13th Jan 2018 DMC Central Karachi Press Release

13th Jan 2018 DMC Central Karachi Press Release

کراچی( )چیئرمین بلدیہ وسطی ریحان ہاشمی نے کہا کہ ضلع وسطی کی خوبصورتی میں اضافہ کرنے کے لئے دن رات کوشاں ہیں ضلع وسطی میں موجود یوسیز میں مرحلہ وارترقیاتی کاموں کے ساتھ ساتھ تزین و آرائش کے کام پر بھی بھر پور توجہ دی جارہی ہے ۔ضلع وسطی میں موجود گرین بیلٹس کو صاف ستھراء کرنے کے ساتھ خوبصورت پھول دار پودے لگائے جارہے ہیں فٹ پاتھوں پر رنگ و روغن کرکے خوبصورتی میں اضافہ کیا جارہا ہے ۔وہ لیاقت آباد میں گرین بیلٹ کی تزین و آرائش کے کام کا معائنہ کررہے تھے اس موقع پر ڈائریکٹر پارکس ندیم حنیف و دیگر بلدیاتی افسران بھی موجود تھے ۔انہوں نے کہا کہ تمام تر مشکلات کے باوجود ہم پرعزم ہیں اورضلع وسطی کی خوبصورتی میں اضافے کیلئے ہر ممکن کوشش کررہے ہیں ۔ اس سلسلے میں ضلع وسطی میں شروع کی جانے والی شجر کاری مہم میں ہزاروں پودے لگائے گئے ہیں جو آج ضلع وسطی کی گرین بیلٹس کی خوبصورتی میں اضافے کاباعث ہیں انہوں نے عوام سے اپیل کی کہ کچرے کو گرین بیلٹ پر نہ پھیکا کریں بلکہ جو کچرا ڈالتے ہیں ان کو بھی منع کریں ۔آپ لوگوں کا تعاون ہی ہماری سب سے بڑی جیت ہے اور ہم انشاء اللہ بہت جلد ضلع وسطی کو خوبصورت اور ہرا بھرا کریں گے جس کے لئے ہمارے یوسیز چیئرمین اپنی اپنی یوسیز میں منتخب روڈ کو ماڈل روڈ بنانے میں کامیاب ہورہے ہیں ۔انہوں نے کہا کہ دور دور تک پھیلے پتھاروں اور تجاوزات ضلع وسطی کی خوبصورتی پربد نما داغ ہیں ان کو جلد ختم کیا جائے گا اس سلسلے میں حکمت عملی مرتب کرلی گئی ہے اور اس سلسلے میں بلدیہ وسطی تجاوزات کے خلاف گرینڈ آپریشن کرنے جارہی ہے ۔ انہوں نے عوام سے اپیل کی کہ Beautificationکے کام کے بعد اب بلدیہ وسطی کے باشعور عوام کی ذمہ داری ہے کہ وہ بلدیہ وسطی کے ساتھ تعاون کرتے ہوئے ان پھولوں اور پودوں کی حفاظت کریں ۔ 

