں میں شامل ہو تے رہے ۔ بلدیہ وسطی کے چیئرمین ریحان ہاشمی نے جلوس انتظامیہ اور علمأ کے ہمراہ بلدیہ وسطی کے چاروں زونز کے مرکزی جلوسوں کی قیادت کی اور رحمت اللعالمین ﷺ سے اپنی محبت اور عقیدت کا اظہار کیا۔ جلوس کے راستوں پر بلدیہ وسطی کی جانب سے سبیلیں لگائی گئی تھیں جہاں سے جلوس کے شرکأ کو پیاس بجھانے کے لئے پانی اور شربت پیش کیا گیا۔ جبکہ جلوس کے شرکأ پر پھولوں کی پتیاں نچھاور کی گئیں اور خوشبو کا اسپرے کیاگیا۔بلدیہ وسطی کی جانب سے چیئرمین ریحان ہاشمی کی ہدایت پر یکم ربیع الاوّل سے ہی جشنِ عیدِ میلاد النبی ﷺ شایانِ شان طریقے پر منانے کے لئے خصوصی صٖفائی مہم کا آغاز کردیا گیا تھا ۔ بلدیہ وسطی کے افسران و کارکنان دن رات مساجد ، امام بارگاہوں، میلاد کی محافل کے انعقاد کے مقامات کے اطراف صفائی میں مصروف رہے جبکہ جلوسوں کے مقررہ راستوں پر اور اطراف میں صفائی کی گئی۔ جبکہ سیوریج کی رستی ہوئی مخدوش لائنوں کو بلدیہ وسطی کے خرچہ پر تبدیل کرایا گیا۔ اور مختلف علاقوں میں ٹوٹ پھوٹ کا شکار ہونے والی سڑکوں کی استرکاری بھی کرائی گئی تاکہ میلادِ مصطفے ﷺ کی محافل سجانے والوں اورجشنِ عیدِ میلادالنبی ﷺ کے جلوس کے شرکاء کو کسی قسم کی پریشانی یا دقت کا سامنا نہ کرنا پڑے ۔جلوس انتظامیہ کے ارکان نے جشنِ عیدِ میلادالنبی ﷺکے سلسلے میں بلدیہ وسطی کی جانب سیجلوس انتظامیہ کے ارکان نے جشنِ عیدِ میلادالنبی ﷺکے سلسلے میں بلدیہ وسطی کی جانب سے بہتر انتظامات کے لئے چیئرمین بلدیہ وسطی ریحان ہاشمی کا شکریہ اداکیا۔ 

21st Nov 2018 DMC Central Karachi Press Release

20th Nov 2018 DMC Central Karachi Press Release

20th Nov 2018 DMC Central Karachi Press Release

Dated;-20^th nov  2018

KARACHI: Jashn e Eid Milad Un Nabi will be celebrated in District central with religious fervor and enthusiasm.

The DMC Central Chairman Rehan Hashmi advised that processions and Juloos of Jasne Eid Milad be facilitated in all aspects and these people should not face any problem.

Chairman said all roads should give a look of neat and tidy and lime stone should be sprinkled on all streets and roads.

He also said district administration and law enforcement agencies are in touch for the security purposes.

Hashmi said K electric has also been requested not to resort to load shedding on Nov 21.

The roads and streets have been illuminated on this happy occasion.

The DMC Central on this happy occasion carpeted two lac eighty thousand square feet roads and streets mainly those streets and roads where the processions of Jashne Eid Milad will pass.

The district central has repaired 5000 streets lights on the occasion of Jashne Eid Milad.

Chairman central Rehan Hashmi and DC Central Farhan Ghani and Municipal commissioner made a whirl wind tour of the area and contacted the ulemas.

They were asked to appraise the basic civic facilities.

