17th Oct 2017 DMC Central Karachi Press Release

17th Oct 2017 DMC Central Karachi Press Release

کراچی ( ) ضلع وسطی کوبد صورتی اور بد عنوانی سے بچانے کے لئے تجاوزات کے خلاف مہم شروع ہو چکی ہے اس سلسلے میں ضلع وسطی کے مختلف علاقوں میں چیئرمین بلدیہ وسطی ریحان ہاشمی،وائس چیئرمین سید شاکر علی کی نگرانی میں محکمہ انسداد تجاوزات کے ہمراہ غیر قانونی طور قائم کی جانے والی تجاوزات کو منہدم کرایا گیا۔ تفصیلات کے مطابق بلدیہ وسطی لیاقت آباد نمبر ۱۰ میں چیئرمین بلدیہ وسطی ریحان ہاشمی وائس چیئرمین سید شاکر علی کی نگرانی میں تجاوزات کے خلاف آپریشن میں مین روڈ پر قائم ایسے پلاٹ پر قائم مکان اور دوکانوں کو مسمار کیا گیا جو سرکاری زمین پر ناجائز طور پر قائم تھا جبکہ مزکورہ تجاوزات کی وجہ سے عوام کو جہاں آمدورفت میں پریشانی کا سامنا تھا وہیں ریاض گرلز کالج لیاقت آبادکے عقب میں رہنے والوں کو گلی بندہونے کی وجہ سے پریشانی کا سامنا تھاعلاقہ مکینوں نے اس کاروائی پر چیئرمین بلدیہ وسطی ریحان ہاشمی کو خراج تحسین بھی پیش کیا اس موقع پر اسسٹنٹ کمشنر لیاقت آباد ارشد وارث ،سینی ٹیشن کمیٹی کے چیئرمین ارشد علی ،ایڈیشنل ڈائریکٹر لینڈ کامران کا کوری ،ڈپٹی ڈائریکٹر لینڈ و دیگر متعلقہ بلدیاتی افسران بھی موجود تھے اس موقع پر وائس چیئرمین سید شاکر علی نے تاجروں ،علاقہ مکینوں اور پتھارے داروں سے کہا کہ وہ خود بھی غیر قانونی تجاوزات کو روکنے میں بلدیہ وسطی کا ساتھ دیں انہوں نے محکمہ انسداد تجاوزات کے افسران و عملے کو ہدایت کی کہ وہ روزآنہ کی بنیاد پر پورے ضلع کی نگرانی کریں اور کسی بھی تجاوزات کو پنپنے سے پہلے ہی روک دیا جائے انہوں یہ بھی کہا کہ اب ایسے تمام افراد کے خلاف آہنی ہاتھوں سے نمٹا جائیگا جو عوام اور حکومت کے لئے ذہنی پریشانی کا سبب بنتے ہیں اس موقع پر علاقہ مکینوں نے چیئرمین بلدیہ وسطی ریحان ہاشمی اور وائس چیئرمین سید شاکر علی کا شکریہ ادا کیا کہ انہوں نے تجاوزات ختم کرکے عوام کو ذہنی کوفت سے نجات دلائی ۔ تاہم عوام کو قانون نافذ کرنے والے اداروں کی سپورٹ نہ ہونے کی وجہ سے عام شہری قبضہ مافیا سے ڈرتا ہے لیکن بہرحال ریحان ہاشمی اس سلسلے میں کسی بھی قسم کی مصلحت پسندی کو قبول نہیں کریں گے۔

