18th Nov 2018 DMC Central Karachi Press Release

18th Nov 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کی ہدایت پر بلدیہ وسطی میں جشنِ عیدِ میلادالنبی ﷺ مذہبی جذبات کے تحت زور و شور سے منانے کی تیاریاں جاری ہیں۔بلدیہ وسطی کے افسران و کارکنان بلدیہ وسطی کے چاروں زونز کی ہر یوسی میں صفائی ستھرائی کے انتظامات بہتر طور پر انجام دینے کے لئے شب و روز مصروف ہیں۔ بلدیہ وسطی کی حدود میں تمام مساجد، امام بارگاہوں کے اطراف میلادِ مصطفےٰ ﷺ کے انعقاد کے لئے مختص مقامات اور جلوسوں کی گزرگاہوں کی صفائی پر خصوصی توجہ دی جارہی ہے ۔ مزید برآ ں چیئرمین ریحان ہاشمی بہ نفسِ نفیس محافلِ میلاد مصطفی ﷺ میں شرکت کررہے ہیں تاکہ میلاد کی محفلیں سجانے والے افراد سے براہ راست انکی ضروریات سے آگاہی حاصل کرسکیں اور انکی شکایات کو دُور کرنے کے لئے فوری اقدام کئے جاسکیں۔ درایں اثنأ ریحان ہاشمی نے مختلف مساجد میں اسلامی تشخص کی پہچان سبز ہلالی پرچم کو لہرانے کی تقاریب میں بھی شرکت کی۔ انہوں نے مساجد کی انتظامیہ اور جلوس کے منتظمین کو بلدیہ وسطی کے وسائل کے مطابق بہترین بلدیاتی خدمات مہیاکرنے کی یقین دہانی بھی کرائی۔ واضح رہے کہ ضلع وسطی میں ترقیاتی کام بھی تسلسل سے جاری ہیں ضلع وسطی کی مختلف یونین کونسل میں سڑکوں استرکاری ،فٹ پاتھ کی مرمت اور سیوریج لائنوں کی صفائی کے ساتھ ساتھ سیوریج کی نئی لائنیں بھی ڈالی جارہی ہیں جبکہ متعدد شاہراؤں اور پارکس کی تزئین و آرائش کے بعد عوام کے لئے کھول دیئے گئے ہیں ۔یہاں یہ بات قابل ذکر ہے ریحان ہاشمی ربیع الاوّل کا چاند نظر آنے کے ساتھ ہی جشنِ ولادتِ باسعادت ﷺ کی تقریبات کو بلدیہ وسطی میں بہتر طور پر اور اسلامی بھائی چارے کے ساتھ منانے کے لئے دن رات کوشاں ہیں۔ اس سلسلے میں انہوں نے مسلمانوں کے مختلف مکاتبِ فکر کے علمأ سے ملاقات بھی کی اور یقین دلایا کہ بلدیہ وسطی جشنِ عیدِ میلاد النبیؐ کے انتظامات کے سلسلے میں بہتر سے بہتر خدمات بہم پہنچانے میں کوئی دقیقہ فروگزاشت نہیں کرے گی۔ 