کراچی ( ) بلدیہ وسطی میں جشنِ ولادتِ پیغمبرِ اسلام حضرت محمد مصطفےٰ ﷺ پُر امن اوربھرپور دینی جوش و جذبہ کے تحت منانے کے لئے چیئرمین بلدیہ وسطی ریحان ہاشمی ، ڈپٹی کمشنر (سینٹرل)فرحان غنی اور میونسپل کمشنر (سینٹرل) وسیم سومرو کی مشترکہ کوششیں جار ی ، مساجد ، امام بارگاہوں، میلاد کی محافل کے مقامات اور جلوس کی گزرگاہوں پر صفائی اور روشنی کے انتظامات بہم پہنچانے کے لئے بلدیہ وسطی کے افسران و کارکنان دن رات کوشاں ہیں۔ بلدیہ وسطی کی مختلف یوسیز میں مخدوش سڑکوں کی یکم ربیع الاوّل سے گیارہ ربیع الاوّل تک دولاکھ اسی ہزار مربع فٹ روڈ کارپیٹنگ کی جاچکی ہے ۔رات کے وقت روشنی کے بہتر انتظام کے لئے پانچ ہزار کے قریب اسٹریٹ لائٹس کی صفائی اور فیوز ہوجانے والے بلبوں کو تبدیل کردیا گیاتاکہ جشنِ عیدِ میلادالنبیؐ کے جلوس کے شرکأ کو رات کے وقت کسی قسم کی دشواری پیش نہ آئے۔جبکہ مختلف مقامات پر رِسنے والی سیوریج کی لائنوں کو بھی بلدیہ وسطی کے خرچے پر تبدیل کروادیاگیاہے۔ جشنِ ولادتِ خاتم النّبیّین حضر ت محمد مصطفےٰ ﷺ شایانِ شان طریقے پر منانے کے انتظامات کی تکمیل کے لئے چیئرمین بلدیہ وسطی ریحان ہاشمی، ڈپٹی کمشنر فرحان غنی اور میونسپل کمشنر وسیم سومرو کی ذمہ دار تکون نے اپنے فرائض تندہی سے اداکئے اور باہمی تعاون کے ذریعے ضلع وسطی میں تقریباتِ ولادتِ با سعادتﷺ کے خوش کُن انعقاد کے لئے اپنی اپنی دسترس میں موجود ذرائع اور وسائل کو استعمال کرتے ہوئے بلدیاتی اور انتظامی معاملات کو بہتر طور پر سرانجام دینے میں کوئی کسر نہ اُٹھارکھی۔ ریحان ہاشمی، فرحان غنی اور وسیم سومرو نے ضلع وسطی کے تمام زونز کا وقتاً فوقتاً دورہ جاری رکھا اور ہر ہر قدم پر بلدیاتی خدمات کو بہتر طور پر انجام دینے کے لئے بلدیاتی افسران و کارکنان کی رہنمائی کی۔ ضلع وسطی کے ہر علاقے سے کوڑے کرکٹ اور برساتی نالوں کی صفائی کے لئے افرادی قوت کے ساتھ بلدیہ وسطی کے موٹر وہیکل ڈپارٹمنٹ کی ہلکی اور ہیوی مشنری اور گاڑیاں استعمال کی گئیں۔ میلاد النبی ﷺ کے جلوس کی گزرگاہوں کے اطراف صفائی کے ساتھ پانی کی سبیلیں بھی لگانے کے انتظامات کئے جارہے ہیں تاکہ عاشقانِ رسول ﷺ جلوس کے دوران ان سبیلوں سے پیاس بجھا سکیں جبکہ جشن عید میلاد النبی ؐ کے جلوس کے شرکاء پر پھولوں کی پتیاں نچھاور کی جائیگی اور خوشبو کا سپرے بھی کیا جائیگا ۔ مجموعی طور پر باہمی تعاون اور رابطے کی وجہ سے جشنِ عیدِ میلاد النبی ﷺ منانے کے انتظامات میں بہتری دکھائی دے رہی ہے ۔