کراچی ( ) گزشتہ نو ) 9 ) سالوں سے مسلسل نظر انداز کئے جانے کی وجہ سے کراچی آج تاریخ کے بدترین دور سے گزر رہا ہے ان خیالات کااظہار رکن رابطہ کیمٹی متحدہ قومی موومنٹ پاکستان ورکن قومی اسمبلی عبدالوسیم نے چیئرمین بلدیہ وسطی ریحان ہاشمی کے ہمراہ بحریہ ٹاؤن کے تعاون سے جاری نیو کراچی زون میں صفائی ستھرائی کے کام کا معائنہ کے دوران میڈیا کے نمائندوں سے گفتگو کرتے ہوئے کیا عبدالوسیم نے کہا کہ دنیا کے صاف ترین شہروں کی صف میں شمار ہونے والا شہر اب دنیا کے گندے شہروں کی صف میں کھڑا ہے عبدالوسیم نے کہا کہ کراچی کو دوبارہ اسی مقام پر لانے کے لئے سب کو ملکر کام کرنا ہوگا انہوں نے کہا کہ ہم بحریہ ٹاؤن کی انتظامیہ کے شکرگزار ہے جنہوں نے بلدیہ عظمی کے ساتھ تعاون کیا اور کراچی کی رونقوں کو بحال کرنے میں بلدیہ عظمی کی مدد کی اس موقع پر انہوں نے عوام سے اپیل کی کہ پارکس و پلے گراؤنڈز کو صحت مند سرگرمیوں کے لئے استعمال کیا جائے ناکہ کچرا ڈالنے کے انہوں نے کہا کہ کھیل کے میدانوں اور پارکوں کو کچرا کنڈی نہ بنائیں بلکہ اپنے بچوں کی صحت کے خاطر چند قدم آگے بڑھ کر بلدیہ وسطی کی مختص کردہ جگہوں پر کچرا ڈالیں۔ تفصیلات کے مطابق بحریہ ٹاؤن کے تعاون سے صفائی مہم کے دوسرے مرحلے میں نیو کراچی زون میں جاری صفائی مہم کی نگرانی اور بلدیاتی عملے کی کارکردگی کا جائزہ لینے کے لئے خود چیئرمین ریحان ہاشمی نے ممبر قومی اسمبلی اور رکنِ رابطہ کمیٹی متحدہ قومی موومنٹ پاکستان عبدالوسیم کے ہمراہ نیوکراچی یوسی ۱۵؍ یوسی ۱۰؍ یوسی ۹249 اور یوسی ۴؍ کا دورہ کیا جہاں انہوں نے صفائی کی جاری کام پراطمینان کا اظہارکیا اور عملے کو مزید تندہی سے کام سرانجام دینے کی ہدایت کی۔اس موقع پر علاقہ مکینوں نے پارکس اور پلے گراؤنڈ کی دوبارہ رونق بحال کرنے پر چئیرمین اور بحریہ ٹاؤن کے عملے کا شکریہ اداکیا۔قبل ازیں بحرییہ ٹاؤن کے تعاون سے کچرا اُٹھانے کے پہلے مرحلے کے دوران ۳؍اکتوبر ۲۰۱۷ء سے۸؍اکتوبر ۲۰۱۷ء کے دوران ناظم آباد اور لیاقت آباد زون سے تقریبا ساٹھ ہزار ٹن .کچرا اُٹھایا گیا۔ جس کے سبب ضلع وسطی میں صفائی ستھرائی کی صورتِ حال بہت بہتر ہو گئی ہے۔ ڈی ایم سی سینٹرل کی گاڑیاں گلیوں سے کوڑاکرکٹ اُٹھا کر کھلے علاقوں میں قائم کچرا کونڈیوں میں منتقل کرتے ہیں جہاں سے بحریہ ٹاؤن کے ہیوی ڈمپرز کچرے کو شہر سے باہر مقررہ مقام پر ڈسپوز کرتے ہیں۔ بحریہ ٹاؤن کی جانب سے تقریبا ایک سو گاڑیاں کچرے کو منتقل کرنے کے کام میں شریک ہیں۔اُمید کی جارہی ہے کہ جلد ہی بلدیہ وسطی صاف اور شفاف ضلع کی صورت اختیار کرلے گا اور اس کے پارکس اور پلے گراؤنڈز کی رونقیں پھر سے بھر پور انداز میں بحال ہوجائیں گیں۔ 

