18th Jan 2018 DMC Central Karachi Press Release

18th Jan 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ محدود وسائل کے باوجود عوام کو بہترین بلدیاتی سہولیات بہم پہنچارہے ہیں ان خیالات کا اظہار انہوں یونین کمیٹی نمبر ۱۵ سیکٹر 7-D نارتھ کراچی میں صفائی ستھرائی اور اسٹریٹ لائٹس کی تنصیب کے کام کا معائنہ کرتے ہوئے کیا اس موقع پر متعلقہ یوسی کے وائس چیئرمین عفان سلیم ،ڈپٹی ڈائریکٹر مکینکل نیو کراچی تاج محمد پٹھان ،ایکسین بلڈنگ و روڈ نازش رضا و دیگر بلدیاتی افسران بھی انکے ہمراہ تھے چیئرمین ریحان ہاشمی نے افسران کو ہدایت کی کہ عوام کو سہولیات کی فراہمی میں کسی بھی قسم کی کوتاہی نہ برتی جائے انہوں نے کہا کہ محدود وسائل میں رہتے ہوئے عوامی فلاح بہبود کاموں کو ترجیحی بنیادو پر انجام دئیے جائیں ریحان ہاشمی نے اس موقع پر موجود علاقے کے معززین سے گفتگو کرتے ہوئے کہا کہ بلدیہ وسطی ضلع وسطی کو بہترین ضلع بنانے میں اپنے تمام دستیاب وسائل کو برؤے کار لارہی ہے انہوں نے کہا کہ ضلع میں بیشتر پارکس و پلے گراؤنڈز کو تزئین و اآرائش کے بعد عوام کو انکی دہلیز پر تفریح اور نوجوانوں کو کھیل کود کے مواقع فراہم کئے گئے ہیں انہوں نے کہا کہ ضلع وسطی سے لاکھوں ٹن کچرا ٹھکانے لگایا گیا ہے جبکہ ضلع وسطی روشنی کے بہتر انتظام کے لئے مین شاہراہوں اور لنک روڈ پر اسٹریٹ لائٹس کی تنصیب کو بھی ممکن بنادیا گیا ہے جبکہ ٹوٹ پھوٹ کی شکار سڑکوں کو بھی درست کیا جارہا ہے انہوں نے کہا کہ پانی و سیوریج لائنوں کی لیکج کی وجہ سے بیشتر علاقوں کی سڑکیں بد حالی کا شکار ہیں اور علاقے گندے پانی کے جوہڑ دکھائی دیتے ہیں انہوں نے کہا کہ ہم عوامی نمائندے ہیں اور عوام ہم سے امید رکھتے ہیں انہوں نے کہا کہ حق پرست بلدیاتی نمائندے عوام کے مسائل حل کرنے کا واحد ذریعہ ہیں انہوں نے کہا کہ ناکارہ سیوریج سسٹم کی وجہ سے کراچی کی اہم شاہراہیں ٹوٹ پھوٹ کاشکار ہیں تاہم بلدیہ وسطی اپنی مدد آپ کے تحت اپنی عوام کو سیوریج کے مسائل سے نجات دلانے کے لئے کئی مقامات پر سیوریج لائنوں کی بحالی کے کام بھی انجام دے رہی ہے انہوں نے کہا کہ جو کام واٹر اینڈ سیوریج بورڈ کو کرنا چاہیئے وہ کام بلدیہ وسطی اپنے محدود وسائل میں رہتے ہوئے انجام دے رہی ہے ۔اس موقع پر علاقہ مکینوں نے اُن کے دیرینہ مسئلے کو حل کرنے پر چیئرمین بلدیہ وسطی اور ان کی ٹیم کا شکریہ ادا کیا ۔