20th Nov 2018 DMC Central Karachi Press Release

19th Nov 2018 DMC Central Karachi Press Release

19th Nov 2018 DMC Central Karachi Press Release

کراچی ( ) سپریم کورٹ آف پاکستان کے احکامات پر میئر کراچی کی جانب سے غیر قانونی تعمیرات و تجاوزات کے خلاف شروع کیا جانے والاآپریشن بلدیہ وسطی میں بھی پوری شدت کے ساتھ جاری ہے۔ بلدیہ وسطی کا اینٹی انکروچمنٹ ڈپارٹمنٹ بلا تفریق ہر قسم کی غیر قانونی تجاوزات کو منہدم کررہاہے جبکہ بہت سے دکانداروں اور پتھارے داروں نے اپنی غیر قانونی تعمیرات کو از خود منہدم کردیا ۔ تفصیلات کے مطابق سپریم کورٹ کے احکامات کی روشنی میں میئر کراچی کی جا نب سے جاری اینٹی انکروچمنٹ آپریشن کا سلسلہ ضلع وسطی چیئرمین ریحان ہاشمی کی نگرانی میں پوری شدّت کے ساتھ جاری ہے ، اینٹی انکروچمنٹ ڈپارٹمنٹ کا عملہ ہیوی مشنری اور افرادی قوت استعمال کرتے ہوئے ہر قسم کی غیر قانونی تعمیرات و تجاوزات کو منہدم کررہا ہے ۔ تاہم قبضہ مافیہ اور انُ کے ایجنٹوں کی جانب سے کسی بھی ناخوشگوار ردِّ عمل سے نمٹنے کے لئے رینجرز اور پولیس کی مدد بھی لی گئی ہے۔ ریحان ہاشمی نے بلدیہ وسطی کے اینٹی انکروچمنٹ ڈپارٹمنٹ کو ہدایت کی ہے کہ قانونی عمل کی راہ میں کسی بھی قسم کا سیاسی دباؤ خاطر میں نہ لایا جائے اور ناجائز تجاوزات کو بلا تفریقِ اثر و رُسوخ گرادیاجائے اور ناجائز قبضہ کی گئی زمین قابضین سے خالی کرالی جائے۔واضح رہے کہ غیر قانونی تجاوزات کے خلاف قانون کے حرکت میں آنے سے عوام کا حوصلہ بڑھا ہے ، پہلے عوام قبضہ مافیہ کی بدمعاشی کے ڈرسے خاموش رہتے تھے لیکن اب سپریم کورٹ کے احکامات نے انہیں ہمت دلادی اور چیئرمین بلدیہ وسطی ریحان ہاشمی کو مختلف علاقوں کے رہائشی افراد نے غیر قانونی تجاوزات اور تعمیرات کی نشاندہی کی ہے۔ غیر قانونی تجاوزات کے خلاف مہم کے آغاز سے قبل ضلع وسطی میں قائم تمام ناجائز تجاوزات قائم کرنے والوں کو باقاعدہ نوٹس جاری کردئے گئے تھے جبکہ اِن تجاوزات پر نوٹس چسپاں کرنے کے ساتھ ہینڈ بل تقسیم کئے گئے اور تنبیہی بینرز بھی لگادئے گئے تھے۔اگرچہ اینٹی انکروچمنٹ ڈپارٹمنٹ کے افسران و اہلکاروں کو دھمکیاں اور دباؤ کا بھی سامنا ہے تاہم ریحان ہاشمی نے کسی بھی قسم کے دباؤ کو خاطر میں نہ لانے کی ہدایت کردی ہے اور وہ قانون کی راہ میں کسی رکاوٹ کو قبول کرنے کو تیار نہیں۔جبکہ بلدیہ وسطی کے چیئرمین اور وائس چیئرمین کا نام استعمال کرکے ناجائز تجاوزات کو دوام بخشنے کی کوشش کرنے والوں کے خلاف قانونی کارروائی بھی کی جائے گی۔ یہ بات بھی دھیان میں رہے کہ چند روز قبل گلبرگ زون کے یوسی ۳۴؍ کے وائس چیئرمین شہاب الدین کو ناجائز تجاوزات کے انہدام کی کارروائی کے دوران قبضہ مافیہ کے کارندوں نے دھمکیاں دی تھیں۔ 