17th Oct 2017 DMC Central Karachi Press Release

16th Oct 2017 DMC Central Karachi Press Release

16th Oct 2017 DMC Central Karachi Press Release

کراچی ( ) ڈی ایم سی سینٹرل میں عوام کو بہتر سے بہتر بلدیاتی خدمات مہیاکرنے اورمحکمہ جاتی اخراجات پورے کرنے کے لئے ریوینیوافسران کو ریکوری کے اہداف مقرر کرنے کی ہدایت کردی گئی، مالی وسائل کو بڑھانے اور بلدیاتی خدمات کے تسلسل میں بہاؤ برقراررکھنے کے لئے ڈی ایم سی سینٹرل میں ریوینیو کی نامناسب صورتحال کو بہتر بنانے کے لئے واضح منصوبہ بندی اور اہداف مقرر کرنے کے لئے خصوصی اجلاس میں اہم فیصلے ۔تفصیلات کے مطابق بلدیہ وسطی کے نیوکراچی زونل آفس میں بلدیاتی ٹیکسوں کی وصولی کی صورتِ حال بہتر بنانے کے لئے خصوصی اجلاس منعقد ہوا جس کی صدارت چئیرمین ڈی ایم سی سینٹرل ریحان ہاشمی نے کی جس میں رکن صوبائی اسمبلی وسیم قریشی نے خصوصی شرکت کی۔ اس موقع پر ڈاریکٹر ٹیکسیشن شمعونہ صدف، چیئرمین یوسی ۱۲؍ حنیف سورتی اور بلدیہ وسطی سے تعلق رکھنے والے ریکوری افسران اور کارکنان نے شرکت کی۔ اجلاس سے خطاب کرتے ہوئے ۔ چیئرمین ڈی ایم سی سینٹرل ریحان ہاشمی نے بلدیاتی ٹیکس کی ریکوری کی موجودہ نامناسب صورتحال کے پیش نظر ٹیکسیشن ڈپارٹمنٹ کو واضح اہداف مقرر کرنے اور نتیجہ خیز لائحہ عمل کے ذریعے ریکوری کو بہتر سے بہتر بنانے کی ہدایت کی ۔ رکن سندھ اسمبلی وسیم قریشی نے کہا کہ کسی بھی محکمے کے اخراجات پورے کرنے کے لئے آمدنی کا اخراجات سے زیادہ ہونا ضروری ہے ۔اور اس کی ذمہ داری ریکوری ڈپارٹمنٹ پر ہے ۔ڈاریکٹر ٹیکسیشن شمعونہ صدف نے اس موقع کہا کہ بلدیہ وسطی کا ٹیکسیشن ڈپارٹمنٹ تندہی سے کام کررہا ہے اور گزشتہ تین ماہ میں تقریبا ۱۲؍لاکھ روپے کی ریکوری کی گئی ہے جبکہ اسے بڑھاکر پندرہ لاکھ سہہ ماہی کیا جاسکتاہے لیکن صنعتی ایریا سے ٹیکس کی ادائیگی میں خاطر خواہ تعاون نہ ہونے کے باعث ریکوری بہترنہیں ہوپارہی۔ واضح رہے کہ چئیرمین بلدیہ وسطی ریحان ہاشمی اپنے ضلع کی کارکردگی کو بہتر کرنے کے لئے سنجیدگی سے اقدامات کررہے ہیں، مذکورہ اجلاس بھی اسی سلسلے کہ اہم کڑی ہے جس میں انہوں نے ٹیکسیشن ڈپارٹمنٹ کو ہدایت کی کہ کسی بھی علاقے سے بلدیاتی ٹیکس کی ریکوری میں رکاوٹ یا عدم ادائیگی کی رپورٹ بلاتاخیر چیئرمین کے دفتر میں دی جائے تاکہ ٹیکس نادہندگان کے خلاف محکمہ جاتی کارروائی ضابطہ کے مطابق کی جاسکے۔ انہوں نے کہا کہ بلدیہ وسطی کی آمدنی بڑھے گی تو بلدیاتی خدمت میں بہتری آئے گی اور ضلع وسطی شہر کا بہترین ضلع بننے کے قابل بن سکے گا۔ اس موقع پر ریکوری افسران اور کارکنان نے اپنی جانب سے ریونیو کی وصولی کو بہتر کرنے کے لئے ہر ممکن کوشش کرنے کی یقین دہانی کرائی۔ 

