9th Feb 2018 DMC Central Karachi Press Release

9th Feb 2018 DMC Central Karachi Press Release

کراچی ( ) پاکستان کو ترقی یافتہ ملک بنانے کیلئے ضروری ہے کہ ہم اپنے بچوں کو جدید علوم اور ٹیکنالوجی کی تعلیم فراہم کریں ،ذہین طلباوطالبات قوم کی امیدوں کا محور ہیں ، بہتر تعلیم اور تربیت کے بغیر کوئی قوم حقیقت میں ترقی نہیں کر سکتی ، تعلیمی اداروں میں مثبت ہم نصابی سرگرمیاں طلباء و طالبات کی صلاحیتوں کو نکھارتی ہیں ۔ ان خیالات کا اظہار چیئرمین بلدیہ وسطی ریحان ہاشمی نے الحمید سیکنڈری اسکول نارتھ کراچی میں منعقدہ فن گالا میں شرکت کے دوران کیا اس موقع پر ان کے ہمراہ پرنسپل اسکول عبدالحمید ،اسکول کے طلبا ء و طالبات اور اساتذہ کرام بھی موجود تھے ۔فن گالا میں بچوں اور بڑوں کی دلچسپی کے لئے مختلف اسٹالز لگائے گئے تھے ،۔اس موقع پر بچوں نے ملی نغمے ،ٹیبلو ،تقاریرپیش کیں۔ اسکول پرنسپل عبدالحمید نے استقبالیہ تقریر میں فن گالا منعقد کرنے کے اغراض و مقاصد بیان کرتے ہوئے کہا کہ اس پروگرام کا مقصد طلباء کی پوشیدہ صلاحیتوں کو اُجاگر کرنے کے ساتھ ساتھ انہیں تعلیم سے بھر پور فائدہ اُٹھاتے ہوئے اپنے ٹیلنٹ کے اظہار کا موقع فراہم کرنا ہے۔بعد ازاں چیئر مین بلدیہ وسطی ریحان ہاشمی نے فن گالا میں لگائے گئے اسٹالز کا معائنہ کیا اور پاکستان کی صوبائی ثقافت کی عکاسی کرنے والے اسٹالز کی خصوصی تعریف کی اور طلباء و طالبات کی کاوشوں کو سراہا،

9th Feb 2018 DMC Central Karachi Press Release

8th Feb 2018 DMC Central Karachi Press Release

8th Feb 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے کہا کہ ضلع وسطی کے مکینوں کو صحت مند ماحول فراہم کرنے کیلئے دن رات کوشاں ہیں۔ منتخب بلدیاتی نمائندوں کی عدم موجودگی کی وجہ سے کراچی مسائل کا شہر بن چکا تھا۔ضلع میں موجود پارکس ویران ہوچکے تھے اور عوام سے صحت مند تفریح کے مواقع چھین لئے گئے تھے حق پرست بلدیاتی قیادت نے بلدیات کا چارج لینے کے بعد بلدیہ وسطی کے مختلف شعبہ جات کو فعال کیا ۔وہ ذیشان حیدر پارک ناظم آباد کا دورہ کررہے تھے اس موقع پر سٹی کونسل ممبر (ممبر فنانس کمیٹی ) سیدہ تحسین عابدی ،ایڈیشنل ڈائریکٹر پارکس شریف خان و دیگر بلدیاتی افسران بھی موجود تھے ۔چیئرمین نے کہا کہ محکمہ سینی ٹیشن صفائی ستھرائی کے کام کوبھر پور انداز میں سر انجام دے رہا ہے ،بلدیہ وسطی ضلع کے اُجڑے ہوئے پارکس و پلے گراؤنڈز کی مرمت اور تز ئین و آرائش کے ساتھ ساتھ26 کلو میٹر گرین بیلٹس کو شجر کاری کے زریعے دلکش اور خوبصورت پھول پودوں سے آراستہ کر رہی ہے ،چیئرمین نے مزید کہا کہ بلدیہ وسطی کی انتظامیہ فنڈز کی کمی کی وجہ سے مرحلہ وار پارکس ،پلے گراؤنڈز اور شاہراہوں کی تعمیر اور تزین و آرائش کررہی ہے حق پرست بلدیاتی قیادت نے ایک سال کی مختصر مدت میں تقریباً 65 پارکس و پلے گراؤنڈز کو آباد کرکے عوام کے حوالے کردیا ہے انہوں نے مزید کہا کہ بلدیہ وسطی کی نرسریوں میں بڑی تعداد میں پھول دار پودے تیار کئے جارہے ہیں جو بلدیہ وسطی کے پارکس اور گرین بیلٹس کی خوبصورتی میں اضافہ کرنے کے لئے استعمال کئے جا ئیں گے ۔ سٹی کونسل ممبر سیدہ تحسین عابدی نے کہا کہ بلدیہ وسطی کی مرکزی آفس میں داخل ہوتے ہی احساس ہوتا ہے کہ موسم بہار شروع ہوگیا ہے ریحان ہاشمی نے آفس کے سبزہ زار کو جس طرح پھولوں سے آراستہ کیا ہے وہ قابل دید ہے ۔

