کراچی( )چیئرمین بلدیہ وسطی ریحان ہاشمی نارتھ ناظم آباد بلاک F،حیدری مارکیٹ ،5 اسٹار چورنگی بلاک Cاور D میں جاری صفائی ستھرائی کے کام کا جائزہ لیا۔اس موقع پر ان کے ہمراہ متعلقہ یوسی چیئرمینز ،یوسی پینل اوربلدیاتی افسران بھی موجود تھے ۔ اس موقع پر چیئرمین بلدیہ وسطی ریحان ہاشمی نے افسران کو ہدایت دی کے بلدیہ وسطی کے تمام علاقوں صفا ئی ستھرائی کے بہتر سے بہترین انتظام کئے جائیں۔انہوں نے مزید کہا کہ ہم عوام کے منتخب نمائندے ہیں اور عوام کی فلاح و بہبود اور سہولیات کے لئے ہر ممکن اقدام کرکے ضلع وسطی کی سابقہ خوبصورتی کو بحال کریں گے اس ضمن میں بلدیہ وسطی میں سر سبز شجر کاری مہم کے زریعے پودے لگائے جارہے ہیں اور انشاء اللہ دسمبر کے اختتام تک ہم ایک لاکھ پودے لگا دیں گے۔لگائے جانے والے پودے ضلع وسطی کو سر سبزکرنے کے ساتھ ساتھ ماحولیاتی آلودگی کو کم کرنے میں مدد گار ثابت ہونگے ، انہوں نے کہا کہ سر سبز انقلاب شجر کاری مہم کے ذریعے ضلع وسطی کو شہر کا سر سبز ترین اور شفاف ترین ضلع بنانے کے لئے عوام اور انتظامیہ کا تعاون نہایت ضروری ہے ۔اس وقت معاشرے میں موجود درد مند دل رکھنے والے مخیر اور بااختیار افراد کو چائیے کہ ضلع وسطی کو ''اون'' کریں اور اپنی پسندکے مطابق پارکس،پلے گراؤنڈ گرین بیلٹس اور دیگر مقامات کو گود لے کر اُسے خوبصورت اور عوام کے استعمال کے قابل بنانے میں بلدیہ وسطی کے ساتھ تعاون کریں ،انہوں نے حیدری مارکیٹ کے دورے کے موقع پر کہا کہ فٹ پاتھوں پر قائم اسٹالزمارکیٹ میں آنے والے خریداروں کی پریشانی کا سبب بن رہے ہیں ،تجاوزات کراچی کی خوبصورتی پر بد نما داغ ہیں اس کا قلع قمع کرنا ضروری ہے اس ضمن میں تجاوزات کے خلاف عنقریب بھر پور آپریشن کیا جائے گا او ر اس بات کو یقینی بنایا جائے گا کہ تجاوزات ہٹائے جانے کے بعد دوبارہ تجاوزات قائم نا ہونے دیں اس سلسلے میں بلدیہ وسطی نے ایک مانیٹرنگ کمیٹی تشکیل دی ہے۔
کراچی ( ) میئر کراچی وسیم اختر کی ہدایت پر بلدیہ وسطی میں صفائی مہم میں تیزی آگئی، مین پاور کے مقابلے میں بحریہ ٹاؤن کی جانب سے فراہم کردہ مشینری کو زیادہ سے زیادہ استعمال پرزور دیا جارہا ہے چیئرمین ریحان ہاشمی اور وائس چیئرمین سید شاکر علی ضلع وسطی کو کچرے سے پاک اور صاف و شفاف ضلع بنانے کے لئے بلدیاتی افسران و کارکنان کو متحرک کرنے کی جانب پور ی توجہ دے رہے ہیں۔ جبکہ سستی اور کاہلی کا مظاہرہ کرنے والے بلدیاتی ملازمین کے خلاف محکمہ جاتی کارروائی کرنے کا عندیہ دے دیاگیا۔