کراچی ( ) ضلع وسطی میں صحت مند سرگرمیاں بحال کرنے کے لئے پارکس و پلے گراؤنڈ کو ترجیحی بنیادوں پر صاف کیا جارہا ہے ان خیالات کا اظہار چیئرمین بلدیہ وسطی ریحان ہاشمی نے رکن قومی اسمبلی عبدالوسیم کے ہمراہ نیو کراچی کے مختلف علاقوں میں صفائی ستھرائی اور کچرے کی منتقلی کے کام کا معائنہ کرتے ہوئے کیا ۔اس موقع پر یوسی چیئرمین اففان ،وائس چیئرمین اویس عالم ،بحریہ ٹاؤن کے فوکل پرسن کمانڈر ذوالفقار ڈپٹی ڈائریکٹر سینی ٹیشن نیو کراچی اسلم بیگ او ردیگر بلدیاتی افسران بھی انکے ہمراہ ہیں۔ تفصیلات کے مطابق ضلع وسطی میں بحریہ ٹاؤن کے تعاون سے صفائی مہم کا سلسلہ جاری ہے جس کے تحت بلدیہ وسطی اور بحریہ ٹاؤن کے مشترکہ آپریشن میں ضلع وسطی سے لاکھوں ٹن کچرا اٹھا کر لینڈ فل سائیڈ منتقل یا گیا جبکہ ضلع وسطی میں کئی پلے گراؤنڈ اور پارکس کی جگہوں پر بھی کچرے کے انبار لگے ہوئے تھے چیئرمین بلدیہ وسطی ریحان ہاشمی نے ترجیحی بنیادوں پر پارکس و پلے گراؤنڈ کو کچرے سے پاک کیا تاکہ نوجوانوں کو صحت مند سرگرمیوں کے انعقاد کے مواقع حاصل ہو ،جسکا واضح ثبوت نیو کراچی سیکٹر 5-D یونین کمیٹی 9 کا رابیعہ صدیقیہ پارک ہے جہاں کھیل کا میدان کچرا کنڈی بن گیا تھا چیئرمین ضلع وسطی نے ترجیحی بنیادوں پر گراؤنڈ سے کچرے کو صاف کرا کے محکمہ باغات کو تزئین آرائش کے کام کی ہدایت کی اور اس گراؤنڈ پر بحریہ ٹاؤن اور ضلع وسطی کی ٹیموں کے درمیان فٹبال میچ بھی کھیلا گیا جسے ہزاروں افراد نے دیکھا بلدیہ وسطی اپنے شہریوں اورخاص کر نوجوانوں کو صحت مند آلودگی سے پاک ماحول کی فراہمی میں دن رات کوشاں ہے یہی وجہ ہے کہ ضلع وسطی کے پارکس اور پلے گراؤنڈز کی رونق بحال ہورہی ہے ۔اس موقع پر علاقہ مکینوں نے پارکس اور پلے گراؤنڈ کی دوبارہ رونق بحال کرنے پر چیئرمین اور بحریہ ٹاؤن کے عملے کا شکریہ اداکیا ۔واضح رہے کہ بلدیہ وسطی کے پاس وسائل کی کمی کی وجہ سے ڈی ایم سی سینٹرل کی گاڑیاں گلیوں سے کوڑاکرکٹ اُٹھا کر کھلے علاقوں میں قائم کچرا کونڈیوں میں منتقل کرتے ہیں جہاں سے بحریہ ٹاؤن کے ہیوی ڈمپرز کچرے کو شہر سے باہر مقررہ مقام پر ڈسپوز کرتے ہیں۔ بحریہ ٹاؤن کی جانب سے تقریبا ایک سو گاڑیاں کچرے کو منتقل کرنے کے کام میں شریک ہیں۔اُمید کی جارہی ہے کہ جلد ہی بلدیہ وسطی صاف اور شفاف ضلع کی صورت اختیار کرلے گا اور اس کے پارکس اور پلے گراؤنڈز کی رونقیں پھر سے بھر پور انداز میں بحال ہوجائیں گی۔ 