13th Jan 2018 DMC Central Karachi Press Release

12th Jan 2018 DMC Central Karachi Press Release

12th Jan 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ ضلع وسطی میں صفائی ستھرائی کے ساتھ ترقیاتی کام تیزی سے جاری ہیں بلدیہ وسطی کی انتظامیہ نے بہترین پلاننگ کے زریعے ضلع وسطی کی ہر یوسی میں پارکس و پلے گراؤنڈ اور شاہراہ کو منتخب کرکے ماڈل بنایا جارہا ہے۔ وہ رکن قومی اسمبلی شیخ صلاح الدین کے ہمراہ گلبرگ زون کے مختلف علاقوں میں صفائی ستھرائی اور کچرے کی منتقلی کے کام کا معائنہ کررہے تھے ۔اس موقع پر چیئرمین سینی ٹیشن کمیٹی ارشد خان، ڈائریکٹر پارکس ندیم حنیف او ردیگر بلدیاتی افسران بھی انکے ہمراہ موجود تھے ۔ چیئرمین ریحان ہاشمی نے کہا کہ ضلع وسطی میں صفائی ستھرائی کا عمل تسلسل سے جاری ہے جس کے تحت بلدیہ وسطی سے روزآنہ کچرا اٹھا کر لینڈ فل سائیڈ منتقل کیا جارہا ہے۔ انہوں نے کہا کہ ضلع وسطی میں کئی پلے گراؤنڈ اور پارکس میں کچرے کے انبار لگے ہوئے تھے ۔بلدیہ وسطی کی انتظامیہ کی شب و روز کوشش سے ترجیحی بنیادوں پر پارکس و پلے گراؤنڈ کو کچرے سے پاک کیا تاکہ نوجوانوں کو صحت مند سرگرمیوں کے انعقاد کے مواقع حاصل ہو ں،اس موقع پر رکن قومی اسمبلی شیخ صلاح الدین نے کہا کہ حق پرست بلدیاتی نمائندے اپنے شہریوں اورخاص کر نوجوانوں کو صحت مند آلودگی سے پاک ماحول کی فراہمی میں دن رات کوشاں ہے ۔ یہی وجہ ہے کہ ضلع وسطی کے پارکس اور پلے گراؤنڈز کی رونق بحال ہورہی ہے ۔اس موقع پر علاقہ مکینوں نے صفائی اور دیگر بلدیاتی امور کے حوالے سے دی جانے والی سہولیات پر چیئرمین ریحان ہاشمی اور ان کی ٹیم کا شکریہ ادا کیا ۔واضح رہے کہ بلدیہ وسطی نے وسائل کی کمی کو خاطر میں نہ لاتے ہوئے بھی روز آنہ کی بنیاد پر صفائی کا عمل جاری رکھا ہوا ہے محکمہ سینی ٹیشن کے افسران و عملہ مشینری کی کمی کے باوجود کوڑاکرکٹ اُٹھا کر کھلے علاقوں میں قائم کچرا کونڈیوں میں منتقل کرتے ہیں جہاں سے ہیوی مشینری کے زریعے کچرے کو شہر سے باہر مقررہ مقام پر ڈسپوز کررہے ہیں۔چیئرمین نے کہا کہ جلد ہی بلدیہ وسطی صاف اور شفاف ضلع کی صورت اختیار کرلے گا ۔

12th Jan 2018 DMC Central Karachi Press Release

11th Jan 2018 DMC Central Karachi Press Release

11th Jan 2018 DMC Central Karachi Press Release

کراچی ( )کراچی کو پاکستان کا دل اور منی پاکستان کہہ دینا ہی کافی نہیں ہے ضرورت اس بات کی ہے کہ حکومت اس حقیقت کو کھلے دل سے تسلیم کرتے ہوئے پاکستان کے دل کو مضبوط کرے ،پاکستان کی ترقی کیلئے کراچی کی ترقی ضروری ہے ۔ان خیالات کا اظہار وائس چیئرمین بلدیہ وسطی سید شاکر علی نے سوات کے بلدیاتی وفد سے ملاقات کے دوران کیا ۔انہوں نے مزید کہا کہ کراچی پاکستان کا معاشی حب ہے جو 70% فیصد ریونیو جرنیٹ کرکے پاکستان کی تعمیر و ترقی میں اپنا کردار بھر پور انداز میں ادا کررہا ہے ۔حکو مت وقت کی ذمہ داری ہے کہ وہ کراچی اور کراچی میں رہنے والے لوگوں کی جائز حقوق ان کے حوالے کرے۔انہوں نے مزید کہا کہ ہم اپنے محدود وسائل کے باوجود ضلع وسطی کے مکینوں کو مکنہ بلدیاتی سہولتیں فراہم کررہے ہیں ۔اس موقع پر سوات کے بلدیاتی وفدکے سربراہ نے سید شاکر علی کی بات سے اتفاق کرتے ہوئے کہا کہ پاکستان کی ترقی کراچی کی ترقی کے بغیر ممکن نہیں حکومت سندھ کراچی کے منتخب بلدیاتی نمائندوں کو اُن کے جائز اختیارات اور فنڈ فراہم کرے تاکہ کراچی کے عوام کو بلدیاتی سہولیات کی فراہمی با آسانی ممکن ہو۔انہوں نے مزید کہا کہ محدود فنڈ کے باوجودچیئرمین بلدیہ وسطی اور وائس چیئرمین جس طرح ضلع وسطی کی عوام کوبلدیاتی سہولتیں فراہم کرنے کے ساتھ ساتھ ترقیاتی کام سر انجام دے رہے ہیں وہ قابل تحسین ہیں ۔بعد ازاں سوات کے وفد نے چیئر مین بلدیہ وسطی ریحان ہاشمی ،وائس چیرمین سید شاکر علی کو تحائف اور شیلڈ پیش کیں اور سوات کے لوگوں کی جانب سے نیک خواہشات کا پیغام دیا۔ 