18th Jan 2018 DMC Central Karachi Press Release

17th Jan 2018 DMC Central Karachi Press Release

17th Jan 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ حق پرست قیادت نوجوانوں کوذہنی و جسمانی طور پر صحت مند بنانے اور انھیں کھیل کود کے مواقع فراہم کرنے میں اپنا کردار ادا کرتی رہے گی ان خیالات کا اظہار انہوں نے اپنے دفتر میں کراچی باڈی بلڈنگ ایسوسی ایشن کے عہداداران کے و فد سے ملاقات کے دوران گفتگو کرتے ہوئے کیا ۔ اس موقع پر سندھ باڈی بلڈنگ ایسوسی ایشن کے جنرل سیکریٹری سعید جمیل ،کراچی باڈی بلڈنگ ایسوسی ایشن کے سیکریٹری شمیم رضا ،جوائنٹ سیکریٹری محمد شریف خان ،ڈسٹرکٹ سینٹرل باڈی بلڈنگ ایسوسی ایشن کے چیئرمین نور محمد و دیگر عہداران موجود تھے ریحان ہاشمی نے مزید کہا کہ بلدیہ وسطی اپنے عوام بلخصوص نوجوانوں کو صحت مند ماحول فراہم کرنے کے لئے پارک و پلے گراؤنڈز کی بحالی میں کوشاں ہے انہوں نے کہا کہ ضلع وسطی میں قائم پارکس و پلے گراؤنڈز میں ترقیاتی کام جاری ہیں تاکہ عوام بلخصوص نوجوانوں کو تفریحی سہولیات کے ساتھ ساتھ صحت مند سرگرمیوں کے نفاذ کے مواقع حاصل ہوسکیں اس موقع پر کراچی باڈی بلڈنگ ایسوسی ایشن کے وفد کے سربراہ نور محمد نے چیئرمین ریحان ہاشمی کو ضلع وسطی باڈی بلڈنگ کلب اور جم کو درپیش مسائل سے آگاہ کیا وفد کے سربراہ نور محمد نے بتایا کہ سپریم کورٹ کے احکامات کی روشنی میں KDA تجاوزات کے خاتمے میں اہم کردار ادا کر رہی ہے مگر ایسے میں بہت سے جم اور باڈی بلڈنگ کلب کو بھی تجاوزات بنا کر پیش کیا جارہا ہے جو کہ کسی طور صحیح نہیں ہے انہوں نے کہا کہ ضلع وسطی میں قائم جم اور باڈی بلڈنگ کلب کا کسی بھی جگہ ناجائز قبضہ نہیں ہے اور نہ ہی کوئی منافع بخش کاروبار ہے نور محمد نے کہا کہ ضلع وسطی میں قائم جم اور باڈی بلڈنگ کلب KMC اور DMC کی جگہوں پر قائم ہیں جبکہ جم اور باڈی بلڈنگ کلب کی جانب سے متعلقہ اداروں کو چالان بھی ادا کیا جاتا ہے وفد نے چیئرمین بلدیہ وسطی ریحان ہاشمی سے اپیل کی ہے کہ وہ نوجوانوں کی جسمانی اور زہنی نشونما کرنے والے جم اور باڈی بلڈنگ کلب کو مسمار ہونے سے بچائیں تاکہ ہمارے نوجوان مستقبل میں صحت مند زندگی گزار سکیں اس موقع پر چیئرمین بلدیہ وسطی ریحان ہاشمی انھیں اپنے بھرپور تعاون کی یقین دہانی کروائی

17th Jan 2018 DMC Central Karachi Press Release

16th Jan 2018 DMC Central Karachi Press Release

16th Jan 2018 DMC Central Karachi Press Release

کراچی ( ) حق پرست بلدیاتی نمائندے عوام کی خدمت کے لئے فنڈز کے محتاج نہیں ہے ان خیالات کااظہار میئر کراچی وسیم اختر نے بلدیہ وسطی کے مرکزی دفتر کے دورے کے موقع پر گفتگو کرتے ہوئے کیا وہ چیئرمین بلدیہ وسطی ریحان ہاشمی کے ہمراہ بلدیہ وسطی کی جانب سے اپنی مدد آپ کے تحت خریدی جانے والی سڑک کی تعمیر میں استعمال کی جانے والی لائٹ مشینری(روڈ کٹر،کمپیکٹر ،ڈرل مشین ) کے کام کا عملی مظاہرہ دیکھ رہے تھے اس موقع پر میونسپل کمشنر آفاق سعید،سپریٹنڈنگ انجینئر ،عبدالرزاق میمن، ایکسین نیو کراچی نازش رضا و دیگر بلدیاتی افسران بھی موجود تھے میئر کراچی وسیم اختر نے عوام کی خدمت کے حوالے سے بلدیہ وسطی کی کاوشوں کو سراہاتے ہوئے کہا کہ فنڈز کی کمی کے باوجود بلدیہ وسطی کے چیئرمین ریحان ہاشمی عوامی فلاح بہبود کے کام ترجیحی بنیادوں پر انجام دے رہے ہیں وہ قابل ستائش ہے میئر کراچی وسیم اختر نے کہا کہ بلدیہ وسطی کی جانب سے اپنی مدد آپ کے تحت خریدی جانے والی مشینری ضلع وسطی کی ترقی میں سنگ میل ثابت ہوگی انہوں نے کہا کہ اگر تمام ضلعی بلدیاتی ادارے بلدیہ وسطی کے اس کام کی تقلید کریں اور حکومت سندھ پر انحصار کرنے کے بجائے خود انحصاری کی پالیسی اپنائی جائے تاکہ عوام کو انکی دہلیز پر سہولیات کی فراہمی کو ممکن بنایا جائے اس موقع پر چیئرمین بلدیہ وسطی ریحان ہاشمی نے میئر کراچی وسیم اختر کو مشینری کے بارے میں تفصیلات فراہم کی انہوں نے کہا کہ بلدیہ وسطی کو فراہم کیا جانا والافنڈز ملازمین کی تنخواہوں کی ادائیگی کے بعد کسی بھی قسم کے ترقیاتی کام کے لئے ناکافی ہوتا ہے ریحان ہاشمی نے کہا کہ عوام کو صاف و شفاف ماحول فراہم کرنے کے لئے بلدیہ وسطی کی انتظامیہ اپنے غیر ترقیاتی اخراجات میں کمی کرکے عوام کو بلدیاتی سہولیات کی فراہمی کو ممکن بنا رہی ہے انہوں نے کہا کہ بلدیہ وسطی ضلع میں بڑے پیمانے پر ترقیاتی کام تو نہیں کر سکتی مگر اپنے محدود وسائل میں رہتے ہوئے ممکنہ اقدامات کر رہی ہے ۔ 