16th Oct 2017 DMC Central Karachi Press Release

15th Oct 2017 DMC Central Karachi Press Release

15th Oct 2017 DMC Central Karachi Press Release

کراچی ( ) چیئرمین بلدیہ وسطی ریحان پاشمی کی نگرانی میں صفائی ستھرائی ،شہر سے باہر کچرے کی منتقلی،گرین بیلٹس کی تزئین و آرائش،جراثیم کش ادویات کا اسپرے ،تجاوزات کے خلاف کاروائی،سڑکوں کی پیوند کاری اور بوسیدہ سیورئج لائنوں کی مرمت کا تسلسل جاری ۔تفصیلات کے مطابق چیئرمین بلدیہ وسطی ریحان ہاشمی ضلع وسطی میں عوام کو دی جانے والی بلدیاتی سہولتوں کی نگرانی بنفس نفیس کررہے ہیں وہ علی الالصبح اپنے ضلع کا دورہ کرتے ہیں اور جہاں جہاں کام میں کوتاہی نظر آتی ہے افسران و عملے کی باز پرس کے ساتھ ساتھ انکو ہدایات بھی دیتے ہوئے نظر آتے ہیں یہ ہی وجہ ہے کہ ضلع وسطی کا عملہ شب وروز ضلع وسطی میں صفائی ستھرائی کے ساتھ ساتھ دیگر ترقیاتی کام کرتا نظر آتا ہے ضلع وسطی میں بلدیہ عظمی اور بحریہ ٹاؤن کے اشتراک سے چلنے والی صفائی مہم کے دوران دوسرے مرحلے میں ضلع وسطی لیاقت آباد اور ناظم آباد زون میں کچرے کے ڈھیروں کا صفایا ، لیکیج سیوریج لائنوں کی مرمت ، سڑکوں کی پیوند کاری کے ساتھ ساتھ گرین بیلٹس کی تزئین و آرائش کا تسلسل جاری ہے جس کے اثرات نظر آرہے ہیں امید کی جاسکتی ہے کہ چیئرمین بلدیہ وسطی کے انقلابی اقدامات ضلع وسطی کو ماضی کی طرح صاف و شفاف اور تجاوزات سے پاک ضلع بن جائیگا ضرورت اس امر کی ہے عوام بھی صاف و شفاف ماحول کو برقرار رکھنے میں اپنا کردار ادا کریں اپنا کوڑا کرکٹ مختص کردہ کچرا کندیوں میں ڈالیں اور ایسے عناصر پر نظر رکھیں جو جگہ جگہ اور برساتی نالوں میں اپنے گھروں کا فیکٹریوں کا کچرا ڈالتے ہیں تاکہ انکے خلاف قانونی کاروائی عمل میں لائی جاسکے۔ 