دوسری جانب بلدیہ وسطی میں عوام کو مہیا کی جانے والی تمام بلدیاتی خدمات کے ہر ایک شعبے کی جانب توجہ دے کر اُس کی کارکردگی بہتر سے بہتر بنانے کے لئے ٹھوس اقدامات کرنے کا جانب توجہ دی جارہی ہے ۔ ضلع وسطی کے تمام یونین کونسلز میں یوسی چیئرمینز کو ہدایت جاری کردی گئی ہیں کہ کچرے کے ڈسپوزل کے لئے بحریہ ٹاؤن سے مہیا کی جانے والی تمام مشنریز سے زیادہ سے زیادہ فائدہ اُٹھایا جائے اور مین پاور کو ضرور ت کے مطابق کم سے کم استعمال کرکے سرپلس مین پاور کو دیگر بلدیاتی خدمات میں مصروف کردیا جائے تاکہ بلدیہ وسطی تمام شعبوں میں اپنی کارکردگی بہتر سے بہتر کرسکے۔ میئر کراچی وسیم اختر نے گذشتہ ہفتے بلدیہ وسطی کی مختلف یو سیز کا دورہ کیا جبکہ گلبرگ زون میں خصوصی اجلاس سے خطاب کیا۔ اس موقع پر مئیر کراچی نے بلدیہ وسطی کے چیئرمین ریحان ہاشمی کو ہدایت کی کہ بحریہ ٹاؤن کی جانب سے مہیا کردہ مشینریز کا زیادہ سے زیادہ استعما ل کیا جائے ، انہوں نے ہدایت کی کہ بلدیاتی ذمہ داریوں کو صرف صفائی تک محدود نہ کردیا جائے بلکہ بلدیاتی اداروں کے ہرشعبے کی کارکردگی بہتر بنانے کی جانب توجہ دی جائے۔ وسیم اختر نے کہا کہ ہم عوام کے نمائندے ہیں اور عوام بلدیاتی مسائل کے حل کیلئے ہماری جانب دیکھتے ہیں۔ واضح رہے کہ چیئرمین ریحان ہاشمی اور انکی ٹیم کی جانب سے کئے جانے والے مثبت اقدامات کے اثرات عوام تک پہنچ رہے ہیں ، ضلع وسطی کے عوام صٖفائی اور کچرے کے ڈسپوز ل کے سلسلے میں تیزی سے ہونے والی مثبت تبدیلیوں پر اطمینان کاا ظہار کررہے ہیں۔
کراچی ( ) بلدیہ وسطی ، نیوکراچی زون سیکڑ الیون ای نارتھ کراچی نورانی محلہ میں روڈ کارپٹنگ اور سیوریج لائن کی تنصیب ، واٹر بورڈ کی نااہلی اور کاہلی پر ممبران قومی اسمبلی کا اظہارِ برہمی۔ چیئرمین ریحان ہاشمی نے رکنِ رابطہ کمیٹی متحدہ قومی موومنٹ پاکستان و ممبر قومی اسمبلی عبدالوسیم اور رکنِ قومی اسمبلی شیخ صلاح الدین کے ہمراہ سیکٹر الیون ای نورانی محلہ نیوکراچی زون میں روڈ کارپٹنگ اور سیوریج لائن کی تنصیب کے کام کا معائنہ کیا، اہلِ علاقہ نے اپنے دیرینہ مطالبے کی تکمیل پر سکون کاسانس لیا اور چئیرمین ضلع وسطی ریحان ہاشمی کا شکریہ اداکیا۔ممبرانِ قومی اسمبلی نے واٹر اینڈ سیوریج بورڈکی کوتاہی، سست روی اور نااہلی پر سخت برہمی کا اظہار کرتے ہوئے کہا کہ اگر واٹر اینڈ سیوریج بورڈ اپنی ذمہ داریاں پوری کرتارہے توبلدیاتی اداروں کو بہت سی پریشانیوں سے نجات مل سکتی ہے ۔