11th Jan 2018 DMC Central Karachi Press Release

10th Jan 2018 DMC Central Karachi Press Release

10th Jan 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کی ہدایت پر فیملی پارک یونین کونسل 28 ، بلاک 12، فیڈرل بی ایریا میں 7جنوری کو شروع ہونے والی گلِ داؤدی کی نمائش اپنے پورے آب و تاب سے جاری ہے۔اس نمائش میں گل داؤدی کے 100اقسام کے پھول اور 20ہزار سے زائد پودے رکھے گئے ہیں جو لوگوں کو اپنی طرف متوجہ کررہے ہیں ۔ ۔چیئرمین ریحان ہاشمی نے محکمۂ باغات کو ہدایت کی ہے کہ نمائش کے دنوں میں عوام کو کسی قسم کی تکلیف کا سامنا نہ کرناپڑے۔ محکمہء باغات کے کارکنان عوام کی رہنمائی کے لئے رات دیرتک موجود رہیں۔اور وہاں آنے والی عوام کو گُل داؤدی کے بارے میں معلومات فراہم کرتے ہوئے بتایا کہchrysantehmum گل داودی جاپان کا قومی پھول ہے بنیادی طور پر یہ سرد ممالک کا پھول ہے جس کو دنیا کے بیشتر ممالک میں پزیرائی حاصل ہوئی ہے ایشیا کے بہت سے ممالک میں اس پھول کو ابال کر بطور مشروب استعمال کیا جاتا ہے ، اہلِ علاقہ اپنے اہلِ خانہ ، خواتین اور بچوں کے ہمراہ سینکڑوں کی تعداد میں جوق در جوق نمائش دیکھنے آرہے ہیں۔نمائش کی خاص بات یہ ہے کہ ہر طبقۂ فکر اور شعبے سے تعلق رکھنے والے افراد قلمکار، صنعتکار، طلباو طالبات، گھریلوخواتین ، اساتذہ اور فنکار بھی گُلِ داؤدی کی نمائش میں دلچسپی لے رہے ہیں۔چار دنوں میں تقریباً بارہ ہزار افراد نے اپنے اہلِ خانہ کے ہمراہ نمائش سے استفادہ کیا۔ ہر عمر کے خواتین و حضرات گلِ داؤدی کے ہمراہ سیلفی بنواتے رہے ۔7 جنوری سے شروع ہونے والی نمائش11؍جنوری 2018ء ؁ تک جاری رہے گی۔