15th Oct 2017 DMC Central Karachi Press Release

14th Oct 2017 DMC Central Karachi Press Release

14th Oct 2017 DMC Central Karachi Press Release

کراچی ( ) اب کراچی کا موضوع بحث کچرا نہیں بنے گا آئندہ چند دنوں میں کراچی کو اسکی اصل حالت میں لانے اور دوبارہ روشنیوں کا شہر بنانے کے لئے حق پرست عوامی نمائندے اور کارکنان میدان عمل میں ہیں گزشتہ نو سالوں سے کراچی کو مسلسل نظرانداز کیا جارہا ہے بحریہ ٹاؤن کے شکرگزار ہے جس نے کراچی کو صاف کرنے میں بلدیہ عظمی کے ساتھ تعاون کیا ان خیالات کا اظہار چیئرمین بلدیہ وسطی ریحان ہاشمی، حق پرست ارکان اسمبلی عبدالوسیم ،شیخ صلاح الدین ،جمال احمد،وائس چیئرمین سید شاکر علی،کے ہمراہ بحریہ ٹاؤن کے اشتراک سے جاری صفائی مہم کے دوسرے مرحلے کے دوسرے روز نیو کراچی سیکٹر11-F میں صفائی ستھرائی اور کچرے کی منتقلی کے کام کا جائزہ لیتے ہوئے کیا ۔ چیئرمین بلدیہ وسطی ریاحان ہاشمی نے صفائی ستھرائی اور کچرے کی منتقلی پر مامور افسران و عملے کو ہدایت کی کہ عوام کو صاف و شفاف ماحول کی فراہمی میں کسی بھی قسم کی کوتاہی نہ برتی جائے اپنا کام ذمہ داری سے انجام دیئے جائے انہوں نے کہا کہ بلدیہ وسطی کے تحت افسران و عملے کی مانیٹرنگ کا عمل جاری ہے جسکے تحت کارکردگی کا جائزہ لیا جائیگا جبکہ نمایاں کارکردگی کی بنیاد پر اعزاز سے بھی نوازا جائیگا اس موقع انہوں نے شہریوں سے اپیل کی کہ عوام صفائی مہم میں اپنا کردار ادا کریں کچرے سے صاف کی جانے والی جگہوں پر کچرا ڈالنے سے پرہیز کریں اور خالی جگہوں ،پارکس اور سڑکوں پر کچرا پھیکنے والوں کی نشاندہی کریں تاکہ ایسے عناصر کو قانونی گرفت میں لایا جاسکے انہوں نے کہا کہ بلدیہ وسطی اور بحریہ تاؤن کے اشتراک سے صفائی مہم کے دوران نیوکراچی و نارتھ کراچی کی 5 یوسیز سے دو روز میں سیکڑوں ڈمپر لوڈرز کی مدد سے تقریبا 13000 ٹن کچرا علاقائی کچرا کنڈیوں سے نکال کر لینڈ فل سائیڈ منتقل کردیا گیا ہے جبکہ سڑکوں کی صفائی کے لئے آٹو میٹک مشینری استعمال میں لائی جارہی ہے صفائی مہم میں صرف صفائی کا عمل ہی نہیں کیا جارہا بلکہ صفائی اور کچرے کی منتقلی کے ساتھ ساتھ برساتی نالوں کی صفائی، مرکزی شاہراؤں سے ناجائز تجاوزات کے خاتمے کو بھی ممکن بنایا جارہا ہے جس سے شہریوں کو بے ہنگم ٹریفک سے نجات ملے گی اور گھنٹوں کا سفر منٹوں میں طے ہوگا جبکہ پلے گراؤنڈز ، پارکس اور گرین بیلٹس کی بھی تزئین و آرائش کی جارہی ہے 