کراچی ( ) بلدیہ وسطی نارتھ کراچی زون میں بلدیہ وسطی کی جانب سے سیوریج کی نئی لائن بچھادی گئی۔ عوام دیرینہ پریشانی سے نجات پانے پر چیئر مین بلدیہ وسطی ریحان ہاشمی کے شکر گزار۔ تفصیلات کے مطابق نارتھ کراچی زون کے سیکٹر 7-D/2 نارتھ کراچی یوسی 14کے عوام سیوریج لائن کے مخدوش ہوجانے کے سبب عوام گندے پانی کے رساؤ اور تعفّن سے پریشان تھے۔ چیئرمین بلدیہ وسطی نے عوام کی پریشانی کو مدِّ نظر رکھتے ہوئے مذکورہ علاقے میں پرانی مخدوش گندے پانی کی لائن کی جگہ بلدیہ وسطی کے خرچے پر نئی سیوریج لائن ڈلوادی جس کے سبب علاقہ مکینوں نے سکون کا سانس لیا اور چیئرمین بلدیہ وسطی کا شکریہ اداکیا۔ اُدھر کریم آباد پرواقع نالہ میں گندگی ، کوڑاکرکٹ اور سیوریج کے پانی کے بہاؤ کے سبب نالہ بلاک ہوگیا تھا اور علاقہ مکینوں کے لئے نہ پریشانی کا سبب تھا۔ مذکورہ نالے کو چیئرمین بلدیہ وسطی ریحان ہاشمی نے ہیوی مشنری استعمال کرتے ہوئے صاف کرایا ۔ انہوں نے نالے کی صفائی کے کام کا معائنہ کیا اور موقع پر موجود علاقہ مکینوں سے انکے مسائل سُنے اور عوام کی بہبود کے لئے بلدیہ وسطی کے وسائل میں رہتے ہوئے ہر ممکن اقدام کرنے کی یقین دہانی کرائی۔ واضح رہے کہ ریحان ہاشمی بلدیہ وسطی کے وسائل کم ہونے کے باوجود عوام کی بہبود کے لئے جد و جہد میں مصروف ہیں ۔ بلدیہ وسطی کا عملہ انکے ہدایت پر دن رات اپنی خدمات انجام دے رہا ہے ۔ تاکہ موجودہ صورتِ حال میں جشنِ ولادتِ محمد مصطفے ﷺ منانے میں بلدیہ وسطی کے عوام کو کسی قسم کی دشواری کا سامنا نہ کرنا پڑے۔ 

18th Nov 2018 DMC Central Karachi Press Release

17th Nov 2018 DMC Central Karachi Press Release

17th Nov 2018 DMC Central Karachi Press Release

کراچی ( ) بلدیہ وسطی نارتھ کراچی زون میں یوسی نمبر ۳ پاور ہاوس چورنگی تا.K 4 چورنگی 5000 سروس روڈ کو نعمان بن ثانت( امام ابو حنیفہ ؒ )کے نام سے منسوب کردیاگیا۔ ’’امام ابو حنیفہؒ اسٹریٹ‘‘ کا افتتاح متحدہ قومی موومنٹ پاکستان کی رابطہ کمیٹی کے رکن و رکن قومی اسمبلی امین الحق نے کیا ۔ اس موقع پر چیئرمین بلدیہ وسطی ریحان ہاشمی ،اراکین رابطہ کمیٹی پاکستان ابوبکر صدیق،زاہد منصوری،رکن صوبائی اسمبلی عباس جعفری،صوفی جمیل الرحمن خانی ،اہلسنت رابطہ کونسل پاکستان کے صدر مسرور ہاشمی ،چیئرمین یونین کمیٹی نمبر ۳ فاضل خانزادہ ،یوسی ۳ کے بلدیاتی نمائندے،عمائدین شہر .اور دیگر بھی موجود تھے۔ امین الحق نے موقع پر موجود افراد سے گفتگو کرتے ہوئے کہا کہ نئی نسل کو مِلّتِ اسلامیہ کی اہم شخصیات کے ناموں اور کارناموں سے روشناس کرانا بہت ضروری ہے ، سڑکوں اور شاہراہوں کو اکابرینِ مِلّت کے ناموں سے منسوب کرنے کا مقصد عوام کے دلوں میں اُن کی یاد اور کارناموں کوزندہ رکھنا ہے۔اس موقع پر چیئرمین بلدیہ وسطی ریحان ہاشمی نے بتایا کہ بلدیہ وسطی کی اہم شاہراہوں اور سڑکوں کو اکابرینِ مِلّت کے ناموں سے منسوب کیا جائے گا تاکہ نئی اور پرانی دونوں نسلوں کے دلوں میں اپنے آباء اجداد اور اسلام کی راہ میں قربانیاں دینے والے بزرگوں اور رہنماؤں کے نام اور کارنامے زندہ رہیں۔ قوم کی اہم شخصیات کو اہم رہنماؤں کے ناموں سے منسوب کرنے کا طریقہ بہت پرانا ہے ۔ جو نہ صرف قوم کو اپنے رہنماؤں کے ناموں کو یاد رکھنے میں معاون ہے بلکہ اُن کے دلوں میں اپنے رہنماؤں کے کارناموں کو جاننے کی جستجو پیداکرتاہے۔ 