اس موقع پر یوسی 14؍ کے چیئرمین مشتاق ایاز،بی اینڈ آر ڈپارٹمنٹ کے افسران و کارکنان بھی موجود تھے جبکہ عوام کی بڑی تعداد بھی موجود تھی۔ مذکورہ علاقے میں روڈ کی مخدوش حالت اور سیوریج لائن کے رساؤ سے عوام کو کافی مشکلات کا سامنا تھا ۔ جس کا نوٹس لیتے ہوئے چئیرمین ریحان ہاشمی نے مخدوش روڈز کی کارپیٹنگ کرانے کے ساتھ ساتھ رسنے والی سیوریج لائنوں کے تبدیلی اور تنصیب کے عمل کو تکمیل تک پہنچایا۔ مذکورہ کام کا معائنہ خود چئیرمین نے ممبرانِ قومی اسمبلی کے ہمراہ کیا تاکہ تعمیراتی کام میں کسی بھی قسم کی کوتاہی نہ رہ جائے اور سیوریج لائنوں کی تنصیب میں کسی قسم کی خامی نہ رہ جائے۔ واضح رہے کہ مذکورہ علاقے میں۴۵۰؍ رننگ فٹ روڈ کارپٹنگ کی گئی ہے جبکہ پُرانی ۶؍انچ قطر کی سیوریج لائن کی جگہ ڈالی گئی نئی سیوریج لائن کاقطر 18؍انچ ہے ۔ جسے گجر نالے سے ملا دیا گیاہے ، اس طرح اب علاقہ مکینوں کو سیوریج کے پانی کی نکاسی کے سلسلے میں پریشانی سے نجات مل گئی جس کے لئے انہوں نے چئیرمین ریحان ہاشمی اور ممبران قومی اسمبلی اور بلدیاتی افسران و کارکنان کا شکریہ اداکیا۔
کراچی بلدیہ وسطی کی زیر نگرانی گلبرگ زون کے 34 اسکولزبلدیاتی پرائمری و سیکنڈری اسکولز میں تعلیمی معیار اور ماحول کو بہتر بنانے کیلئے انقلابی اقدامات کرنا ہمارا نصب العین ہے ان خیالات کا اظہار چیئرمین بلدیہ وسطی ریحان ہاشمی نے ایجوکیشن ڈپارٹمنٹ کے منعقدہ اجلاس سے خطاب کرتے ہوئے کیا اس موقع پر رکن قومی اسمبلی شیخ صلاح الدین بھی موجود تھے ۔چیئرمین نے اجلاس سے خطاب کرتے ہوئے کہا کہ تعمیر و ترقی کی راہ میں گامزن ہونے کیلئے یہ ضروری ہے کہ علمی میدان میں انقلابی اقدامات کئے جائیں علمی آگاہی کے بغیر معاشرے میں نہ ہو تو شعوری بیداری ہوتی ہیں اور نہ ہی بحیثیت ترقی یافتہ قوم کے زمرے میں شمار ہوتا ہے اساتذہ کرام ہی معمار ان قوم کو تراش خراش کر معاشرے میں مقام خود پس پردہ رہ کر دلواتے ہیں آپ گلبرگ زون میں معیار تعلیم کو مزید بہتر سے بہتر بنانے کیلئے تجاویز نہ صرف دیں بلکہ عملی اقدامات بھی کریں اپنے زون کے ان بلدیاتی اسکولز میں زیر تعلیم طلباء و طالبات کو بورڈ سے پوزیشن دلوانے کیلئے ابھی سے عملی اقدامات کریں اس موقع پر رکن قومی اسمبلی شیخ صلاح الدین نے کہا کہ حصول تعلیم کی راہ میں اور تدریسی عمل کے دوران کسی بھی قسم کی کوئی مشکلات پیش آئے تو ہمیں آپ تمام تحریر اً ارسال کریں معمار انِ قوم کے مستقبل کیلئے ہر پلیٹ فارم پر آواز حق بلند کرونگا ۔تعلیمی اداروں میں تعلیمی ماحول کو اُ جاگر کرنے کیلئے آپ کی ذمہ داری ہے ۔چیئرمین بلدیہ وسطی ریحا ن ہاشمی کی دعوت پر آیا ہوں ہم ہر زون میں تعلیم موحول کو بہتر سے بہتر بنانے کیلئے کوشاں ہیں اور اساتذہ بھی اس مشن میں بھر پور ساتھ دیں ۔