14th Oct 2017 DMC Central Karachi Press Release

13th Oct 2017 DMC Central Karachi Press Release

13th Oct 2017 DMC Central Karachi Press Release

کراچی ( )چیئرمین بلدیہ وسطی ریحان ہاشمی ،حق پرست ارکان اسمبلی سندھ وسیم قریشی،جمال احمد نے ضلع وسطی نیوکراچی زون میں واٹر اینڈ سیوریج بورڈ کے افسران کے اجلاس کی صدارت کرتے ہوئے کہا کہ صاف پانی و صفائی کا بہتر نظام عوام کا بنیادی حق ہے صاف پانی اور سیوریج نظام کی فراہمی حکومت کا فرض ہے مگر بد نصیبی سے حکومت اپنے فرائض سے غافل نظر آتی ہے یا وہ جان بوجھ کر کراچی کی عوام کو پینے کے صاف پانی سے محروم رکھنا چاہتی ہے انہوں نے کہا کہ پانی صرف انسانوں کے لئے ہی نہیں بلکہ دنیا میں پائے جانے والے تمام جاندار وں کی زندگی کے لئے لازمی جز ہے انہوں نے کہا کہ پانی کی عدم دستیابی کراچی کے خلاف کسی گہری سازش کا حصہ ہے حکومت سڑکوں اور پلوں کے بجائے اس طرف توجہ دے انہوں نے کہا کہ کراچی والو ں کو پانی فراہمی میں کوتاہی نہ برتی جائے اور جلد از جلد پانی کی سپلائی کو متواتر کیا جائے کہیں ایسا نہ ہو کہ پانی نہ ملنے پر عوام کا صبر کا پیمانہ لبریز نہ ہوجائے اور عوام گیتی پھاوڑے ،لیکر سڑکوں پر نکل آئیں اجلاس میں یوسی12 کے چیئرمین حنیف سورتی ،یوسی 15کے چیئرمین مشتاق ایاز،سپریٹنڈنگ انجینئرA ضلع وسطی غلام محمد ، ایکسین ڈبلو،ٹی ،ایم،آصف قادری ، سپریٹنڈنگ انجینئر ڈبلیو ،ٹی،ایم،ظفر پلیجو ،رحمن شیخ بلک واٹر،xen نارتھ ناظم آباد رئیس احمد ، xen ناظم آباد اسراراحمد ،کامران رشید xen نیو کراچی ،اجمل خا ن،ریحان عالم بھی شریک تھے اجلاس میں یوسی 14 کے چیئرمین مشتاق ایاز نے کہا کہ یوسی 14 میں پانی کی سپلائی نہ ہونے کے برابر ہے جبکہ نورانی محلے میں کئی کئی دن پانی نہیں آتا اور عوام شدید ازیت کا شکار ہیں مشتاق ایاز نے کہا کہ چند لوگوں کی اجارہ داری کی وجہ سے غریب عوام کو پانی جیسی نعمت سے دور رکھا جارہا ہے انہوں نے کہا کہ غریب آبادی کے غریب لوگوں کو پینے کے لئے پانی کے لئے واٹر ٹینکر خریدنا ناممکن ہے اس لئے کافی دور سے پینے کا پانی لانا پڑتا ہے جو بہت تکلیف دے عمل ہے لہذا کوئی ایسا طریقہ کار وضع کیا جائے کہ نورانی محلے میں رہنے ولوں کو پانی کی فراہمی کو ممکن بنایا جائے یوسی 12 کے چیئرمین حنیف سورتی نے کہا کہ واٹر بورڈ کا عملہ چاہے تو معمولی معمولی فالٹ کو ٹھیک کرکے رست ہوئی واٹر انیڈ سیوریج لائنوں کی لیکج کو بند کیا جاسکتا ہاے جبکہ وال سسٹم کو بہتر بنا کر ہر یوسی میں پانی کی سپلائی و ممکن بنایا جاسکتا ہے اس موقع پر واٹر بورڈ کے افسران نے تفصیلات بتاتے ہوئے کہا کہ واٹر بورڈ پانی کے تسلسل کو قائم رکھنے کے لئے اپنی پوری توانائی استعمال میں لارہا ہے تاہم بلک سپلائی سے پانی کی کمی اور لوڈشیڈنگ کی وجہ سے چند علاقوں میں پانی سپلائی میں مشکلات کا سامنا ہے جبکہ سیوریج لائنوں کی مرمت کے لئے کام جاری ہے کئی جگہوں پر پانی و سیوریج کی لائنوں کی تنصیب ک کام جاری ہے جس سے علاقہ مکینوں کو ریلیف ملے گا پانی کے کاروبار کرنے والوں کے خلاف گھیرا تنگ کیا جارہا ہے جلد ہی ایسے عناصر کو قانون کے شکنجے میں لائیں گے جو پانی چوری کرتے ہیں .

13th Oct 2017 DMC Central Karachi Press Release