کرا چی ( ) چیئرمین بلدیہ وسطی ریحان ہاشمی نے کہا ہے کہ ضلع وسطی کو ماڈل ضلع بنانے کے لئے تمام دستیاب وسائل برؤے کار لارہے ہیں ۔وسائل کی کمی کے باوجود سڑکوں کی استر کاری و پیوند کاری کیساتھ ساتھ سیوریج لائنوں کی تبدیلی،پارکس کی تزئین و آرائش اور ضلع وسطی کو روشن رکھنے کے لئے اسٹریٹ لائٹس کی درستگی کے ساتھ ہی نئی لائٹیں بھی لگائی جارہی ہے جبکہ ماہ ربیع الاول میں عاشقان رسول ؐ کو جشن عید میلاد النبی ؐ کے موقع پر بہتر سے بہتر بلدیاتی سہولیات بھی مہیاء کی جارہی ہیں ان خیالات کا اظہار انہوں نارتھ کراچی میں بلدیہ وسطی کی جانب سے سیوریج کی نئی لائن بچھا نے کے کام کا معائنہ کے دوران میڈیا سے گفتگو کرتے ہوئے کیا۔ تفصیلات کے مطابق نیو کراچی زون کے سیکٹر 7-D/2 نارتھ کراچی یوسی 14کے عوام سیوریج لائن کے مخدوش ہوجانے کے سبب عوام گندے پانی کے رساؤ اور تعفّن سے پریشان تھے۔ چیئرمین بلدیہ وسطی نے عوام کی پریشانی کو مدِّ نظر رکھتے ہوئے مذکورہ علاقے میں پرانی مخدوش گندے پانی کی لائن کی جگہ بلدیہ وسطی کے خرچے پر نئی سیوریج لائن ڈلوادی جس کے سبب علاقہ مکینوں نے سکون کا سانس لیا اور چیئرمین بلدیہ وسطی کا شکریہ اداکیا۔ اُدھر کریم آباد پرواقع نالہ میں گندگی ، کوڑاکرکٹ اور سیوریج کے پانی کے بہاؤ کے سبب نالہ بلاک ہوگیا تھا اور علاقہ مکینوں کے لئے نہ پریشانی کا سبب تھا۔ مذکورہ نالے کو چیئرمین بلدیہ وسطی ریحان ہاشمی نے ہیوی مشنری استعمال کرتے ہوئے اپنی نگرانی میں صاف کروایا ۔ انہوں نے نالے کی صفائی کے کام کا معائنہ کیا اور موقع پر موجود علاقہ مکینوں سے انکے مسائل سُنے اور عوام کی بہبود کے لئے بلدیہ وسطی کے وسائل میں رہتے ہوئے ہر ممکن اقدام کرنے کی یقین دہانی کروائی۔ بعد ازاں انہوں رات گئے یونین کمیٹی نمبر 30 یٰسین آبادفیڈرل بی ایریا میں ہونے والی سڑک کی استرکاری کے کام کا معائنہ کیا واضح رہے کہ ریحان ہاشمی بلدیہ وسطی کے وسائل کم ہونے کے باوجود عوام کی بہبود کے لئے جد و جہد میں مصروف ہیں ۔ بلدیہ وسطی کا عملہ انکے ہدایت پر دن رات اپنی خدمات انجام دے رہا ہے ۔ تاکہ موجودہ صورتِ حال میں جشنِ ولادتِ محمد مصطفے ﷺ منانے میں بلدیہ وسطی کے عوام کو کسی قسم کی دشواری کا سامنا نہ کرنا پڑے۔ 