کراچی ( ) ضلع وسطی کوبد صورتی اور بد عنوانی سے بچانے کے لئے تجاوزات کے خلاف مہم شروع ہو چکی ہے اس سلسلے میں ضلع وسطی کے مختلف علاقوں میں چیئرمین بلدیہ وسطی ریحان ہاشمی،وائس چیئرمین سید شاکر علی کی نگرانی میں محکمہ انسداد تجاوزات کے ہمراہ غیر قانونی طور پرقائم کی جانے والی تعمیرات،دوکانیں ،پتھارے اور تجاوزات کو منہدم کرنے کا عمل جاری ہے۔ تفصیلات کے مطابق چیئرمین بلدیہ وسطی ریحان ہاشمی نے ضلع میں قائم تمام تجاوزات کے خاتمہ کا عزم کر رکھا ہے اس سلسلے میں بلدیہ وسطی لیاقت آباد نمبر ۱۰ میں چیئرمین بلدیہ وسطی ریحان ہاشمی وائس چیئرمین سید شاکر علی کی نگرانی میں تجاوزات کے خلاف آپریشن میں مین روڈ پر قائم ایسے پلاٹ پر قائم غیر قانونی پتھاروں اوردوکانوں کو مسمار کیا گیا جس کی وجہ سے گلشن اقبال سے لیاقت آباد ڈاکخانہ جانے والے افراد کو لیاقت آباد نمبر ۱۰ چوراہے پر گھنٹوں ٹریفک جام کے مسائل کا سامنا کرنا پڑتا تھا جبکہ مذکورہ تجاوزات کی وجہ سے عوام کو جہاں آمدورفت میں پریشانی کا سامنا تھا وہیں ریاض گرلز کالج لیاقت آبادکی طالبات کو بھی پریشانی کا شکارتھیں مذکورہ پتھاروں اور دوکانوں کو مسمار کرنے سے جہاں ٹریفک جام جیسے مسئلے سے نجات ملی وہیں پیدل سفر کرنے والوں کو بھی آسانیاں مئیسر آئیگی علاقہ مکینوں نے اس کاروائی پر چیئرمین بلدیہ وسطی ریحان ہاشمی کاشکریہ اداکیا اس موقع پر اسسٹنٹ کمشنر لیاقت آباد، ارشد وارث ،سینی ٹیشن کمیٹی کے چیئرمین ارشد علی ،ایڈیشنل ڈائریکٹر لینڈ کامران کا کوری ،ڈپٹی ڈائریکٹر لینڈ و دیگر متعلقہ بلدیاتی افسران بھی موجود تھے اس موقع پر وائس چیئرمین سید شاکر علی نے تاجروں ،علاقہ مکینوں اور پتھارے داروں سے کہا کہ وہ خود بھی غیر قانونی تجاوزات کو روکنے میں بلدیہ وسطی کا ساتھ دیں انہوں نے محکمہ انسداد تجاوزات کے افسران و عملے کو ہدایت کی کہ وہ روزآنہ کی بنیاد پر پورے ضلع کی نگرانی کریں اور کسی بھی تجاوزات کو پنپنے سے پہلے ہی روک دیا جائے انہوں یہ بھی کہا کہ اب ایسے تمام افراد کے خلاف آہنی ہاتھوں سے نمٹا جائیگا جو عوام اور حکومت کے لئے ذہنی پریشانی کا سبب بنتے ہیں اس موقع پر علاقہ مکینوں نے چیئرمین بلدیہ وسطی ریحان ہاشمی اور وائس چیئرمین سید شاکر علی کا شکریہ ادا کیا کہ انہوں نے تجاوزات ختم کرکے عوام کو ذہنی کوفت سے نجات دلائی ۔ تاہم عوام کو قانون نافذ کرنے والے اداروں کی سپورٹ نہ ہونے کی وجہ سے عام شہری قبضہ مافیا سے ڈرتا ہے لیکن بہرحال ریحان ہاشمی اس سلسلے میں کسی بھی قسم کی مصلحت پسندی کو قبول نہیں کریں گے۔