17th Nov 2018 DMC Central Karachi Press Release

16th Nov 2018 DMC Central Karachi Press Release

16th Nov 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا ہے کہ میلادِ مصطفےٰ ﷺ کی تقریبات میں اُسوہِ حَسَنَہؐ کو اُجاگرکیا جائے ، میلادِ مصطفےٰؐ منانا تمام مسلمانوں کے لئے باعثِ سعادت ہے ۔ وہ جشنِ عیدِ میلادُالنبی ﷺ کی تقریبات کے حوالے سے بلاک 9 فیڈرل بی ایریا فیضان اولیاء مسجد کے سامنے جبکہ پوسٹ آفس فیڈرل بی ایریا بلاک 7 میں اسلامی تشخص کی پہچان سبز ہلالی پرچم کو لہرانے کی تقاریب میں شرکت کے موقع پر حاضرین سے گفتگوکر رہے تھے اس موقع امام مسجد فیضان اولیاء ،اراکین کونسل یوسی نمبر 31 ہزاوں عاشقان رسول ﷺ موجود تھے۔ بلدیہ وسطی کے چاروں زونز ، نارتھ ناظم آباد، لیاقت آباد، نیوکراچی اور گلبرگ زون میں جشنِ عیدِ میلادُ النبی ﷺ کی تقریبات کا آغاز یکم ربیع الاول سے ہی ہوچُکا ہے ۔ اس سلسلے میں مختلف مساجد کے سامنے اور احاطے میں چاند تارے والا سبز پرچم جو کہ اسلامی تشخص کی پہچان ہے لہرایا جارہا ہے ۔ پرچم کشائی کی تقاریب بہت اہتمام سے منائی جارہی ہیں ان تقریبات میں چیئرمین بلدیہ وسطی ریحان ہاشمی نے بھی شرکت کی اورمساجد اور عیدِ میلادالنبیؐ کی تقریبات کے منتظمین کے ہمراہ سبز ہلالی پرچم لہرایا۔چیئرمین بلدیہ وسطی ریحان ہاشمی نے نارتھ ناظم آباد بلاک H کوثر نیازی کالونی میں جامع مسجد نور الاسلام کے منتظمین سے خصوصی ملاقات کی اور انھیں بلدیہ وسطی کی جانب سے مکمل تعاون کی یقین دھانی کروائی ۔ واضح رہے کہ بلدیہ وسطی میں عیدِ میلاد النبی ﷺ منانے کیلئے خصوصی بلدیاتی خدمات پیش کرنے کے لئے افسران اور عملے کو خصوصی ہدایات جاری کی جاچکی ہیں اور بلدیہ وسطی کا عملہ پوری تندہی کے ساتھ ضلع وسطی کے ہر علاقے کو صاف شفاف بنانے میں شب و روز مصروف ہے ۔ میلادِ مصطفےٰ ﷺ کی تقاریب کے مقامات اور جلوسوں کی رہگزر کے اطراف خصوصی صفائی اور رات کے وقت روشنی کا انتظامات کے ساتھ ساتھ ترقیاتی کام بھی تیزی سے جاری ہے اس ضمن میں یونین کمیٹی نمبر 17 بلاک '' جے'' نارتھ ناظم آباد میں روڈ کارپیٹنگ/ پیچ ورک کا کام جاری ہے بلدیہ وسطی اپنے فنڈز تقریبا 20,000 اسکوئر فٹ پیچ ورک / کارپیٹنگ کروارہی ہے چیئرمین بلدیہ وسطی ترقیاتی کاموں کی بنفس نفیس نگرانی کر رہے ہیں ۔ 