19th Nov 2018 DMC Central Karachi Press Release

18th Nov 2018 DMC Central Karachi Press Release

18th Nov 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کی ہدایت پر بلدیہ وسطی میں جشنِ عیدِ میلادالنبی ﷺ مذہبی جذبات کے تحت زور و شور سے منانے کی تیاریاں جاری ہیں۔بلدیہ وسطی کے افسران و کارکنان بلدیہ وسطی کے چاروں زونز کی ہر یوسی میں صفائی ستھرائی کے انتظامات بہتر طور پر انجام دینے کے لئے شب و روز مصروف ہیں۔ بلدیہ وسطی کی حدود میں تمام مساجد، امام بارگاہوں کے اطراف میلادِ مصطفےٰ ﷺ کے انعقاد کے لئے مختص مقامات اور جلوسوں کی گزرگاہوں کی صفائی پر خصوصی توجہ دی جارہی ہے ۔ مزید برآ ں چیئرمین ریحان ہاشمی بہ نفسِ نفیس محافلِ میلاد مصطفی ﷺ میں شرکت کررہے ہیں تاکہ میلاد کی محفلیں سجانے والے افراد سے براہ راست انکی ضروریات سے آگاہی حاصل کرسکیں اور انکی شکایات کو دُور کرنے کے لئے فوری اقدام کئے جاسکیں۔ درایں اثنأ ریحان ہاشمی نے مختلف مساجد میں اسلامی تشخص کی پہچان سبز ہلالی پرچم کو لہرانے کی تقاریب میں بھی شرکت کی۔ انہوں نے مساجد کی انتظامیہ اور جلوس کے منتظمین کو بلدیہ وسطی کے وسائل کے مطابق بہترین بلدیاتی خدمات مہیاکرنے کی یقین دہانی بھی کرائی۔ واضح رہے کہ ضلع وسطی میں ترقیاتی کام بھی تسلسل سے جاری ہیں ضلع وسطی کی مختلف یونین کونسل میں سڑکوں استرکاری ،فٹ پاتھ کی مرمت اور سیوریج لائنوں کی صفائی کے ساتھ ساتھ سیوریج کی نئی لائنیں بھی ڈالی جارہی ہیں جبکہ متعدد شاہراؤں اور پارکس کی تزئین و آرائش کے بعد عوام کے لئے کھول دیئے گئے ہیں ۔یہاں یہ بات قابل ذکر ہے ریحان ہاشمی ربیع الاوّل کا چاند نظر آنے کے ساتھ ہی جشنِ ولادتِ باسعادت ﷺ کی تقریبات کو بلدیہ وسطی میں بہتر طور پر اور اسلامی بھائی چارے کے ساتھ منانے کے لئے دن رات کوشاں ہیں۔ اس سلسلے میں انہوں نے مسلمانوں کے مختلف مکاتبِ فکر کے علمأ سے ملاقات بھی کی اور یقین دلایا کہ بلدیہ وسطی جشنِ عیدِ میلاد النبیؐ کے انتظامات کے سلسلے میں بہتر سے بہتر خدمات بہم پہنچانے میں کوئی دقیقہ فروگزاشت نہیں کرے گی۔ 

کراچی ( ) بلدیہ وسطی نارتھ کراچی زون میں بلدیہ وسطی کی جانب سے سیوریج کی نئی لائن بچھادی گئی۔ عوام دیرینہ پریشانی سے نجات پانے پر چیئر مین بلدیہ وسطی ریحان ہاشمی کے شکر گزار۔ تفصیلات کے مطابق نارتھ کراچی زون کے سیکٹر 7-D/2 نارتھ کراچی یوسی 14کے عوام سیوریج لائن کے مخدوش ہوجانے کے سبب عوام گندے پانی کے رساؤ اور تعفّن سے پریشان تھے۔ چیئرمین بلدیہ وسطی نے عوام کی پریشانی کو مدِّ نظر رکھتے ہوئے مذکورہ علاقے میں پرانی مخدوش گندے پانی کی لائن کی جگہ بلدیہ وسطی کے خرچے پر نئی سیوریج لائن ڈلوادی جس کے سبب علاقہ مکینوں نے سکون کا سانس لیا اور چیئرمین بلدیہ وسطی کا شکریہ اداکیا۔ اُدھر کریم آباد پرواقع نالہ میں گندگی ، کوڑاکرکٹ اور سیوریج کے پانی کے بہاؤ کے سبب نالہ بلاک ہوگیا تھا اور علاقہ مکینوں کے لئے نہ پریشانی کا سبب تھا۔ مذکورہ نالے کو چیئرمین بلدیہ وسطی ریحان ہاشمی نے ہیوی مشنری استعمال کرتے ہوئے صاف کرایا ۔ انہوں نے نالے کی صفائی کے کام کا معائنہ کیا اور موقع پر موجود علاقہ مکینوں سے انکے مسائل سُنے اور عوام کی بہبود کے لئے بلدیہ وسطی کے وسائل میں رہتے ہوئے ہر ممکن اقدام کرنے کی یقین دہانی کرائی۔ واضح رہے کہ ریحان ہاشمی بلدیہ وسطی کے وسائل کم ہونے کے باوجود عوام کی بہبود کے لئے جد و جہد میں مصروف ہیں ۔ بلدیہ وسطی کا عملہ انکے ہدایت پر دن رات اپنی خدمات انجام دے رہا ہے ۔ تاکہ موجودہ صورتِ حال میں جشنِ ولادتِ محمد مصطفے ﷺ منانے میں بلدیہ وسطی کے عوام کو کسی قسم کی دشواری کا سامنا نہ کرنا پڑے۔ 