کراچی ( ) ضلع وسطی کوبد صورتی اور بد عنوانی سے بچانے کے لئے تجاوزات کے خلاف مہم شروع ہو چکی ہے اس سلسلے میں ضلع وسطی کے مختلف علاقوں میں چیئرمین بلدیہ وسطی ریحان ہاشمی،وائس چیئرمین سید شاکر علی کی نگرانی میں محکمہ انسداد تجاوزات کے ہمراہ غیر قانونی طور قائم کی جانے والی تجاوزات کو منہدم کرایا گیا۔ تفصیلات کے مطابق بلدیہ وسطی لیاقت آباد نمبر ۱۰ میں چیئرمین بلدیہ وسطی ریحان ہاشمی وائس چیئرمین سید شاکر علی کی نگرانی میں تجاوزات کے خلاف آپریشن میں مین روڈ پر قائم ایسے پلاٹ پر قائم مکان اور دوکانوں کو مسمار کیا گیا جو سرکاری زمین پر ناجائز طور پر قائم تھا جبکہ مزکورہ تجاوزات کی وجہ سے عوام کو جہاں آمدورفت میں پریشانی کا سامنا تھا وہیں ریاض گرلز کالج لیاقت آبادکے عقب میں رہنے والوں کو گلی بندہونے کی وجہ سے پریشانی کا سامنا تھاعلاقہ مکینوں نے اس کاروائی پر چیئرمین بلدیہ وسطی ریحان ہاشمی کو خراج تحسین بھی پیش کیا اس موقع پر اسسٹنٹ کمشنر لیاقت آباد ارشد وارث ،سینی ٹیشن کمیٹی کے چیئرمین ارشد علی ،ایڈیشنل ڈائریکٹر لینڈ کامران کا کوری ،ڈپٹی ڈائریکٹر لینڈ و دیگر متعلقہ بلدیاتی افسران بھی موجود تھے اس موقع پر وائس چیئرمین سید شاکر علی نے تاجروں ،علاقہ مکینوں اور پتھارے داروں سے کہا کہ وہ خود بھی غیر قانونی تجاوزات کو روکنے میں بلدیہ وسطی کا ساتھ دیں انہوں نے محکمہ انسداد تجاوزات کے افسران و عملے کو ہدایت کی کہ وہ روزآنہ کی بنیاد پر پورے ضلع کی نگرانی کریں اور کسی بھی تجاوزات کو پنپنے سے پہلے ہی روک دیا جائے انہوں یہ بھی کہا کہ اب ایسے تمام افراد کے خلاف آہنی ہاتھوں سے نمٹا جائیگا جو عوام اور حکومت کے لئے ذہنی پریشانی کا سبب بنتے ہیں اس موقع پر علاقہ مکینوں نے چیئرمین بلدیہ وسطی ریحان ہاشمی اور وائس چیئرمین سید شاکر علی کا شکریہ ادا کیا کہ انہوں نے تجاوزات ختم کرکے عوام کو ذہنی کوفت سے نجات دلائی ۔ تاہم عوام کو قانون نافذ کرنے والے اداروں کی سپورٹ نہ ہونے کی وجہ سے عام شہری قبضہ مافیا سے ڈرتا ہے لیکن بہرحال ریحان ہاشمی اس سلسلے میں کسی بھی قسم کی مصلحت پسندی کو قبول نہیں کریں گے۔