16th Nov 2018 DMC Central Karachi Press Release

15th Nov 2018 DMC Central Karachi Press Release

15th Nov 2018 DMC Central Karachi Press Release

کراچی ( ) شاہراہ نور جہاں پر سڑک کی تعمیر کے کام کا آغاز میئر کراچی وسیم اختر کا روڈ کارپیٹنگ کے کام کا معائنہ ۔کراچی میٹرو پولیٹن کارپوریشن نے ضلع وسطی نارتھ ناظم آباد عبداللہ کالج تا اصغر علی اسٹیڈیم سڑک کی کراچی میٹرو پولیٹن کارپوریشن میئر کراچی وسیم اختر نے کراچی میں ترقیاتی منصوبوں پر تیزی سے عملدرآمد میئرکراچی وسیم اختر کا ضلع وسطی کا دورہ ،صفائی ستھرائی کے کام پر اظہار اطمینان ۔ شہریوں کو صاف و شفاف ماحول کی فراہمی بلدیاتی نمائندوں کے لئے ایک چیلنج سے کم نہیں لیکن بلدیہ وسطی کے چیئرمین ریحان ہاشمی کی جانب سے ضلع وسطی کی عوام کو صاف و شفاف ماحول کی فراہمی کے لئے کئے جانے والے اقدامات قابل تحسین ہیں ان خیالات کا اظہار میئر کراچی وسیم اختر نے چیئرمین بلدیہ وسطی ریحان ہاشمی کے ہمراہ ضلع وسطی میں کریم آباد فیڈرل بی ایریا میں صفائی ستھرائی اور بیوٹیفیکیشن کے کام کا جائزہ لیتے ہوئے کیا انہوں نے مزید کہا کہ ضلع وسطی آبادی کے لحاظ سے کراچی کا بڑا ضلع ہے جبکہ اس کے مسائل بھی دیگر اضلاع کے مقابلے میں بہت زیادہ ہیں لیکن آج ضلع وسطی میں صفائی ستھرائی کے ساتھ ساتھ گرین بیلٹس اور چورنگیوں کو جس طرح سجایا گیا ہے وہ قابل ستائش ہے ۔اس موقع پر چیئرمین بلدیہ وسطی ریحان ہاشمی نے میئر کراچی وسیم اختر کو ضلع وسطی میں جاری ترقیاتی منصوبوں کے بارے میں آگاہی فراہم کی اس موقع پر انہوں نے کہا کہ محدود وسائل اور فنڈز کی کمی کے باوجود بلدیہ وسطی کی انتظامیہ اور عملہ نہ صرف سینی ٹیشن کا عملہ صفائی کے عمل کو بہتر سے بہتر بنانے میں مصروف ہے بلکہ پارک ڈپارٹمنٹ بھی ضلع وسطی کی خوبصورتی میں اضافے کے لئے نمائشی اور پھولوں کے پودے لگانے میں مصروف ہے واضح رہے کہ بلدیہ وسطی کا سینی ٹیشن ڈپارٹمنٹ افرادی قوت اور مشینری کے ساتھ شب و روز ضلع وسطی کو صاف ستھراء رکھنے کے لئے مصروف رہتا ہے ۔ اس موقع پر ضلع وسطی کے منتخب بلدیاتی نمائندے بلدیاتی افسران بھی انکے ہمراہ تھے۔ 