8th Feb 2018 DMC Central Karachi Press Release

7th Feb 2018 DMC Central Karachi Press Release

7th Feb 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کہتے ہیں کہ اہل کراچی کو اب اس بات کا مکمل احساس ہوچکا ہے کہ سندھ گورنمنٹ ان کے منتخب نمائندوں کو جائز اختیارات اور کراچی کی ترقی کیلئے لئے فنڈز دینے کے لئے تیار نہیں ہے ۔وہ بزنس مین کمیونیٹی کی جانب سے دیئے گئے عشائیے میں شریک تھے ۔اس موقع پر بزنس مینز،جرنلیٹس،رائٹرز اور دیگر شعبہ جات سے تعلق رکھنے والے افراد بھی موجود تھے۔چیئرمین بلدیہ وسطی نے کہا کہ آج کا عشائیہ اور ہم سب کا ایک جگہ جمع ہونے کا مقصد کراچی اور بالخصوص ضلع وسطی کی تعمیر و ترقی ہے ۔انہوں نے مزید کہا کہ حق پرست منتخب بلدیاتی قیادت کے ساتھ ساتھ اہل کراچی نے عزم کرلیا ہے کہ کراچی کی تعمیر و ترقی اپنی مدد آپ کے تحت کرنی ہوگی ۔ہمیں کسی پر انحصار کرنے کہ بجائے خود انحصاری کی پالیسی کو اپنانا ہوگا ۔اس موقع پر عشائیے میں شریک افراد نے چیئرمین بلدیہ وسطی ریحان ہاشمی کو اس بات کا یقین دلایا کہ وہ کراچی اور ضلع وسطی کی تعمیر و ترقی میں حق پرست قیادت کے شانہ با شانہ کھڑے ہیں۔واضع رہے کہ سندھ حکومت کے نا مناسب رویے کی وجہ سے مختلف NGO,s جن میں بحریہ ٹاؤن فاؤنڈیشن، آباد ،NEF ،انصار برنی ویلفیئر ٹرسٹ ، کیپٹن ترانہ اور دیگرادارے اور NGO,s بلدیہ وسطی کی انتظامیہ کے ساتھ مل کر ضلع وسطی کی تعمیر و ترقی میں اپنا کردار بھر پور انداز میں ادا کررہے ہیں۔