کراچی ( ) گزشتہ نو ) 9 ) سالوں سے مسلسل نظر انداز کئے جانے کی وجہ سے کراچی آج تاریخ کے بدترین دور سے گزر رہا ہے ان خیالات کااظہار رکن رابطہ کیمٹی متحدہ قومی موومنٹ پاکستان ورکن قومی اسمبلی عبدالوسیم نے چیئرمین بلدیہ وسطی ریحان ہاشمی کے ہمراہ بحریہ ٹاؤن کے تعاون سے جاری نیو کراچی زون میں صفائی ستھرائی کے کام کا معائنہ کے دوران میڈیا کے نمائندوں سے گفتگو کرتے ہوئے کیا عبدالوسیم نے کہا کہ دنیا کے صاف ترین شہروں کی صف میں شمار ہونے والا شہر اب دنیا کے گندے شہروں کی صف میں کھڑا ہے عبدالوسیم نے کہا کہ کراچی کو دوبارہ اسی مقام پر لانے کے لئے سب کو ملکر کام کرنا ہوگا انہوں نے کہا کہ ہم بحریہ ٹاؤن کی انتظامیہ کے شکرگزار ہے جنہوں نے بلدیہ عظمی کے ساتھ تعاون کیا اور کراچی کی رونقوں کو بحال کرنے میں بلدیہ عظمی کی مدد کی اس موقع پر انہوں نے عوام سے اپیل کی کہ پارکس و پلے گراؤنڈز کو صحت مند سرگرمیوں کے لئے استعمال کیا جائے ناکہ کچرا ڈالنے کے انہوں نے کہا کہ کھیل کے میدانوں اور پارکوں کو کچرا کنڈی نہ بنائیں بلکہ اپنے بچوں کی صحت کے خاطر چند قدم آگے بڑھ کر بلدیہ وسطی کی مختص کردہ جگہوں پر کچرا ڈالیں۔ تفصیلات کے مطابق بحریہ ٹاؤن کے تعاون سے صفائی مہم کے دوسرے مرحلے میں نیو کراچی زون میں جاری صفائی مہم کی نگرانی اور بلدیاتی عملے کی کارکردگی کا جائزہ لینے کے لئے خود چیئرمین ریحان ہاشمی نے ممبر قومی اسمبلی اور رکنِ رابطہ کمیٹی متحدہ قومی موومنٹ پاکستان عبدالوسیم کے ہمراہ نیوکراچی یوسی ۱۵؍ یوسی ۱۰؍ یوسی ۹249 اور یوسی ۴؍ کا دورہ کیا جہاں انہوں نے صفائی کی جاری کام پراطمینان کا اظہارکیا اور عملے کو مزید تندہی سے کام سرانجام دینے کی ہدایت کی۔اس موقع پر علاقہ مکینوں نے پارکس اور پلے گراؤنڈ کی دوبارہ رونق بحال کرنے پر چئیرمین اور بحریہ ٹاؤن کے عملے کا شکریہ اداکیا۔قبل ازیں بحرییہ ٹاؤن کے تعاون سے کچرا اُٹھانے کے پہلے مرحلے کے دوران ۳؍اکتوبر ۲۰۱۷ء سے۸؍اکتوبر ۲۰۱۷ء کے دوران ناظم آباد اور لیاقت آباد زون سے تقریبا ساٹھ ہزار ٹن .کچرا اُٹھایا گیا۔ جس کے سبب ضلع وسطی میں صفائی ستھرائی کی صورتِ حال بہت بہتر ہو گئی ہے۔ ڈی ایم سی سینٹرل کی گاڑیاں گلیوں سے کوڑاکرکٹ اُٹھا کر کھلے علاقوں میں قائم کچرا کونڈیوں میں منتقل کرتے ہیں جہاں سے بحریہ ٹاؤن کے ہیوی ڈمپرز کچرے کو شہر سے باہر مقررہ مقام پر ڈسپوز کرتے ہیں۔ بحریہ ٹاؤن کی جانب سے تقریبا ایک سو گاڑیاں کچرے کو منتقل کرنے کے کام میں شریک ہیں۔اُمید کی جارہی ہے کہ جلد ہی بلدیہ وسطی صاف اور شفاف ضلع کی صورت اختیار کرلے گا اور اس کے پارکس اور پلے گراؤنڈز کی رونقیں پھر سے بھر پور انداز میں بحال ہوجائیں گیں۔