16th Jan 2018 DMC Central Karachi Press Release

15th Jan 2018 DMC Central Karachi Press Release

15th Jan 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی نے کہا کہ حق پرست قیادت تعلیم کو عام کرنے میں اپنا کرادار ادا کرہی ہے تاہم وسائل کم ہیں لیکن جذبے لامحدود ہیں ۔ہم نا مساعد حالات اور وسائل کی کمی کے باوجود عوام کی خدمت کے کاموں کو بہتر طریقے سے سر انجام دے رہے ہیں۔وہ ڈاکٹر محمود الحسن گرلز و بوائز پرائمری و سیکنڈری اسکول 5-D نیو کراچی یونین کمیٹی نو میں WWF کی جانب سے ADOPT FOR GREEN پروگرام میں شریک طلباء و طالبات میں تقسیم اسناد کے حوالے سے منعقدہ تقریب میں شریک تھے ۔اس موقع پر رکن رابطہ کمیٹی ایم کیو ایم پاکستان و رکن قومی اسمبلی عبدالوسیم خان ،چیئرمین اسٹینڈنگ کمیٹی تابش جیلانی ،چیئرپرسن انفارمیشن صوبیہ اکرم ،ڈائریکٹر ایجوکیشن شمس العارفین ،ڈپٹی ڈائریکٹر فیض احمد ،پرنسپل سائرہ خان ،WWF کے نمائندہ محترمہ اقراء اور مختلف اسکول کے اساتذہ کرام طلباء و طالبات کی بڑی تعداد موجود تھی ۔انہوں نے مزید کہا کہ ADOPT FOR GREEN مہم کا بنیادی مقصد طلباء میں شعور پیدا کرکے مستقبل کا کامیاب انسان بنانا ہے انہوں نے کہا کہ اس مہم میں طلباء نے جو کچھ سیکھا ہے وہ اپنے گھروں میں اور دوستوں میں ضرور شیئر کریں ۔انہوں نے مزید کہا کہ بلدیہ وسطی کے لئے اعزاز کی بات ہے کہ بلدیہ وسطی کے اسکول کے بچوں کو سکھر وزٹ کے لئے چنا گیا ہے ۔اس دورے میں بچے دریا کے پانی میں کیمیکل کی آمیزش کی وجہ سے ہونے والے نقصانات اور ان کے سد باب کے بارے میںآگاہی حاصل کریں گے ۔رکن قومی اسمبلی عبدالوسیم خان نے کہا کہ تعلیم یافتہ ماں تعلیم یافتہ معاشرے کی تشکیل میں اہم کردار ادا کرتی ہے انہوں نے مزید کہا کہ تعلیم کے ذیور سے آراستہ قومیں ہی ترقی کے منازل طے کرتی ہیں۔ اس موقع پر WWF کی نمائندہ محترمہ اقراء نے ADOPT FOR GREEN کے پروگرام کی اہمیت پر روشنی ڈالی انہو ں نے بلدیہ وسطی کے چیئرمین ریحان ہاشمی ،وائس چیئرمین سید شاکر علی ،اور ان کی پوری ٹیم کو اہلیان ضلع وسطی کو کلین و گرین ماحول کی فراہمی اور بلدیہ وسطی کے اسکولوں کے تعلیمی معیار کو پرائیویٹ اسکول کے معیار پر لانے کی کوششوں کو سراہا ۔بعد ازاں مہم میں حصہ لنے والے طلباء و طالبات میں سرٹیفکٹ تقسیم کئے گئے ۔