15th Nov 2018 DMC Central Karachi Press Release

14th Nov 2018 DMC Central Karachi Press Release

14th Nov 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی ،ڈپٹی کمشنر( سینٹرل )فرحان غنی کا بلدیہ وسطی کے چاروں زونز کا تفصیلی دورہ۔ جشن عید میلاد النبی ؐ کے حوالے سے عاشقان رسول ؐ کو دی جانے بلدیاتی خدمات کا جائزہ لیا ۔ مین شاہراؤں، مساجد و امام بارگاہوں کے اطراف صفائی،ستھرائی اور جلوس کی گزرگاہوں پر ہونے والی روڈ کارپیٹنگ،پیچ ورک اور فٹ پاتھ کی مرمت کے کا م کا معائنہ کیا ، اس موقع پر انکے ہمراہXEN انجینئر نازش رضا ،ڈائریکٹر باغات ندیم حنیف،ڈپٹی ڈائریکٹرسینی ٹیشن و دیگر بلدیاتی افسران بھی موجود تھے۔ تفصیلات کے مطابق چیئرمین بلدیہ وسطی ریحان ہاشمی اور ڈپٹی کمشنر سینٹرل فرحان غنی نے ضلع وسطی کے نارتھ ناظم آباد زون، نیوکراچی زون ، گلبرگ زون اور لیاقت آباد زونز کا تفصیلی دورہ کیا دونوں اہم افسران نے دورے کے دوران صفائی ستھرائی کے امور کا جائزہ لیا ،اس موقع پر یونین کمیٹی نمبر 50رضویہ سوسائٹی،یونین کونسل 36کوثر نیازی کالونی نارتھ ناظم آباد ،یونین کمیٹی نمبر 18 بلاک سی نارتھ ناظم آباد ، یونین کمیٹی نمبر13سیکٹر الیون جی نیو کراچی اور یونین کمیٹی نمبر 07نیو کراچی میں جلوس کی گزرگاہوں پر جاری روڈ کارپیٹنگ کے کام کا معائنہ کیا جبکہ صفائی ستھرائی اور روشنی کے انتظامات کا بھی جائزہ لیا اور متعلقہ بلدیاتی افسران کو ہدایت کی کہ عاشقان رسول ؐ کو جشن عید میلاد النبی کے موقع پر صاف و شفاف ماحول مہیاء کیا جائے انہوں ڈائریکٹر سین ٹیشن کو ہدایت کی کہ پارکس اور پلے گراؤنڈزکے اطراف جمع ہونے والے کوڑے کرکٹ کو فوری طور پر اُٹھایاجائے تاکہ بیک لاگ نہ بننے پائے۔جبکہ سڑکوں اور سائیڈ روڈز پر پڑے گڑھوں کو پُر کرنے کے لئے پیچ ورک اور فٹ پاتھوں کی مرمت فوری کرنے کی ہدایت بھی کی گئی۔ اس کے علاوہ عوامی اجتماع کے دیگر مقامات اور بازاروں کے قریب صفائی کے بہتر انتظامات کے لئے موؤّر اقدامات کرنے پرزور دیا گیا۔ اس موقع پر ڈپٹی کمشنر سینٹرل فرحان غنی نے چیئرمین بلدیہ وسطی ریحان ہاشمی کو مسلمانوں کے مذہبی ایام میں بہترین بلدیاتی سہولیات کی فراہمی کو سراہا ۔ اس موقع پر چیئرمین بلدیہ وسطی ریحان ہاشمی نے جشن عید میلاد النبیؐکے پیشِ نظر ضلع بھر میں صفائی کے انتظامات بہتر کرنے کے لئے تمام زونز کے چیئرمین اور وائس چیئرمین کو اپنے اپنے زون کے سینی ٹیشن ڈپارٹمنٹ کے اسٹاف کو مستعدرکھنے ،جبکہ عملے کی حاضری کو سو فیصد بنانے کے لئے غیر حاضر رہنے والے کارکنان کے خلاف محکمہ جاتی کارروائی کی ہدایت کی ۔ تاہم یہ بات بھی قابلِ توجہ ہے بلدیہ وسطی اپنے مالی اور دیگر مسائل کے باوجود چیئرمین ریحان ہاشمی خصوصی توجہ اور بہتر حکمتِ عملی اختیار کرتے ہوئے ہر طرح سے ضلع کو صاف ستھر ارکھنے کیلئے دن رات کاوشوں میں مصروف ہیں تاکہ عوام پریشانی سے دوچار نہ ہوں ۔ 

14th Nov 2018 DMC Central Karachi Press Release