7th Feb 2018 DMC Central Karachi Press Release

6th Feb 2018 DMC Central Karachi Press Release

6th Feb 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی نے بوہری برادری کے زیر انتظام چلنے والے MSBاسکول میں منعقدہ تصویری اور فن پاروں کی نمائش میں طلبا ء و طالبات کی بنائی گئی پینٹینگز ، اسکیچز، خطاطی کے نمونے اور دیگر فن پاروں کی تعریف کی اور بچوں کی بنائی گئی پینٹینگز اور فن پاروں کو دیکھ کر کہا کہ انشاء اللہ یہ بچے صادقین اور گُل جی کے نقش قدم پر چلتے ہوئے مستقبل میں پاکستان کا نام پوری دنیا میں روشن کریں گے ۔اس مو قع پر رکن صوبائی اسمبلی جمال احمد ،اسکول پرنسپل ،اساتذہ اور بچوں والدین بھی موجود تھے ۔ریحان ہاشمی نے مزید کہا کہ MSBاسکول طلباء و طالبات میں فن مصوری اورفن خطاطی کی تربیت دے کر طلبا وطالبات کو اپنے ٹیلنٹ کے اظہار کا مواقع فراہم کررہا ہے۔انہوں نے مزید کہا کہ ذہین طلبا وطالبات پاکستان کا روشن مستقبل ہیں ، ان بچوں کو جدید تعلیم اور ٹیکنالوجی سے آراستہ کرنا ہماری ذمہ داری ہے ، تعلیمی اداروں میں مثبت ہم نصابی سرگرمیاں طلبا و طالبات کی صلاحیتوں کو نکھارتی ہیں۔طلباء قوم کی امیدوں کا محور ہیں،چیئرمین بلدیہ وسطی ریحان ہاشمی نے کہا کہ بوہری برادری تعلیم،میڈیکل اور دوسرے فلاح و بہبود کے کاموں میں بڑھ چڑھ کر حصہ لیتی ہے کراچی کی ترقی میں بوہری برادری اپنا بھر پور کردار ادا کرہی ہے ۔ 

6th Feb 2018 DMC Central Karachi Press Release

4th Feb 2018 DMC Central Karachi Press Release

4th Feb 2018 DMC Central Karachi Press Release

کراچی ( ) خدمت خلق عین عبادت ہے ،آج کے اس نفسا نفسی کے دور میں جو افراد یا ادارے اسپیشل بچوں اور اور سینئر سٹیزن کی فلاح بہبود کے لئے کام کر رہے ہیں ان کو خراج تحسین پیش کرتے ہیں وہ آغوش ہوم کی جانب سے بزرگ خواتین کے لئے منعقدہ پروگرام میں شریک تھے ۔چیئر مین بلدیہ وسطی ریحان ہاشمی نے کہا کہ اسپیشل سینئر سٹیزنز کو معاشرے میں ان کا جائز مقام دلانا ہم سب کی ذمہ داری ہے ہم نے سوشل ویلفیئر اسٹیٹ کا نام تو بہت سُنا ہے لیکن پاکستان میں اس پر امپلیمنٹ ہوتا ہوا نظر نہیں آیا آغوش ٹرسٹ اور اس طرح کے دوسرے ادارے اور درد مند افراد اس کار خیر میں حصہ لے رہے ہیں اور ان لوگوں کی دیکھ بھال کا فریضہ سر انجام دے رہے ہیں جنہیں معاشرے نے خود سے الگ کر دیا ہے ضرورت اس بات کی ہے کے اس حوالے سے عوامی آ گاہی کے پروگرام منعقد کر کے لوگوں کو اس جانب متوجہ کیا جائے انہوں نے آغوش ہوم کی سرپرست محترمہ شگفتہ کی کاوشوں کو سراہتے ہوئے کہا کہ بلدیہ وسطی کی انتظامیہ آ غوش ٹرسٹ کی انتظامیہ سے ہر ممکنہ تعاون کرنے کے لئے تیار ہے ۔واضع رہے آغوش ٹرسٹ پچھلے 14سالوں سے محترمہ شگفتہ کی سرپرستی میں انسانیت کی خدمت کر رہا ہے ،بزرگ خواتین جن کا کوئی نہیں یا بد قسمتی سے اپنوں کے ہونے کے با وجودلوگوں نے جنہیں مسئلہ سمجھ لیا ہے آغوش ہوم ان لوگوں کو نہ صرف چھت فراہم کر رہا ہے ساتھ ہی ساتھ ان کی تمام ضرورتوں ،علاج معالجے کا بھی مکمل خیال کر رہا ہے ،ضرورت اس بات کی ہے کہ ہم اپنی اخلاقی ذمہ داری نبھاتے ہوئے آغوش ٹرسٹ جیسے اداروں کو مضبوط کریں ۔

4th Feb 2018 DMC Central Karachi Press Release