کراچی ( )چیئرمین بلدیہ وسطی ریحان ہاشمی نے کہا کہ پودے ماحولیاتی آلودگی کو ختم کرنے کے ساتھ ساتھ ماحول کو خوبصورت بنانے میں معاون ثابت ہوتے ہیں ،انہوں نے کہا کہ حق پرست بلدیاتی نمائندے عوام کو ہرممکنہ سہولیات کی فراہمی کے لئے شب و روز کوشاں ہیں ،وہ نارتھ کراچی سیکٹر 5-M کے اطراف میں گرین بیلٹ کی تزین و آرائش کے کام کا معائنہ کررہے تھے اس موقع پر رکن رابطہ کمیٹی ایم کیو ایم پاکستان و رکن قومی اسمبلی عبد الوسیم خان و دیگر متعلقہ افسران بھی موجود تھے ۔انہوں نے متعلقہ افسران کو کام کی رفتار تیز کرنے کی ہدایت دیتے ہوئے کہا کہ گرین بیلٹ کی تزین و آرائش کا کام جلد از جلد مکمل کیا جائے۔تاکہ بلدیہ وسطی نے ضلع وسطی کے مکینوں کو عوامی سہولتوں کی فراہمی کے حوالے سے جو تحائف دینے کا سلسلہ شروع کیا ہے وہ جاری رہے۔ انہوں نے کہا کہ ماحول کو آلودگی سے پاک کرنے کیلئے عوامی آگاہی مہم بہت ضروری ہے ۔WWF کے تعاون سے بلدیہ وسطی کے اسکولوں میں پچھلے دو ماہ سے ماحول کی آلوگی کے حوالے سے بچوں کو آگاہی مہم کے زریعے معلومات فراہم کی جارہی ہے انہوں نے مزید کہا کہ فنڈ کی کمی کی وجہ سے ہمیں مشکلات کا سامنا تو کرنا پڑ رہا ہے لیکن بلدیہ وسطی کی انتظامیہ بہترین حکمت عملی کے تحت ضلع کی مختلف یونین کمیٹیوں میں مرحلہ وار ترقیاتی کام سر انجام دے رہی ہے جن میں صفائی ستھرائی، سڑکوں کی استر کاری کے ساتھ فٹ پاتھوں پر رنگ و روغن اور ضلع وسطی میں قائم گرین بیلٹس پر خوشنما اور پھولدار پودے اور چورنگیوں پر بیوٹی فیکیشن کاکام تیزی سے جاری ہے بلدیہ وسطی کی جانب سے ضلع کے داخلی راستوں پر خوبصورت پھول پودے اور مونیمنٹس بنائے جارہے ہیں تاکہ ضلع وسطی میں داخل ہونے والے شہریوں کو خوشگوار احساس ہو ۔ 

15th Jan 2018 DMC Central Karachi Press Release

14th Jan 2018 DMC Central Karachi Press Release

14th Jan 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ سب سے اہم بات جو بلدیاتی مسائل کے حل کے لئے سامنے رکھی جارہی ہے وہ ہر یونین کمیٹی میں بلا امتیاز خدمات کی فراہمی ہے، رنگ،نسل مذہب وسیاسی وابستگی سے بالا تر ہو کر محدود دستیاب وسائل میں رہتے ہوئے خدمات کی فراہمی ہماری اولین ترجیح ہے۔ ہمیں عوام کا تعا ون حاصل ہے کیونکہ عوام یہ با خوبی جانتی ہے کہ انہوں نے حق پرست نمائندوں کو منتخب کر کے درست فیصلہ کیا اور ہماری بھی کو شش ہے کہ عوام نے ہم پر جو اعتماد کیا ہے اس پر پورا اتریں اور ضلع وسطی کے مکینوں کو بھر پور سہو لتیں فراہم کریں گے۔وہ شادمان ٹاون میں سڑکوں کی پیوند کاری اور گرین بیلٹس کی صفائی ستھرائی کے ساتھ تزین و آرائش کے کام کا معائنہ کررہے تھے اس موقع پر ان کے ہمراہ رکن صوبائی اسمبلی جمال احمد اور دیگربلدیاتی افسران بھی موجود تھے ،اس موقع پر انہوں نے کہا کہ بلدیہ وسطی عوام کو بلدیاتی سہولیات کی فراہمی میں کوئی کسر نہیں چھوڑے گی انہوں نے متعلقہ محکمہ کے افسران کو ہدایت کی کہ سڑکوں کی تعمیر میں استعمال ہونے والے میٹریل کی اچھی طرح جانچ پڑتال کریں تاکہ پختہ اور پائیدار سڑکیں بنائی جائیں جن سے عوام لمبے عرصے تک استفادہ حاصل کر سکیں انہوں نے کام کی رفتار کو تیز کرنے پر بھی زور دیا،وہاں پر موجود عوام سے گفتگو کرتے ہوئے انہوں نے کہا اپنے گھروں کے ساتھ ساتھ علاقوں کو بھی صاف ستھراء رکھیں اور بلدیہ وسطی کی مقرر کردہ جگہوں پر کچرا ڈالیں ،گرین بیلٹس کو کچرے کا ڈھیر نہ بنائیں۔

14th Jan 2018 DMC Central Karachi Press Release