10th Jan 2018 DMC Central Karachi Press Release

9th Jan 2018 DMC Central Karachi Press Release

9th Jan 2018 DMC Central Karachi Press Release

کراچی ( )ایم کیو ایم پاکستان کے ڈپٹی کنوینر کامران ٹیسوری نے کہا کہ مہاجر شناخت کو اورمہاجروں کو ختم کیا جارہا ہے ،کم وسائل میں رہ کر ہم اپنے شہریوں کیلئے ان کے علاقوں میں بنیادی کام کروائیں گے یہی ہمارا بنیادی مقصد ہے ۔ وہ نارتھ کراچی سیکٹر 5-F میں دعا چوک تا بلال مسجد جانے والی سڑک کی تزئین وآرائش کے بعد افتتاحی تقریب میں خطاب کر رہے تھے اس موقع رکن رابطہ کمیٹی و رکن قومی اسمبلی عبدالوسیم خان ،رکن قومی اسمبلی شیخ صلاح الدین ،رکن صوبائی اسمبلی جمال احمد ،چیئرمین بلدیہ وسطی ریحان ہاشمی ،وائس چیئرمین سید شاکر علی ،میونسپل کمشنر آفاق سعید ،یونین کمیٹی ۱۰ کے چیئرمین محمد عابد ،وائس چیئرمین کاشف جمال ،جرنل کونسلر محمد سلیم ،سید فیروز حسن ،محمد غفران ،لیبر کونسلر مشاہد علی خان اور یوتھ کونسلر افتخار اور عوام کی بڑی تعداد بھی موجود تھی ۔رکن رابطہ کمیٹی و رکن قومی اسمبلی عبدالوسیم خان نے کہا کہ مسائل بہت زیادہ ہیں اور وسائل بہت کم ہیں جہاں جہاں ہمارے نمائندے موجود ہیں وہاں وہاں عوام کو سہولیات ضرور پہنچائیں گے ۔رکن قومی اسمبلی شیخ صلاح الدین نے کہا کہ تمام حق پرست اراکین کی جدوجہد ہے کہ کراچی کی عوام کو ریلیف مل جائے وسائل بہت کم ہیں وعدہ نہیں کرتے لیکن بنیادی سہولتیں عوام تک پہنچانے میں ڈسڑکٹ سینٹرل کے چیئرمین اور وائس چیئرمین مبارک باد کے مستحق ہیں ۔ اس موقع پر چیئرمین بلدیہ وسطی ریحان ہاشمی نے کہا کہ دعا چوک تا بلال مسجد سڑک کی تزین وآرائش میں سڑک پر الیکٹرک کے پول اور لائٹس نصب کی گئیں جبکہ گرین بیلٹس سے درختوں کی چھٹائی اور کچرے کو اُٹھا نے کے ساتھ تزئین و آرائش کی گئی اور ہزاورں پھول پودے لگائے گئے جبکہ تجاوزات کے خلاف مہم چلائی گئی جسکے بعد آج یہ شاہراہ ضلع وسطی کی بہترین شاہراہ کی حیثیت اختیار کر گئی ہے ریحان ہاشمی نے مزید کہا کہ حکومت سند ھ کی بے اعتنائی اور فنڈز کی کمی کے باعث پیدا ہونے والے نامساعد حالات ہمارے عزم کی راہ میں رکاوٹ نہیں بن سکتے ۔ انہوں نے کہا کہ بلدیہ وسطی دستیاب وسائل کو بہتر منصوبہ بندی کے تحت خرچ کرتی ہے تاکہ محدود زرائع سے ذیادہ سے ذیادہ فائدہ اٹھایا جاسکے۔انہوں نے بتایا کہ بلدیہ وسطی کی ہر یوسی میں ماڈل سڑک تعمیر کی جائیگی۔چیئرمین نے کہا کہ ہمارے ساتھ عوام کا تعاون ہے اور انشاء اللہ ہم بلدیہ وسطی کو دوسرے اضلاع میں نمایاں مقام دلاکر رہیں گے ۔اس موقع پروائس چیئرمین سید شاکر علی نے عوام سے خطاب کرتے ہوئے کہا کہ تمام تر منفی حربے استعمال کرنے کے بعد آج بھی آپ کا وہ جنون زندہ ہے وہ جذبہ زندہ ہے جو نیو کراچی اور نارتھ کراچی کی پہچان رہی ہے ۔ کراچی نے ہمیشہ اپنے کردار سے اپنا حصہ لیا ، لوگوں کی کوشش رہی کہ کراچی کے حصے کو کم کرنے کے لئے کراچی کو تقسیم کردیا جائے آج کا یہ مجمع ان تقسیم کرنے والوں کے منہ پر طمانچہ ہے جو کراچی کو تقسیم کرنے کا خواب دیکھ رہے ہیں ۔

9th Jan 2018 DMC Central Karachi Press Release