18th Nov 2018 DMC Central Karachi Press Release

17th Nov 2018 DMC Central Karachi Press Release

17th Nov 2018 DMC Central Karachi Press Release

کراچی ( ) بلدیہ وسطی نارتھ کراچی زون میں یوسی نمبر ۳ پاور ہاوس چورنگی تا.K 4 چورنگی 5000 سروس روڈ کو نعمان بن ثانت( امام ابو حنیفہ ؒ )کے نام سے منسوب کردیاگیا۔ ’’امام ابو حنیفہؒ اسٹریٹ‘‘ کا افتتاح متحدہ قومی موومنٹ پاکستان کی رابطہ کمیٹی کے رکن و رکن قومی اسمبلی امین الحق نے کیا ۔ اس موقع پر چیئرمین بلدیہ وسطی ریحان ہاشمی ،اراکین رابطہ کمیٹی پاکستان ابوبکر صدیق،زاہد منصوری،رکن صوبائی اسمبلی عباس جعفری،صوفی جمیل الرحمن خانی ،اہلسنت رابطہ کونسل پاکستان کے صدر مسرور ہاشمی ،چیئرمین یونین کمیٹی نمبر ۳ فاضل خانزادہ ،یوسی ۳ کے بلدیاتی نمائندے،عمائدین شہر .اور دیگر بھی موجود تھے۔ امین الحق نے موقع پر موجود افراد سے گفتگو کرتے ہوئے کہا کہ نئی نسل کو مِلّتِ اسلامیہ کی اہم شخصیات کے ناموں اور کارناموں سے روشناس کرانا بہت ضروری ہے ، سڑکوں اور شاہراہوں کو اکابرینِ مِلّت کے ناموں سے منسوب کرنے کا مقصد عوام کے دلوں میں اُن کی یاد اور کارناموں کوزندہ رکھنا ہے۔اس موقع پر چیئرمین بلدیہ وسطی ریحان ہاشمی نے بتایا کہ بلدیہ وسطی کی اہم شاہراہوں اور سڑکوں کو اکابرینِ مِلّت کے ناموں سے منسوب کیا جائے گا تاکہ نئی اور پرانی دونوں نسلوں کے دلوں میں اپنے آباء اجداد اور اسلام کی راہ میں قربانیاں دینے والے بزرگوں اور رہنماؤں کے نام اور کارنامے زندہ رہیں۔ قوم کی اہم شخصیات کو اہم رہنماؤں کے ناموں سے منسوب کرنے کا طریقہ بہت پرانا ہے ۔ جو نہ صرف قوم کو اپنے رہنماؤں کے ناموں کو یاد رکھنے میں معاون ہے بلکہ اُن کے دلوں میں اپنے رہنماؤں کے کارناموں کو جاننے کی جستجو پیداکرتاہے۔ 

17th Nov 2018 DMC Central Karachi Press Release